Last Seen Blogs
belizi
We are the music makers
esefossiapatica
e ti sei persa
phptravel
PHPTRAVELS
ciaxiomat-blog
Untitled
theguy12169
The Food Guy
Text
حاسة إني بتفرج ع الكبير ع الفطار عشان عليا ذنب
أخر حلقة سخيفة خلاص
يمكن يتعدل
أخر حلقة سخيفة خلاص
يمكن يتعدل
أخر حلقة سخيفة خلاص
0 notes
Text
عندي مذاكرة كتير اوي .. حاسة إني رجعت أتضايق تاني ، أنا معرفش هبطل أتضايق امتى، بفكر إن مسلسل الصفارة أظن إنه في المنطقة دي.. قي إن لو كنت.. لو عرفت أرجع أصلح حاجة .. لو .. يا ترى شكل الحياة هيفضل عاجبني ؟
مش هتضحك على نفسي وأقول إن شرط إنها تكون مش حلوة.. يمكن تكون كانت هتبقى حلوة.. بس يمكن برضه مكانتش هتبقى حلوة .. يمكن حاجات كتير .. مش قدامنا غير إننا نرضى .. ونبص لقدام وللواقع.. ونقول إن الحياة لسه بتدينا فرصة..
1 note
·
View note
Text
How true!!😂
I was reading one of my childhood diaries the other day and there was a whole paragraph saying how hopeful I was that my writing will help the archeologists in the far future. Then it proceeded to describe my lunch that day and how my dog was probably secretly able to talk.
71K notes
·
View notes
Text
وأنا بسمع حلقة بلال فضل جاب سيرة برنامج الموهوبون في الأرض .. مش عارفة ليه لما بتيجي سيرة البرنامج ده بتضايق فشخ .. بتضايق أوي والله .. لأنه بيفكرني بأول مرة شوفت فيها البرنامج ده بترشيح من حد هنا .. أنا متضايقة اني كنت لسه عيلة مكنتش قادرة أفهم .. كنت لسه مش عار فة أتعامل ..مقدرتش أفسر الأمور صح .. لما قررت أبعد أنا هربت مواجهتش .. متعاملتش بشكل عاقل .. انا كنت عيلة فعلا .. لكن لسه لحد دلوقتي زعلانة اني مقدرتش أواجه .. وقتها مقدرتش أكون شجاعة .. حتى لو أنا عارفة اني مكانش ينفع أكمل .. انا مش ندمانة غير اني مواجهتش ,, وزعلانة ان حاجة بحبها زي دي ارتبطت بذكرى زي دي ...
0 notes
Text
مساء الخير يا تمبلر..
رمضان بدأ .. امبارح خرجت مع صاحبتي نتغدى برا بما اننا يمكن منخرجش خلال رمضان ..
رجعت مصدعة اوي .. راسي بتبقى هتنفجر حرفيا ,, معرفش ليه فعلا بحاول بجد أفهم ده ليه ..نضفت البيت كويس الحمد لله.. نمت قتيلة .. انا مبسوطة اني عرفت اتغلب على نفسي شوية وعملت حاجة عكس ارادتي السيئة..
النهاردة أول يوم رمضان .. للأسف يعتبر مصحتش خالص الصبح من كتر التعب .. كنت مشغولة النهاردة اني مش عارفة ازاي هتمضمض كويس.. قد يبدور سبب غريب مريب عجيب.. لكن بجد دي أصعب حاجة بالنسبالي في نهار رمضان ازاي هتمضمض غي الوضوء .. الحمد لله اليوم خلص على خير.. ربنا يغفر لي تقصيري ويهديني يا كريم يا رب..
صليت .. سمعت حلقة بلال فضل.. سمعت لماذا رمضان .. سمعت اتاخر خدني جنبك ..
