#امثلة | Explore Tumblr Posts and Blogs

goingnoowhere · 9 months

Text

لو بصيت بصة على ميثولوجي الحضارات القديمة هتلاقيها بتتشابه في نظرتها للمرأة وكأنها أصل الشرور، من أول امرأة في التاريخ، حواء اللي خلت آدم ياكل من الشجرة، لباندورا (كانت برضه اول امرأة يخلقها زيوس بعد ما بروميثيوس سرق النار من الجنة ) اللي فتحت الصندوق وكانت السبب في إن كل الشرور تظهر في الارض، لحد سيرانة اللي بتغني للملاحين في البحر عشان تموتهم.

حتى لو بصيت على سفر التكوين هتلاقي إن صيغة الكلام بتقول حسبي الله ونعم الوكيل في النسوان:

وَقَالَ لِلْمَرْأَةِ: «تَكْثِيرًا أُكَثِّرُ أَتْعَابَ حَبَلِكِ، بِالْوَجَعِ تَلِدِينَ أَوْلاَدًا. وَإِلَى رَجُلِكِ يَكُونُ اشْتِيَاقُكِ وَهُوَ يَسُودُ عَلَيْكِ». وَقَالَ لآدَمَ: «لأَنَّكَ سَمِعْتَ لِقَوْلِ امْرَأَتِكَ وَأَكَلْتَ مِنَ الشَّجَرَةِ الَّتِي أَوْصَيْتُكَ قَائِلًا: لاَ تَأْكُلْ مِنْهَا، مَلْعُونَةٌ الأَرْضُ بِسَبَبِكَ. بِالتَّعَبِ تَأْكُلُ مِنْهَا كُلَّ أَيَّامِ حَيَاتِكَ. وَشَوْكًا وَحَسَكًا تُنْبِتُ لَكَ، وَتَأْكُلُ عُشْبَ الْحَقْلِ. بِعَرَقِ وَجْهِكَ تَأْكُلُ خُبْزًا حَتَّى تَعُودَ إِلَى الأَرْضِ الَّتِي أُخِذْتَ مِنْهَا. لأَنَّكَ تُرَابٌ، وَإِلَى تُرَابٍ تَعُودُ»

طبعا أنا مش مؤمن إن المرأة هي أصل الشر��ر والكلام ده عشان منفهمش بعض غلط بس، أنا سيمب عادي وشايف المرأة احلى حاجة في الدنيا😂

بس ده ميمنعش برضه إن فضولي بيخليني أسأل طب ليه، اشمعنى، ايه سبب النظرة الغريبة دي، كنت هقول نظرة دونية بس اكشلي دي مش دونية، دي عكس الدونية، دي مبالغة في النظر لامكانيات المرأة ومعاملتها كأنها الشيطان الأكبر، معتقدش إن فيه حد بيبص للشيطان بدونية فبلاش حمقة الفيمينيست تشتغل دلوقتي برضه.

لو مثلا بصينا على امثلة الميثولوجي اللي فاتت هنلاقي إن فيها حاجة مشتركة وهي الغواية (منا مخترتش امثلتي صدفة برضه): حواء اغوت آدم، باندورا استسلمت لغواية الفضول، سيرانة بتغوي الملاحين بغناها .. واعتقد ده كان السبب في هوس الانسان المتخلف في العصور الوسطى بقمع المرأة زيادة عن اللزوم عشان متمارسش هوايتها المفضلة وهي الغواية.

واعتقد دي كانت غلطتهم برضه، إنهم شافوا ان طالما المرأة هي اصل الشرور فده اكيد بسبب صفة فيها اوعيب، زي الغواية زي المكر زي السحر بلا بلا بلا .. بس من وجهة نظري، النظرة التقليدية للمرأة اللي بنتكلم عنها كان سببها أتفه من كده بكتير.

لو انت شخص بتحب مايكل انجلو زيي فاول ما تشوف حتة الآرت دي هتعرف إنها موجودة دلوقتي في الفاتيكان والمفروض بتمثل صورة السيدة العذراء وهي ماسكة جسد ابنها المسيح بعد ما اتصلب، قد يبدو مشهد حزين عادي جدا لام بتودع ابنها بعد ما اتقتل، لكن لو بصيت على ايديها الشمال هتلاقيها واخدة رياكشن مختلف عن الحزن حبتين.

حسب اللي وردلنا من الفنان مايكل انجلو نفسه، انجلو وهو بينحتها مكنش بيحاول يظهر حزن العذراء على ابنها قد ما كان بيحاول يسلط الضوء على شعورها بالذنب وقلة الحيلة .. شعورها بالذنب؟ طب ليه؟ هي عملت ايه عشان تحس بالذنب، المرادي لا هي كانت السبب في صلب حد ولا غواية حد ولا عملت أي حاجة خالص، ليه يعم انجلو شايف انها في اللحظة دي هتحس بالذنب؟

الاجابة العبثية اللي انجلو شافها منطقية، واللي في الحضارات اللي قبله شافوها عقلانية جدًا، هي إن العذراء هتحس بالذنب عشان هي اللي انجبت المسيح، إن المرأة أصل الشرور عشان هي اللي انجبت البشر وجابتهم الارض عشان يعانوا ويتعبوا ويدوقوا الشقاء والبهدلة.

طبعًا قد تبدو نظرة طفولية، هي مش تبدو هي طفولية اوي فعلا، لكن للاسف هي دي النظرة اللي كانت عند كل الناس دي تجاه المرأة، واللي يخليك تستغرب اكتر هو طب بما إنك قولت المرأة أصل الشرور عشان هي اللي انجبت البشر ونتيجة لانجابها ليهم داقوا المعاناة، ليه مش بتنسبلها الفضل لما الزهر يلعب والخير يعم، ليه مش بتقول ساعتها شكرًا يا مرأة على إنك جبتينا ندوق النعيم؟

عشان في الميثولوجي برضه هنلاقي فكرة إن الشقاء موروث والنعيم مكتسب، فلو انت بتعاني فده عادي عشان انت اتولدت، إنما لو في نعيم فده بسبب شطارتك، أو زي ما ربنا قال في بني إسرائيل: فَإِذَا جَاءَتْهُمُ الْحَسَنَةُ قَالُوا لَنَا هَذِهِ وَإِنْ تُصِبْهُمْ سَيِّئَةٌ يَطَّيَّرُوا بِمُوسَى وَمَنْ مَعَهُ .. ودي من وجهة نظري البوينت من دراسة الميثولوجي عمومًا، إنك بتاخد جولة في لاوعي معظم الناس وتكتشف قناعات عندهم هما نفسهم ميعرفوش اصلها ولا مدركين وجودها، كأنك بتقرا عقول الناس وبتشوف بيفكروا في إيه وتبدأ تفصص افكارهم دي في دماغك عشان توصل للسبب خلف القناعات دي اللي هما نفسهم مش عارفينه ونسوه من آلاف السنين.

