#tagalog poetry

[lihimlihamtinta]

Masyado lang akong mayabang pero nakakatakot pala talaga mag isa.

#poetry #tula #spoken word #poem #poets on tumblr #tagalog poetry #tagalog #poems #maikling tula #tulatulaan #makalaya #makata #manulat #manunula #manunulat #spilledthoughts #spilledink

[thelakeswhereidie]

#spilled ink #poetry #poems on tumblr #maikling tula #tagalog poetry #tagalog poem #tula #original poem #poets on tumblr #thelakeswhereidie #calilyswan #tagalog #short poem

[motsdejeram]

Ang kanyang mga mata'y katulad ng isang sanlibutan kung saan ang oras ay dumadaloy lamang ng walang katapusan kapag ako'y tumitig; at sa kanyang mga mata'y madilim na kalangitan kung saan ang mga bituin ay walang katapusang nagniningning

— Jeram, Marahuyo

#poetry #love poem #filipino poetry #tagalog poetry #tula #poetic

[sulatgino]

Bata, bata paano ka ginawa?

070723

Bata, bata paano ka ginawa? Hinubog ka kaya ng nakapalibot na madla Nilang mga nakatanga't nakatulala O kaya nama'y nilang mga nag aalala

Maaaring hindi, maaring nakilala mo ang ikaw Sa kabila ng mga turo at panuto Sa dulo ng mga pagbabago Sa likod ng salaming nakaulayaw

Nakita mo kaya ang mga liko O patuloy ka bang sumunod sa daan habang nakapikit Sinusundan ang halimuyak ng mga nagdaan, nakakasalamuha ang mga bumabalik O di kaya'y patuloy lang na nakikiramdam

Ang mahalaga'y patuloy kang naghahanap Hindi ka mawawala kung hindi ka magpapanggap Hindi mawawalang saysay ang nawala sa pagkakamali Hindi masamang manatili sandali

Kilalanin mo ang iyong sarili Hindi mo kailangang magmadali Hindi naiiwan ang nagpapahinga Nasa isip lang natin ang konsepto na may nauuna

Kaya't paulit ulit mo lamang tanungin ang iyong sarili kung paano ka nga bang ginawa Sa pamamagitan nito ay mananatili kang naghahanap Ngunit kailan ma'y di mawawala.

#tula #tagalog poetry #tagalog poem #filipino poetry #filipino poem

[ivangoghhh]

To those who can understand Tagalog, feel free to laugh. Translation will be posted later. Sorry.

'Ni hindi ko masabi—

Ang mga katagang, "sana'y hindi na lang kita nakilala—

Sa panahong nagtitimpi ako, sa mga pagkukulang, sa pagpapabaya mo—

Para akong isang batang nag aantay sa lambing ng isang inang, hinding hindi na uuwi muli.

Malaki na ako sabi ko pa nga sayo,

Alam ko ang kahihinatnan ng mga salitang maari kong isigaw sayo

Ang lumo—ayokong magalit dahil walang rason na dapat ikagalit,

Nagkamali ka, ako ang nagpatawad, ako ang umako ng lahat.

Sinabi mo noon, iiwan mo ako—

Ngunit pinigilan ko ang sarili, maudyok, matapos ang lahat.

Giliw, masaya ako kahit ganito—dumating ako sayo na puno ng pagmamahal

Ibibigay ko sa'yo ito—buo at ng lubusan,

Sabihin mo man sa akin na hindi mo na ako mahal,

Patuloy kitang mamahalin, magsusulat, magpapatawad.

Wika ni Ramon sa kanyang ka situationship.

— Joshua.

#prose #writers of tumblr #writers on tumblr #my writing #poetry #excerpts from my journal #poetic prose #spilled poetry #spilled thoughts #writingcommunity #tagalog #maikling tula #filipino #tagalog poetry

[makatang-igorota]

Bahaghari

Isang malalim na buntong-hininga Kasabay ng pagmulat ng mga mata Tanong sa sarili'y "Kaya mo pa ba? Tsaka ngingisi at sa taas ay titingala

Ngunit ano nga ba ang 'yong hinahanap Isang milagrong pilit hinahagilap May lihim kayang ikinukubli ang mga ulap May hiwaga ba sa asul na alapaap?