فكرت اني لما كنت متحمسة اسمع كل الحاجات دي كنت متحمسة أوي وكنت فاكرة اني مش هزهق خالص وأنا بسمعهم .. بس سربرايز اللي العقل بيوهمك بيه والفراشات والورد اللي كان بيخليني أهرب من المذاكرة وأنا بطالب اني أشوف البتاع ده ومذاكرش طلعت غنكوش.. لأني زهقت وأنا بتفرج لأن مفيش حاجة ممتعة يا آية .. مش كل حاجة مهمة ممتعة ..مفيش حاجة مهمة ممتعة أصلا !
"مين العالم الحمار اللي كان شغال هنا قبلي"
الافيه ده ضحكني موت
عايزة أحط خطة ليومي الرمضاني .. بحاول أفكر هعمل ايه في اليوم وهذاكر اكتر وهصلي امتى وعايزة أخرج بايه من رمضان .. مش عارفة هعمله امتى لأني الحقيقة مكسلة أو قرفانة .. بس ده طبعا مينفعش عشان عندك مذاكرة قد كده حرفيا قد نفوخك ودي جراحة اللي عايزة تعلي فيها تقديرك يا روح خالتك
ربنا معانا ويقوينا يا رب.. قويني وافتح عليا فتوح العالمين يا رب..
0 notes
Text
ازيك يا تمبلر..
شكلي هفضل كل يوم آجي أقولك إني عندي كلام كتير فشخ .. وعندي مذاكرة كتير فشخ ...
آآآآآآه
0 notes
Text
عندي كلام كتير فشخ .. لسه مش عارفة أتكلم .. وعندي مذاكرة كتير فشخ .. بحاول أخلص الامتحانات قبل رمضان وده حاطتني تحت ضغط اوي والضغط ده على عكس المتوقع بيوترني.. يا رب أخلص..
كل شوية أقول لماما احضنيني .. أنا بحب ماما فشخ .. وحضنها بيطمني .. بس أنا لسه خايفة ...
الصورة دي جميلة .. جميلة أوي...
0 notes
Text
بحاول أتماسك وأقول أنا قدها.. بس أنا خايفة ومش عارفة أبطل القلق ده .. على عكس كل شيء .. القلق ده مبينجزش أي حاجة.. خالص بجد..
يا رب أنجز يا رب
0 notes
Text
الحمد لله ال ٣/٤ بتاع النهاردة خلص
باقي أذاكر الحاجات بكرة بتركيز
محتاجة أول ما أصحى أقعد أخلص السمك.. بتركيز... كل سايكل ساعة ونص أتارجت فيها اتي أخلص ١٠ صفح
عندي حوالي يعني محتاجة حوالي ١٠ ساعات لو أخذناها متواصل .. لو اخدنا ربع ساعة راحة في كل سايكل يبقى ١١ ساعة ونص يعني على الساعة ٥ إن شاءالله... ده تارجت وإن شاءالله يخلص
0 notes
Text
قبل ما أنام كنت عايزة أقول
أنا عندي كلام كتير موت..
وعندي مذاكرة كتير فشخولا
عايزة أتكلم كتير عن شعوري تجاه رمضان ، عايزة أتكلم كتير فعلا عم شعوري بالذات رمضان ده
وعايزة أشوف خطط لنظام غذائي في رمضان
وعايزة أكتب كتير
1 note
·
View note
Text
عايزة أتكلم كتير عن شعوري تجاه رمضان ، عايزة أتكلم كتير فعلا عم شعوري بالذات رمضان ده
وعايزة أشوف خطط لنظام غذائي في رمضان
وعايزة أكتب كتير
1 note
·
View note
Text
لسه حلم الطب بيمر قدام عيني كل يوم .. لسه بفكر هل لو كنت في الطريق التاني ده كان هيبقى أفضل ولا لأ.. لسه بفكر كتير ... ليه زعلانة منكرش... بس في النهاية يا آية ده كله بدون نتيجة.. مش هنرجع بالزمن..ده كله مش هيطلع حلم .. ده كله واقع محتاجه تتقبليه.. محتاجة تبصي ليكي الآن وهنا. وتستغلي ده .. هل متأكدة إن ده حلمك؟ هب متأكدة إنك عايزة تمشي من هنا؟ ولا االي بيحصل ده هو اللي باهرك؟متأكدة؟
وليه متحاوليش تنجحي دلوقتي وفي مكانك ده .. ليه لأ؟
ليه مبتفكريش إن يمكن لو كنتي في مكان تاني .. كنتي زمانك سلكتي طريق تاني .. حتى لو ده مكانش هيحصل .. دلوقتي يا آية ركزي في الآن وهنا بس .. ركزي على نفسك دلوقتي وعلى مذاكرتك دلوقتي وعلى حياتك دلوقتي .. حاولي تنسي الماضي .. مش أكيد بس حاولي .. مكانش أكيد انك هتنجحي زي دول.. يمكن ربنا كاتب لك النجاح دلوقتي .. في الطريق ده ..
