#ساحر لدھیانوی

[kafi-farigh-yusra]

وہ افسانہ جسے انجام تک لانا نہ ہو ممکن

اسے اک خوبصورت موڑ دے کر چھوڑنا اچھا

-ساحر لدھیانوی

Woh afsana jisay anjaam tak lana na ho mumkin

Usay aik khoobsurat morr de kar chorna acha

-Sahir Ludhianvi

#sahir ludhianvi #ساحر لدھیانوی #اردو #اردو ادب #اردو شاعری #اردو غزل #اردوادب #اردوشاعری #اردو پوسٹ #ادب #urdu shayari #urdu quote #urdu ghazal #urdu literature #urdupoetry #urdu stuff #urdu poetry #urduadab #urdu adab #urdu #desi tumblr #just desi things #desi larki #life of a desi girl #desi academia #pakistan #urdu aesthetic #desi culture #pakistani aesthetics #desi

[my-urdu-soul]

میرے خوابوں کے جھروکوں کو سجانے والی

تیرے خوابوں میں کہیں میرا گزر ہے کہ نہیں

پوچھ کر اپنی نگاہوں سے بتا دے مجھ کو

میری راتوں کے مقدر میں سحر ہے کہ نہیں

چار دن کی یہ رفاقت جو رفاقت بھی نہیں

عمر بھر کے لیے آزار ہوئی جاتی ہے

زندگی یوں تو ہمیشہ سے پریشان سی تھی

اب تو ہر سانس گراں بار ہوئی جاتی ہے

میری اجڑی ہوئی نیندوں کے شبستانوں میں

تو کسی خواب کے پیکر کی طرح آئی ہے

کبھی اپنی سی کبھی غیر نظر آئی ہے

کبھی اخلاص کی مورت کبھی ہرجائی ہے

پیار پر بس تو نہیں ہے مرا لیکن پھر بھی

تو بتا دے کہ تجھے پیار کروں یا نہ کروں

تو نے خود اپنے تبسم سے جگایا ہے جنہیں

ان تمناؤں کا اظہار کروں یا نہ کروں

تو کسی اور کے دامن کی کلی ہے لیکن

میری راتیں تری خوشبو سے بسی رہتی ہیں

تو کہیں بھی ہو ترے پھول سے عارض کی قسم

تیری پلکیں مری آنکھوں پہ جھکی رہتی ہیں

تیرے ہاتھوں کی حرارت ترے سانسوں کی مہک

تیرتی رہتی ہے احساس کی پہنائی میں

ڈھونڈتی رہتی ہیں تخئیل کی بانہیں تجھ کو

سرد راتوں کی سلگتی ہوئی تنہائی میں

تیرا الطاف و کرم ایک حقیقت ہے مگر

یہ حقیقت بھی حقیقت میں فسانہ ہی نہ ہو

تیری مانوس نگاہوں کا یہ محتاط پیام

دل کے خوں کرنے کا ایک اور بہانہ ہی نہ ہو

کون جانے مرے امروز کا فردا کیا ہے

قربتیں بڑھ کے پشیمان بھی ہو جاتی ہیں

دل کے دامن سے لپٹتی ہوئی رنگیں نظریں

دیکھتے دیکھتے انجان بھی ہو جاتی ہیں

میری درماندہ جوانی کی تمناؤں کے

مضمحل خواب کی تعبیر بتا دے مجھ کو

میرا حاصل میری تقدیر بتا دے مجھ کو

- ساحر لدھیانوی

#urdu #urdu poetry #urdu shayari #urdu ghazal #urdu literature #urduadab #pakistan #sahir ludhianvi

[shazi-1]

