#قصص رعب | Explore Tumblr Posts and Blogs

sayedyehia · 6 months

Text

قصة البنت الشريرة _إلقاء علاء أبو يوسف_هندسة صوتية سيد يحيى.mp3 - SoundCloud

Listen to قصة البنت الشريرة _إلقاء علاء أبو يوسف_هندسة صوتية سيد يحيى.mp3 by sayed yehia on #SoundCloud

السلام عليكم ... النهارده هنتكلم عن قصه البت الشريره القصه اللي عملت ضجه كبيره في وقتها ولحد دلوقتي بعد 20 سنه من الحادث لسه الناس بتحكي عنها من الصدمه اللي جات لهم من احداث القضيه الا لما تعرف ان الفاعل بنت

ودلوقتي هنعرف القصه من البدايه تبدا من عند رشا . اللي اتولدت في شهر نوفمبر لسنه 1983 في

مدينة نصر في مصر ابوها كان مهندس الماني وامها كانت دكتوره نفسيه من اصول لبنانيه رشا كان ليها اخ اصغر منها باربع سنين كان اسمه وائل الحياه العائليه كانت ممتازه من كل النواحي وكانوا مايثورين الحال وكانت تقدر ثروتهم ب 6.5 مليون جنية

رشا درست في ثانويه المانيه وبعدين راحت على الجامعه الألمانية في مصر علشان تدريس حقوق وما كانش فيه اي مشاكل

وفي سنه 1999 بدات رشا تتعلم رياضه مصرية اسمها كرة السرعة وفي المكان ده وفي النادي ده اتعرفت على شاب اسمه عباس

بدات علاقتهم كاصدقاء وبعدين اتطورت وعباس بقى البوي فريند ليها طبعا في البدايه الاهل عرفوا الموضوع وكانوا موافقين

على ان رشا ترتبط بالشخص ده لكن بعد فتره غيروا رايهم لانهم اكتشفوا ان عباس ما بيشتغلش ولا بيدرس وبيشرب مخدرات وكان وضعه سيء جدا من كل النواحي يعني باختصار عرفوا انه شخص سيء فبداوا يطلبوا من رشا انها تقطع علاقتها بيه

وفضل التوتر مستمر لحد ما وصلنا لشهر يوليو سنه 2003 في الشهر ده كان اهل رشا واخدين اجازه من الشغل ورايحين رحله استجمام وخلال الفتره ديه كان عباس بيجي البيت مع رشا لمده شهر كامل لحد ما يرجعوا اهلها من الاجازه ولما رجعوا اهل رشا طلبت منهم انهم يشتروا لها بيت علشان تعيش فيه هي وعباس لوحدهم بس طبعا الاب رفض والامه رفضت وقالوا لها انك لازم تشتغلي وتشتري من ملكك الخاص اللي انت عايزاه واستمرو يضغطوا عليها علشان تسيب عباس لانهم مش راضيين عن علاقتهم دي واستمرت الحاله علي كده لحد يوم 31 اكتوبر لسنه 2003 وده اليوم المشؤوم اللي رشا عملت فيه افظع حاجه ممكن تتخيلها

رشا في الوقت ده كان عندها 19 سنه واخوها الاصغر منها كان عمره 15 سنه المهم في ليله 31 اكتوبر رشا اخذت اخوها الصغير ووديته على صاله العاب وقالت له استمتع انت واصحابك وانبسط وسابته ورجعت على البيت وكان معاها عباس واخوه اللي كان اسمه فوزي كان عمره 26 سنه قبل ما يدخلوا كلهم دخلت رشا الاول وعطلت كل اجهزه الانذ��ر وكاميرات المراقبه اللي في البيت وبعدين طلعت على اوضة امها وابوها علشان تتاكد انهم نايمين وبعد ما تاكدت انهم نايمين وكل الكاميرات عطلانه دخل عباس واخوه فوزي وهي فضلت قاعده في الصالون طلع عباس واخوه على اوضة امها وابوها وكان معاهم قطعه حديده عشان يستخدموها في قتل ا اهل رشا

في البدايه ضربوهم بالقطعة الحديده على راسهم لكنهم ما ماتوش وعلشان كده عباس دخل الحمام وجاب جردل ميه وبقي يغطس راس الاب فيه والام لكن للاسف والد رشا هو اللي مات بالطريقه دي بس الام كانت لسه عايشه

