[HorrorScience] Kung Fu contra los 7 vampiros de oro (1974)
[HorrorScience] Kung Fu contra los 7 vampiros de oro (1974)
Kung Fu contra los 7 vampiros de oro es la película que cierra la saga de Drácula creada por Hammer Productions. En esta ocasión el profesor Van Helsing viajará a un pueblo remoto de Asia donde según parece, llevan sufriendo ataques de vampiros desde hace décadas.
Beat the heat: Some-mer tips kontra heat stroke kina bantay at muning
Bedylyn A. Pacete at Nazylen Joy S. Mabanglo
Gaano man ka-bibo ay tiyak na manlalata si bantay at si muning sa tindi ng sikat ng araw at alinsangang hatid nito sa kabila nang napipintong tag-ulan ngayong papalapit na ang buwan ng Hunyo.
Ayon sa heat index na inilabas ng Philippine Atmospheric, Geophysical and Astronomical Services Administration (PAGASA) pumalo na sa halos 47 degrees Celcius ang pinakamataas na lebel ng init na naitala sa bansa ngayong Abril, partikular sa probinsya ng Occidental Mindoro at Butuan City sa Agusan del Norte, inaasahang tataas pa ito hanggang 52 degrees Celcius ayon sa pahayag ng PAGASA.
Hindi na naiiba ang mga alagang malimit na kasama sa bahay at itinuring ng bunso ng karamihan sa pamilyang Pilipino, kaya naman sa mainit na panahon ay hindi lang abala sa pagpa-plano ng outing ang ilan sa bansa sapagkat kaniya-kaniyang diskarte rin ang ibang mga tagapagbantay nila bantay upang ilayo sa banta ng heat stroke ang kanilang mga alaga.
Sa loob o labas man ng tahanan ay damang-dama ni Juan lalo na sa ka-Maynilaan at iba pang karatig lugar ang alinsangan ng panahon na kung ikukumpara sa tao ay doble ang epekto sa mga aso't pusa na may kakapalan ang balahibo.
Abnormal na paghingal, naglalaway, pamumula ng bagang, at rashes, ilan ito sa mga pangunahing indikasyon ng heat stress at heat stroke na kinakailangang bantayan ng mga amo sapagkat ang kalusugan ng kanilang mga alaga ay nakasalalay sa pagiging responsable ng mga tagapag-alaga, ayon sa paliwanag ni Dr. Kitsie Torres na isang beterenaryo.
Kaya naman sa panayam kay April De Leon na isang furmom at limang taon ng breeder ng shih tzu, maging ng belgian malinois mula sa Baliuag Bulacan, ang ibinigay niyang solusyon ay ang paggupit sa balahibo upang ma-preskuhan ang kaniyang mga alaga lalo na't ayon pa sa kaniya'y sa dalawang breed ng asong meron sila ay higit na maselan ang mga shih tzu sa tag-init dahil sa makapal nitong balahibo at maliit na mga binti na nagsasanhi nang mabilis na pagkahingal.
"So yung mga shih szu namin since madami sila, kapag nasa peak na ng init like after lunch hanggang hapon, nilalagay namin sila sa kwarto na may air-con para hindi sila gaanong mainitan." karagdagang suhestiyon ni April na kasalukuyang may labintatlong aso sa kaniyang puder, "Kung sa atin ay mainit na 'yung tama ng panahon? What more pa sa mga cats at mga aso? ganun."
Ipinagpapasalamat ni April na sa dami ng kaniyang mga naging alaga ay wala pa namang nakaranas ng matinding heat stroke dahil na rin sa kaniyang pagiging tutok sa walang sawang pagbubukas ng air-con, pagbibigay ng maraming tubig na may halong dextrose powder, at paggupit ng buhok ng kanilang mga aso.
Para naman kay Jasmin Mhaicee Macasili na 2nd Year Computer Engineering student mula sa Unibersidad de Manila, na isa ring furmom, ang pagtabas din sa makapal na balahibo ng kanyang alaga ang siyang nakita niyang solusyon upang hindi ito labis na mainitan at mahirapan sa kasalukuyang init ng panahon.
"Nilalagyan po namin ng ice 'yung tubig niya then time to time pinapalitan 'yung tubig kasi umiinit. Kapag naiinitan na po talaga siya, pinapaliguan namin, madalas din po siyang tumatambay sa cr namin kasi malamig doon," ani ng dalaga tungkol sa mga paraang kanyang ginagawa upang mailigtas ang alaga mula sa heat stroke.
Dagdag pa ni Mhaicee, may mga pagkakataong itinatabi niya ang kanyang alagang aso at itinututok sa electric fan upang mapreskuhan at hindi mahirapan o malala pa ay makaranas ng heat stress o heat stroke dahil sa labis na init na dala ng panahon.
Binigyang-diin din ng dalawang furmoms ang importansya ng pagsubaybay sa mga alaga at palagiang pag-iiwan at pagpapalit ng tubig ng mga ito upang manatiling hydrated at presko ang mga alagang hayop.
Ilan lamang sina April at Mhaicee sa napakaraming pinoy na talaga namang tutok sa kanilang mga alagang hayop, higit na sa mga pagkakataong labis na nagniningning ang haring araw.
Kung paanong nakadudulot ng saya't napapawi ng mga alagang hayop ang lungkot dulot ng buhay, nawa ay masolusyunan din ang kanilang pagkayamot, at patuloy na subaybayan ang mga ito upang mailayo sa napakausong sakit na heat stroke sa mainit na panahon.