ehap-m-elmghrpy

[ehap-m-elmghrpy]

انا من يسكن الابيات قصرا

ينام بقرضها ليلا وعصرا

وتفوح على يدي عطر القوافي وتزبد من شفاة القول يسرا

ارددها ترانيما تغنى

واحصيها كورد اليوم ذكرا

اقارع بالكلم الغض خصمي بساحات القصيد يفر قسرا

اناجي في الظلام ظلام ليلي

واشكو في الهجير الشمس شعرا

وابكي في الفراق فراق ليلى

واضحك كلما احرزت نصرا

اراقب الليل الذي يأتي ويمضي

مراقبة ال

[ehap-m-elmghrpy]

كل اللي طبل حلو

حتي اللي رقه اتمزع او طبله مش بكاش

حتى اللي كفه اتنحل وكان صوته انحاش

طبطبته مش بتدق

ع الرق ما بتقواش

كل اللي حاول وصل كل اللي طبل عاش

[ehap-m-elmghrpy]

حبيبي

منشد الاحبه

وصانع السعاده

وآسر القلوب بفكره وحرفه ونغمه

لسه الكلام رغم الجمال والانسجام تحسه عايز ينطلق

لسه الحروف مشتاقه شوف علشان ترص وتتنطق

لسه القلم جواه أمل محتاج يشفُّه ع الورق ويقول نغم ويطفِّي ناره لينحرق

لسه المشاعر سخنه نار بتعاني مر الانتظار عايزاك تبوح ل هتتخنق

قول يا بطل طلع احاسيسك هنا اكسر دواليب الملل وانصب على المسرح حياه مليانه بالشوق والامل

واكتب على هف الهوا واكتب على ضل القدم واكتب على لولي العرق واكتب على دمع الندم واكتب على وجع الفراق واكتب على (بَعْدْ) العَدَم

اكتب بخلق طويل يفوق طوله

علي صبر الجمل

[ehap-m-elmghrpy]

انا اكتر واحد بيبلم

لما تقع من ايده الحاجه

يا ما طارت من أيدي فرص

كنت شايفها زمان ولا حاجه

سعد البنا

وانا اكتر واحد قال ايوه

دايما مستسلم ورزين

طول عمري مفكس لل لأ

وشايفها دي كلمة شياطين

Abo Hazem

انا اكتر واحد كان يسمع حتى

العرقسوس وصاجاته

صوتها في ودني غريب وبيلسع

اجري وافز اطلب شرباته

انا اكتر واحد بيساعد لما يشوف غيره بيتورط

برمي همومي ورايا وبانزل وياه ف همه وابلبط

______________________

سعد البنا

انا اكتر واحد

متناقض

بزعل جدا وافضل ساكت

واتخانق مع قلمي وورقي

واعمل فيها الحج معارض

________________________

وانا اكتر واحد متمكن من فن الصمت الغير ممكن

لكن قلمي فصيح سباق ع السطر ما يهداش ولا يركن

________________________

انا اكتر واحد متخيل ان الدنيا جميله وبيس

وكل الناس عصافير على شجره مافيهاش تعابين ولا نسانيس

________________________

انا اكتر واحد

حبيت

حبيت كل حاجات البيت قلمي واوطتي ونومتي وفوطتي حتي النمل ف قلب الحيط

________________________

انا اكتر واحد متكلم بس كلامي ماتسمعهوش باحكي لنفسي ف نفسي وابلم اصل الناس سمعها مغشوش

________________________

انا اكتر واحد بتفرج على كل الأدوار ع الشاشه واكتر حاجه عليها بهرج لما بشوف أطفال غشاشه