يمكن يا آية.. الحمد لله على كل حال
0 notes
Text
رجعت قرأت الشات تاني ، كنت مكسلة ويمكن كنت خايفة أشوف نفسي وقتها .. كنت كويسة .. كنت شجاعة .. يمكن حسيت في بعض المواضع اني أوفر .. بس أنا مش متضايقة ، مبسوطة بكل كلمة ، بكل حق وكل نقطة كرامة أهدرها ورجعتها بالكلام ده .. انا مقدرتش أتجاوز غير بعد ما خرجت كل الالم والجروح المعتقة في قلبي .. كل هذا الكره وجد له انفراجة أخيرا..
أنا دلوقتي كويسة برضه الحمد لله.. محتاجة ألتفت لنفسي بس أكثر.. أتمنى أبقى أشطر .. وأفضل أتعلم من my own past lives ..
0 notes
Text
أظن إني كنت توقفت عن الكتابة لوقت طويل فشخ. لوقت طويل فشخ مش عارفة أنا فين وبعمل ايه ، ومش هكدب وأقول دلوقتي إني عارفة أي حاجة ، بس أنا لسه دلوقتي بحاول أكون موجودة وعايشة ، عايزة ونفسي أبطل أجري في المكان ، نفسي أبطل أجري
اللي هحاول أعمله الأيام الجاية ، تحدي إني لحد أخر الشهر .. يعني حوالي ١٥ يوم .. أسبوعين .. ألتزم فيهم إني أبطل أجري في المكان .. أفضي دماغي من كل الألم والصراخ والعويل.. وأكون الآن وهنا .. أبطل أدور الضرب في كل حاجة في نفسي الوقت وتبطل دماغي تشيل حمل كبير.. وأبطل أجري في المكان من غير ما أخد أي خطوة ..
أنا دلوقتي .. الآن وهنا .. الجدول اللي حطيته هحاول أمشي عليه لآخر الشهر... اللي هيتراكم هيكون حاجات اسبوعين بس .. لكن قصاده م هكون لميت معظم منهج الشهر الأول وهيكون سهل ان شاءالله إني أجيب الأسبوعين دول خص صا إن هيكون في أيام تماما قاعدة في البيت..
لأني خلال شهر رمضان ان شاءالله هقعد من الباثو .. وسكشن السمك هحضره في أي سكشن تاني من الأيام اللي بنزلها.. يتني ان شاءالله من الخميس للاثنين هكون في البيت ٤ أيام ان شاءالله قاعدة في البيت.. الصبح هسمع ريكوردات لأنها مش محتاجة تركيز أوي، وهذاكر مواد خفيفة أو سكاشن خفيفة ، وبليل للمواد الثقيلة..ولسه اجازة العيد ان شاءالله، هنعرف نلم فيها ،أو ممكن نشد عشان ناخدها اجازة حلوة وجميلة ...
جميل.. يا رب يا رب أقتنع وأحاول أبطل
0 notes
Text
عايزة أعرف for you بتاع تويتر ده معتمد على ايه.. يعني ليه معظم اللي بيطلعوا لي ولاد وحشة!
0 notes