8 notes · View notes

amaaneea · 1 year

Text

أعتاد على التأمل في كل مواضعه النفسية منذ سنوات طويلة، ورأى من خلالها ضوء العودة الى الروح بوضوح، كان بمثابة الطريق الوحيد الذي أعاد ترتيبي، هذبني التأمل، وأعاد إتزاني إلي، كان بيني وبين التأمل هدنة وللأبد. من إحدى امثلة التأمل: مو صورة على الماشي لأ، صورة تحمل في طياتها الكثير والكثير، بشكل أوضح هذي شقوق أرضية السطح وبس، لكن صورتهم وكان بيني وبينها تشابه ولا زال هذا التشابه قائم للآن

11 notes · View notes

daysofmenna · 1 year

Text

المفروض -أنا- ادخل اشرح جزء معين واقول امثلة في جروب البروجكت

12 notes · View notes

hazemehab · 6 months

Text

كنت اتمني اني اكتب عن الظروف والأحداث اللي احنا فيها دي لكن الموضوع صعب, ماعنديش قدرة علي التركيز اني اكتب عن ده وماعتقدش حد يقدر يكتب إلا لو أخد مسافة ولو بسيطة. آه بفكر في فترة قريبة اكتب سلسلة مقالات عن فلسطين اتناول فيها الاحتلال والمقاومة من زوايا تحليلية مختلفة يمكن ده يكون له جدوي, بس بعد ما اخلص من اللي ورايا الأول والشحنة الانفعالية تهدي شوية كمان عشان اقدر افكر.

المهم انا بكتب النهارده بعد فترة توقف كده لإن من شوية قريت خبر ان الاستاذ رؤوف توفيق اتوفي. وللي مايعرفوش فهو ناقد سينمائي وصحفي وسيناريست ومن اشهر اعماله سيناريو فيلم زوجة رجل مهم لمحمد خان, بس علاقتي الافتراضية بالأستاذ رؤوف بدأت من قبل ما اعرف انه كاتب الفيلم ده ومعرفتي بشغله خلتني مدين له بكتير جداً لحد ما اموت تقريباً.

لما بدأت اهتم بالسينما بشكل جد وانا في ثانوي كنت حريص اني اقرا عن السينما علي أد ما اقدر اللي هي كانت بالنسبالي عالم عندي احساس اني بنتميله وفاهم لأول مرة بشكل عفوي جداً ايه هي شغلة المخرج بالظبط والشغلة دي كنت عايز اعملها بأي شكل. المهم, انا كنت ساكن في الهرم, وفي اثناء رجوعي مالدروس مشي في أغلب الاوقات كان في طريقي قرب البيت منفذ بيع او قول مكتبة يعني بتاعة الهيئة العامة للكتاب لزق في سينما رادوبيس بالظبط. المكتبة دي كانت كنز بالنسبالي بما اني شخص بيحب القراية بالإضافة للأسعار اللي كانت في متناول التريسكل بتاع العيش مش طالب في ثانوي حتي, فكل ما اعدي عليها كنت استلقطلي كتابين تلاتة اربعة كده في حسبة ماتعديش بالميت المحروق 12 جنيه ولا حاجة, وارجع اخبي الكتب دي في درج المكتب عندي عشان اتفادي اي مشكلة يتقاللي فيها اني سايب مذاكرتي وبضيع وقتي في الكلام ده وفي اسوأ الاحوال لا قدر الله يتعرضوا لخطر المصادرة.

الفكرة اني الحمدلله برضه كنت بقعد اذاكر وكل حاجة, بس كل ما آخد بريك كده يا إما كنت امسك الجيتار في الخباثة كده اقعد اعمل عليه اي حاجة يا إما بطلع كنز الكتب الاستراتيجي ده انقي كتاب اقعد اقرا فيه شوية عشان افصل برضه, خصوصاً اني كنت قاطع فيسبوك بقرار شخصي يعني وده كان احسن طبعاً. الكتب دي كانت من بدايات الطريق اني احاول ابقي بني آدم فعلاً ويمكن اكتر كتاب فاكره فيهم كان مختارات مترجمة لشعر بوشكين, وهو شاعر روسي من اهم شعراء القرن التسعتاشر وبحبه من ساعتها الحقيقة.

المهم, من ضمن كام كتاب اشتريتهم عن السينما لكنهم ماكانوش كفاية نهائي, كان فيه كتاب اسمه اوراق في عشق السينما ومكتوب اسم مؤلفه, رؤوف توفيق. مين رؤوف توفيق طيب؟ مكتوب انه كاتب فيلم كذا وكذا ووالله مانا فاكر حتي كان مكتوب الكلام ده جوا ولا برا بس صباح الفل يعني مش كتاب عن السينما؟ وسعره كلام فارغ يعني يبقي توكل علي الله واهي بترزق يعني اكيد محترم مادام فيه سينما في الموضوع.

الكتاب ده كان من الكتب القليلة اللي قريتها في وقتها من الجلدة للجلدة. هو الكتاب كله عبارة عن تجميعة لمقالات نقدية لأفلام اغلبها ان ماكانش كلها افلام اجنبي وسبق نشرها قبل كده بس قرر يجمعها في كتاب, وهنا كانت الصدمة الأولي او الاكتشاف الاول. السينما اللي بجد مش في امريكا بس, ده فيه سينما في اوروبا وفي اليابان كمان, وسينما مهمة ويمكن اكتر اهمية من امريكا. فجأة باب اتفتح علي عالم جديد تماماً ماعنديش عنه فكرة, افلام اول مرة اسمع عنها, رؤي نقدية شديدة الحساسية والعمق بالنسبالي وقتها, المقالات نفسها في عرضها للأفلام ممتعة جداً وتعليمية كمان بالنسبة لواحد زيي وقتها, مافيهاش لغة متكلفة ولا عامل نفسه عميق ولا بيستعرض عالقارئ, بالعكس بياخده من ايده يمشيه في العوالم دي ويفرجه ويقول له رأيه برضه. ده كان الاكتشاف الاولاني اللي حببني في اني اشوف الافلام اللي اتكلم عنها في مقالاته دي بأي طريقة.