و مش عارفين يقتلوها ازاي

فجابوا كيس بلاستيك ولفوه على راسها وفضلوا يخنقوا فيها لحد ما ماتت

وبعد ما تاكدوا انهم ماتوا طلعت رشا علشان تتاكد بنفسها ان العمليه تمت بنجاح

وبعد ما خلص الجزء الاول من الجريمه بدأوا في الجزء الثاني هو انهم يغيروا مسرح الجريمه يعني يظهروا ان اللي دخلوا البيت كان حراميه وقتحموا البيت عشان يسرقوا اللي فيه وبعد كده قتلوا سكان البيت اللي فيه فبداوا اول حاجه يجمعوا الفلوس اللي موجوده في البيت كلها واخدوها وقعدوا يرموا ورق هنا

وهناك على الارض علشان يعملوا فوضى في البيت عشان لما تيجي الشرطه وتشوف حاله البيت كده يقولوا ان على الاغلب كان حرامي وكان بيدور على فلوس وهرب لكن دي مكانتش الجريمه الكامله لان الشرطة لقت مسدس وبعض اشياء خاصه

وعلشان رشا وعباس يكملوا الكذبه راحوا على فندق قاعدوا فيه

وفوزي اخو عباس راح قاعد في مطعم عشان ياكل فيه

و بعد ما عدى ثلاث ساعات طلعت رشا من الفندق علشان تجيب اخوها ويرجعوا البيت طبعا

وعباس رجع علي بيته علشان ما يسيبش وراه اي شكوك

لما وصلت رشا واخوها البيت

اتفاجئوا بانهم لقوا ابوهم وامهم ميتين فاتصلوا بالشرطه وبلغوا عن الحادثه ولحسن الحظ ان الشرطه طلعت اذكى منهم علشان اول ما دخلوا البيت يحققوا شكوا بان المجرم ده اكيد من سكان البيت لان جهاز الانذار والكاميرات مش ممكن تنطفي الا من جوه البيت دي الحاجة الاولي الحاجة التانية

أن الاوراق والفوضى اللي عملوها كانت فوضى مرتبه

وبقى عندهم شك في رشا بشكل كبير لانها كانت بارده جدا ومشاعرها اتجاه امها وابوها كانت عاديه جدا والاوسخ من كده واللي اكد لهم الشك ده ان بعد ثلاث ايام من موت ابوها وامها احتفلت بعيد ميلادها علشان كده المحققين كان عندهم شك فيها كبير وبداوا يركزوا عليها في التحقيقات ولاحظوا ان عباس واخوه بداوا يشتروا حاجات غاليه نوعا ما وبيدفعوا كاش يعني واضح انهم معاهم فلوس كثير وده جي فجاه فتم اعتقال الاشخاص الثلاثه وبسرعه اعترفت رشا بكل شيء

التحقيقات ماطولتش اكثر من اسبوع لان رشا انهارت واعترفت بكل شيء وبعد ما انتشرت القصه عملت ضجه كبيره في كل مصر بسبب انها غير متوقعه ومن رشا خصوصا لان

ما كانش عندها مشاكل مع عيلتها خالص وكانت عايشه كويس جدا وعندها كل حاجه ودرست في احسن المدارس والجامعات علشان كده ما كانش حد يتوقع ابدا ان رشا هي اللي تطلع القاتل

في نفس الوقت كان في بعض الاشخاص اللي بيتعاطفوا معاها ويقولوا انها مجرد بنت عمرها 19 سنه حبيبها هو اللي لعب بعقلها وخطط للعمليه علشان يسرق فلوس اهلها او كنوع من الانتقام لان الاهل كانوا معترضين على عباس وكانوا بيحاولوا يبعدوهم عن بعض

بعد اربع سنين من الجريمه يعني في سنه 2006 تمت محاكمتهم الاخيره وفي اثناء المحاكمه كانت رشا بتقول ان عباس واخوه هما اللي خططوا لكل حاجة وهي ملهاڜ اي دعوه بالموضوع ده

وفي نفس الوقت كان عباس واخوه بيقولوا انهم عملوا

ده بناء على طلبها هي

وفي الاخر المحكمه حكمت على رشا وعباس بالسجن 25 سنه

بتهمه القتل العمد

اما اخو عباس فتحكم عليه ب 15 سنه بتهمه التامر على الضحايا وبعد ما تسجنت رشا حاولت كثير انها تغير الحكم وتطعن فيه عشان تخفف من سنين السجن لكن كان كل مره طلبها بيترفض وفي سنه 2011 اخوها رفع عليها دعوه علشان ياخذ منها حصتها في الميراث ونجح وشكرا لكم جميعا

0 notes