#maikling tula

[aireelovesmoon]

"Just because you love me doesn't mean I feel loved by you"

learning each other's love language is important.

#aesthetic #lit #literature #love #poem #poems on tumblr #poetry #tagalog #taylor swift #taylornation #tula #maikling tula #sapphic poem #personal #prose #poets on tumblr #literary quotes #quotes #quoteoftheday

[lihimlihamtinta]

Masyado lang akong mayabang pero nakakatakot pala talaga mag isa.

#poetry #tula #spoken word #poem #poets on tumblr #tagalog poetry #tagalog #poems #maikling tula #tulatulaan #makalaya #makata #manulat #manunula #manunulat #spilledthoughts #spilledink

[annexca]

#171

Kailangan ba maging tula upang maalala mo?

Matalinghaga, may tugma, may sukat bawat sulok

Saan ang lugar ng mga karaniwang gaya ko?

Direkta, malaya, at sa langit ay tuldok

Kakayahan sa pagkalimot, tuluyang ginamot

Anong espesyal at mga tula'y 'di mo malimot?

Damdami'y ibunyag, gaano man kakomplikado

Kailangan ba maging tula upang maalala mo?

- SI TULA, ANG MAKATA

#tagalog #filipino #tula #poem #maikling tula

[thelakeswhereidie]

#spilled ink #poetry #poems on tumblr #maikling tula #tagalog poetry #tagalog poem #tula #original poem #poets on tumblr #thelakeswhereidie #calilyswan #tagalog #short poem

[wmab]

TAO KA LANG

Tao ka lang. Hindi lahat dapat mong kayanin. Ano ba naman ang saglit na pahinga? Humugot na ng di mapitas na buntong hininga. Pasukuin ang bigat ng buhay at palayain sila sa mga mata.

Kung balak buhatin ang mga bagay, kahit paano ay bumitaw sa sakit ng loob. Tao ka lang. Iinog ang walang pakialam na mundo kahit hindi ka magtuloy. Kaya magpahinga ka. Tao ka lang. Kahit hindi nila maintindihan. Kahit na parang ang pagtigil ay mortal na kasalanan. Kung wala nang matitira sa'yo ay paano ka pa magbibigay? Tao ka lang.

Saglit lang. Baka magalit pa sa'yo ang ningning ng pag-asang dala ng ulan. Ikulong mo muna ang mga pumapalahaw na bulong sa pusod ng mapanira nilang bahay-bahayan. Sa sulok ng isipan. Hanggang sa di na sila matagpuan. Nagyon na, huminto ka. Ang ingay sa ulo at mga tanong na makalaslas-pulso. Magpahinga ka para malaman mo. Kung hinahanap man, ang payapa ay dapat magsimula sa'yo. Tao ka lang.

Magpahinga ka. Tao ka lang.

-Wag Mo Akong Bitawan (WMAB)

#tula #mga tula #tagalog #tagalog poem #tagalog tula #pilipinas #pilipino #tulangtagalog #maikling tula #filipinopoems #poetic #prose poem #selfworth #self care #self love #tagalogpoem #tagalog hugot #tagalog post #pilipinx #poetic prose #philippines

[cmcstr]

Sa tapang at tahimik mong katangian

Sayo'y napahanga, may tanong sa isipan

Paano mo kaya iyan nagagawa?

Tila wala kang problemang dinadala

Ngunit sa likod ng katangiang ito

Nakita ka, isang araw, sa likod ng pinto

Umiiyak ng tahimik, ang hikbi'y pinipigil

Iyong binubuhos sakit ng damdamin

Bumukas ang isipan, aking napagtanto

Na kahit pala ikaw ay hindi perpekto

Na sa kabila ng katangiang ipinapakita mo

Isa ka rin palang tao, nasasaktan, humihingi ng saklolo...

04/06/24. 8:08 pm

#unsaid thoughts #poetry #maikling tula #filipinowrites #tagalog

[kristalismyfirstname]

Dear Diary,

Binibini

Ibalik n'yo ako sa panahong buhay ang katawagang "Binibini"... hindi "Chix."

Ibalik n'yo ako sa panahong inaalis ng ginoo ang kan'yang sumbrero upang yumuko't halikan ang likod ng aming palad.