الاكتشاف التاني واللي انا بعتبره في ميزان حسنات الراجل ده كان الجزء التاني من الكتاب. الجزء التاني من الكتاب كان عبارة عن مقالات زي سكيتشات كده او مقالات تعريفية بشخصيات, وده كان اكتشاف بالنسبالي لا يعادله الا اكتشاف الانسان للشطافة. فيديريكو فيلليني, انجمار بيرجمان, اكيرا كوروساوا, جون هيوستن, جان لوك جودار, اورسون ويلز, انا عايزك تتخيل الانبهار اللي بيشعر بيه انسان وهو بيسمع عن الناس دي لأول مرة وبيقرا عن حياتهم واسلوبهم السينمائي والمواضيع اللي تناولوها مع امثلة وعروض نقدية سريعة لكذا عمل من اعمالهم كده في وسط الكلام. ده يمكن زي ادراك واحد في القرن الستاشر لآراء كوبرنيكوس أو لما تعرف ان فيه واحد اسمه نيوتن فصص حاجة اسمها الجاذبية بمعايير زمنه. ذهول وسعادة وحماس ويوفوريا ما بعدها يوفوريا. دي السينما اللي انا عايز اتفرج عليها ودي الحاجات اللي انا عايز اعمل زيها, خصوصاً فيلليني اللي كل دماغي من اول ما قريت عنه في الكتاب.

طبعاً في سيكشن الشخصيات كان بيتكلم عن ممثلين كمان, تقريباً اتكلم عن مارلون براندو ومش فاكر اتكلم عن مدير التصوير سفين نيكفست ولا اتكلم عنه في مقالته عن بيرجمان. بس المقالات دي كانت ويكيبيديا بالنسبالي بس بشكل موجه ومرتب وتدريجي. بمجرد ما ثانوية عامة خلصت قررت ادور عالأفلام دي علي يوتيوب - ماكانش عندي ادني فكرة عن التورنت لسه - ولقيت شوية, اغلبهم مش مترجمين, حاولت اتفرج علي اللي لقيته وذاكرت المنهج بتاع المدرسة العربية للسينما والتليفزيون اللي عالموقع بتاعهم صم, ده كان قبل ما ادخل اولي جامعة علي طول ولهذا قصة اخري نحكيها بعدين. المهم اني بعدين شوفت الافلام دي واكتر واتعرفت المخرجين دول واكتر وتعلقت بإني ادرس واحاول اعمل افلام اكتر واعتقد تفكيري ونظرتي وفهمي وحبي للسينما كانوا هياخدوا شكل مختلف اقل عمقاً في نظري لو ماكنتش قريت الكتاب ده في الوقت ده. اوراق في عشق السينما مش بس من جانب الكاتب لكن اعتقد بتورط قراءه في عشق السينما اللي بجد هما كمان.

شكراً ليك يا استاذ رؤوف علي كل اللي قدمته, كنت اتمني اني اقابلك واقوللك الكلام ده بشكل مباشر, ماعرفش هل كنت تتخيل او تعرف ان كتاب من كتبك ممكن يغير ويضيف لحياة بني آدم اد ايه او يخلي حياته افضل ولا اذا كنت سمعت الكلام ده من اي حد قبل ما تتوفي بس اكيد انا مش لوحدي في ده. الله يرحمك يا استاذ ويسكنك فسيح جناته ويجازيك خير عن كل حرف انت كتبته.

#السينما #رؤوف توفيق

2 notes · View notes

philatelic-society-of-egypt · 11 months

Text

عقدت لجنة التاريخ البريدى اجتماعها الشهرى مساء الثلاثاء 16 مايو برئاسة الاستاذ

هانى سلام

رئيس لجنة التاريخ البريدى

وشارك فى الاجتماع

د. ممدوح موصلى نائب رئيس اللجنة

عصام صالح – مقرر اللجنة

والاعضاء

1. كريم دروازة

2. م.محمد مصطفى الريس

3. أ.شريف حمزة

4. د.احمد الكردانى

5. أ.جمال مدبولى

6. بالاضاقة الى الاستاذ "ناصف على" المدير التنفيذى الذى اشرف على اعداد المقر للاجتماع

وقد بدأ الاجتماع بكلمة من الاستاذ هانى قدم فيها نبذه عن توماس واجهورن وعلاقته بمحمد على وكيف كانت شركته مقدمة لانشاء قناة السويس ثم الشركات المنافسة له فيما بعد

ثم تابع د. ممدوح موصلى الحدبث فى نفس الموضوع مقدما امثلة لبنود تم طرحها فى مزاد سيجل بالولايات المتحدة

ثم بدأ الاستاذ كريم فى عرض مجموعته

Mail Through Egypt: Selected Samples (1895 – 2005)

و هى الفترة التى عاصرت انشاء واجهورن لشركته التى قامت بخدمات نقل البريد من والى الهند الى اوروبا وخاصة بريطانيا

وقد شارك كل من الاستاذ هانى سلام ود. ممدوح موصلى ببعض الاضافات والملاحظات على البنود التى قدمها الاستاذ كريم

بالاضافة الى بعض المداخلات من السادة الاعضاء

وقد انتهى الاجتماع فى الساعة السابعة ونصف مع اقتراح من الاستاذ هانى بجعل الاجتماع القادم مخصصا لشرح فنيات ترميم بنود البوستال هيستورى ذات القيمة العالية بحيث لا تتعارض مع لوائح العرض فى المعارض الدولية

#Philatelic_Society_of_Egypt

2 notes · View notes

boody-blog · 1 year

Text

نظرية النافذة المكسورة

Broken window theory

عالم النفس والاجتماع الشهير جداً "فيليب زيمباردو" صاحب التجربة الشهيرة بتجربة ستانفورد و الي كتبت عنها قبل كده

عمل تجربة تانية مهمة في السبعينات

و طلع منها بنظرية سماها نظرية النافذة المكسورة

زيمباردو جاب عربيتين

واحدة سابها في حي فقير و التانية في حي غني

و العربيتين كانوا متسابين مفتوحين و بدون لوحات معدنية

العربية الموجودة في الحي الفقير بدأ المارة يخربوا فيها و الاطفال ياخدوا منها حاجات