________________________

انا اكتر واحد باتجمل وبارص كلامي بحنيه

حتى شتيمتي لغيري رقيقه

غور من هنا يا ابن الحراميه

________________________

انا اكتر عاقل مجنون سكر شهد وفوقه لمون ضحكتي ليها صدى صوت مرعب

وشخطتي يتهزلها الكون

________________________

أنا اكتر واحد بيهزر بس هزاري غريب الشكل

مره رميت ضيف م

البلكونه

ومن أخلاقي حدفتله اكل

________________________

انا اكتر واحد زعلان

كل الدنيا بقت بهاليل

م الماضي وظلم الانسان

كل خَلَفنَا هابيل وقابيل

________________________

انا اكتر واحد غيران

على اهلي وعلى عرضي وناسي

لو اطول احبسهم ف زمان مافيهوش ولا ظالم ولا عاصي

________________________

انا اكتر واحد فلتان

عيني تزوغ ورا كل جميل مره قضيت ليلتين في ميدان ااكل قط يتيم وعليل

________________________

انا اكتر واحد متحمس

للحلم ويحلم على روحي

مش بحتكر الحلم لنفسي

نفسي يدفي بحضنه جروحي

________________________

انا اكتر واحد مجروح والدم بينزف والروح لما بشوف أمي المحروسه جسم عليل وجسد مجروح

________________________

انا اكتر واحد يتألم

لما بشوف الكون يتكلم عن أمي وعن ام الدنيا وازاي دورها صبح تستسلم

________________________

انا اكتر واحد مش عارف انتظر الفجر ومش خايف بكره هييجى كناب مقفول مالهوش عين ولا عنده شفايف

________________________

انا اكتر واحد مظلوم

عايش عمري نوم ورا نوم

بحلم وأحلم اني هقوم

لكن كل ما حاول بفشل

علشان كل حياتي هموم

________________________

انا اكتر واحد متهور

بسبق روحي كتير واتعور لكن دايما جرحي شريف

ممكن ينزف بس ينور

________________________

مش راح أخانق دنيا عبيطه

لكن حلمي اكون في سماها

ومهما يعلوا في مليون حيطه

بكره هعدي بحلمي وراها

________________________

انا اكتر واحد مش عايز ممكن اكون متشوق جايز لكن عمري ما ابص لغيري أصل الدنيا حظوظ وجوايز

________________________

[ehap-m-elmghrpy]

بلاش ليلي ما في غيرها فى بنات حوا ف قلوبهم خير

بلاش ليلى عشان باقي البنات زعلت بقت بتغير

وحتى اسمها "ليلى" اتهرس وانداس

حروفه خلاص

بقت حاسه بكره الناس..ولما بتمشي وسطيهم بقت بتطير

بلاش ليلى

عشان ليلي دي مرتبطة وطالب ايدها ألف أمير

ودايب في دباديبها من الصعاليك بشر وكتير

وهامت في مفاتنها بحور الشعر بالتصوير

بلاش ليلى خلاص ليلى دي مافيهاش خير

لا عاد الاسم بيحرك قلوب تهوى

ولا عادت لها عشاق تموت م الهجر

خلاص ليلى

مجرد اسمها يتقال يحرك في الرجال الكبر

ومين يشتاق لانثى حبها بيجن

وعمرها ألف عام واكتر وعايشه وسطنا بالشعر والتنظير

[ehap-m-elmghrpy]

انا قصدي اعيش وخلاص والعيشه بالتيله

من غير مزاج وحماس ما هي خيبه وتقيله

ماشيين طريق واعر والخطو بيعافر والدنيا فات قطرها

ولاعادلهاش حيله والضي مش مسموح النجم غار...سافر

والصبح مش ملموح

مالهوش نفس قادر

والليل ملك مفضوح

داعر كمان كافر

والعين منين ماتروح

متحاصره بخناجر

ممنوع تشوف وتبوح توب الشرف

[ehap-m-elmghrpy]

فتاوي خارجه مختومه

بختم السحر والتعاويذ

من الفاضي اللي في ظلومه حكم على بُكرَه انه يهيص

فقال.. الكلمه محكومه

بقصد اللي كَتَب وحدُه

وممكن كلمه مفهومه

يكون معناها مش عاجبُه

فيرسم هِدمَه مَحكومَه

يفصَّلها على قدُه

ويعمل حفله وعزومه

تِجمَّع حرفها عندُه

ويهديها القميص الابيض

فتِلبِسُه تبقى من جُندُه

وكلمه ف كلمه تتظَبَط

شوارع زَحمتُه ورَطُّه

وكل كلامنا يتلَخبَط

وتبقى الكلمه على كيفُه

تلاقي الآه بتتنطَّط

كانها ضحكه تَقييفُه

[ehap-m-elmghrpy]