Ibalik n'yo ako sa panahong may delikadesa at mariaclarang pag-uugali ang mga kababaihan, subalit may tapang at talino rin 'tulad ng isang nag-aalab na katipunera.

Ibalik n'yo ako sa panahong may lakas-loob ang mga kalalakihan upang mang-harana, ipag-igib ng tubig ang pamilya, magsibak ng kahoy, at umupo sa salas kasama ang ama ng iniirog upang pag-usapan ang mga plano sa kasal o magbahagi ng simpleng karunungan.

Ibalik n'yo ako sa panahong masisilayan pa ang mga karwahe't kabayo sa kalsada, kundimang harana sa balkonahe, tinta't pluma sa lamesa, mga lampara't sulat-kamay na liham.

Ibalik n'yo ako sa panahong hindi minamadali ang pag-ibig, sa panahong seryoso't isang permanenteng panata ang pag-iisang-dibdib sa simbahan.

Ibalik n'yo ako sa panahong hindi dikit sa gadyet ang mata ng lipunan, sa panahong nagagawa pa nating langhapin ang sariwang hangin at tumakbo sa berdeng kapatagan.

Ibalik n'yo ako sa panahong ito.

Kristal

#filipino #filipina #katipunera #binibini #ginoo #maria clara at ibarra #philippines #poetsandwriters #poetry #tula #maikling tula #blog post #blog

[ivangoghhh]

To those who can understand Tagalog, feel free to laugh. Translation will be posted later. Sorry.

'Ni hindi ko masabi—

Ang mga katagang, "sana'y hindi na lang kita nakilala—

Sa panahong nagtitimpi ako, sa mga pagkukulang, sa pagpapabaya mo—

Para akong isang batang nag aantay sa lambing ng isang inang, hinding hindi na uuwi muli.

Malaki na ako sabi ko pa nga sayo,

Alam ko ang kahihinatnan ng mga salitang maari kong isigaw sayo

Ang lumo—ayokong magalit dahil walang rason na dapat ikagalit,

Nagkamali ka, ako ang nagpatawad, ako ang umako ng lahat.

Sinabi mo noon, iiwan mo ako—

Ngunit pinigilan ko ang sarili, maudyok, matapos ang lahat.

Giliw, masaya ako kahit ganito—dumating ako sayo na puno ng pagmamahal

Ibibigay ko sa'yo ito—buo at ng lubusan,

Sabihin mo man sa akin na hindi mo na ako mahal,

Patuloy kitang mamahalin, magsusulat, magpapatawad.

Wika ni Ramon sa kanyang ka situationship.

— Joshua.

#prose #writers of tumblr #writers on tumblr #my writing #poetry #excerpts from my journal #poetic prose #spilled poetry #spilled thoughts #writingcommunity #tagalog #maikling tula #filipino #tagalog poetry

[kwaderno84]

"nagmula sa lupa, magbabalik nang kusa

ang buhay mo sa lupa nagmula

bago mo linisin ang dungis ng iyong kapwa

hugasan ang iyong putik sa mukha"

-Rico J. Puno ("Lupa")

(image:

©Chalkboard Mag)

#filipino #poetry #tagalog #poem #tula #kwaderno on tumblr #maikling tula #depinisyon #lupa

[makatang-igorota]

Bahaghari

Isang malalim na buntong-hininga Kasabay ng pagmulat ng mga mata Tanong sa sarili'y "Kaya mo pa ba? Tsaka ngingisi at sa taas ay titingala

Ngunit ano nga ba ang 'yong hinahanap Isang milagrong pilit hinahagilap May lihim kayang ikinukubli ang mga ulap May hiwaga ba sa asul na alapaap?