و في خلال كم يوم كانت العربية خربت تماماً

التانية الي في الحي الغني ماحدش قرب منها

زيمباردو كسر ازاز العربية عشان يعمل حافز للناس على التدخل

الناس لما اخدت بالها ان الشباك مكسور بدأوا يقربوا من العربية و بدأت عملية التخريب

و في خلال كم يوم برضه كانت العربية خربت تماماً زي الي كانت موجودة في الحي الفقير

في الثمانينات فيه ٢ علماء تانيين

چيمس ويلسون و چورچ كيلينج

اخدوا التجربة دي و كرروها باشكال مختلفة على مباني او حاجات تانية في احياء مختلفة

و في كل مرة كانت بتحصل نفس النتيجة

وجود حاجة مكسورة بيكون حافز للناس انها تبدأ التكسير و التخريب

يعني مشكلة صغيرة تم اهمالها و عدم معالجتها كانت حافز لحدوث مشاكل اكبر و سلوكيات تانية غير منضبطة

المشكلة الصغيرة بترسل رسالة خفية بتقول ان مافيش حد مهتم بالحاجة دي

اعمل الي انت عايزه

تخيل مكان نضيف جداً و انت في ايدك علبة سجاير فاضية

هتفكر الف مرة قبل ما ترميها في الارض

بس لو لاقيت كيس شيبسي مرمي في الارض هتكون الاحتمالات اكتر بكتير انك ترميها في نفس المكان

الي بيركب مواصلة عامة و يلاقي فيه حالة من الاهتمام بيها بيتعامل معاها بحرص لانه شايف ان فيه اهتمام

لو لقي الشباك مكسور او الكرسي مقطوع و ماحدش مهتم هتكون اح��مالية انه يخرب فيها اكتر بكتير

اهمال معالجة أي مشكلة مهما كانت صغيرة في بيئة معينة هيخلي الناس عندهم لا مبالاة تجاه البيئة دي و تعاملهم معاها هيكون سلبي

معالجة المشاكل الصغيرة دي فوراً بيخلق مشاعر ايجابية عند الناس تجاه البيئة دي و تعاملهم معاها هيكون بحرص و ايجابي

لو انت بعد ما تشرب الشاي بتشيل المج بتاعك و تغسله اول بأول هيفضل البيت نضيف

لو بتركنه جنبك و تقوم تستعمل واحد تاني و تركنه هو كمان هتيجي لحظة تلاقي الموضوع كبر و محتاج وقت و مجهود للتنضيف

اهمال المشاكل الصغيرة في العلاقات الانسانية بيخليها تتراكم و تتحول لمشاكل كبيرة صعب حلها

اي نافذة مكسورة في حياتك بتكون دعوة غير مباشرة للاهمال و السلبية تجاه الجزء الي فيه الكسر ده

اصلاحه فوراً بيخليك تحافظ عليه اطول فترة ممكنة و تاخد بالك من اي مشاكل ممكن تحصل فيه

لو بصيت حواليك هتلاقي امثلة كتير جداً للنوافذ المكسورة و ازاي كانت هي العامل المحفز الاساسي لمشكلة تانية اكبر بكتير

تجاهل المشاكل الصغيرة النهارده هيؤدي إلى مشاكل أكبر بكثير في المستقبل

في الواقع، كتير من القضايا الصحية والبيئية والاجتماعية الي بنواجهها حالياً كانت نتاج تراكمات لأفعال وسلوكيات وظروف خاطئة صغيرة تم تجاهلها وعدم معالجتها في الماضي

منقول

#منقول #نظرية #نظرية النافذة المكسورة #قواعد للحياة #اقتباسات #اقتباس #قواعد

3 notes · View notes

anawii · 2 years

Text

اوسخ نوع من انواع النكد اللي هو حد رماه عليك

يعني جملة (يسطا دي واقفة عليك) ياعم انا مالي ما تخرجو ولا تولعو ليه ترميها في حجري انا و تحسسني ان الخروجة هتتلغي لو انا مجيتش و تخليني اضغط نفسي في الشغل او في الحاجات اللي كنت مخططها !

و جملة (ما انت لو كنت عملت كذا مكانش حصله كدة) اللي هو احا ياعم يعني انا مطالب اعمل اللي يريحكم و انا اولع يعني علشان الباشا بيعمل اللي يريحه فا انا اللي هأذيه لو معملتش اللي يريحني !

و اوسخ حاجة بقا فعلا ييجي المدير و يقعد يزعق و يكهرب الجو حتى لو موجهليش جملة واحدة فا الدنيا اتوترت و انا اتنكدت و يومي قفل خلاص

و اللي يجيلك قالب وشه و واخد جزمتين من مراته ولا حد اداله على عينه طيب يا حبيبي عايز تفضفض فضفض و و الله هسمعك بس متحسسنيش ان اليوم وحش اوي كدة علشان انا متلصم

يومياً بقابل مواقف من النوعيات دي و امثلة لا تعد ولا تحصى كل ده بياخد من طاقتي و من سعادتي بلا هدف

حرفياً بلا هدف

الواحد يبقا بيحارب علشان يزق اليوم و يخلص علشان حاجة هو معملهاش

مجالوش مصيبة مثلا او فلوسه خسرت في البورصة او حد ماتله لا ده علشان البهوات مبيعرفوش يفصلو

10 notes · View notes

danceandrant · 2 years

Text

دماغي بتعمل حاجة هبلة لطيفة بحبها. أغلب المصطلحات المستخدمة لما بسمعها أو اقولها عقلي بيعرض صورة سريعة عن الكلمة، لكل كلمة صورة ثابتة مبتتغيرش و مش شرط تكون مرتبطة بمعنى الكلمة. يعني مثلا "سامية" بيجي في بالي شكل حلة طبيخ فيها فاصوليا خضرا بالصلصة معرفش ليه بجد، كلمة "سياسة" بيجي في بالي صورة قشر لب متجمع بشكل هرمي على ورقة جرنان. كلمة "حنان" بيجي في بالي شكل بار شوكلاتة، كلمة "دولاب" بيجي في بالي صورة دولابي البني أبو مقابض دهبي بتاع طفولتي.. وهكذا مفيش في بالي امثلة كتير دلوقتي.