فتاوي خارجه مختومه

بختم السحر والتعاويذ

من الفاضي اللي في ظلومه حكم على بُكرَه بالتهييس فقال.. الكلمه محكومه

بقصد اللي كَتَب وحدُه وممكن كلمه مفهومه

يكون معناها مش عاجبُه فيرسم هِدمَه مَحكومَه يفصَّلها على قدُه

ويعمل حفله وعزومه

تِجمَّع حرفها عندُه

ويهديها القميص الابيض فتِلبِسُه تبقى من جُندُه

وكلمه ف كلمه تتظَبَط

شوارع زَحمتُه ورَطُّه

وكل كلامنا يتلَخبَط

وتبقى الكلمه على كيفُه

تلاقي الآه بتتنطَّط

كانها ضحكه تَقييفُه

[ehap-m-elmghrpy]

شتان مابين شمس اللقا

والليل نجومه مشقشقه

وعيون بتحلم بالحبيب

وعيون ف حضنه مشعلقه

بين الغرق في العشق دوب

وبين قلوب متشوقه

شتان ما بين كفين

في بعض مشعبطين

وبين عيون بتشوف خيال

وكانه عشق المكفوفين

شتات ما بين بحر الهوي

مجنون بدون مرسى ولا شطين

وما بين هوي زي النسيم

بيمر رغم اليعد طيف

بتداوي أنفاسه الحنين

شتان مابين

جمره وحمرا مشعلله

دخانها تدمعله العيون

وشياطه ريحته مكمله

وحرارته نار تشوي الجبين

ومابين دفا جوا العنين

وما بين صفا ف رقة جنين

وما بين هوى ماعليهش دين

شتان ما بين عشق العيون وعشق الايدين

[ehap-m-elmghrpy]

بحبك لو سيجاره لف ولو عقلك عته اوخف

بحبك بابتسامة فرح واحبك وانتي وش الجرح واحبك لو سكتي سنين ولو نطقت حروفك ردح

بحبك وانتي غلبانه واحبك ساهيه بلبانه واحبك عين بوسع البحر تقولي الحق مش في الضهر

بحبك طابخالي المحشي وانا اكل وانتي بتحشِّي واحبك وانتي فقريه وطابخالي تونه مع طرشي

واحبك وانتي زعلانه ومقموصه ومابتشكيش واحبك وانتي غضبانه تأنبي فيه ماسكتيش

واحبك وانتي رايقالي مروقه والمزاج عالي واحبك وانتي فايقالي بتسألي ليه هغيب وماجيش

واحبك وانتي ست الكل عيونك بحر شوق عاصف واحبك وانتي زي البرق تعدي زي ضوء خاطف

واحبك وانتي شتويه بتمطر زي سيل جارف واحبك وانتي صبحيه نداها ع الإزاز واقف واحبك وانتي حوريه وانا في الجنه بين ايدك واحبك وانتي نكديه تنكدي حتى على سيدك واحبك وانتي مش هي اللي انا حبيتها من صغري واحبك وانتي ست الكل وبحسد روحي يا عمري

[ehap-m-elmghrpy]

[ehap-m-elmghrpy]

بعد لحظه او ثواني

ولا ساعه في يوم فلاني

هيجي دورك في النهاية

عشان تودع كل شىء

تنسى كل الدنيا

تبقي ماضي راح

تنسى شوقك

للبراح

تنسى ان الحلم مات

فات وراه سهد وجراح

وانتهى فيك كل شىء

تنسى عين البنت بنتك

وانت بتلاعب صباها

تنسى ضحكتها

اللي هزت فيك غصونك

وخضرت في الشيب عيونك

وقوتك تجري ف رضاها

واما فجأه تقول بحبك

تلقى كل الكون في حضنك

كانه بيحبك معاها

تنسي سحر عيون حبيبتك

اللي ياما نظره منها

لوعت أيام سنينك

اللي كل ذره فيك

شاركتك ليها حنينك

اللي لمسه من كفوفها

تخللي قلبك جوه عينك

لجل ما يقرب يشوفها

ف نور جبينك

تنسى الوان الطريق

لما كنت لسه تحبي

واما قامت بيك رجولك

واما شد العمر طولك

قومت تجري

واما ناخت بيك حمولك

وانحنى ضهرك يا كبدي

هي دي حقيقي النهايه؟

طب ومين هيروح معايه؟!

مش حقيقي هكون لوحدي؟!!

