#حكي بلا هدف

[m-anarrr]

من فترة فاتت جبت بنجر وسلقتة وشلتة يتجمد لوقت الحاجة ودي اول مرة اعملها لاني دايما بحب اكله كما الجزر كده

ف المهم قلت النهاردة قومي يامنار اعملي حاجة من وصفات التيكتوك والذي منه ،واكتشفت ان معنديش حاجة من الوصفات غير البنجر المسلوق

بس ده موقفنيش قمت ضربته مع لبن وجنزبيل بودرة وقلت لما احط شوية قرفة وكده وحقيقي لون البنجر من أحب الألوان لعيوني ومع مزيج اللبن بحس ان اللون خطفني كده ومبسوطة بيه من قبل ما اشربه

هل هعتمد المشروب تاني؟ بصراحها اه عشان اكتشفت ان البنجر المسلوق طعمه حلو اوي بالنسبة لبراعم تذوقي ...هل هحاول اجرب وصفات التكتوك لما المكونات تكون متوافرة فده اكيد

هل هدور علي درجة روج ومناكير وهدوم بلون البنجر ف اااااه هعمل كده

#personal #اي حكي #حكي بلا هدف #اي رغي #August #2023

[wardmohammed]

يبدو أن ملامحي تعطي انطباعًا بالصبر والسلام أو ربما البلاهة مما يغري الناس جميعًا بتعذيبي بلا توقف من منطق إنهم لابد أن يعذبوا شخصًا ما..

خذ مثلا صديقي هذا الذي يصر على أن يحكي لي حلمًا رآه.. يحكيه على مدى ساعة ونصف تقريبًا:

- كنت أنا وسيد عبد الحفيظ نمشي في بستان ملئ بالأزهار.. ثم هبط أبي من السماء بجناحين وهو يلبس ثوبًا أبيض في أبيض.. أنت تعرف أن أبي كان مدمن مخدرات ممتنعًا عن أداء الشعائر الدينية مولعًا بالنساء ويختلس أموال الشركة التي يعمل فيها لكنى كنت مؤمنًا بأنه نقي النفس وأن مثواه الجنة برغم كل شيء.. نزل أبي من السماء ودعاني لأكل الفاصوليا.. غريب أن يذكر الفاصوليا بالذات فهو كان يحبها. ثم ظهرت عمتي وهي تمشى مع جيفارا.. جيفارا الثائر الشهير.. أنت تعرفه.. كان فمه ـ فم جيفارا لا أبي ـ ملوثًا بالفاصوليا وعرض

على أن أشاركه الأكل.. ثم ظهر الأسكندر الأكبر وأعلن أنه يحب عمتي وبدأ يتبارز مع جيفارا بالنبابيت.. هذا لا يروق طبعا لسيد عبد الحفيظ. أنت تعرف طبع سيد عبد الحفيظ.. لهذا ركب النعامة وانطلق..

طبعا أستمع له وأنا أرسم ابتسامة اهتمام على وجهى مع ترديد:

- أم م .. أم ممم.. إم م..

وطبعًا لا أستطيع أن أخبره أنني لا أذكر شيئًا عن سيد عبد الحفيظ ولا طباعه التي تجعله يركب النعام عندما يغضب..

بعد يوم واحد يتصل بي هاتفيًا وأنا مشغول جدًا ليقول لي في ذهول:

- يبدو لي أن أبي يناديني من القبر.. حلمت أمس أنني آكل معه الفاصوليا وهو يقول لي: كف عن الأكل يا حبيبي فقد تأخرت عن موعدك.. هنا ظهر سيد عبد الحفيظ وأنت تعرف طباعه.. لهذا طلب مني أبي أن ننهي الجلسة فورا.. وصحوت من النوم ومذاق الفاصوليا على شفتي.. مستحيل أن يكون هذا حلمًا.. هذا ليس حلمًا..

لا أذكر كم مرة حكي لي هذا الحلم وبرغم هذا لم يمت للأسف ولم يلب نداء أبيه قط لا أجرؤ على أن أصارحه برأيي هذا ولا إنني مقتنع برأي فرويد حول أن الأحلام عادم يخرج فضلات الروح ورغباتها المكبوتة لا أكثر..