من حوالي سنتين قريت مقال بيتكلم عن الناس اللي بتسمع أصوات في دماغها مش بمعني مرضي ولكن لما يجوا يفكروا افكارهم بتبقى على هيئة صوت، كأن حد بيكلمهم، بيقدروا يسمعوا صوت نفسهم مثلا او يسترجعوا مزيكا في بالهم. الحقيقة الموضوع ابهرني ازاي عشت السنين ديه معرفش ان الناس بتسمع اصوات في خيالها و حسيت اني معدومة الخيال لحد ما اكتشفت اني بقدر اتخيل صور في دماغي و ده كان عزائي. الحقيقة أنا شخص خياله محدود شويتين و حتى الصور اللي بتخيلها بتبقى مهزوزة و باهتة. كنت اتمنى اكون شخص حالم خياله واسع و دماغه مسلياه اعتقد ان ده ممكن يطور عن طريق القراية و الميديتاشن بس هنعمل إيه بقى أنا إنسانة علقة.

2 notes · View notes

alia199778 · 2 years

Text

"تعصب الجماهير واستبداديتها ونزعتها المحافظة [ الرجعية]"

الجماهير تحترم القوة طوعاً ولاتنبهر بالطيبة فهي شكل من اشكال الضعف بالنسبة لهم ، لات��عاطف الجماهير مع أسياد رحيمين ولكن مع طغاة مستبدين سيطروا عليهم وسحقوهم بقوة وهي دائما تخلد ذكراهم بنصب تماثيل عالية وإذا داسوا بأقدامهم الدكتاتور المخلوع هذا لأنه فقد قوته وانضم إلى خانة الضعفاء المحتقرين الذين لايخشونهم إن نمط البطل العزيز على الجماهير سيكون دائما من يتخذ هيئة القيصر فعظمته تغويها ، سلطته يفرضها عليهم وسيفه يدب الرعب في قلوبهم برأيي ، كل ماتم ذكره لا نستطيع تعميمه على كافة الشعوب ، فمثلا الشعب الامريكي يحتج ويتمرد ودائما يريد من يرعى مصالحه ، ايضا البريطانيين تعاطيهم مع رئيس الوزاء البريطاني أجبر على الاستقالة فهذه امثلة بسيطة توضح بأن ليس كل الشعوب تخضع للقوي الذي يسحقها بل القوي الذي يضمن مصالحها ولكن بالطبع الشعوب العربية نستطيع بأن نسبة كبيرة منهم تخضع للمستبدين الذين يسحقونهم ايضا هناك نقطة اخرى وهي " الاحترام التقديري للتقاليد ورعبها اللاواعي من جميع التجديدات القادرة على تغيير ظروف وجودها الحقيقية " برأيي لابد أن يتم طرح سؤال لماذا توجد فئات تتمسك بشكل مطلق بالتقاليد أو لاترغب في التغييرالإجابة بسيطة لأن ليس دائما التغييرات تشمل الجميع ، التغيير الذي يختص بفئة دون اخرى هو من يفرز الخوف من التغيير ، مصلحة الناس من التغيير هي التي تحدد قبول التغيير او المحافظة على تقاليد مطلقة

ايضا يتحدث الكتاب عن المؤسسات السياسية والاجتماعية ويقول بأن المؤسسات ليس لها اي ميزة جوهرية هي ليست جيدة ولاسيئة وتلك التي تكون جيدة في مرحلة ما بالنسبة لشعب ما قد تكون بغيضة لشعب آخرفالشعب لايملك سلطة لتغيير مؤسساته وقد يمكنه بالتأكيد بعد ثورات عنيفة أن يغير اسم هذه المؤسسات ولكنه لايغير من جوهرها وعلى سبيل المثال الدولة الاكثر ديمقراطية هي انجلترا التي تعيش مع ذلك في نظام ملكيبرأيي ولطالما اجزمنا على ذلك بأن طبيعة الشعوب وليس الحكومات هي التي تقود مصائرها

ايضا يتحدث الكتاب عن التقاليد وارتباطها بالحضارة ، الهمَّين العظيمين للإنسان منذ نشأته هما خلق شبكة من التقاليد ثم محاولة تدميرها عندما تكون آثارها المفيدة قد تآكلت فدون التقاليد لايوجد حضارة ودون القضاء البطيء على هذه التقاليد لايوجد تقدم وهناك نقطة مهمة يشير إليها وهي عندما يسمح شعب ما لتقاليده أن تترسخ بشدة طيلة أجيال عديدة فإنه لايعود يستطيع التطور حتى الثورات العنيفة لاتستطيع أن تصنع شيئاً لأنه سرعان ماتلتحم الأجزاء المكسورة ويستعيد الماضي سلطته مرة اخرى أو تولد نوع من الفوضى والانحطاط لذلك الشعوب التي تجذرت بها تقاليدها بشدة هي دائما تتطور بظاهرها فقط ، التطور الذي تصل إليه هو اشبه بطلاء خفيف لايصل إلى العمق ، وهنا نطرح سؤال ماهو الحل ؟ الحل لتلك الشعوب هو الحفاظ على مؤسسات الماضي وتحويلها شيئاً فشيئاً ولكن هذه الحالة يصعب الوصول إليها فالرومان في العصور القديمة والإنجليز في العصر الحديث هم إلى حد كبير الذين أنجزوا ذلك

ايضا يتحدث الكتاب عن صورة اخرى لأهمية التعليم ، فكلنا نُجمع على أن التعليم قادر على تغيير البشر إلى حد كبير ولدية نتيجة مؤكدة لتحسينها ولكن العديد من الفلاسفة ومن بينهم هربرت سبنسر لديهم رؤية مختلفة وأنا عن نفسي أتفق معها كثيراً وهي بأن التعليم لايجعل الإنسان أكثر أخلاقية ولا أكثر سعادة ولايغير غرائزه وأهواءه الوراثية ، حفظ الكتب المدرسية وتعلمها بإتقان لايطور الذكاء ، حفظ الكتب عن ظهر قلب دون أن يطلق التلميذ احكام ويبدي رأيه هو تعليم للحفظ والطاعة فقط ، هذا التعليم عديم الفائدة ومضيعة للعمر ، ولايتم بناء دولة متقدمة من خلال تعليم مبني على الحفظ فقط هو اداة لكسب الرزق من خلال الوظيفة لذلك تلك الشعوب لديها انخفاض في نشاطها العقلي المكتسبات المعرفية عندما تتبخر من الاذهان لابد من تعويضها وإلا ينخفض النشاط العقلي

