the-conanner

[the-conanner]

Files 1113-1115 Discussion, Hawkman !!!

هلأ في شغلة وحدة بس بـ هالقضية أنا ما فهمتها

شايفين هون بالصور في أغراض للسفر و شناتي.. و ممتلكات للشلة تماماً فوق مقاعد جلوس “هيجي” و “كازوها” و اللي معهم لكن لما خرجوا من القطار.. ما كان معهم شي

ما كان في غيرهم بالعربة !! يعني تبخروا الأغراض ولا نسيوهم ولا المجرمين كانوا جايبين معهم أغراض و شناتي على مهمتهم بالقطار ولا “غوشو” رسمهم ديكور !؟ عسى ما يكونوا نسيوهم على كل حال.. يمكن قعدتهم تطول بـ طوكيو

السلام عليكم و رحمة الله شبيبة بصراحة اشتقت للتمبلر و المنشورات فيه.. و للكتابة كمان.. و بعرف كان المفروض أنشر هالمنشور بالأيام الماضية.. لكن صدقاً انشغلت و ما صرلي وقت إلا لليوم هذا المنشور رح يكون قصير.. و هو بمثابة تحمية و تجهيز للمنشور اللي بعده

عموماً خلونا نبدأ بالمنشور الحالي

طبعاً مش رح نحكي عن القضية لإنها تافهة.. ولا عن فلاش باك “ايوري” لإنه أتفه من القضية الحكي رح يكون عن العجوز اللي ظهر بنهاية الفصل 1115 و طلبه للتحقيق بشأن “كونان” بالشكل المفاجئ اللي ظهر فيه و شو سبب وجوده بـ طوكيو و اتصال “كورودا” بالنهاية.. و عن شو ممكن تكون القضية القادمة

---------------------------- ما سأكتبه تالياً قد يُصيب و قد يُخطئ -----------------------------------

كتير صار في نقاشات عن هوية العجوز اللي ظهر بنهاية الفصل 1115.. و اللي هو نفسه طبعاً العجوز اللي ظهر بنهاية الفصل 1102 اللي كسر جواله و هذا الموضوع خالصين منه.. لكن السؤال

مين هو هذا العجوز ؟ بالبداية رح نثبت هويته.. بعدين بنكمل بـ باقي النقاط

هذا العجوز اللي ظهر بنهاية الفصل 1115 و اللي هو نفسه اللي ظهر بنهاية الفصل 1102.. هو جد “موميجي” و اللي كان رئيس وزراء سابق لليابان طيب.. شو دليلك يا أبو الجود انه هذا هو نفسه جد “موميجي” مو زعيم المنظمة مثلاً ؟ شو الدليل ؟ أولاً و الواضح.. ان كل شي بيتعلق بهذا العجوز صفته العامة هي الصقر

حتى العكاز اللي معه على شكل صقر.. و طبعاً هو نفسه العجوز اللي ظهر بنهاية الفصل 1102

واضح انه نفس العكاز بالصورتين.. لذا الشخص نفسه.. و نحنا عارفين ان زعيم المنظمة اشارته الغراب مو الصقر.. لذا هذا العجوز مو زعيم المنظمة

طيب الدلائل اللي بتثبت انه هذا هو جد “موميجي” مو حدا ثاني نحنا شفنا بنهاية الفصل ان “أمورو” وجد جوال بالقطار.. أخذه و رد على المكالمة اللي كانت عليه

و هي لقطة ثانية من الفصل أوضح للجوال اللي وجده “أمورو” بالقطار

تمام.. كله أسود.. بس أنا وين شفت هذا الجوال من قبل ؟؟ وين يا أبو الجود وين ؟؟

اها صحيح.. شفته مع “ايوري” لما رماه بـ سلة المهملات بالقطار.. مع زوم إن خاص على الجوال قبل رميه.. فـ ممكن “ايوري” قبل مغادرة القطار.. استرجع الجوال من السلة.. و وضعه بالمقعد اللي وجده “أمورو” فيه

هلأ ممكن حدا يقلي ان تصميم الجوالين من الخلف من جهة الكاميرا مختلف.. يعني مو نفس الجوال اوك ممكن ما يكون نفسه.. و ممكن يكون خطأ بسيط بالرسم.. و تكررت عدة أخطاء بالرسم و التظليل بـ هي القضية بالواقع ممكن يكون هو حط جوال تاني غير جواله.. و ممكن “موميجي” هي اللي حطت الجوال رغم اني أستبعد هالشي و برأيي “ايوري” هو اللي حطه لكن هي نقطة انتبهت لها و حبيت أذكرها.. و مو مشكلة بتقدروا ما تعتبروه دليل أو تلميح.. عادي هههههه

بالنسبة للدليل الثاني اللي بيثبت أو يشير إلى هوية العجوز بنهاية الفصل 1115 هو مسار الرحلة ركزوا معي شبيبة بالصورة التالية

هي صورة القطار اللي كانوا فيه “هيجي” و “كازوها” و اللي معهم و اللي وصل على “طوكيو”.. و شايفين انه على يسار القطار في رصيف الركاب.. يعني القطار اللي كان فيه العجوز هو على يمين القطار.. بالجهة اللي مو ظاهرة لنا بالصورة لإن “أمورو” كان جالس على جهة اليمين لما شاف العجوز.. تمام

طيب أبو الجود.. هالحكي شو بيثبت ؟ هالحكي بيكمله الصورتين التاليتين

تمام.. من هالصورتين.. واضح ان مسار أو اتجاه رحلة القطار اللي فيه العجوز.. هو عكس اتجاه القطار اللي فيه “أمورو”.. بعرف انه هذا القطار بيمشي بالاتجاهين.. لكن اللي قصدته.. ان واضح من الرسم بالصورة الثانية.. كيف ان قطار العجوز رايح لـ جهة خلف “أمورو”.. يعني باتجاه العودة لـ منطقة كانساي.. و كأن “غوشو” عم يلمح ان هذا العجوز رايح باتجاه منطقة كانساي اللي ساكن فيها.. اللي فيها عائلة “اووكا”.. و هذا الشي بلمّح بقوّة ان العجوز هو رئيس الوزراء السابق.. يعني كان بـ طوكيو لسبب ما.. و هلأ راجع على مكان سكنه

طيب.. بالنسبة للدليل الثالث نحنا شفنا رد فعل “أمورو” لما دخل القطار و شاف ان العربة فارغة رغم ان القطار على وشك الانطلاق.. و طبعاً هالشي انعمل مشان الطرف الثاني من اللقاء يكون متأكد ان “أمورو” هو اللي رح يرد عالمكالمة مو حدا ثاني

و هالشي هو نفسه اللي عملته “موميجي” حتى تحجز بجانب “هيجي” بنفس العربة

و هذا الشي بلمّح أو ممكن اعتباره تلميح إلى انهم استخدموا نفس الأسلوب بحجز العربات عبر شراء جميع المقاعد.. و هالشي ما بظن يكون صدفة و مو تلميح من “غوشو” عن هوية هذا العجوز غالباً هذا تلميح من “غوشو” ان الأسلوب واحد بالحجز

أما بالنسبة للدليل الرابع و الأخير.. فهو سبب غضب هذا العجوز بنهاية الفصل 1102 لدرجة تحطيم جواله لما شاف صورة “كونان” مع “جيروكيتشي”.. انه ليش هالغضب؟؟ السبب هو خصومته مع “جيروكيتشي”.. طيب نحنا من وين عرفنا ان في خصومة بين هالعجوز و “جيروكيتشي” ؟؟ ليش نحنا عارفين أصلاً مين هذا العجوز ؟ حلو هالسؤال.. بس بـ كتاب دليل الفيلم 21 اللي صدر عام 2017.. قال “اوياما-سينسي” ان “موميجي” تمثل “سونوكو” الغرب.. يعني صار في “سونوكو” بالشرق.. و مثيلتها بالغرب.. و قال كمان انه رح يكون من المثير للإهتمام لو كانت العلاقة مو كويسة بين “جيروكيتشي” و بين أهل “موميجي”.. و كأنها منافسة بين الشرق و الغرب

فـ اذا فرضنا ان العجوز اللي ظهر بنهاية الفصل 1102 هو جد “موميجي” اللي في خصومة بينه و بين “جيروكيتشي”.. فـ شي طبيعي يغضب لما “كونان” يستمر بإيقاف “كيد” عن سرقة المجوهرات اللي بيعرضها “جيروكيتشي”.. يعني طبيعي يغضب ان في حدا قوي عم يساعد خصمه و مثل ما شفنا بالفصل 1102 التالي

هي الصورة من نهاية الفصل 1102 قبل ما جد “موميجي” يكسر الجوال.. واضح ان اسم “كونان” مكتوب بالكامل مع صورته.. و هاي هي طريقة معرفته بـ اسم “كونان” لحتى قدر يطلب من “أمورو” يتحرى عنه بنهاية الفصل 1115

و في صورتين نشرتهم على تويتر.. اللي هم هالصورتين

و قلت ان المصطلح اللي استخدمه العجوز بالفصل 1115 هو نفسه اللي استخدمه “جيروكيتشي” بالفصل 733.. فإذا افترضنا ان جد “موميجي” معتبر الخصومة مع “جيروكيتشي” جدّيّة و حاسمة.. و فيها نوع من الهوس.. فـ ممكن توصل معه انه يستخدم نفس عبارات “جيروكيتشي”.. و ممكن هالعبارة مشهورة عند “جيروكيتشي”.. يعني ممكن “غوشو” لاحقاً يرسم قضية أو عدة قضايا عن “جيروكيتشي” بالماضي أو بالحاضر.. و هو عم يقول هالمصطلح.. و تقول “سونوكو” مثلاً ان "جيروكيتشي” بكرر هالمصطلح دايماً و يعني و بكل تواضع.. شفت شخصين يابانيين بتويتر آخذين هالصورتين اللي فوق و ناشرينهم و حاكيين عنهم.. و يعني يبدو انهم داعمين لكلامي ههههههه فـ رح أتفاءل بخصوص هذا الدليل بالوقت الحالي رغم انه ضعيف شوي

المهم.. ان الخلاصة عن سبب غضب جد “موميجي” من “كونان”.. هو لإن “كونان” دايماً بيطلع بالأخبار انه ساعد “جيروكيتشي” بـ منع “كيد” من سرقة الجواهر اللي بيعرضها “جيروكيتشي”.. و هو بيتمنى ان “كيد” يسرق الجواهر و يسبب الضرر لـ “جيروكيتشي” قدر الإمكان بدون ما حدا يمنعه.. و بسبب خصومة جد “موميجي” مع “جيروكيتشي”.. قرر انه يتحرى عن “كونان” و يعرف شو قصته.. يعني غالباً هي الخصومة كوميدية.. و رح تظهر بشكل كوميدي.. على الأقل بالبداية طبعاً تنويه بسيط.. “غوشو” قال سابقاً بـ كتاب أرشيف “هيجي” و “كازوها” السري ان “جيروكيتشي” أغنى بـ قليل من عائلة “موميجي”.. يعني معه فلوس أكثر من عائلة “اووكا” و هالشي أكيد بيعطي الأفضلية له و لـ “سونوكو” بأي مواجهة قادمة.. و هذا أكيد سبب من أسباب الخصومة و الغضب من جد “موميجي” مثل ما شفنا

أما بالنسبة للقضية القادمة اللي رح يكون فصلها الأول بتاريخ 22/أغسطس على ما أذكر.. يعني بعد حوالي شهرين.. فـ غالباً و أتمنى انه تكون استمرار للقضية الأخيرة.. يعني “هيجي” و “كازوها” واللي معهم وصلوا على طوكيو.. اوك و بعدين ؟؟

شو مشان هالحكي ؟؟ شو مشان هالشي المهم اللي حكت عنه “ران” ؟؟ و شو مشان هالمنظر الخلاب اللي بحثت عنه ؟ مو معقول يعني “غوشو” يترك هالأمور و وصولهم لـ طوكيو.. و يروح مثلاً يرسم قضية عن رحلة للمتحرين الصغار للجبال ههههه غالباً رح يكمل عنهم.. و أظن ان الموضوع لازم يكون له علاقة بـ “سونوكو”.. خلص صار الوقت ان “سونوكو” تدخل على خط المواجهة مع “موميجي”.. هالشي طوّل كتير و أخذ وقت زيادة

يعني مثلاً “موميجي” قالت التالي بالفصل 1113 عن سبب ذهابها لـ طوكيو

يعني البطاريق اللي بالقطب عرفت انها عم تكذب.. أبداً مو واضح انها كذبة ها أبداً ههههه فإذا افترضنا ان جدها اللي هو رئيس الوزراء السابق كان موجود بـ طوكيو لسبب ما.. و خلال وجوده حقق طلب كانت “موميجي” طلبته منه.. مثلاً حجز للمشاركة بـ حدث معين أو حفل معين.. و للصدفة “سونوكو” دعت “ران” و “كونان” و “هيجي” و “كازوها” على نفس المكان بـ طلب من “ران” بسبب وجود منظر خلاب بالمكان هذا مناسب للاعتراف بالحب فـ ممكن بـ هالطريقة.. يصير في مواجهة مباشرة بين “سونوكو” و “موميجي” و حتى ممكن بين عائلاتهم اذا اضطر الأمر فـ توقعي ان المكان أو الشي المهم اللي حكت عنه “ران” لـ “كازوها” هو شي مهم “ران” طلبت من “سونوكو” تحقيقه لأجل “كازوها” و “هيجي”.. و هذا اللي برأيي ممكن يظهر بالسلسلة القادمة.. أو اللي بتمناه يظهر

طبعاً أنا سبق و قلت قبل عدة سنوات ان إنهاء موضوع “موميجي” و “هيجي” و اعتراف “هيجي” و “كازوها” رح يكون بقضية ضخمة يكون فيها كثير شخصيات.. مثل “ران” و “سونوكو” و المتحرين الصغار و يمكن “اوكيتا”.. و رح يكون في كلام موجع من “ران” لـ “موميجي”.. بعد ما شافت طبقيتها بـ أكثر من مناسبة.. فـ غالباً رح يصير لقطة.. “ران” تحكي لـ “موميجي” كلمتين بالعظم تصحيها على الواقع و الصح

في من الفانز توقعوا ان السلسلة القادمة تبدأ مع تحقيق “أمورو” عن “كونان”.. هالشي ممكن.. لكن برأيي الأفضل لو يأجله “غوشو” لبعد السلسلة القادمة اللي حكيت عنها بس بكل الأحوال مين من الشخصيات اللي بيعرفوا حقيقة “كونان” أو شاكين فيه و ممكن يجيبوا العيد ؟ ممكن مثلاً “أمورو” يروح على مدرسة “كونان” الابتدائية للتحقيق.. و يلتقي مرة ثانية بـ “واكاسا”.. و يحاول يتقرب من “هايبرا” كمان و “واكاسا” تواجهه.. و هو يتذكر القتلة اللي أكلها بالمزرعة و يشك بـ “واكاسا” أكثر هههههههه.. يعني هذا احتمال ممكن مثلاً تصير قضية بالصدفة بـ غونما اللي فيها “يامامورا”.. و يكون للصدفة “أمورو” هناك.. و يتذكر “يامامورا” اللقطة التالية من الفصل 265

ههههه طبعاً هون “يامامورا” كان على وشك يكمل كلامه و يقول “ابنهما” لكن ما قالها فـ ممكن تصدف و يلتقي “يامامورا” و “أمورو”.. و يروح “يامامورا” فاضحه بالصدفة هههههه

طبعاً ممكن كمان “هيجي” يفضحه.. و هالشي مو غريب على “هيجي”.. فـ اي في عدة شخصيات ممكن يجيبوا العيد قدام “أمورو”.. لكن أفضّل هالشي يصير بعد تكملة القضية عن “هيجي” و “كازوها”.. مو قبلها

و هيك أظن بنكون خلصنا كلام عن هالقضية لكن دقيقة.. شو سبب وجود جد “موميجي” بـ طوكيو ؟ المفروض انه هو رئيس وزراء سابق.. و بيقدر يعمل اللي بدو اياه عن طريق المكالمات.. يعني من بعيد و ما في داعي لحضوره.. ليش اجا بنفسه على طوكيو ؟؟ رغم ان حسب الكلام اللي ظهر بالسلسلة في كثير أشخاص بيكرهوه و ممكن يكون بخطر.. ليش هالمخاطرة ؟ و ليش ليتصل بـ “أمورو” و يطلب منه التحقيق عن “كونان” !!؟؟

--------------------- الكلام التالي هو مقدمة للمنشور القادم ---------------------

طيب.. نحنا شفنا ان جد “موميجي” موجود بـ طوكيو.. طيب شبيبة ما خطر على بالكم مثلاً انه مو جاي لـ طوكيو لـ شيء بيتعلق بـ “موميجي” بشكل رئيسي مثل ما حكيت فوق.. ممكن مثلاً يكون جاي لمقابلة شخص ما ؟

مثلاً “كورودا”.. يعني جد “موميجي” ممكن جاي يقابل “كورودا” و نحنا شفنا بالفصل 1088 ان “كورودا” راح قابل جد “موميجي” بـ كيوتو

فـ ممكن اجا “كورودا” يزوره كمان و شاف “ايوري” بـ طريقه

ممكن.. بس أنا عندي شخص أنسب من “كورودا” ممكن جد “موميجي” اجا يزوره

شو رأيكم بالشخص التالي

ايوا صح هذا هو.. و هذا هو نفسه اللي ظهر بالفصل 1090 

بالفصل 1090 ؟ مو كانت أحداثه بـ كيوتو ولا أنا غلطان ؟ تماماً.. كانت بـ كيوتو.. و حسب ما حكينا من قبل بتويتر.. هذا العجوز اللي حاطط جهاز اوكسجين هو “هانيدا ياسوهارو” والد “كوجي” اللي بيكره الشرطة فإذا فرضنا ان “ياسوهارو” كان بالفصل 1090 بـ كيوتو لزيارة جد “موميجي” و ممكن كان “كورودا” معهم (احتمال ضعيف ان “كورودا” كان معهم بس ممكن).. و بالفصل 1115 اجا جد “موميجي” لزيارة “ياسوهارو” بـ طوكيو و كمان ممكن كان “كورودا” معهم (احتمال ضعيف ان “كورودا” كان معهم بس ممكن).. هيك بتصير الأمور منطقية أكثر

و اذا فرضنا ان جد “موميجي” اللي كان رئيس وزراء سابق.. كان قائد “كورودا” قبل 17 عام وقت قضية “كوجي”.. و هو اللي أرسل “كورودا” لـ لقاء مرشحة الرئاسة “أماندا” اللي كان في معرفة بينهم (بين رئيس الوزراء و “أماندا”).. و تم قتل “كوجي” مثل ما شفنا بـ هالقضية.. هيك بكون منطقي اذا في تواصل بين جد “موميجي” و بين “ياسوهارو” حالياً بما يخص القضية قبل 17 سنة و بما يخص اللي عمل هالجريمة و بما يخص مين ممكن يساعدهم بـ ألغاز هالجريمة

بس كيف تواصلوا مع بعضهم ؟ مين كان صلة الوصل بينهم ؟ بين “ياسوهارو” و بين جد “موميجي” ؟ اذا أخذنا بعض التشابهات بين “كورودا” و “ايوري” بعين الاعتبار رح نلاحظ أمور مهمة قبل 17 سنة.. كان “كورودا” بمهمة للاجتماع بـ “أماندا”.. و بعدين حاول يحمي “كوجي” من البلطجية حسب تعبيره عنهم بالفصل 1107 و قبل 3 سنين.. كانت مهمة “ايوري” انه يعاين التدابير الأمنية بـ مسكن جد “موميجي” و واجه البلطجية حسب تعبيره عنهم بالفصل 1114

ممكن.. و هذا توقع مني.. ان منصب “ايوري” قبل 3 سنوات كان مشابه لمنصب “كورودا” قبل 17 سنة.. و هو شي يتعلق بالشخصيات المهمة و العلاقة معهم و اذا أخذنا بعين الاعتبار ان قوة قلب “كورودا” و ثقته انه يحكي لـ “كونان” بالفصل 1105 تفاصيل قضية “كوجي” و انه يكشف ان ذهابه لـ لقاء “أماندا” كان أمر سري من قائده اللي مستحيل يكشف هالمعلومة و صورة رسالة “أماندا” و غيرها من التفاصيل إلا بإذن من قائده نفسه أو بإعلامه على الأقل حتى رغم مرور هالوقت (بعيداً عن سبب ان “كونان” حل شيفرة القضية بالفصل 1105 بسرعة) كانت بعد عودته من كيوتو و لقاء جد “موميجي” (اللي برأيي زاره “ياسوهارو” بنفس اليوم قبل أو بعد أو مع زيارة “كورودا”) بـ كم فصل.. و ان جد “موميجي” اجا زار طوكيو بالفصل 1115 بعد حل “كونان” لـ شيفرة “أماندا” بالفصل 1109 .. يعني بعد بـ كم فصل فقط

اذا جمعنا كل هالمعلومات و الفرضيات و الاستنتاجات الصغيرة اللي معنا.. و ربطناها مع بعضها.. بنتوصل للاستنتاجات التالية

اللي رح نحكي عنها بالمنشور القادم ان شاء الله بـ نقاش الفصول 1106-1109 اللي كانت فلاش باك عن قضية “هانيدا كوجي”.. لذا نلتقي لاحقاً

[the-conanner]

File 1058 Discussion, Holmes !!

عندك قضية صعبة عليك و مش عارف تحلها ؟؟!! اي بسيطة لا تاكل هم

الأستاذ “كودو يوساكو” بحلها لك و هو بـ طريقه لـ بيتك.. ما في أي مشكلة.. و الأسعار مغرية

السلام عليكم شبيبة.. عساكم جميعاً بخير.. و هالمرة معكم من جوهرة الشرق.. من اسطنبول.. تحياتي لكم جميعاً.. و عذراً لأي خطأ إملائي محتمل لإن حرفياً صرلي أكثر من 48 ساعة مش نايم ولا دقيقة

تنويه مهم : المنشور مكتوب من عدة أيام.. أي قبل صدور الفصل 1059 باللغة الصينية.. لذا سأنشره كما هو مع التنويه عند أي عند أضيفها بسبب أمر قرأته بالفصل 1059

المهم خلونا نبدأ

مثل ما شفنا الفصل 1058 شوي فايت ببعضه.. و مش معروف أوله من آخره.. و الفصل مضغوط نوعاً ما.. يعني فيه كتير معلومات.. و كتير شخصيات معروفة و غامضة.. فـ في شوية تعقيد

هلأ صحيح السلسلة من أتفه السلاسل بسبب حضور “كيد”.. بس يعني.. نوعاً ما وجود “يوساكو” شفعلها.. و حبيت أكتب منشور عنها بس قبل ما أكمل.. برجع بكرر تنبيهي بمنشوري الماضي.. رجاء من فانز كونان العرب.. لا توثقوا بالترجمة الانكليزية أو بترجمة فرنسية أو عربية غير ترجمة “عمر” يلي حسابه iNightBaron  بتويتر.. وما عداها غير موثوق و رح تلاقوا فيه العديد من الأخطاء و الثغرات.. أو عدم وجود الصيغة الكافية يلي بتعطي النص الأصلي حقه

أما هلأ خلونا نبدأ بنقاش الفصل.. يلي فيه 3 جرائم مش بس جريمة وحدة على غير العادة.. و على غير العادة كمان فالجرائم تم حلهم من “يوساكو” و “كونان” بالفصل الأول و بسرعة.. و طبعاً احنا مش فاهمين شي.. رغم انه احنا شفنا نفس يلي شافوه

أولاً رح نبدأ بأهم شي بالفصل.. يلي لازم نناقشه بالبداية أكيد.. عرفتوه صح ؟ شو هو ؟

لا مش هوية “يوساكو” الثالث بآخر الفصل.. اسكتوا اسكتوا ههههههههه  أهم شي بالفصل 1058 هو التالي

اهااا.. اهاااااا ههههه هون المهم.. هون زبدة الفصل.. بس شو المهم ؟ ههههه

أولاً كلام “يوكيكو”.. انه لو كان “شويتشي” موجود لما كانت “يوكيكو” احتاجت مساعدة “كونان” أبداً اوك الفانز أخذوها بشكل فكاهي.. لكن أنا أخذتها بشكل ثاني أنا أخذتها انه هالحكي تلميح من “غوشو” انه بـ يلي صار بالفصل 1012 بالاجتماع بين “يوساكو” و “شويتشي” و “أمورو” ما احتاجوا “كونان”.. ليش ؟ لإن مثل ما قالت “يوكيكو”.. “شويتشي” موجود.. فمش بحاجة “كونان”.. فأظن انه كلامها تلميح من “غوشو” انه “كونان” خارج المخطط يلي صار وقتها و خارج الاجتماع مثل ما سبق و قلت من قبل.. و بأكد ان “كونان” ما حضر هالاجتماع.. و غالباً ما بيعرف انه صار اجتماع أصلاً

ثانياً “شويتشي” شو عم يحيّك مع الاف بي آي ؟؟ يعني شو عم يعمل !!! هو رسمياً و بعيون الناس و بعيون الاف بي آي نفسهم مدفوس على قلبه ميت.. يعني الاف بي آي ما بيعرفوا انه لسه عايش على فكرة.. يلي بيعرف بس بعض العناصر مثل “جودي” و “كاميل”.. و “جيمس” يلي هو المسؤول.. أما الجهاز بالكامل لا ما بيعرف.. يعني هو بالنسبة لهم لسه ميت.. فـ لوين رايح ؟؟

اهاااا.. رايح طبعاً لإن في شي استجد.. في شي صار خلاه يروح.. بس شو هو ؟ اوك.. أنا عندي 3 احتمالات.. و الصراحة تقريباً كلهم متساويين من حيث امكانية الحدوث

الاحتمال الأول هو التالي و هو احتمال قوي

يعني.. “جيمس” ظهر آخر مرة بالفصل 780.. يعني حتى قبل السلسلة القرمزية.. و آخر مرة انذكر.. كان بنهاية السلسلة القرمزية بالفصل 898.. لما قال “شويتشي” ان لازم “جيمس” يعرف ان “رم” بدأ بالتحرك بعد رسالة من “كير” وقتها فـ ممكن.. ممكن يعني يكون في رد من “جيمس” على اخباره بتحرك “رم” بعد هالمدة يلي غابها أو شي خبر عن “كير”.. و يكون في اجتماع بالاف بي آي مشان هالموضوع

الاحتمال الثاني يا شباب ان باجتماع الفصل 1012 صار في اتفاق على التعاون الفعلي بين “أمورو” و “شويتشي”.. و يكون صار التالي

ان هالصورة يلي مع “أمورو” وصلت لـ “شويتشي” ضمن اطار هالتعاون ضد “رم” و يكون في تبادل معلومات حقيقي بينهم بـ هالسياق لكن شخصياً هالاحتمال أنا مش كتير متفق معه.. يعني صعب شوي توصل لـ هالدرجة.. فـ بالنسبة الي هالاحتمال ضعيف حبتين

الاحتمال الثالث و يلي هو احتمال ضعيف كمان برأيي.. بس ممكن.. ان “شويتشي” كذب على “يوكيكو”.. و هو ما عنده شي بالاف بي آي.. و فجأة نشوفه قاعد مع “شوكيتشي” مثلاً عم يحكي عن “ميري” أو ما شابه.. أو عم يعمل شي بخص تحريه عن وضع “ميري” و اشتباهه بوجود “أساكا” حول “ماسومي” مثل ما قال بسلسلة الخيانة

يعني.. هالـ 3 احتمالات برأيي هم الممكن يكونوا سبب غياب “شويتشي”.. و طبعاً أنا مع الاحتمال الأول و بشوفه هو الأقوى و الممكن أكثر.. و طبعاً أكيد رح نشوفه بنهاية السلسلة مشان يكون بداية سلسلة جديدة

أكيد طبعاً ناطر رأيكم عن هالموضوع على تغريدة هالمنشور بتويتر

------------------------------------------------------------------------------------------

أما هلأ رح ندخل بالقضية و تفاصيلها

 اوك.. مثل ما شفنا صار 3 جرائم داخل غرف مقفلة بشكل محير لـ 3 أشخاص ما في شي بيربطهم.. فجأة بنشوف “يوساكو” و “كونان” حلوا ألغاز الغرف المقفلة و عرفوا الرابط بين الضحايا و “كونان” عنده فكرة عن القاتل !!! يا ساتر !! كل هالحكي من الصور و شوية معلومات بس ؟؟ طيب كيف ؟

اوك.. رح أشرح كيف أولاً الرابط شو يلي بيجمع هالضحايا.. أعمالهم مختلفة تماماً.. ما في شي بيجمعهم لا.. في شي بيجمعهم

عن الجريمة الثانية “كونان” قال التالي

اها.. اسم اللعبة زنزانة هولمز.. و شخصيتها اسمها “لوك”.. من “شيرلوك” طبعاً.. و احنا عارفين ان “شيرلوك” أو تجسيداته دائماً بتتميز بالمكبر يلي بيحمله.. و الغليون يلي بيبقى معه و اللعبة بالانكلش اسمها Dungeon Holmes حلو.. معناها عرفنا الرابط بين الضحايا ههههههههه ليش ؟

اوك.. أول ضحية كان في بـ حمامها التالي

اوك.. بالحمام في خزانة.. و بالخزانة في منشفة.. أو منديل.. و عليه الحرفين DH يلي هم اختصار لأول حرفين من اسم اللعبة و طالع من المنشفة شي شكله مثل المكبر... أكيد مش صدفة ههههههه

الضحية الثانية شفنا طبعاً

صنع دمية على شكل “شيرلوك” و حاملة غليون.. و وراها في مكبر

و الضحية الثالثة كان كالتالي

واضح لابس ساعة بـ يده.. و هي تجسيد للساعة يلي كان يحملها “شيرلوك”.. مع شكل القبعة الفريد على طرف الساعة.. و الساعة كلها يلي بتشبه المكبر

نستنتج من هذا يا حضرة المستشارين بأن الضحايا الثلاث.. هم فانز لـ لعبة زنزانة هولمز.. و غالباً يكونوا لاعبين كمان

أما هلأ فـ رح نحكي بـ خدعة الغرفة المقفلة الخدعة جداً سهلة و مش محتاجة جهد أو ذكاء.. لإن في شي مشترك عند الضحايا الثلاث بسهل الخدعة.. شوفوا التالي

اهااا.. في شي مشترك فعلاً بـ مسارح جرائم الضحايا الثلاث.. و يلي هو شكل قفل الباب لاحظوا الصور.. أقفال أبوابهم كلها من النوع يلي بتم ادارته للجانب و موجود فوق مسكة الباب

و في شي مشترك ثاني كمان.. شوفوا التالي

خلص القضية صارت محلولة ههههههه يعني ما بدها تعقيد يا جماعة بالجريمة الأولى في مشبك شعر.. و بالثانية في عصي للأكل.. و بالثالثة في ملقط

الأمر ببساطة كالتالي.. هالأدوات يلي ذكرتها بتمسك.. يعني شو بنعمل مشان نعمل خدعة الغرفة المقفلة ؟ بسيطة.. و جربوها ببيتكم لو عندكم نفس نوع الأقفال بتميلوا القفل شوي للجانب.. و بتجيبوا أداة من هالأدوات يلي ذكرتها.. مثلاً الملقط.. و وبتخلوا الملقط يمسك القفل و هو مايل.. و بتسندوا طرف الملقط على مسكة الباب هيك بصير القفل مايل شوي.. و مسكة الباب نازلة شوي.. احمل حالك و اطلع من الغرفة و سكر الباب وراك.. بس قبل ما تبعد عن الباب.. مسكة الباب يلي من برا شايفها ؟ شايفها أكيد ؟ بس امسكها و ارفعها لفوق هههههههه

هيك يعني هههههه.. بعرف الرسم زبالة بس مشوها الملقط أو مشبك الشعر أو عصي الأكل يلي هم باللون الأحمر.. فـ بتسندهم هيك.. و بتطلع من الغرفة.. و بترفع المسكة من الخارج يلي رح يصير ان الملقط رح يطير بسبب ضغط رفعك للمسكة من برا يلي رح يرفعها من جوا كمان.. و هالشي رح يسبب ميلان القفل بسرعة لناحية القفل.. و هيك بصير معنا غرفة مقفلة.. و هالأغراض و الفوضى يلي ورا الباب.. المجرم رماها من قبل ما يطلع فقط للتشويش عالخدعة

بس أبو الجود هالخدعة بسيطة كتير و طفولية.. معقول ؟؟؟ اي معقول.. مش أنا يلي قلت هيك.. “كونان” نفسه قال هيك

هو قال انها سهلة كتير مش أنا.. و فعلاً هي سهلة.. مش صعبة يعني.. بس اسند مسكة الباب مع ميلان القفل بشي ملقط أو مثل الملقط.. و اطلع من الغرفة أو البيت.. و ارفع المسكة لفوق و أمورك عسل هههههه ما بدها لا خيطان ولا مرطب تحت الباب ينعصر مشان يتسكر الباب لوحده.. لا لا.. جداً الأمور بسيطة

طبعاً “يوساكو” قال انه حلها وهو نازل من مركز الشرطة.. لإنه غالباً بالصدفة شاف باب له قفل نفس أنواع الأقفال عند الضحايا.. فـ عرف الخدعة فوراً.. و غالباً “كونان” حل الخدعة لإن عنده نفس القفل بالبيت مثل ما شفنا بالصورة التالية

يعني.. خدعة الغرفة المقفلة مش كتير صعبة هالمرة.. يمكن لإن المجرم هاوي ومش محترف فـ أموره كانت شوي سيئة

في طرق تانية ممكن تكون حل كمان لخدعة لغرفة المقفلة.. و هي التوازن.. يعني من جهة بتم تعليق شي خفيف.. و من الجهة الثانية بتم تعليق شي ثقيل.. و بتم ربط أو تعليق الشي الخفيف بـ مسكة الباب عن طريق المشبك أو عصي الأكل أو الملقط.. و اغلاقه و الخروج.. و بالخارج بتم تنزيل مسكة الباب.. يلي بسبب سقوط الشي الخفيف و سحبه للشي الثقيل.. و بـ طريقه الشي الثقيل بيدفع القفل لجهة الإقفال (حابب أرسمها بس ما في حيل) ههههه

يعني.. شخصياً بفضل الطريقة الأولى رغم ضعفها.. بس مرجحة أكثر بما انه تم التركيز على هالأدوات.. الثانية ممكنة كمان مع الأدوات.. و ممكن تكون هي الصح

أما هلأ وصلنا لموضوع ثاني مهم شغل الفانز.. و هو مين “يوساكو” الثالث” يلي اجا على بيت “كودو” بنهاية الفصل 1058 ؟ اوك.. طبعاً غالباً هو “كايتو كيد”.. يعني واضح انه هو يلي سمع حديث “كونان” و “يوكيكو” بالمتجر و اجا مشان يرد الجميل

أما هلأ.. اجينا للمهم.. مين القاتل يلي شاف لقاء “يوساكو” مع الصحفيين ببداية الفصل ؟ طبعاً المراسلة ام مايكروفون زهري.. هي المجرمة يلي قتلت الضحايا الثلاث طيب “يوساكو” قال انه لسه ما عرف مين المجرم.. بس قال انه من هلأ لوقت البرنامج أكيد بكون حلها و عرف مين.. لكن “كونان” فوراً عرف .. و بنفسه قال انه عنده فكرة مين هو القاتل

شلون هيك ؟ هلأ أكيد “كونان” ربط بين الضحايا انهم فانز لـ اللعبة يلي حكينا عنها فوق.. أو عالأغلب انهم لاعبين كمان.. مش بس فانز.. و غالباً عنده فكرة مين القاتل بحيث انه ربط القاتل باللعبة كمان.. بس كيف ؟ يعني على فرض ان المراسلة هي القاتلة.. كيف “كونان” عرف ان لها علاقة باللعبة ؟

ناقشت أحدهم حول هالموضوع قبل كم يوم.. و قلي ان اللعبة بتحكي عن هولمز و ان اسم الشخصية الرئيسية فيها اسمه “لوك” من “شيرلوك”.. يعني أكيد متعلقة بـ سلسلة “هولمز” و رواياته و المايك يلي مع هالمراسلة لونه زهري.. و احنا شفنا ان اللون الزهري ظهر مع “هولمز” فـ هيدا ربط كافي.. و عدا عن هيك.. طريقة ربط شعرها

طريقة ربط شعرها بتشبه الغليون بالمقلوب.. يعني جيب غليون و اقلبه.. بيطلع شكله نفس شكل ربطة شعرها

هلأ أنا ما بعرف و مش قارئ روايات هولمز.. بس اللون الزهري يلي حكى عنه.. ظهر فقط بالسلسلة التلفزيونية البريطانية.. أما بالروايات فـ بظن مش موجود هاللون

أما بالنسبة لتشابه شكل ربطة شعرها مع الغليون.. فـ اذا طلع كلامه صح و طلع هذا هو الرابط يلي حكى عنه هالشخص و غالباً عم يقرأ هالمنشور.. فـ أنا رح أعلن استقالتي من كونان و تويتر و الحياة كلها

القصة مش هيك.. القصة بـ المايكروفون الزهري يلي بتحمله تنويه : التالي كتبته بعد رؤية الفصل 1059 بالصينية

صراحة بعد الفصل 1058 ظنيت ان “كونان” عرفها انها القاتلة بسبب المايكروفون الزهري يلي ممكن يكون أرشد “كونان” لرؤية خاتم بـ يدها على شكل مكبر أو ما شابه.. لكن بعد الفصل 1059 الأمور صارت أوضح

الساعة يلي لابستها المراسلة لابستها باليد اليسرى.. رغم ان لها علامة على يدها اليمنى

اها واضح.. الآثار واضحة على يدها اليمنى.. لكن الساعة حالياً باليسرى.. يعني من لما دخلت بيت “كودو” و هي لابسة الساعة باليد اليسرى رغم ان علامة لبس الساعة موجودة باليمنى

بصفتي يسراوي.. و بستخدم يدي اليسرى.. يا آنسة.. الأعسر بيلبس الساعة باليد اليمنى مش اليسرى.. و انتي عسراء.. و الدليل بالتالي

اها.. بدأتي اللقاء باليد اليسرى.. اللاوعي يبدو سبقك.. و انتي متعودة.. يعني انتي يا خانم عسراء بس ليش لابسة الساعة باليد اليسرى ؟؟ الأعسر بيلبسها باليد اليمنى يا فهمانة.. ما بدي أكبر كلام هههههه تاني مرة حبيبتي خليها باليمنى.. اوك يا عمري ؟؟

لإن آثار أظافر الضحية الثانية يلي على يدك اليسرى يلي أخفيتيها بالساعة.. كان ممكن تغطيها بـ لصاقة عادية و خلص.. ما كان في داعي لـ هالحركة الغبية.. لإن بالفصل 1060 “كيد” رح يشلحك الساعة و تبين آثار أظافر الضحية الثانية تحتها و تكون فضيحتك و دليل ادانتك مطنطنة عالهوا مباشرة فـ ثاني مرة بلا هالحركات الغبية...و خلي الساعة مكانها.. لإن ممكن هيك حركات توديكي للسجن تنويه : انتهى كلامي يلي استنتجته من الفصل 1059

فـ “يوساكو” عرف انها المجرمة من البداية.. لكن تظاهر بعدم المعرفة مشان ترخي دفاعها و تجي لعنده.. و هالشي يلي خلاه يستمر ببث الحل على برنامج محدد رغم شكوى الصحفي يلي كان معه

و على فكرة آنسة سايكو.. هيدا مش خطئك الوحيد.. انتي عفستي بمسارح الجرائم و كلامي التالي تخمين بمسرح الجريمة الثالث في شي غريب حبتين

لاحظتوا شي ؟ لا تجاوبوا.. انا بجاوب.. المقلاية يلي بالأرض شكلها غير شكل الأدوات يلي معلقة.. أولاً لون مسكتها أسود مش أبيض مثل الباقي.. ثانياً من الأسفل محروقة كتير و مشوهة

بمسرح الجريمة الثانية في كمان شي غريب

عصي الأكل يلي عند الباب مغلفين لسه.. بينما يلي بالصالون بدون غلاف عدا عن هيك.. يبدو و كأن الفوضى بالبيت مقصودة

و بالمسرح الأول في أمور غريبة كمان

المناشف بالخزانة كتيرة حبتين.. و مساحة الخزانة ما بتتوافق مع عدد المناشف عدا عن هيك.. الضحية شعرها مش كتير طويل حتى تحتاج مشبك شعر مثلاً

قدرتوا تربطوا الأمور ببعضها بعد كلامي ؟ طيب المقلاية و عصي الأكل يلي مغلفة و المشبك و المناشف مش ممكن يربطهم شي واحد ؟

مش ممكن مثلاً تكون المراسلة بتشتغل أو حتى من مالكي المطعم الايطالي يلي أكلوا عنده “يوساكو” و “يوكيكو”.. و مش ممكن ان يلي حط الإعلان بصندوق البريد ببيت “كودو” هي المراسلة يلي بتشتغل بالمطعم أو من أصحابه.. و هي يلي سممتهم بالمطعم مشان “يوساكو” ما يقدر يحضر البرنامج و ما يحل الجرائم و مش ممكن انه مشان تدخل على بيوت الضحايا لازم تكون جابت لهم أكل توصيل أو حبت تاكل معهم.. فـ جابت من مطعمها الايطالي مقلاية محروقة من تحت بسبب كثر الاستخدام مشان هيك مختلفة عن باقي معدات المطبخ و عصي الأكل المغلفة بالجريمة الثانية يلي جابتها من مطعمها.. و الفوضى يلي هي عملتها مشان تغطي على أي بضاعة خاصة من مطعمها و الشرطة تظن ان الضحية فوضوي وما حدا يلاحظ شي و الملقط و المنشفة بالجريمة الأولى يلي بتم ارفاقهم من بعض المطاعم مع الوجبة حفاظاً على حرارتها.. وحتى ان الملقط يستخدم عادة ببعض المطاعم لتثبيت المناديل و ما شابه

و مش رح أستغرب لو سممت الضحايا بالأكل كمان مشان تقدر تقتلهم بشكل سهل و بسيط يلي فيها شي مثل الطعن و الخنق و غيره

فـ تكرار وجود هالأمور الغريبة بمسارح الجرائم شوي يدعو للشك و الربط

يعني.. هالكلام مجرد تخمين مني.. مش بالضرورة يكون صحيح أو دقيق

أما بالنسبة للدافع لـ هالجرائم.. فـ غالباً السبب ان مطعمها هالمراسلة يلي بظن انه لأحد والديها أوشك على الإفلاس.. و اللعبة المشتركة بينهم غالباً فيها جوائز.. و هي صممت تربح جائزة منهم مشان تحسن من المطعم.. لكن هاللاعبين (الضحايا) كانوا غير متقنين للعبة على ما يبدو.. فـ تسببوا بخسارتها بدور مهم.. أو تآمروا عليها مشان يخسروها.. فـ راحت عليها الجائزة و حقدت عليهم.. و هيك قررت قتلهم

لكن يلي بيشتغل بالمطبخ و المطاعم.. لازم يكون له نفس طيب عالأكل.. و يشتغل من قلبه.. بينما لما تشتعل نار الحقد بـ قلب العامل بالمطعم.. نار المطعم رح تطفي.. و ما بيبقى بعدها.. غير السواد

--------------------------------------------------------------------------------------------

أما هلأ فـ رح نحكي شوي توقعات عن الفصل القادم و السلسلة كلها بشكل عام

طبعاً “يوساكو” الثالث هو “كيد” أكيد يعني.. فـ يلي رح يصير غالباً هو شرح “كونان” تفاصيل القضية لـ “كيد” و نقاشهم فيها أولاً.. يعني غالباً رح نشوف بالبداية شرح “كيد” كيف وصل لهون.. و بعدين “كونان” رح يرجع يعيد تفاصيل القضية لـ “كيد” مشان يستوعبها صح.. بينما يشحن جهاز تغيير الأصوات.. لإن احتمال ما يلحق يشحن الجهاز.. فـ لازم “كيد” يعرف تفاصيل القضية

بالنسبة للمراسلة.. طبعاً رح تجي لوحدها بدون مصور أو عدة اضاءة أو صوت أو أي شي.. لإن احتمال تكون حاطة براسها انها ممكن تضطر تقتل.. فـ غالباً رح تجي لوحدها و تقول انها جاي لوحدها حالياً مشان تحضر للبرنامج مع “يوساكو” و طاقم العمل رح يلحقها قريباً

طبعاً القضية مش رح تزيد عن 3 فصول غالباً.. يعني فرضاً الفصل القادم راح كله على شرح “كونان” لتفاصيل القضية لـ “كيد”.. و بآخر الفصل رن الجرس و اجت المراسلة.. فـ بـ فصل واحد بعده بينحل كل شي.. فالسلسلة غالباً 3 فصول فقط

طبعاً مثل ما سبق و حكيت فوق.. اهم شي بـ هالسلسلة هو “شويتشي”.. و يلي راح مشانه توقعي عن السبب هو شي بخص “رم” حصراً ليش ؟ لو شي بخص العيلة فقط.. بيقدر يقضيه و هو بالبيت.. يعني عالتلفون أو بأي وسيلة مع “شوكيتشي”.. أو يلاقيه بالشارع أو بأي مكان أما شي بخص الاف بي آي.. فـ تذكير صغير شبيبة.. الاف بي آي ما عندها شي بيربطها بالمنظمة حالياً إلا شغلتين “كير” يلي آخر شي أرسلت رسالة “رم”.. و اجتماع الفصل 1012 يلي ربطهم بشكل ما مع “أمورو” و الأمن العام يلي لسه موجودين بالمنظمة.. فالشي يلي راح مشانه هو واحد من هالأمرين حصراً إما شي متعلق بـ “رم” من جهة “كير” و رسالتها من “جيمس” حصراً أو شي من “أمورو” بعد تعاون مفترض بينهم و بينه باجتماع الفصل 1012 ما في خيار ثالث.. أبداً

فـ توقعوا سلسلة محترمة بعد نهاية السلسلة الحالية.. تليق فعلاً بالمجلد 100

و هيك بكون خلص منشور الفصل 1058.. طبعاً شبيبة اذا في أي سؤال عن المنشور أو غيره.. فأنا موجود على تويتر و الآسك و تغريدة هالمنشور بتويتر

والسلام ختام

#المحقق_كونان #كونان

[the-conanner]

Files 1055-1057 Discussion, Shogi !

