هو الموضوع بدأ معايا زمان جداً لما كنت بعمل أوف لاين عالياهو وأكلم شخص بعينه او اتنين بالكتير و أكسل أرد مكنتش فاكره أن ده ممكن يبقي ليه عواقب قدام ، واحده فواحده بقيت بكسل أتكلم ف تليفون البيت فلقيتني بشيل فيشة التليفون أحيانا و بفضل المسجات اللي بتتبعت ع الموبايلات لما شيلت موبايل يتقال فيها المفيد و كنت برد ف ساعتها عادي زي أي بني آدم طبيعي والله بعدها ضعفت تاني أنتكست و شلت اللاست سين ع الواتس أب عشان أرد بمزاجي و محدش يضايق مني وشيلت أبليكيشن الفيس والماسنجر من ع الموبايل واحده واحده مسحت كل أبليكشنز التواصل الممكنه ع الموبايل فافتكرت ان الموضوع هيقف عند كدا بس الوضع اتدهور ووصل الوقلتي اني بعمل الموب ع الاير بلان مود أنا عارفه أني غلط بس ساعات فيه حاجات الواحد مبيقدرش يقاومها .، أناخايفه يبقي مفيش تبطيل و صحابي كلهم يزهقوا ويقطعوا معايا و يصاحبوا ناس بيتكلموا كتير و يردوا بسرعه