ربما هو يأكل الفاصوليا في الحلم لأنه فعلًا يتمنى أكل الفاصوليا.. لكن

كلامه ينبع من اعتقاد كل إنسان إنه ليس حيوانًا كمن حوله وإنه يتمتع بدرجة عالية من النقاء والشفافية والاتصال بالأثير..

- ليس هذا بأغرب من حلم آخر .. هل تذكر (مروة) زوجتي الأولى ؟ .. بعدها تزوجت (عفاف) ثم (هالة) ثم (عزة) ثم (نادية) ثم (سامية) .. لكن مروة ظلت في خاطري .. أمس رأيتها.. الخ .. الخ..

وتبدأ وصلة حلم جديدة مدتها ساعة ونصف.. الرحمة من فضلك .. القنوات الفضائية تقدم فاصلًا ثم تعود.. الثلاجة الكهربية يستريح موتورها من وقت لآخر.. لكن صاحبي هذا مستمر للأبد..

أرجو من الجميع أن يترفقوا بي فلا يفرطوا دون هدف في استخدام هذا العضو الطري الزلق المسمى باللسان فإن لم يستطيعوا فليحكوا لي مواضيع ليس فيها فاصوليا أو سيد عبد الحفيظ !

لا تحكوا لي

#أحمد خالد توفيق #صباحيات #اللهم أعني

[maryamqadoom]

اعرف من انت ...😑😑😑😎😎😎

اياك ان تكون ماضي وتربط حياتك بالي راح .. انت مش فرصة لحد ولا حد فرصة الك البختار يبقى بيقبى ولبختار يروح خلي يروح عشان يعطي مجال للافضل الي يستحق انه يبقى توقفش على الاطلال وتبكي وتشوف الراح الافضل عشان ما تجدب الفرص الاضعف ولي ما بتستاهلها ولا بتستحقها ...

خلي نظرتك لكل حدث مضى نظرة ايجابية لعله خير الراح ولو كان خير ما راح ويمكن هتعب منه لو صار ويمكن ما في خير الي حتى لو كنت شايفه الخير ربنا البكتبه كله خير المهمة الرضا والشكر والحمد مهما صار

ارضا بكل امر واشكر واحمد واعرف ان الحياة بتوقفش عند فرصة ولا عند حد الحياة بتوقف عندك انت وعند ضعفك وخوفك وحزنك على المضى

ما تربط حياتك باحداث الكون وافكار غيرك وسلبياتهم وحياتهم وتصرفاتهم اربط حياتك بحالك بحبك لنفسك بنجاحاتك افكارك وفرصك للافضل

اعرف ان كل سنة بتمر بحياتك فيها دروس وكل سنة غير التانية وكل يوم غير الراح وكل سنة بتمر يا بتخليها درس وتنضج في لسنة البعدها اما بضل طفل يبكي على الراح ولعبه الي نكسرت

حياتك نجاحك تفوقك وتوفيقك مش مبربوط بحد ولا بفرصة ولا بمادية ولا حتى بعقلية مربوط بالنجاح الي بترسمه بالانجاز الي بتنجزه بالوقت الي بتنتج فيه برسالة الي بترسلها وبكون فيها رسالة خير وتحفيز لغيرك

تزكر وعرف شيء واحد الانبياء ربنا خصهم بنبوة بانجازات كبيرة بس اقوامهم الي تبعوهم بايدهم رسالة يكملوها بطريقتهم وانت مخلوق بايدك رسالة من الله للكون رسالة تتسال عنها اليوم وباخرتك اما تنجز لتوصل رسالة ترضي ربنا عنك وتقوي حياتك وثقتك بنفسك اما انك تكون انسان ضعيف بلا انجاز