نظم : ہراس

تیرے ہونٹوں پہ تبسم کی وہ ہلکی سی لکیر

میرے تخئیل میں رہ رہ کے جھلک اٹھتی ہے

یوں اچانک ترے عارض کا خیال آتا ہے

جیسے ظلمت میں کوئی شمع بھڑک اٹھتی ہے

تیرے پیراہنِ رنگیں کی جنوں خیز مہک

خواب بن بن کے مرے ذہن میں لہراتی ہے

رات کی سرد خموشی میں ہر اک جھونکے سے

تیرے انفاس ترے جسم کی آنچ آتی ہے

میں سلگتے ہوئے رازوں کو عیاں تو کر دوں

لیکن ان رازوں کی تشہیر سے جی ڈرتا ہے

رات کے خواب اجالے میں بیاں تو کر دوں

اِن حسیں خوابوں کی تعبیر سے جی ڈرتا ہے

تیری سانسوں کی تھکن تیری نگاہوں کا سکوت

در حقیقت کوئی رنگین شرارت ہی نہ ہو

میں جسے پیار کا انداز سمجھ بیٹھا ہوں

وہ تبسم وہ تکلم تری عادت ہی نہ ہو

سوچتا ہوں کہ تجھے مل کے میں جس سوچ میں ہوں

پہلے اُس سوچ کا مقسوم سمجھ لوں تو کہوں

میں ترے شہر میں انجان ہوں پردیسی ہوں

تیرے الطاف کا مفہوم سمجھ لوں تو کہوں

کہیں ایسا نہ ہو پاؤں مرے تھرا جائیں

اور تری مرمریں بانہوں کا سہارا نہ ملے

اشک بہتے رہیں خاموش سیہ راتوں میں

اور ترے ریشمی آنچل کا کنارا نہ ملے

(ساحر لدھیانوی)

#sahir ludhianvi #urdu adab #poetry #urdu poetry #اردو شاعری #اردو #urdu stuff #اردو ادب #urdu literature #best poem

[moizkhan1967]

اپنے سینے سے لگائے ہوئے امید کی لاش

مدتوں زیست کو ناشاد کیا ہے میں نے

تو نے تو ایک ہی صدمے سے کیا تھا دوچار

دل کو ہر طرح سےبرباد کیا ہے میں نے

جب بھی راہوں میں ‌نظر آئے حریری ملبوس

سرد آہوں میں تجھے یاد کیا ہے میں نے

اور اب جب کہ مری روح کی پہنائی میں

ایک سنسان سی مغموم گھٹا چھائی ہے

تو دمکتے ہوئے عارض کی شعائیں لے کر

گل شدہ شمعیں جلانے کو چلی آئی ہے

میری محبوب، یہ ہنگامۂ تجدید وفا

میری افسردہ جوانی کے لیے راس نہیں

میں نے جو پھول چنے تھے ترے قدموں کے لیے

ان کا دھندلا سا تصور بھی میرے پاس نہیں

ایک یخ بستہ اُداسی ہے دل وجاں پہ محیط

اب مری روح میں باقی ہے نہ امید نہ جوش

رہ گیا دب کے گراں بار سلاسل کے تلے

میری درماندہ جوانی کی امنگوں کا خروش

ریگ زاروں میں بگولوں کے سوا کچھ بھی نہیں

سایۂ ابرِ گریزاں سے مجھے کیا لینا

بجھ چکے ہیں مرے سینے میں محبت کے کنول

اب ترے حسنِ پشیماں سے مجھے کیا لینا

تیرے عارض پہ یہ ڈھلکے ہوئے سیمیں آنسو

میری افسردگئ غم کا مداوا تو نہیں

تیری محبوب نگاہوں کا پیامِ تجدید

اک تلافی ہی سہی میری تمنا تو نہیں

ساحر لدھیانوی

#urdupoetry #urdu poetry

[underrated-poets-society]

ہم غم زدہ ہیں لائیں کہاں سے خوشی کے گیت

دیں گے وہی جو پائیں گے اس زندگی سے ہم ۔

‌‌ -ساحر لدھیانوی

#desi stuff #urdu academia #urdu aesthetic #urdu alfaz #urdu ashaar #urdu lines #urdu literature #urdu poetry #urdu shayari #urdu stuff

[ariesvibe]