Maya't-maya'y mga mata'y kikislap Marahang ngingiti at hahagakhak Isang makulay na bahaghari'y naging sapat Upang mapawi ang lumbay ng aliping tapat

Bahagharing pahiwatig ay pag-asa Para sa mga lingkod na hapung-hapo na S'yang may malakas na pananampalataya Aani ng hindi mabilang na biyaya

~ M.K. Sueño (04/2021)

#tula #tagalog poetry #tagalog #maikling tula #tulatulaan #makata #manunulat #manunula #filipino writers #tagalog writings #tagalog tumblr #tagalog writing #tagalog thoughts #tagalog quote #tagalog quotes #filipino #sulat #filipino poetry #panitikan #pinoy poem #filipino poem #tagalog poem #hugot #spilled words #pinoy quotes #pinoy banat #tagalog words #spilled ink #spilled poetry #spilled thoughts

[walang-pamagat]

isa, dalawa, tatlo. tatlo. tatlong takal sa kutsara.

isang baso ng yelong isinalin

dalawang malumanay na tapik at kislap sa daliri

at ang ikatlong ulit sa kanyang ibig sabihin.

bago tuluyang mabulahaw ang aking pandinig at paningin

na tila tumining maitanggi lang ang kanyang mga salita.

bihira ang mga pagkakataong makatatanggap ng papuri

lalo't higit mula mismo sa aking mga sinasamba

"kailangan ko palang magdagdag ng lima"

"ha?", kanyang pagtataka

nakalimutan kong magkaiba ang aming nakikita

ngunit pinakawalan niya ako nang walang pag-aalala

dahil alam niya, at alam din nung matandang kahera na

hindi ako lalayo, labing-siyam na hakbang kung titiyakin

hindi sapat na bilang upang ang atensyon niya'y maibaling

kaya inilakas ng ale sa tapat ang pagpapaypay,

at dahil sabay na umiikli ang pila at kanyang pasensya,

inalok niya ako at iisa pa rin ang sagot ko.

ang kanyang pagngisi ang pinakamalinaw kong alaala.

sa pagkupas ng kanyang ngiti, nagbitaw siya ng limang iling

bitbit ay diwa ng tugon sa nais kong iparating

saka ko lang napansin ang aliwalas ng pamamaalam

at saka ko lang napansin ang lumalayong init kahit kami'y nasisinagan.

ngunit bago ko pa subukang basagin ang namamagitang iláng at ginaw,

umalingawngaw ang pangalan niyang sa aki'y nagpamangha

tumaas ang mga kilay niyang may ibig itanong

ngunit isinauli ko ang pag-iling at sinabayan siya sa pagtayo

bigla ko lang napagtanto

kung gaano kadaling dumudulas ang pangalan niya sa dila

at kung gaano ito kadalas tumatakas sa aking mga labi

tig-dalawang baso ng tubig, tinidor at kutsara.

sa aming paghaharap, muling nangusap ang mga kilay niyang mas malambing mula sa nakaraan

saglit siyang ipinasyal sa pasilyong likha ng mga kaluluwang naghihimok magpasiyá

sa kanyang pagyuko ay ang aking pagtingala

at sa pagpatong ng kanyang mga siko ay nagmistulang altar ang mesa

sandaling tumahimik ang paligid na humihimbing at nagpapakumbaba sa kahinaan ng kanyang mga pilikmata

at kahit siya ang tumawag sa isang bathala,

sa akin naman ibinunyag ang isang rebelasyon

aking napatunayan sa mga oras na iyon

sinungaling si Galileo,

saksi ako sa pagkurba ng mga aksis sa kanyang mukha,

sa káyo ng kanyang paglapit at paglayo,

at sa hatak ng mga alon sa aking palad at pulso—

hindi ito isang teorya—

malinaw na araw ang umiikot sa mundo.

ngunit hindi ko rin magawang tumitig nang hindi humihingi ng tawad sa kanyang panginoon kaya

bago ko pa tangkaing samantalahin ang pagkakataon,

'di ko namalayang sinundan ko siya sa pagpikit

ngunit nananatiling malinaw ang paligid

nakikilala ko ang bawat yabag sa daan,

nabibilang ang bawat siklo ng mga bisikleta at sasakyan,

ramdam ko ang alinsangang hatid ng kanyang katapatan

at ang rebolusyon ng hanging tumatangay sa'king kamalayan

siya nga ang sentro ng santinakpan.

sa kanyang pagmulat, nahuli niya akong hinahabol ang aking hininga,

pinihit niya ang kanyang ulo pakaliwa na

nagbigay sa'kin ng pagkakataong masilip ang kanyang mga matang pinatitingkad ng kabubukas na ilaw sa kalsada

at sa lalim ng kanyang titig ay may nabuong paliwanag sa aking isipan, taliwas sa mga naranasan

walang bigat sa dibdib na sa iba'y lulunod

malayo sa bingit kung sa'n maaaring mahulog

at hindi kailangan ng init kung saan ako ang nasusunog.

wala ang madalas na salaysay sa pagbagal ng oras

kahit na labing-isang minuto pa lang ang lumilipas,

sa inip at ikapat na muling pananabik kanya nang inulit

"paano ka nakakasulat...