تذكر ان الانسان الضعيف الي بلا شخصية ولي شخصيته مهزوزة ومش واثق بحاله .. الي ما اله هدف ولا تخطيط ونجاح بحياته ولي ما بقدم رسائل ومنافع للبشرية ولي ما بكمل رسالة الي نخلق لاجلها اعمار الارض ولي دائما نايم بستنا الفرصة ولي دايما عايش بس لترفيه ولمادة وارضاء رغباته الي صارت بزمنه اكثرها جنسية واسفة على هالحكي ولي دائما بس حديثه عن فلان وعلان وقصص الي تهز اسرار الناس او تزود وتبهر لتفضح ناس ولي دائما هدفه يكون متعه لغيره بقصص وحكاية واشياء تافها ولي بدور على حد يبسطه ويمتعه ويضحكه ويفرحه الي ما بعرف كيف يصنع سعادته نجاحه الي بدور على اكبر كم من الاصدقاء وببين انه عندك اصدقاء وهو شاري رضاهم بالحكي التافه والفاضي والادلال والاقلال من القيمة الي دائما احلامه وردية متل الاطفال الي ما عنده رسالة ومبدء ولا عنده ايمان بالله واخلاق المؤمن الي بفكر حاله بعرف يجدب الناس بطريقة غير سوية ولا اخلاقية الي بفكر يبيع ويشتري بناس وشرفهم واخلاقهم الي بصنع هروب ودروب شوك للناس وبنسا انه اخره نفس الطريق والارض بتلف وبدور الي بلا عقل وفكر وضمير واخلاق ومبدء الي بطلع على عيب غيره وبترك عيبه يسرح ويمرح

وتدكر كمان البخلي شراعه وبابه فاتح لجاره مفضوحة اسراره

الي ما بقتضي باخلاق الرسول صل الله عليه واله وصحبه وسلم وصحابه او اخلاق دينه ومبادئ الايمان فيها

خليك واعي صاحي الدنيا فانية ياما بتترك اثر يتدكروك فيه بخير اما انك بتكون تافه بلا مبادئ ولا ادكار خير

تستحليش مدح الاخرين لشي فيك وهو مش فيك عشان زمنه النفاق كثير ليرضيك ورضاك قبل رضا ضميرك وربك نهاية ماساوية

لو طريت ضل لحالك بس تكون راضي وراضي ربك ضل بس انجح وعلى العالم بالخير طل صدقني الي بتزرعه بتحصده

اياك تستغل وتزل وتنافق وتلبس وجه شمع يسيح مع الزمن ويكشف حقيقة انت ما بتتمنى تنكشف خليك قدوة

#مريم_قدوم شوية حكي

[m-anarrr]

من الحاجات اللي عرفتها أثر السهر والتقليب علي الفيسبوك بلا هدف

ان في شراب سيليكون يا شباب وان معادلة ان الانسان يلبس كيس ساندوتشات وفوقيها شراب دي هتنتهي خلاص

ومعرفش ليه بجد الانسان يقرر يلبس كيس ساندوتشات وفوقيها شراب في عز الحر وهو داخل ينام 🤷‍♀️

#حكي #حكي اخر الليل #مجرد حكي #حكي بلا هدف

[m-anarrr]

اخر مرة كنت رحت عملت شعري زي ما الناس بتعمله كان مثلا عندي ١٥ سنة او ١٤ حاجة في الرينج ده ،كان عيد ميلاد مي وهي حابة تعمل شعرها ونعمل حفلة عائلية وانا شبط معاها انا كمان عايزة

المهم ان كالعادة كنت مطبقة بقالي يومين ودلوقتي وانا بكتب الكلام ده حاسه انه مكنش منطقي طفلة عندها ١٥ سنة تكون مبتنمش بالشكل ده بس مش مهم مش ده موضوعنا

واول ما قعدة تحت ايد الست حسيت اني بتعذب اوي وراسي بتصوت وايه كم الشد وكم السخنية وكم الوجع ده وفضلت حابسة دموعي لحد ما الست خلصت ولحد ما روحت البيت غير ان هي معرفش عملت ايه بس كنت شبه سوكا رغم ان شعري معمول ودي كانت حاجة غريبة اوي وشعري باظ جدا غريبة اني فاكرة الوجع ومشاعري كأنها كانت امبارح فعلا بستعجب الذكريات بستعجب قدراتي اني فاكرة كل ده بالشكل ده