اپنے ماضی کے تصور سے ہراساں ہوں میں

اپنے گزرے ہوئے ایام سے نفرت ��ے مجھے

اپنی بے کار تمناؤں پہ شرمندہ ہوں

اپنی بے سود امیدوں پہ ندامت ہے مجھے

میری امیدوں کا حاصل مری کاوش کا صلہ

ایک بے نام اذیت کے سوا کچھ بھی نہیں

کتنی بے کار امیدوں کا سہارا لے کر

میں نے ایوان سجائے تھے کسی کی خاطر

کتنی بے ربط تمناؤں کے مبہم خاکے

اپنے خوابوں میں بسائے تھے کسی کی خاطر

مجھ سے اب میری محبت کے فسانے نہ کہو

مجھ کو کہنے دو کہ میں نے انہیں چاہا ہی نہیں

اور وہ مست نگاہیں جو مجھے بھول گئیں

میں نے ان مست نگاہوں کو سراہا ہی نہیں

مجھ کو کہنے دو کہ میں آج بھی جی سکتا ہوں

عشق ناکام سہی زندگی ناکام نہیں

ان کو اپنانے کی خواہش انہیں پانے کی طلب

شوق بے کار سہی سعئ غم انجام نہیں

وہی گیسو وہی نظریں وہی عارض وہی جسم

میں جو چاہوں تو مجھے اور بھی مل سکتے ہیں

وہ کنول جن کو کبھی ان کے لیے کھلنا تھا

ان کی نظروں سے بہت دور بھی کھل سکتے ہیں

ساحر لدھیانوی۔

#urdu poetry #tumblr #life quote #love #writing community #lovers #wordsnquotes #writers of tumblr #quotes

[urdu-poetry-lover]

عورت نے جنم دیا مردوں کو مردوں نے اسے بازار دیا،

جب جی چاہا مسلا کچلا جب جی چاہا دھتکار دیا۔

ساحر لدھیانوی ۔

#اردو #urdu #urdu poetry #اردو پوسٹ #اردوشاعری #اردوادب #urdu shayari #urdu poerty #اردو شاعری

[aashufta-sar]

تم اپنا رنج و غم اپنی پریشانی مجھے دے دو

Tum apna ranj-O-gham Apni pareshaani mujhey de do

(Give me all your sorrow and grief, Give it to me your troubles)

تمہیں غم کی قسم اس دل کی ویرانی مجھے دے دو

Tumhein gham kii qasam Is dil ki viiraani mujhey de do

(I swear on your worries, pass on to me loneliness of your heart)

یہ مانا میں کسی قابل نہیں ان نگا ہوں میں

Yeh mana Main kisi qabil nahi hun in nigahon mein

(I know I have no worth in your eyes)

برا کیا ہے اگر یہ دکھ یہ حیرانی مجھے دے دو

Bura kya hai agar.. Ye dukh Ye heiraani mujhey de do

(It won’t be bad if you share with me your grief and anguish)

میں دیکھوں تو سہی دنیا تمہیں کیسے ستاتی ہے

Main dekhun to sahi duniya tumhein kaise satati hai

(Let me see how this world would tease you)

کوئی دن کے لیے اپنی نگہبانی مجھے دے دو

Koi Din Ke Liye Apni Nigahbani Mujhe De do

(for a few days, give yourself into my safekeeping)

وہ دل جو میں نے مانگا تھا مگر غیروں نے پایا تھا

Woh dil jo Main ne manga tha magar ghairon ne paya tha

(the heart which I begged, but the some other got it)

بڑی شے ھے اگر اس کی پشیمانی مجھے دے دو

Badi shay hai agar us ki pashemani mujhe de do

(It would be a great gift for me if you could give its anxiety)

—Sahir Ludhianvi/ساحر لدھیانوی

#urdu #urdu shayari #urdu poetry #urdushayari #urdu posts #urdublr #urdu stuff #desi tumblr #desiblr #shayari #bollywood songs #Khayyam #urdu tumblr #bollywood #I do not own translation

[syyedmohdsaad]

Kabhi khudpar kabhi haalaton pr rona aaya aaya

Baat nikli to hr baat pr rona aaya

ہم تو سمجھے تھے کہ ہم بھول گئے ہیں ان کو

کیا ہوا آج یہ کس بات پہ رونا آیا

کس لیے جیتے ہیں ہم کس کے لیے جیتے ہیں

بار ہا ایسے سوالات پے رونا آیا

کون روتا ہے کسی اور کی خاطر اے دوست

سب کو اپنی ہی کسی بات پر رونا آیا۔

ساحر لدھیانوی

[shahbaz-shaikh]