قلبي مش ونسان كفايه

عمري كله وطول طريقي

كنت دايما وسط عزوه

بدلق الاحزان ورايا

عمري كله ماشيه بطوله

في صحبه حلوه

في شيبتي كان ولا ف صبايا

كل خطوه مشيتها فيها

زي غنوه فى ليل هوايا

عمري ما مشيت مره صولو

أو قضيت أيام في خلوه

مهما قولتك او تقولوا

ومش هقضي

حتى لو كان يوم عزايا

حتى لما عشقت مره

كنت بحكي للنجوم

واما يحبكني السهر

كنت الاغي في القمر

واشيِّله عني الهموم

دي النهايه؟

طب اقوم البس واجهز

عندي طقم جديد حرير

ابيض ايه؟ مابحبهوش

طول حياتي

بحب الواني الشهيره

ببقي فيهم واد خطير

مانت عارف أصل الابيض

صافي لكن قلبي

مليان بالرتوش

بحب دايما ابقي نفسي

ابيض ايه؟! انا مش ملاك

واما هَخْلَصْ

مش هطير على فوق بكفي

و ف طريق انا ماعرفوش

ياااه هي دي حقيقي النهايه

زي ما يكون عمري كله

عشته ناسي إني ماشي

طب ليه بس

مجاش ف بالي؟!

والا مايقولويش عيالي؟!

هما فين ؟! مشغولين

مش مهم اني اشوفهم

اصلي بكره

اشوف وشوشهم

زعلانين

خللي آخر ضحكه ليهم

عايشه تضحكللي

ف خيالي

طول حياتي

كنت عامل ديدبان

لجل اشوفهم فرحانين

مش مهم

هما دايما جنب قلبي

وجوا عيني وفي النفس

هما دول زرعة حياتي

لما افارق

هبقى عيشت

وروحت فارق

مش مجرد ضيف وعدَّى

هسيبلكم حَبِّة وَنَسْ

نفسي اشرب ريقي ناشف

ايوه عارف اني خايف

هكون لوحدي ف حفره ضلمه

ف دنيا بارده بدون شفايف

هموت صحيح وهتشيلوني

طول حياتي بكره اني اتشال

رغم ان الشيله راحه

بس كنت بشوفها أسر

كانت امي تقوللي دايما

انت غير كل العيال

تحب دايما تبقى حر

عمري ماعرفت اني اشيلك

كنت بترفَّس وتبكي عشان اسيبك

كاني برميك جوه بحر

كنت راجل طول بعرض

وامي تطلب مني حضن

لجل تشبع من دفايا

ولما مشيت واتفارقنا

سابت الاحضان معايا

زي ما تكون غيط وارض

كل شبر بذكري حلوه

وكل موقف نور وأيه

واتفارقنا مش بخوطري

لأ ده فرض

بس ممكن نبقي بكره

ياما تاني جنب بعض

هي دي حقيقي النهايه

طب بفرض

يبقي لازم اسيبلكم حبة وصايا

حبوا بعض

خلي بالكم من ذنوبكم من صلاتكم من صيل

[ehap-m-elmghrpy]