ايضا يتحدث الكتاب عن الأوهام وأن البشر يتأثرون جداً بالأوهام بل لابد من وجود اوهام لديهم حتى يشعرون بالأمل فمثلا الشعارات والخطابات المزودة بوهم الحرية والعدالة هي اوهام خدرت مشاعر الجماهير لأنها تمنحهم الأمل ، فمثلا الاشتراكية قوية بالوهم بتوزيع الوعود بتحقيق السعادة للإنسان الجماهير لا تتعطش للحقيقة لأنها واضحة وقد تكون صادمة لهم لذلك تتعطش للوهم الذي يزودها بالأمل

وفي النهاية أختم قراءاتي للكتاب بهذه العبارة العظيمة " الجماهير مَن يعرف كيف يخدعهم يصبح بسهولة سيدهم والذي يحاول إزالة الأوهام هو دائما ضحيتهم "وهذا مايجعل الحسابات المضللة يتبعها الكثير وتكون ذات شهره لأنها تضلل الحقيقة وتبيع الوهم والناس يريدون ذلك الشيء المزيف ، يخافون الحقيقة وبالتالي يخافون من العقول التي تفكر وتُعمق الحقائق وتفُصلها وأصحاب العقول المميزة ليس لديهم تأثير على مجتمعاتهم بل العكس مهمشين مغمورين عمداً ، ومثال على ذلك الأوروبين بكل مزايا حضارتهم لديهم تأثير ضيئل على شعوب الشرق وللنظر الان الى المشاهير من حولنا او مَن نصبوهم الناس مشاهير هم يبيعون اوهام وحياتهم مزيفة ولكن الناس ينصاعون لهم ولهم تأثير قوي عليهم ، لماذا الناس لايتبعون الناس الناس المفكره واصحاب القضايا المهمة بكل بساطة لأنهم لايريدون الحقيقة التي في الغالب لا تناسبهم ويخافون منها وأخيراً الكتاب جيد وانصح بقراءته وأثناء القراءة ستجد نفسك تحلل كثير من الأمور المبهمة

#كتب #قراءاتي #تمبلر #سيكولوجية الجماهير #غوستاف لوبون

5 notes · View notes

amrselim · 2 years

Text

امثلة مختلفة على forgge

https://youtu.be/wEotgQD7sOg تاكد انك مشترك في القناة 💯 ومفعل الجرس عشان يوصلك كل جديد 🔔 وما تنساش تعمل لايك للفيديو 👍 نشرك للمقطع هو اكبر دعم ممكن تقدمه لي…

View On WordPress

#امثلة مختلفة على forgge

0 notes

goingnoowhere · 2 years

Text

الكتب مفيدة، ممكن تكون احسن مصدر معرفة انشأه الانسان، لكن على قد ما فيها حاجات مفيدة على قد ما فيها حاجات غريبة ونظريات تخليك تهرش في دماغك وانت بتقراها، ودي نبذة عن امثلة للنظريات الغريبة دي..

في الأول زي ما إحنا عارفين كل الاديان السماوية بتؤمن بوجود ملايكة وجن وشياطين، حتى اللاسماوية كمان زي الهندوسية بيؤمنوا بالجاندهارفا والابسارس (مخلوقات مقدسة بتعيش في السما مع الآلهة)، وجزء من الايمان ده انهم كمان عايشين معانا في نفس الاماكن لكن مش متاح لينا اننا نشوفهم عشان معندناش access ليهم. حتى في تفسير الطبري لاية ”فكشفنا عنك غطاءك فبصرك اليوم حديد“، كان بيقول إن أحد تأويلات الآية إن يوم القيامة الحجاب ده هيترفع والانسان هيبقى قادر يشوف بقية المخلوقات.

ثورة علم النفس اللي قام بيها فرويد في اوائل القرن العشرين ومدرسته التحليل النفسي كانت قايمة على فكرة اساسية وهي وجود حاجة اسمها العقل اللاواعي، وهو الجزء الاعمق من عقل الانسان واللي فيه بيحتفظ بالمشاعر والافكار والانفعالات والذكريات التي حسيت بيها على مدار حياتك. بس الجزء الانرستنج في الموضوع إن مكونات العقل اللاواعي دي موجودة طول الوقت بس برضه مش متاحة دايمًا، لازم يبقى معاك اكسيس ليها، سواء كانت معلومات أو ذكريات.

زي مثلا انت نازل من البيت وامك قالتلك هات عيش وانت راجع، مش بتفضل طول ما انت ماشي تفكر نفسك انك هتجيب عيش، المعلومة بتفضل موجودة في اللاواعي قصير المدى لحد ما ممكن تنساها اصلا، وفجأة وانت ماشي تلاقي مخبز قدامك فتفتكر انك المفروض تجيب عيش (المخبز ده هو اللي اداك الاكسيس) .. او زي ما انت مثلا دخلت علاقات في حياتك وليك ذكريات، بس الذكريات دي مش حاضرة طول الوقت، بالعكس معظم الوقت بتتعامل كأنها مش موجودة، لحد ما يحصل موقف/تسمع اغنية/تشم ريحة تستدعي الذكريات دي وتديك اكسيس ليها.

مفهوم أوسع للعقل اللاواعي هنلاقيه عند كارل يونج اللي انشق عن فرويد، فرويد كان بيقول إن العقل اللاواعي بيتكون من تجاربك الشخصية والحاجات اللي مريت بيها، إنما كارل يونج كان شايف إن العقل اللاواعي أقدم من كده بكتير، وإنه قديم قدم الانسان نفسه وبيحتوي على تجارب البشرية كلها اللي بيورثها الانسان من اجداده واسلافه، يونج سماه العقل الجمعي.

والعقل الجمعي عند يونج بيشتغل بنفس الكونسبت بتاع كل حاجة موجودة بس مش متاحة لحد ما يبقى عندك اكسيس ليها، لدرجة إنه استخدم الفكرة دي في علاج اطفال عندهم فوبيا من الضلمة والدم والمرتفعات بدون أي سبب وبدون سابق تجربة حصلتلهم في المواقف دي، الفوبيا كانت موجودة لحد ما حصل تريجر اداهم الاكسس ليها.