ملتی ہے زندگی میں محبت کبھی کبھی

ہوتی ہے دلبروں کی عنایت کبھی کبھی

شرما کے منہ نہ پھیر نظر کے سوال پر

لاتی ہے ایسے موڑ پہ قسمت کبھی کبھی

کھلتے نہیں ہیں روز دریچے بہار کے

آتی ہے جان من یہ قیامت کبھی کبھی

تنہا نہ کٹ سکیں گے جوانی کے راستے

پیش آئے گی کسی کی ضرورت کبھی کبھی

پھر کھو نہ جائیں ہم کہیں دنیا کی بھیڑ میں

ملتی ہے پاس آنے کی مہلت کبھی کبھی

ساحر لدھیانوی

#urdu poetry

[bintemuhammad11]

تنگ آ چّکے ہیں کشمکشِ زندگی سے ہم

ٹُھکرا نہ دیں جہاں کو کہیں بے دِلی سے ہم

~ساحر لدھیانوی

[spitonews]

ساحر لدھیانوی (دوسرا اور آخری حصہ)

ساحر 1943 میں لدھیانہ سے لاہور شفٹ ہوگئے تھے اور وہاں کئی اردو اخبارات سے وابستہ ہوگئے تھے۔ 1949 میں جب انھوں نے سویرا اخبار میں جس کے ایڈیٹر حمید اختر تھے حکومت پاکستان کے خلاف ایک آرٹیکل لکھا جس کی پاداش میں ان کے وارنٹ گرفتاری جاری ہوگئے تھے۔ حمید اختر نے ساحر کو یہاں سے نکل جانے کا مشورہ دیا۔ ساحر دلی آگئے لیکن وہاں صرف ایک ماہ رہے اور پھر بمبئی (ممبئی) منتقل ہوگئے جہاں ان کے پڑوسی تھے گلزار،…

View On WordPress

[my-urdu-soul]

تیرے ہونٹوں پہ وہ ہلکی سی تبسم کی لکیر

میرے تخیل میں رہ رہ کے جھلک اٹھتی ہے

یوں اچانک ترے عارض کا خیال آتا ہے

جیسے ظلمت میں کوئی شمع بھڑک اٹھتی ہے

میں سلگتے ہوئے رازوں کو عیاں تو کر دوں

لیکن ان رازوں کی تشہیر سے جی ڈرتا ہے

رات کے خواب اُجالے میں بیاں تو کر دوں

ان حسیں خوابوں کی تعبیر سے جی ڈرتا ہے

تیری سانسوں کی تھکن تیری نگاہوں کا سکوت

درحقیقت کوئی رنگین شرارت ہی نہ ہو

میں جسے پیار کا انداز سمجھ بیٹھا ہوں

وہ تبسم وہ تکلم تری عادت ہی نہ ہو

کہیں ایسا نہ ہو پاؤں مرے تھرا جائیں

اور تری مرمریں بانہوں کا سہارا نہ ملے

اشک بہتے رہیں خاموش سیہ راتوں میں

اور ترے ریشمی آنچل کا کنارا نہ ملے

ساحر لدھیانوی

[shazi-1]

غصے میں جو نکھرا ہے ، اس حُسن کا کیا کہنا

کچھ دیر ابھی ہم سے تم یوں ہی خفا رہنا

اس حُسن کے شعلے کی تصویر بنا لیں ہم

ان گرم نگاہوں کو سینے سے لگا لیں ہم

پل بھر اسی عالم میں اے جانِ ادا رہنا

کچھ دیر ابھی ہم سے، تم یوں ہی خفا رہنا

یہ دہکا ہوا چہرہ ، یہ بکھری ہوئی زلفیں

یہ بڑھتی ہوئی دھڑکن ، یہ چڑھتی ہوئی سانسیں

سامانِ قضا ہو تم، سامانِ قضا رہنا

کچھ دیر ابھی ہم سے تم یوں ہی خفا رہنا

پہلے بھی حسیں تھیں تم ، لیکن یہ حقیقت ہے

وہ حُسن مصیبت تھا ، یہ حُسن قیامت ہے

اوروں سے تو بڑھ کر ہو ، خود سے بھی سوا رہنا

کچھ دیر ابھی ہم سے تم یوں ہی خفا رہنا

(ساحر لدھیانوی)

#sahir ludhianvi #best poetry #urdu adab #urdu poetry #اردو شاعری #urdu stuff #اردو ادب #urdu literature #best poem

