I'm opening up commissions!
And if you aren't personally interested, it would still be an awesome help if you reblogged! I'm trying to properly get a start with freelancing this year, so any boost would mean the world 💛
50 notes
·
View notes
GR11: Andorran galduta
Goizeko 6:00ak dira. Zabor bilketako kamioiak Arinsaleko Sant Andreu ermitaren aurrean azken kontenedorak biltzen ditu. Ez dakit elizak estatu egoitzak izango ote diren Andorran, baina hala bada, horietako baten aterpean lo egin dudala esan dezaket. Egia esan, mugako herri bat izateak onura asko ekarri dizkie Andorratarrei. Estatu propio bat eta diru mordoa, zehazki.
Mendi zati hau Espainia eta Frantziaren arteko eztabaidan egon da beti, baina Andorratarrek, alboko estatuak eta elizak, puntu berdin batean ados egotea lortu zuten. Horregatik gaur egun, bi lehendakari dituzte: Frantziako errepublikaren lehendakaria eta Seu de Urgelleko artzapezpikua. Burujabetasun eskuratu eta gero, izugarrizko garapen kapitalista heldu zen Andorrara, eta horrekin batera, eski estazioak, hotelak, autopistak eta turistak entretenitzeko aparatu guztia. Gu, zorionez, oharkabe pasatuko gara nahaste honetatik.
Gaurko etapak Valira ibaiaren besoak gurutzatzen ditu, Arinsaletik hasita, Encampera iristeko. Ondo armozauta, Unai, Pepín eta hirurok bidera bueltatzen gara. Lehenengo kilometroek Cases lepoara garamatzate, Arans herrira jeisteko. Kafe bat bertan eta aurrera. Ordino hirira iritsi baino lehen, ekialderantz desbideratzen gara, izen berberako lepoa igotzeko. Azken metrotan Encampeko errepidegaz egiten dugu topo. Goien, 2000 metrotara, aparkalekuen ondoko behatokian, hogei bat pertsona daude argazkiak eta selfiak ateratzen. Beste leku batean arraro samar izango litzatekeena, Andorran da normalena.
Bideak pinuartean jarraitzen du. Urruntasunean, Encamp entzuten dugu. Kotxeen eta kamioien hotsa batez ere, biaduktuetatik: “trak-trak, trak-trak”. Basoa bukatzerakoan, hiria ikusten dugu bere osotasunean. Hirigunean, apartamentu eta hotelez inguratuta, bulego-dorre erraldoi baten antzeko eraikin bat dago. Encampeko parrokiaren egoitza distiratsua da. Bai, zuzen nago: Encampeko parrokia. Zazpi parrokiatan edo “comuns” antolatzen da Andorra. Lau, herrialdearen goiko aldean, eta hiru behekoan. Erakunde hauek funtzio zibil eta erlijiosoak dauzkate eta Andorrako Kontseilu Nagusiaren ordezkarien erdiak izendatzen dituzte. Beste erdia hauteskundeetan hautatzen dira Andorrako Legebiltzarra osatuz.
Andorrako erakundeen nahasteak gosea eman digu. Unai eta biok ogia erostera goaz Pepin herriko plazan itxaroten duen bitartean. Bueltan, oinutsik topatzen dugu gizona.
- Horrela ezin dut jarraitu. Bota berriak behar ditut. -esaten digu bota-zoru zati bat zintzilik erakusten-.
- Behintzat hemen apurtu dira. Dendatxoren bat topatuko dugu pare berri bat erosteko. -erantzuten dio Unaiek-.
Handik ordu batzuetara, hiri osoan zabalik dagoen kiroldenda bakarretik ateratzen gara. Pepinek harro-harro erakusten ditu bota berriak. Urratuak egingo ote dizkioten galdetzen diodanean, halaxe erantzuten dit:
- Mendizale beteranoak ez gara botara ohitu behar, bizitako abenturek oinak gogortu dizkigute jada. Adinaren abantailak!
Zibilizazioaren jaleoak ez gaitu asko erakartzen, beraz, gaua Engolasters lakuaren inguruan pasatzea nahiago dugu. Berandu da baina Encampetik bi kilometrora baino ez dago. Kotxeak pista luze batetik igotzen dira, baina guk biderik zuzenena aukeratu dugu. Goien turista despistaturen bat dago oraindik. Lakuaren ondoko estalpe batean gaua pasatzea erabakitzen dugu. Hiritik gertu, baina Andorrako zibilizazio frenetikotik pausu bat urrunago.
→ Arans - Encamp travesiapieranaica.com
0 notes
This is seriously so cute! Shop elizake's listings on Poshmark! Join with code: USYEF for a $5 credit! #poshmark #fashion #shopping
0 notes