  يعني مع احترامي الك معلم.. بس انت غلطت غلط شوي شنيع الكل ركز على كلام “كونان” عن “شينتشي” أمام “واكيتا” بالفصل 1057

بس للأسف نسيوا لقطة أهم منها.. و يلي هي هي

فهمان.. يعني أنا متأكد أبو علي الفهمان بكون جدك قلتلي “حتى الطفل يستطيع حلها” !! جميل جداً.. يمكن انت لإنك شخصية بالمانجا فـ نسيت.. بس حبيب قلبي أنا قارئ للمانجا.. و ما بنسى.. ما نسيت يلي قلته بالفصل 695.. و تذكر معي شو قلت

بإذن الله وقعتك سودة و منيلة بـ نيلة بالفصل 695 قلت “طفل مثلي”.. هون نسيت تقول “مثلي”.. و قلت حتى الطفل.. يعني باختصار يا غالي انت قلتها بصيغة شاب عمره فوق 16 سنة عم يحكي انه حتى الطفل يلي عمره 6 سنين بيقدر يحل الشيفرة.. مش هيك بتنفهم يا كبير !! طبعاً هيك

فـ ابقى دير بالك مرة تانية.. هي اذا لحقت المرة الثانية هههههه يعدمني طقم سنانك

صحيح بالمناسبة.. هلأ “كونان” و “هايبرا” سنانهم لبنيات أو دائمات ؟ شو الطرنيب !! ههههه مش مهم.. خلونا نبدأ

السلام عليكم شبيبة.. يسعد أوقاتكم. و ان شاء الله تكونوا بخير جميعاً

أولاً بدي قول للجميع كل عام و انتم بخير و صحة و عافية.. و ان شاء الله العيد القادم بنشوفكم على عرفات مع الأهل و الأحباب.. قولوا آمين اوي شفتك انت يلي بالآخر ما قلت آمين.. قول و بعدين كمل قراءة

شاطر ههههه 

المهم.. شفنا طبعاً الفصول الثلاثة الأخيرة.. من الفصل 1055 للفصل 1057.. و طبعاً في منكم شاف شو كتبت على تويتر قبل الفصل 1057 و شاف شو تحقق من يلي قلته.. بس يلا ما بدنا نرجع لـ هالحكي.. و هلأ طبعاً مش رح نناقش القضية لإنها انحلت.. لكن رح نناقش بعض الأمور يلي ظهرت بالقضية يلي بتخص “واكاسا” و “واكيتا” فـ المنشور رح يكون بسيط و قصير لإن النقط يلي رح ناقشها قليلة نوعاً ما

بالبداية خلونا نناقش يلي صار بنهاية الفصل مع “أمورو” و “ازوسا”.. شفنا بالصفحة الأخيرة التالي

اوك.. الفانز احتاروا.. و تساءلوا عن توقيت التقاط هالصورة و هوية ملتقطها يلي قال “كونان” و يلي قال سيلفي من “كوباياشي” و أرسلتها لـ “شيراتوري” و “كورودا” أخذها بطريقة ما و أرسلها لـ “أمورو”.. و يلي قال “أمورو”.. يعني ضاعت الطاسة

طبعاً يلي أخذ الصورة هو “أمورو”.. بس متى ؟ بعض الفانز قالوا أخذها باللقطة التالية

انه بـ عجقة الخناقة و بدون ما حدا ينتبه أخذ الصورة.. و نظرة “واكاسا” دليل على انها انتبهت انه أخذلها صورة غدر اوك عدا عن سبب نظرة “واكاسا” يلي هو شي بعيد تماماً عن هالموضوع.. فـ هالحكي غير صحيح لسبب مهم.. انه ما في سبب أصلاً يخليه ياخذلها صورة !! انه ليش يعني ! لإنه حكت عن اسم “كاراسودا” يلي مشابه لاسم “كاراسوما” !! هههههه بلا مزح.. هالحكي احنا القراء بنلاحظه مش شخصيات المانجا.. عدا عن انه أي شخص باليابان ممكن يحكي حكي مشابه.. مش سبب لحتى يشتبه فيه و يصوره.. حكي فاضي

في فانز قالوا ان “كورودا” طلب منه يصورها.. اوك أولاً هو ما كان عارف انه رح يلاقيهم بالباص.. ثانياً لو فعلاً “كورودا” طالب منه يصورها.. يعني “أمورو” بيعرف بعد هالطلب انه “واكاسا” مشتبه فيها بشي خطير.. يعني لازم بعد الفصل 1054 بعد ما مسحت فيه أرضية قبو المزرعة.. يعرف فوراً انه هالمشتبه فيها يلي نبهه “كورودا” عليها.. هي أكيد يلي ضربته.. بس ما شفنا هيك شي.. معناها “كورودا” ما كان حاكيله شي وقتها

فالاحتمال الوحيد يلي بيبقى و يلي هو الصح طبعاً.. ان هالصورة تم التقاطها بعد الفصل 1054.. يعني بعد ما “أمورو” أكل القتلة و صحي.. رجعوا كلهم على طوكيو بالباص.. فـ بـ طريق الرجعة دقق بـ “واكاسا” و شك انه ممكن هي نفسها الخيال يلي شافه بالقبو.. فـ صورها.. و الدليل على كلامي بالصفحة الأخيرة بالفصل 1057

لاحظوا “أزوسا” شو قالت لـ “أمورو”.. قالت “ها أنت ذا تنظر إلى تلك الصورة مجدداً” مع ستين ألف خط أحمر تحت كلمة مجدداً.. هالـ مجدداً يعني انه استمر بالنظر للصورة مراراً.. دايماً عم ينظر بالصورة.. كل شوي بيطلع الجوال و بدقق فيها.. ليش ؟ لإنه مشتبه انه “واكاسا” هي الخيال يلي ضربه بالقبو.. فـ عم يدقق و يتذكر عسى تتطابق معه الأمور.. خاصة و انها بنظره حالياً مشتبهة بكونها قاتل “كوجي” حسب كلامه بسلسلة المزرعة

يعني طبيعي يشتبه فيها و يصورها بعد كل هالحكي.. و طبعاً مثل ما قلنا.. بـ طريق الرجعة من المزرعة + مش بالضرورة يا ابني ان يلي معه الحجر يكون هو القاتل.. لك في قاتل بيحتفظ بدليل ادانته مدة 17 سنة !!! صعبة حبتين.. عموماً هالحكي له وقته

أما هلأ بنوصل لزبدة الفصل 1057 و يلي هي أهم شي بالفصل 1057 على الإطلاق.. و يلي تم ذكرها بآخر 3 صفحات من الفصل عرفتوها صح ؟ برافو.. اي شو هي ؟

لا غلط.. خزيتونا اسكتوا اسكتوا هههههههه غلط مش كلام “واكيتا” عن الشي المفقود و حجر الشوغي.. في شي أهم و نوعاً ما أظن “كونان” انتبهله أو ممكن يكون شك فيه بعد شكه بنفس الطريقة بـ “أمورو” من قبل انه ذكي و مش بحاجة “كوغورو”.. عموماً الشي يلي قصدي عليه هو التالي

اوك ممكن حدا يقلي وين المهم هون !! ما في شي ملفت للنظر طيب و هيك ؟

نفس الحدا رح يقلي ما في شي ملفت للنظر.. جميل جداً.. طيب و هيك ؟؟

اهاااااا لا تقولولي.. فرقت تمام هلأ

يعني “واكيتا” من لما دخل عالمانجا و هو صارع سمانا بـ مصطلح 師匠 يعني خوتني.. ذبحني بـ هالمصطلح.. يلي بتعني “معلم” أو “أستاذ”.. أو “مدرب”.. و هو عكس “أمورو” يلي بقول  先生 و يلي هي سينسي.. الكلمة المعتادة لـ “أستاذ”.. بس ليش “واكيتا” بقول هيك ؟

هلأ ممكن حدا يقلي لإن “واكيتا” كبير بالعمر.. و هو طوكيوي.. فـ عادي يحكي بطريقة مختلفة.. أو مثلاً ممكن يقلي انه هالكمة بقولها حتى لاعبين كرة القدم و كرة السلة عن مدربيهم.. عادي يعني

طيب على عيني و راسي كلامك.. بس حبيبي هالكلمة مسجلة رسمياً بصفة انها تُقال لأستاذ أو مدرب الشوغي و هالشي بتلاقوه بـ عدة مصادر منها ويكي مثل الصورة التالية

حلو الكلام هلأ صار ها ؟ هههههه و طبعاً عدا عن ويكي.. هالمصطلح معروف بالشوغي بشكل عام.. و معروف ان المدرب هيك بينقال له.. بدكم دليل أقوى ؟ اي على عيني و راسي.. و من المانجا كمان

متذكرين كلام “أمورو” بالفصل 1052 عن معلم “كوجي” بالشوغي ؟ أحبكم و انتوا متذكرين.. اي شوفوا الكلام بالياباني

و هلأ شو رأيكم يا شطار !!.. “أمورو” قال عن معلم “كوجي” بالشوغي مصطلح 師匠 و يلي هو نفسه يلي “واكيتا” صارعنا فيه من أول ظهوره بمناداته لـ “كوغورو”.. رغم ان “كوغورو” مش معلم شوغي صدفة ؟ أكيد لا.. واضح انها مطبوخة من “غوشو”.. ما بدها نقاش يعني

يعني.. أنا مش عم قول ان “واكيتا” هو معلّم “كوجي” بالشوغي رغم انه ممكن يكون معلمه فعلاً.. ولا عم قول ان “واكيتا” هو والد “كوجي” يلي اسمه بدل على انه لاعب شوغي رغم انه كمان ممكن يكون والده فعلاً بس يعني.. حبيت أنوّه لـ هالنقطة.. و أقول لـ “غوشو” حبيب قلبي انا شايفك و صاحيلك 10/10.. كمّل و ناطر رأيكم عن هالنقطة بالتعليقات على تغريدة هالمنشور بتويتر طبعاً

لكن السؤال المهم هلأ.. هالحكي بزيد الاشتباه بـ “واكيتا” كونه “رم” ؟؟ الجواب لا.. و نوعاً ما بالعكس

-----------------------------------------------------------------------------------------------

هلأ رح ننتقل لموضوع ثاني بالفصل 1057 و هو بالصفحة 15 و الصفحة 16 يلي كل الفانز اهتموا فيه و حكوا عنه.. و هو كلام “واكيتا” عن حجر الشوغي.. و قال بالتحديد الكلام التالي

اوك.. اجتني أسئلة عالآسك عن هالنقطة.. ان “واكيتا” قال “هناك” بالصفحة 15.. لما قال “شي من المفترض أن يكون هناك لكنه مفقود”.. فالأسئلة كانت ان شو قصد “واكيتا” بـ هناك ؟؟ قصده على مسرح جريمة “كوجي” ؟؟ لإن لو قصده هيك.. معناها هو متورط بالجريمة بكل تأكيد

أنا بحب هالأسئلة هههههههه

اوك بالياباني “واكيتا” قال التالي

قال  soko أو そこ هون “واكيتا” ما بيقصد مكان جريمة “كوجي” بشكل صريح.. هون عم يحكي بشكل عام يعني المترجم ترجمها صح لإن وصلتني أسئلة تشكيك بالترجمة لا المترجم ترجمها صح.. و أنا متأكد انه بذل جهد كبير حتى قدر يصيغها بـ الطريقة يلي موجودة بالترجمة.. لإن فعلاً صياغتها بالشكل الصحيح صعبة حبتين.. و صعب توصيل فكرتها

يعني كان ممكن مثلاً تنصاغ بشكل تاني.. انه “لأنه إن كان هنالك شيء من المفترض أن يكون في مكانه لكنه مفقود.. فإن...الخ.....” مثلاً.. يعني يتم استبدال “هناك” بـ “في مكانه”.. أو مثلاً “في مكان ما” أو في “مكان محدد”.. يعني ممكن التلاعب بالصياغة حتى تتوصل الفكرة بشكل أفضل فـ يلي سألوني عالآسك.. المترجم أبداً مش غلطان ولا غفل عن تفصيل.. الموضوع فعلاً صعب شرحه أكثر مما تم ترجمته.. و مثل ما قلت متأكد ان المترجم واجه صعوبة كبيرة بالصياغة.. لكن عادي.. المعنى واضح

لكن بشكل عام.. “واكيتا” كان عم يحكي بشكل عام.. لكن واضح انه عم يلمح لمسرح جريمة “كوجي” حصراً.. يعني واضحة.. أكيد مش عم يحكي عن فقدان حجر شوغي بـ مالطا ههههههههه.. فـ هالشي يُعتبر أخيراً تأكيد رسمي بالمانجا ان “واكيتا” متورط بالجريمة قبل 17 سنة بشكل أو بآخر.. طبعاً بالإضافة للكلام يلي حكيته فوق عن طريقة مناداته لـ “كوغورو” من أول ظهوره

---------------------------------------------------------------------------------------------

اوك.. مش رح أحكي أكثر عن هالسلسلة و عن كلام “كونان” عن “شينتشي” بحضور “واكيتا” أو عن معرفة “واكيتا” للانكلش.. ولا رح أحكي عن سلسلة “واكاسا” يلي قبل هالسلسلة يعني.. رح خلّي هالأمور لوقت تاني ان شاء الله

فـ هلأ رح نختم هالمنشور بـ التوقعات للسلسلة القادمة

اوك الشي يلي لفت نظري بـ هالموضوع هو الملاحظة الجانبية بنهاية الفصل 1057

اوك.. هالملاحظة طبعاً من المحررين.. مش من “غوشو”.. و طبعاً المحررين بيوصلهم الفصل قبل حوالي أسبوعين من نشره بالمجلة و أحياناً أكثر.. فالكلام عن “كوغورو” بـ هالطريقة من المحررين.. و بالأخذ بعين الاعتبار ان الاجازة فقط أسبوع.. هالشي بيعني ان “غوشو” راسم القضية التالية من قبل ما ينهي الفصل 1057.. يعني برأيي نوعاً ما بداية القضية التالية رح تكون متعلقة بنهاية الفصل 1057.. كيف يعني ؟

يعني للواقع معنا أكثر من خيط بالفصل 1057 ممكن الإكمال منه مثلاً صورة “واكاسا” يلي مع “أمورو”.. ممكن مثلاً تبدأ القضية التالية بالفصل 1058 مع “كورودا” و هو يتفرج على نفس الصورة.. و أنا بتوقع ظهور “كورودا” بالسلسلة القادمة بالمناسبة يعني.. ممكن نشوف “كورودا” عم يتفرج على نفس الصورة.. و نعرف نوعاً ما كيف وصلته أو كيف وصلت لـ “أمورو”.. يعني.. شخصياً متوقع ظهور “كورودا” تالياً

الخيط الثاني يلي ممكن الإكمال منه.. يلي هو “كونان” نفسه.. “كونان” مثل ما شفنا فضح “كوغورو” فضيحة بـ ريحة.. و نشر غسيله الوسخ قدام “يوكو” و منظره بقى زبالة ههههههه فـ شخصياً بتوقع سيناريو مثلاً ان “كوغورو” يعاقب “كونان” على هالعملة بطريقة ما.. يعني مثلاً ممكن يطرده من البيت مدة أسبوع.. و هالفترة يقضيها عند “اغاسا” أو ببيته.. و يكون هالشي بداية سلسلة ضخمة بالمجلد 100.. و هيك بكون لاقى “غوشو” عذر لقضاء “كونان” وقت طويل خارج المنزل.. بما ان “كوغورو” طرده

ممكن مثلاً يعاقبه بالعكس.. ان يمنعه من الطلعة من البيت.. و هالشي كمان يكون بداية سلسلة ضخمة بوقت “كونان” ممنوع من الطلعة و غيره بحاجة له أو مثلاً تبدأ السلسلة مع المتحرين الصغار و “كونان” عم يحكي لـ “هايبرا” شو صار بالفصل 1057 و ان “كوغورو” انزعج منه

يعني المهم بظن ان “كوغورو” رح يعاقب “كونان” بطريقة ما.. و هالشي ممكن يستغله “غوشو” بإطلاق سلسلة ضخمة بمناسبة المجلد 100

السلسلة القادمة عن “رم” أو كشف هوية “رم” ؟ اوك أشك.. صعبة حبتين.. يعني لسه بكير في كتير أمور لسه “غوشو” ما جاب سيرتها.. و بظن صعب جداً يكشف “رم” قبل الحديث عن هالأمور يلي حكيت عنها بـ ثريد بـ تويتر بالرابط التالي https://twitter.com/TheConanner/status/1263152992917823491?s=20

يعني.. ممكن شي مهم عن “كورودا” و ماضيه اذا شاف صورة “واكاسا” يلي مع “أمورو”.. يعني بداية كشف الماضي لكن شي ضخم لدرجة كشف هوية “رم” فـ بظن لسه شوي بدها وقت زيادة

و هيك تقريباً بكون قلت كل شي كنت حابب قوله عن هالسلسلة.. و عذراً لو كان قصير.. و عموماً حابب شوف رأي بعض الفانز يلي طلبوا مني تقصير المنشورات بعد هالمنشور و بالنسبة لسلسلة “واكاسا” بالمزرعة انا مش نسيانها.. أكيد رح أنشر عنها ان شاء الله

و كالعادة أنا موجود لأي سؤال بيخطر ببالكم عن المنشور أو السلسلة والمانجا بشكل عام على تويتر و الآسك

والسلام عليكم

#كونان #المحقق_كونان

[the-conanner]

Files 1047~1050 Discussion, Mary's truth !!!

هلأ اوك.. أنا تقريباً فهمت كل شي بالفصول 1047~1050.. بس في شغلة وحدة بس ما فهمتها

معطف “ميري” كان طبيعي مثل ما شايفين.. يلي بدي أفهمه

كيف المعطف تقلص مع جسمها !! ههههههه يعني كيف فهموني !! ما فهمتها

اي بسيطة أبو الجود.. هي الملابس بتتقلص مع الجسم.. هيك شفنا بالمانجا.. عادي

لا خيي مش عادي.. لإن بالفصل الأول هيك صار

كانوا ملابس “شينتشي” عاديين.. واضح

و بعد التقلص هيك صاروا.. فـ يا إما “غوشو” محشش.. أو محشش “غوشو”.. ما في احتمال ثالث هههههه

السلام عليكم شبيبة.. يسعد أوقاتكم بكل خير

و أخيراً عودة للتمبلر بعد غياب عدة أشهر عن النشر مرت كتير قضايا كنت بفضل لو حكيت عنها بوقتها.. لكن للأسف الظروف ما كانت بتسمح أبداً

عموماً احنا هلأ ولاد اليوم.. فـ خلونا باليوم.. و اليوم معنا الفصول 1047~1050 فـ خلونا نبدأ فيهم

----------------------------------------------------------------------------

https://wheel-of-fate.tumblr.com/post/181803647817/file-1025-discussion-b-w

اوك خلص المنشور.. شكراً ههههههههه

يعني صراحة مش عارف شو أحكي.. كل شي كتبته تقريباً بمنشور الفصل 1025 صار بـ هالسلسلة.. بالحرف و كأن “غوشو” أخذ المنشور.. و رسم السلسلة منه.. ما في أي اختلاف.. و معلومة صغيرة عالسريع.. هالمنشور نشرته بـ 7/يناير/2019.. يعني قبل حوالي سنة و نص.. و الفصل 1047 نزل بـ 25/فبراير/2020.. يعني بعد سنة من منشور الفصل 1025

ما بعرف.. يعني موضوع توقيت تقلصها بالتزامن مع بطولة التنس كتبته.. و موضوع ان يلي قلصها هي “فيرموث” كتبته.. لكن كتبت كمان ان احنا ما شفنا أي نشاط لـ “فيرموث” سابقاً بـ بريطانيا.. فـ مشان هيك قلت ان “رم” هو يلي قلصها.. لكن بالأصل استنتاجي كان عن “فيرموث” فعلاً.. و موضوع رؤية “ماسومي” و “ميري” لـ “كونان” بالتلفاز كتبته.. ما بقي شي ههههههههههه

لكن عموماً أكيد في نقاط لا بد من نقاشها بالسلسلة.. و ان شاء الله رح نناقشها بـ هالمنشور.. لكن طبعاً اقرؤوا منشور الفصل 1025 يلي حطيت رابطه فوق.. قبل متابعة هالمنشور.. لإن فيه أمور مهمة فعلاً

----------------------------------------------------------------------------

طبعاً مش رح نحكي عن القضية.. لإنها انحلت و مشي الحال.. فـ حكينا رح يكون فقط عن الأمور يلي بتهمنا.. من مواجهة “ميري” مع “فيرموث”.. و ما تبعها.. فـ رح نناقش الأمور نقطة نقطة

و نبدأ بالصورة التالية

شو أول شي تأكدنا منه بـ هالصورة من نهاية الفصل 1048 ؟

صحيح.. برافو عليكم.. أول شي تأكدنا منه ان “كالفادوس” ميت فعلاً بالفترة الماضية رجعت أشوف ونبسيات عن “كالفادوس”.. و ان “كالفادوس” مش ميت.. و هو قتل شخص ثاني و حطه محله.. حبيبي.. ركّز معي.. “كالفادوس” مات منتحراً.. انتهينا من هالنقطة و بما انه كانت “فيرموث” تستغل حبه لها و توكله بـ مهمات.. فأكيد مش رح توفره لهيك مهمة فيها عميلة خطيرة مثل “ميري”.. و عدم وجوده بيعني انه ميت فعلاً

النقطة الثانية.. ان “ميري” ما تواصلت مع “تسوتومو” إطلاقاً خلال السنوات يلي غاب فيها

واضح تماماً.. القصة فقط ان “فيرموث” تنكرت بهيئة تسوتومو” قبل حوالي 3 سنوات لما رجعت “ميري” من اليابان على بريطانيا بعد ما بلغوها زملاءها بالاستخبارات إنهم شافوا “تسوتومو” عم يمشي بالمدينة.. فـ رجعت قبل 3 سنين لـ بريطانيا.. و التقت فيه (يعني “فيرموث” المتنكرة) و حكوا عالسريع الحوار يلي فوق بالصورة فـ واضح من سؤال “ميري” انه قبل هاللقاء.. هو ما تواصل معها إطلاقاً من وقت أرسل لها الرسالة انه تغادر لليابان الآمنة قبل 17 سنة لحد الآن.. يعني هي ما بتعرف عنه شي

النقطة الثالثة يلي حيرت بعض الفانز.. انه كيف “ميري” كشفت “فيرموث” و انها متنكرة بهيئة “تسوتومو” ؟

انه اوك فهمنا ان “فيرموث” ما كانت بتعرف نقطة ان “تسوتومو” ما لحق يشهد ولادة “ماسومي”.. و كشفتها “ميري” لـ هالسبب.. لكن واضح بالمشهد ان “ميري” قالت جملة “ابنتنا يلي حملتها” قصداً.. يعني هي شكّت قبل قولها لـ هالجملة.. طيب شو يلي شككها ؟

قبل ما أكمل في نقطة مهمة جداً حابب أحكي عنها بتمنى من فانز كونان عدم قراءة الترجمة الانكليزية للمانجا.. أو على الأقل عدم الاعتماد عليها بشكل كامل.. لإن فيها عدة أخطاء مفصلية و محورية.. عدا عن الأخطاء القواعدية يلي ممكن تسبب خطأ بالترجمة منها.. عدا عن عدة أخطاء كانت سبب بـ فهم خاطئ لفصول هالسلسلة.. سبق و حكيت عنها بمنشور الفصل 1025 بما يخص توقيت تقلص “ميري”.. فـ بنصح طبعاً الاكتفاء بـ قراءة الترجمة العربية من ترجمة iNightBaron يلي هي أدق من الترجمة الانكليزية من جميع النواحي.. و طبعاً دعمه للاستمرار واجب.. فـ لا تقصروا معه شبيبة

اوك لنكمل.. مش رح أدخل بموضوع الاستخبارات و قوانينها.. هي خلوها على جنب لكن “فيرموث” قالت بالياباني musuko tachi يعني الأبناء.. و تحديداً الأبناء الذكور حصراً.. فـ ردت “ميري” انها لأ.. أحضرت معها بنتها “الأنثى” فقط.. بعد رد “فيرموث” لما قالت “ابنتنا ؟” هون “ميري” استغلت الموقف بسرعة و ذكاء شديدين.. و كذبت الكذبة يلي شفتوها.. و كشفتها.. و هالشي بوصلنا للنقطة يلي بعدها.. يلي هو معرفة “ميري” بـ “فيرموث” ؟

الأمر واضح.. “ميري” على أي أساس قالت عن “فيرموث” انها الساحرة ذات الألف وجه ؟ هيدا بيعني انها بتعرفها من قبل.. ببساطة و ان لقب “فيرموث” بالاستخبارات البريطانية هو “الساحرة ذات الألف وجه”.. لسه متذكرين لقبها بالـ اف بي آي ؟ ايوا تماماً برافو.. يبدو ان لكل جهاز استخبارات لقب خاص لـ “فيرموث”.. و هالمرة اللقب كان الساحرة.. و هالشي بيعني ان في معرفة سابقة بين “ميري” و “فيرموث”.. و هالشي كمان برجعنا لكلام “أتسوشي” بالفصل 1011

يا سلام.. شي جميل.. “ميري” بتعرف عن مجموعة “كاراسوما” من قبل 18 سنة.. و هالشي أكيد بوصلنا انها بتعرف عن “فيرموث”.. ما بدها كتير ذكاء يعني ههههههه بس في شي غريب.. “ميري” بالفصل 1048 سألت “تسوتومو” (يلي هي “فيرموث”) مين قاتل “كوجي”.. يعني باختصار هي ما بتعرف تفاصيل عن القضية.. و ما بتعرف مين القاتل.. أو ظروف الجريمة.. يعني “ميري” ما عرفت “فيرموث” عن طريق تدخل محتمل لـ “فيرموث” بـ قضية “كوجي”.. طيب اذا هيك.. من وين عرفت “ميري” عن “فيرموث” ؟ اذا مش من قضية “كوجي”.. معناها من وين ؟ شو عاملة “فيرموث” من قبل جريمة “كوجي” لحتى عرفتها “ميري” ؟

هلأ ممكن حدا يقلي مش بالضرورة تكون عرفت عن “فيرموث” قبل جريمة “كوجي”.. ممكن بتحقيقات الاستخبارات البريطانية بعد الجريمة عرفت شي.. لكن لا بعد الجريمة “ميري” انتقلت لليابان الآمنة.. و بقيت هناك لحتى رجعت سافرت على بريطانيا قبل 3 سنين مشان “تسوتومو” (فيرموث) يلي ظهر فجأة.. فـ قبل هيك ما كان في لها أي سفر أو تواصل مع الاستخبارات بـ هالشأن.. و واضح من دموعها انها ما كانت متوقعة ان هالشخص يكون “فيرموث” متنكرة.. يعني ما كان في عندها أي شكوك من قبل.. أو خلال فترة الـ 3 سنين.. لذا هي بتعرف عن “فيرموث” قبل جريمة “كوجي” حصراً فـ شو يلي عملته “فيرموث” قبل جريمة “كوجي” لحتى عرفتها “ميري” ؟

اوك.. واضح ان “ميري” كانت بتعرف عن مجموعة “كاراسوما” قبل ولادة “شيهو”.. يعني قبل 18 سنة.. فـ في شي صار خلاها تعرف “فيرموث” قبل هالوقت.. و حسب معرفتنا بتاريخ المانجا.. فـ يلي صار قبل هالوقت مع الأخذ بـ عين الاعتبار عمر “ميري” و الوقت المقدر لانضمامها للاستخبارات هم شيئين فقط.. و شيء ثالث خاص  الشيء الأول هو قتل “فيرموث” لوالدي “جودي” و حرق بيتهم بالكامل قبل حوالي 20 سنة.. لكن هالشي ما بخلي الاستخبارات البريطانية تطلق عليها لقب الساحرة ذات الألف وجه.. يعني ما عملت أي شي وقتها بيستدعي هيك لقب.. كل يلي عملته هو قتل و حرق.. ما في تنكر أو خداع أبداً.. فـ هالاحتمال مستبعد نوعاً ما و الشي الثاني هو شي متعلق بـ مجموعة “كاراسوما”.. و حربها على شركات الأدوية بالماضي و تحديداً شركة اليمامة.. فـ احتمال ان الاستخبارات البريطانية كانت عم تراقب هالحرب.. و كان لها تحركات بمحاولة تتبع الأنشطة المالية للمجموعة أو ما شابه.. و يبدو انهم وقعوا بمواجهة في وقت ما مع “فيرموث”.. أو عرفوا عن تنكر لها خلاهم يطلقوا عليها هيك لقب.. و هالاحتمال ممكن جداً

و الشي الثالث الخاص.. و يلي هو احتمال قوي.. و هو شي متعلق بـ عائلة “ميري” و “ايلينا” فقط يعني مثل ما صار مع “جودي” و والديها.. صار مع “ميري” و “ايلينا” و عيلتهم.. و تسببت بـ كارثة لهم مثلاً.. و لاحقاً “ميري” تحرّت عن الموضوع و عرفت ان يلي وراه كان “فيرموث” يلي تنكرت وقتها بشكل ما.. و يلي خلاني أفكر بـ هالاحتمال هو كلام “ايلينا” بالفصل 1011

قال يعني على أساس “غوشو” كتب هالشي عبثاً هههههههههه طيب كان بيقدر يخلي “ايلينا” بريطانية بالكامل.. و هيك بتبقى “شيهو” نصف أجنبية.. و كان بيقدر يخلي “ايلينا” تقول بالصورة فوق ان هالولد مميز لإنه نصف أجنبي.. ليش لـ يحط ان “ايلينا” نصف أجنبية كمان ؟ يعني شو الحكمة من جعل “ايلينا” نصف أجنبية ؟ واضحة.. لإنه رح يرجع لـ هالنقطة بعدين.. بسيطة يعني ههههههههههه.. مش رح ينسى.. رح يرجع و يحكي عن العيلة.. أكيد.. رح يحكي عن والدي “ايلينا” يلي غالباً لهم علاقة إما بـ مجموعة “كاراسوما” أو بـ أحد الشخصيات المهمة بالقصة فـ كون “ايلينا” و “ميري” نصف اجنبيات.. يعني فيهم عرق ياباني.. فكرت باحتمال ان “فيرموث” سبق و تنكرت بالماضي بشكل ما.. و تسببت بكارثة لعائلة “ميري” و “ايلينا”.. و بعدين “ميري” عرفت عن الموضوع.. و أطلقت عليها هاللقب.. ممكن يعني

و هالشي بوصلني للنقطة الخامسة.. و يلي هي اهتمام “ميري” الشديد بجريمة “كوجي”.. انه ليش كل هالاهتمام ؟؟

بلا مزح هههههههه يعني زوجك صرلك 17 سنة ما شفتيه..17 سنة !!! و شفتيه بس ثواني قبل 3 سنين بشكل خاطف (يلي كانت “فيرموث” طبعاً).. و بعد كل هالمدة و هالفراق.. أول ما شفتيه قلتيله انه تأخر.. و مين قاتل “كوجي”.. بعدين سألتيه ليش ما تواصل معك كل السنين يلي راحت !!! في بـ مخك شي يا بنتي ؟ قوليلي ندمانة يا بنتي ؟

لك أنا اذا بترك رفيقي.. و برجع بشوفه بعد كم ساعة.. بقله حبيبي تعال.. هات بوسة هههههه

مش فاهمك صراحة ! شو هالحب و الشوق الخرائيين !!؟ بتسألي زوجك بعد فراق 17 سنة.. عن جريمة ؟ يا متخلفة ! هههههههه يعني بدل ما تضميه و تبكي على كتفه.. لك و تبوسيه.. بتسأليه عن جريمة !!! يعدمني هالتربية ههههههههه

عموماً هالشي بوضحلنا عدا عن ان “ميري” مش متربية منيح و ما أكلت قتل كفاية و هي صغيرة.. ان قضية “كوجي” مهمة جداً بالنسبة لها.. و برجع بذكر بكلامي السابق.. ان “ميري” عم تكذب على ولادها.. بتفاصيل ماضيها.. و تورطها مع مجموعة “كاراسوما”.. و عدة أمور يعني سؤال.. هي شو دخلها حتى تسأل عن قضية “كوجي” بـ هالإصرار ؟ انه اوك هيدا زوجك ضميه و احكي معه عن السنين يلي راحت و انتوا بعاد عن بعض بعدين احكي بالجريمة.. مش فوراً مثل العساكر شو صار بالجريمة !! فـ هالشي بيعني ان القضية مهمة جداً لها.. و مش بس قضية انتقام من يلي أخفوا زوجها.. لإن زوجها واقف قدامها قبل ما تكشف انه “فيرموث”.. فـ هالشي بوصلنا انها بالفعل لها علاقة إن لم يكن بالجريمة.. فـ بـ أصحاب و شخصيات الجريمة.. يلي هم الضحايا أو يلي كانوا متواجدين وقت الجريمة.. أو القاتل

و هالشي بوصلني للنقطة السادسة.. و هو هدف المنظمة من التصرف مع “ميري” بـ هالطريقة يعني خليني أفكر معكم شوي خلينا نفرض مثلاً مثل ما قالت “فيرموث” ان الهدف من ابعاد “ميري” هو لتسهيل تسللها بهيئة “تسوتومو” للاستخبارات

حلو الكلام.. اوك مصدقك صحيح.. أتفق.. وجود “ميري” عائق فعلاً أمام دخولك بهيئة “تسوتومو” للاستخبارات اوك جميل الكلام.. تابعي “فيرموث” تابعي عم تحكي جواهر.. و بعدين ؟

يبعتله القص لسانك “فيرموث” ههههههههه.. هلأ كنا عم نقول جميل و تابعي و جواهر.. ليش نزعتيها !؟

بعد ما قالت “فيرموث” من الأفضل أن أؤجل تسللي للاستخبارات.. دعيني أحقق هدفي الآخر و هو التخلص من “ميري”.. يعني هدف التخلص من “ميري” مستقل لوحده بعيد عن تسللها.. و الأدهى من هيك انها قالت ان لو “ميري” بقيت عايشة فـ هالشي رح يكون سيء لها (لهم) لـ عدة أسباب.. يعني غير سبب انها عائق أمام تسللها للاستخبارات ؟ عدا عن هيك.. طيب المنظمة بدها تخلص من “ميري” مشان “فيرموث” تقدر تتسلل للاستخبارات براحتها بهيئة “تسوتومو”.. و لإن “ميري” اذا بقيت عايشة رح تسببلها (تسببلهم) متاعب حسب كلام “فيرموث” فوق طيب اوك.. دام القصة هيك اقتلوها بـ طريقة مضمونة أكثر.. يعني كان ممكن تخطفوها.. كان ممكن تقنصوها.. كان ممكن بمسدس مع كاتم صوت.. لك كان في ألف خيار لقتلها و التخلص من جثتها للتأكد بشكل نهائي انها ماتت و مش رح تشكل أي خطر إطلاقاً

لكن ليش بالعقار ؟ ليش هالطريقة الغير مضمونة ؟ والله المسدس أضمن يا جماعة ههههههه بعدين اوك.. انقبرت “فيرموث” على قلبها و عطتها العقار.. و شافتها وقعت بالنهر.. طيب تأكدي من موتها !! يعني خليكي واقفة مثلاً.. أو أرسلي العناصر يلي معك يمشطوا ضفاف النهر.. ليش هالاستهتار !!! ولا بس شاطرين تروحوا تمشطوا و تتفقدوا بيت “شينتشي” بعد اعطاؤه العقار ؟

بعدين عدا عن هالحكي كله.. كيف “فيرموث” بتستخدم العقار يلي هي بتعرف أساساً تأثير التقلص يلي بينتج عنه ؟ يعني هي بدها تقتلها.. كيف بتعطيها نفس العقار يلي تسبب بتقلص “شيهو” و “شينتشي” من قبل ؟ يعني شو هالتخلف ؟ ههههههه

كمان عدا عن هالحكي كله.. هالحكي صار بسلسلة لندن.. و بعد هيك شفنا “فيرموث” بكل هدوء عم تخطط مع “أمورو” بسلسلة القطار.. و السلسلة القرمزية.. و أمورها تمام.. بدون أي قلق من بقاء “ميري” على قيد الحياة.. رغم ان ردة فعلها بعد سقوط “ميري” بالنهر كانت بتعبر عن انزعاج و عدم رضا

و بعد هيك شفناها مرتاحة كتير بسلسلة القطار و السلسلة القرمزية.. و عم تتنكر و تساعد.. و الأمور عسل.. و كأنه خلص.. “ميري” صارت ميتة و شبعانة موت يعني معقول ما فكرت انه ممكن تتقلص مثل ما صار مع “شيهو” و “شينتشي” ؟

شفت بعض تفسيرات الفانز انه هي عملت هيك و هي عارفة تأثير التقلص.. لكن المشكلة ان هالحكي أوامر من الزعيم أو “رم”.. فـ هي عليها انها تنفذ و هي ساكتة لا حبيبي مش صح.. مش “فيرموث” يلي بتنفذ و هي ساكتة أبداً.. و شفنا شو صار بالحلقة 345 و أسلوبها الانفرادي بالعمل و كلام “جين” عنها بأكثر من مناسبة.. عدا عن تحذيرها لـ “بوربون” من العمل الانفرادي و التهور الزايد.. فـ لا هالحكي مش قصة أوامر و هي عليها تنفذ و بس

اي صحيح.. في موضوع بدي وضحه.. هو كلام “فيرموث” التالي

هون الفانز قالوا ان العقار يلي أخذته “ميري” غير عقار “شيهو”.. هيدا عقار الرصاصة الفضية يلي اخترعته “ايلينا”.. و له تأثير السعال

لا أبداً.. العقار يلي أخذته “ميري” هو يلي طورته “شيهو” و يلي برأيي تم تطويره بعد خروج “شيهو” من المنظمة بإشراف من “رم”.. و عموماً بتقدروا تراجعوا منشور الفصل 1025 مشان هالموضوع العقار الوحيد يلي بقلص هو العقار يلي طورته “شيهو” حصراً.. لكن يلي صنعه بالأساس هم والديها مثل ما قالت هي بالفصل 1025

واضح تماماً.. العقار صنعوه والدي “شيهو”.. لكنها لاحقاً طورت بقايا أبحاثهم حسب الفصل 948.. و وصلت للنتيجة الحالية حسب كلام “بيسكو” يلي ما توقع انها توصل لـ هالنتيجة

هلأ ليش “فيرموث” قالت العقار يلي صنعته أختك.. أولاً لإن يلي صنعه فعلاً أختها ههههه ما كذبت يعني و ثانياً هيدي رسالة من “غوشو” ان “ميري” ما بتعرف بوجود بنت أخت لها اسمها “شيهو” أبداً يعني كان ممكن “غوشو” يضيف على كلام “فيرموث” مثلاً ان “و يلي طور العقار بنت أختك بعد موت والديها”.. بس ما ضاف هالحكي.. مشان يفهمنا ان “ميري” ما بتعرف بوجود “شيهو” يلي هي بنت أختها

أظن بشكل عام هيدي هي أغلب النقاط المهمة يلي ممكن نقاشها بـ هالسلسلة

اوك.. بالنسبة للكلام فوق كان مجرد طرح نقاط و نقاش عام.. و هلأ رح ندخل بالجد

 فـ تالياً تحليلي و آرائي عن بعض الأمور يلي ظهرت بالسلسلة

-------------------------------------------------------------------------------

                           ما سأكتبه تالياً.. قد يصيب.. و قد يُخطئ

أولاً في شي مهم جداً غالباً الفانز ما أعطوه مساحة كافية من التفكير و النقاش.. و يلي هو تنكر “فيرموث” بهيئة “تسوتومو”.. يعني لازم نفهم ان هالتنكر كان من المستحيل انه يتم لولا تأكد المنظمة ان “تسوتومو” ميت فعلاً.. أو مصاب لدرجة ما بيقدر يضر بـ تنكرهم يعني “فيرموث” صرلها أكثر من 3 سنين عم تتنكر بهيئة “تسوتومو” بـ فترات متقاربة.. فـ مش معقول يكون عندها هالشجاعة بالتنكر بهيئة عميل استخبارات بدون ما تكون متأكدة انه ميت أو انه بـ وضع ما بيسمحله إطلاقاً انه يضر بـ تنكرها و خطتها بـ استدراج “ميري” و التخلص منها.. اذاً “تسوتومو” كان عالأقل خلال السنين الـ 3 الماضية إما ميت أو بـ وضع لا يمكنه من الحركة إطلاقاً و الإضرار بـ خطة “فيرموث” بالتنكر بهيئته.. لإنه هي مش عم تتنكر لمدة يوم واحد مثل تنكرها بـ “ازوسا”.. أو لـ فترة تقارب الشهر مثل تنكرها بهيئة “أرايدي” بعد الحادث يلي زيفوه الاف بي آي.. احنا عم نحكي عن مدة 3 سنين من الحركة الدائمة بـ لندن.. فـ مستحيل تعمل “فيرموث” بدون اطمئنان كامل على غياب “تسوتومو” و انه مستحيل يخرب خطتها

اوك.. ممكن حدا يقلي ان هالوضع مشابه لوقت تنكر “بوربون” بهيئة “شويتشي” مشان يتأكد من موته.. لكن لا وقتها كان التنكر أمام معارف “شويتشي” للتأكد من موته.. بينما هون كان التنكر أمام زملاء “تسوتومو” لاستدراج “ميري” و التخلص منها و التسلل للاستخبارات بهيئة “تسوتومو”.. مش للتأكد من موت “تسوتومو” وبس.. فالوضعين غير متشابهين أبداً

فـ مشان هيك بـ نظر المنظمة.. و ركزوا عم احكي بـ نظر المنظمة مش بشكل عام.. بنظر المنظمة “تسوتومو” كان وقتها إما ميت.. أو بـ وضع بيمنعه من التدخل و تخريب خطط “فيرموث” بـ يلي شفناه.. أو بـ وضع هم بيعرفوه منيح

ثانياً فوق حكيت عن لقب “فيرموث” انها الساحرة ذات الألف وجه.. و حطيت عدة احتمالات.. لكن الصح برأيي انه هاللقب من الاستخبارات البريطانية.. و هم بيعرفوا عن “كاراسوما”.. و “ميري” بتعرف عن “كاراسوما” و الدليل بالتالي

اوك.. اختها الصغرى العقار يلي صنعته أختها الصغرى أختها الصغرى يلي حذرتها من الدخول لمجموعة “كاراسوما” من قبل

كلام “أتسوشي” هون عن كلام “ميري” لـ “ايلينا” ما اجا من فراغ.. يعني مثلاً لما حكوا مع بعض ما كان الحديث مثلاً اي “أتسوشي-سان.. كيف أكلك.. كيف غنماتك؟ كيف بقراتك ؟ عم تزرعوا ورد ؟ اي صح قبل ما أنسى.. خليكم بعاد عن مجموعة كاراسوما.. تراهم مشبوهين” ههههههههه أكيد مش هيك الحديث كان أكيد حكوا لـ “ميري” ان المجموعة عرضت عليه تمويل أبحاث “أتسوشي”.. و “ميري” حذرتهم بشكل مبهم نوعاً ما انه ابعدوا عن هالمجموعة

فـ هون “ميري” فرضاً اذا ما كانت بتعرف ان “ايلينا” لاحقاً ما سمعت تحذيرها و انضمت للمجموعة.. و فرضاً ما كانت بتعرف.. فـ هلأ بعد كلام “فيرموث” اذا كانت ذكية لازم تكون عرفت.. ان “ايلينا” دخلت بالمجموعة و صنعت العقار.. يعني لازم “ميري” تكون ربطت بين كلام “فيرموث” و تحذيرها السابق لـ “أيلينا” من المجموعة

اوك عشان أكون أوضح.. في دليل من الفصل 1050 ان “ميري” فعلاً ربطت الموضوعين بـ بعضهم.. و انها فعلاً بتعرف ان اختها كانت مع المنظمة و انها صنعت العقار و ما سمعت تحذيرها بـ عدم الانضمام للمجموعة

واضح جداً.. أظن ما في أوضح من هيك كلام “ماسومي” واضح انه شو هالحكي ؟! يعني سؤال “لماذا أصبح جسدك بهذه الحالة”.. و جملة “فلن يكون لديك فرصة أمام أولئك الأشخاص السيئين” و تفكير “ميري” هون واضح تماماً شو بيعني حدا بيقدر يقلي ليش “ميري” ما خبرت “ماسومي” هون ان صانع هالعقار هو “ايلينا” يلي هي خالة “ماسومي” ؟ ليش “ميري” ما خبرتها ؟ حدا بيقدر يقلي ليش “ميري” ما قالت لـ “ماسومي” ان يلي عطتني العقار امرأة سيئة اسمها كذا عضو بـ مجموعة كذا ؟ ليش ما قالتلها أي تفاصيل ؟؟؟؟