Maya't-maya'y mga mata'y kikislap Marahang ngingiti at hahagakhak Isang makulay na bahaghari'y naging sapat Upang mapawi ang lumbay ng aliping tapat

Bahagharing pahiwatig ay pag-asa Para sa mga lingkod na hapung-hapo na S'yang may malakas na pananampalataya Aani ng hindi mabilang na biyaya

~ M.K. Sueño (04/2021)

#tula #tagalog poetry #tagalog #maikling tula #tulatulaan #makata #manunulat #manunula #filipino writers #tagalog writings #tagalog tumblr #tagalog writing #tagalog thoughts #tagalog quote #tagalog quotes #filipino #sulat #filipino poetry #panitikan #pinoy poem #filipino poem #tagalog poem #hugot #spilled words #pinoy quotes #pinoy banat #tagalog words #spilled ink #spilled poetry #spilled thoughts

[flordelaraw]

Bakit mo nilisan

ang puso ko na nagmamahal ng tapat sayo,

Bakit ikaw parin

kahit na ikaw ang unang lumayo,

Sana tinuruan mo ang puso

kung paano limutin ang tulad mo,

Dahil pagod na akong

gumising sa umaga na nangungilila sa'yo.

#maikling tula #salita #sulat #spilled ink #thoughts #tula #poem #short poem #spilled poetry #tagalog poem #tagalog #sining

[lihimlihamtinta]

May mga tao tayong kailangang palayain para mapalaya rin ang ating mga sarili

May mga hangganan na kailangan natin tanggapin para maipagpatuloy ang ating lakbayin

May mga distansiyang kailangan nating panatiliin para masagip ang natitirang pag ibig

At may mga peklat na hindi kailangang takpan para mabaon ang aral na gustong ipabatid

#poetry #tula #spoken word #poem #poets on tumblr #tagalog poetry #tagalog #poems #maikling tula #tulatulaan #makalaya #makata #malayang tula #poetic #poets and poetry #poets #poetscommunity #writers and poets #poet #female poets #poets on tumbler #poetry on tumbler #filipino words #filipino poetry #poet on tumblr

[annexca]

#162 Hindi makapaniwala Naubusan ng salita Dagat ng mga letra Natuyot nang bigla Hindi ito posible 'Di pa 'to nangyayari O baka nga posible Ayaw ko na mangyari

- NANG NATUYOT ANG DAGAT

#filipino #tula #poem #tagalog #maikling tula

[thelakeswhereidie]

#spilled ink #poetry #maikling tula #poems on tumblr #poets on tumblr #tula #original poem #poems and poetry #writers on tumblr #thelakeswhereidie #calilyswan #short poem

[wmab]

Alam ko namang hindi ko kailangan. Pero minsan, naiisip kong makakahanap rin ako. Ng mabuti at marunong makinig. Ng may pakialam at di takot humibik. Yung hindi masyadong duwag sa pûla ng aking malakas na pagkababae. Hindi napahihina sa tapang ng nakakalalaki kong kalikasan at prinsipyo. Kung hahanap man ay dapat kaya n'ya ang aking mga bagyo, mapa delubyo man ng aking mga suhestyon sa buhay at makatotohanang payo. Saan ka pa kaya sa mundo makakakita ng taong kayang lumuhod sa hindi n'ya kapanalig ng pagkatao?

Hindi ako naghahanap. Ni hindi ako nangangailangan. Pero numanais rin ako ng marunong sumakay at may alam kung kailan tamang maglumanay at lumaban.

-WMAB

#tula #mga tula #tagalog #tagalog poem #tagalog tula #pilipino #pilipinas #tulangtagalog #tulala #maikling tula

[cmcstr]

"kinakaya nga ng iba, ikaw pa"

Narinig kong tugon ng isa

Napangiti ako, ngunit sagot ng isip

"Hindi ako binuhay para lang ikumpara"

Siya iyon, ako ito

Iisa mang personalidad ngunit magkaibang tao

Iisa mang lugar ang kinatatayuan namin sa mundo

Di maipagkakailang magkaiba kami ng pagkatao

Magkapareho man kami ng pinagdaanan

Hindi pa rin masasabing pareho naming masosolusyunan

Magkaiba kami ng pamamaraan

Magkaiba kami ng nararamdaman

Hindi siya ako, magkaiba kami ng pag-iisip, desisyon, at pagkatao

Kung kinaya niya ang pagkatalo ko

May kahinaan din siya na pagkapanalo ko

Magkaiba kami, di nararapat na maihambing, sana'y maintindihan mo

04|10|24

7:02 pm

#filipinowrites #unsaid thoughts #tagalog #poetry #maikling tula