[moizkhan1967]

تُو بہت دُور ، کسی اَنجمنِ ناز میں تھی

پھر بھی محسُوس کیا میں نے ، کہ تُو آئی ھے

اور نغموں میں چُھپا کر ، میرے کھوئے ھُوئے خواب

میری روٹھی ھُوئی نیندوں کو ، مَنا لائی ھے۔

رات کی سطح پر اُبھرے ، تیرے چہرے کے نقُوش

وھی چُپ چاپ سی آنکھیں ، وھی سادہ سی نظر

وھی ڈھلکا ھُوا آنچل ، وھی رفتار کا خَم

وھی رہ رہ کے لَچکتا ھُوا ، نازک پیکر۔

تُو میرے پاس نہ تھی ، پِھر بھی سَحر ھونے تک

تیرا ھر سانس ، میرے جِسم کو چُھو کر گزرا

قطرہ قطرہ ، تیرے دیدار کی شبنم ٹپکی

لمحہ لمحہ ، تیری خُوشبو سے مُعطر گزرا۔

"ساحر لدھیانوی💔💔"

#urdupoetry #urdu poetry

[ashyusufzai]

آج سے ٹھیک سو سال پہلے 1922 میں ایک رائٹر نے اپنی ڈائری میں لکھا کہ دوبارہ جب کیلنڈر پر بائیس کا ہندسہ آئے گا تو یقیناً نہ اپ ہونگے نہ میں ہوں گا" پھر مزید لکھا کاش عمر اتنا لحاظ رکھ لے کہ میں دوبارہ یہ ہندسہ دیکھ سکوں ان لوگوں کو دیکھ سکوں جو 2022 میں ہونگے اس زمانے کو دیکھ سکوں جو 2022 میں ہوگا مگر میں جانتا ہوں یہ ممکن نہیں ہے تب ہماری خبریں گمنام ہو چکی ہوں گی " ساحر لدھیانوی جب بستر مرگ پر تھے ، تو بند آنکھوں اپنے ڈاکٹر سے کہا "ڈاکٹر کپور میں جینا چاہتا ہوں" زندگی نے بیشک غم دیئے ہیں مگر دنیا خوبصورت جگہ ہے" یہاں یاروں کی محفلیں ہیں" یہاں زندگی کا شور ہے" میں جینا چاہتا ہوں ڈاکٹر کپور" 22 کا ہندسہ جب سو سال بعد 2122 میں دوبارہ آئیگا " تو دوستوں یقیناً ہم میں سے کوئی بھی نہیں ہوگا" ہماری قبریں قبرستانوں کے گنجان حصوں میں گم ہوچکی ہونگی، کچھ دھنسی ہوئی، کچھ اٹی ہوئی ، دبی ہوئی، "لہٰذا کوشش کریں کہ یہ مختصر سا قیام خوشگوار گزر جائے" کوئی روح کوئی جسم، ایسا نہ ہو جو زخم ساتھ لے کر جائے" اور ان زخموں کا الزام ہمارے سر ہو" #newyear2023 . . . ✅ @ashyusufzai 📲壺一丹ち卄一壺 follow on 👉 https://instagram.com/AshYusufzai ╭┉┉┅┄┄•◦ೋ•◦❥•◦ೋ #Ash࿐ •◦ೋ•◦❥•◦ೋ•┈┄┄┅┉╯ . . . . . . #photooftheday #instagood #nofilter #jewelry #igers #picoftheday #love #nature #swag #video #lifeisgood #caseofthemondays #instapic #instadaily #selfie #instamood #bestoftheday #followme #likeforlike #followforfollow #styleinspo #ootd #outfitoftheday #shoppingaddict #currentlywearing #instastyle #sayyestothedress #bohowedding https://www.instagram.com/p/Cm0aMaJIxlY/?igshid=NGJjMDIxMWI=

#newyear2023 #ash #photooftheday #instagood #nofilter #jewelry #igers #picoftheday #love #nature #swag #video #lifeisgood #caseofthemondays #instapic #instadaily #selfie #instamood #bestoftheday #followme #likeforlike #followforfollow #styleinspo #ootd #outfitoftheday #shoppingaddict #currentlywearing #instastyle #sayyestothedress #bohowedding