لإن سبق و حكيت ان “ميري” عم تكذب على ولادها.. عم تكذب.. ما بدها تخبر حدا منهم عن أي شي تفكير “ميري” هون بعد كلام “ماسومي” كان ربط لكلام “فيرموث” عن “أيلينا” و تحذيرها لـ “ايلينا” قبل 18 سنة عن عدم الانضمام لمجموعة “كاراسوما” و عدم قبول عرضهم

و هالشي بينفي ان “ميري” و “ماسومي” هم رافعي تفاصيل قضية “كوجي” عالنت مثل ما كان يخمن البعض.. لإن بعد هالربط بين كلام “فيرموث” و تحذير “ميري” لأختها.. طبيعي تكون “ميري” بـ ذكاءها يلي شفناه بأكثر من من��سبة عرفت المقصود من رسالة “كوجي” بما انها سبق و حذرت أختها من مجموعة “كاراسوما” قبل 18 سنة.. فـ هي بتعرفهم منيح.. و مستحيل ما يخطر على بالها هيك حل لرسالة “كوجي” بمعرفتها الكبيرة فيهم مشان هيك ما بظن بعد كل هالحكي.. تجي ترفع تفاصيل القضية عالنت.. لإنها أكيد عرفت المقصد من الرسالة انها بتعني “كاراسوما”.. و هي مثل ما شفنا بالفصل 1011 بتعرف عنهم كتير كونها حذرت أختها منهم فـ هون هي عرفت مين هم هالأشخاص السيئين و شو عملت أختها

اللقطة هيدي من الفصل 1050 بصراحة خرافية.. يعني “غوشو” مسك كل شي في ابداع عنده و حطه بـ هاللقطة

هيدي هي.. هالجزء من الصفحة 13 من الفصل 1050 بيتدرس.. أنا بدي أدرسكم اياه بدي أحط هالجزء و أسرد عليه الليلة

حكيت ان تفكير “ميري” هون بعد كلام “ماسومي” عن مواجهة الأشخاص السيئين كان بسبب ربطها بين كلام “فيرموث” عن عقار أختها.. و بين تحذير “ميري” السابق لأختها قبل 19 سنة بـ عدم دخول مجموعة “كاراسوما” أو قبول عرض تمويلهم

صحيح.. لكن هالتفكير جزء بسيط من يلي صار بـ هاللقطة.. و هلأ رح أحكيلكم الأجزاء الثانية.. أو رح أدرسكم اياها الجزء أو الدرس الثاني (بعد جزء ربطها بين كلام “فيرموث” و تحذيرها بالماضي).. رح يكون ياباني

باللقطة فوق.. “ماسومي” قالت “الأشخاص السيئين”.. اوك خلينا نشوف بالياباني شو قالت

حلو كتير.. قالت الكلام التالي 悪い奴ら و يلي بتعني “الأشخاص السيئين” طبعاً

 لكن هالكلمة انقالت أكثر من مرة.. انقالت لـ “أمورو” بالفصل 892

و انقالت بالفصل 1037 من “ميري” لولادها

و هون طبعاً بـ كلام “ميري” كان 悪い人達

و هيدا تلميح مشان نفهم ان يلي واجههم “تسوتومو”.. هم نفسهم يلي قلصوا “ميري” و نفسهم يلي “أمورو” عدوهم.. و يلي هم طبعاً المنظمة.. و الأهم من هيك ان “ميري” وقت حكت لولادها بالفصل 1037 عن هالأشخاص السيئين كانت عرفانة عن مين عم تحكي.. يعني “ميري” فعلاً كانت ضد المنظمة أو مجموعة “كاراسوما” قبل حوالي 18 سنة و ما قبل جريمة “كوجي” يلي صارت قبل 17 سنة

أما الجزء أو الدرس الثالث و الأهم بـ هاللقطة الفظيعة صراحة.. هو كلام “ميري” بعد تفكيرها و يلي بيفتح باب على قصة من أعقد القصص بـ هالآرك.. فـ “ميري” قالت التالي

لاحظوا معي.. أول شي “ماسومي” قالت لازم نكتشف أول شي ليش صار جسمك بـ هالوضع.. و لازم نعيده لوضعه الطبيعي. وإلا مش رح تكوني مستعدة أو جاهزة لمواجهة هالأشخاص السيئين.. و رد “ميري” كان عجيب

قالت هذا الجسد أكثر من جيد كما هو الآن.. أو أكثر من كافي كما هو الآن (قصدها أكثر من كافي لمواجهة هالأشخاص السيئين).. طيب ما خطر على بالكم شي ؟

اوك.. احنا شفنا خلال فصول ظهور “ميري” سابقاً انها كانت تحكي كلام يدل على أحداث صارت بالماضي.. و هالشي ذكرته بمنشور الفصل 1025 يلي حطيت رابطه ببداية هالمنشور يعني مثلاً لما قالت لـ “ماسومي” ان “كونان” مش هو نفس الشخص يلي قابلناه قبل 10 سنين.. قلت أنا بالمنشور وقتها ان هالحكي دليل انها تعرضت لموقف خداع بالمظهر من قبل.. و ان هالموقف كان موقف تقليصها بـ تنكر بهيئة “تسوتومو”.. و هالشي صار فعلاً مثل ما شفنا و لما مثلاً “ماسومي” قالت انها بتعرف مهارات “كونان” بـ كرة القدم.. حكيت انها شافته عالتلفزيون مع امها.. يعني هيك لقطات مثلاً

فـ برأيي ان هالموضوع تكرر هون.. لاحظوا الجملة منفصلة بحد ذاتها يعني حتى أكون أوضح.. لو شلنا هالجملة (هذا الجسد أكثر من جيد كما هو الآن.. أو أكثر من كافي كما هو الآن) و حطيناها بـ نقاش صار قبل حوالي 18 أو 20 سنة أو أكثر أو أقل.. و حدا عم يقول لـ “ميري” ان جسمك حالياً غير مناسب للقيام بـ هالمهمة.. و هي ردت “جسدي هذا أكثر من كافي لأداء هالمهمة”.. مش ممكن ؟

طبعاً ممكن.. و ممكن كتير كمان..و أنا بقصد هون الحمل طبعاً فـ ممكن قبل 17 سنة.. وقت جريمة “كوجي”.. أحدهم عرف بـ حملها بـ “ماسومي”.. و قال لها مثلاً ان جسمك الحالي غير مناسب لأداء مهمة ما.. و هي ردت ان جسمها بـ هالشكل أكثر من كافي

اوك ممكن تكون هي “أساكا” حارسة “أماندا”.. ممكن تكون مهمة من الاستخبارات البريطانية و حملها كان عائق.. و غيابها أفسح المجال لتسهيل جريمة “كوجي” مثلاً.. ما بهمني هي مين و شو كان الموقف (اوك حالياً ما بهمني.. بس لها وقتها) أو متى كان هالموقف يلي بهمني ان هالجملة غالباً انقالت منها سابقاً لشخص ما نبهها ان جسمها غير مناسب لأداء مهمة ما.. و هي ردت ان جسمها أكثر من كافي لأداء هالمهمة.. “أساكا” أو ��يرها ما بهمني حالياً وما بدي أدخل بتفاصيل رح يجي وقتها.. يلي بهمني ان هالجملة انقالت و شبه متأكد رح نشوفها مستقبلاً بـ فلاش باك

اوك هون صار التقلص و قرروا يرجعوا لليابان بعد ما شافوا “كونان” عالشاشة مثل ما سبق و حكيت بمنشور الفصل 1025.. و رجعوا لليابان اوك هلأ في حدا رح يسألني كيف قدرت “ميري” تمر من المطارات و هي بـ هالحالة ؟ يعني هي ما معها جواز سفر بهيئتها بعد التقلص.. و ما معها مضاد للعقار مثل “شينتشي”.. فـ كيف قدرت تسافر لليابان عادي ؟

اوك هلأ ممكن حدا يقلي ان “ياسوهارو” يلي هو والد “كوجي” و يلي هو داعمهم.. ممكن عنده علاقات مع الدولة و السلطات باليابان... و قدر من خلال علاقاته انه يدخلها بدون تدقيق ممكن مثلاً حدا يقلي دام “جيمس” عرف “ماسومي” من الصورة.. معناها شافها و هي كبيرة.. و ممكن هو و الـ اف بي آي يلي ساعدوها و دخلوها بدون العودة لـ “شويتشي” أو قول أي شي له.. و بيقدروا ممكن حدا يقلي الاستخبارات البريطانية دخلتها.. و على فكرة بيقدروا ممكن ون بيسي شربان كلور بآخر الليل.. و قبل ما ينام يقول ان “فورويا ري” هو يلي دخلهم لليابان

لكن أنا عندي تفسير أبسط من كل هالتعقيدات و مساعدة الاستخبارات.. ممكن يكون هو يلي صار.. مشان نخلص من هالنقطة يعني سبق و قلت بمنشور الفصل 1025 ان “جيمس” عرف “ماسومي” من الصورة لإنها ذكرته ب�� “ميري” لما كانت بنفس عمرها.. يعني “جيمس” كان بيعرف “ميري” لما كان عمرها 17 سنة غالباً.. فـ لما شاف “ماسومي” تذكر “ميري” و عرف ببساطة انها بنتها و “ماسومي” سبق و قالت انها لما تكبر رح يصير جسمها أنثوي مثل امها

نستنتج من هذا يا حضرة المستشارين.. ان “ماسومي” و “ميري” بيشبهوا بعض نوعاً ما فـ ممكن و بتنكر بسيط.. استبدلوا الشخصيات يعني “ماسومي” دخلت لليابان بـ جواز سفر “ميري”.. و “ميري” دخلت بـ جواز سفر “ماسومي”.. ببساطة كده.. و الشغلة مش محتاجة أكثر من ملابس فضفاضة و مناسبة لـ “ماسومي”.. و جسم “ميري” بيبقى أكبر من جسم طالب بالابتدائية حسب كلام “كونان” يلي قال انها تبدو كطالبة بالاعدادية

فـ اذا كان دخولهم مش بمساعدة يلي ذكرتهم فوق (عدا ونبسة “فورويا ري” لإنها ونبسة بعد جوينت محترم) فـ رح يكون دخولهم تم بـ هالطريقة البسيطة يلي مش مستحيلة على فكرة.. يعني بيبقى احتمال.. و طبعاً رح نشوف هالنقطة مستقبلاً بكل الأحوال

-----------------------------------------------------------------------------------------------------

اوك أنا كان بدي أحكي أكثر من هيك عن هالسلسلة لإن فيها أمور مهمة جداً لسه ما حكيت عنها.. لكن للأسف الوقت و الظروف الحاليين ضدي.. و صعب جداً أركز و أستمر بالكتابة بهيك وضع.. فـ باقي نقط السلسلة ان شاء الله رح أنشرها بوقت لاحق لإنها متصلة بأمور ثانية و لا بد من الكلام عنها

---------------------------------------------------------------------------------------------------

أما الآن نأتي لـ فقرة الونبسة قبل إنهاء المنشور

أبو الجود.. شخصياً بقول ان تقلص “ميري” و سفر “شينتشي” و “ران” لـ لندن مرتبطين ببعضهم.. و ان يلي دبرهم واحد.. يعني مثلاً يلي ضيعت قطتها بـ مقهى بوارو هي “فيرموث” متنكرة و أحضرت “كونان” لـ لندن لـ غرض ما.. يعني مع رشة ونبسة عالوجه.. شو رأيك ؟

اي ماشي يلا طيب.. “فيرموث” راحت جابت قطة مشان تتخالط مع “كونان”.. و كلمت “كوغورو” بالبداية.. و تعشت معه بالمطعم بـ لندن و تركت “ران” و “كونان” و الدنيا كلها و راحت حضر مباراة التنس و بقيت قاعدة لنهايتها بمنصة ملكية.. هي “فيرموث” أصلاً فاضية أشغال و مرتاحة البال أساساً.. روح قلبها تتابع مباريات.. و عندها قدرة تستنسخ حالها و تقسم حالها شقفتين.. شقفة تقلص “ميري”.. و شقفة تحضر فيها المباراة.. بما ان فترة غياب “ميري” تزامنت مع وقت حصول المباراة حسب كلام “ماسومي” يلي سجلت المباراة بالفصل 1050

اوك حلوة الونبسة.. بتضحك.. بس هيدي اسمها ح****ة مش ونبسة.. صحصح يا ابني

و أظن هالونبسية بتكفي و بتوفي ههههههه حاج

-----------------------------------------------------------------------------------------------------

و طبعاً رح أختم بالتأكيد على ان السلسلة القادمة هي عن “كونان” و “ران” و زيارة عميل لوكالة تحريات “موري كوغورو”.. و بعدها يبدو “كوغورو” بيتورط أو بصير بـ أزمة من نوع ما

هالشي ممكن يفتح المجال لتدخل “واكيتا” و “أمورو” للمساعدة أثناء اتصال “ران” بـ “شينتشي” لطلب المساعدة منه.. و هالشي رح يتسبب بـ شكوك و تبادل نظرات و كلام بين “أمورو” و “واكيتا” و انهم مشتبهين بـ هوية “كونان”.. و انهم مهتمين بـ “شينتشي” و بقاؤه عايش يعني.. سيناريو متوقع.. و ممكن

أما بالنسبة لأمر مهم و هو تصريح “غوشو” بمجلة دافنشي ان بالمجلد 99 رح تظهر حقيقة “ميري”.. و يلي قالوا ان السلسلة القادمة يلي بتبدأ بالفصل 1055 و هي آخر 4 فصول من المجلد 99 بتكون تفاصيل أكثر عن “ميري”.. فالجواب بالصورة التالية

فـ يلي قصده هي الفصول يلي صدرت و مشي الحال.. فقط للتوضيح يعني.. مشان نقفل هالسيرة

و هيك بكون خلص المنشور يا شباب.. و ان شاء الله مثل ما قلت.. باقي النقاط يلي ما حكيت عنها.. رح أحكي عنها بمنشور قادم منفصل بعد منشور سلسلة الفصل 1051-1054

و السلام عليكم

#المحقق كونان #كونان

[the-conanner]

File 1041 Discussion, Draw !!

في شغلة بدي أفهمها.. انه بالفصل 1039 “كازوها” طلبت من “ران” انها تراسل “شينتشي” مشان يسمح لـ “هيجي” يفوز.. و “موميجي” قالت وقتها ان هذا غش و خرق للقوانين

بس ليش “موميجي” بالفصل 1041 سمحت لنفسها انها تعرض مساعدة “ايوري” على “كونان/شينتشي” بهدف زيادة الفرصة بفوز “شينتشي” بالتحدي

و طبعاً “كونان” رفض المساعدة

يعني عفواً بس هذا غش يا كلبة هههههههه هذا تناقض يا ******** هههههه

سلام شبيبة بداية بدي أعتذر ان المنشور هذا رح يكون جداً قصير.. و هذا المنشور تم كتابته يوم الاثنين 26/اغسطس.. بسبب بعض المشاغل بنهاية الأسبوع.. و ان شاء الله سيتم نشره يوم الخميس كالعادة.. أي قبل أي سبويلر محتمل للفصل التالي يوم الجمعة.. و رح ناقش مع صور بالياباني طبعاً.. و بس تنزل الترجمة اقرؤوا الفصل و ارجعوا للتحليل

رح أبدأ بالقضية.. و رح ناقشها عالسريع بدون ما نطول كتير فيها لإنها مش كتير مهمة بالنسبة الي

بداية ما حدا يتوقع شي خارق بالفصل 1042 من ناحية الرومانسية و الاعتراف.. لإن هذا الشي ما رح يصير.. لعدة أسباب.. أهمها هو محرر المانجا

بالفصل 1003 يلي سبق رد “ران” على اعتراف “شينتشي” و قبلتها له.. كان ملاحظة المحرر كالتالي بنهاية الفصل 1003

اذاً.. العدد القادم.. قراءته واجبة.. يعني ضروري نقرأ الفصل القادم... و هذا كناية عن أهمية الفصل و الحدث فيه.. و شفنا الحدث مهم فعلاً

بينما بنهاية الفصل 1041 ما في هيك عبارة.. و كانت الملاحظة فقط العدد القادم.. فصل الحل.. يعني نهاية السلسلة.. لذا لا تتوقعوا شي مهم من هالناحية

المهم بالنسبة للقضية و جريمة القتل.. شفنا ان “كونان” سمع حديث الأخوة.. و تذكر حديث “هايبرا” و “غينتا” عن الحساسية.. و عرف حل القضية.. و حل القضية قبل “هيجي”.. بالابتسامة المعتادة بس شو يلي صار بالضبط ؟

شفنا بالفصل 1041 بعض الأمور الغريبة.. مثل ان الأخ المقتول أرسل للأخ الثاني ساعة جلد و أرسل للأخ الثالث سترة جلد قديمة و الأخ الثالث أرسل شوكولا و مكسرات للأخ المقتول لكن تم إرجاعها و كذلك الأمر بالنسبة لهدية الاخ الرابع للأخ المقتول يلي كانت علب سلطعونات.. رغم ان الضحية لم يبدي أنه لا يحب السلطعونات

طبعاً واضح من كل هالقصص ان الأخ المقتول كان عنده حساسية من المعادن.. مشان هيك تم إرجاع هدية الأخ الثالث يلي فيها شوكولا و مكسرات يلي بيدخل بـ تركيبتها الكاكاو يلي بيحوي عدة عناصر معدنية مثل الحديد و المغنزيوم و غيرهم.. و يلي ممكن تسبب حساسية عدا عن الجلود يلي بعضها فيها شي من المعادن مثل ساعات اليد و ما شابه و علب السلطعون المعدنية يلي ممكن تأثر عالمكونات بشكل أو بآخر.. كمان تم إرجاعها

هذا كله بوضح ان الضحية كان عنده حساسية من المعادن.. و هذا بيعني ان النظارات يلي على وجهه مش ملكه.. لإن هالنظارات اطارها معدني حسب كلام “هيجي” ببداية الفصل

اذا مستحيل الضحية يلبس نظارات اطارها معدن و تسبب له حساسية.. معناها النظارات مش ملكه.. بل هي ملك القاتل.. و مثل ما حكيت بتحليل الفصل 1040.. ان القاتل انكسرت نظاراته.. فـ وضعها على الضحية.. بس هو ما بيعرف ان الضحية معه حساسية من المعادن.. و هون وقع بـ شر أعماله

المعظم طبعاً رح يروح تفكيره حالياً للأخ الرابع.. لإنه هو الوحيد يلي لابس نظارات.. فـ من الطبيعي الافتراض انه هو القاتل.. و أخذ نظارات الضحية و لبسها.. و وضع نظاراته المكسورة على الضحية خاصة انه هو متوتر و حكى بطريقة سخيفة هون

انه اي صح.. كان الوعاء ساخن.. و كويس انهم قدروا يمسكوه

انه شي سخيف هالكلام.. و ممكن يكون هو مش أخوهم.. و مجرد شخص محتال.. مثلاً كان بيعرف الأخ الأصلي.. و عارف قصته و قصة الوعاء و الحروق.. و لما مات هذا الأخ.. اجا هذا الشخص و حرق يده بنفس الطريقة و احتل مكانه مثلاً.. انه اي صعبة كثير ههههههه بس فرضاً

لكن شخصياً أنا ما بشك فيه كتير.. أنا بشك بموظف البنك.. الأخ الثاني بغض النظر عن كل هذا.. المسؤول عن الميناء.. أو الشخص يلي أرشدهم للمستودع.. قال انه بيتذكر فقط أول شخص يلي كانت لحيته طويلة (يلي هو الضحية).. لكن ما بيتذكر الباقي و ترتيبهم

لاحظوا ان المسؤول وصفه بـ “صاحب اللحية الطويلة”.. ما وصفه مثلاً بـ “صاحب النظارات” لو كان لابس نظارات.. فهذا بيعني ان الضحية ما كان لابس نظارات.. لإن لو كان لابس.. لكان المسؤول تذكر و قال.. لكنه قال فقط صاحب اللحية الطويلة لذا الأخ الرابع يلي لابس النظارات بعيد عن الاشتباه.. لإن الضحية أصلاً ما كان لابس نظارات حتى يبدلها

لذا القاتل هو شخص بيرتدي نظارات.. وضعها على الضحية لإنها انكسرت.. و الضحية ما بيلبس نظارات حتى ياخذها.. لذا هو حالياً شخص ضعيف النظر بدون نظارات

بس يعني.. ممكن يكون هذا المسؤول مخرف.. و مش متذكر.. و “كونان” يحل القضية بالفصل القادم.. و يسأله الرجل صاحب اللحية الطويلة كان لابس نظارات صح ؟ و المسؤول يقول اي صح.. و هيك بيطلع الأخ الرابع ذو النظارات هو القاتل ههههههه

سبب شكي بالأخ الثاني (موظف البنك) أنه القاتل مش كتير قوي.. لكن هو قال ان الوعاء كان ثقيل و طويل لكن وعاء هذي الأكلة هو مدور مش طويل.. و واضح بالصور يلي ظهرت أكثر من مرة بالفصل يعني ما بظن انه بيتوافق مع وصف “طويل” مثلاً فـ ممكن يكون هو كذاب و مش أخوهم.. و نفس القصة.. يكون بيعرف الأخ الحقيقي.. و مات و هو احتل مكانه.. (رغم اني بستبعد سيناريو الشخص المزيف لإن آثار الحروق صعب تتزيف بحساب المدة) هههههه

يعني.. غالباً هو كان عليه مشاكل مالية بالبنك.. أو فضائح.. أو شي مشابه.. و الضحية كان يستفزه.. و بما انه وجد الكنز يلي هو الوعاء القديم.. قرر يبيعه للأخ يلي بيدفع.. و كان خبيث يعني.. فـ الأخ الثاني (موظف البنك) ما تحمل.. و قتله.. لإنه عم يبيع و يساوم على أثر غالي من أيام والدتهم.. و لما كانت العيلة مجتمعة

الدليل بسيط.. النظارة.. بتحليل بسيط للمنطقة يلي بتمسك النظارة من عند الأنف.. و للاطار يلي ممكن يحمل شي من الشعر.. ممكن ببساطة فضح المجرم و كشفه.. و كشف هويته.. شي مش صعب أبداً

و طبعاً رح يندم و يبكي و يصرعنا.. مش لإنه قتل أخوه مشان وعاء.. لا.. و الكنز مش الوعاء بحد ذاته.. كمان لا الكنز هو اسم الوعاء اسم الوعاء بالياباني هو ジンギスカン の 鍋 مثل ما قالت “ران” بالفصل

و هذي الحروف بتمثل قراءات لأسماء الأخوة الأخيرة.. الكنيات يعني يعني اول حرفين بمثلوا قراءة اسم الأخ الرابع 陣 يلي بمثله قراءة أول حرفين ジン   

ثاني حرفين قراءة اسم الاخ الثاني يلي بعدهم للثالث و هكذا حتى اسم الضحية و الوعاء

و بظن هذا هو الكنز يلي قصدته والدتهم.. ان الطبق يلي حرقوا أنفسهم فيه مشان يحموها من الحرق.. و جمعهم بآثار الحروق..لازم يجمعهم بالحياة بشكل عام.. مش بس بالحروق و هذا رح يسبب ندم الكل طبعاً انهم ما اجتمعوا كل هالسنين

قضية حزينة.. بس بشكل عام مش كتير مهتم بالجريمة.. ما بتهمني.. و مش كتير دققت فيها صراحة (القضية كلها ما دققت فيها هههههههههه) بس الأمور الرومانسية هي الأهم

شفنا بالفصل 1041 ان في حدث جميل بصير مرة واحدة بالسنة أنا قلت ان “موميجي” عم تخطط لأخذ “هيجي” على مكان رومانسي أو حدث نادر ههههههه قام الحدث اجا لعندها ههههههههههههه 

المهم.. شفنا الفانز عم يقولوا ان “كونان” حل القضية و أمر “هيجي” انتهى.. و ان “هجي” رح يخسر و يضطر ينفذ كلام “موميجي” لإنه خسر.. لكن لا

في عدة شبهات أولاً احنا مش عارفين اذا كان “هيجي” حل القضية او لا كل يلي شفناه ان “هيجي” عم يقول اذا فاز على “شينتشي” رح يصير عنده طاقة عالية ليعترف لـ “كازوها” بالمكان الرومانسي يلي رح يصير فيه هالحدث النادر السنوي.. و بعدين كان عم يفكر ممكن حل القضية و عم يفكر بالاعتراف و شو بدو يقول.. هذا شي احنا ما بنعرفه هذا افتراض من “كونان” ان “هيجي” لسه ما حل القضية

عدا عن انه شفنا “هيجي” عم يفكر بنفس الطريقة قبل ما يتخيل مشهد الاعتراف

و هو قال لما أفوز على “شينتشي” رح يصير عندي طاقة كافية لأعترف.. ما قال لما أحل القضية.. يعني يمكن هو حل القضية.. بس عم يحكي لما يحكي الحل و يفوز.. فـ ممكن

و افترض “كونان” كمان ان “ران” عم تشجعه مشان يفوز على “هيجي”.. لكن لا يا غالي.. انت غلطان يا حبيب.. غلطان يا أفندم ههههههههههههههه

أولاً “ران” بتعرف الخطر.. و “كازوها” ترجتها بالفصل 1039 انها تقول لـ “شينتشي” يخسر حاله

ههههههه واضح تماماً.. “ران” هون عرفت الخطر على “كازوها” لو فاز “شينتشي”.. وشفنا بالفصل 1041 التالي

اوووباااه.. هي لقطة خرافية.. هون بعد ما رفض “كونان” عرض “موميجي” لمساعدة “ايوري” لـ “شينتشي”.. “كازوها” قالت ان “موميجي” عم تدعم “شينتشي”.. و شجعت “هيجي” بقلبها.. لما شجعت “هيجي” بقلبها.. لاحظوا “ران” نظرها على “كازوها”.. و يبدو انها متحمسة لفوز “هيجي”.. هون “ران” نظرها على “كازوها” بشكل واضح

هون “ران” فهمت الموضوع.. تذكرت كلام “كازوها” بالفصل 1039 انه يا ريت لو “شينتشي” يخسر حاله..  و شافت ان “موميجي” عم تدعم “كونان/شينتشي”.. و شافت “كازوها” متحمسة و عم تشجع “هيجي”.. اكيد فهمت الموضوع.. و ان “كازوها” خايفة يخسر “هيجي” و يضيع منها

فاللقطة بالصفحة الأخيرة لـ “ران” مش عم تشجع “كونان”.. هي هون متعاطفة مع “كازوها”.. و عم تتمنى ان “شينتشي” يقرأ الوضع و يحس انه لو فاز رح يضر بالثنائي “هيجي” و “كازوها”.. و خاصة ان “ران” حاولت تساعدهم من أيام سلسلة الخدع البصرية.. و سلسلة وحش النو.. و سلسلة الكيندو

دايماً عم تحاول تساعدهم.. لذا المحاولة رح تتجدد بالفصل 1042.. و غالباً “ران” رح تتصرف بشكل مفضوح أمام الكل.. و رح تطلب من “كونان” هالكلام.. انه يقول لـ “شينتشي” يخسر حاله.. أو هي تاخذ الجوال غصب و تقول لـ “شينتشي” و هي خجلانة انه يخرس و ما يحكي ولا حرف اذا عرف الحل ههههه و طبعاً ما حدا رح يرد عليها.. لإن ما في مكالمة أصلاً.. فـ رح تفكر انه فصل الخط لما سمع صوتها لإنه خجل هو كمان مثل ما فكرت بالفصل 1039 هههههه

خاصة ان “ران” لها تاريخ بـ ترجي “كونان” لمساعدة “كازوها” مثل ما شفنا بسلسلة تحدي “هيجي” و “كازوها” بالفصل 442

لذا بالفصل 1042.. ترقبوا تصرف مجنون من “ران” تجاه هالمنافسة الغبية كما وصفتها بالفصل 442 كرمال يجتمعوا “هيجي” و “كازوها” و يعترفوا لبعض

و بالنهاية يعني جملة “كونان” بالصفحة الأخيرة ان “ران” عم تشجعني.. ما لها داعي.. يعني ليش “غوشو” يذكرها أصلاً ؟ واضح انه ذكرها عمداً حتى احنا ننتبه و نحلل بـ هالطريقة

--------------------------------------------------------------------------------------------------------

بالنسبة للتوقعات .. مش رح أكتب كتير.. و رح أختصر قدر الإمكان

طبعاً الاعتراف رح يفشل.. صعب جداً جداً يصير في اعتراف.. و قصة “موميجي” لسه ما انتهت.. لسه بكير.. القصة بتنتهي بسلسلة فيها “اوكيتا” و “موميجي” و “سونوكو” او المتحرين الصغار.. غير هيك لا تتوقعوا حل

بغض النظر عن السيناريو يلي رح يصير بالفصل 1042.. لكن رح يفشل الاعتراف.. و المنافسة غالباً رح تنتهي تعادل.. أو بفوز “هيجي”.. لكن مستحيل “شينتشي” يفوز

طبعاً “موميجي” رح ترجع عالمروحية و تنسحب.. و غالباً بالمروحية رح تحكي هي و “ايوري” عن السبب الحقيقي لمجيئهم لـ طوكيو.. و شو هدفهم من السيارات المجهزة مسبقاً.. و يلي حكيت عنه بتحليل الفصل 1040

أو بتكمل مشوارها و هدفها من كل هالقصة.. و يلي حكيت بتحليل الفصل 1040 انه شي بدها تاخذ “هيجي” عليه.. بما انه مش حدث رومانسي لإنها اسغربت وقت شافت عن الحدث يلي رح يصير بالميناء.. فـ احتمال يكون حدث ثاني.. مثلاً مقابلة.. أو لقاء.. أو عرض أزياء.. أو جلسة تصوير بما انها بطلة كاروتا.. و مشان هيك في سيارتين.. مشان تظهر بمظهر فخم

بشكل عام بستبعد يكون في شي بخص المنظمة.. رغم اني بتمنى.. انه مثلاً يكون في علاقات مالية من عيلتها مع “كاراسوما” بالماضي .. و هالشي يتوضح بالفصل 1042 بتمنى.. بس بستبعد هيك شي ينكشف حالياً.. اذا كان موجود أصلاً

بشكل عام هذا كل شي بقدر قوله ضمن وقتي و استطاعتي.. بعتذر أكيد.. لكن صعب جداً بظروفي الحالية أكتب أكثر من هيك.. رغم انه كان بـ ودّي اكتب أكتر.. بس للأسف صعب جداً.. و ان شاء الله بعوضها لاحقاً بمنشورات تانية

و السلام عليكم

#كونان

[the-conanner]

File 1040 Discussion, Footbowl !!

بربكم شوفوا الفرق.. بين الملكة مع الملك

و بائعة اللبن مع الملك

فرق كبير شو هالحكي.. الملوك غير نكهة

يسعد أوقاتكم شبيبة.. عساكم دايماً بخير.. و راحة بال.. عكس أخوكم الفقير إلى الله هههههههه

المهم.. خلونا نبدأ بـ يلي صار بالفصل 1040

-----------------------------------------------------------------------------------------------------------

                           ما سأكتبه تالياً.. قد يُصيب و قد يُخطئ

��فنا تقريباً كتير من يلي حكيته بتحليل الفصل 1039 صار.. حل الشيفرة.. و موضوع الجريمة.. و الرسالة يلي أرسلها الشقيق يلي تم قتله.. و قلت ان “موميجي” رح تعيد تكرار الحديث عن الشرط و التحدي حتى يفهم “كونان” شو الوضع.. لكن يلي تحدث هو “ايوري”.. مش مهم.. المهم حدا تحدث هههههههه و قلت ان الأحداث مش رح تبقى بالمبنى يلي هم فيه.. و فعلاً تحركوا من مكانهم.... و حكيت انهم ممكن يبقوا لـ تاني يوم بـ طوكيو.. و هذا السؤال يلي وجهته “كازوها” لـ “موميجي” و “موميجي” تفادت الجواب.. و رح نحكي عن هالموضوع أكيد

عنا اكتر من نقطة.. نقاشهم سريع.. لكن مهمين.. و رح نبدأ طبعاً بالجريمة يلي صارت شفنا ان “هيجي” و “كونان” حكموا فوراً ان القضية قضية قتل.. مش انتحار أو حادث عادي.. بس ليش ؟.. رح نناقش ليش بعد الصورتين التاليتين

هي الصفحة الأخيرة من الفصل 1040 و جزء من الصفحة 14

في شيئين غريبين بالجثة الأول هو نظارات الضحية.. لاحظوا ان النظارات فيها عدسة مكسورة بشكل جزئي.. أو عليها لطخات دم غالباً مش كسر شخصياً بظن ان هالنظارات هي نظارات القاتل مش الضحية.. و وضعها عالضحية عمداً بعد الجريمة.. يعني مثلاً القاتل ضرب الضحية.. و اجا شوية دم عالنظارات.. فـ اضطر يحط النظارات عالضحية.. و استغل موضوع ان الأخوة ما شافوا بعض لمدة 30 سنة.. يعني ما حدا بيعرف اذا الضحية كان لابس نظارات أساساً أو لا

و هون في احتمالات ان القاتل و الضحية بيلبسوا نظارات.. و القاتل بدل النظارتين بعد الجريمة.. يعني يلي عالضحية نظارة القاتل.. و يلي مع القاتل هي نظارة الضحية.. و هيك الأخ يلي لابس نظارة هو القاتل

أو القاتل بيلبس نظارات و الضحية لا.. وبعد الجريمة بسبب بعض قطرات الدم عالنظارات اضطر يحطها عالضحية.. و هيك القاتل بينكشف من بعض المواقف يلي ممكن تصير بالفصول القادمة يلي ممكن تكون بسبب ضعف نظر يعني ممكن مثلاً بالفصلين القادمين القاتل عم يمشي يقوم يفوت بالعامود او بالحيط.. لإن نظارته حطها عالضحية.. و بكل الأحوال لو هالحكي صح.. رح ينكشف بسهولة من بعض التحاليل عالنظارة

الشي الثاني الغريب بالجثة هو وجهه.. يعني وجهه انظف من وجهي هههههههههه ما عليه ولا قطرة دم.. رغم ان النظارة عليها دم !!! كيف هيك !!! كيف في دم على نظارته وما في دم على وجهه ؟؟؟ معناها في حدا عبث بمسرح الجريمة بعد الجريمة.. و يلي هو القاتل.. و هذا بيعني ان القضية مش انتحار ولا حادث عرضي.. القضية قضية قتل عمد

هالموضوع ذكرني بـ “هانيدا كوجي” بالمناسبة.. يلي وجهه أزرق من كثر الضرب.. و النظارات على وجهه حتى بعد وفاته و بعد كل هالضرب هههههههههههه  لعما كأن يلي قاتله ملاكم ! ههههه وجهه مورّم من كثر الضرب ههههههههه

الشي الثاني هو “موميجي” و موضوع “شينتشي” و هدفها من القدوم لـ طوكيو

طبعاً واضح انها عم تكذب.. و انها مخبية شي ما بدها تقوله.. و أنا ما صدقتها.. و لا حدا من الفانز أكيد صدقها.. يعني أنا عندي استفسارات آنسة “موميجي”.. قصدي بائعة اللبن

انتي سبق و لمحتي للحل بقصيدة هياكونين ايشو بسلسلة بوارو بالفصل 981-983.. انو شو يلي بيمنعك تكرري موضوع التلميح هذا بـ هالسلسلة ؟ عادي تكوني عارفة حل الشيفرات و لمحتي لـ “كونان” و “هيجي” عن الحل بموضوع الجمع و الطرح يلي قلتيه بدك دليل انك كذابة و انك عارفة حل الشيفرات قبل ما تجي على طوكيو حتى ؟ رح أعطيكي دليل

حل الشيفرات كان ان الكنز موجود بالمستودع الرابع بميناء هايدو صح ؟ طيب.. انتي وين قلتي لـ “ران” و “هيجي” و “كازوها” يقابلوكي ؟؟ وين ؟؟؟ فهميني وين ؟

اها هيك انتي عيني هههههههههه واعدتيهم بـ مبنى بـ هايدو.. وين ؟ ههههههه بـ هايدو.. بنفس المنطقة يلي فيها الكنز حسب الشيفرة طيب ليش ما نزلتي بمنطقة تانية بـ طوكيو أو واعدتيهم بمنطقة تانية هناك ؟؟ واعديهم بـ بيكا مثلاً مكان بيت صديقتك “ران” مثلاً

ممكن حدا يقلي ان “موميجي” قالت بالفصل 1040 انها اجت على طوكيو لإنها بتعرف مسبقاً ان الأم هذي كانت تشتغل عند أحدهم بـ هايدو.. فـ طبيعي تجي على هايدو كبداية

طيب ماشي.. طبيعي.. أنا معك.. طيب و استشارتها و طلبها من “ران” المساعدة من “شينتشي” مشان حل الشيفرة بدل “كوغورو” المتحري الشهير بكل اليابان كمان طبيعي ؟ شفنا بالفصل 1039 انها طلبت المساعدة من “شينتشي” مش من “كوغورو” يلي “غوشو” أظهره لنا عمداً بنفس صفحة وصول الرسالة لـ “ران” بالفصل 1039

طبيعي ها ؟ و مشان ما تفكروا ان “موميجي” ما بتعرف “كوغورو”.. تفضلوا هاللوحة من الفصل 1002

لا يا حرام ما بتعرفه أبداً هههههههه

طيب و مشان أعطيكم و أعطيها ضربة قاضية ما تقدر تحكي بعدها ولا حرف الخادم “ايوري” قال بالفصل 1039 التالي

لا حول ولا قوة إلا بالله.. لك يا جحش.. الناس معتبرينك واحد مشبوه و “اساكا” و عاملينك زلمة ههههههه بتقوم بتفضحنا هيك !! انت غبي شي ؟ انه اوك محضر تذاكر سفر لـ “هيجي” و “كازوها” من قبل مش مشكلة.. رح مشيلك اياها.. بس يا غبي.. عم تقول اذا ما اجوا معناها “موميجي” رح تكون هي الرابحة.. ليش انت بدك غير هيك ؟؟ يعني لمصلحتك انهم ما يجوا أصلاً و “موميجي” تربح بسهولة.. ليش قلتلها هيك أصلاً لـ “كازوها” ؟  يعني انت بدك “موميجي” تربح.. معناها الأفضل ان “كازوها” و “هيجي” ما يجوا أصلاً.. هيك أحسن يعني و أسهل للفوز.. كيف عم تقول هيك ؟ و كأنك بدك اياهم يجوا !! ليش بدك اياهم يجوا رغم ان مجيئهم ممكن يكون خطر على فوز “موميجي” اذا فاز “هيجي” ؟ معناها هدفك مش حل الشيفرة.. ولا فوز “موميجي” !! شو في ؟

أنا بقلك شو في .. يلي في ان في موال براسك انت و “موميجي”.. و الشيفرة مجرد حجة تافهة لا أكثر لتبرير جمع “هيجي” و “شينتشي” بنفس المكان حتى “موميجي” قالت التالي بعد سؤال “كازوها” بالفصل

هذا بيعني ان “موميجي” إما عندها أحد بـ طوكيو.. أو ان الحل كان معها.. و بتقدر تلمح لـ “هيجي” و “كونان” بأي وقت مشان يحلوا الشيفرة.. متل ما عملوا فعلاً و الواضح ان “موميجي” فكرت قبل ما تجاوب “كازوها”.. يعني في نقط بالمشهد قبل جوابها.. و هذا بيعني ان في شي مخفي ما بدها تقوله.. سواء كان شي ما بيعرفوه البنات بس.. ان انها كانت بتعرف حل الشيفرة من قبل متل ما حكينا أو شي حتى احنا مش عارفينه لحد الآن.. و طبعاً هون تجدر الاشارة ان الجريمة كانت خارج خطتها.. يعني خارج حساباتها

الشي التالي يلي بدي أحكي عنه هو “ران” و “موميجي” و انطباعها عنها واضح ان “ران” عم تنصدم بـ “موميجي” شوي شوي.. و انا حكيت بتحليل الفصل 1039 ان بعد قصف جبهة “موميجي” لاحقاً.. رح يكون في حديث مطول بين “موميجي” و “ران” عن العلاقات و الحب و شخصية “موميجي” نفسها

هالصدمات بدأت من السلسلة القرمزية

لما انصدمت “ران” بـ طبقية “موميجي” و تكبرها عالناس طبقياً و مناطقياً و تاريخياً وان يلي جايين من العاصمة طوكيو جايين من الريف

الصدمة الثانية وقت كلام “اوكيتا” عنها

و يلي مفهوم بشكل واضح انها نمامة وبترمي مصايب بين الناس و لها تاريخ مع “اوكيتا” رح نكشف مستقبلاً و رح أحكي عنه بوقته كمان و سبق و حكيت وقت السلسلة القرمزية و صدور فصولها لـ يلي كان يتابعني و بيذكر ان في تاريخ بين “موميجي” و “اوكيتا” رح ينحكى عنه و رح أحكي عنه أنا كمان

و طبعاً انتهت السلسلة بدون ما نعرف حتى وين راحت و اختفت بعد ما كانت مع البنات و “اوكيتا” مش هيك ! هههههههه ما علينا

الصدمة الثالثة بالسلسلة الحالية وقت حكت بالسوء عن أهل “طوكيو” و انهم ما عندهم شي الا انهم ينتظروا على طوابير الأكل

هي الصدمات كلها مع الوقت عم تتراكم.. و عم تتجمع.. لحتى تصير صدمة محترمة بتصرف غلط بشكل فظيع من “موميجي”.. و وقتها “ران” رح تطلع كل الصدمات بوجهها.. و طبعاً هذا بعد قصف جبهتها من “سونوكو” و الملوك “هيجي” و “كازوها”.. رغم ان هالشي مطول شوي

----------------------------------------------------------------------------------------------------------

و هيك بكون خلص المهم عن الفصل 1040.. لكن في شوية توقعات للفصل القادم و بعده بشكل عام

أكيد طبعاً رح تجي الشرطة بالفصل القادم.. و رح تبدأ التحقيقات بالجريمة.. و رح نشوف آثار الحروق عند الأخوة.. و رح نكتشف أمور جديدة عنهم شخصياً حابب أشوف “ساتو” او “شيراتوري” بوجود “موميجي” و “ايوري”.. و ردة فعلها على هيك شخصيات معفنة رح تكون حركة حلوة من “غوشو” لو حضرت سيرة “كورودا” بطريقة ما بالحديث.. و صار في حديث عن آثار الحروق على وجهه بمناسبة الحديث عن آثار الحروق على أيدي الأخوة مثلاً.. و “كونان” يفكر بالموضوع شوي و يحاول يحلل و يتذكر مثلاً

برجع بعيد و بكرر وجود بعض اوجه التشابه بين عائلة “أكاي” و الأخوة بالقضية الحالية.. و كيف ان الأخ اختفى و بعت رسائل للأخوة بعد ذهابه لحل غموض ما مثل “تسوتومو” يلي بعت رسالة و اختفى بعد ذهابه لحل غموض ما و الأخوة كنياتهم مختلفة لإنهم متبنين.. و عائلة “أكاي” كنياتهم مختلفة و واحد منهم تم تبنيه من عائلة “ها��يدا” كمان يعني بعض الروابط لمحبي رمي التلميحات ههههههه

بالنسبة لموضوع “موميجي” و انها كانت بتعرف حل الشيفرة مثل ما شرحنا فوق.. و في سيارتين رغم ان المكان المفروض قريب بما انهم بنفس المنطقة فـ شخصياً بظن يلي ببال “موميجي” اذا فازت بالتحدي بـ فوز “شينتشي” و يلي هو سبب اصرارها على حضور “هيجي” لـ طوكيو رغم انه ممكن يكون خطر على فوزها.. هو شي رومانسي بحت.. يعني ممكن مثلاً عزيمة على مطعم فخم بـ طوكيو.. او دعوة لمهرجان صيفي بما ان عطلة الصيف رح تبدأ تاني يوم.. أو شي حدث مهم رح يصير بـ طوكيو بنفس هالليلة و بدها تكون مع “هيجي” مثلاً

يعني بظن السبب رومانسي بحت.. رغم ان عندي فكرة تانية.. و هي ان “موميجي” عم تسعى ورا “شينتشي/كونان” حتى تطلب مساعدته بشي ثاني.. و مشان هيك أصرت على حضور “هيجي” حتى يصير التحدي و تشوف “شينتشي” و قدراته اذا خرج يساعدها.. لكن بستبعد هذا الاحتمال.. و بظن الأقرب هو شي رومانسي بحت بعيد عن قصص المنظمة و الخفايا

صحيح لاحظتوا متل ما أنا لاحظت ؟

حواجب “ايوري” نفس حواجب الأخوة.. معناها “ايوري” أبوهم.. عفواً قصدي أخوهم الخامس ههههههههههه يلي ما بيعرفوا عنه الباقي.. و هذا سبب اصراره هو و “موميجي” على حل الشيفرات و المجيء لـ طوكيو

و “ايوري” مهتم و دقيق كتير بالوقت 

مهتم و دقيق الوقت !! “رم” عنده الوقت من ذهب خلص حُسمت.. “ايوري” أخ “رم” ههههههههه

ترا هي ونبسة مش أكتر هههههههههههه

اوك.. و هيك بكون خلص المنشور.. طبعاً كالعادة أي سؤال أنا موجود على تويتر ان شاء الله

و السلام عليكم

#كونان

[the-conanner]

File 1039 Discussion, Helicopter !!!