وطبعا مكس عدم النوم مع مشاعري الكتير مع احساسي بالوجع ضيع عليا حاجة مهمة اني احضر العيدميلاد واكل من التورتة واعيش معاهم اللحظات كلها عشان روحت البيت نمت علي الكنبة وصحيت والناس ماشية اصلا ف الذكري دي مكنتش حاضرها حتي الصور مش موجودة فيها

وبعد ما عدي ١٢ سنة قررت اني اروح اعمل شعري وافتكرت ليه مبحبش اروح اعمله اصلا لان فروة راسي بتصعب عليا وبحس ان الشخصية بتاعتي او منار اللي شبهي مبقتش انا والموضوع ده بيوترني اوي غير اني بحس اني لازم اغسل شعري اول مروح البيت 😂😂

والحاجة الاخيرة اني كنت عايزة اعيط جدا وحسيت ...كان هيجري ايه لو صحيت باقي اليوم ؟ يعني ايه اللي كان هيجري لما احضر بشعر بايظ ؟

بس علي الاقل كنت هفتكر الضحك وشكل الناس وهما متجمعين والتحضريات وهفتكر كل التفاصيل زي ما دماغي عودتني

ف لو حد سالني ايه الحاجات اللي ندمانة عليها ...هي كل اللحظات اللي معشتهاش مع عيلتي سواء كان عشان نايمة او عشان قاعدة في اوضتي مش عايزة اخرج منها

#personal #حكي بلا هدف #memories

[m-anarrr]

نسيت اقول اني امبارح حصلت قافلة بسببي في العمارة كلها عشان موتور الماية كان بايظ وانا معرفش وولعته ونزلت ونسيته كمان الحوار مكنش واقف اني ولعته بس

المشكلة اني بقالي مثلا شهرين او حاجة كده مش باجي جنب الموتور عشان كوارثي كترت ف قلت بقي مش مهم مش لازم استخدمه يعني عشان المواضيع متكبرش

ويوم ما جيت استخدمه اعمل قلق كده

حاسه اني محتاجة اعيش في الريف كده في بيت صغير ليا لوحدي عشان كوارثي تبقي مقتصره عليا لوحدي من غير اطراف آخرين متضررين 🙋🏻‍♀️

#personal #حكي بلا هدف

[m-anarrr]

كانت مدرسة جديدة في اول سنة ليا في ثانوي كنت خايفة جدا

مكنتش خايفة من المدرسة ولا الدراسة ...كنت خايفة من الناس اللي في سني مكنتش عارفة هي الناس دي هتحبني ولا هيحصل فيا زي المدرسة القديمة ؟ كنت لسه طفلة ومشاعري مذبذبة ومعنديش ادراك ولا عندي اي نيلة غير ثقة متبعترة في الارض ماما كانت بتحاول تلملمهالي

وشاء القدر اني اتعب في اول ترم ليا واعمل عملية ومكنش في دماغي حاجة غير اني لما روحت البيت وابتديت استوعب كل حاجة ،لقيت ماما بتقولي صحابك مبطلوش سؤال عليكي وكل شوية يتصلو يطمنو وانا جوايا مش فاهمه صحاب مين ...انا معنديش صحاب اصلا وهي عارفة ده

تاني يوم في معاد المرواح لقيت جرس الباب بيرن وساعتها لقيت داخل عليا كم عدد ناس من المدرسة الجديدة عقلي مكنش مستوعبة ...هي الناس دي جاية عشاني انا ؟

هي الناس دي عايزة تطمن عليا انا ؟ ...مكنش فارق ليا تعبي ولا فارق معايا العملية ولا فارق معايا اي حاجة غير ان دي كانت اول مرة في حياتي احس اني مش كائن غريب او شئ نكرة لا يستحق الحب

ومش هنسي الكيس الاسمر اللي فيه برتقان ودبدوب كيتي اللي جبهوملي من مصروفهم عشان مش عارفين هما المفروض يجيبو ايه لحد عيان ..