مثلاً في مرة كارل يونج كان بيزور بيت واحد صاحبه وبالصدفة صاحبه قاله في نص الكلام إن عنده بنت بتحلم كتير اوي وبترسم احلامها اول ما بتصحى من النوم، ف يونج بما انه دكتور نفسي قاله وريني الرسومات دي كده، ولما شافها اتفاجئ إن فيها كتير من الرموز القديمة للخيميائين (بالمناسبة يونج كرس آخر 30 سنة من حياته لدراسة الخيمياء القديمة وله كتاب تقيل اسمه Psychology and Alchemy) .. فازاي البنت اللي عندها 7 سنين قدرت توصل لرسومات شبيهة وهي عمرها ما سمعت عن الخيمياء القديمة ولا عاشت في عصرها اللي كان في سنة 2000 قبل الميلاد؟

وده ربطه يونج بالعقل الجمعي وازاي ممكن الاكسيس له يكون عن طريق الاحلام، هو برضه كان مؤمن إن الاحلام عبارة عن طريقة تواصل بينا وبين العقل الجمعي عن طريق الرموز، وبالمناسبة الرموز اللي حللها كارل يونج في كتابه Man and His Symbols (آخر كتاب عمله في حياته) بينها تشابهات كتير بين الرموز اللي حللها ابن سيرين في كتابه تفسير الاحلام اللي يقال إنه ألفه في القرن السابع او التامن الهجري في البصرة ببغداد .. واكشلي لو عايز تتكلم عن تشابهات فعلا فممكن تراجع التشابهات بين الميثولوجي اليوناني والفرعوني والبابلي وازاي هتلاقي انهم اخترعوا قصص ورموز متشابهة في عصور معينة مكنوش فيها اتقابلوا مع بعض ولا يعرفوا وجود الاخر.

ونظريات يونج تم تناقلها بشكل غريب بعد كده (على اساس يعني انها مش غريبة كفاية)، عن طريق ناس شافت انه طالما العقل الجمعي مبني على التجربة البشرية منذ قديم الازل اذًا فالمعرفة البشرية هي كمان يمكن توارثها بس محتاجين اكسيس، وبالنسبالهم زي بالنسبة للكتير من المتصوفين البوذيين والهندوس الاكسيس هو التأمل. وطبعًا فيه مذاهب اكستريم اكتر من كده زي الجماعة المؤمنين بالسجلات الاكاشية اللي بيقولوا إن فيها تاريخ الكون من بدايته لنهايته واللي يعرف يملك اكسيس ليها هيكون عنده القدرة يشوف المستقبل، احمد خالد توفيق كتب رواية عن الحوار ده اسمها “مثل ايكاروس”، هايلي ريكومندد.

حاسس إن الموضوع وسع سيكا صح؟ ميثولوجي واساطير وميتافيزيكس ونظريات علم نفس عليها خلاف كبير، خلينا في الحاجات المضمونة اللي ممكن اثباتها واللي نقدر نقول عليها ��لمية فعلا وعليها ادلة، ايه رأيك في شوية بايولوجي؟ وبالتحديد تجربة مثيرة للاهتمام عملها تشارليز دارون بالصدفة..

دارون كان واقف قدام تعبان محطوط في صندوق ازاز، عمال يتأمل التعبان والحركات اللي بيعملها، وفجأة سرح في تفاصيل التعبان وقرب جامد من الازاز لدرجة إن وشه لزق فيه، وفي نفس اللحظة دي التعبان حاول يهجم على داروين ويبخ عليه سمه، بس داروين بسرعة رهيبة رجع لورا وتفادى التعبان .. دارون رجع خطوتين لورا وقال لنفسه استنى، هو انا خايف من ايه، كده كده فيه ازاز بيني وبين التعبان، عمره ما هيعرف يؤذيني، أنا ليه رجعت لورا بسرعة كده؟

وفعلا داروين فضل يعيد التجربة ويحاول يمنع الرفيلكس ده ومعرفش، والرفليكس ده موجود عند كل الناس حتى اللي عمره ما شاف تعبان، عشان الخوف من التعابين الريدي موروث من اجدادنا واجداد اجدادنا من اجل البقاء، وزيها زي اللي قبلها، كل الحاجات دي موجودة بس ملناس اكسيس ليها، واللي ممكن يديني الاكسيس هو الstimuli بالمسمى الفيسولوجي واللي هنا بيكون عبارة عن حدث أو بيئة معينة.

وطبعًا مش هنخلص لو بدأنا كلام عن نظرية الbiological potential وازاي الDNA بينتج جينات جديدة في بيئات مختلفة وازاي برضه كل ده مووجود بس محتاج اكسيس عشان يكون متاح.

اقولك على حاجة، الكلام ده كله مش عملي مش مادي كده، خلينا في الحاجات المادية، إيه مادي أكتر من الفلوس؟ سنة 1937 طلع واحد اسمه نابليون هيل قضى 20 سنة من حياته بيألف كتاب مشهور ممكن تكون سمعت عنه اسمه Think And Grow Rich، هيل كان بيدرس في الكتاب اغنى ناس في عصره زي توماس ايديسون، هنري فورد، اندرو كارنيجي وبيحاول يفهم ازاي بقوا اغنيا وحققوا نجاح في حياتهم.

المهم في إحدى شباتر الكتاب كان فيه كونسبت غريب كده (قريت نفس الكونسبت بعدها لكن بقلم الاديب هنري ميلر)، والاتنين كانوا بيحاولوا يفهموا افكار المشاريع والكتب بتيجي منين، والكونسبت هو ان الافكار كلها موجودة في الهوا، في الاثير، لكن بترددات معينة، الافكار العادية تردداتها عادية زي ترددات معظم عقول الناس، والافكار العبقرية تردداتها عالية عشان توصلها لازم تزود تردد عقلك!

الموضوع عامل زي الراديو، عارف الراديو بيشتغل ازاي؟ المحطة الرئيسية بتطلق الموجات في الهواء، الموجات دي ليها ترددات، كل محطة راديو (قناة) ليها تردد مختلف عن التانية، وعشان الراديو بتاعك يشغل اي محطة من دول لازم يكون مظبوط على نفس التردد، ولما بتيجي تغير المحطة فانت بتغير التردد بتاع الراديو بتاعك عشان يستقبل محطة تانية وهكذا.