 يسعد أوقاتكم شبيبة طبعاً بالبداية بدي عايد عالجميع و قول كل عام و انتم و الأهل بخير بمناسبة عيد الأضحى المبارك.. و ان شاء الله بكون بداية خير و فرح و راحة بال عالجميع

ثانياً بدي أعتذر عن منشور “اساكا رم” يلي حكيت عنه بالوقت الحالي.. بسبب الانشغال المستمر للأسف.. لكن ان شاء الله رح أنشره بشكل مخفف أكثر من يلي كنت مخططله كاحتفال بوصول حسابي للـ 11 ألف متابع.. و طبعاً الشكر موصول للجميع على هالرقم  الجمعة الحلوة الموجودة بحسابي

أما هلأ اتركونا من هالحكي و خلونا نبدأ بالفصل 1039 و نقاشه ههههه

طبعاً و للأسف... السلسلة عن الملوك “هيجي” و “كازوها”.. اكيد انتوا مستغربين هلأ انه ليش قلت للأسف رغم ان “هيجي” و “كازوها” هم شخصياتي المفضلة بكل المانجا

السبب ان السلسلة رح تنتهي بدون اعتراف من حدا منهم.. و القصة رح تتأجل لعدم تواجد “سونوكو” و “اوكيتا” يلي هم عنصرين أساسيين بـ هالعلاقة.. لذا الأمور رح تتأجل و السلسلة الحالية عبارة عن منافسة بين “هيجي” و “كونان”.. و شرط “موميجي” لو خسر “هيجي” بالتحدي.. و بعض التلميحات يلي ممكن نشوفها بالسلسلة

خلونا نبدأ أول شي بالشيفرة يلي هي سهلة جداً.. و حلها جداً سهل.. و مشابه لحل شيفرة البيسبول يلي ظهرت بالسلسلة يلي جمعت “أمورو” و “واكيتا” مؤخراً.. يعني مش صعبة أبداً كل القصة هي دمج الأوراق فوق بعضها.. ليش ؟

لإن الشيفرات هي التالية

طبعاً انتوا قرأتوا الفصل بالعربي و شفتوا انها بتحكي هون من والدتكم المحبة لكرة القدم.. بس هون طبعاً ما بتقصد كرة القدم.. هون بدلت حرف مشان ولادها يلاحظوا الاختلاف عموماً.. واضح بأول 3 شيفرات ان جزء “القدم” يلي هو フット مخطط و معلّم بالغامق هالحروف معناها قدم.. و بتنكتب كـ كانجي  足 يلي هو جزء من كلمة “جمع” يلي قالتها “هايبرا” و كررها “كونان” بالفصل

و هذا بيعني انه اجمع الشيفرات يلي فيها كلمة “قدم” مخططة.. يعني اجمعها فوق بعضها.. و بعد الجمع بتصير كالتالي

هيك بيبقى علينا الشيفرة الأخيرة.. و يلي هي الطرح الطرح بالمخطط هي  ボウ و يلي هي كـ كانجي 弓 يلي هي جذر من “سحب” يلي هو 引く أو طرح يلي هي 引き算 يلي قالتها “هايبرا” و كررها “كونان” بالفصل فـ بنضيف شيفرة الأسهم بتصير الصورة

بنطرح الأسهم.. يعني بنعمل قص للأحرف و الأرقام بمكان وجود الأسهم.. فـ بتصير الصورة

أو

haid ok ou no dai4 souko أي العنبر الرابع في ميناء هايدو البحري.. يعني المخزن أو المستودع الرابع بالميناء

الشيفرة كلها سخيفة و سهلة و ما بتعنيني كتير.. بقدر ما بيعنيني الفصل و السلسلة ككل

أولاً ما بظن رح يظهر شيفرات أكثر من هيك.. لإن “غوشو” نفسه لمّح قبل الفصل 1039 وقال انها قضية الـ 4 شيفرات.. لذا ما في أي شيفرة اضافية رح تظهر بالفصول القادمة

ثانياً يلي بهمني كتير بالسلسلة هو اسم المطار يلي نزلوا فيه “هيجي” و “كازوها” مثل ما قالت “كازوها” بالفصل انه بعد كلام “ايوري” اجت بسرعة هي و “هيجي” بالطيارة

و يلي هو هون خطأ ترجمة طبعاً.. و المقصود هون “هيجي” و “كازوها” مش “موميجي” و “ايوري” لإن بعد ما تحكي “موميجي” بالمكبر بيتوضح ان “كازوها” ما بتعرف وين “موميجي” أصلاً و انصعقت لما اجت “موميجي” بالمروحية

المهم

 يلي هو مطار هانيدا.. يلي هو نفس اسم كنية “هانيدا كوجي”.. هلأ في منكم رح يقول انه شو دخل و ما في علاقة بعرف ما في علاقة.. و اكيد مش هو يلي بنى المطار ههههههه بس قصدي انه يُذكر الشيء بالشيء

يعني مثلاً بعد حل القضية.. يتذكر “كونان” القضية يلي قرأ عنها بالفصل 948 و يفكر فيها بعد تلميح رح يظهر بالقضية الحالية مثلاً.. أو يحكي تفاصيل لـ “هيجي” عن ال��ضية

ثالثاً و هو الأهم نوعاً ما لمحبي رمي التلميحات هههههه هو انه يلي صار مع الابن الأكبر للمرأة صاحبة الشيفرات يلي راح يحل لغز الشيفرات وما رجع.. بيشبه وضع “تسوتومو” من ناحية ما

يعني الابن الأكبر بالقضية الحالية ذهب لحل لغز و فجأة انقطع الاتصال فيه و مش معروف هو ميت أو عايش أو وجد الكنز أو لا.. مش معروف شي.. انقطعت أخباره تماماً

و “تسوتومو” نفس الشي.. يعني هو كمان ذهب يحل لغز و فجأة أرسل رسالة و انقطع الاتصال فيه.. و مش معروف هو عايش أو ميت أو حل لغز الجريمة أو لا.. مش معروف شي

واضح ان الوضعين متشابهين تماماً.. و شخصياً مش رح أستغرب لو بالفصل 1040 او الفصل 1041 راحوا الكل لـ لقاء أفراد العيلة.. و قالوا أخوة المفقود انه قبل اختفاؤه أرسل لنا رسالة و بعدين اختفى.. يعني مثل ما صار مع “تسوتومو” تماماً أبداً مش رح أستغرب لو صار هيك.. لإن هذا بكون فعلاً تلميح عن وضع “تسوتومو” بشكل أو بآخر

بكل عام ما في شي كتير ينحكى عن هالسلسلة و الفصل بشكل عام.. لكن في بعض التوقعات يلي حابب قولها عالسريع

اني شفت بعض الفانز عم يقولوا ان “كونان” ممكن يحل الشيفرات  و يوصل للحل.. بس ما يقوله مشان ما يخسر “هيجي” و يضطر يسمع كلام “موميجي” يلي ممكن توديه بـ داهية لكن النقطة هون ان “كونان” ما بيعرف بأمر هذا التحدي لحد الآن ههههههه يعني “كونان” ما بيعرف ان “هيجي” قبل انه لو خسر التحدي رح ينفذ كلام “موميجي” و يسمعه.. لحد هلأ ما بيعرف

فـ ممكن بالفصل القادم “ران” تحاول ترسل رسالة لـ “شينتشي” بـ طلب “كازوها” انه يخسر حاله.. لكن “ايوري” يكشفها و ياخذ جوالها أو يطلب منها تطفيه لكن بكل الأحوال “كونان” موجود و غالباً “موميجي” رح تعيد تذكير “هيجي” أمام الجميع بكلامه انه رح يسمع كلامها لو خسر.. و هون “كونان” بيفهم الموضوع لوحده

طبعاً مثل ما حكيت فوق.. الموضوع مش رح يوقف على بقاءهم عالسطح و محاولة حل الشيفرات.. فـ غالباً رح يطلبوا يقابلوا أفراد العائلة أو معلومات عنهم.. أو يحكوا معهم بأي وسيلة عالقليلة.. او حتى يكتشفوا جريمة بالأخ المفقود و ندخل بـ قصة تانية

شخصياً مش مقتنع بشخصيات السلسلة الحالية.. يعني حاسسهم مش كافيين.. خاصة ان العطلة الصيفية رح تبدأ باليوم التالي للأحداث الحالية بالفصل 1039 يعني مثلاً ليش لحتى يبقوا طول اليوم عم يحلوا بالشيفرة و الساعة صارت 4 العصر.. يعني ممكن يبقوا لـ ثاني يوم.. و يصير في حركة.. ممكن يلتقوا أثناء حركتهم بشي شرطي.. أو بشي حدا مثل “سونوكو” أو “ماسومي”.. أو أي حدا ممكن يستفيد من هالعطلة أو يكون آخذ اجازة شخصية.. هيك شي يعني بالمختصر حاسس الشخصيات الحالية مش كافية

أو مثلاً يصير تركيز أكبر على المتحرين الصغار و بيت “اغاسا”.. يعني مثلاً يصير حكي عن دوا خاص بالحكة مرة ثانية و تنجاب سيرة اليمامة للصناعات الدوائية.. أو مثلاً يصير في حكي من أي ناحية عن شي مهم مثلاً شفنا ردة فعل عنيفة من “هايبرا” على استفسار “كونان”.. و ردة الفعل هي مش مبررة و غريبة فعلاً.. يعني “كونان” ما حكى شي بيستحق رد الفعل العصبي هذا 

واضح رد فعلها.. لدرجة حتى “اغاسا” استغرب ههههههه فـ بتمنى مثلاً لو تظهر “هايبرا” بالفصول القادمة انها عم تتذكر تحقيق “ماسومي” حولها و ضغطها عليها.. خاصة انه كنا منتظرين هيك شي بالسلسلة السابقة.. فـ شي حلو لو يظهر هيك شي بالسلسلة الحالية.. حتى لو ما دخلت شخصيات جديدة بالسلسلة.. أظن هيك ذكريات أو حديث مهم مع المتحرين الصغار بيكفي

موضوع مهم تاني ان مهما كان.. لازم “شينتشي” يعرف تفاصيل القضية.. و لازم “ران” أو “كونان” يرسلوا المعلومات لـ “شينتشي” أو “شينتشي” يتصل و يحل القضية لو عرف الحل.. و هذا رح يحط “كونان” بموقف صعب.. خاصة أمام “ايوري” و “موميجي” يلي ممكن يشكوا فيه.. و وقتها ممكن تصير كارثة طبعاً هذا شي رح ناقشه بوقته أو بالفصول القادمة.. مع احتمالية نشر “موميجي” تفاصيل القضية على مواقع التواصل الاجتماعي و ان المتحري العظيم “كودو شينتشي” شارك بحل القضية أو اللغز

بالنسبة للتحدي بين “شينتشي” و “هيجي” يلي عملته “موميجي”.. فـ مش مستغرب لو انتهى مثل تحدي “ماسومي” يلي انتهى بالتعادل و ما حدا فاز يعني ممكن “كونان” مثلاً يلاحظ الاختلاف بين كلمة “كرة قدم” الصحيحة.. و يلي كتبتها الوالدة لولادها بالشيفرات و “هيجي” يحل موضوع الشيفرات و الجمع و الطرح.. و هيك بتنتهي تعادل.. ولا “هيجي” بيعترف لـ “كازوها”.. ولا “هيجي” بيسمع كلام “موميجي”.. يعني ما في تقدم من اي ناحية.. و هذا السيناريو الأقرب لإن لو فاز “هيجي”.. وقتها هو أو “كازوها” رح يعترفوا بالحب.. و لو فاز “شينتشي” وقتها “هيجي” رح يسمع كلام “موميجي” و هي رح تعترفله و هو يمشي على هواها.. و بالنتيجتين رح يتبع هالسلسلة سلسلة ضخمة عن كل هالمجموعة بوجود “سونوكو” و “اوكيتا” ما تخلص لنهاية السنة لذا السيناريو الأقرب هو التعادل

آخر نقطة بدي أحكيها هي كلام بعض الفانز عن ان هالسلسلة فلر حبيبي السلسلة مش فلر.. ما في شي بالمانجا اسمه فلر.. يعني اذا ما ظهر حدا من المنظمة أو من مشتبهي “رم” أو “شويتشي” أو “أمورو” بتصير السلسلة فلر ؟ مش هيك.. يعني قصة “هيجي” و “كازوها” و “موميجي” و “اوكيتا” هي جزء من المانجا و حبكة منفصلة قائمة بذاتها.. مش فلر يعني

علاقات الحب هي أساس المانجا.. لا تنساها هالنقطة.. يعني بالنسبة لـ “غوشو” هالعلاقات يلي بتحكي عنها فلر أهم من قصة المنظمة.. بـ مليون مرحلة.. يعني مشان يكون عندك علم انت شو عم تتابع.. و ما تفكر ان مانجا كونان هي بس مسدسات و منظمة و جواسيس

و بتمنى صراحة أشوفك لو انذكر بالسلسلة شي عن “كوجي” مثل ما شرحت فوق.. أو انذكر ماضي عائلة “اووكا” يلي ممكن يكون لها تاريخ مع مؤسسة “كاراسوما” مثلاً بـ هالسلسلة أو مستقبلاً

عموماً كنهاية للمنشور.. لا تتوقعوا شي مهم بالعلاقات بـ هالسلسلة.. الاعتراف مش رح يصير هالسلسلة.. لازم بالبداية ينكشف ماضي “موميجي” مع “اوكيتا” و هذا بيتطلب سلسلة بـ “كيوتو” أو “اوساكا” حصراً.. و ينكشف اصطناع “موميجي” و سخافة شخصيتها.. و بعدين تاخذ صاروخ بالستي يدمر جبهتها من “سونوكو”.. و آخر شي تحكي معها “ران” و تفهمها تبقى بعيدة عن الملوك.. و يلي رح يكون حديث طويل نوعاً ما و ان شاء الله رح احكي عن هالنقطة بوقتها.. قبل ما يتطور دورها مستقبلاً (ممكن) و يلي كمان رح احكي عنه بوقته

هذا كان كل شي للفصل 1039.. و ان شاء الله لنا لقاء قريب بعد الفصل 1040 يلي رح يصدر بـ 20/اغسطس

و السلام عليكم

[the-conanner]

File 1038 Discussion, MI6 !!

السلام عليكم شبيبة.. يسعد أوقاتكم جميعاً بكل خير ان شاء الله

بعتذر عن التأخر بنشر هذا المنشور.. لكن كالعادة.. الوقت دايماً ضدي.. و ما صرلي فرصة أكتب هذا المنشور.. رغم انه جداً قصير.. و سريع.. و ما فيه شي كتير جديد أكثر من يلي حكيناه بالمنشورات السابقة للسلسلة.. لكن كتابته بتبقى ضرورية.. عشان التاريخ يعني ههههههههههه

عموماً.. خلونا نبدأ

                                      ما سأكتبه تالياً.. قد يُصيب.. و قد يُخطئ

اوك مش رح أحكي كتير عهن الفصل 1038 بحد ذاته.. لا رح أحكي عن الوضع حالياً كيف بشكل عام.. و عن الأحداث القادمة لإن تقريباً كل يلي حكيته صار من حل الجريمة.. لـ موضوع ان جملة 50-50 هي جملة “تسوتومو” مش “شويتشي”.. لـ موضوع “ميري” و انتماءها للـ MI6 و طبعاً شكوكي عن ان “شويتشي” بيعرف واقع والدته و انه بدو يضغط على “كونان” عشان يساعدها كانت غير صحيحة.. بس مش مشكلة.. كانت مجرد شكوك.. و غالباً رح تصير واقع بعد الفصل 1038 و يلي صار فيه

اوك.. في بالبداية موضوع صديق والد “ماسومي” الغني يلي عم يدعمهم.. و يلي هو حسب السلسلة الحالية “ياسوهارو” والد “كوجي” يلي انقتل قبل 17 عام طبعاً حسب الكلام بالفصل 1037.. ان “ياسوهارو” صديق “تسوتومو”.. (سبق و حكيت عن هالنقطة من قبل.. ان عائلة “هانيدا” صديقة لعائلة “أكاي” و كيف في معرفة بين “تسوتومو” و العيلة من جهة.. و بين “ميري” و العيلة من جهة ثانية).. طلب من “تسوتومو” يحقق بـ جريمة مقتل “كوجي” يلي صارت قبل 17 سنة

و شفنا من قبل ان “ماسومي” قالت ان صديق والدها هو يلي عم يدعمهم مادياً.. و بالربط بين الحديثين.. واضح ان الصديق هذا هو “ياسوهارو” والد “كوجي”.. اوك مش مهم.. و كمان سبب دعمه لهم هو انه مثلاً شعر بالذنب ان “تسوتومو” انقتل أو اختفى بسبب طلبه التحقيق بالجريمة قبل 17 سنة مش مهم

المهم هون نقطتين الأولى ان “تسوتومو” يبدو ما كان متورط بالجريمة بحد ذاتها.. يعني ما كان موجود بمسرح جريمة “كوجي” وقت حدوثها.. و ما كان عارف شي.. إلا لحتى طلب “ياسوهارو” منه انه يحقق بالجريمة.. فـ ذهب و تورط لكن القصة تكمن بالزمن الفاصل بين الجريمة و طلب “ياسوهارو”.. يعني لما يكون الفارق يوم واحد فقط.. غير لما يكون شهر مثلاً.. و هذا ممكن يحدد اذا كان “ياسوهارو” بالشرطة و الأمن أو لا وقتها.. و هذي هي النقطة الثانية.. هوية “ياسوهارو” و دوره وقتها.. و حالياً

اوك.. اول شي في موضوع مهم و هو عمر “ياسوهارو”.. حسب ما واضح من صورة “كوجي” فوق.. ان عمره بالصورة قبل 17 سنة كان تقريباً بين 22-25 سنة.. اذا فرضنا ان والده أكبر منه بـ 20 سنة مثلاً.. يعني وقتها “ياسوهارو” كان عمره بين 42-45 سنة يعني حالياً عمره 59-62 سنة تقريباً.. أو أصغر بـ سنتين أو أكبر بسنتين كاحتمال خطأ.. يعني نوعاً ما هو ولا شخصية من الشخصيات الظاهرة حالياً و متنكر فيها.. يعني لسه ما ظهر بشكل فعلي

ثانياً مهنته.. اسمه هو “هانيدا ياسوهارو”.. و هذا الاسم مقتبس من اسم لاعب شوغي شهير اسمه “اوياما ياسوهارو”.. و أكيد لو انه ضابط شرطة مش رح يكون غني لـ هالدرجة انه يصرف على “ميري” و “ماسومي” بـ هالقوة.. فـ غالباً هو كان شهير كـ لاعب شوغي بالماضي.. و طلب من “تسوتومو” يحقق عن الجريمة كون “تسوتومو” كان محقق أو عنصر استخبارات و صديقه بيعرف هالشي

ثالثاً حالياً.. حالياً مثل ما قلنا.. هو يلي عم يدعم “ميري” و “ماسومي” كـ تعويض و تكفير عن شعوره بالذنب لاختفاء أو مقتل “تسوتومو” مثلاً.. و حسب موضوع عمره فـ هو لحد الآن ما ظهر بشكل صريح

هلاً ممكن حدا يقلي انه ممكن متنكر بهيئة “كورودا” أو “واكيتا”.. اوك بتمنى.. لكن كونه “كورودا” سبق و نفيت هالموضوع عالآسك بنسبة كبيرة.. أما بالنسبة لـ “واكيتا” فـ ممكن.. بس صعب كتير كمان.. يعني شخصياً بفضل أو أحبذ خلق شخصية جديدة تمثله.. و بفضل يكونوا مشتبهي  RUM بعاد عن هالموضوع.. لإنهم أغلى و أهم من هيك تنكر و هيك شخصية..و بفضل يكون دور “ياسوهارو” مقتصر على الدعم المالي.. مش على تورط قديم أو حالي مع المنظمة

الموضوع الثاني المهم غير موضوع “ياسوهارو” هو تورط “تسوتومو” بقضية “كوجي” قبل 17 عام شفنا من كلام “ميري” ان تورطه اقتصر على التحقيق بالجريمة بعد حدوثها.. و هذا بيعني انه ما كان موجود وقت الجريمة.. و هذا بينفي عدة أمور مثل انه بينفي ان “كورودا” هو “تسوتومو”.. لإن “كورودا” حسب ما شفنا بالفصل 987 تذكر جثة “كوجي”.. يعني شافها بـ عينه هلأ ممكن حدا يقلي انه مش شرط.. و انه هيك لقطات ممكن تكون مرسومة للقارئ مش تذكر من الشخصية نفسها.. اوك بس هاللقطة كانت أول رسمة لـ “كوجي” بعد قتله.. يعنيت ما بظن “غوشو” يرسم هيك لقطة لأول مرة للقارئ فقط.. أكيد راسمها من ذاكرة “كورودا”.. و عدا عن هيك.. بـ هالقضية حديث “واكاسا” و “كورودا” بلمح بشكل واضح و صريح ان “كورودا” كان موجود وقت جريمة “كوجي”.. عكس “تسوتومو” يلي ما كان موجود حسب كلام “ميري” بالفصل 1037

و بينفي كمان ان “تسوتومو” هو  RUM مثل ما كان في شكوك بالبداية

و خلينا نقول بينفي ان “تسوتومو” هو “اساكا”.. لإن لو كان هو “اساكا” كان حقق بالقضية من نفسه.. و ما انتظر توكيل “ياسوهارو”.. لإن “اساكا” كان حارس “أماندا” يلي انقتلت وقتها كمان.. و عدا عن هيك.. فـ حسب المدونة بالفصل 948.. “اساكا” اختفى من بعد الجريمة.. فـ مش معقول يكون هو نفسه “تسوتومو” و رجع يحقق بالجريمة ههههههههه معناها في عدة أمور تم نفيها بهذا الحكي و هذا شي جيد

لكن في أمور جديرة بالملاحظة و التدقيق و الدراسة هههههههه

بالفصل 1037 حديث “ميري” كان مثير للشكوك فعلاً.. لما قالت التالي

دقيقة.. يعين مبلشة غلط هههههههه انتي حكيتي ان “ياسوهارو” طلب من “تسوتومو” يحقق بجريمة “كوجي”.. هذا بيعني ان “تسوتومو” ذكي و عند قدرة جيدة على جمع المعلومات لإنه محقق أو عنصر استخبارات.. صح ؟

كيف بتقولي انه رجل قوي للغاية ؟؟؟ الأفضل تقولي ذكي للغاية.. يعني أنسب لوضعه كمحقق رح يحل القضية و يكشف الحقيقة يعني المانجا لما توصف “شينتشي” مثلاً.. بتوصفه على انه ذكي بصفته متحري رح يكشف الحقيقة.. ما بتوصفه انه قوي للغاية و كأنه  HULK هلأ ممكن حدا يقلي انها عم تحكي هيك لإنها عم تحكي مع ولد صغير بس يلي بقول لولد صغير عن جريمة بظروف غامضة و تورط والده مع أشخاص فظيعين.. و هروبهم لليابان الآمنة.. عادي يقوله ان والده ذكي جداً هههههههههه

هذا بأكد فكرتي يلي حكيت عنها بمنشور الفصل 1025 ان “ميري” عم تكذب على ولادها ببعض الأمور.. أو خلينا نقول ان صح التعبير عم تخفي عنهم شي لحد الآن ما بيعرفوها مثلاً “شويتشي” ما بيتواصل معها حالياً.. و هو ما بيعرف انها متقلصة قبل الفصل 1038 و “شوكيتشي” ما بيتواصل معها كمان.. بيتواصل مع “ماسومي” بس و “ماسومي” حسب تصريح لـ “غوشو” انها ما بتعرف عن المنظمة أو عن أي شي بخصها

طيب “ميري” تقلصت.. كيف “ماسومي” يلي عايشة معها ما بتعرف عن المنظمة ؟ هذا بيعني ان “ميري” ما خبرتها ظروف تقلصها.. و من وين هذا العقار.. و ليش يلي تسبب بتقلصها عمل هيك.. و شو هجومها المضاد يلي بدها تعمله.. هذا كله ما بتعرفه “ماسومي” أبداً.. و “ميري” محتفظة فيه لنفسها.. لإنها عم تبحث عن مساعد لها مثل “كونان” مثل ما شفنا بالمانجا

في سؤال بيسألوه الفانز.. انه ليش “ميري” تحركت بوضوح حسب الفصل 1025 ؟ ليش هلأ ؟ يعني لو عم تحقق باختفاء “تسوتومو” أو عن المنظمة.. كان بتقدر تحقق من قبل 9 سنين.. أو 8 سنين.. بس ليش هلأ قبل عدة شهور ؟ السبب انه قبل عدة شهور وصلها خبر مقتل “شويتشي”.. و هذا يلي خلاها تتحرك برأيي 

في موضوع رح أحكي عنه عالسريع.. و يمكن أرجعله بالمستقبل.. ان في بعض الكلام عن ان “واكاسا” مُرسلة من “ميري” أو بتتعاون معها.. لكن بعد الفصل 1038 هالكلام تم نسفه من أرضه

يعني فرضاً تم إرسال “واكاسا” حتى تختبر قدرات “كونان” اذا كان جدير بالثقة و طلب العون منه أو لا طيب هلأ “كونان” عرف معنى جملة الأخت الصغرى من خارج النطاق.. يعني فرضاً عرفت “ميري” بـ طريقة ما ان “كونان” فهم رسالتها هذي.. يعني “واكاسا” بتختفي من المدرسة و خلص بتختفي بتروح !!!! بينتهي دورها يعني ؟؟!!! و شو مشان قائمة متناولي العقار اللعينة يلي معها و شفناها بالفصل 1005 ؟؟ شو مشان حديثها الـ ****** مع “كورودا” بسلسلة الخيمة المحترقة !! هههههههه و علاقتها مع “كوجي” و ماضيها معه !!! هذا كله وين بروح فيه ؟؟ بكب عليه كاز و بولع فيه نار مثلاً ؟ هههههههههه  طيب هذا غموض لازمه كشف... ما فينا نقول ان “واكاسا” مُرسلة من “ميري” فقط عشان تختبر قدرات “كونان” و اذا كان أهل للثقة و التعاون أو لا

هذا تسخيف لـ دور “واكاسا” يا حبيبي.. “واكاسا” أكبر من هيك بكتير.. لك عمي “واكاسا” واصلة لمراحل “ميري” مش سامعة عنها حتى.. شو مُرسلة منها هذي ؟

بعدين اذا بتجيب أعمى.. بيعرف ان “واكاسا” من أول ظهورها عارفة كتير أمور عن “كونان”.. و غالباً بتعرف حقيقته.. بينما “ميري” مش مصدقة لسه.. و مش مقتنعة بكلام “ماسومي” عنه

دور “واكاسا” جداً كبير.. و لها ماضي مع المنظمة و “كوجي” و العقار.. و حتى والدي “هايبرا” حسب ظني.. يعني ظلم نسخف دورها لتصير تابعة لـ “ميري”.. ظلم

-----------------------------------------------------------------------------------------------------------

عموماً هذا يلي ممكن الحكي فيه عن السلسلة.. يعني.. كل شي ممكن ينحكى سبق و حكيته من قبل.. عشان هيك هلأ صار وقت التوقعات لما هو قادم

اوك رح أبداً بـ “ماسومي” و “هايبرا”.. طبعاً كلنا عارفين انه في مشكلة رح تصير بينهم لإنهم رح يحبوا الشخص نفسه و سبق و قال “غوشو” بالحرف انه رح تقوم بينهم حرب لإنهم رح يحبوا الشخص نفسه

اوك.. أنا رح أحكي عن السيناريو يلي ببالي.. و يلي بتمنى يصير بـ هالطريقة بالضبط.. ولو لمدة قصيرة.. و هو انه رح تقوم بينهم حرب بس بـ طريقة كوميدية مصبوغة بـ صبغة رومانسية.. و خط التماس بينهم هو “سوبارو” اكيد ههههههههه

أنا مش عم قول ان الشخص يلي رح يحبوه هو “سوبارو”.. ممكن يكون هو و ممكن لا.. ما بهمني.. أنا رح قول انه في حرب رح تقوم بين “هايبرا” و “ماسومي” على “سوبارو” بغض النظر اذا هو يلي قصده “غوشو” او لا

شفنا بنهاية الفصل 1038 التالي

اوك.. شكوك “ماسومي” زادت حول “سوبارو” و كونه “شويتشي”.. و يبدو من ردها على “ميري” انها مش رح توقف و مش رح تسكت.. و تخلت مؤقتاً عن الضغط على “هايبرا” بالفصل 1038 عشان تسرع و تتأكد من “ميري” من عبارة 50-50

فـ بشكل عام.. هالثلاثي “ماسومي” و “سوبارو” و “هايبرا” رح يرجعوا يجتمعوا من أول و جديد.. هلأ أو بعدين رح يجتمعوا.. بغض النظر عن الوضع و الظرف و “ماسومي” طبعاً رح تبدأ تقرب من “سوبارو” أكثر حتى تتأكد من شكوكها

فـ يلي رح يصير برأيي ان الحرب بين “هايبرا” و “ماسومي” رح تستمر لكن خط التماس بينهم رح يكون “سوبارو” و بـ طريقة كوميدية بـ صبغة رومانسية.. كيف يعني ؟ اوك.. يعني مثلاً حضرت “ماسومي”.. وما حضر واجبها هههههههههه 

لا جد.. حضرت “ماسومي”.. وشافت “سوبارو”.. و “هايبرا” واقفة بالمشهد بتقرب “ماسومي” عند “سوبارو” مثلاً و بتقوله كلامك عن قوامي الأنثوي المرة الماضية حفزني اني أعمل تمارين رياضة و أهتم بنفسي أكثر.. (و تقولها و هي خجلانة مثلاً) و ممكن تضمه من يده و تقول مثلاً بتمنى يكون عندنا بنت حلوة و لطيفة مثل هالبنت.. و توجه اصبعها لـ “هايبرا” بحيث انه تحاول تضمن جانبه و ما يضايقها بتحرياتها عنها

طبعاً اكيد “هايبرا” رح تستشعر بالخطر هذا.. فـ بظن رح تعمل نفس الشي.. يعني رح تحاول تقرب من “سوبارو” بنفس الطريقة عشان تكسب وده و يبقى معارض لاقتراب “ماسومي” مثل السلسلة الماضية.. فاحتمال تقرب من “سوبارو” و تقول مثلاً الأفضل انك تهتم بـ بنت بتفهم بالموضة و الجمال مثلي أنا.. و يصير في نظرات متبادلة بين “ماسومي” و “هايبرا” بـ صيغة حرب بشكل كوميدي يعني فكرتي ان الصراع يصير بـ هالطريقة على “سوبارو” و مين منهم رح يكسبه لجانبه و يضمن انه يكون بـ صفه.. “ماسومي” يلي ما بدها يعيق تحرياتها عن “هايبرا”.. أو “هايبرا” يلي شافت بالسلسلة الماضية انه عم يدافع عنها و يمنع تحريات “ماسومي” حولها

بتمنى “غوشو” يلعب هيك سيناريو بالمستقبل.. بحيث يكون الصراع بينهم كوميدي بـ هالطريقة.. مع بعض اللمسات مثلاً مثل ان “سوبارو” يجاري “ماسومي” و ينظر نظرات شريرة تجاه “هايبرا”.. أو هيك شي رح تكون فعلاً شغلة حلوة و سيناريو حلو لو عمله “غوشو” بالسلاسل القادمة

الشي الثاني هو وضع عيلة “أكاي” بالوقت الحالي و مستقبلاً

حالياً العيلة مشرذمة و أمورها متشابكة و معقدة أكثر من حياتي ههههههههههه

يعني الأب ميت او مختفي.. بسبب التحقيق بـ جريمة وكّلها فيه صديقه صديقه عم يدعم زوجة هالأب و بنته كـ تكفير عن هالذنب الابن الكبير بـ نظر العيلة ميت أثناء تأدية الواجب.. لكن شقيقه الأوسط فقط بيعرف انه عايش الأم متقلصة لكن ما حدا بيعرف إلا الأخت الصغرى حل وضع الأم بـ يد الأخ الأكبر لكن توه عرف بوضعها بطل القصة بيعرف بوضعها بس ما تناقش معه فيه وما رح يتناقش هههههه

و بطتنا بطة بطتكم ههههههههههههههههه 

الوضع معقد.. لكن مفاتيحه واضحة.. و سبق و حكيت عنها بوضوح بمنشورات فصول السلسلة الماضية.. و بإمكانكم تراجعوهم بالنسبة لـ هوية “سوبارو” الحقيقية بالنسبة لـ “ماسومي”.. فـ هون أظن لازم يتدخل “شوكيتشي” يلي بيعرف ان “شويتشي” عايش.. و ان “ماسومي” باليابان

أما بالنسبة لـ وضع “ميري” بالنسبة للعيلة.. فالوحيدين يلي بيعرفوا هي “ماسومي” و “كونان”.. و حالياً “شويتشي”.. و الهدف “هايبرا”.. و سبق و قلت ان الأمر رح يكون خيانة لـ “كونان”.. أي من دون علمه.. و “هايبرا” رح تروح بإرادتها او رح تساعد عيلة “أكاي” بكيفها لما تعرف انهم قرايبها.. و طبعاً هذا الحكي مطول كتير ليصير.. لإن أخذ “ميري” لمضاد العقار بيحتاج وجود “كونان” و “شويتشي” و “هايبرا” معها لحظة أخذها للعقار أولاً.. و ثانياً بدء هجومها المضاد يلي حكت عنه.. خاصة بعد تعليق “غوشو” ان “ميري” من القسم 00 من المخابرات البريطانية.. و يلي بيعني انه معها اذن بالقتل بالميدان اذا اضطر الأمر

https://twitter.com/WheelFate/status/1147131559834804226

بيعني ان آرك  RUM باقي عليه عدة فصول قليلة و بينتهي.. و هذا لسه بكير كتير عليه.. لكن عم قلكم من هلأ شو السيناريو العام.. ان ذهاب “هايبرا” و مساعدتها لـ “ميري” رح يكون بإرادتها و بكيفها بتصرف من “شويتشي” و تعاون غالباً من “ماسومي” كمان.. و “كونان” رح يكون غالباً آخر الواصلين بالنسبة لـ هالموضوع

بالنسبة للسلسلة القادمة يلي رح تبدأ بالفصل 1039 بـ 6/أغسطس ههههههههه طبعاً لحد الآن ما في أي تفاصيل أو معلومات عن السلسلة القادمة.. لكن سبق و قلت بمنشور الفصل 1037 ان تحليل “كونان” لجملة “الأخت الصغرى من خارج النطاق” رح يكون ببداية السلسلة القادمة.. لكنه حللها بالفصل 1038 هههههه.. اوك مش مشكلة

كنت مفكر انه يكون في شي بخص الانكليزية بالسلسلة القادمة تخليه يفكر بالجملة هذي.. لكن خطرتلي فكرة أفضل.. و هي انه يكون في شي له علاقة بالصيف يعني مثلاً نشوف رحلة للجبال أو للبحر.. بس مش للمتحرين الصغار.. يعني من “سونوكو” مثلاً بوجود “ران” و يمكن “أمورو” و “أزوسا” و نشوف شي جديد من “أمورو” بالسلسلة

أو الاحتمال الثاني.. رغم اني مش متوقعه بقوة بس بتمناه.. هو سلسلة عن الشرطة يعني سلسلة يظهر فيها قسم شرطة العاصمة بحد ذاته.. شرطي ينخطف مثلاً.. أو حادثة تفجير.. او تهديد.. و يظهر “كورودا” و شي جديد عنه

شخصياً بفضل الاحتمال الأول و باخذه كـ توقع.. عشان نشوف شي جديد عن “أمورو” و ماضيه مع أصدقاؤه أو عيلته مثلاً.. لإن لسه بيلزمنا عدة أمور من ماضيه

اما بالنسبة للاحتمال الثاني.. فـ اذا صار.. فـ بتوقع يكون في شي عن “يومي” و يظهر “شوكيتشي” بـ طريقة ما.. و يتذكر شي عن الأيام يلي قضاها عند عائلة “هانيدا”.. لإن هالذكريات ج��اً جداً مهمة.. لإنها رح تبين طبيعة العيلة و الجو يلي كان عايش فيه.. و يلي بنقدر نقول ان “كوجي” كان عايش فيه.. و يمكن كمان يتذكر “شوكيتشي” أحاديث بينه و بين والدي “كوجي” و منها جمل مهمة من “ياسوهارو” مثلاً.. و هذا رح يكون جداً جداً مهم

و السبب يلي بخليني أتوقع ظهور “شوكيتشي” بالسلسلة القادمة و يتذكر شي عن ماضيه مع عائلة “هانيدا” هو انه تم ذكر “ياسوهارو” للمرة الأولى بالسلسلة الماضية.. فـ حركة حلوة لو “غوشو” أظهر شي عنه بالسلسلة القادمة عن طريق ذكريات لـ “شوكيتشي”.. و طبعاً هذي الذكريات رح نشوفها.. عاجلاً أم آجلاً.. لكن بفضل نشوفها بالسلسلة القادمة.. يعني عالسريع بعد ذكره لأول مرة بالسلسلة الماضية

شفت بعض الفانز توقعوا ظهور الملوك “هيجي” و “كازوها”.. لكن شخصياً ما بظن.. يعني موضوعهم جداً ضخم.. و بظن ظهورهم مرة جديدة بـ فشل جديد للاعتراف رح يعمل ملل عند الفانز و حل موضوعهم لسه بكير عليه.. لإن موضوعهم جداً ضخم و معقد.. فيه “موميجي” و علاقتها بـ “اوكيتا” و ماضيها معه.. و في منافسة عيلتها مع عيلة “سوزوكي” بالنفوذ و السلطة و المال.. و في منافسة “موميجي” على “هيجي”..  و الاعتراف بين “كازوها” و “هيجي” يلي لسه ما صار.. فهذا كله بيتطلب سلسلة ضخمة من 5 فصول أو يمكن اكثر.. أو حتى أكثر من سلسلة... و هذا لسه بكير عليه برأيي

يعني.. بشكل عام هذا كان كل شي بخص الفصل 1038 و عيلة “أكاي” بالوقت الحالي.. و السلسلة الماضية و السلسلة القادمة المنشور هذا مثل ما حكيت بالبداية قصير و سريع و مختصر.. لكن الدسم ان شاء الله رح يكون بالمنشور التالي بعد عدة أيام و يلي رح يكون عنوانه

ASAKA RUM !!!! 

#كونان

[the-conanner]

File 1037 Discussion, The stream of Time !!

الغريب بالفصل 1037 نقطة وحدة.. و هي الصورة التالية

انه عيلة المفروض جاي من بريطانيا و معهم فلوس و أمورهم كويسة.. و بيطلعوا بالطيارة بالـ Economy  ههههههههههههههه

انه ليش مش بالـ Business  يعني ؟ هههه وين الفلوس و الراحة و الهيبة ؟ هههههه بس ايه.. الزمن دوار هههههه

يسعد أوقاتكم شبيبة.. عساكم جميعاً بألف خير طبعاً مثل ما شفنا في عدة أمور مهمة ظهرت بالفصل 1037 و هذا شي جيد.. يعني الأمور تحركت شوي بالأحداث.. و طبعاً رح تتحرك أكثر بالفصل 1038.. عموماً خلونا نبدأ بمناقشة أحداث الفصل 1037

بس قبل ما نبدا.. في ملاحظة مهمة بدي أذكرها.. انه في أمور بكتبها بتويتر بعد صدور صور السبويلر أو الفصل بشكل رسمي.. ما بكتبها هون.. فـ الأفضل ترجعوا لحسابي بتوبتر و تشوفوا شو نشرت عن السبويلر و الفصل بعد صدوره.. لإن مش دايماً بكتب هون يلي بنشره بتويتر

-----------------------------------------------------------------------------------------------------------

                               ما سأكتبه تالياً قد يُصيب.. و قد يُخطئ

أولاً قبل ما نبدأ خلونا نراجع شو يلي صار من يلي حكيته من قبل بالفصل 1037

أول شي رد “سوبارو” على سؤال “ماسومي” بنهاية الفصل 1036 سبق و حكيت بتحليل الفصل 1036 ان “سوبارو” رح يرد عليها بجواب مُحرج و مُخجل لها بحيث يذكرها انها بنت بدل انه يرد عليها رد منطقي.. مثل انه يقول لها انه عرفها من قوامعا الأنثوي الجميل.. و فعلاً هذا يلي صار و شفناه بالفصل 1037.. وقت حكى عن مؤخرتها

ثاني شي حكيت عن فلاش باك لـ “شويتشي” بعد رده على “ماسومي”.. أو حكي بقلبه (مناجاة).. و بالفعل هذا يلي صار.. فـ بعد الرد.. حكى معه “كونان”.. و بعد هيك تذكر الأحداث بالطيارة وقت كانوا متوجهين لليابان

ثالث شي ذكرت بتحليل الفصل 1036 ان “ماسومي” لازم تتذكر موضوع انها شافت “هايبرا” بهيئة “شيهو” قبل سلسلة قطار الغموض.. و تقول بشكل صريح لـ “هايبرا” اني سبق و شفتك بهيئتك الكبيرة.. و فعلاً “ماسومي” سألتها بشكل غير مباشر انه سبق و رجعتي لهيئتك الطبيعية مثل “كونان” صح ؟.. و هذا الشي برأيي بدل على تذكر “ماسومي” لموضوع الفيديو مش مجرد تخمين

و طبعاً موضوع الـ MI6  و ان “ميري” المخابرات البريطانية.. و طبعاً هذا الموضوع ما بيخفى على حدا.. و نوعاً ما معروف من زمان.. و “غوشو” كشفه لأحد الفانز بإحدى بطاقات التهنئة بالعام الجديد قبل حوالي 5 سنين.. و هذا الشخص نشر محتوى البطاقة ان “ميري” من المخابرات البريطانية حسب رد “غوشو” بالبطاقة.. رغم توصية “غوشو” انه ما ينشر محتواها

المهم هذا تقريباً يلي حكيته و صار بالفصل 1037 و مبدئياً خلونا نحكي شوي عن القضية قبل ما نفوت بالتفاصيل المهمة بالفصل

بالنسبة للقضية.. شفنا طبعاً بنهاية الفصل 1037 كيف “كونان” سأل “تاكاغي” عن بقع دم بمنطقة محددة.. و “تاكاغي” جاوب انه بس بصندوق واحد كان فيه دم بـ هالنقطة.. و طبعاً كالعادة.. انتهى الفصل بابتسامة “كونان” بإشارة انه تم حل القضية و كشف القاتل مع الدليل

طبعاً احنا مش فاهمين شي هههههههههههه

لا جد.. طيب شو يلي صار لحتى “كونان” وصل لـ هالابتسامة ؟ شفنا ان الخادمات جابوا صحن “اغاسا” الأثري المشعور أو المكشوط النحت عنه نوعاً ما بغض النظر عن سبب الخدوش هذي.. لكن في شي صار جعل “كونان” و “ماسومي” و “سوبارو” يلاحظوا شي

شو يلي صار بالضبط ؟ يلي صار هو نفس يلي صار مع “اغاسا” بالفصل 1035 لما قلب الطبق للجهة المعاكسة

طبعاً انا مش رح أشرح يلي صار بالتفصيل.. لإن توصيل الفكرة بيحتاج فيديو و تجربة عملية.. و ما بعرف كيف “غوشو” رح يقدر يوصل الفكرة بالرسم بالفصل 1038 ههههههههه بس الفكرة بالأساس بتعتمد على التناظر.. و هي خدعة بصرية نوعاً ما قديمة

احنا شفنا كيف “اغاسا” قلب الطبق بالفصل 1035

و بس قلبه.. كان شكل طائر الكركي كالتالي

هلأ من النظرة الأولى.. الناظر بقول انه جهة لطخة الدم بنفس جهة منقار الطائر على الجهة المعاكسة.. و هذا يلي قاله “اغاسا” نفسه بالفصل 1036

واضح.. و هذي طريقة التفكير الطبيعية لكن.. للأسف.. هذي طريقة التفكير الخاطئة ههههههههههههههه

هون رح أحط لكم فيديو من 3 دقائق.. الفيديو بالياباني.. مش لازم تفهموا الكلام.. بس رح تفهموا من التطبيق و التجربة الفيديو سهل جداً للفهم.. رح تفهموا فوراً شو يلي صار بعد ما تشوفوه.. لذا رجاء الكل يشوفه https://drive.google.com/open?id=1vSiA-5Q97OIXo6Zd1Vx9kftcu-3DyQN2

اوك.. بعد ما شفتوا الفيديو بظن صارت الأمور واضحة.. و عشان هيك “كونان” سأل “اغاسا” كيف كانت وضعية الطبق بالفصل 1037

واضح كيف مميُل الجوال.. و هي نفس الوضعية يلي كان عليها طائر الكركي بالفعل

و هذا مثل ما شفنا.. بيطبق عالفيديو يلي شفناه.. لما يكون السهم مايل.. رح تكون الجهة المعاكسة له مايلة كمان

لكن.. لو وضعنا النقطة للأعلى مثل ما شفنا.. كيف تم وضع الأطباق بحيث تكون لطخات الدم للأعلى

يعني مثل الفيديو.. السهم الأسود للأعلى.. رح يكون السهم الحمر يلي على الجهة المعاكسة عاليمين صح ؟ يعني كالتالي

اهااا واضح تماماً.. الطبق الوحيد يلي عليه طائر الكركي و منقاره لليمين مثل السهم الأحمر بالفيديو.. هو الطبق يلي عاليمين.. يعني طبق “توجيما”.. و يلي هو القاتل بـ هالقضية

شفنا كيف تم وضع لطخات الدم للأعلى (مثل السهم الأسود بالفيديو).. و كان السهم الأحمر بالفيديو لليمين (يلي هو هون الطبق يلي عاليمين يلي بيملكه “توجيما”).. و عشان هيك “كونان” سأل “اغاسا” كيف كان وضعية الطائة عالطبق.. و أجاب “اغاسا” انه كان مايل.. و عشان هيك تهيأله ان لطخة الدم بنفس جهة منقار الطائر