كانت اكتر حاجة دافية حصلت في حياتي وفعلا كانو احلا ونس وكانو من أجمل فترات حياتي اللي عدت عليا يعني

وحاسه اني مبسوطة ان جوايا ذكريات من النوع ده اللي بيخليني قادرة اكمل

#personal #رغي بلا هدف #2022 #july #warm memories #memories #حكي بلا هدف

[m-anarrr]

فاكرة ان تاني مرة في حياتي جالي ورد كانت اول سنة جامعة واليوم ده نزلنا انا وصحبتي نلف في الشوارع ونتمشي جوا الجامعة وبرا الجامعة عشان نعرف المكان

كل حاجة كانت جديدة علينا وهي بتحب المشي جداً واتبسطت اني بشاركها حب المشي ،كنا كليات مختلفة بس نفس الجامعة وفكسنا للمحاضرات والذي منه

فضلنا نمشي من ٧ الصبح لحد ٢ الضهر نتمشي نقعد شوية ونتكلم كان من الطف الاوقات اللي عدت عليا

وواحنا ماشين قابلنا محل ورد مش فاكرة مكانة بالظبط بس كان بين جامعة القاهرة ومحطة السيدة حاجة في النص كده حسب ما ذاكرتي فاكرة *كانت السنة اللي قبل بنها*

ولقيتها دخلت جابتلي ورد وكان لونه لبني مايل للازرق كان حلو اوي عشان ساعتها كان الازرق اكتر لون بحبه في الكون ومش هنسي ساعتها مدي فرحتي بالورد لدرجة ان الذكري لسه محفورة جوايا ،وساعتها قالتلي انها ممتنة اننا صحاب وبنتشارك حب المشي سوا وده كان شئ لطيف فعلاً

وغير انها لفتت انتباهي لحاجة مهمة وجميلة ان الورد مبهج وان الحركة دي مبهجة فبقيت بعمل زيها ولقيت ان فرحتي بتكون اضعاف عشان عيونهم اللي في لمعة بسيطة من الامتنان دي بتراضي قلبي

#personal #memories #حكي بلا هدف #حكي #may #2022

[m-anarrr]

كان بقالنا فترة جايبين رمان وفضل مركون فترة مش عارفة احدد عدد الايام

المهم كل ما بعدي من قدامه بقول لنفسي هعمله النهاردة ويوم عدي يوم لحد من ٣ ساعات فاتو وعملته ورميت منه اللي باظ والذي منه .

بس هو كان طعمه غريب شوية يعني مكنتش عارفة احدد هو مزز ولا مسكر ولا ايه الطعم الغريب ده لحد ما مي داقته وقالتلي منار ده طعمه وحش

فبقولها وحش يعني مزز ولا وحش بمعني

قالتلي وحش يعني بايظ

وحسيت اني وقفت اعمل الرمان وانا مش قادرة عشان في الاخر يترمي بشياكة كده اللي هو انا رمان مرمي بس متعوب فيا

#حكي بلا هدف #رغي #2022 #September

[m-anarrr]

حصل مرتين اني عملت ريبلوج لي ٢٥٠ بوست في اليوم وبسبب الحوار ده اكتشفت ان تمبلر بتوقيت نيويورك لاني ساعتها كانت الساعة ١٢ عندنا ف مستغربة ازاي في دقيقة حصل كده والمهم اني بعدها استوعبت اني بعمل ريبلوج ودايما فاتحة طول اليوم وده حسسني اني زهقانة بقي والله وبكتبلكم الكلام ده بمنتهي الزهق والزعل كده وبس خلاص كده

#اي رغي #personal #حكي بلا هدف

[m-anarrr]

فاكرة برضو ان اول مرة اسبب رعب ليهم في البيت كنت في kg 2 ساعتها كان في جنينة صغيرة جوا المدرسة جنب بالظبط الباب بتاع الخروج ودايما مقفولة بس كان فيها مرجيحة صغيرة جوا يعني اي طفل هيكون عايز يروح هناك بس كانت متدارية ف لو طفل دخل هناك مش هيتشاف

مكنتش بحب استني السواق وكنت بزهق جدا عايزة العب او اروح البيت بقي واستغليت فرصة ان عم فتحي حارس البوابة مش منتبه وجريت علي الجنينة والباب بصراحة مكنش اطول حاجة واستعنت بالكرسي ونطيت جوا بقي وكده خلاص حققت مرادي وهلعب بس ركبتي اتعورت 🤷‍♀️

