twinflamesloveandlight

[twinflamesloveandlight]

Kuch samjh nahi aa raha kya karu

rone ka mann kar raha, Dil baitha ja raha hai but ro bhi nhi paa rahi hu.. kisi se baat bhi karu toh bas dusro ki sun rahi actually sun bhi nahi rahi hu..ya fir bas sunne ki acting kar rahi hu..kyuki kuch samjh hi nahi aa raha hai.

Kuch samjh hi nahi aa raha hai aage kya karna hai..jindagi me kitna kuch karna hai mujhe kitna kuch paana hai lekin filhaal bistar tak se nahi utha ja raha hai..yeh likhte waqt mere haath kanp rahe hai yeh sab kyu ho raha hai mere sath yeh sab kab khatam hoga

Darr tha jis baat ka mujhe wahi hua..pata tha mujhe ki tum nhi pasand krte ho mujhe fir bhi aas lagakar baithi thi ki ek din karoge...

Ro bhi nhi sakti hu.. na hi mann halka karne ke liye apne dosto ko kuch bata sakti hu..jitni khushi ke saath unko tumhari aur meri baatein batati thi ab kis muh se batau unko ki baatein abhi ho toh rahi hai but kush nhi hu main kyuki tum khush ho kisi aur ke saath baatein karke..

Jo main tumhare liye mehsoos karti hu..jaise main tumhe apne paas chahti hu..waise tum bhi chahte ho bas farak itna hai woh main nahi..

sapno ki duniya se bahar aana pad raha hai shayad isliye kuch samajh nahi aa raha Ya fir isliye kuch samajh nahi aa raha hai kyuki tum mujhe samjha nahi rahe ho, adat ho gyi hai mujhe sirf tumhari baatein samjhne ki or ab aisa nahi ho raha aur ya fir isliye kyuki main tumhare alawa or kuch samjhna hi nhi chahti.

Itna soch liya h tumhe ki tumhare alawa kisi aur baat ko socho toh samjh hi nahi aati.

akhir me na tumhe samjh paayi na kisi aur baat ko, tumhi batao ki main kya karu..ki sab samjh aa jaaye mujhe..

#love #journal #journalling #poetry #life quotes #spilled journal #spilled words #female writers #writing #hindi #sad quotes #sad life #one sided feelings #friends #situationships #girl in love #only lovers left alive #daily journal #shayari #hindi shayari #prose