عسى أكون وصلت الفكرة ؟ ههههههه هي شوي معقدة.. لكن هي بتعتمد عالتناظر.. يعني تناظر بالنسبة لمحور (طلاب الأدبي اطلعوا برا ههههههههه) يعني على مبدأ المراية نوعاً ما

ما علينا هههههههههه.. المهم.. كيف عرفوا “كونان” و “ماسومي” و “سوبارو” بموضوع الخدعة البصرية هذي.. أو موضوع التناظر هذا من مجرد النظر لـ طبق “اغاسا” ؟

يلي صار معهم هو التالي

واضح.. من جهة كان في النقطة المقشور فيها النحت.. و التقشير واضح.. و “سوبارو” مسك الطبق و قلبه للجهة المعاكسة.. فلاحظوا هذي الخدعة.. لاحظوا موضوع التناظر هذا.. تماماً مثل ما شفنا بالفيديو فوق.. عشان هيك فوراً “كونان” سأل “اغاسا” عن اتجاه منقار طائر الكركي

لكن بشكل عام هذا مش دليل.. يعني مش دليل يُعتمد عليه بتوجيه الاتهام لـ “توجيما”.. مش منطق تقول له انه بسبب التناظر.. بيقدر ببساطة يقول “اغاسا” كذاب طمعاً بالطبق الحقيقي أو شي مثل هيك

اوك.. بغض النظر عن الدليل يلي رح نحكي عنه بعد شوي.. بس القاتل “توجيما” نوعاً ما اعترف بـ جريمته بالفصل 1037 ههههههههه يعني اعترف بنفسه.. قال جملة.. و كأنه عم يقول يا جماعة أنا القاتل هههههههه اوك.. خلونا نركز بـ يلي قاله

يعني بيكفي اني أرفق هالصورة مع ملف الادعاء هههههههههه و أموره بتصير خالصة لـ هالكذاب

هلأ بالنسبة لـ “تشونو” العجوز.. ببساطة ممكن التأكد من موضوع الحفل.. و بالنسبة لـ “ساكاماكي” المديرة

ممكن التأكد من المصور.. و اثنينهم ممكن يستخدموا الطبق لساعات و يرجعوه للشرطة.. يعني ما في تعقيد وقت الجد

إلا “توجيما” الكذاب.. قال في زبون جاي من بلد أجنبي بدو يشتري الطبق.. يعني مزبطها على أساس انه مشتري أجنبي.. رح يجي يشتري الطبق و يرجع يسافر بنفس الليلة.. يعني مستحيل تقدر تلحقه أو تتحقق منه.. و ببساطة اذا سمحوله الشرطة يروح مع الطبق بمرافقة عناصر من الشرطة.. بقول انه ما اجا لأسباب بتخصه أو أي شي

بس الكذاب كذب بوضوح هون.. و اعترف انه القاتل.. هو قال انه في زبون رح يجي الليلة يشتري الطبق من بلد أجنبي كيف يا طبل بدك تبيع شخص طبق انت مش متأكد من قيمته لدرجة انك عرضته على مثمن ؟؟ يعني انت غبي شي ؟ كيف بدك تبيع شخص طبق انت أرسلته لـ مثمن حتى يشوف اذا أصلي أو لا ؟ يعني فرضاً قال المثمن ان الطبق مش أصلي ؟ شو بتعمل بالموعد مع المشتري ؟؟ يا غبي !! هههههههههه

يعني كذبة واضحة.. ما بدها نقاش.. هذا اعتراف واضح بالجريمة و الدافع عالأغلب هو مشاكل مالية بالشركة يلي بيشتغل فيها.. يعني عمليات اختلاس و حدا عم يهدده.. أو ابتزاز.. يعني شي مثل هيك

طبعاً ملاحظة.. القاتل ما بيعرف بموضوع الخدعة البصرية.. يعني عمل آثار الدم على الطبقين الباقيين بشكل عشوائي.. بدون ملاحظة لمكان الدم او معرفة بالخدعة أظن

بالنسبة للدليل.. و يلي هو بقعة الدم يلي سأل عنها “كونان” مع “تاكاغي” بنهاية الفصل 1037

هلأ أول شي لازم نفهم شغلة.. انه الطبق يلي أحضره القاتل معه مش هو الطبق الأصلي.. و هذا قاله المثمن بالفصل 1035

يعني بالمختصر.. الطبق يلي بـ يد المثمن هو الطبق الحقيقي.. لكنه مش للقاتل.. يعني مش لـ “توجيما”.. طيب هو لمين ؟ بالفصل 1037 شفنا الصورة التالية

اوك.. من هالصورة واضح ان الطبق الصندوق بالوسط.. ملوث أكثر شي بالدم.. يعني خلينا نقول انه وقت ارتكاب الجريمة.. الطبق ما كان موجود بالصندوق.. عشان هيك تناثرت عليه أكبر كمية من الدم.. و يلي بيعني ان العجوز “تشونو” هو صاحب الطبق الأصلي

فـ غالباً بعد الجريمة.. القاتل أخذ الطبق الأصلي يلي كان بـ يد الضحية.. و قام باستبداله مع الطبق يلي بصندوقه و هون أظن في شي ما كان القاتل حاسب حسابه ما بعرف شو بالضبط بصراحة.. و ما قدرت أوصل لفكرة واضحة.. بس أظن انه صار شي ما انتبهله.. و نتج عنه ان الدم وصل للوسادة بصندوقه بدون ما ينتبه شخصياً بتمنى هالشي يكون من الضحية.. يعني مثلاً انه قبل دخول “اغاسا” للغرفة.. و بعد اختباء القاتل بالخزانة.. مثلاً الضحية عمل شي بـ سماعة الملاك على الطبق بحيث يتميز بطريقة لا يمكن اخفاءها.. و أدت لوجود بقع دم عالوسادة داخل الصندوق

الفكرة يلي بدي أوصل لها.. انه الدليل هو بقعة دم بـ منطقة محددة بصندوق القاتل “توجيما” مش لازم تكون موجودة فيها.. بقعة دم بتدل على انه استبدل طبقه بالطبق الحقيقي يلي كان بـ يد الضحية قبل قتله بلحظات.. دليل لا يمكن إنكاره أبداَ صراحة ما عندي فكرة عن هالدليل بالتحديد.. بس الفكرة العامة هي يلي شرحتها فوق

ببداية السلسلة (خاصة بعد الفصل 1035).. كان عندي شك ان المثمن نصاب.. يعني يلي رح يعمله.. انه كان رح يحدد واحد من الأطباق انه أصلي.. لكن بالحقيقة هو مزيف.. و هذا الشخص ياخذ طبقه و يروح.. و أكيد الشخصين الباقيين رح بما ان أطباقهم مزيفة.. فـ رح يرموها او يخلوها عند المثمن لإنها بلا قيمة.. لكن هم ما بيعرفوا ان الطبق يلي على أساس أصلي.. هو مزيف.. و الطبق الأصلي هو واحد من طبقي الشخصين الباقيين.. و هيك بياخذ الطبق الأصلي و ببيعه و بياخذ سعره بدون ما حدا يشك فيه.. و هون القاتل كشفه و قتله

لكن بعد الفصلين 1036 و 1037 صار هذا الاحتمال شبه مستحيل.. و خاصة بعد موضوع التناظر.. و الدم المتناثر يلي بيثبت ان صاحب الطبق الأصلي هو “تشونو” العجوز

----------------------------------------------------------------------------------------------------------

اوك لهون بنكون خلصنا من موضوع القضية.. و اجينا للدسم ههههههه أو الأمور المهمة بالفصل 1037 و طبعاً التوقعات للفصل 1038 و السلسلة القادمة

أول شي في موضوع نوعاً ما غريب.. و هو سؤال “شويتشي” عن “ميري” بالفصل 1037

سؤاله هون غريب حبتين.. يعني يبدو انه مش متأكد أصلاً ان امه عايشة أو لا.. و هذا بيعني انه ما عنده أي خبر عنها اوك انا سبق و كتبت بتحليل الفصل 1025 ظن.. ان “شويتشي” بيعرف موضوع وجود “ميري” باليابان.. و انها متقلصة.. ان كان من “جيمس” يلي عرف “ماسومي” من أول نظرة.. أو من “شوكيتشي” يلي بيتواصل مع “ماسومي” و بيعرف ان “شويتشي” حي و بيتواصل معه كمان.. و انه عم يضغط على “كونان” عشان يتعاون معه و مع “ميري” و يساعدها.. ان كان هو.. أو ان كان هو يلي يضغط على “هايبرا” عشان تساعد “ميري”.. لكن يبدو ان هالظن مش بـ محله نوعاً ما.. رغم ان سؤال “شويتشي” ما دخله بالتقلص.. دخله بالسلامة.. يعني يمكن بيعرف بموضوع تقلصها.. بس ما بيعرف بحالتها بـ هاللحظة

ما علينا.. بالحالتين الموضوع ما كتير بيفرق.. لإن بالحالتين برأيي رح توصل “ماسومي” لـ “هايبرا” مثل ما حكيت بتحليل الفصل 1025 و الفصل 1035.. و طبعاً هذا بيحتاج وقت مثل ما حكيت كمان.. لإن كمان برأيي ان “شو��تشي” رح يعاونها مشان امه.. حتى لو بغير ارادة “كونان”.. و كمان مثل ما حكيت.. ان “هايبرا” رح تروح بإرادتها.. و طبعاً سبق و شرحت بتحليل الفصلين 1035 و 1036

الموضوع الأكثر أهمية من كل هذا هو وقت الفلاش باك و موضوع “تسوتومو” و تحقيقه بقضية “كوجي” قبل 18 سنة لحظة.. قضية “كوجي” قبل 17 سنة أو 18 سنة ؟ هههههههههههههههه

اوك.. أنا نشرت هالتغريدة بشهر مايو/2017

https://twitter.com/WheelFate/status/861855106291159040

هذا المخطط من نهاية المجلد 92 المخطط بوضح ان الموضوع صار قبل 18 سنة بالفعل مش قبل 17 سنة.. يعني بالمختصر يبدو في رسالتين من “تسوتومو” لـ “ميري”.. الأولى انه تورط مع أشخاص فظيعين.. و انهم لازم يتحركوا لليابان و رسالة ثانية و يلي هي رسالة فراق أرسلها بعد بـ فترة.. و هي يلي كانت السبب بإن “شويتشي” يسافر لأمريكا عشان يحقق بموضوع اختفاء والده.. و يلي منها فهمت العيلة ان “تسوتومو” مات

و طبعاً هذا بيتوافق مع كلام “شويتشي” بالفصل 972 وقت شاف “ماسومي” انه وقت سافر لأمريكا كان بطن “ميري” كبير.. يعني كان مر على حملها مدة جيدة لكن بالمخطط مذكور ان جريمة “كوجي” صارت بعد التورط قبل 18 سنة اوك هذا ممكن يكون متفاوت مش مشكلة.. يعني مش بالضرورة يكون بعد بـ سنة فعلاً مثل ما مذكور.. يعني ممكن يكون الفارق بسيط لكن للترتيب (حتى المجلد 92).. وضعوا قبل 17 عام و قبل 18 عام

هذا الحكي مش مهم برأيي.. اذا كان الرقم 18 سنة بالفصل 1037 خطأ مطبعي.. فـ رح يتم تصحيحه بالمجلد 98 وقت يصدر عام 2020 لكن معقول ننتظر حتى صدور المجلد 98 حتى نشوف اذا رح تتصحح أو لأ ؟؟

اوك.. أولاً خلونا نتفق انه حالياً كيف ما قلبنا القصة.. رح تكون الأمور مخربطة.. يعني بالفصل 948 انذكر ان “كوجي” انقتل قبل 17 سنة.. و بالفصل 1037 قالوا قبل 18 سنة.. و عمر “شوكيتشي” حالياً 28 سنة.. بينما حسب الفصل 1037 عمره حالياً 29 سنة و انه و انه.. يعني في كتير أمور تلخبطت.. اوك

الطرنيب وين.. الطرنيب هون هههههههه

هلأ احنا بالفصل 1037 شفنا فلاش باك من “شويتشي” عن العيلة.. لكن برأيي بالفصل 1038 رح نشوف فلاش باك من شخص ثاني.. و احتمال من شخصين أولاً في عنا فلاش باك مؤكد من “ماسومي” بعد ما شفنا ردة فعلها على كلمة  50:50 من “شويتشي”.. و كإنها سامعة هالجملة من قبل

و بالمناسبة.. أنا سبق و كتبت بتحليل الفصل 1036 عن ان “سوبارو” يقول  Case Closed و هذا يخلي “ماسومي” تشك فيه لكنه قال  50:50 هههههههه و كمان بدأت تشك فيه.. يعني ما كتير فرقت ههههه.. رغم اني كنت بفضل Case Closed  أكثر

لكن عموماً... المؤكد انه في فلاش باك من “ماسومي” مثل ما حكيت بتحليل الفصل 1036 عن ردة فعلها عن الجملة يلي قالها “سوبارو”.. و بما ان “شويتشي” ما كتير عاش مع “ماسومي” يعني ما بظن انها سمعت 50:50 منه.. فـ بظن ان هالكلمة من “ميري”.. و “ماسومي” رح تتذكر انها سمعت هالكلمة من “ميري” من قبل و انها كانت كلمة يحكيها “تسوتومو” مثلاً أو بعد تلقيهم خبر موت “شويتشي”.. و تقول “ميري” انه هذي كانت كلمة يقولها “شويتشي” كتير يعني باختصار “ماسومي” رح تتذكر هالكلمة من “ميري”.. و انه كان يقولها “تسوتومو” أو “شويتشي”.. و ما بظن تتذكر “ماسومي” انها سمعتها مباشرة من “شويتشي”.. لإنها مش كتير عاشت معه

هذا الفلاش باك أكيد رح يصير.. يعني لا بد منه بالفصل 1038 لكن الفلاش باك الثاني يلي شاكك فيه.. هو فلاش باك من “هايبرا”.. اوك “هايبرا” شبعت شكوك بالسلسلة الحالية يعني شافت “سوبارو” عم يقاطع هجوم “ماسومي” مرتين.. و عم يقول  50:50 يلي ممكن سامعة هالكلمة منه من قبل لما كانوا بالمنظمة و كان في علاقة بينهم.. فممكن هذا يخلق فلاش باك عند “هايبرا” مثلاً عن ماضيها مع “شويتشي” بالمنظمة و يصير عندها شكوك حول “سوبارو” من جديد

بالمناسبة.. بما انه اجينا لـ هالموضوع.. فـ في نقطة حابب احكي عنها من فترة.. و ما صار لي فرصة.. و هو موضوع الثلاثي “شويتشي” و “شيهو”.. و “أكيمي”.. و العلاقة بينهم

طبعاً احنا عارفين انه “ميري” شقيقة “ايلينا”.. أولاً من تصريح “غوشو” ان “شويتشي” و “أكيمي” ولاد خالة.. و ثانياً من الشبه يلي لاحظه “كونان” بين “هايبرا” و “ميري” بالفصل 942

اوك.. احنا شفنا ان “شويتشي” سبق و قطع وعد لـ “شيهو” أيام المنظمة انه رح يحمي “أكيمي” مهما كان الثمن بالفصل 802

و طبعاً البنت انقتلت و ما شفنا سحنته هههههههههههه

لكن بالفصل 810 شفنا لقطة ثانية

هون “شويتشي” عم يقول انه قطع وعد لـ “أكيمي” على نفسه انه يحمي “شيهو” او يكون بجانبها مهما كلف الثمن

لعما ؟ متى صار هذا الوعد ؟ انه اوك احنا شفنا لقطة عن وعده لـ “شيهو” انه رح يحمي “أكيمي” مهما كلف الثمن.. لكن ما شفنا شي عن وعده لـ “أكيمي” عن حماية “شيهو” مهما كلف الثمن ؟

لا لا شفنا.. شفنا ههههههه  شفنا بالفصل 599

هون آخر رسالة “أكيمي” لـ “شويتشي”.. و بنهايتها في ملاحظة.. طبعاً بالترجمة ماسحينها.. لكن موجودة بالخام

واضح في  P.S ما عرفنا شو مكتوب فيها و احنا عارفين انه بعد آخر محادثة بين “شويتشي” و “أكيمي” ما صار في لقاء بينهم أبداً.. و أكيد ما رح تكون موصيته من قبل لما كانت الأمور سليمة و آمنة انه يحمي “شيهو”.. فـ اظن انه بالملاحظة يلي ما عرفنا شو فيها.. قالت “أكيمي” انه بتمنى تحمي اختي “شيهو”.. و بظن كمان شرحتله انهم بالحقيقة ولاد خالة بـ هالملاحظة

فـ يلي بدي قوله.. انه في من الفانز تساءلوا انه متى صار هذا الوعد.. فـ برأيي ان “شويتشي” قطع عهد على حاله انه يحمي “شيهو” بعد ما قرأ الرسالة من “أكيمي” و يلي كانت آخر رسالة منها

و هذا بوصلنا انه كان في لقاءات بين “شويتشي” و “شيهو” أيام المنظمة.. و يلي ممكن يصير عليه فلاش باك بالفصل 1038 بسبب شكوك “هايبرا” و الأمور يلي شافتها بالسلسلة الحالية من تصرفات منه

في عندي موضوع أنا شاكك فيه.. و مش حابب أحكي فيه عشان ما نثير غضب البعض ههههههههه و هو ان “أكيمي” و “شيهو” كانوا معجبين بـ “شويتشي” أيام المنظمة.. ما رح قول حب عشان نغضب البعض ههههههه رح قول اعجاب فـ بظن انهم كانوا معجبات فيه.. و اعجاب “شيهو” كان متأخر.. يعني بالفترة الأخيرة

اوك هذا موضوع مش حابب كتير أدخل فيه حالياً.. له كتير تشعبات و مش وقته.. بس حبيت أحكي هالنقطة ههههه

المهم بنرجع لموضوعنا.. برأيي ان الفلاش باك من “ماسومي” ممكن يساعدنا بتحديد الأزمنة أكثر.. يعني ممكن نشوف بالفلاش باك بالفصل 1038 تفصيل زيادة عن الأزمنة بالماضي.. يساعدنا بالفهم اذا كان موضوع “قبل 18 سنة” بالفصل 1037 هو خطأ مطبعي أو فعلاً هذا الصح

في نقطة حلوة شفناها كمان رح تثير شكوك عند “ماسومي” بالاضافة لموضوع الكلمة يلي قالها و هي سرعته بتفادي الضربة يلي وجهتها “ماسومي” بالفصل 1037

و احنا عارفين ان “ماسومي” سبق و قالت ان “شويتشي” أقوى منها بـ 3 أضعاف.. و احنا شفناها عم تقاتل “ران”.. و “ماكوتو” من غير أي مشاكل فـ شي غريب بالنسبة لها انه شخص مثل هذا يتفادى ضربتها بـ هالسهولة فأظن هذا كمان رح يثير عندها شكوك.. و ممكن جداً انها تسأله بشكل مباشر بالفصل 1038 انه كيف قدرت تتفادى ضربتي ؟ عندك مهارات قتالية مثلاً ؟ لإنه شايفين من سرعة ضربتها شعر “هايبرا” و “كونان” تحرك.. يعني الضربة سريعة.. و رغم هيك تفاداها.. فـ ممكن هذي النقطة تثير شكوك اضافية عندها و تسأله بشكل مباشر عنها.. بالإضافة طبعاً لشكوكها بـ كلمة 50:50 و طبعاً أنا لسه بتمنى تنقال Case Closed من “سوبارو”.. رغم انها بعيدة حبتين.. و برأيي انه يلي رح يقولها (لو انقالت) هي “ماسومي”.. و من خلالها “سوبارو” رح يسألها من وين تعلمتي هالجملة بالانكلش ؟ و هي ترد عليه من أخوها الكبير.. و هو يحاول يسألها مثلاً انه شو بتتذكري عنه أو هو وينه هلأ ؟ و هي ترد عليه انه ميت

بظن هذا الموضوع بهم “شويتشي” كمان.. انه يعرف شو الفكرة يلي آخذتها “ماسومي” عنه يعني هي تقول Case Closed هو يقول انه هذي بالانكلش.. من وين تعلمتيها ؟ هي ترد من شقيقها الأكبر هو يسألها وينه هلأ ؟ عايش معك ؟ هي ترد انه مات أثناء تأدية واجبه

بظن هذي النقطة ان “ماسومي” عارفة ان “شويتشي” ميت ممكن بتهمه عشان يعرف كيف يتعامل معها.. فأنا بتوقع و بقوة هيك حديث و هيك سيناريو بالفصل 1038.. و طبعاً هذا الحديث اذا صار.. رح يصير أمام منزل “اغاسا” لما يرجعوا بالسيارة عشان “ماسومي” تاخذ دراجتها يلي تركتها هناك.. و غالباً رح يكون الوقت غروب

في موضوع حلو بالفصل 1037.. و هو ان “شوكيتشي” كان معجب بـ “كوجي” و لعبة  الشوغي بالفلاش باك

واضح.. و “شوكيتشي” صار لاعب شوغي محترف بالمرحلة المتوسطة حسب المخطط من نهاية المجلد 92

يعني بعد هالفلاش باك بـ سنتين أو 3 سنين.. صار لاعب شوغي محترف.. يعني فوراً تأثر فيه ههههههه

في شغلة ثانية.. ان “شويتشي” عمره 15 بالفلاش باك.. و “ميري” عمرها 36.. يعني “ميري” كان عمرها 21 وقت كانت حامل بـ “شويتشي”.. و هذي نقطة رح أحكي عنها بوقتها أكيد

الملفت انه بالفصل 1037 ما ذكروا اسم والد “كوجي”.. فقط قالوا “هانيدا-سان”.. و طبعاً هو اسمه “ياسوهارو”.. و سبق و نشرت عن هالموضوع بـ تويتر أذكر اني سبق و جاوبت أحد الأشخاص على الآسك عن وجود علاقة بين “تسوتومو” و “كوجي”.. و بصراحة أكثر انا كاتب عن هالنقطة بمنشوري عن قضية “كوجي” من زمان

و حاطه “منشور خاص” و المنشور صرله يمكن من نهاية 2017 و تخمر صراحة هههههههههههههههه يعني بظن أكله العفن ههههههههههه

المهم انا من وقتها كاتب عن افكاري عن علاقة “تسوتومو” بـ “كوجي”.. و بعائلة “هانيدا” بشكل عام.. و يلي على أساسها “ميري” أعطت “شوكيتشي” لـ عائلة “هانيدا” كتعويض على فقدانهم لـ “كوجي” مثل ما قلت بتحليل الفصل 1025

المشكلة انه في ببالي كتير أفكار.. و بتمنى اكتبها.. بس.. لك الوقت.. الوقت هههههههههههه يا الله حرام جد حرام اني ما اقدر اكتب يلي ببالي

المهم.. هذي العلاقة تأكدت بالفصل 1037.. و ان شاء الله رح اكتب عنها بوقتها أكثر.. بس أكيد و هذا كونوا متأكدين منه.. ان “غوشو” رح يرجع لموضوع والد “كوجي” و علاقته بـ “تسوتومو”.. لإنه لسه ما ذكر اسمه الأول يلي هو “ياسوهارو”.. و هذا رح نشوفه أكيد بـ فلاش باك محترم.. و كونوا متأكدين ان شاء الله رح أكتب عن هالأمور قبل ما تظهر بالمانجا

----------------------------------------------------------------------------------------------------------

اوك بالنسبة للتوقعات بشكل عام

طبعاً حكيت فوق عن الفلاش باك الأكيد لـ “ماسومي” بعد شكوكها بـ “سوبارو”.. و الفلاش باك الغير أكيد ههههه يلي أنا شاكك فيه انه يصير من “هايبرا” كمان بسبب شكوكها بتصرفات و كلام “سوبارو”.. و يلي برأيي رح يكون اضافة حلوة انه يصير

طبعاً “كونان” خارج المعادلة هون... لذا أي مواجهة بالفصل 1038 أو حوار.. “كونان” ما رح يتدخل فيه ولا رح يقدر يعمل شي بشأنه.. فالموضوع محصور بين “هايبرا” و “شويتشي” و “ماسومي” حصراً

اوك.. حكيت فوق انه بعد حل القضية رح يرجعوا كلهم بالسيارة على بيت “أغاسا”.. و “ماسومي” معهم عشان تاخذ دراجتها و حكيت انه بظن رح يصير حوار بين “ماسومي” و “شويتشي” عن أخوها الكبير بعد سؤالها لـ “سوبارو” عن كيفية تفاديه لضربتها السريعة.. و ممكن حتى ذكاؤه بحل القضايا

اوك.. هون باقي نقطتين الأولى هو حوار بين “ماسومي” و “هايبرا” بشكل سري و الثانية هو حوار بين “ماسومي” و “ميري” سواء اتصال هاتفي أو بعد وصلها للفندق

بالنسبة للنقطة الأولى أنا توقعتها بتحليل الفصل 1035.. ان “ماسومي” توصل رسالة لـ “هايبرا” بعيد عن مسامع “سوبارو” و��“كونان”.. مثلاً ممكن تقول لها انه في شخص متقلص غيرك انتي و “كونان”.. و اذا بدك تعرفي مين بتقدري تزوريني بالعنوان كذا ممكن تقول في شخص متقلص غيرك انتي و “كونان”.. و اذا بدك تعرفي تفاصيل كلميني على الرقم كذا و تعطيها ورقة فيها رقم أو عنوان يعني بشكل أساسي.. و حسب توقعي.. انه لو صار هيك حوار بينهم.. فـ “ماسومي” رح تقول لـ “هايبرا” انه في شخص متقلص غيرك انتي و “كونان”.. و هذا شي كافي لـ هز قلب “هايبرا” بشكل كبير فعلاً.. رغم انه احتمالية حصول هيك حوار صعبة شوي.. و غالباً “غوشو” رح يركز على عيلة “أكاي” بالفصل 1038

و هذا يلي بوصلني للنقطة الثانية.. و هو حوار بين “ماسومي” و “ميري”.. اوك لو هالحوار بصير فعلاً.. فـ بتمنى انه يكون عن “شويتشي” و عيلة “أكاي” بشكل عام اكثر من كونه عن العقار و صانعه و المتقلصين مثل “ميري”.. يعني أكيد بالفصل 1038 “ماسومي” مش رح تعرف ان “هايبرا” هي صانعة العقار.. ولا بأي شكل من الأشكال.. مستحيل.. و ما بظن حتى انها تحصل تلميح بالفصل 1038.. لسه بكير على هالنقطة

هي حالياً بتشك فيها على انها متقلصة فقط.. مش انها صانعة العقار يلي بسبب التقلص يعني لو فرضاً حكت معها.. و وصلتلها رسالة انه في متقلص ثالث.. و عطلتها ورقة فيها عنوان و رقم مثلاً و اتصلت “ماسومي” بـ “ميري” بعد هيك.. شو بدها تقول ؟ انها اطمني ماما.. لقيت متقلص ثالث و رح يحكينا ؟ هههههههههه ما في فايدة من هالحكي

هلأ أنا ما بستبعد تصير محادثة بين “ماسومي” و “هايبرا” بالفصل 1038 (رغم ان احتماليتها ضعيفة).. بس شخصياً بتمنى يكون التركيز أكبر على “ماسومي” و “شويتشي”.. و يكون حوار “ماسومي” و “ميري” بنهاية الفصل عن “شويتشي” و العيلة بشكل عام بعد شكوكها بـ “سوبارو” و سماعها لكلامه.. طبعاً في حال صار هيك حوار أصلاً

شخصياً عندي توقع قبل ما ننهي موضوع السلسلة و ننتقل لتوقع السلسلة القادمة و الونبسيات.. و بتمنى فعلاً تنتهي السلسلة بـ هالشكل بالضبط انه بنهاية الفصل بعد ما عرف “شويتشي” ان امه بخير بالوقت الحالي.. و احتمالية حصول حديث بين “ماسومي” و “شويتشي” مثل ما حكيت فوق.. بتمنى بنهاية الفصل 1038 ان “شويتشي” يتصل بـ “شوكيتشي” أو يبعتله بريد.. و يقول “شوكيتشي.. أريدك في أمرٍ مهم”.. يعني بطريقة انه يكون في شي براس “شويتشي” و يطلب مساعدة “شوكيتشي” و احنا ما نعرف شو هالشي.. يعني شي مثل ما حكيت بتحليل الفصل 1036 بصراحة بتمنى هالشي يصير.. بدي أشوف دور لـ “شوكيتشي” بـ هالعيلة.. ما بدي اياه بعيد عن الأحداث.. بفضل يكون قريب.. خاصة انه بيعرف حقيقة ان “شويتشي” عايش.. و ان “ماسومي” باليابان هذا شي ضخم بالنسبة له.. و لازم يكون له دور.. فـ بتمنى هالشي يصير بالفصل 1038

و طبعاً الفصل غالباً رح ينتهي بشكل ساخر من “اغاسا” يلي ما رح يصير غني أبداً عكس ما كان متأمل من الطبق يلي عنده

اوك.. بالنسبة للسلسلة القادمة أنا عندي راس خيط عن السلسلة القادمة.. و هو انه رح يكون فيها شي له علاقة بالانكلش و الأحرف الانكليزية.. ليش ؟

لإن “كونان” بالفصل 1037 تذكر يلي بيعرفه عن “ميري” و فجأة طلع معه انها من الـ  MI6

حلو.. شفنا انه توصل لـ هالنتيجة.. لكن ما شفنا كيف وصل لها يعني ما شفنا مثل ما كتبت أنا بتحليل الفصل 1025 كيف الاستنتاج من “الأخت الصغرى من خارج النطاق”.. هذا ما شفناه بالفصل 1037.. شفنا فوراً النتيجة يلي وصل لها

و أكيد ما رح يتذكر كيف عرف و استنتج بالفصل 1038.. لإن ما في شي محفز لإنه يتذكر.. يعني ما بظن يسمع شي يذكره بالموضوع و يخليه يتذكر كيف استنتج من الجملة ان “ميري” من المخابرات البريطانية

لذا غالباً تفسير الاستنتاج رح يتأجل لبداية السلسلة القادمة مع الفصل 1039.. و يلي رح يكون فيها شي متعلق بالانكلش يذكره بالاستنتاج يلي وصله

طبعاً في كتير أمور ممكن تذكره بالانكلش.. لكن أنا برأيي انه لازم نرجع شوي لـ “ران”.. يعني شوي بعدت الأحداث عنها لذا بظن السلسلة القادمة رح تكون “ران” موجودة فيها كشخصية رئيسية.. و يظهر شي له علاقة بالانكلش.. و يخلي “كونان” يتذكر تفسير استنتاجه عن “ميري” بالفصل 1037

ما عندي فكرة بالتحديد شو تفاصيل القضية.. بما انه ما في كتير تلميحات.. بس بتمنى نرجع شوي لـ “ران”.. و ترجع شوي للأحداث

-----------------------------------------------------------------------------------------------------------

بالنسبة للونبسيات هههههههه

بتعرفوا.. ممكن “شويتشي” يضرب العجينة بالحيط.. و يقول لـ “ماسومي” انه قلتيلي ان امك كان صدرها كبير.. و انه انتي ممكن تصيري مثلها  فـ سلميلي عالوالدة و قوليلها تسلمي على هالخلفة هههههههه

لا لا هذي ثقيلة.. طيب ممكن ولا قلك بلاها ههههههههههههههه  خلص بكفي لهون

لهون بكون خلص المنشور.. طبعاً كالعادة.. أي سؤال فأنا موجود على الآسك و تويتر

و السلام عليكم

#كونان

[the-conanner]

File 1036 Discussion, Bad Girl !

انه شي عجيب فعلاً.. شو هالقاتل المرتب هذا ههههههههه

بعد ما قتل الضحية.. رجّع سلاح الجريمة لمكانه بكل ترتيب و أدب هههههههههه مجرم فظيع ههههه

يسعد أوقاتكم شبيبة.. عساكم بخير جميعاً ان شاء الله

بدكم تعذروني هذا الأسبوع.. للأسف أنا مسافر.. و الأمور شوي مش تمام.. عشان هيك الكلام عن القضية رح أجله للأسبوع القادم (بعد الفصل 1037) ان شاء الله

عموماً خلونا نبدأ

----------------------------------------------------------------------------------------------------------\

                                       ما سأكتبه تالياً.. قد يُصيب و قد يُخطئ

بداية في موضوع حابب احكي عنه.. و هو الكرز يلي أحضره “سوبارو” بالفصل 1035 مثل ما شفنا ان “غوشو” قال بتعليقه على الفصل 1035 ان الكرز يبدو الطعام المفضل لـ “يوكيكو”.. يعني الكرز منها.. أو عم يقول انه بتحبه كثير.. لكن غالباً الكرز منها.. يعني تسكر موضوع الكرز و مين أرسله

لكن في موضوع طريف تعليق على تعليق “غوشو”.. و هو دلالة الكرز طبعاً الكرز له عدة دلالات مثل الحياة و الموت.. و عدة أمور.. لكن بحالة “يوكيكو”.. له دلالة واحدة.. و هي الرغبة الجنسية بـ شخص لم يسبق له و أن مارس الجنس من قبل

و هذا الموضوع بيستعملوه بعض الناس.. بإهداء الكرز.. بكونوا راغبين بممارسة الجنس مع شخص لم يسبق له و أن مارسه فـ هذا موضوع ممكن يكون مهم لبعض فانز “شويتشي”.. انه من هالدلالة.. و لحد الآن.. “شويتشي” لم يُمارس الجنس مع “أكيمي” أو “جودي” أبداً هههههههههههههه و خلوا تعليق “غوشو” ينفعكم هههههه

طبعاً شفنا بالفصل كيف “ماسومي” بدأت تهاجم الكل.. و بدأت مع “هايبرا”.. مثل ما شفنا

اوك.. طبعاً هون مثل ما شفنا انه غلط من “هايبرا” انها حكت مصطلح صعب و غريب على طالبة ابتدائية و شفنا ان بعض الفانز قالوا انه ليش “هايبرا” حكت هالمصطلح.. و طبعاً يلي قالته هو تكرار لمقطع واحد بساعد على التوكيد.. و يُستعمل كـ مثل نوعاً ما يعني كان فيها تقول المقطع الواحد بس.. و بيمشي الحال.. فـ ليش قالت هيك ؟

رأيي ان “هايبرا” تقصدت تعمل هيك حتى تتأكد من درجة و حد شكوك “ماسومي” فيها.. و تعابير وجهها هون بتأكد

واضح كيف نظرتها لـ “ماسومي” وقت قالت عن ان هالأمر غريب.. و كيف نظرتها بعدين.. هلأ هذي هي نظرة “هايبرا” الخايفة بالفصل 1035 ؟

لا مش نفسها صح ؟ هذا كله تغير.. فأظن ان “هايبرا” تعمدت تحكي هيك حتى تشوف كمية و حد شك “ماسومي” فيها

هون شفنا ان “سوبارو” قاطع “ماسومي” و وقفها عن هجومها على “هايبرا” تماماً طيب هلأ بجيني واحد بقلي مثلاً طيب انت قلت ان “شويتشي” و “ماسومي” رح يتعاونوا على “هايبرا”.. ليش عم يقاطعها ؟

اوك.. أولاً أنا قلت انه هالتعاون مش رح يصير هالسلسلة.. ولا المرة القادمة يلي رح يجتمعوا فيها هذا الحكي مطول.. و بدو وقت للبناء ثانياً “شويتشي” أول شي لازم يحل الموضوع بينه و بين “ماسومي”.. بعدين بفكر بموضوع “هايبرا”.. لا تنسوا ان “هايبرا” بتعرف وجه “شويتشي”.. و اذا شافته رح تعمل مناحة و زفة مشان “أكيمي”.. فموضوع كشف “سوبارو” لهويته الحقيقية لسه بكير كتير عليها بالنسبة لـ “هايبرا”.. عشان هيك بالبداية لازم “سوبارو” يخلص من “ماسومي” و يتعامل معها بالشكل المطلوب.. بعدين بيلتفت للباقي

طيب.. ممكن حدا يسألني انه اوك.. موضوع “ميري” و “ماسومي” و “هايبرا” رح يفتحه “شويتشي” بما انه هو الوحيد يلي بيعرف كل الحقائق مثل ما شرحت بمنشور الفصل 1035 رجاء ارجعوا اقرؤوه

طيب موضوع “سوبارو” و “ماسومي” مين رح يفتحه ؟ بالنسبة لسؤال “شويتشي” فـ رح أحكي عنه بمنشور الفصل 1037 ان شاء الله.. بس قصدي للمستقبل

شخصياً ما بظن يتكرر موضوع “هوندو ايسكي” مع “ماسومي”.. يعني ما بظن “كونان” يتدخل بين “ماسومي” و”شويتشي” و يقعد يفهم و يحكي.. لا ما بظن في شخصين لهم القدرة على حل هالموضوع الأول هو “شوكيتشي” يلي بيعرف ان “شويتشي” عايش يعني مع تقدم الأحداث مستقبلاً.. ممكن توصل الأمور لمرحلة ان “شوكيتشي” يضطر يحكي لـ “ماسومي” ان أخوها عايش و الثاني هو “جيمس” يلي بيعرف ان “شويتشي” عايش.. و احتمال هو يخبرها

شخصياً أنا مع الاحتمال الأول.. يعني “جيمس” هو يلي خبرها انه ميت.. فـ صعب يخبرها انه عايش ههههه فـ غالباً يلي رح يكون صلة الوصل هو “شوكيتشي”.. و ان شاء الله رح أحكي بالتفصيل عن هالنقطة بوقتها

طبعاً لا حدا يقلي “أمورو” هههههههههههههه ترا بشلح راسي و بضربكم فيه ههههههه

اوك اوك.. احنا فتنا بموضوع ما دخله بالفصل.. خلونا نرجع للفصل.. و لـ “ماسومي” و “هايبرا”.. طيب

أنا عندي نقطة حابب أخذ رأيكم فيها.. و بتمنى تعطوني رأيكم بالتعليقات على تغريدة هالمنشور لما أنشره بـ تويتر احنا شايفين ان “ماسومي” عم تحاصر “هايبرا” بالسلسلة الحالية و سألتها بالفصل 1036 اذا كانت أخذت نفس يلي أخذه “كونان” أو لا

طيب شو رأيكم لو صار التالي

ههههههه شو شبيبة.. نسيتوا ؟؟ ههههههه

نسيتوا ان “ماسومي” سبق و شافت “هايبرا” بهيئة “شيهو”  قبل سلسلة قطار الغموض ؟

تخيلوا معي مثلاً لو بقيت تهاجم “هايبرا” بالفصلين القادمين.. و قالتلها شفت بنت بتشبهك بأحد الفيديوهات من قبل.. مش معقول ان في شبه لـ هالدرجة !! معقول هالبنت هي نفس��ا انتي بعد ما أخذتي العقار يلي رجع “كونان” لـ “شينتشي” بالرحلة المدرسية !! هههههه اووووووه لو تصير ما أحلاها بتكون ههههههههههه

أنا شبه متأكد ان هالنقطة رح يرجعلها “اوياما-سينسي” بالسلسلة الحالية.. بتمنى صراحة و اذا مش بـ هالسلسلة.. فـ بسلسلة قادمة بينهم أكيد.. لإن مستحيل تكون “ماسومي شايفة هيك شي و ما تتذكر أو ما تذكرها بشكل علني حتى تزيد من قوة هجومها.. هذا الفيديو هو راس الحربة بـ هجومها لازم يكون

لا تنسوا تكتبولي رأيكم باحتمالية ظهور هيك شي بالفصلين القادمين بالتعليقات على تغريدة هالمنشور

اوك.. بننتقل لموضوع ثاني.. و يلي هو الذكريات

موضوع شك “ماسومي” بـ “سوبارو” ممكن يخلق فلاش باك

يعني مثلاً ممكن “سوبارو” يعمل شي يذكرها بـ “شويتشي”.. فـ تتذكر مثلاً كيف وصلها خبر موته.. أو تتذكر لقطة لسه ما ظهرت بالمانجا.. مثل لما كان يرسل لها فيديوهات الجيت كن دو و طبعاً نفس الشي بالنسبة لـ “شويتشي”.. كمان ممكن هالشي يخلق فلاش باك براسه عن لحظات كان يلاحظ فيها ذكاء “ماسومي” و سرعة بديهتها

شخصياً بتمنى نشوف شي عن لحظة تلقيها خبر موت أخوها.. هذا الشي ممكن يكشف موضوع علاقتها بـ  “جيمس” يلي صار برأيي لازم تتوضح.. عشان تحضير لـ شي ممكن يصير مستقبلاً

اوك.. و هلأ جينا للموضوع الأهم و يلي شغل الفانز طول الأسبوع الماضي كيف رح يقدر “شويتشي” يهرب من سؤال “ماسومي” بنهاية الفصل 1036 ؟

الفانز طبعاً تذكروا لقاءهم بقضية “يوساكو” المجمدة و كيف انها كانت لابسة تنورة لباس الثانوية الخاصة بالبنات.. يعني شافها و عرف انها بنت لكن النقطة هون انه شافها من الخلف.. و هي لابسة خوذة.. و ما حكت ولا حرف حتى يميز من صوتها.. فـ كيف عرف ؟

اوك.. الفانز بدؤوا يفكروا بحلول منطقية.. بس أنا بقترح حل غير منطقي...لكن مُخجل.. كيف ؟ هههههههه هلأ بنشوف كيف

شفنا بالفصل 1035 ان “سوبارو” قال عن “ماسومي” انها فتاة.. و بالتحديد قال التالي

واضح قال 女の子 يعني فتاة.. و ما قال اسمها.. عشان تكون الوقعة أكبر ههههههه

بس وين أنا شفت هالمصطلح ؟؟ اها صح تذكرت.. شفته هون

هون شفته هههههههه بالفصل 1005.. عالانترنت.. بأخبار حل القضية بسلسلة الرحلة.. بإن الفتاة يلي كانت هناك.. و شاركت بحل القضية كانت ظريفة و مسترجلة

فـ بما ان “سوبارو” شاف “ماسومي” من قبل و هي لابسة “تنورة”.. و عرف انها بنفس الثانوية مع “ران” و “سونوكو”.. فـ طبيعي يفترض انها كانت معهم بالرحلة.. و هي يلي شاركت بحل القضية

فـ يلي رح يصير حسب ظني.. ان “سوبارو” رح يرد على “ماسومي” بالفصل 1037 رد مُخجل لها.. يعني شي مثل “حتى لو كنتي لابسة الخوذة.. فـ هذا ما بيخفي قوامك الأنثوي الجميل”.. و هي بتخجل أو انه يذكر موضوع الأخبار عالنت.. و يقول انهم حكوا عن فتاة مسترجلة و ظريفة.. فـ لما شفت قوامك الجميل.. تأكدت انك انتي البنت يلي حكوا عنها.. كمان بعد هالرد بتخجل

يعني على ما أظن.. انه رح يرد عليها بـ هالطريقة.. بحيث يخجلها و يذكرها انها بنت هههههه بدل ما يبرر و يبحث عن حل منطقي كيف ميزها انها بنت

في شغلة ببالي بتمنى نشوفها بعد الرد.. انه نشوف “شويتشي” عم يحكي بـ نفسه انه ميزتك فوراً لإنك أختي الصغرى.. أو مثلاً لإنك من عائلة “أكاي”.. أو لإنك ابنة والدتك (مثل ما قالت “ميري” بسلسلة الأمواج عن “شويتشي” انه ابن والده).. أو أي شي يعني بشكل عام بتمنى نشوف “شويتشي” عم يحكي بـ قلبه بعد رده على “ماسومي” ببداية الفصل 1037

لكن هالموضوع يمكن يجر أمور ثانية.. قصدي كلام “سوبارو” بالفصل 1037 يعني ممكن يثير شكوك ثانية عند “ماسومي” أو “هايبرا”.. انه كيف عرف انه كنا بـ رحلة مدرسية أصلاً .. و هم ذكروا عالنت بس أنا و “هيجي” و “شينتشي” ؟ معقول بيعرف شي عن “شينتشي” ؟ و “هايبرا”.. ممكن تشك مثلاً انه ليش قاطع “ماسومي” لما كانت عم تسألني لو كنت أخذت نفس يلي أخذه “كونان” ؟

يعني “غوشو” بيقدر يفتح أكثر من باب بالفصلين القادمين.. شخصياً بتمنى عالأقل يفتح ولو باب واحد ههههههه

و أظن كمان سؤال “ماسومي” لازم يثير “شكوك” عند “كونان” بالمقام الأول انه كيف “هايبرا” عرفت “ماسومي” بالفصل 1035 بالأساس ؟؟ انه اوك “شويتشي” عرفها لإنها أخته... طيب و “هايبرا” ؟ اوك فهمنا ان “كونان” عنده فكرة عن علاقة قرابة بين “هايبرا” و “شويتشي” من الفصلين 941-942.. بس “كونان” لازم يفكر انه “هايبرا” بتعرف ان “ماسومي” شقيقة “شويتشي” ؟ يعني بعرف انها بنت خالتها

يعني بشكل عام حابب “كونان” يشغل مخه شوي بالسلسلة الحالية بما يخص العلاقة بين “ماسومي” و “شويتشي” من جهة.. و “هايبرا” من جهة ثانية.. و من سؤال “ماسومي”.. يشك بـ “هايبرا” كيف عرفت “ماسومي” بـ هالسرعة رغم لبسها للخوذة و وقوفها خلف الجدار عند البوابة ؟ و أنا ان شاء الله بحكي لكم يلي عندي عن هالنقطة بمنشور الفصل 1037 أو 1038.. يعني رح أعطي “كونان” وقت يفكر هههههههههههههه

--------------------------------------------------------------------------------------------------------

اوك بالنسبة للتوقعات.. عندي توقع واحد مهم.. و بتمنى من كل قلبي يصير وهو انه نشوف جملة Case Closed  بالفصل 1037 و بتمنى يلي يقولها “سوبارو”.. و هذا الشي يلي ممكن يذكر “ماسومي” بـ “شويتشي” مثل ما حكيت فوق و يخلق فلاش باك

هلأ ممكن “ماسومي” تقولها و يصير فلاش باك عند “شويتشي” عن ملاحظته لذكاءها مثل ما حكيت فوق.. بس بتمنى ان “سوبارو” يغلط و يقولها هو.. عشان هالنقطة تسبب فلاش باك عند “ماسومي” و نشوف شي عن “جيمس” مثلاً و لحظة تلقي “ماسومي” لخبر وفاة “شويتشي” أو شي ثاني مهم يظهر أمور ما شفناها لسه

في توقع ثاني.. لكن مش كتير مهم.. و غالباً مش رح يصير.. و حتى لو صار.. رح يكون بشكل ساخر و عادي

شفنا بنهاية الفصل 1036 ان “ماسومي” قالت التالي

اوك.. قالت انها كانت عم تتجسس.. أو عم تختلس النظر بـ سرية ممكن بعد رد “سوبارو” نشوف “كونان” عم يسألها بشكل ساخر انه و ليش كنتي عم تتجسسي علينا و عم تختلسي النظر ؟ و هي تحط يدها على راسها و ترد بشكل ساخر كمان يعني.. هذا شي ممكن الحدوث.. لكن لو صار رح يمر بشكل سريع و ساخر

------------------------------------------------------------------------------------------------------

بالنسبة للونبسية.. فـ ما في غير ان “ميري” طلبت من “ماسومي” تستعمل جسمها كـ فخ حتى توقع الناس بـ مصيدة مثل ما صار مع “سوبارو” هههههههههههه

لا لا هي اجت بالصدفة طبعاً.. و الدليل انها ما تذكرت إلا بعد ما حكوا المشتبهين ههههه

عموماً هذا كل شي بقدر أكتبه بالمنشور حالياً

بالنسبة للقضية و حلها رح يكون بمنشور الفصل 1037 الأسبوع القادم.. مع الطبقات و اللونين الأحمر و الأسود

باقي موضوع مهم.. انه رجاء لا حدا يرسلي هون عالتمبلر.. لإني نادراً لأفتح أي شي حابين تسألوا عنه أنا موجود على تويتر أو الآسك.. أفضل من هون

و السلام عليكم

#كونان

[the-conanner]

File 1035 Discussion, Cherry !