طبعا السواق جه مالقنيش في مكاني وعم فتحي قاله انا مشفتهاش والحوار كبر لدرجة ان الكل ساعتها كان بيدور عليا لحد ما اخويا وابن خالو الكبير جم المدرسة وفضلو يقنعو عم فتحي يدورو عليا وهو يقولهم اني مش موجودة وطبعا ده كله من حكاويهم وانا بلعب جوا عادي

لحد ما فعلا عم فتحي فتحلهم باب الجنينة وشافوني هناك بلعب علي المرجيحة ولا دايرة بحاجة في العالم وروحت البيت وساعتها ماما كانت عمالة تعيط جامد واول ما شفتني فضلت حاضنة فيا وتعيط

وطبعا ساعتها مكنتش فاهمة حجم الرعب والقلق اللي هما فيها بس دلوقتي بقيت حاسه بخوفها ساعتها

بس ده ميمنعش اني في كل مرة كنت بنط في الجنينة وكل مرة عم فتحي بقي يجبني من قفايا 😂🤍 لدرجة انه لما شافني اخر مرة وانا كبيرة من كام سنة فاتو وكنت مكسوفة اسلم قالي يابت مكسوفة تسلمي ليه اهو انتي مستحيل انساكي ،ربنا يمسيه بالخير ويسعدله قلبه بقي 🤍

#personal #memories #childhood #حكي بلا هدف #رغي بلا هدف #حكاوي

[m-anarrr]

الشمعة دي غالبا هفضل اصور فيها طول الايام الجاية او لحد ما تخلص يعني

فحبيت احكي ان في حاجة في نور الشمع او تكوينة بيخليني هادية يعني مافيش مرة كنت مولعة شمعة حواليا غير وبحس بسكون مالوش وصف كأن كل حاجة جوايا عمالة تترتب من غير اي جهد مني ودماغي دي فعلا بتهدي كنت جربت انسي الشعور ده ...مش حاسه اني بجري حتي لو شعور لحظي

دايما كنت بعتمد الشمع بتاع زمان ده اللي اهلينا بيستخدموه لما النور يقطع وكانت اوضتي من زمان مليانة من الشمع ده كان عندي مزاج ايام ثانوي اذاكر علي ضوء الشمع ،هي اه عيوني كانت بتتعب بس اهم حاجة الاجواء وكنت ساعتها بستغل اوي حوار ان مصر دايما نورها قاطع عشان اولع شمع

جينا في الفترة اللي بعد كده لما عرفت ان في انواع من الشمع وانه لا يقتصر بس علي الشمع المتداول بالنسب��لي ابو نص جنية ده وربع جنية وشمع العيد ميلاد ده طلع في عالم من الشمع بعيد عني ... بس في نفس الوقت اكتشفت ان اي حاجة فيها روايح مش بتمشي معايا وبتتعبني وفضلت بحب الشمع ده من بعيد لبعيد شكله دايما بيبهرني بس بخاف منه

اول حد لاحظ حوار حبي للشمع ده كانت فاطمة لأنها كانت كل ما تدخل معايا مكان خدت بالها اني بقف كتير قدام اي كورنر فيه شمع وعدي وقت لحد ما جه عيدميلادي وفاطمة جازفت وقررت تجبلي شمعة لو تعبت منها مش مشكلة ابقي البسي كمامة يامنار 😂 والحقيقة ان علي قد انبساطي كانت الريحة احيانا كتير بتخنقني بس بفضل مولعة الشمعة عشان كانت بتهدني نفسيا ....ف جزء مني بيكون هادي وجزء تاني ضغطة بيوطي وبيفقد القدرة علي التنفس بس مش مشكلة هتفضل الشمعة دي الاقرب لقلبي

تاني شمعة بقي مميزة لقلبي لما مريم اكتشفت حبي للشمع وقررت تجبلي الطف شمعة لونها احمر عدت عليا ومش عارفة اوصف مدي سعادتي كل ما بفتكر مريم وهي بتدني الشمعة او في كل مرة بلمح شمعة فبفتكر الذكري اللطيفة دي