نفس الفكرة للعقل، عشان يستقبل افكار جامدة لازم يكون مظبوط على تردد عالي، طب ازاي ممكن حد يعلي تردد دماغه؟ ناس بتقول التأمل، ناس بتقول المخدرات (ستيفن كينج كان في بداية حياته مش بيكتب غير وهو مصطبح)، ناس بتقول الكحول (ارنست هيمنجواي مكنش بيكتب غير وهو في ايده اليمين قلم وايده التانية كاس)، ناس بتقول الرغبة الجنسية (نفس الكتاب بتاع نابليون هيل فيه شابتر اسمه تحويل الطاقة الجنسية بيتكلم ازاي المليونيرات اصحابه كانوا بيستهلكوا الرغبة دي بشكل ابداعي بدل جسدي)

بمناسبة الطاقة اياها، تعرف إن بعض المتصوفة الهندوس معتقدين انك ممكن توصل للنيرفانا من خلال السرير؟ طب تعرف إن تعريف النيرفانا هو هو تعريف اعلى درجات الخشوع عند المتصوفة المسلمين واللي بيتوصله بالصلاة والذكر؟ وهو حالة بيوصل ليها المتصوف بيسموها الفناء وساعات الإحلال. طب تعرف إن فيه ناس بتقول إن ده كان سبب قتل الحلاج واتهامه بالزندقة؟ نفس الناس زعلانين من الحلاج نفسه وبيقولوا عليه يستاهل عشان هتك السر، انت الريدي عارف السبب اللي بيخلي المتصوفة في كتبهم يقولوا على شيوخهم الكبار قدس الله سره بدل الله يرحمه صح؟ طب تعرف إن فيه كتابين في التاريخ عملوا نفس اللي الحلاج عمله، واحد صاحبه اصبح علامة ومُحدث لدرجة إن الامام ابو حامد الغزالي كان بيقتبس منه، والتاني الشعراوي اتخانق معاه وفضل مخاصمه لحد قبل ما يموت؟ ايوه هو توفيق الحكيم بس أنا مش هقولك على اسم الكتاب بتاعه عشان انا طولت زيادة عن اللزوم وكده محدش هيقرا البوست للاخر (ده لو حد كمله لحد هنا أصلا) بس آي برومس ممكن نبقى نتكلم عن كل ده في بوست تاني.

بس بيني وبينك كده، بغض النظر عن الفقرة الاخيرة، سواء اقتنعت بحاجة من النظريات دي كلها أو مصدقتش منهم حرف، مش شايف إن الموضوع مثير للاهتمام إن كل الناس دي بغض النظر عن اختلاف مجالاتهم وثقافاتهم وتوجهاتهم، كلهم بلا استثناء اتفقوا على كونسبت إن العالم ده فيه حاجات كتير موجودة وحوالينا بس مش متاحة لينا غير لما يكون معانا اكسيس وإن الاكسيس ده مش بيتوافر لأي حد. كل الناس دي، كل العقول دي، واللي معظمهم من عباقرة مجالاتهم، كلهم مؤمنين إن العالم أكبر واعمق من اللي احنا شايفينه وإن اللي مش عارفين نشوفه أكتر بكتير من اللي ظاهر لينا، ده مش بيخليك تتساءل ساعات إيه احتمالية انهم يكونوا عندهم حق؟

37 notes · View notes

bdorali07 · 2 years

Text

امثلة على اعمال تكون خبيئه (*خبايا*)🌿❤️

3 notes · View notes

ash-board · 13 days

Note

ليه واحده ممكن تتجوز واحد و هي في علاقه عارفة انها مش هتكمل لانه ببساطه مبيحبهاش و بعد كده يسيبوا بعض ، بعد الليلة دي كلها ؟

واحده صاحبتي عملت كده و بجد مش قادرة افهم أسبابها؟ اللي هو لو كنتي شاكه في حاجه مكنتش تتجوزيه

للأسف البنات بيميلوا شوية لفكرة الاستقرار عن الرجالة.. ف هي ممكن تبقي متخيلة نقلتها من حالة سينجل ل حالة متزوجة هتغير حاجة..

و برضو فيه نقطة مهمة اوي، مش كل البنات بيفكروا بقلبهم.. البنات بيفكروا ك مقارنة باللي كان معاهم قبلها..ثم بقلبهم. بمعني اصح "is this the best I can get"؟ يعني هقولك ٣ امثلة تفهمي منهم قصدي لو انت بنت امورة و جميلة و متعلمة و الخ الخ.. و كنت مرتبطة بواحد شكله شبه حمو بيكا عشان كنت بتحبيه.. و فجأة سابك ف هتفكري و تقولي لنفسك انك احلي منه كتير و تدوري علي حد احسن و وضع اجتماعي احسن. طيب تاني مثال انك نفس البنت الامورة بس كنت مرتبطة بواحد قمر فشخ و شبه مهند بتاع المسلسلات التركي "اذا كان بيعجبك يعني" و جه هو فركش معاكي و لقيتي واحد بعدها بيحبك و بيموت عليكي بس شبه حمو بيكا (برضو) اكيد مش هتوافقي عليه عشان جواب علي السؤال اللي كنت كاتبه بالانجليزي "لأ ده مش احسن حد انا اقدر احصل عليه".. طيب تعالي نقول تالت مثال.. لو انت امورة برضو و متعلمة و بتاع و عندك فرص كتيرة و ارتبطي بواحد متوسط في كل حاجة بس انت بتحبيه و فركشتوا سوا.. ف انت علي الاغلب هتبتدي تتعقدي من الحب و هتفكري ان علي الاقل تدوري علي حاجات تانية غير الحب و تلاقيها موجودة (زي ما شرحتلك تحت في المعادلة)

دي نقطة و نقطة كمان انهم بيدوروا علي الشخص اللي هينقلهم نقلة مختلفة عن المعيشة اللي هم عايشين فيها

بمعني، ان لو البنت اختارت مش بقلبها ف خليك علي يقين ان المعادلة اللي تخليها تدي نفسها لراجل لازالت راجحة بس من جوانب تانية

مثال للمعادلة اللي بحكي عليها

حب + ماديات + نقلة اجتماعية + حد بيحبك و مستعد يعمل عشانك + سفر + عيشة مرفهة + .... = جواز

تعالي نشيل من المعادلة دي حب (و ان كان هو بالنسبة لك اتقل معيار في المعادلة كلها) ف ان اختارتي الجواز زي البنت صاحبتك دي.. ف تيقني ان المعادلة راجحة من حاجات تانية كتير.

#ask #anon

1 note · View note