في شغلة بصراحة ما فهمتها انه اوك “واكاسا” حسب المُفترض عند أغلب الفانز هي حارسة “أماندا” الشخصية يلي هي “أساكا”.. و يلي من المُفترض كمان انه في علاقة (غالباً علاقة حب) بينها و بين “هانيدا كوجي”.. طيب اوك

لو هالحكي سليم 100%.. المفروض بـ هالصفحة من الفصل 1033 تلوم حالها و تقول عن حالها غبية.. لإنها هي الحارسة الشخصية و ما قدرت تحمي لا “أماندا” ولا “كوجي” من القتل قبل 17 سنة هههههه

يعني ما فهمت كيف هي الحارسة و انقتلت يلي كانت تحرسها و يلي على أساس في علاقة حب بينها و بينه.. و هي عم تلوم هذا الشب يلي كان في حب بينهم و عم تقول عنه غبي !!! المفروض تشتم حالها و تقول عن حالها غبية.. مش عن الضحية.. مش هيك المفروض !؟ هيك المفروض ههههههه

��سعد أوقاتكم شبيبة.. ان شاء الله تكونوا جميعاً بألف خير بعتذر طبعاً عن الغياب و الانقطاع عن الكتابة هون بالتمبلر.. بس الظروف دايماً ضدي للأسف الشهر يلي راح كان صعب شوي.. و حالياً عم بكتب هذا المنشور و أنا بـ مكان و وضع على كيفكم ههههه

المهم.. هذا المنشور مش للفصل 1033 أو الفصل 1034.. اوك كتبت سطرين فوق.. بس هذا المنشور عن الفصل 1035 فقط.. و مش عنه كله رح أحكي بس عن بداية الفصل و بعض الأمور بشكل عام.. بما انه لحد هاللحظة ما تم ترجمة الفصل.. فـ ما بقدر أدخل معكم بتفاصيل القضية و انتوا مش فاهمين شي هههههههه فالمنشور مختصر جداً لدرجة اني كنت عم فكر انشر محتواه بـ تويتر.. لكن بسبب كثرة الصور نوعاً ما.. قررت أكتبه هون عموماً.. خلونا نبدأ

----------------------------------------------------------------------------------------------------------

                 ما سأكتبه في هذا المنشور.. قد يُصيب و قد يخطئ

اوك.. خلونا نبدأ من البداية.. و طبعاً أنا رح أحكي بسرعة بـ حكم انكم شفتوا صفحات الفصل عالقليلة.. أو بعضكم بيعرف ياباني.. فـ مش رح أشرح كتير

بالبداية شفنا ان “ماسومي” و “اوكيا” داخلين مع بعض على منزل “أغاسا”.. فـ شفنا ان بعض الفانز ظنوا ان “ماسومي” و “اوكيا/شويتشي” تكلموا و حكوا بين بعضهم و هي عرفت حقيقته قبل ما يدخلوا على البيت.. لكن هذا مش صحيح مثل ما شفنا

هون عم يقول “اوكيا” انه في أمور بدو يسأل “ماسومي” عنها يعني لو متكلمين قبل ما يدخلوا لمنزل “أغاسا” كان سألها وقتها.. هذا بيعني انه ما تكلموا بالخارج فعلاً و عدا عن هيك شفنا ان “ماسومي” ظهرت خلف “اوكيا” و هي لسه لابسة الخوذة و منزلة حاجز العيون.. و هذا بيعني انها دخلت مباشرة بعد نزولها عن الدراجة.. يعني “اوكيا” ما عطاها أي وقت.. و فوراً سحبها للمنزل مثل ما قال هو

بس هون في سؤال فني..كيف عرف “اوكيا” ان “ماسومي” بنت ؟؟ انه اوك هو التقى فيها بـ قضية “يوساكو” المجمدة.. و شافها بـ لباس الثانوية (التنورة).. اوك لكن ما شافها بـ ملابس عادية و هي حاطة الخوذة على راسها أبداً

يعني بالفصل 800 ما شافها بوضوح حسب ما قالت “ماسومي” انها ما شافت “أمورو” وقتها لإنه كان ظلام شوي و ما التقت فيه بشكل واضح بسلسلة قطار الغموض  و ببداية سلسلة الفيديو يلي ظهرت فيه “هايبرا” على نظارات “أغاسا” شافوا بعض عالسريع من بعيد

فـ كيف عرف فوراً انها بنت ؟ بما انه أول ما دخل لمنزل “أغاسا” قال انه شاف هالبنت بالخارج أظن نوعاً ما لازم هالنقطة تثير شكوك عند “ماسومي” لاحقاً بالسلسلة يعني لازم ما تمرعليها أظن .. حلو مثلاً تقله كيف عرفت اني بنت و أنا لابسة خوذة مثلاً و بالعادة الناس بيخربطوا فيي.. يعني شي مثل هيك بيطلع حلو.. و لو اني بستبعد يصير هيك بما انه يمكن حكوا مع بعض بشكل عادي و سريع قبل ما يدخلوا و سمع صوتها و عرفها بكل بساطة هههههههه

في نقطة تانية بالفصل ان “اوكيا” جاي و معه كمية كرز جيدة.. و قال انها من أحد معارفه انه اوك غالباً عم يكذب عشان ما يظهر انه وقته فاضي و ما عنده شي يسويه منعاً لإثارة الشك بهويته عند الحاضرين بس برأيي انه ما في داعي يكذب.. انه ليش يكذب ؟؟ شو المشكلة اذا كان هو يلي جايبهم و قال انه هو ؟ ما في مشكلة !! يعني مش مضطر يكذب أصلاً أظن.. ما في داعي أبداً

طيب اوك.. اذا مش عم يكذب.. معناها هالكرز من مين !!! مين يلي عاطيه اياه ؟ في شغلة ثانية.. يلي معه ثمار الكرز.. يعني كرز نظامي.. مش أزهار الكرز المشهورة باليابان يعني يلي ما بيعرف.. أشجار ازهار الكرز يلي بتعرفوها بالأنمي و باليابان بشكل عام.. مختلفة تماماً عن أشجار الكرز يلي بتعطينا الكرز يلي بناكله الشجرتين مختلفتين كلياً.. عشان تميزوا يعني

فـ هالحكي بيعني ان هالكرز مش من اليابان.. في حدا من خارج اليابان جاي و جايب معه هالكرزات مثلاً ! هههههههههه  و ممكن يكون من اليابان كمان ههههه عموماً بالحالتين أنا متأكد ان “اوكيا” هون مش عم يكذب.. و مش عم يموه.. و فعلاً في حدا باعتله هالكرز و برأيي.. السلسلة مش رح تنتهي.. إلا بـ مكالمة بين “اوكيا” و هالشخص يلي باعتله هالكمية من الكرز

طيب انا ليش متأكد من هالحكي ؟ لإنه ببساطة يلي باعتله الكرز كان فيه يبعلته شي ثاني.. يعني مثلاً كان فيه يبعتله طبخة.. أو أكلة.. أو أي شي فإما كان مستعجل عشان هيك بعتله الكرز.. أو بعتله اياهم هدية لو كانوا من خارج اليابان أما سيناريو ان “اوكيا” كان مستعجل عشان ينزل من البيت و يسحب “ماسومي” من الشارع و يدخلها على بيت “أغاسا” عشان ما تلفت أنظار مثل ما قال.. عشان هيك أخذ الكرز بسرعة بدل ما يعمل طبخة كالعادة و نزل.. ما عجبني أبداً.. ما خرط مشطي أبداً يعني هالسيناريو هههههههه فـ برأيي احنا بـ طريقنا لـ مكالمة بين “اوكيا” و مرسل الكرز بنهاية السلسلة الحالية

اوك.. ننتقل للموضوع الأهم بالفصل.. و يلي هو رغبة “اوكيا/شويتشي” بتوجيه سؤال عن أمر ما لـ “ماسومي” باللقطة التالية

أول شي قبل ما نكمل.. أنا عندي توقع عن هالسؤال.. لكن رح أنتظر التطورات بالفصول القادمة قبل ما أكتب التوقع قبل الفصل الأخير من السلسلة الحالية

اوك.. هذا السؤال بينفي ان في تواصل بين “شويتشي” و “ميري” بشكل نهائي نوعاً ما

و مشان موضوع التواصل هذا و غيره.. راجعوا تحليلي للفصل 1025.. كاتب عن هالموضوع

https://wheel-of-fate.tumblr.com/post/181803647817/file-1025-discussion-b-w

اوك.. هذي الرغبة بالسؤال بتنفي ان في تواصل بين “شويتشي” و “ميري”.. لإن لو في تواصل كان ببساطة بيسأل “ميري”.. هي بتعرف معلومات أكتر من “ماسومي”.. و التواصل معها آمن أكتر معناها ما في تواصل

و لو في شي بخص العيلة بشكل عام.. كان طلب مساعدة من “شوكيتشي” مثلاً.. بما انه مثل ما شفنا.. “شوكيتشي” بيعرف ان “شويتشي” عايش مش ميت.. و راجعوا تحليل الفصل 1025 كمان.. فيه عن هالموضوع و طالما ما تواصل “شويتشي” مع “شوكيتشي” حسب ما شفنا لحد الآن.. و فوراً أظهر رغبته بسؤال “ماسومي”.. معناها هالشي ما بخص العيلة بشكل عام و “شوكيتشي” ما بيقدر يساعد فيه

و أكيد طبعاً مش رح يكشف هويته لـ “ماسومي” بالوقت الحالي.. هذا شي مستحيل يعني.. لإن لو هالحكي صار معناها شخصية “اوكيا سوبارو” ماتت.. و هذا الشي لسه بكير عليه.. لإن التنكر مش بس عشان “أمورو”.. بل عشان المنظمة بشكل عام.. فأي خطأ رح يعرض الكل للخطر.. عشان هيك التنكر لازم يبقى مستمر

و شفناه من قبل بالفصل 954 سأل “ران” و “سونوكو” عن “ماسومي” و لو في حدا قريب منها

انه اوك.. هذا السؤال سأله و مشي الحال.. انه اوك شو في كمان ؟ يعني عرف من البنات وقتها انه ما في حدا قريب من “ماسومي” بـ هالمواصفات إلا “ران” ههههههه فـ أكيد مش رح يكرر السؤال مرة ثانية بعدين هيك سؤال رح يخلي شكوك “ماسومي” توصل حدها.. و يمكن تفضح هويته يلي مش وقتها انه تنفضح

طيب اندوخنا هههههه شو رح يسأل !!! هههههه اوك.. بين الفصل 948 يلي انذكر فيه اسم “اساكا” لأول مرة.. و الفصل 954 يلي سأل فيه “اوكيا” هذا السؤال ما صار شي كبير.. او اختلافات كبيرة بالأحداث يعني يلي صار كان إظهار قدرات “ميري” القتالية حتى يصير في شكوك من الفانز ان “ميري” هي “اساكا” الحارسة الشخصية

لكن بين الفصل 954 يلي انسأل فيه هالسؤال.. و بين الفصل 1035 صار كثير شغلات و كثير أحداث مثلاً صار حل “شويتشي” و “يوساكو” لرسالة “كوجي” و توصلهم لاستنتاج “كاراسوما” بالفصل 1008 و كمان صار اجتماع حفلة الشاي بالفصل 1012 بـ بيت “كودو” بين “شويتشي” و “أمورو” و “يوساكو” و “يوكيكو”.. و هذا الشي المهم

فـ بظن غالباً في شي استجد بـ هالاجتماع.. و تم طرحه على طاولة الحوار.. و هذا الشي احتمال هو يلي بدو يسأل عنه “شويتشي” بالفصل 1035 يعني شي غير موضوع “اساكا” يلي سأل عنه بالفصل 954.. بما انه هالموضوع  تسكر وقتها.. فـ غالباً في شي بخص شي استجد بالاجتماع بالفصل 1012.. و بدو يسأل عنه بدون ما يثير أي شبهات

طبعاً توقعي للأمور مثل ما كتبت بـ تويتر https://twitter.com/WheelFate/status/1138481282206392320

انه اذا صار هذا السؤال فعلاً.. فـ رح يكون مثل سؤال “كورودا” لـ “كومي” بالفصل 1030.. يعني انسأل السؤال.. لكن احنا ما شفنا شي فإذا صار هيك بالسلسلة الحالية.. فـ رح ينسأل السؤال.. و كمان احنا مش رح نشوف شي.. و رح يتأجل موضوع الكشف عن هالسؤال لوقت لاحق

بعض الفانز ممكن يقولوا انه ظهرت صورة “شويتشي” خلف “اوكيا” بـ لقطة رغبته بتوجيه السؤال.. معناها بس بدو يسألها عن حياتها و يطمن عليها لا حبيبي مش هيك الطرنيب.. في ألف طريقة يعرف فيها عن هالموضوع.. ثم انه بيعرف وضعها الحالي و انها عم تدرس بالثانوية من وقت قضية “يوساكو” المجمدة.. و من الفصل 954.. يعني ما في شي يسأل عنه

الصورة طلعت خلف “اوكيا” لسبب ثاني.. و يلي هو بخص شي استجد باجتماع الفصل 1012 غالباً و يمكن يكون بخص “ميري” او “اساكا” (هذا رأيي) و السؤال احنا مش رح نشوفه.. و رح يكون المشهد بنهاية السلسلة مثل مشهد “كومي” بنهاية الفصل 1031 عالأغلب.. لكن المهم و حسب رأيي ان السؤال بخص شي استجد باجتماع الفصل 1012

الموضوع التالي و الأخير قبل ما ننتقل لتوقعات سريعة.. هو موضوع “ماسومي” و “هايبرا” بالفصل 1035

اوك شفنا ان “هايبرا” عم تحاول تتهرب من “ماسومي” بأي طريقة.. كيف ان “ماسومي” قالت انها رح تبقى بالبيت مع “هايبرا” لإنها مش مهتمة بالأثريات و ما شابه.. فـ “هايبرا” قالت انها بدها تروح مع “اغاسا”.. و وقتها “ماسومي” غيرت رأيها و صار بدها تروح يعني واضحة عدم رغبة “هايبرا” ان “ماسومي” تتقرب منها.. و كيف حتى انها مثلت انها نايمة بالسيارة بالطريق

أنا سبق و حكيت بتحليل الفصل 1025 شي بسيط عن افكاري أو شكوكي عن هالسيناريو.. و اليوم رح كمل عنها بشكل مختصر

و الأفضل تقرؤوه من التحليل نفسه مش بس من الصور اوك أنا وقتها حكيت فكرة او نبذة عن شكوكي هذي ان “شويتشي” رح يضغط على “كونان” بحيث يدفعه لـ لقاء “ميري”.. و حكيت بالتفصيل عن علاقات أفراد عائلة “أكاي” ببعضهم بالوقت الحالي

و يبدو هالضغط رح يكون من جهة “هايبرا” مش من جهة “كونان”.. يعني شفنا كيف ان “شويتشي” بالفصل 1035 سمح لـ “ماسومي” تدخل على بيت “اغاسا”.. رغم ان تصرفه صح عشان “ماسومي” ما تلفت أنظار بالشارع.. لكن كان ممكن يتصرف بـ طريقة ثانية و يبعدها مثلاً و شفناه كيف مبسوط بالفصل 1035 بالسيارة لما سمع “ماسومي” و “كونان” عم يتناقشوا و “هايبرا” عم تمثل انها نايمة

يعني ما عم يتصرف ولا أي تصرف يمنع هالموضوع فـ برأيي يلي رح يصير ان “شويتشي” رح يضغط على “كونان” من هالجبهة.. و يسمح لـ “ماسومي” بممارسة هالضغوط على “هايبرا” و التقرب منها

هالتصرف هذا رح يوصلنا لاحتمالين الأول هو وصول “ماسومي” لـ “هايبرا” بنجاح و اختراق الجدار يلي حولها.. و الثاني ان “كونان” يقرر مقابلة “ميري” مقابل انهم يبعدوا عن “هايبرا”.. و انا مع الاحتمال الأول بكل تأكيد

مثلاً ممكن “ماسومي” تتمكن من الوصول لـ “هايبرا” بـ طريقة من الطرق.. سواء بـ هالسلسلة أو بعدها.. يعني مثلاً بـ هالسلسلة.. “ماسومي” كانت عالدراجة النارية قريب من بيت “اغاسا”.. لكن راحت معهم بالسيارة.. هذا بيعني ان دراجتها بقيت هناك.. يعني رح ترجع معهم لهناك

ممكن مثلاً ترميلها ورقة فيها رقم جوال أو شي مثل هيك.. أو عنوان محدد.. أو تاريخ محدد.. أو توصل لها بـ طريقة من الطرق و حسب شخصية “هايبرا” و نظرتي الشخصية لها.. انه الشي الوحيد يلي كاسر ظهرها هو غياب عيلتها.. فـ لما تعرف انه في حدا من عيلتها لسه عايش و موجود بـ طوكيو.. و يلي هي “ميري” شقيقة والدتها “ايلينا”.. و تعرف انها متقلصة مثل حالتها.. و انها بحاجة لمساعدتها.. رح تركض ركض “هايبرا” عشان توصل لـ “ميري” حباً بإعادة نفس العائلة لحياتها

ممكن حدا يقلي انه شو عرف “ماسومي” و “ميري” ان “هايبرا” بنت “ايلينا”.. و شو عرف “هايبرا” ان “ماسومي” بنت خالتها ؟.. يعني كيف رح ينفتح موضوع القرابة هذا اوك أنا مش عم قول ان هالحكي رح يصير بالفصل 1036 أو 1038.. و مش عم قول كمان ان هذا السيناريو يلي ببالي هههههههههه

صلة الوصل الوحيدة يلي بتعرف ان “هايبرا” اخت “أكيمي” و انها نفسها “شيهو” بنت “ايلينا” يلي بتكون شقيقة “ميري” هو “شويتشي”.. “شويتشي” و بس

عشان هيك يلي رح يصير هو شي ممكن نقول عنه “غدر” أو “خيانة” من “شويتشي” لـ “كونان” بـ هالموضوع.. و هو ان “شويتشي” بالمستقبل رح يوصل لـ مرحلة يكشف فيها هويته لـ “ماسومي”.. و اثنيهم يوصلوا لـ “هايبرا” و يفهموها الموضوع.. و يخلوها تقابل “ميري” عشان مضاد العقار.. و هذا توقعي بما يخص هالنقطة

يعني “ماسومي” و “ميري” مستحيل يعرفوا من نفسهم ان “هايبرا” هي نفسها “شيهو”.. يعني اي بصير في شكوك.. بس مش لدرجة انهم يعرفوا حقيقتها بالتأكيد.. يعني حالة “هايبرا” بالنسبة لـ “ماسومي”.. مش مثل حالة “كونان” بالنسبة لها فـ صلة الوصل الوحيدة يلي بيعرف كل هالحقائق هو “شويتشي”.. و ما حدا يقلي “كونان”.. لإن “كونان” ممكن يشرب أسيد و لا بخلي “ماسومي” تستفرد بـ “هايبرا” ههههههه فـ يلي رح يصير برأيي هو غدر من “شويتشي” و اتفاقه مع “ماسومي” عشان “هايبرا” تقابل “ميري”.. و أكيد “هايبرا” رح توافق بكل سرور.. كون رح يرجع الأمل باجتماع نفس العيلة  من جديد لحياتها طبعاً لازم ضروري تقرؤوا تحليلي للفصل 1025 https://wheel-of-fate.tumblr.com/post/181803647817/file-1025-discussion-b-w عشان تفهموا وجهة نظري بـ تفكير “شويتشي” بـ رغبته بالضغط على “كونان” طمعاً بمساعدة “ميري” يلي بيعرف وضعها... و بأكد.. تحليل الفصل 1025 مهم جداً.. رجاء اقرؤوه و افهموه

طبعاً هذا الحكي مش رح يصير بـ سلسلة أو سلسلتين.. يعني ما تتوقعوا هالحكي يصير هذي السلسلة.. أو السلسلة الجاية.. أو يلي بعدها.. هذا الحكي رح ياخذ وقت طويل شوي.. لإنه هذا الحكي بس يصير .. بيعني ان هوية “شويتشي” انكشفت لـ “ماسومي”.. و “هايبرا” اجتمعت مع “ميري” و “ماسومي”.. و عيلة “أكاي” اجتمعت بالكامل و انتهى التشرد.. و بيعني كمان ان “ميري” رح تاخذ مضاد العقار و تبدأ هجومها المضاد يلي صرعتنا فيه.. و هذا بيعني قرب انتهاء آرك “رم”.. و هذا طبعاً بكير عليه ههههههه

فـ اي حبايبي.. لا تنتظروا هذا الموضوع قريباً.. فـ غالباً هالسلسلة رح تنتهي بتلميحات لا أكثر.. أو مجرد اقتراب “ماسومي” أكثر من حقيقة “هايبرا”.. أو “شويتشي” رح يسأل سؤاله لـ “ماسومي” بدون ما احنا نشوف شو السؤال.. و ينتهي الأمر مثل مشهد “كومي” بنهاية الفصل 1031

اذاً كـ تلخيص سريع لـ هالكلام.. ان السيناريو هو ان “شويتشي” رح يغدر بـ “كونان”.. و يتفق مع “ماسومي” بـ طريقة ما عشان يخلي “هايبرا” تقابل “ميري”.. و “هايبرا” رح توافق لإن رح يصير أمل انها تجتمع مع أفراد من عائلتها و تعوض عن خسارتها لعائلتها الصغيرة يلي ماتت.. و طبعاً لقاء “كونان” و “ميري” بعد هذا 

لذا اي.. السيناريو.. هو غدر و خيانة من “شويتشي” بما يخص “هايبرا” طمعاً بمساعدة “ميري” و ارجاعها لحجمها الطبيعي لتنفيذ هجومها المضاد

-----------------------------------------------------------------------------------------------------------

طبعاً في بعض الأمور الصغيرة.. مثل ان “ماسومي” تفاجأت بوجود “كونان” عند “اغاسا” لإنها كانت جاي و متوقعة انه رح تستفرد بـ “هايبرا”.. لكن الحظ خانها.. و هي عكس “شويتشي” المبسوط بالوضع الحالي مثل ما شرحت فوق

في توقع بسيط غير موضوع ان سؤال “شويتشي” لـ “ماسومي” هو شي بخص اجتماع الفصل 1012.. هو انه ممكن نشوف فلاش باك لـ “شويتشي”.. انه مثلاً سماحه و تراخيه لـ “ماسومي” بالاقتراب من “هايبرا” ممكن يذكره بوعد قطعه لـ “اكيمي” مثلاً.. ممكن يذكره بوعد قطعه لـ “شيهو” نفسها.. و ممكن يذكره بالملاحظة يلي كانت بآخر رسالة استقبلها من “أكيمي” قبل ما تموت و يلي لحد الآن ما عرفنا شو فيها بشكل صريح فأنا بظن انه غالباً رح نشوف فلاش باك عن شي بخص ماضي “شويتشي” بالسلسلة الحالية

في ونبسية سريعة هيك.. ههههههههه ان “ماسومي” عم تتعامل طبيعي.. و عم تضغط على “هايبرا” بالفصل 1035.. لإنها متفقة مع “ميري” يلي ممكن تكون عم تلحقهم عشان تستفرد بـ “هايبرا” لما تصير الفرصة مناسبة.. أو انها رح تقتحم بيت “اغاسا” بحثاً عن أي شي بخص “هايبرا” مثلاً هههههههههههههه

لعما ممكن يصير هيك فعلاً ؟ هههههههه

طبعاً بالنسبة للفصل 1036 رح يكون عن التحقيق بما يخص الجريمة.. و رح نشوف شرطة طوكيو.. و رح يكون في مشاهد حلوة بين الشخصيات.. يعني رح يكون في ضغط من “ماسومي”.. و أخطاء من “هايبرا” و “كونان” مثلاً يعني هيك شي... يعني القصد الفصل 1036 مش رح يكون فاضي و بلا طعمة.. رح يكون فيه شغلات كويسة شوي

بالنسبة للقضية و نقاشها.. فـ مثل ما حكيت.. الفصل ما تترجم لحد هاللحظة.. لذا ما بقدر أكتب شي و ناقش الفصل و انتوا مش فاهمين شي علي ههههههه فـ رح أجّل نقاش القضية لتحليل الفصل 1036

طبعاً كالعادة.. أي سؤال أو نقاش.. فأنا موجود بالأسك.. و بحسابي بتويتر

و السلام عليكم

#كونان

[the-conanner]

File 1032 Discussion, Darling !!

انه اوك... حلو السفر لـ غونما و جمع النباتات البرية.. بس في شغلة غريبة

من وين “كوباياشي” و “واكاسا” بيعرفوا هذي المعلمة و بيعرفوا انه هذي سيارتها و جاي من مكان سكنها !! هههههههه شو هيك ! مجالهم مادد لـ “غونما” كمان ! حتى “واكاسا” الجديدة بتعرفها.. جميل جداً هههههه

يسعد أوقاتكم شبيبة.. ان شاء الله تكونوا بألف خير

أول شي شكراً على المعايدات على تويتر.. عالعام و عالخاص بـ عيد ميلادي.. و لـ يلي ما بيعرف.. فـ أنا كملت الـ 28 سنة يوم أمس 17/أبريل.. الله يسلم عمركم جميعاً

ثاني شي عذراً اني ما كتبت شي عن الفصل 1031.. و حتى الحين بالفصل 1032 رح أختصر كتير رغم ان الفصل جيد جداً.. لكن للأسف أنا بـ وضع صعب اني أقعد فترة طويلة و أكتب نص طويل.. لذا عذراً

المهم.. خلونا نبدأ بالفصل و محتوياته.. كتير حابب أناقش أحداث القضية

اوك.. اول شي أكيد متذكرين ان “غوشو” حكى بتلميحات قبل الفصل 1032 انه و أخيراً الاثنين رح يلتقوا طبعاً هو بيقصد “واكاسا” و “يامامورا” يلي مؤديي أصواتهم هم نفسهم مؤديي أصوات بطلي مانجا  Urusei Yatsura  و مؤدية صوت “واكاسا” هي نفسها مؤدية صوت “لَم” يلي هي بطلة القصة.. و هي دايماً بتقول “عزيزي” أو “دارلينغ” و هون بالفصل 1032 قالتها 

أكيد كل حدا شايف أنمي  Urusei Yatsura  رح ينتظر هالفصل يصير أنمي حتى يشوف هاللقطة هههههههههههههه الفصل مليان بتلميحات و أمور بتتعلق بـ هالمانجا.. لا داعي لذكرها

اوك... الحين رح نبدأ بأحداث الفصل.. شفنا ان الفصل بدأ بـ جريمة وحشية من العيار الثقيل.. و الدم للركب.. و المجرم معروف من البداية.. و الصراحة هذا النوع من الجرايم أنا بحبه.. انه نكون عارفين المجرم من البداية.. فـ بيبقى الحل على شخصيات القضية.. و علينا احنا انه نحاول نحل لغز الجريمة و طرق إحفاء خدعها

بما انكم أكيد قرأتوا الفصل.. فأنا مش رح أعيد أحداثه و أسلسلها.. و رح أبداً فوراً بتحليلي للأمور يلي صارت بالفصل

                         ما سأكتبه تالياً.. قد يُصيب.. و قد يُخطئ

طبعاً السؤال الأهم بالقضية.. وين كانت الجثة و كيف ظهرت بشكل مفاجئ بـ هالطريقة ؟

برأيي الجثة كانت موجودة من البداية عند الشجرة.. يعني من قبل ما يوصلوا.. و المجرمة غالباً وضعت الجثة بمكانها و راحت بعدين فوراً عشان تجيب الطلاب و المعلمات.. و دارسة مكان وضع الجثة بشكل جيد.. و حاسبة كل شي من جميع النواحي

أول شي عملته هي وضع صناديق الكرتون بالسيارة.. و هيك لما الطلاب يجوا بدهم يطلعوا بالسيارة رح يشوفوا الكرتون.. و المعلمة تقترح عليهم يحطوهم على النوافذ مثل ما شفنا 

واضح.. بالكرتون سدّت النوافذ الجانبية من الجهة اليمين.. و النافذة الخلفية.. و هيك أغلقت مجال الرؤية للجهة اليمين بشكل كامل.. و شفنا ان مكان الجثة بالنسبة للسيارة كانت بالجهة اليمين.. يعني مكان الكرتون كان مدروس تماماً

الشي الثاني يلي عملته هي طلب الصورة بعد نزولهم فوراً من السيارة بحجة الذكرى

ذكرى !! هههههههههه لك لا تسلبيها علينا.. قال ذكرى قال.. الصورة حجة أمام الشرطة.. انه أمام الشجرة ما كان في أي جثة.. مثل ما قالت “واكاسا” أمام “يامامورا” تماماً

ذكرى ها !! هههههههه واضحة الطبخة.. أخدتي الصورة عشان تكون دليل لصالحك انه ما كان في جثة أصلاً وقت وصولهم للغابة

الشي الثالث يلي عملته هي صف السيارة

اوك.. هون بالصفحة يلي فوق.. شايفين تماماً انه في مؤثرا صوتية “بيب” “بيب” “بيب”.. و هذي صوت غيار الرجوع للخلف بالسيارة يلي ما بيعرف.. لما السائق يركب غيار الرجعة للخلف.. و يبلش يرجع.. بصير يطلع صوت “بيب” “بيب” متواتر من السيارة.. بإن السيارة عم ترجع للخلف طيب شو بهمنا هذا الكلام ؟ يلي بهمنا انه هي ما عم تمشي للأمام عشان تصف السيارة !!! يعني بدل ما تمشي للأمام و تصف بشكل سهل و سلس.. عم ترجع للخلف عشان تصف.. و صف السيارة للخلف أصعب من صفها و انت ماشي للأمام.. يعني هي هون عم تعمل الشي الأصعب.. طيب ليش ؟؟

لإنها مشيت للأمام.. “كوباياشي” رح تشوف الجثة أمام الشجرة.. و تخرب كل مخططاتها.. فـ هي تعمدت الذهاب لمكان بعيد شوي.. و مثل ما شفنا فوق.. عم ترجع للخلف.. و يبدو انها عم ترجع للخلف من مكان بعيد.. لإن مؤثرات الـ “بيب” كثيرة على مسافة قصيرة.. لذا هي مشيت لمكان بعيد شوي عن الشجرة (مكان الجثة) و بدأت ترجع للخلف عشان ما حدا يشوف الجثة بما انها مغطية النوافذ الجانبية عاليمين و الخلفية بالكرتون

لإنها لو مشيت للأمام عادي.. لكان كل يلي بالسيارة شافوا الجثة.. و طبعاً لما تنزل من السيارة هي الوحيدة يلي رح تنزل من الجهة اليمين.. و الباقي مثل ما شفنا رح ينزلوا من الجهة الثانية

الشي الرابع يلي عملته هي تصرفاتها أثناء الرجوع للخلف

يعني عفواً من حضرتك.. بس فضحتي الدنيا.. في واحد ما دخله قاعد بـ ساحل العاج.. شافك شو عملتي هههههههه

حالياً أغلب السيارات فيها كاميرا الرجوع للخلف.. يعني لما تركب غيار و تبلش ترجع للخلف بالسيارة في كاميرا بتكون عم تصور من السيارة من الخلف.. و الفيديو بيطلع على شاشة أمام السائق.. سيارتي مثلاً فيها هيك

اوك.. لنفرض سيارتها ما فيها هيك.. طيب المراية كمان عطلانة !!! ليكها المراية أمامها !! ليش ما رجعت للخلف و هي عم تشوف من المراية !! ليش طلعت راسها ؟؟

اهاا.. هي ما طلعت راسها عشان ترجع للخلف.. هي طلعت راسها عشان تحط مرفقها على النافذة و تسد رؤية المراية على بقية الركاب داخل السيارة لإن لو رجعت للخلف عالمراية.. هيك ممكن “كوباياشي” أو يلي قاعد وراها يشوف المراية و هيك ممكن يشوف الجثة الموجودة أمام الشجرة

بس هي طلعت راسها و رجعت بـ هالطريقة رغم وجود المراية.. عشان تحط مرفقها على النافذة و تسد مجال الرؤية عبر المراية أمام الركاب بالسيارة

الشي الخامس يلي عملته هو اختيار “أيومي” للذهاب معها لجلب الشراب

اوك أنا مش معترض على رفضها لمساعدة “واكاسا”.. صحيح بهيك أنشطة من الجيد جعل الأطفال يشاركوا.. تصرف حكيم من المجرمة كـ معلمة.. بس أنا معترض على اختيارها لـ “أيومي” حصراً

يعني في أمامها واحد مثل الثور يلي هو “غينتا”.. مش بس بيحمل أكياس الشراب.. بيحمل المعلمة كمان ههههههههه في “ميتسوهيكو”.. أو “كونان” يعني المهم ولد.. مهما كان بيبقى جسدياً أقوى من “أيومي” البنت.. فـ ليش اختارت “أيومي” بالذات ؟

اهاا.. لاحظوا ان المجرمة عم تطق صور على أبو جنب... يعني أخذت 3 صور بعد الصورة التذكارية و لاحظت أكيد ان “هايبرا” هادئة.. و حاملة كتاب النباتات و فهمانة.. و ان “كونان” عم يحاول يحذر “ميتسوهيكو” من لمس النباتات الخطرة.. يعني كمان فهمان و واعي و لاحظت ان “ميتسوهيكو” واعي و راكز بحيث انه سمع النصيحة و ما لمس النبتة الضارة.. و “غينتا” عطشان.. ما بيقدر يروح يمشي للسيارة و يحمل الشراب للكل

فما بقي أمامها غير “أيومي” الضعيفة و يلي ما ظهر عليها أي علامات حذر أو وعي .. بس ليش هي اختارت الأضعف المجموعة ؟

اها.. هون اجينا للزبدة.. السبب ان المعلمة (المجرمة) عملت خدعة و خدعت “أيومي” عشان تكشف الجثة

أول شي المجرمة و “أيومي” راحوا يجيبوا الشراب

اوك.. أول شي المجرمة دخلت للسيارة حتى تجيب الشراب بعدين اتحججت ان أحد اقراطها وقع و آخر شي يدها اليمين بآخر جزء من الصفحة غير مرئية بالنسبة لنا.. يعني شايفين يدها اليسرى عالأرض.. بس يدها اليمين الله أعلم وينها

طيب أنا عندي تساؤل بسيط قبل ما نبدأ شرح.. شو يلي عرف المجرمة ان القرط يلي ضاع سقط هون عند السيارة ؟ مش ممكن مثلاً يكون سقط داخل السيارة لما دخلت تجيب الشراب ؟ ههههههههههه يعني ليش حسمتها انه أكيد سقط أمام السيارة و نزلت فوراً تبحث بين العشب و الوحل !!! يمكن يكون القرط وقع بـ ليبيا ! هههههههه ليش هون بالتحديد ؟ 

واضح ان المجرمة بدها أي حجة عشان تنزل عالأرض بجانب إطار السيارة الأيسر

طيب ماذا لو لما دخلت السيارة عشان تجيب الشراب.. نزلت الفرامل اليدوي معلومكم لما يكون الفرامل اليدوي لليسارة مرفوع.. مستحيل تتزحزح شبر واحد.. خلص السيارة بتثبت مكانها.. فـ مثلاً لو لما دخلت المجرمة تجيب الشراب.. نزلت الفرامل اليدوي.. و هيك بتصير حركة السيارة سهلة.. و لما طلعت تحججت ان قرطها سقط أمام السيارة.. و نزلت فوراً عند الإطار.. و بـ غفلة من “أيومي” وضعت ركبتيها على الأرض.. و يدها اليسرى على الأرض.. و صارت بـ وضعية جيدة للدفع.. و وضعت يدها اليمنى على إطار السيارة.. و بدأت بـ دفع السيارة للامام

بـ هالطريقة بتقدر تدفع السيارة عدة سنتيمترات للأمام بما ان الفرامل اليدوي نازل و الأرض عشبية زلقة نوعاً ما... و تكشف الجثة الموجودة أمام الشجرة

اوك الحين ممكن أحد يقلي انه ما كان في شي أمام الشجرة.. كيف الجثة ظهرت امامها فجأة ؟

اوك صديقي.. بالحقيقة في شجرتين جنب بعض تماماً

واضح تماماً.. في شجرتين جداً قراب من بعض.. فالصورة يلي تم التقاطها بالبداية من قبل المجرمة.. كانت للشجرة الخلفية.. بينما الشجرة الأمامية يلي أمامها الجثة كانت مغطاة بالسيارة.. فـ لما دفعت السيارة للأمام مثل ما شرحت فوق.. ظهرت الشجرة الأمامية و الجثة أمامها

و الدليل هي رائحة الدم.. لإن لما وصلوا.. “هايبرا” قالت التالي

اهاا.. الرائحة منعشة.. يعني ما كان في رائحة دم هههههه

طيب ليش ظهرت رائحة الدم فجأة ؟؟ 

تغير اتجاه الرياح ؟ لا ياغالي مش هذا هو السبب بإن رائحة الدم ظهرت.. السبب انه صار في رياح بالمقام الأول ههههههه دفع السيارة للأمام فتح مجال جيد للهواء من الغابة.. و هذا يلي تسبب بنشر رائحة الدم... يلي ما كانت موجودة بالأساس لإن السيارة كانت مغطية على الجثة مثل ما شرحت

طبعاً آثار الجر بين الشجر من الغابة يلي على أساس هي آثار جر أحدهم للجثة و إحضارها لمكانها هذ�� تمويه من المجرمة انه في حدا من الخارج أحضر الجثة جرّاً لمكانها لكن الجثة تم احضارها من المجرمة حصراً

أولاً بين الجريمة و بين احضار المتحرين الصغار للغابة في مدة 5-6 ساعات مثل ما قدّر “كونان” بالفصل

اوك.. بـ خمس أو ست ساعات بتقدر المجرمة تغسل آثار الدم عن حالها.. و تغير ثيابها.. و تخطط منيح لـ خداع الجميع.. و تحضر الجثة لـ هالمكان

لكن شو الاثبات انه هي يلي أحضرت الجثة لهون.. مش شخص آخر جر الجثة بالغابة مثل ما شفنا ؟

السبب هو وضعية رأس الجثة.. طبعاً هيك مكان بعيد بالغابة.. أكيد المجرمة ما حملت الجثة بـ يديها و جابتها لهون.. أكيد جابت الجثة بالسيارة

و مثل ما شفنا وضعية الجثة كانت كالتالي

مشهد قاسي فعلاً.. بس احنا شفنا ان الجريمة هي جريمة طعن.. مش جريمة كسر عنق.. طيب ليش الجثة تقريباً تم كسر عنقها.. أو على أقل تقدير تم ثني عنقها بـ هالشكل ؟

السبب هو وضعيتها بالسيارة.. المجرمة أكيد حسبت حساب ان الأطفال رح يركبوا بالسيارة.. و اذا وضعت الجثة على مقاعد الركاب.. رح تضطر بعدين تغسل السيارة عشان آثار الدم.. و يمكن الآثار ما تروح كلها.. و رح يسبب تساؤلات انها غسلت السيارة  قبل مجيء الضيوف فوراً.. فـ غالباً وضعت الجثة بالصندوق الخلفي للسيارة.. و هذا النوع من السيارات باب الصندوق الخلفي خاصتها بيفتح للأعلى.. و الصندوق ضيق جداً بسبب سعة المقاعد بالأمام.. لذا المجرمة وضعت الجثة بالصندوق الخلفي و أغلقت الباب.. لكن يبدو ان الباب ثنى رقبة الضحية لضيق المساحة.. أو ممكن المجرمة نفسها كسرت عنق الضحية حتى تقلل المساحة المطلوبة لوضع الجثة

لذا اي.. سبب وضعية عنق الضحية هو باب الصندوق الخلفي للسيارة.. و احتمال اذا تم تفتيش الصندوق.. يتم ايجاد دليل ما على ان الضحية كان موجود بعد قتله هناك.. مثل آثار دم.. أو خاتم الزواج مثلاً.. أو أي شي

في شي أخير بدي أحكي عنه عالسريع قبل ما نحكي عن الدافع و سوء التفاهم.. هو خاتم زواج المجرمة

اوك.. هون ببداية الفصل.. ما في خاتم زواج بـ يدها.. لكن بعدين

لعما ! من وين اجا الخاتم ههههههههههه لسه من 6 ساعات ما كان في بـ يدك شي.. كيف الحين صار الخاتم بـ يدك !! الحين ممكن حدا يقلي انها خلعته قبل الجريمة عشان ما يتلوث بالدم مثل ما خلعت الأقراط كمان عشان ما يتلوثوا بالدم.. لإنها رح تلبسه لاحقاً أمام الضيوف عشان تفرجيهم انها متزوجة.. اوك ممكن لكن احتمال بعد ارتكابها للجريمة تكون اكتشفت سوء التفاهم يلي حكى عنه الضحية قبل ما ينقتل.. و هذا الخاتم احتمال يكون له علاقة بـ سوء التفاهم هذا

اوك.. رح نجي لـ موضوع سوء التفاهم

اوك.. هي قالت انه هذا المنزل هو يلي بناه الضحية من النقود يلي جمعها من خداع النساء الغبيات مثلها.. و هذا هو عش الحب يلي عايش فيه مع إحدى الساقطات.. و هو رد انه هذا سوء تفاهم

طيب لو فعلاً هالكلام صحيح.. لكان مثلاً اعتذر.. يعني كان أيقن انه انكشف.. و كان اعتذر.. أو حاول يبرر.. لكن فوراً قال سوء تفاهم.. فـ احتمال يكون فعلاً موجود سوء تفاهم

شو رأيكم مثلاً بـ سيناريو ان الساقطة يلي عم تحكي عنها المجرمة هي بالواقع شقيقة الضحية الغير شرعية.. يلي كان الضحية خافيها عن الأنظار لأسباب بتتعلق فيه كـ مدير تنفيذي لـ شركة.. أو انه كانت شقيقته هذي بعيدة عن المنطقة.. و غنية.. و لما رجعت اشترت الفيلا له... و عاشوا فيها سوا مثلاً.. و هي فهمت الموضوع غلط.. و هو ما خبرها عشان سمعته كـ مدير تنفيذي و خايف من الفضايح.. يعني هيك بكون سيناريو منطقي حتى يكون سوء تفاهم

فـ لو اكتشفت للتو سوء التفاهم.. بكون مصيبة انها تحملت حالها و ما انتحرت.. و اذا لسه ما اكتشفت.. فالمصيبة أعظم.. لإنها ممكن تسبب أذى للأطفال لما تعرف.. أو تحاول تنتحر بالسيارة من على شي جرف مثلاً

عموماً هذا يلي ممكن أفكر فيه عن سيناريو سوء تفاهم.. يلي هو علاقة أسريّة غير شرعية بين الضحية و الساقطة يلي حكت عنها المجرمة.. ما حب يحكي عنها عشان ما تتسبب بـ فضايح له كونه مدير تنفيذي لـ شركة.. لكن الأمر تسبب بـ فقدان خطيبته لصبرها.. و قتله بـ دم بارد.. مع عدم إعطاؤه أي فرصة للتبرير أو توضيح الموقف