ونيجي بقي للشمعة اللي هقرف��م بيها صور واللي برضو بتقتل الضغط عندي وبتفقدني القدرة علي التنفس بس حابها جدا جدا جدا بشكل مش عارفة اوصفة وبرضو فاطمة قررت تهاديني بيها عشان اول ما شافتها افتكرتني وشافتني بيها

وبس كده يعني

#personal #2022 #October #حكي اخر اليوم #حكي بلا هدف

[m-anarrr]

دايما عندي مشكلة مالهاش حل مبحبش استني او بمعني اصح بتوتر دايما لما بيكون عندي معاد معين في مكان معين لازم ابقي فيه

سواء بقي صابح عليا شغل بفضل طول الليل في توتر لحد ما وقت الشغل يجي

عندي مشوار معين بفضل قاعدة براقب الساعة والوقت عشان الحق اجهز واكون في المعاد وقيس علي كده كل حاجة

وده من ضمن اسباب مشاكلي من النوم اني بخاف انام تروح عليا نومة !

وفي وقت ضايع مني في ترقب الوقت بدل ما اقوم اعمل فيه حاجة وحقيقي الموضوع منهك جدا

بالرغم اني من الناس اللي عندها تقدير مظبوط للوقت يعني عارفة هجهز امتي وهنزل من البيت امتي عشان اكون في المكان الفلاني امتي، فمعرفش ليه بعمل في نفسي كده

#personal #2022 #may #im so annoyed #حكي بلا هدف

[m-anarrr]

المهم ان الشهر اللي فات لقيت بنت خالي بتقولي منار احنا في مرة كنا خارجين وروحنا المكان الفلاني وانتي طلبتي حاجة طعمها معجبكيش بس عجبني وشربتها بدالك انتي مش فاكرة هي كانت ايه ؟

طبعا يبدو من السؤال ان الطلب او الخروجة دي كانت من اسبوعين مثلا او حاجة زي كده بس الحقيقة.

انها كانت بتسألني عن خروجة يوم ٣-٩-٢٠١٧ ،وعقلي دلوقتي مش قادر يستوعب الزمن اللي عدي لاني فعلا فعلا كنت حاسه الوقت قريب بس مكنتش فاكرة اوي انا طلبت ايه .

بس جوجل ربنا يخليه وانا عماله اقلب في الصور طلعلي صورة العصير اللي معجبنيش وطلعلي ال receipt بالتاريخ والوقت والاسعار وحاسه ان سيدهاتكم معايا اوي .

#personal #حكي بلا هدف

[m-anarrr]

المهم بقي يا جماعة ان الساعة دلوقتي خمسة الفجر وقلبي وعقلي واقفين في نقطة زمنية معينة وهي النقطة اللي مجبتش فيها الصندل اللي عجبني 😂😂

وحاسه اني محتاجة اروح من غير مي عشان اعرف اطلق العنان لنفسي واشتري الصندل اللي عجبني ده ومسمعش صوت العقل والمنطق اللي هي بتكلمني بيهم وبيكون معاها حق فيهم برضو

#personal #2022 #حكي بلا هدف

[m-anarrr]

النهاردة الصبح بعد ما نزلت والمفروض همشي من طريق عارفة كويس بس بقالي كتير ممشيتش فيه واتفقنا هنتقابل عند محل كشري معين قريب من الموصلات اللي احنا هنركبها

المهم عقلي الصبح مكنش مترجم حرفيا انا فين وبعمل ايه وعدي عليا كذا محل كشري وفي الاخر نزلت عند محل كشري بس مش المطلوب عشان حسيت ان الطريق فاتني وان لا منار انتي وجهتك غلط وبدل ما اسال كالمعتاد اعتمدت علي نفسي اعتماد خلاني اتاخر نص ساعة عشان عمالة الف حوالين نفسي

وفي الاخر قابلتها وطول اليوم تبصلي وتقولي لحد دلوقتي مش مستوعبة بجد انك توهتي 😂😂

وده نبذة عن دماغي اللي بتحب تمشي مع نفسها كده بثقة تامة وهي اساس بلح ولا عارفة حاجة

#personal #may #2022 #details #حكي بلا هدف