...ng ganitong kaibig-ibig?"

at iisa pa rin ang sagot ko

maliit na platito, kalamansi, toyo, at kutsara

ang pangalan niya ang pinakamahabang sinulid

na humahabi at nagtutugma sa mga salitang aking nasasambit

ganito ko siya nakita

ngunit hindi ko siya minahal gaya ng pagkakasulat ko sa kanya

—

"x, 'kung akin si siara', 2023"

#prose poetry #filipino prose poetry #filipino poetry #tagalog poetry

[dead-poets-stuff]

kahit paulit-ulit kong halikan ang mga paa ng diyos, kahit gaano kataimtim akong magdasal bawat gabi, ako’y mananatiling isang makasalanang nilalang.

ang kasalanan na galing sa aking mga magulang ay dumadaloy sa aking dugo, nakaimprenta sa aking pagkatao.

ito’y hindi basta basta maalis, hindi mabubura kahit isang daang beses pa akong mag tampisaw sa ilog kung saan bininyagan si hesus — ang bigat ng aking kasalanan ay doble pa sa aking mga magulang.

siguro ay wala na akong pag asa, hindi na ako masasagip ng kahit ano pang dasal ang aking sambitin nang paulit ulit.

ngunit ikaw — ikaw na tumanggap sa akin ng buong pusong walang pag aalinlangan simula noong una tayong magkakilala, magagawa mo pang gawin ang mga bagay na iyong ninanais, magagawa mo pang lumayo sa akin at sa kapahamakang dulot ko.

nalalabi na lamang ang aking mga araw. kung ako’y papanaw, nais ko munang matiyak ang iyong kaligtasan. kaya parang awa — ako’y iwan mo na.

ang pagmamahal na ito’y aking ikukubli, bahala na kung ito’y hindi mo batid. basta para sa iyong ikabubuti.

ang mga araw ay lilipas, aking kamatayan lumalapit.

ako'y nakaluhod sa harap ng diyos, tinatanggap ang kaniyang parusa hangga’t buhay ko’y kanyang bawiin.

sa bawat pag patak ng aking mga luha, tahimik at taimtim kong ipinagdadasal ang iyong kaligtasan. kahit alala ko’y iyong ibaon, kahit ako’y iyong kamuhian.

sa susunod na buhay, kung ako'y papalarin. sa susunod na buhay ika’y aking mamahalin nang labis. sa susunod na buhay, tatahakin ko kapalaran ko sa iyong tabi. sa susunod na buhay.

originally posted on facebook, on my account @ wilted-hopes乱

#poetry #filipino #banana fish #aslan jade callenreese #eiji okumura #tagalog poetry

[dzeyzi]

Palagi

Lumipas na ang mahigit isang taon Ngunit pag-ibig kong alay sa ‘yo ay nandito pa ring nakabaon Minahal kita sa mga nagdaang kahapon At pag-ibig ko’y patuloy pa ring umaahon hanggang ngayon

Isang taon na rin ang lumipas noong nakilala kita nang walang kamalay-malay Hindi inaasahang pati puso ko’y kasama mong tangay Batid kong malayo ka man at hindi mahahawakan ang iyong kamay Ngunit asahan mong ang pag-ibig ko sa ‘yo ay mananatiling pantay

Hanggang ngayon ay sariwa pa rin sa aking kaisipan Noong una kitang nakilala mula sa kapaligiran kong puno ng ingay at kalungkutan Hindi ko inasahan na ikaw pala ang siyang magbibigay kulay Sa mundo kong walang buhay

Hindi ko namalayan na ikaw na pala ang dahilan Sa aking mga dinadasal At tuwing ikaw na ang pinag-uusapan Tila ba parang ako’y nauutal

Ngunit ngayon na nandito ka na Kahit may natitira pang pangamba Alam kong si kupido na ang dahilan sa pagpana na aking nadama At panatag na ang aking loob na ako’y sayo itinadhana

Sa Diyos ay ikaw lamang ang tangining hinihingi At ika’y hindi na ibabahagi at itatanggi Dahil alam mo namang hanggang sa huli Ako’y sayo palagi - jc a poetry i made inspired by tj monterde’s palagi :)) dedicated to my beloved, doc tricia <3

#tagalog poetry #tagalog poem #my writing #poem #poetry #reading #tj monterde #doctricia #triciarobredo #tagalog #sulat #i hope no one knows me here #tula #poetic #original poem #my poem #poems and poetry #poems on tumblr #love poetry

[the-dreamer-poet]

— and i think i loved you long before i knew what love was.