طبعاً المجرمة غلطت أكثر من غلط.. رغم طنها انها أغلقت جميع الثغرات مثلاً الفرامل اليدوي يلي نزلته عشان تدفع السيارة للأمام.. اذا الشرطة تفقدت السيارة.. رح يشوفوا ان الفرامل نازل.. و هذي نقطة شك ضخمة بالنسبة لـ “كونان” بتحقيقه

مثلاً تلوث أصابعها أثناء البحث عن القرط الضائع

انه اوك.. رؤوس أصابع يدها اليسرى ملوثة بالتراب.. صحيح.. من البديهي اذا شخص عم يبحث عن شيء بالتراب... رح يبحث بـ رؤوس أصابعه عشان ما يضيع الشي يلي عم يبحث عنه اذا استخدم كامل يديه.. بينما رؤوس أصابع يدها اليمنى غير ملوثة مثل أصابع يدها اليسرى.. و هذا بيعني ان يدها اليمنى ما كانت بالتراب أصلاً

يدها اليسرى تلوثت تماماً خصوصاً رؤوس الأصابع لإنها استندت على الأرض و على يدها اليسرى بكامل قوتها حتى قدرت تدفع السيارة للأمام بـ يدها اليمنى عدة سنتيمترات و يدها اليمنى ملوثة قليلاً من لمسها لإطار السيارة.. و من وضعها لـ يدها على الأرض بعد انتهائها من دفع السيارة.. و لهذا رؤوس أصابع يدها اليمنى غير ملوثة.. لإنها لم تستند على يدها اليمنى كما فعلت بيدها اليسرى.. و لم تبحث بالتراب أصلاً.. و هذا الفارق بين ايديها يلي ركز عليها “غوشو” و يلي ممكن لاحظه “كونان” كمان

كمان اقترابها من الجثة بشكل مشبوه بعد اكتشافها أمر غير عادي... يعني هي من المفترض انها غير ملابسها تماماً و نظفت حالها خلال 6 ساعات بعد ارتكاب الجريمة.. فـ ليش لتقرب على الجثة بـ هالطريقة ؟ اوك ممكن يكون تمثيل أمام الضيوف حتى ينخدعوا فيها و يشهدوا لصالحها.. و ممكن عشان تقرب و تقول “عزيزي” و يعرفوا يلي معها انه هذا خطيبها. و ممكن عشان تترك بصماتها على ملابس الضحية من الخلف و من أماكن مستحيل تكون بصماتها عليها.. لإنها حملته و وضعته بـ صندوق السيارة مثل ما حكيت.. فـ غالباً اقترابها من الجثة كان لترك بصماتها بالأماكن يلي مش من المألوف تكون موجودة فيها على ملابس الضحية حتى لو كان خطيبها.. و هذا طبعاً للتغطية على انها حملته و وضعته بصندوق السيارة

يعني في عدة أمور مشبوهة ثانية.. لكن رح أكتفي بهذا القدر.. خاصة ان ممكن كل كلامي يتم نسفه بالفصل 1033 اذا استجد معطيات جديدةعن القضية

في عندي سيناريو ثاني لـ طريقة اخفاء الجثة و اظهارها بـ هالطريقة.. و ان شاء الله اذا استجد أي معلومات و معطيات جديدة بالفصل القادم بتدعم هالسيناريو رح أحكيه

اوك.. يعني.. شو في كمان !! اي صح في لقطة “واكاسا” و تذكرها لـ “هانيدا كوجي” بالفصل

هذي اللقطة كان بعد اشتمامها لـ رائحة الدماء

اوك.. أنا مش رح أحكي كثير عن الموضوع.. بما ان الوقت ما بيسمح و رح أتركها لتحليل الفصل القادم اذا الله أعطانا عمر.. لكن هاللقطة بتذكرني بـ شغلة

اوك.. مين هذا يلي بشم رائحة الدم مثل القرش ؟؟؟

اوووف لعما !! المتحري !! هههههههههه يا ساتر اذا هالحكي صحيح ! يعني بدك تقلي ان “واكاسا” بالحقيقة متحرية ؟؟ طيب “هايبرا” شمّت رائحة الدم بالفصل 1032 و هي مش متحرية.. هي عالمة و شغلها بالمخابر.. كيف هيك ؟

طيب معناها “واكاسا” بالحقيقة إما “متحرية”.. أو “عالمة و شغلها بالمخابر” ههههههههه

اوك اوك.. ما علينا.. هذا راجعينله بعدين ان شاء الله

بس المهم ان الفانز بدؤوا يشكوا بالسائل يلي نازل من فم “كوجي” بذكريات “واكاسا” بالفصل 1032.. و طبعاً هذا دم.. و جبت مثال على حسابي على تويتر.. بتقدروا تراجعوا حسابي و تشوفوا و تقارنوا.. و طبعاً في كتير أكثلة بالمانجا فيها نفس لون الدم و نفس التظليل.. هذا مجرد تظليل لا أكثر

لكن الأهم من هيك هو اعتماد الفانز على رسم الدم و انه هالكمية من الدم ما كانت موجودة بـ ذكريات “كورودا” بالفصل 987

و هذا بيعني ان “واكاسا” كانت بمسرح الجريمة و شافت “كوجي” قبل ما يجي “كورودا” لمسرح الجريمة.. بدليل ان الدم يلي بذكريات “واكاسا” مش موجود بـ ذكريات “كورودا”.. و هذا بيعني ان “واكاسا” كانت بمسرح الجريمة قبل “كورودا” خاصة انه عندها قدرة قوية على شم رائحة الدم... فأكيد حضرت لمسرح الجريمة بسرعة و قبل الكل.. و هذا بيثبت ان “واكاسا” مش “رم” كمان.. لإنها شمت رائحة الدم و حضرت بعد الجريمة.. معناها مش هي يلي قتلت “كوجي” أصلاً

اوك.. أولاً بالنسبة لموضوع الدم.. فهذا مش مقياس شباب

القصة كلها مجرد اضافة لحظية أثناء رسم لقطة “واكاسا”.. عشان يبرر شم “واكاسا” لـ رائحة الدم بالقضية.. و الدم أصلاً موجود بـ لقطة “كورودا”.. لكن تم توضيحه أكثر بـ لقطة “واكاسا” لضرورات القضية لا أكثر.. فـ هذا شي ما بينبنى عليه أي شي

ثانياً بالنسبة لـ شم “واكاسا” لـ رائحة دم “كوجي” و اسراعها لمسرح الجريمة يثبت ان “واكاسا” مش “رم”.. طيب مين قال ان “واكاسا” شمّت رائحة دم “كوجي” من بعيد ؟؟ يعني ضروري لإنها شمّت رائحة دم الضحية بالفصل 1032 تكون ضروري اجباري شمّت رائحة دم “كوجي” من بعيد قبل 17 سنة !!! لا مش ضروري.. ممكن شمّت رائحة دمه و هي قريبة منه.. مش ضروري من بعيد يعني

و الشي الأهم.. مين قال ان “رم” هو يلي قتل “كوجي” أصلاً ؟ اوك احنا عارفين ان “كوجي” أخذ العقار حسب قائمة متناولي العقار.. بس مين يلي أعطاه العقار ؟ “رم” أكيد “رم” 100% ؟ لا مش أكيد هو يلي أعطى العقار لـ “كوجي”.. مش ضروري أبداً

عموماً أنا مش حابب أدخل بـ تفاصيل قضية “كوجي” حالياً.. رغم انه قرب وقتها.. بس لهون بيكفي بالوقت الحالي

اوك.. بالنسبة للتوقعات للفصل القادم 1033

طبعاً السلسلة الحالية مهمة جداً حسب كلام “غوشو” بالعرض الرئيسي للفيلم 23 بتاريخ 11/أبريل.. لذا من المتوقع رؤية المزيد من الأمور عن “كوجي” و “واكاسا” بذكريات “واكاسا”.. ممكن مثلاً يكون في شي بالقضية الحالية مرتبط بقضية “كوجي” قبل 17 سنة

ممكن مثلاً علاقة الضحية بالساقطة يلي حكت عنها المجرمة شبيهة بـ علاقة “واكاسا” بـ “كوجي” أو أحد أطراف القضية قبل 17 سنة على سيرة أطراف القضية قبل 17 سنة و “واكاسا”.. بعض الفانز بعد الفصل 1032 قالوا انه هوية “واكاسا” تاكدت انها “أساكا” حارسة “أماندا” الشخصية اوك انا مش مختلف كتير معكم.. بس عفواً يعني و عدم المؤاخذة للسؤال.. هي حارسة “أماندا” الشخصية صح ؟ طيب ليش لحد الآن ما شفنا شي عن “أماندا” يلي من المفترض انها حارستها الشخصية ؟ ليش دايماً كل شي عن “واكاسا” بخص “كوجي” ؟ من حجر الشوغي يلي معها.. لـ ذكريات رائحة الدم.. ليش ما في شي عن “اماندا” يلي من المفترض انها حارستها الشخصية !! فكروا فيها منيح هذي ههههههههه

اوك نرجع للتوقعات.. ممكن مثلاً تكون العلاقة بين الضحية و الساقطة يلي حكت عنها المجرمة شبيهة بعلاقة “واكاسا” مع “كوجي” أو أحد أطراف القضية قبل 17 سنة

غالباً أو الشي يلي متأكد بشكل شبه كامل منه.. ان “واكاسا” رح تعمل تصرف مريب بالفصل 1033 تثير شكوك “كونان” من جديد حولها و تذكره بالأمور يلي عملتها سابقاً و يلي بدأ يتذكرها بالفصل 987 شبه أكيد رح تعمل شي ترجع الشكوك لـ “كونان”.. و بستبعد يصير شي يخلي رادار “هايبرا” الخاص بالخطر أو رائحة المنظمة يشتغل.. لإنه المرة الوحيدة يلي اشتغل فيها كان بحضور “كورودا”.. و اذا اشتغل الحين رح يكون حصر من “غوشو” ان الاحساس جاي من “واكاسا”.. و هذا شي بكير عليه.. لذا غالباً الشكوك رح تكون فقط من “كونان” بالفصل القادم

الشي الثاني يلي انا شبه متأكد منه ان “واكاسا” عرفت كثير أمور من النظرة الأولى للضحية مثل ما شفنا بالفصل

و هذا شي ممكن يكون مبني على رؤية سابقة لمسرح جريمة “كوجي” و يلي ممكن يحضر ببالها بالفصلين القادمين.. و يلي غالباً رح ينتج عنه تلميحات منها لـ “كونان” حتى يحل القضية مثل ما شفنا بالقضايا يلي ظهرت فيها لحد الآن

اوك في احتمال ببالي لكن بعيد كتير و شبه مستحيل يصير.. ان “واكاسا” تكون لابسة ملابس خفيفة تحت السترة يلي لابستها.. و ممكن يصير شي بالفصلين القادمين يجبرها تقلع السترة.. و تظهر بعض الخدوش الموجودة على جسدها.. و يشوفها “كونان” و ترجع تتحرك شكوكه من جديد.. لكن هذا احتمال مستبعد.. و دايماً ببالي انه حتى يصير هيك.. لازم يكون في مياه بالقضية.. يعني تضطر تنزل بـ بحيرة او نهر.. و بـ هالطريقة بتظهر الخدوش بسهولة

طبعاً أكيد بالفصل القادم رح نحصل على مزيد من التلميحات بما يخص القضية و خدعها.. و بنهاية الفصل القادم رح نشوف اللقطة المعتادة لـ “كونان” انه حل القضية و عرف خدع المجرمة.. و حل القضية رح يكون بفصلها الثالث

و هيك بكون وصلت لنهاية المنشور.. بعتذر انه كان قصير نوعاً ما.. كنت حابب أكتب أكثر من هيك.. لكن الوقت ما بيسمح.. و الوضع ما بيسمح للأسف.. ان شاء الله بيتعوض هذا بالأسابيع القادمة

و كالعادة أي سؤال.. فأنا موجود على تويتر

و السلام عليكم

[the-conanner]

File 1030 Discussion, Suicide !!

اوك.. شفنا فلاش باك عن ذكريات “كومي” لـ لقاؤه مع “أمورو” و “سكوتش” لما كان يدرس بالجامعة بـ طوكيو كان وقتها “كومي” عمره بين 18 و 22 سنة.. و حالياً عمره 35 سنة.. و “أمورو” حالياً عمره 29.. يعني وقتها كان عمره “أمورو” بين 12 و 16 سنة ههههههه يعني خلينا نقول كان عمره 16 (تقريباً نفس عمر “شينتشي” حالياً) و شكله كان كما يلي 

يعني بدي أفهم شو اختلف عن شكله الحالي و عمره 29 سنة !!! ههههه

لا يوجد أي فرق بالشكل ههههههههههه أبداً.. رغم ان الفرق بالعمر 13 سنة تقريباً.. ولا شي ههههه فترة بسيطة هههههههه

يسعد أوقاتكم جميعاً.. ان شاء الله تكونوا بألف خير

للأسف المنشور هذا رح يكون مختلف شوي عن يلي قبله عدا عن كونه قصير رح يكون أشبه بتعداد نقاط.. يعني قصير لدرجة انه مش منشور.. فقط مجرد تعداد نقاط و الحديث عنها بشكل بسيط و سريع لا أكثر.. عموماً فلنبدأ

اوك.. مثل ما شفنا بـ غلاف الفصل 1030

لا مش هذا ههههههه قصدي هذا

في حركة حلوة موجودة عالغلاف أولاً اسم “كومي” يلي هو “تاكاكي” بينكتب كالتالي بالياباني 高明

و اسم “سكوتش” يلي هو “هيروميتسو” بينكتب كالتالي 景光

و بجمع الكانجيين المثخنين بالخط على الغلاف و يلي هم 光明 بيطلع معنا المعنى “الضوء المشرق” او “المستقبل المشرق” أو “الأمل”.. و هذي اشارة حلوة على رقي الشقيقين “موروفوشي” و حسن تربيتهم و تعاملهم مع الناس دائماً

شفنا كيف “كومي” ضحّى بحياته و رتبته بالشغل عشان ينقذ صديق عمره “كانسكي”.. و شفنا كيف “سكوتش” ضحّى بحياته عشان يحمي صديق حياته “فورويا ري”.. فـ اشارة حلوة فعلاً عالغلاف ان الأخوين “موروفوشي” دائماً همهم هو الأمل و المستقبل المشرق لمن هم حولهم أكثر منهم انفسهم

اوك.. قبل ما نبدأ بأحداث القضية بالفصل 1030.. رجاء يلي ما قرأ تحليل الفصل 1029 وما قبله يرجع يقرأهم.. موجودين بالمفضلة بحسابي بـ تويتر.. فيهم أمور كتير مهمة و بصراحة شي رائع ان توقعي عن ذكريات “كومي” طلع صح (رغم اني نفيته) هههههههه و عدة أمور كمان طلعت صح.. و رح أشرح عن بعضها  بهذا المنشور

طبعاً واضح بدون أي نقاش ان المجرم بكل هالقضايا و الجرائم هو “نيشينو”.. الأمر واضح تماماً و سبق و شرحت موضوع الشيفرات و الخدع بالمنشورات السابقة.. و رح نبدأ بالنقاط الخاصة بالقضية بالفصل 1030 عالسريع

أولاً موضوع العسل نوعاً ما ما عندي تفسير واضح.. لكن ممكن يلي حكيته بتحليل الفصل 1029 تطبق فعلاً.. انه لما طلعوا “كاواساكي” و “نيشينو” حتى يتفقدوا الصوت الغريب يلي صدر.. كان في شي بالخدعة بلوث الشخص.. و بما ان “كاواساكي” بحب النظافة كثير لدرجة الحساسية نوعاً ما.. فما كان رح يتحمل هيك شي و رح يضطر يروح يغسل

فـ برأيي يلي صار ان العسل وصل لـ هاتف “كاواساكي” بـ طريقة ما.. و “نيشينو” أرسله رسالة من جواله الثاني أو الجوال يلي عم يستخدمه لإرسال الرسائل للباقي و هيك اضطر “كاواساكي” انه يطلع الجوال و يشوف شو القصة.. و وصل العسل لـ يديه.. بما ان “أمورو” خلع الكفوف من يديه عشان يعمل تحقق البصمة و يفتح الجوال.. و ما لاحظ “أمورو” ان الكفوف مبتلة.. هذا بيعني ان العسل ما وصل للكفوف.. و ما غسلهم.. يعني لما لمس الجوال كانت يديه عاريتين تماماً.. و هذا بيعني ان العسل كان عالجوال من البداية

و يلي صار بالحمام... ان “كاواساكي” مسح الجوال بالمنديل يلي معه.. و بدأ يغسل و كالعادة وضع المنديل بين شفايفه.. و بس خلص شرب ماء و مات لذا غالباً بدلاً من دس السم بـ المنديل أو بـ علبة المناديل.. السم كان بالأصل مع العسل يلي وصل للجوال.. و وصل بعدين ليديه.. و بعدين مسح الجوال بالمنديل.. و بعدين وضع المنديل بين شفايفه.. و هيك صار السم موجود.. و بمجرد ما يشرب ماء بعد تغسيل يديه.. رح يدخل السم لجسمه و يموت

أظن هذا أقرب تفسير ممكن تصوره لموضوع العسل.. رغم انه فيه ثغرة ما عرفت أتفاداها تماماً ههههههههه و هي ان المجرم كان ممكن يستخدم أي شي ثاني.. ليش العسل تحديداً ؟ يعني مثلاً كان ممكن يستخدم طين.. أو كريم.. أو دهان أو أي شي ممكن يسبب وسخ أو تلويث للكفوف.. ليش العسل تحديداً ؟

فالجواب يلي لقيته هههههههه هو ان العسل تم استخدامه بـ خدعة اصدار صوت تحطم الزجاج يلي خرج بسببه “كاواساكي” و “نيشينو” من مكان جلوس الجميع بالمقام الأول

النقطة الثانية بالقضية هي هاتف الضحية “كاواساكي” يلي تم ارسال بريد له عن السر يلي تم فضحه أي سر ؟ اوك.. هون الموضوع مخلوط شوي.. و للأسف ممكن يكون في أخطاء بالرسم لذا ما بقدر أحكم 100% بـ هالنقطة.. لكن الواضح لحد الآن ان السر هو هذا

اوك.. ممكن هذي النقطة زعجت “نيشينو” من ناحية ما عن سر ما.. و قرر يقتله لكن هذا سبب غير كافي.. عشان هيك بظن انه صار تبديل للهواتف.. لكن للأسف في أخطاء كبيرة بالرسم بهذي السلسلة بما يخص الهواتف

مثلاً في هاتف “ايكوي” يلي كان 

بالفصل 1028 كان جوال فتح.. بينما بالفصل 1030 صار

صار جوال ذكي

و مثلاً جوال “كاواساكي” يلي كان بالفصل 

واضح مكان الكاميرا محدود و نوعاً ما أفقي

و بالفصل نفسه بالتواليت صار هيك

و بالفصل 1030 رجع مثل الأول

و مثلاً في هاتف “كاواساكي” بالفصل 1030 كان 

واضح وجه الجوال الخلفي لـ جهتنا.. و بالصفحة يلي بعدها كان هيك

فجأة صار وجه الجوال الأمامي لـ جهتنا

يعني ما عدت أعرف موضوع الجوالات هذا مقصود من “غوشو” انه فعلاً كل شخص بالقضية عنده جوالين أو هذا خطأ بالرسم.. يعني فتت بالحيط هههههههههه و ما عدت أعرف شو الصح و شو الغلط

يعني مثلاً ممكن الجوال يلي أُرسل منه رسالة الخائن و السر هو جوال “وادا” الضحية الأولى.. و يلي أرسلها هو “وادا” نفسه قبل ما يموت عن هالسر.. أو “نيشينو” أرسله من جوال “وادا” بعد ما انقتل و أخذ الجوال منه.. و ممكن كل شخصية يكون معها جوال ثاني

فـ بصراحة دخت يعني وما عدت أعرف شو الصح و شو الغلط هههههههههه بس عموماً أكيد السر هذا مش عن علاقة “رايتو” و “ايكوي” يلي تضايق منها “نيشينو”.. و هذي الرسالة مش من “نيشينو” أكيد

هذي الرسالة غالباً من “وادا”.. أو ممكن من “ايكوي” أو “رايتو” من جوالاتهم الثانية.. و أرسلوا هذي الرسالة لـ “كاواساكي” من ناحية ممازحة.. انه ما يلمح أي تلميح لـ “نيشينو” ان “نيتشي” انتحر بإرادته لسبب معين.. و يبدو ان “نيشينو” فهمان الأمر غلط ان السر هذا هو انهم قتلوا “نيتشي”.. لكن الحقيقة انهم حاولوا ينقذوه و انه انتحر لسبب بخص “نيشينو” بالمقام الأول.. فما حبوا يخبروه.. و فضلوا يحفظوا الأمر سر.. لذا غالباً هالرسالة طالعة من طيبة قلب من أحد شخصيات القضية.. مش من القاتل “نيشينو” أكيد بغض النظر عن هالجوال لمين أو من مين الرسالة أو أخطاء الرسم

النقطة الثالثة هي الكلام بالصفحتين الأخيرتين.. لاحظوا أول شي هون

اها.. هون “أمورو” قال  nine باللفظ الانكليزي.. و هذا اللفظ طبعاً موجود بـ أرقام مراكز لاعبي البيسبول مثل ما شرحنا بمنشور أول فصل من هالسلسلة و بتعني كمان لعبة البلياردو يلي قال عنها “أمورو” و هي التالي

و هي نفس الرسمة يلي ظهرت بعد كلام “أمورو” بالفصل

و هذي طبعاً اشارة لخدعة قص الورق مثل ما شرحنا بتحليل الفصل 1028

لكن المهم أكثر هو كلام “كونان” بنهاية الفصل

اوك.. كلام “كونان” كشف كل شي واضح “كونان” قال “أعرف حياة من ستُستهدف تالياً”. أو بالأصح “حياة من ستُخطف تالياً”.. و ما قال مثلاً “من سيُقتل تالياً”.. و هذا بيعني بـ طريقة أو بأخرى ان الحادثة القادمة هي حادثة “انتحار” و ليست “قتل”.. أي أن القاتل “نيشينو” حبس نفسه بالغرفة بالداخل.. لكي ينتحر بالنهاية.. لكن لماذا ؟ لماذا الانتحار داخل الغرفة !!! مثلاً كان من الممكن بما انه أعد متفجرات لتفجير النفق.. انه يجيب معه مسدس.. و يطلعه أمام الجميع.. و ينتحر أمامهم بكل صراحة.. ليش لحتى يحبس حاله بالغرفة و ينتحر بالداخل بدون ما حدا يشوفه ؟؟؟

اها.. هذا سبب استدعاء متحري شهير مثل “كوغورو” بالمقام الأول أظن ان القاتل “نيشينو” هدفه من كل هالجرائم انه ينتقم لصديقه “نيتشي” يلي انتحر من شهرين.. و غالباً يلي صار هو ان مجموعة هالشباب هذول هم يلي قتلوه.. أو على الأقل أجبروه على الانتحار (من منظور القاتل).. فـ عشان هيك قرر يقتل “وادا” و “كاواساكي”.. و قلتهم.. و بالنهاية ينتحر هو.. و بـ طريقة ما يرمي التهمة على “رايتو”.. و هذا سبب استدعاء متحري شهير.. انه بس ينتحر و يدخلوا الغرفة.. غالباً رح يلاقوا دلائل تدين “رايتو” بالجرائم هذي.. أو بـ جريمة “نيشينو” (انه كان محضرله فخ مثلاً).. و هيك بيقضي عليه بالتهمة و بينحبس مؤبد.. عشان هيك استدعى “كوغورو” الشهير لـ هون يعني مثلاً كان ممكن يستدعي أي 4 أشخاص عشان يصير العدد 9 أشخاص و ينفذ جرائمه.. ليش استدعى أشهر متحري باليابان حالياً ؟؟ أكيد مشان هيك سبب.. عشان “كوغورو” يدرك هذي الدلائل يلي رح يتركها “نيشينو” خلفه بعد انتحاره.. و يتسبب الأمر بالنهاية لاتهام “رايتو” بكل هالجرائم.. و حبسه.. و طبعاً “نيشينو” استعجل بالتنفيذ و حبس نفسه بالغرفة للسبب التالي

واضح.. بعد ما عرف انه باقي فقط 3 ساعات على مجيء الشرطة قلب حيوان هههههههه و قرر يستعجل بالتنفيذ

النقطة الأخيرة بما يخص القضية هي موضوع نادي هالمجموعة و نشاطاتهم بالماضي

ليش خجلانين انهم يحكوا شو كان نشاطهم و شو هو النادي يلي كانوا فيه ؟؟؟؟ شو يعني مثلاً خسروا بـ مباراة مهمة بالبيسبول ؟ اي عادي ما في مشكلة شو مثلاً ما تأهلوا لبطولة مهمة و ما دخلوا الكوشين.. كمان عادي.. ما في داعي انهم يخجلوا أو يطلبوا انه ما يضحكوا عليهم مشان هالسبب

يعني أي فريق معرّض للخسارة أو عدم التأهل للعب بـ ملعب مهم و كبير بـ بطولة مهمة.. ما في أي عيب او خجل من الخسارة.. عادي.. ليش هم خجلانين و معتبرين الموضوع مُخجل و عيب و ممكن يضحكوا عليهم الحاضرين ؟؟

يعني خلونا نكون منطقيين.. صح ان الشيفرات بتخص البيسبول.. و كل شي بخص البيسبول.. لكن بالنهاية هم عددهم 6 مع المنتحر يعني بالنهاية ما بشكلوا فريق بيسبول حتى نقول عنهم كانوا فريق بيسبول و شفنا بالفصول السابق كانوا يختاروا مين الكابتن بينهم.. و هذا بيعني انه ما كان في حدا معهم بالنادي.. يعني كانوا بس هم الـ 6 يعملوا القرعة و يتفقوا

بس عدد لاعبي فريق البيسبول 9 مش 6 طيب اذا هم ما كانوا فريق بيسبول.. شو كانوا لكان ؟؟؟؟؟؟؟ اها.. في شي ثاني بخص البيسبول غير الفريق يلي بيلعب على أرض الملعب.. في فريق ثاني بيلعب بـ ملعب البيسبول بشكل مختلف

و انا بقصد فريق المشجعين !!! يعني.. اذا راجعنا فرق التشجيع الراقصة أو غير الراقصة.. رح نشوف ان عددهم غالباً بكون 5 أو 6 أو 7.. لذا حتى لو أطلقوا على نفسهم مصطلحات بيسبول.. و حكوا مصطلحات بيسبول.. و الشيفرات خاصة بالبيسبول.. لكن مش شرط يكونوا لاعبي بيسبول.. ممكن يكونوا فقط مجرد فريق مشجعين.. و احتمال فريق راقص.. و هذا يلي خلاهم يفكروا انهم ممكن يضحكوا عليهم.... و يعتبروا هالشغلة عيب

و هذي أمثلة عالسريع على فرق تشجيع.. و ممكن يكون بينهم شباب.. عادي جداً

لذا اي.. غالباً هم كانوا فريق تشجيع لـ فريق بيسبول.. مش فريق بيسبول بحد ذاته

اوك.. هيك بنكون خلصنا نوعاً ما من موضوع القضية (رح أرجعله شوي بالتوقعات) و الحين رح ننتقل للمواضيع المهمة بالفصل 1030 يلي بتخص الفلاش باك و “كورودا” و “واكيتا” و باقي الحباشات هههههههههههههه

بس فعلاً شي حلو ان توقعي عن لقاء “كومي” و “أمورو” طلع صح.. رغم اني نفيته هههههههه  طبعاً سبق و حكيت اني نفيته لإني كنت مفكر ان “غوشو” عم يحاول يبرز “كومي” على انه الرجل الحديدي يلي جاي يهز المانجا بالأحداث القادمة.. فـ قلت مستحيل يكون ملتقي بـ “أمورو” بالسابق.. و شاف الرقم 0 على الظرف بالفصل 1021.. و ما يكون ربط اسم “ري” بالرقم 0.. يعني برأيي هذي اهانة لـ “كومي” و قدراته

لكن بالنهاية هذا فعلاً يلي صار و طلع توقعي صح ههههههههه

لكن أنا ما بلوم “كومي” على انه ما تذكر “فورويا ري” بعد كل هالسنين.. أنا بلومه انه ما سأل “سكوتش” وقتها انه هذا هو صديقك “زيرو” يلي حكيتلي عنه أيام الطفولة !! هههههههههه يعني طلع ضعيف ذاكرة بالمرتين هههههههه يعدمني موديله هو و هيك ذاكرة.. ذاكرة جوالي أحسن من ذاكرته هههههههههههههههه

ما علينا.. رح نجي للنقطة الأولى بما يخص الأمور المهمة بالفصل 1030.. و هو كلام “كورودا” مع “كانسكي”.. و يلي كان التالي

اوك.. يلي بهمنا حالياً هو كلام “كورودا” انه لم يعُد قائد القسم الأول اوك فهمنا انه هو انتقل لـ طوكيو و ما عاد قائد القسم بـ ناغانو

واضح بالفصل 913 هو القائد للقسم الأول بشرطة ناغانو

اوك فهمنا ان كلامه بيقصد انه بعد ما انتقل لـ طوكيو ما عاد قائد القسم الأول

لكن.. لازم نعرف شغلة.. انه كمان بـ طوكيو شغلته قائد ا��قسم الأول مثل ما شفنا بالفصل 920 ههههههههه 

هاهاها واضح.. كمان بـ طوكيو هو قائد القسم الأول

فـ كلام “كورودا” هون كلام له معنيين.. الأول انه فعلاً ما عاد قائد القسم الأول بـ ناغانو و المعنى الثاني انه هو مش بس قائد القسم الأول بـ طوكيو.. بل له رتبة ثانية

و بظن هذا تلميح من “غوشو”.. يعني ما كان في داعي لـ كلام “كورودا”.. يعني مثلاً كان ممكن يقول شو فيك.. شو نسيت اني حالياً بـ طوكيو مش بـ ناغانو.. يعني ما كان في داعي يقول لم أعد قائد القسم الأول.. و خاصة مع النظرة المرسومة أثناء قوله هالكلام

يعني واضحة تلميح صريح من “غوشو” انه له رتبة ثانية بالشرطة أو الأمن غير انه فقط قائد القسم الأول بـ شرطة العاصمة

النقطة الثانية انه ليش “كورودا” اتصل بـ “كانسكي” و ما اتصل بـ “كومي” مباشرة ؟ يعني اوك كان فيه مثلاً يتصل فوراً بـ “كومي” و ما كان في داعي أبداً انه يتصل بـ “كانسكي”.. و هيك بيحكي معه بدون ما حدا يعرف انه اتصل فيه أساساً ليش “كورودا” اتصل بـ “كانسكي” ؟؟؟؟

اوك.. لازم ما ننسى ان “كورودا” كان قائد مُعين جديد بـ ناغانو

واضح من هالمحادثة بالفصل 913 ان “كورودا” تم نقله حديثاً لـ ناغانو

و كمان “كومي” رجع مؤخراً لـ فرقة “كانسكي” و “اويهارا” مثل ما شفنا بالفصل 913

واضح شو قال الضابط.. العائد “موروفوشي” هنا أيضاً.. و هذا بيعني انه عاد حديثاً بعد ما كان بالشرطة المحلية مثل ما شفنا بسلسلة قصر الموت و الحائط الأحمر.. و شفنا انه انتقل بسلسلة المرأة الحمراء.. يعني من جديد

لذا ممكن “كورودا” ما لحق ياخذ رقم “كومي” بما ان فترة لقاءهم كانت قصيرة.. يعني “كورودا” منقول حديثاً لـ ناغانو.. و “كومي” عاد مؤخراً للفرقة.. فـ ممكن ��ا لحق “كورودا” ياخذ رقمه

أو في احتمال ثاني.. ان “كورودا” تعمّد يتصل بـ “كانسكي” و يطلب منه يعطي الهاتف لـ “كومي” لسبب مهم جداً غالباً رح نشوفه بالفصل 1031 و هو ان “كومي” مش رح يلتقي بـ “أمورو” مثل ما الكل متمني.. عالأقل مش بـ ناغانو ههههههه

برأيي يلي صار ان “كورودا” تعمّد يتصل بـ “كانسكي” بدل من اتصاله بـ “كومي” عشان “كانسكي” يقول لاحقاً ان “كورودا” اتصل فيي و طلب يحكي مع “كومي” أمام شخص معين.. حلوة الفكرة ؟ هههههه

يعني مثلاً تخيلوا معي.. انفتح النفق.. و راح “كانسكي” و “اويهارا” عالكنيسة و حرروا الكل.. رح يسألوهم وين “كومي” ؟ رح يقول “كانسكي” ان القائد السابق “كورودا” اتصل فيي و طلب يحكي مع “كومي”.. و من وقتها ما عاد شفته.. يمكن طلب منه شي مهم و اضطر يغيب.. و هالحكي أمام مين ؟؟ أمام “كونان” بالمقام الأول طبعاً أمام “كونان”.. لإن هذا رح يرجعله الذكريات عن قضية “كيد” و الفصل 1018

هاهاها اي لكان.. هذا كله تلميحات لـ “كونان” رح تكون بمجرد ما يسمع “كونان” ان “كورودا” حكى مع “كانسكي” و طلب منه انه يحكي مع “كومي”.. مباشرة “كونان” رح يتذكر هذي الصفحة.. و ان “كومي” كان سابقاً بـ طوكيو عشان يستلم ظرف ما.. و رح يربط الأمرين ببعض حالياً هذا الأمر ما رح يوصل “كونان” لشي مهم.. لكن مجرد ربط هالأمرين.. رح يكون له نتائج مستقبلاً.. للمستقبل البعيد نوعاً ما.. على “كونان” و غيره

لكن وين “كومي” رح يكون بالفصل 1031 ؟ يعني شو كانت مكالمته مع “كورودا” ؟ اوك.. في ناس قالوا ان “كورودا” طلب من “كومي” انه ما يفضح “أمورو”.. يعني شفنا ان “كومي” تذكر بالفصل 1030 ان “أمورو” اسمه “فورويا ري”.. و ربطه بـ لقب “زيرو”.. يعني “أمورو” انتهى أمره تماماً الحين “كومي” عرف اسمه الحقيقي.. و عرف انه غالباً صار شرطي مثل ما كان متمني.. و عرف ان هو يلي أرسل الظرف بما ان الرقم 0 كان عليه.. و ممكن صار عنده فكرة ان لقب “زيرو” بيعني شي بخص الأمن العام أو وكالة الشرطة الوطنية مثل ما فكر “كونان” لما سمع بـ لقب “زيرو”.. يعني مستحيل شخص مثل “كومي” ما يعرف هيك معلومة.. يعني “كومي” بيفضح أهله لـ “أمورو” اذا بيلتقي فيه هههههههههه صار بيعرف عنه كل شي

لذا قالوا الفانز ان “كورودا” طلب من “كومي” ما يروح عالكنيسة.. أو عالأقل يعمل حاله ما بيعرف “أمورو” و ما يفضحه أمام الناس لإنه بمهمة سرية من الأمن.. و في معهم شخص مشتبه بكونه ارهابي خطير يلي هو “واكيتا”  المشتبه بكونه RUM

لكن في ثغرة كبيرة بـ هالكلام.. ان “كورودا” قال لـ “كانسكي” انه بدو يسأل “كومي” عن شيء مش بدو يطلب منه شيء أو يوجهله أمر مثلاً

واضح.. قال انه بدو يسأله سؤال.. ما قال بدي أطلب منه شي.. أو بدي أوجهله أمر أو بدي أكلفه بـ مهمة

طيب ممكن “كورودا” قال هيك لـ “كانسكي” عشان ما يشك بشي.. و بس يحكي مع “كومي” فوراً رح يوجهله أمر بعدم الذهاب أو بالتظاهر بعدم معرفة “أمورو” مثلاً لكن لا.. ما بظن.. لو هيك كان “كورودا” بيقدر يقول لـ “كانسكي” انه قول لـ “كومي” لا يروح عالكنيسة مثلاً لسبب معين.. ما كان في داعي يكلمه شخصياً

لكن طلب “كورودا” انه يكلم “كومي” شخصياً بيعني انه فعلاً في شي مهم

برأيي يلي صار بالمكالمة بسيط جداً و سؤال بسيط سلس حلس ملس ههههههههه

سؤال “كورودا” برأيي كان : “كومي”.. خرج تجي الليلة على طوكيو ؟ سؤال بسيط جداً

بعد اذنك.. اذا بتقدر تنزل على طوكيو الليلة.. فأنا ناطرك خالي ههههههههه فأظن سؤال “كورودا” كان اذا بيقدر “كومي” يسافر لعند “كورودا” على طوكيو و هذا برأيي أفضل حل لـ عدم لقاء “كومي” و “أمورو”.. و بنفس الوقت ترك ما سيحدث بعد وصول “كومي” لـ طوكيو لغز رح يتم تجاوزه لسلسلة لاحقة

يعني مثلاً ينتهي الفصل 1031 بـ لقطة على “كومي” قاعد بـ قطار متوجه لـ طوكيو.. و عم يتذكر مكالمته مع “كورودا”.. و يربطها بـ موضوع “سكوتش” أكيد لإنه خلص.. يعني صار بيعرف اسم “أمورو” الحقيقي.. وبيعرف انه مع الشرطة غالباً.. و عنده فكرة عن لقب “زيرو” يلي ممكن يعني انه مع الأمن و مكتب التخطيط بمكتب الأمن التابع للشرطة الوطنية مثل ما فهمه “كونان” من قبل

يعني “كومي” صار خطر حالياً.. يعني فرضاً عمل حاله ما بيعرفه بالسلسلة الحالية.. يعني مثلاً “كومي” رح يسكت ؟ خلص رح ينسى كل شي و يعيش عادي ؟ لا يا غالي ما رح ينسى رح تخلص الس��سلة من هون و رح يبدأ نبش بالماضي و موضوع شقيقه من هون.. و رح يفضح الدنيا.. و ممكن يشكل خطر على “أمورو” و مهمته بشكل عام.. لذا فالأفضل مسك الموضوع من أوله.. و استدعاؤه لـ طوكيو حتى يتم وضع حد لـ هالقصة

و انا بظن ان موضوع ارسال الظرف من البداية لهذا السبب.. و أظن بالتحديد هذا كله من ترتيب “كورودا” حصراً مش من ترتيب “أمورو”.. يعني “أمورو” ما رح يستفيد اذا التقى بـ “كومي” أو تعاون معه.. ما رح يفيده بشي يعني بما انه ما بيعرف شي عن المنظمة

لكن يلي ممكن يستفيد منه هو “كورودا”.. رح يفيده بموضوع انتحار “سكوتش” يلي ما عم يقتنع فيه “أمورو”.. لذا موضوع “كومي” مفيد جداً لـ “كورودا” عشان “أمورو” لاحقاً فأظن كل هالضجة هي بترتيب من “كورودا” بالمقام الأول لكن بالسلسلة الحالية.. “أمورو” حس بالخطر بعد حدوث الجريمة و اتصال “كوغورو” بشرطة ناغانو.. و غالباً بالسلسلة الحالية اتصل بـ “كورودا” و طلب منه يتصل بـ “كومي” و يبعده عن الموضوع.. لكن “كورودا” شاف ان الفرصة مناسبة و استدعى “كومي” لـ طوكيو

و أظن ان “أمورو” كان مطمن انه ما في جريمة و لا داعي لحضور الشرطة.. لكن بعد حصول الجريمة.. أظن هون تكلم مع “كورودا”.. و تعمد ظهوره بالفيديو عشان يثير ذاكرة “كومي” يلي غالباً رح يشوف الفيديو و من وجهة نظر “أمورو”.. يلي رح يعمله “كورودا” انه فقط رح يطلب من “كومي” يبعد عن الكنيسة أو يتظاهر بعدم معرفة “أمورو”.. لكن طلب “كورودا” أو سؤال عن استطاعة “كومي” السفر الليلة لـ طوكيو أو لا هو من راس “كورودا” فقط بدون اتفاق مع “أمورو” على الأرجح.. و هذا الشي بيرجع لرغبة “كورودا” باستخدام “كومي” كـ ورقة ضغط و تفهيم للحيوان “أمورو” بما يخص انتحار “سكوتش” هههههههههههه و طبعاً هذا له وقته لاحقاً

يعني حتى لو كان كل هالكلام صح.. “كومي” مش رح يقابل “أمورو” ثاني نهار هههههههه لا غالباً الأحداث رح تتطور تدريجياً لحتى توصل لـ هالنقطة.. و رح أحكي عنها لاحقاً أكيد بالتفصيل

لكن حالياً بشكل عام هذا يلي صار برأيي.. ان “كورودا” سأل “كومي” اذا كان بيقدر يسافر لـ طوكيو الليلة أو لا.. و “كومي” رح يسافر و غالباً الفصل 1031 رح ينتهي بـ لقطة سفره أو أثناء جلوسه بالقطار

موضوع ثاني رح عرّج عليه بشكل سريع (عجبتني هذي عرّج) ههههههههه هو كلام “واكيتا” عن الرقم 2

فـ هذا مش اشارة مثلاً على كونه  RUM العضو الثاني بالمنظمة كان مثلاً بيقدر يقول الرقم 4 أو 6.. يعني 2 مجرد مثال

و “كوغورو” سبق و قال “ضحيتين”.. و القاتل “اثنان خرج في الحمام” ههههههه يعني مش هالموضوع المهم الخارق

بعيد و بكرر.. التلميحات بما يخص هالنقطة بتكون واضحة وضوح الشمس مش مواربة.. يعني مثل تلميح مساعد زعيم الأعداء بأول ظهور لـ “واكيتا”.. و تلميح “طلب بوربون” من الزبون (المحقق) من “أمورو” النادل.. يعني هيك تلميحات ما بتقبل المواربة أو التشكيك أو التكرار.. مش الرقم 2 يلي قالوه 3 أشخاص بالقضية هههههههههههههه

رح ننتقل للنقطة الأخيرة بموضوع التلميحات و الأمور المهمة بالفصل 1030 و هي كلام “واكيتا” مع “كونان” و “أمورو” و ردودهم عليه

اوك.. هون شفت كتير ونبسات من الفانز بشكل عام.. ان “أمورو” بيعرف حقيقة “كونان” و ردوده دليل على هالموضوع.. و ما بدو يخلي  RUM يلي هو “واكيتا” يشك بـ “كونان” أبداً.. و ان “أمورو” عم يدافع عن “كونان” و حقيقته هون.. و “كونان” لاحظ هالشي بآخر لقطة و ان “واكيتا” مشبوه هو و كلامه

دقيقة دقيقة.. الموضوع ليس كما تصفون (عجبتني هذي كما تصفون هههههههه) لإن القصة ببساطة مش ان “أمورو” ما بدو  RUM يلي هو “واكيتا” يعرف حقيقة “كونان” يلي بيعرفها “أمورو” و ان “أمورو” عم يحمي “كونان” و حقيقته عن “واكيتا”.. لا مش هيك القصة ان “أمورو” عم يحمي حقيقة قدرات “كونان” يلي سبق و بلغ “كورودا” فيها.. و يلي هي ان “كونان” هو وراء “كوغورو النائم”.. و هو يلي بخدره و بنيمه.. و هو يلي بحل القضايا مش “كوغورو” الطبل.. هذي الحقيقة ببساطة “أمورو” ما بدو حدا يعرفها

مش انه عارف ان “كونان” هو “شينتشي” و عم يحميه.. لا مش هيك كل القصة ان “أمورو” عارف حقيقة “كوغورو” و بدو يخليها مخفية لأسباب بتدعم بقاؤه حول العيلة و قريب من الأحداث.. لا أكثر.. ما بعرف ليش الفانز عمل أهمية ضخمة لـ هالصفحة ما بعرف

و هذا على فكرة لا بيدعم ولا بينفي موضوع وجود تواصل مسبق بين “أمورو” و “واكيتا” قبل هالقضية.. يعني هالصفحة و تفسيرها يلي ذكرته للتو لا بتدعم كون وجود تواصل قديم بين “أمورو” و “واكيتا”.. ولا بتنفيه يعني هذي الصفحة لا سبقت ولا أخرت.. مثل قلّتها اوك أي حدا بلاحظ ان “كونان” ذكي جداً.. لاحظوها كثير قبله.. و منهم “يوميناغا” مثلاً.. و “يوكوميزو”.. و غيرهم كثير و لاحظ وجود تناغم بين “أمورو” و “كونان”.. و كمان هذا طبيعي.. و أي حدا بلاحظه و صار كثير مع “أمورو” و غيره من قبل و أمام كثير أشخاص.. مش أول مرة يعني

فـ هذي الصفحة ما منها فائدة أبداً.. هذي الصفحة تم وضعها كـ تضليل من “غوشو” لا أكثر.. يعني مجرد قنبلة دخانية للتضليل و التمويه.. ما لها أي فائدة تُذكر.. أو أي تأثير غير انها تمويه و تضليل

اوك.. الحين خلونا ننتقل للتوقعات عن الفصل القادم و السلسلة القادمة

أول شي عن “كوغورو” مثل ما شفنا بالفصل 1030.. كإنه عنده فكرة عن الخدعة يلي استعملها “نيشينو” مع علب أقراص النعناع

واضح قال انه مهما كانت العلبة يلي اختارها ما كان رح يصير مجال للخطأ.. و قال انه ما بسميه غش.. و انا رح اكفي الجملة عنه.. بس بسميه خداع و شطارة هههههههههههه و طبعاً “كوغورو” ما فضح “نيشينو” و خدعته إلا عشان ما يظهر بإنه فاشل أمام تلميذه “واكيتا” بإنه ما عنده عين متحري ولا بلوط ههههههه و كل القصة ان “كوغورو” اكتشف خدعة “نيشينو” بموضوع العلب.. بس بقي ساكت غصب عنه عشان صورته أمام تلميذه “واكيتا” هههههههه و هذا أنا حكيت عنه بتحليل الفصل 1029 بس نفيته هههههههههههه و يبدو رح يصير ههههه