وَسَقَطَ المَطَرَ أغرقَنِىْ

كَاَّنَهُ نَزَلَ مِنْ أَجْلِىْ

لِيَغْسٍلَ عَنِّىْ أَدْرَانِىْ

ويَجْلُو غَشْوَةَ البَصَرِ

أَيَا ربَّاهُ يَاْ أَمَلًا

أعِيْشُ لِأََجْلِهِ عُمْرِىْ

وفَوْقَ صِرَاطِهِ أَحْيَاْ

وتَمْشِى عَلَيْهِ قَاْطِرَتِىْ

فْهْلْ تكْفِيْنِي زَخْاْتٌ

مِنْ الأَمْطَاْرِ تُمْطِرَنِىْ

لتَرْفَعَ عَنِّى أَدْرَاْنِىْ

وَمِنْ وِزْرِىْ تُطَهِرُنِىْ

فَكَمْ أَذْنَبْتُ مُضْطَرًا

وكَمْ أَسْرَفْتُ فِىْ غَضًبِىْ

وكَمْ كَاْبَرْتُ مُغْتَرًا

وكَمْ أَهْمَلْتُ فِىْ عَجَلِ

وكَمْ خَاْصَمْتُ مُعْتَقِدًا

بأَنَّ الهَجْرَ قَدْ يُجْدِىْ

وكَمْ شَارَكْتُ مُغْتَاْبًا

وَلَوْ بِاْلسَمْعِ عَنْ بُعْدِ

وكَمْ فَاْرَقْتُ أَحْبَاْبَا

وكَم قاطَعْتُ مِنْ رَحِمِىْ

وَكَمْ عَاْهَدْتُ مُعْتَقِدًا

بَأَنِىْ صَاْدِقَ الْوَعْدِ

فَيَاْ رَبَّاْهُ فَلْتَرْحَمْ

وَتَهْدِىْ عَبْدَكَ الْمُخْطِىْ

وتَغْسِلُ قَلْبَهُ الْوَاْهِىْ

بِنَهْرٍ مْاءُهُ يَجْرِىْ

وتَقْبِضَهُ بِلَاْ ذَنْبٍ

لِيَحْيَاْ جَنَةَ الْخُلْدِ

[ehap-m-elmghrpy]

لا ابالى

بالذى يجري هناك

هذه أرضى أنا

لكنها رغمًا هناك

وأنا هنا

فى زمان الحب كانت

هذه هي أرضنا

كل أهل العرب حشدوا كلنا

قاتلوا كى لاتضيع

مات منا فيها زهرات الربيع

كدت أهلك لكننى رغما بقيت

كان حلما أن أموت بها شهيد

لكنني رغما بقيت

فى زمان أكرهة يا ويلتى

ويحه زمن مقيت

لم يحشدوا كل العرب لم يحشدوا

صمتوا وظلوا فى مساكنهم أسود

والصمت سيد بينهم

والصوت تأسره القيود

والشرف أصبح سلعة

والقدس أضحى قبله

ليست لنا بل لليهود

[ehap-m-elmghrpy]

هي الأصل

*****

قالو الفلاحة بنت الريف

دى هى الأصل

جدورها ضاربة فى تاريخنا

عقود وقرون

وماتت أحلى تواريخنا

ومات الوصل

وفضلت هى موصولة

بأصل الكون

تاريخ وحضارة محفوره

فى جِدر الارض

ومهما الصوره تتلون

هَوَسْ وجنون

بتفضل زى جِدِّتها

وجِدِّة جِدِّ جِدِّتها

عشان هى بطيبتها

فى كل حياتها فطرتها

تصون وتصون

ومهما اتلون الستات

بمليون لون

ومهما هدوم بنات بره

بقت (باردون)

إشي أذْعَر على أقْصَر

على (دانتيل) وفوقه (شيفون)

ومهما اتْعَرِت المانيكان

وظهرت كل مفاتنها

هتفضل بنت قريتنا الاصيله

سِتْ بساتينها

وتفضل لفة الطَرْحَه البسيطة

تاج على جبينها

ويفضل سَتْرَها أحلى

وتفضل دُرَّه مَكْنُونَة

ومهما (الموده) تِجْرَحْها

هتفضل (موده) ملعونة

يعدِّى العمر ويروَّح

وتفضَلي تاج على راسنا

عشان أصلك وأخلاقك

وسترك هما حراسنا

على باب التاريخ واقفة

بتحمي الأصل والأخلاق

وتِنْضَحِي عِفَّة مع نَخْوَة

وسترك أجمل الاذواق

ده وشك بدر فى الطَرْحَه

وكيف يبقى التَعَرِّي زواق

--------

شعر

ايهاب محمد اسماعيل

[ehap-m-elmghrpy]

أنا القرطاس يعرف خاتمى

والقلم يعشق ضحكتى وانينى

شيدت ابيات المشاعر فى الدجى

حتى تسامت أنجم تهدينى

وبنيت فوق دفاترى من خاطرى

قصر من الأحلام والتلحين

جدرانه احجارها من جوهر

والأرض من ازهارها تغوينى

وتصاعد الإحساس من جنباتها

حتى تعى نبضاتها كجنينى

ويفوح من أركانها عبق يشى

باريج نبت

[ehap-m-elmghrpy]

وتشكونى الى نفسى

فاسمع منها شكواها

وتقسم انتى غث

وأخشى الترف والجاه

واهوى الشظف فى عيشى

والهوى الشطط فى الله

فلا ترف ولا لهو ولا مال ولا جاه

ولا اخذها للحان ولا بالعيد ارعاها