— when i learned how to speak of love with as much certainty as i could have had, i remember i had typed up a long draft and erased and wrote and revised it before i chanced giving you it.

— it was the last month of classes, and it was not long before we would part. all the more i could trace the shape of your space in my heart as i steadily wrote for you a confession, all of me as flush as pink and nerves as a flame when i sent it to you, i love you in our two languages.

— i love you, in lavender violets. (mahal kita, na tila ba rosas ng takipsilim.)

— your returning reply of i love you too was more than enough then to send me to pinking skies. and maybe it was in part because i wrote you so great a letter but your response was more than enough to make me believe you were true. (you had scarcely lied if ever at all, so much truer than many i can think to name.)

— i loved you, and you loved me. that is more than any i could have asked for.

#original poets on tumblr #poets on tumblr #original poetry #english poetry #spilled poetry #spilled ink #original poem #love poem #spilled prose #poetry #personal poetry #personal poem #free poetry #filipino poetry #tagalog poetry #taglish poetry #taglish #love #lavender #rose

[quehorror]

Kamatayan, marahil, ang pinakakinatatakutan kong bagay sa mundo. Na kinakailangan kong magtago at yumukod upang hindi ako matagpuan nito.

Pero nang halikan mo ako, tila ba sumakabilang buhay na 'ko. Na hindi lang hanggang langit ang nilipad ko, dahil pinalibutan ako ng mga tala at sinangayunan ng mga mundo. Na tuluyan ko nang naarok ang sukdulan ng buhay dahil sayo. At nang ilayo mo na ang iyong labi ay saka ko lang napagtanto.

Na pag-ibig ay higit pa sa kahit anong bagay na makalupa. Na pag-ibig ang tumutulak sa atin palabas ng karimlan. Na higit na mas matimbang ang lambing ng iyong bisig kaysa sa karit ni kamatayan. Na kahit may sentensiya ang pagiging mortal, ang bawat araw ko nama'y parang habambuhay dahil sa iyong pagmamahal.

#tagalog thoughts #random thoughts #poetry #tula #spoken word #poem #poets on tumblr #tagalog poetry #poems #tagalog #maikling tula #tulatulaan #manunula #manunulat #write every day #writers #filipino writer #tagalog spoken words #tagalog quotes #sulat #liham #writers and artists #writers on tumblr

[lihimlihamtinta]

May mga tao tayong kailangang palayain para mapalaya rin ang ating mga sarili

May mga hangganan na kailangan natin tanggapin para maipagpatuloy ang ating lakbayin

May mga distansiyang kailangan nating panatiliin para masagip ang natitirang pag ibig

At may mga peklat na hindi kailangang takpan para mabaon ang aral na gustong ipabatid

#poetry #tula #spoken word #poem #poets on tumblr #tagalog poetry #tagalog #poems #maikling tula #tulatulaan #makalaya #makata #malayang tula #poetic #poets and poetry #poets #poetscommunity #writers and poets #poet #female poets #poets on tumbler #poetry on tumbler #filipino words #filipino poetry #poet on tumblr

[isiey]

#poem #tagalog poetry #art #writing #dagli

[yahjustplainboring]

#62

sabay sa pag agos ng ulan papunta kung saan

ay siya ring pag sabay ng luha kong kanina pang pinipigilan

malungkot at umiiyak ang kalangitan

para bang ito’y nakikidalamhati sa sakit na aking nararamdaman

#hugot #tula #para sayo #tagalog poetry #tagalog writings #poetry #poems #tagalog poem #poem #tagalog post

[impostoryy]

KAMATAYAN

ang takot ay nanaig mga lama'y nanginig at ang luha'y pumatak katawan ay bumagsak

#tanaga #poetry #tagalog poetry #original poem

[malayanglakambini]

Untitled Mornings

Sitting alone in my house while crying without any solid reason has been my comfort lately. I find solace in the silent walls of this house. Peace within the distant roars of the cars on the road. And tranquility with the warmth and purrs of my cats and dogs.There is nothing wrong with me. Or is there? I am triggered by the simplest thing I watch, read, or hear. I cried over silly things, and…

View On WordPress

#adhd #anxiety #Essay #filipino writer #journaling #journals #Malayang lakambini #malayanglakambini #marya #maryapollo #mental health #mental health care #mental healthawareness #mornings #random thoughts #tagalog #Tagalog Poetry