ملاحظين كل شي عم بنفيه بتحليلاتي عم يصير بـ هالقضية ههههههه غريب !! هههههههه

المهم عموماً توقعوا قصف جبهة لـ “كوغورو” بالفصل 1031 و فضيحة بـ جلاجل انه كشف الخدعة بس سكت عشان ما تتشوه صورته أمام “واكيتا” يلي مفكر انه عنده عين متحري هههههههههه

بالنسبة لحل القضية اوك.. يبدو ان “كونان” و “واكيتا” و “أمورو” اكتشفوا حل القضية بالكامل بعد تلميح الرقم 9.. لكن في أمر ما حدا بيعرفه غير “كونان” و هو وضع “كاواساكي” للمنديل بين شفايفه... و هذا مستحيل “أمورو” و “واكيتا” يعرفوه.. لإن “كونان” شاف هالموضوع بـ عينه بالتواليت مع “كاواساكي”.. لذا “كونان” رح يشارك بحل القضية أكيد

و ما بظن يتم تخدير “كوغورو” لإن “كوغورو” لازم يكون صاحي عشان تنقصف جبهته بما يخص الخدعة يلي حكينا عنها للتو ههههههه فـ رح يكون صاحي.. و رح يتم حل القضية و هو صاحي و بمشاركة الكل و منهم “كونان” طبعاً سبب قولي بإني ما بظن يتم تخدير “كوغورو” مش لإن “كونان” شاكك و خايف من “أمورو” و “واكيتا”.. بل فقط عشان موضوع الخدعة... لإن “كونان” بيقدر مثلاً يخدر “كوغورو”.. و يقول لـ “واكيتا” و “أمورو”.. يلا يا تلاميذي.. أظهروا ابداعاتكم لـ هالناس خليهم يشوفوا مين تلاميذ المحقق “موري كوغورو” هههههه بما ان “كونان” سبق و قال ان “كوغورو” صار أشبه بـ شخصية قديمة له تابعين أو تلميذين... فـ ممكن هالسيناريو يصير مثلاً.. لكن أنا بستبعده بسبب ضرورة بقاء “كوغورو” صاحي عشان تنقصف جبهته بموضوع الخدعة و هون في موضوع مهم.. انه لو كان في شكوك من “أمورو” تجاه “واكيتا” فعلاً .. فـ “أمورو” رح يحل قسم كبير من القضية لوحده عشان ما يترك مجال لـ “كونان” يظهر قدراته أمام “واكيتا”.. أما اذا ما كان في شك تجاهه.. فـ رح يشاركه الحل بشكل طبيعي

التوقع التالي هو القضية بشكل عام مش ملاحظين ان القضية كلها بتشبه قضية “سكوتش” بالتفصيل

يعني شخص انتحر... و يبدو في قاتل من معارف المنتحر.. شك انه معارفه و معارف المنتحر (أصدقاءهم) قتلوه أو أجبروه عالانتحار.. فـ قرر ينتقم و يقتلهم

يعني اذا بدنا نمثلها بـ قضية “سكوتش”.. بكون المنتحر “نيتشي” هو “سكوتش”.. و القاتل “نيشينو” هو “فورويا ري”.. و الأصدقاء (الضحايا) هم “شويتشي” يلي حاول ينقذ المنتحر بدل من إجباره على الانتحار كما يعتقد القاتل “نيشينو” يلي هو بحالتنا “فورويا ري” مثل ما وصفنا فوق

لذا غالباً بالقضية الحالية رح يكون “نيتشي” فعلاً انتحر.. و “نيشينو” ظن إن أصدقاؤه قتلوه.. و قرر ينتقم و يقتلهم و طبعاً “أمورو” بما انه اكتشف حل القضية.. أكيد رح يوصل لحقيقة هذي القضية و هذي النقطة.. ان المنتحر “نيتشي” انتحر بإرادته.. و “نيشينو” فاهم غلط.. و قتل رفقاته عالفاضي و أظن ان حدا من الحاضرين من “واكيتا” أو “كوغورو” أو “كونان” أو غالباً “أمورو” رح يحكي جملة بنهاية الاستنتاج.. انه لا تخلي مشاعرك أو غضبك يأثروا على بصيرتك و رؤيتك للحقائق.. و هذا يلي ممكن يؤثر بـ طريقة ما على التمساح “أمورو”.. رغم اني نوعاً ما بستبعد هذا التأثير.. لكن غالباً القضية رح تكون بـ هالشكل هذا و تشابهها بقضية “سكوتش” بشكل شبه كامل

طبعاً سبق و كتبت فوق عن موضوع “كومي” و مكالمته مع “كورودا” و توقعي ان “كورودا” سأله اذا كان بيقدر يجي لـ طوكيو الليلة لإني ما بظن مثلاً يكون سأله “عرفت مين أرسل لك الظرف يلي فيه مقتنيات أخوك” ؟ أو مثلاً “تذكرت حدا من أصدقاء أخوك” ؟ أو “شو فهمت من مقتنيات أخوك” ؟

هذي كلها أسئلة صريحة.. رح تعقد الموضوع أكثر.. يعني “كومي” رح يتساءل انه شو عرّف “كورودا” بهيك أمور !!! و هذا رح يلخبط القصص فوق ما هي ملخبطة و يزيدها تعقيد أو مثلاً يسأله “بدك تنتقم لأخوك” ؟ أو “بدك تعرف شو صار معه” ؟

هذي كلها أسئلة صريحة و رح تزيد التعقيد تعقيد عند “كومي”.. و على سلامة “أمورو” بشكل ما له داعي.. فـ غالباً السؤال هو اذا كان بيقدر يسافر لـ طوكيو.. و رح يسافر 

عموماً أي شي بيتعلق بـ “كومي” من الآن فصاعداً رح يكون تصاعدي.. يعني مش انه يهدوه أو يحاولوا ينسوه الموضوع.. لا .. يعني أي تصرف تجاه “كومي” رح يكون لناحية التطور و توريطه أكثر و إدخاله أكثر.. و تعريفه أكثر صعب جداً و حتى مستحيل يهدوا الموضوع من جهته.. لإن هذا شيء من المستحيل إمساكه أو السيطرة عليه

طبعاً أكيد كل التوقعات بمنشورات الفصول السابقة لـ هالقضية مشمولة.. خاصة توقع الأرقام و تذكر “كوغورو” لـ لقب زيرو الخاص بـ “أمورو” و قوله بشكل مفضوح أمام “واكيتا” مثلاً.. و أنا مُصر على هذا التوقع من قبل بداية السلسلة أصلاً.. و متابعيني بيذكروا هالشي

لذا رجاءً ارجعوا للمنشورات الخاصة بالفصول السابقة لـ هالقضية و شوفوا التوقعات فيها لإني ما رح أعيدها هون

اوك.. الحين نجي لآخر توقع و هو توقع السلسلة القادمة اوك طبعاً في عطلة بعد الفصل 1031 و سبق و شرحت عنها بتويتر.. انه في المجلد الثالث لمانجا زيرو رح يصدر بـ 10/أبريل.. و لازم يلحقوا يخلصوه قبل اصداره.. يعني ان شاء الله رح أرجع أرتوتها الليلة عشان تشوفوها

لكن بالنسبة للسلسلة القادمة.. أظن في جماعة ما ظهروا من فترة هههههههه لسه متذكرين المتحرين الصغار !! هههههههههههههه كان آخر ظهور قوي و أساسي لهم بقضية الزعيم بالفصول 1006-1008 و ظهروا بشكل ثانوي و بسيط بالفصل 1025 و هذا ظهور مش محسوب

لذا غالباً بالسلسلة القادمة رح نرجع لملعب المتحرين الصغار يلي سيرتهم صارت تسبب رعب عند الفانز لإن كل السلاسل يلي بيظهروا فيها بيظهر فيها شي مهم و جبار كشف الزعيم.. و الفصل 1025.. و قبلهم بداية سلسلة الاحياء اليائس.. و نهاية السلسلة القرمزية.. و سلسلة الخيمة المحترقة.. و بداية قضية “كوجي” بالفصل 947 و أول ظهور لـ “اوكيا”.. و غيرهم كثير

عدا عن انه ممكن ربطهم مع كل الشخصيات.. ظهروا مع “واكاسا” و “كورودا”.. و ظهروا مع “كيد” و “هيجي” و “اوكيا/شويتشي” .. و “أمورو”.. و “كوغورو” و “ران”.. و “يوكوميزو”.. يعني ممكن “غوشو” يطلعهم مع الكل اذا بدو

فأظن ان السلسلة القادمة اذا ما كانت بشكل أساسي للترويج للفيلم 23 و يظهر فيها “ماكوتو” و “سونوكو” مرة ثانية.. غالباً رح تظهر “واكاسا” معهم.. و أظن وقت عودة المانجا.. رح يكون بداية الصيف.. لذا رح يكون شي مشابه لـ رحلة إلى زحلة هههههههههههه أو شي له علاقة بنشاطات الصيف أو شي مثل هيك و رح نبعد شوي عن موضوع “أمورو” و “كومي” مؤقتاً بعد لقطة “كومي” يلي متوقعها بنهاية الفصل 1031

اوك.. و هيك بكون خلصت التوقعات.. و رح نونبس شوي كالعادة.. و ننهي المنشور

طيب ممكن المرأة هي القاتلة لا تنسوا انها يلي قالت بردانة.. و بسببها تسكر باب الكنيسة و وجدوا خريطة الكنيسة بالمقام الأول

و هي يلي اقترحت نظام القرعات بالبداية.. و هي يلي ممكن تكون بتعرف بـ غش “نيشينو” و استغلته لصالحها

طيب خلص هذا الموضوع تونبس كتير ههههههههههههه انسوا

طيب ممكن ولا قلكوا شو.. ما لي نفس للونبسة ههههههههه خلص بلاها هالمرة ههههههههههه

و هيك بكون خلص المنشور كنت بتمنى اني أشرح أكثر عن القضية و أعطي أكثر من استنتاج.. لكن للأسف وقتي جداً ضيق.. و ما قدرت أخصص وقت أكثر من هيك للمنشور.. بعتذر.. و أكيد واضح نشاطي على تويتر مؤخراً بعتذر مرة ثانية

عموماً أي تعليق على ما وُرد بالمنشور.. فأنا بانتظاره بالتعليقات على تغريدة هذا المنشور بتويتر

لكن في نقطة نوعاً ما مهمة عالسريع

و يلي هي التالية

موضوع أقرباء “سكوتش” و “كومي” يلي بـ طوكيو تكرر ذكرهم مرتين لحد الآن. مرة بالفصل 1020.. و مرة بالفصل 1030... بس ليش !! شو السبب !! ليش هالتركيز عليهم ؟

يعني رح ينذكروا بالتفصيل لاحقاً ؟؟ رح يلعبوا دور مهم مثلاً ؟؟ هالأقرباء لهم علاقة بالماضي المشترك بين “فورويا ري” و “سكوتش” و تعلقهم بـ حب الشرطة ؟؟ أو بالعلاقة بينهم و بين “كورودا” بالماضي ؟ ههههههههه

شو “كومي”.. ما بدك تزور أقرباءك يلي بـ طوكيو ؟ حوّل.. بس لا تطوّل هههههههههه

و السلام علينا و عليكم

#كونان

[the-conanner]

File 1029 Discussion, Poison !!

يعني هالمرة النحس بالقضية.. هو “أمورو” فعلاً هههههه مش معقول !! يعني بالفصل 1028 اقترح القرعة مشان كل واحد يروح لمكان بالكنيسة.. و انتهى الأمر بـ جريمة قتل و بالفصل 1029 صار التالي

و نتج عن هالاقتراح جريمة ثانية خيي عيرنا سكوتك الله يخليك.. لا تحكي شي بالفصل 1030 و إلا رح تخلّص على كل الموجودين قبل أذان الفجر هههههههههه

يسعد أوقاتكم شبيبة.. عسى تكونوا بخير جميعاً الحمد لله انا بخير.. و مبسوط صراحة بكل يوم بمر بـ تويتر اني موجود معكم رغم انشغالاتي بالحياة.. و هذا له قيمة كبيرة عندي.. و ان شاء الله دائماً موجود معكم.. بس تحملوا تقصيري شوي هههههههه

المهم خلونا نبدأ بتحليل الفصل 1029... و طبعاً كالعادة رح نبدأ بالقضية و كل شي له علاقة فيها اوك.. خلونا نشوف غلاف الفصل 1029

لحظة شوي.. يعني مبلشين غلط (أو صح صراحة) هههههههه

لاحظوا الغلاف.. موجود السهم يلي انقتل فيه الضحية.. و علبة المناديل.. و الورقة يلي مكتوب عليها اسم “وادا” يلي هو الضحية يلي انقتل بالتواليت

لاحظوا حواف الورقة.. كلها مقصوصة و غير منتظمة.. و هذا طبعاً بأكد تحليلي لخدعة القاتل بالفصل 1028 بـ كيفية اختيار “وادا” اجباري بحيث انه يكون هو يلي رح يروح للتواليت.. و طبعاً مسدس الأسهم كان موضوع بحيث انه يكون على مقاس “وادا” الطويل.. يعني القاتل مقرر مسبقاً ان “وادا” رح يتم قتله بالتواليت بـ دقة

https://wheel-of-fate.tumblr.com/post/182955257102/file-1028-discussion-cheating

و هذا رابط تحليل الفصل 1028.. رجاء اقرؤوه قبل تكملة هذا المنشور.. لإني شارح فيه طريقة تزييف القرعة و القتل و كثير أمور ثانية.. و حتى موضوع مصطلح الزوج يلي حكيت عنه كمان تأكد ان شرحي له صح لما قال “رايتو” كما توقعت بالفصل 1029

فـ الأفضل مثل ما قلت تقرؤوا تحليل الفصل 1028 قبل التكملة عشان ما تضيعوا ههههههه

قبل ما نكمل.. في موضوع بدي أحكي فيه عالسريع.. و يلي هو عنوان الفصل 1029.. عنوان الفصل بالياباني هو 泣く子も眠る أو القدرة على جعل الأطفال الباكين ينامون في فانز بدؤوا تحليل بـ امه لـ هالعنوان.. و ان “واكيتا” عارف حقيقة “كونان” و هذا تلميح.. و عليهم يا عرب ههههههه طولوا بالكم شوي.. هدوا حالكم.. مشان أعصابكم يعني هههههههه

هذا حبيبي انت و هو مثل ياباني.. او مقولة يابانية.. لكن “واكيتا” حرّف فيها شوي.. المقولة الأصلية هي التالي 泣く子も黙る أي القدرة على جعل الأطفال الباكين يخرسون.. أو يسكتون

أما هون “واكيتا” قال “ينامون” نسبة لـ “كوغورو النائم” يلي قالها “واكيتا” نفسه بالصفحة يلي بعدها

يعني قصد “واكيتا” يخرسهم و يقولهم اسكتوا بما ان المقولة هي جعل الاولاد الباكين (يلي هم أصدقاء الضحية) يسكتون (يعني يبطلوا أسئلة بلا طعمة).. لكن “واكيتا” هون قلبها و سواها “ينامون” عشان يعرّف بـ “كوغورو” انه هو “كوغورو النائم”.. ما في أي تفسيرات مخفية يعني هههههههه

و الد��يل ان “واكيتا” قال انه اذا بقي ساكت رح يبقوا هذول يحكوا حكي فاضي .. و هون قال المقولة عن جعل الأطفال الباكين يسكتون عشان يسكتهم.. و حولها بنفس الوقت لـ ينامون عشان يعرّف بـ “كوغورو”.. و بعدين “واكيتا” قال اتركوا الأمر للمحترفين.. و بعدين طبعاً “كوغورو” هدّى “واكيتا” و “امورو” لإنه يبدو انهم عصّبوا على أصدقاء الضحية مشان “كوغورو”.. فـ هذي هي القصة كلها.. ما في أي معاني خفيّة ههههههههه و هذا شرح العنوان لـ يلي سألني عن معناه و شو سبب كلام “واكيتا” هيك.. فـ عسى تكون وصلت تفادياً لأي ونبسة محتملة ههههههههه

عموماً.. بالفصل 1029 صار شي جديد.. صارت خدعة جديدة و قرعة جديدة و جريمة جديدة.. و رح نبدأ بالخدعة يلي نفذها القاتل يلي هو “نيشينو” على ما يبدو لحد الآن

بالفصل 1029 شفنا التالي

اوك.. بعد صدور أصوات غريبة أثناء جلوس الجميع.. اقترح “نيشينو” ذهاب زوج (يعني شخصين) لتفقد الأمر.. و طبعاً هذا مخططله مسبقاً بما انه تقرر من قبل بالفصل انه هو و “كاواساكي” زوج و راحوا فتشوا سوا

لذا كان “نيشينو” مخطط يعمل خدعة أو قرعة بحيث يكون الزوج المختار لتفقد أمر الصوت الغريب هو زوج “نيشينو-كاواساكي” مثل ما رح أشرح بعد شوي طيب كيف ؟

اوك.. بعد لقطة اقتراح “نيشينو” صار التالي

اقترح لعبة.. و “ايكوي” رفضتها لإنها ضعيفة فيها.. و هو قرر يلعب لعبة ثانية

اوك.. “نيشينو” هون بيعرف ان “ايكوي” ضعيفة فيها.. و بيعرف انه اذا اقترحها هي رح ترفضها.. و هيك بيقترح لعبته الثانية الأساسية يلي رح يغش فيها.. و بـ هالطريقة ما حدا بشك فيه.. بما انه اقترح لعبة قبلها و “ايكوي” رفضتها

و طبعاً علمه بإنها رح ترفض اللعبة الأولى لإنهم كانوا يعملوها لما كانوا صغار يلعبوا سوا.. و كانت ترفضها لإنها كانت ضعيفة فيها.. فـ عشان هيك هو بيعرف.. و تماماً هذا الشي شفناه بالفصل 1028

واضح “ايكوي” قالت انه هذا الشي كان يصير زمان.. يعني هذي الألعاب و القرعات كانت تصير زمان كمان.. مش جديدة.. فـ طبيعي “نيشينو” يكون بيعرف ان “ايكوي” بترفض الحجرة ورقة مقص.. و هيك بيقترح لعبته الثانية و بغش فيها بدون ما حدا يشك فيه

المهم.. كيف صار الغش بالقرعة يلي صارت بالفصل 1029 ؟ صراحة الخدعة بسيطة جداً و كشفها كان سهل اوك.. لاحظوا يلي صار بالفصل 1029

اوك.. طلب علب أقراص النعناع.. و قال رح يختار منها ثلاث علب فقط (واضح أمامه 4 علب و الخامسة بـ يده).. و رح يفرغ من العلب الثلاث علبتين.. و الثالثة يبقى فيها عدة أقراص

اوك.. واضح.. معه 3 علب.. علبتين فارغات.. و العلبة الثالثة لسه فيها أقراص.. يعني مش فارغة.. و بعدين بتم وضعهم عالأرض.. و الاختيار منهم

يلي بيختار العلبة المليانة بروح هو و شريكه يتفقدوا موضوع الصوت الغريب يلي صدر طيب.. كيف ممكن الغش هون ؟ يعني مستحيل !! اذا وضعهم على الأرض و ما لمسهم أبداً.. يعني الشغلة حظ.. كان ممكن تطلع العلبة المليانة لـ “كوغورو” و “واكيتا” مثلاً !! يعني كيف قدر “نيشينو” يقرر ان العلبة المليانة تطلع له و لـ “كاواساكي” عشان يقدر يقتله بعدين ؟

شفت بعض الفانز ذكروا ان “كوغورو” بيعرف يغش.. فـ عرف أي علبة فارغة.. لكن هذا غير صحيح.. و هذا الحكي ما بفيد “نيشينو” بإن الشخص الثاني ما يختار العلبة المليانة

طيب كيف ؟؟؟ اوك.. الأمر ببساطة ان “نيشينو” غشاش ! و طريقة الغش بسيطة جداً بهيك حالات.. و هي ان العلب الثلاث في الحقيقة.. فارغات تماماً

اوك.. خلونا نرسل الصفحة كاملة

طيب كيف العلب كلها فارغة و عم يطلع صوت من العلبة يلي عاليمين ؟

اي الصوت مش طالع من العلبة ههههه الصوت طالع من كمّه يبدو انه هو لما أخذ العلب و فرَغها.. غالباً أخذ علبة مش فارغة و وضعها تحت كمّه الأيمن.. و الدليل انه قبل بدء الخدعة.. هز العلبة (يلي على أساس مليانة) باليد اليمنى.. و لما خلصت القرعة و أخذ العلبة (يلي على أساس مليانة) أخذها باليد اليمنى كمان.. و هذا بيعني ان الخدعة باليد اليمنى مش بالعلبة نفسها

لذا ما كان مهم أبداً أي علبة رح ياخذ “كوغورو” أو “رايتو”.. لإن العلب كلها فارغة.. و العلبة المليانة يلي عم يطلع منها الصوت موجودة بالواقع تحت كم اليد اليمنى لـ “نيشينو” مثل ما شرحت.. و ممكن يكون بسرعة و أثناء انشغال الباقي بالعلب يلي سحبوها.. أخرج العلبة المليانة من تحت الكم.. و أظهرها بشكل فعلي لـ “كاواساكي”.. و ممكن تكون بقيت تحت كمه و استمر بالخدعة.. يعني بالطريقتين الخدعة مشيت عالكل

اوك.. شرحنا الخدعة يلي كانت بسيطة مثل ما شفنا.. بس شو مشان عملية التسميم ؟؟ اوك شفنا بنهاية الفصل ان “كاواساكي” تم قتله بالسم بالحمام تماماً مثل ما كانت الشيفرة بالفصل السابق.. بإن “اثنان خرج في الحمام”.. أي الجريمة رح تكون بالحمام.. و هذا اشارة لـ “كاواساكي” يلي انقتل فعلاً بالحمام بالفصل 1029.. لكن شفنا انه ما في أي أثر للسم بالمياه

اوك.. واضح ان السم مش موجود بـ قارورة المياه.. طيب كيف وصل السم للضحية طالما هو شرب منها مثل ما شفنا 

يعني واضح شرب منها.. اذا السم مش فيها فـ وين كان ؟

اوك.. السم كان على شفايفه من قبل.. بس كيف ؟ هههههههه اوك.. خلونا نشوف كيف 

اووووووه.. يعدمني اياك انت و هالعادة ههههههههه ليش لتحط المنديل بين شفايفك ؟ شو هالعادة اللعينة هذي هههههههههه يعني بدي أفهم ليش !! ههههههه  بتعرف ان هالعادة وصلتك بـ لنهايتك يا غالي !! ندمان يا ابني ! ههههههههه

اوك.. خدعة التسميم بايخة كمان.. و هي بتسميم المنديل.. أو علبة المناديل بالكامل.. لإنه مثل ما شفنا بالفصل 1028

اوك.. هذي اللقطة بعد ذهاب “كاواساكي” و “كونان” للحمام.. و قال ان العلبة خلصت هذا بيعني انه لسه ما فتح واحدة جديدة.. أو لسه ما استخدم المناديل من العلبة الجديدة

فـ ببساطة.. بيقدر “نيشينو” يسمم منديله (اذا كان منديل منفصل مش من العلبة) أو يسمم العلبة الجديدة أو المنديل الأول من الأعلى بالعلبة الجديدة و هيك.. بمجرد سحبه للمنديل بعد ذهابه للحمام لتغسيل يديه.. رح يحط المنديل بين شفايفه مثل ما عمل بالفصل 1028.. و بمجرد ما يشرب مياه.. رح يدخل السم مع المياه لجسمه و يتسمم

يعني يلي صار بالفصل 1029.. انه لولا “أمورو” ما اقترح موضوع الزوجين.. كان “نيشينو” هو يلي رح يقترح الفكرة.. و يعمل قرعته و يطلع مع “كاواساكي”.. وينفذ جريمته الأولى مثل ما شرحنا بتحليل الفصل 1028 و بعدين يعمل القرعة و الخدعة بالفصل 1029 يلي شرحتها للتو.. و يقتل “كاواساكي” كمان

يعني الصوت يلي صدر “نيشينو” محضره مسبقاً أكيد بـ آلية خاصة.. كونه جهز موضوع مصف السيارات من قبل.. فأكيد مجهز هيك خدعة تصدر صوت فعّلها غالباً بعد خروجهم للبحث بالمرة الأولى.. و الدليل ان الصوت صدر بعد ما رجعوا و قعدوا عند النار

و هو طبعاً بيعرف عادة “كاواساكي” بـ شرب المياه بكميات كبيرة.. لدرجة انه أحضر معه كمية كبيرة منها بـ حقيبته.. فـ كان توقع انه رح يشرب بعد غسل يديه أمر بديهي.. و طبعاً ممكن الخدعة يلي جعلت “كاواساكي” يذهب للحمام لها دور بـ شربه للمياه ممكن مثلاً الخدعة يلي أصدرت الصوت عليها أوساخ مثلاً.. و تلطخ “كاواساكي” فيها.. و “نيشينو” قال له روح غسّل بالحمام.. أو أي شيء ممكن يكون صار وقتها بسبب خدعة الصوت أجبرت “كاواساكي” يروح يغسّل بالحمام.. و حتى يشرب مياه.. و هيك قدر يسممه و يقتله

يعني بشكل عام الجريمة الثانية و الخدعة الخاصة فيها بايخة و سهلة.. و طبعاً بعيد و بكرر بـ ضرورة قراءة تحليل الفصل 1028 حتى تكتمل الصورة عندكم

و طبعاً شفنا الشيفرة يلي بنهاية الفصل 1029 و يلي بتدل على

يعني انذار بـ قتل شخص ثالث بـ غرفة الدراسة “تبديل في غرفة الدراسة” (يلي شفناها بـ خريطة الكنيسة بالفصل 1028).. ويلي ممكن يكون هالشخص هو “نيشينو” نفسه.. انه يحاول يزيف قتله.. و على أساس قدر ينجو من القتل باللحظة الأخيرة.. أو يحاول يظهر انه على وشك انه يموت.. و يترك مجال للباقي انهم يساعدوه وينقذوه و ممكن انه ما تصير جريمة او محاولة قتل بالفصل 1030 بما انه في 3 مشتبهين لسه بس.. و بنهاية الفصل 1030 طبعاً يظهر لنا ان “كونان” و “أمورو” و “واكيتا” حلّوا القضية و القصة انتهت و رح يكشفوا كل شي بالفصل 1031 يعني غالباً الفصل 1030 مش رح يكون فيه أي محاولة قتل

اوك.. الحين رح نجي على المواضيع المهمة بالفصل 1029 و يلي هم ملاحظة “كومي” لـ “أمورو” و قوله انه شاف “أمورو” من قبل بس مش متذكر وين

اوك وين ممكن يكون “كومي” شايف “أمورو” يعني ؟ بالمنام مثلاً !! ههههههه أكيد لا يعني في احتمال مثلاً ان “سكوتش” يكون أرسل صورته مع “أمورو” أيام الأكاديمية و عم يقول له بالرسالة مع الصورة انه هذا هو صديقي “زيرو” يلي قلتلك عنه.. و “كومي” بيتذكر “أمورو” من هالصورة مثلاً.. و هذا احتمال وارد جداً وممكن كثير يكون هذا يلي صار.. خصوصاً ان “كومي” شاف “أمورو” من جنب بالفيديو بالفصل 1029

و هذا ممكن يدعم فرضية ان “سكوتش” أرسل صورة لـ “كومي” أيام الأكاديمية.. و “أمورو” بالصورة كان بنفس الوضعية يلي ظهر فيها بالفيديو بالفصل 1029.. فـ ممكن لـ هالسبب “كومي” تذكر انه شاف “أمورو” من قبل.. لإنه ظهر بنفس الوضعية

لكن أنا عندي فرضية ثانية أحلى ههههههههههههه و هي ان “كومي” التقى بـ “أمورو” شخصياً

اوك.. مثل ما كلنا عارفين (بدي قص يدي اذا حدا متذكر أصلاً هالمعلومة يلي رح أذكرها للتو هههههه) ان “كومي” درس بـ جامعة توتو بـ طوكيو !! يعني قضى فترة من حياته عم يدرس بـ جامعة توتو بـ طوكيو.. يعني كان يجي على طوكيو.. هذا اذا ما كان عايش فيها أساساً

هاها ههههه واضح من الفصل 682 ان “كومي” درس بجامعة “توتو” بـ طوكيو و شفنا بالفصل 874 ان “كومي” كان قبل 3 سنين مع “كانسكي” بالأكاديمية كـ جزء من التدريب

و هذا بيعني ان دراسته بالجامعة كانت قبل الـ 3 سنين هذي.. و حتى غالباً قبل بـ سنة من الـ 3 سنين بما انه اذا حسبنا انه كان عم يتدرب وقتها.. فـ غالباً بدأ بالأكاديمية قبل بـ سنة.. لذا قبل 4 سنين.. و دراسة الجامعة مدتها 4 سنين خلونا نقول.. يعني قبل حوالي 7-8 -9 سنين.. كان “كومي” سنة أولى بـ جامعة توتو بـ طوكيو.. و دراسته امتدت حوالي 4 سنين.. فـ ممكن خلال فترة دراسته التقى بـ “سكوتش” و “أمورو” بـ طوكيو و تعرف عليه

لكن فرضيتي فيها عدة ثغرات الأولى انه بـ هالفرضية.. لازم يكون “سكوتش” عرّف “أمورو” على “كومي”.. و أكيد وقتها كان لسه “أمورو” و “سكوتش” بالأكاديمية.. أو قبل بـ سنة من دخولهم الأكاديمية.. فـ يعني وقتها ما كان في مهمة من الأمن ولا شي.. فـ يعني ان “سكوتش” وقتها لازم يكون عرّف “أمورو” على “كومي” بـ اسم “فورويا ري” أي اسمه الحقيقي و “كومي” شاف ظرف مقتنيات “سكوتش” بالفصل 1021 عليه رقم 0.. فـ مش معقول يكون ملتقي من قبل بـ شخص اسمه “فورويا ري” (ري يعني صفر بالياباني) و يشوف رقم 0 على الظرف.. و ما يربط اسم هالشخص بالرقم 0 !! هذا شي مستحيل يلي عرف من النظرة الأولى على جوال “سكوتش” انه مات خلال مهمة تسلل مع الأمن.. مستحيل ما يربط اسم “فورويا ري” مع الرقم 0 على الظرف.. لذا غالباً هو ما قابله و ما بعرف اسمه الحقيقي أبداً

الثغرة الثانية بالفصل 1021.. لما شفنا “كومي” عم يتذكر ان “سكوتش” حكى معه من قبل و قاله صرت شرطي

كلام “سكوتش” بيعني انه كإنه من زمان ما التقى بأخوه.. يعني من زمان ما شافه.. و الحين عم يرسله و يقوله اني من اليوم صرت شرطي و كمان “سكوتش” لما كان طفل قال انه تعرف على صديق و لقّبه “زيرو”.. فـ اذا التقى فيهم لاحقاً بـ طوكيو.. أكيد “كومي” رح يسأل “سكوتش” لما يشوف “أمورو” انه هذا هو صديقك يلي لقبه “زيرو” يلي حكيتلي عنه من زمان ؟ فـ من كل هذا بنوصل لـ ان فرضيتي غلط.. و مستحيل تصير.. لذا غالباً القصة ان “كومي” شايف “أمورو” من صورة أرسلها “سكوتش” له من قبل .. و غالباً “أمورو” كان بالصورة بـ وضعية بتشبه الوضعية يلي ظهر فيها بالفيديو بالفصل 1029.. و غالباً كمان بالصورة كان ظاهر جميع أصدقاء “أمورو” بأكاديمية الشرطة

اوك.. الحين رح نجي لـ اللقطة الأهم بالفصل 1029 و يلي هي لقطة سؤال “كونان” عن العضو الثاني بالمنظمة RUM

اوك.. أول شي عشان نوقف أي نقاش ممكن يصير فـ “امورو” ما بيعرف هوية RUM يعني ما عنده أي فكرة عن مين هو RUM فـ كلامه عن كونه غير صبور.. جاي من رسالة TIME IS MONEY يعني “أمورو” قرر ان RUM غير صبور.. بسبب جملة TIME IS MONEY الموجودة بنهاية كل رسالة منه لـ “أمورو” مثل ما شفنا لذا “أمورو” ما بيعرف هوية RUM الحقيقية

اوك.. بصراحة هذي الصفحة ما فيها أي مهم عن  RUM يعني احنا كـ قرّاء ما استفدنا شي من هالصفحة بما يخص هوية RUM لكن في فوائد من جهة ثانية لنا و لـ “كونان” نفسه

أولاً “كونان” سأل بشكل مباشر عن RUM و رد “أمورو” كان واضح انه من وين عرفت عن هيك شي

و هذا بيعني بالمقام الأول ان “كونان” عنده مصدر معلومات هو يلي وصّله لمعلومة ان في عضو بالمنظمة اسمه RUM طبعاً “أمورو” مش مستغرب من ان “كونان” بيعرف هيك معلومة أبداً.. لإن الطفل يلي عمل دوشة تزييف موت “شويتشي”.. و يلي حاربه بالسلسلة القرمزية.. يلي شك بـ هويته بالمقام الأول بالسلسلة القرمزية.. و يلي عرف انه رح يتسلل لـ منزل “كودو” بالفصل 1012.. و يلي بتعرفه “فيرموث” و قالت لـ “امورو” انه ما يعرضه لأي أذى مهما حصل.. طبيعي هيك طفل يكون بيعرف اسم  RUM عادي يعني.. “أمورو” أبداً مش مستغرب من هيك موضوع رغم انه تفاجأ بالبداية..  فـ عادي لو عرف “أمورو” ان “كونان” بيعرف مين هو زعيم المنظمة.. كمان “أمورو” مش رح يتفاجأ من هالموضوع أبداً

لكن موضوع مصدر معلومات “كونان هو يلي رح يثير شكوك شوي طبعاً ممكن بعض الفانز يفكروا ان “أمورو” ممكن يبدأ يشك بـ “شيري” و انها ما ماتت بالقطار.. و انه ممكن يشك بـ “هايبرا”.. لكن هذا غير صحيح.. لإنه أساساً ما بيعرف ان “هايبرا” متقلصة و انها هي نفسها العالمة بالمنظمة “شيري” يلي تفجرت أمامه بالقطار.. لذا موضوعها منتهي عند “أمورو” و غير حاضر أساساً

لذا ظن “أمورو” فوراً رح يروح لـ “شويتشي”.. مش لحدا غيره الحين ممكن حدا يقلي ان “أمورو” لو متأكد ان مصدر “كونان” هو “شويتشي” ما كان سأل “كونان” أساساً لكن لا عزيزي.. سؤال “أمورو” هون استنكاري مش استفهامي.. يعني سؤال “أمورو” بـ غرض التهرب من الاجابة مش بـ غرض الاستفسار عن مصدر معلومات.. لإن “أمورو” أبداً مش متفاجئ ان “كونان” بيعرف هيك معلومة أو ممكن حدا يقلي ان “امورو” رح يفكر ان دام “كونان” سأل هيك سؤال فـ مستحيل يكون “شويتشي” قال له شي.. لكن “امورو” بيعرف ان “كونان” معه أدوات تنصت.. و عنده فكرة انه كان في كاميرات بـ بيت “كودو” بالسلسلة القرمزية لـ شخص ممكن عم يراقب من غرفة ثانية (كان بيقصد “كونان” وقتها).. يعني “أمورو” مش مستغرب من أي بيعرفه “كونان” او بيعمله.. لإنه يلي عمل كل هالبلاوي بالسلسلة القرمزية و ما قبلها و ما بعدها.. بيعرف انه ممكن يكون “كونان” بيعرف امبراطور اليابان و بيلعب شطرنج مع رئيس أمريكا بعطلة نهاية الأسبوع.. عادي جداً

و طبعاً هذا كله و لسه ما ذكرنا ان “أمورو” بيعرف ان “كير” جاسوسة لصالح “شويتشي” بالمنظمة.. يعني بيعرف انها بتتعاون معه.. و بيعرف ان دوشة تزييف موت “شويتشي” كانت من “كونان”.. لذا من البديهي يكون عنده فكرة أو توقع عن تواصل بين “كونان” و “شويتشي” و “كير”.. طبعاً هذا من منظور “أمورو”.. يعني هو بفكر هيك أو بيتخيل هيك يعني بنظره ممكن “كونان” يكون حصل على معلومة اسم RUM من هالأفراد يلي ذكرتهم فوق حتى بدون علمهم.. “أمورو” واعي تماماً لهذا الموضوع

ثانياً و يلي هو الشي الأهم يلي ممكن استخلاصه من صفحة سؤال “كونان”.. هو ان “كونان” غالباً ما حضر اجتماع حفلة الشاي بالفصل 1012.. و حتى أكون دقيق أكثر.. غالباً “كونان” ما بيعرف انه صار اجتماع أساساً

طبعاً هون لازم ننوه لـ شغلة ان “كونان” مستحيل يكون حضر الاجتماع بما ان “أمورو” ما بيعرف هوية “كونان” الحقيقية.. لذا حضور “كونان” لهيك اجتماع رح يثير شبهات كثير عند “أمورو”.. فـ “كونان” مستحيل يحضر هيك اجتماع لإنه لو حضره فـ أكيد “أمورو” رح يعرف حقيقة “كونان”.. و لحد الآن ما في مؤشرات بتدل على انه شاكك فيه حتى.. و مستحيل كمان “شينتشي” يحضر الاجتماع يعني ان “كونان” ياخذ مضاد العقار و يحضر الاجتماع بهيئة “شينتشي”.. لإن الحاضرين مستحيل يتوقعوا أو يضمنوا ردة فعل “أمورو” و شو يلي ممكن يعمله بالتواصل مع المنظمة اذا عرف ان “شينتشي” عايش.. بـ هدف تحقيق مكاسب بـ مهمته المكلف فيها من الأمن الياباني

يعني مثلاً ممكن “أمورو” يعرف ان “شينتشي” عايش.. يقوم يخبر المنظمة انه عايش عشان يعمل حركة تفيد مهمته.. و هيك بكون عم يضر العيلة و كل يلي لهم علاقة بـ “شينتشي” بدون ما يعرف.. لذا مستحيل “شينتشي” يعمل هيك حركة و يثبت شي لا داعي لإثباته.. أو ممكن الحديث عنه بدون داعي لحضوره شخصياً

اوك.. بعد هالكلام هون في معنا احتمالين الاحتمال الأول ان “كونان” سمع عن يلي صار بالاجتماع من “يوساكو” أو “يوكيكو”.. لكن “يوساكو” و “شويتشي” و “أمورو” ما تكلموا عن  RUM بالاجتماع.. و اكتفوا مثلاً بالحديث انه ليش عم تتحرى عن ابننا “شينتشي”.. و ليش تسللت لـ بيتنا بالليل.. و مين انت أساساً.. و ليش وجهن مسدسك لـ “شويتشي”.. و ليش و ليش وليش يعني حكوا بأمور تافهة و ما جابوا سيرة  RUM

لكن هذا الاحتمال تافه و غير منطقي.. و التفكير فيه أساساً فيه تفاهة لكثير أسباب أول شي بالفصل 1012 “شويتشي” كشف أمر مهم جداً

كشف لـ “أمورو” انه بيعرف انه اجت له أوامر انه يتحرى عن “شينتشي”.. و طالما ان “شويتشي” بيعرف ان  RUM بدأ تحركه بعد السلسلة القرمزية.. و بعد الضجة يلي صارت عن “شينتشي” بعد الرحلة المدرسية.. فـ طبيعي الاعتقاد ان  RUM هو صاحب هذي الأوامر.. “شويتشي” مش غبي لدرجة انه ما يربط هالأحداث ببعضها

الأمر الثاني كلام “يوساكو” بالصفحة الأخيرة من الفصل 1012

اوك.. “يوساكو” قال على عكس المرة السابقة.. فـ هالمرة انت لوحدك بدون الرجال يلي اجوا معك المرة الماضية (قصده السلسلة القرمزية).. و هون “يوساكو” كشف ألف شغلة لـ “أمورو” بـ هالكلام

كشف له انه كان وقتها هو “سوبارو” يلي واجهه بالمنزل.. و كشف له ان “يوساكو” متعاون مع “شويتشي”.. و انه ساعد بـ خداع “أمورو” المرة الأولى.. و انه بيعرف بموضوع المنظمة و خلافه مع “شويتشي”.. و انه هو أصلاً والد “شينتشي” بما انه مالك المنزل

يعني هون “يوساكو” عم يحكي بصراحة مطلقة.. و كشف لـ “أمورو” كل شي تقريباً.. “يوساكو” يلي قال بنهاية الفصل 1008 التالي

اوك انتهى الموضوع... بعد هاللقطة ما في أي كلام

يعني بدكو تقنعوني.. ان الأسطورة “يوساكو” بعد ما تساعد مع “شويتشي” و كشفوا معنى رسالة “كوجي” الحقيقية.. و عرفوا مين عدوهم يلي هو “كاراسوما”.. و قرر يستقر باليابان. و قال انه بدو يدبر خطة لإنه حالياً الوضع صار حالة حياة أو موت

بدكو تقنعوني انه يلي قال كل هذا.. بدو يقعد يناقش بـ بيته جاسوس للأمن بالمنظمة اجا يتحرى عن ابنه.. حول خلافه مع “شويتشي” و يحكيه حكي لطيف انه ليش جاي على بيتي و شو عم تساوي هون بـ هالليل !! هههههههههههههههه هذا حكي فاضي.. “يوساكو” هون مش عم يلعب.. هذا مش لعب ولاد صغار

يعني “يوساكو” ما اجا يقعد باليابان و حضر الفخ لـ “امورو” بالفصل 1012 مشان يحل خلافات بين “شويتشي” و “أمورو” و يتساءل أسئلة سخيفة عن حركات “أمورو”.. هذا كلام فاضي و تفاهة ما لها أساس من الصحة أبداً.. “يوساكو” مش عم يلعب

كلامه واضح.. جاي يحضر خطة حياة أو موت يلي صار بالاجتماع بالفصل 1012 هو يلي قلته بتحليل الفصل 1008 .. و هو خطة من “يوساكو” للإيقاع بـ RUM يلي وجه الأوامر لـ “امورو” بالتحري عن “شينتشي”.. الموضوع واضح يعني “يوساكو” مش شغله شغل ولاد صغار حتى يقضيها حكي فاضي و نقاشات تافهة.. “يوساكو” جاي يدمر المنظمة.. مش جاي يلعب

حط خطة تقع معظمها على عاتق “أمورو” لتنفيذها كونه يلي بالواجهة أمام RUM سبق و شرحت عنها بتحليل الفصل 1008.. موجود بالمفضلة لذا بالاجتماع بالفصل 1012 النقاش كان عن RUM حصراً.. ما في أي مواربات أو مبهمات أو “أمورو” ما بدو يحكي معلومات سرية لحدا مش من الأمن.. لا أبداً هذا غير صحيح.. يلي صار بالاجتماع واضح تماماً.. و هي خطة للإيقاع بـ RUM حصراً.. مش أي نقاشات ثانية

اوك هيك خلصنا من الاحتمال الأول و فهمنا انه بالاجتماع بالفصل 1012 تم نقاش موضوع RUM حصراً و بشكل صريح

الاحتمال الثاني و يلي بالنسبة لي بشوفه الأكثر منطقية.. ان “كونان” ما بيعرف شي عن يلي صار بالاجتماع.. او بالأحرى ما بيعرف انه صار اجتماع أصلاً موضوع اخفاء المعلومات عن “كونان” مش جديد يعني مثلاً وقت “يوساكو” و “شويتشي” حلّوا رسالة “كوجي” حسب كلام “يوساكو” بالفصل 1008.. يعني “شويتشي” حلها مع “يوساكو” مش مع “كونان”.. ناقشها مع “يوساكو” يعني و حتى بالفصل 950 وقت استنتجوا حل ASAKA RUM استنتجوه كل واحد لوحده... يعني “كونان” استنتجه بسيارة “أغاسا”... و “شويتشي” استنتجه مع “جودي” لوحده يعني مش مع بعض.. لإن “شويتشي” ما بدخل “كونان/شينتشي” بهيك قصص مهما كان

عدا عن “يوساكو” يلي شاركه موضوع حل الرسالة بكل سرور و لاحظوا ان “شويتشي” ما خبّر “كونان” عن تحرك  RUM بالمقام الأول.. و ما خبّره انه حل رسالة “كوجي” مع “يوساكو” و انهم استنتجوا حل “كاراسوما”.. يعني لولا “يوساكو” ما قال لـ “كونان” الحل بالفصل 1008.. كان “كونان” ما عرف أبداً.. و “شويتشي” ما كان خبّره أبداً بالحل.. يعني “كونان” من وقتها برا اللعبة.. و الله العليم شو صاير نقاشات بين “يوساكو” و “شويتشي” ما بيعرف فيها “كونان” أبداً

و في لقطة مهمة خلتني أشك أكثر بـ ان “كونان” ما بيعرف شي عن الاجتماع أو يلي صار فيه هو كلام “يوساكو” بنهاية الفصل 1008

يعني غالباً من هاللقطة و من هاللحظة.. “يوساكو” مقرر انه يطلع “كونان” خارج الموضوع أول شي قال “شينتشي” بعدين قال لا “كونان-كن”.. و اظن هذي اشارة ان “يوساكو” ما كان حاطط بـ حسابه انه يورط “كونان” أكثر من هيك.. و انه بدو يلعب لعبة يكون “كونان” خارجها.. يعني “كونان” يكون بصفته “كونان” مش بصفته “شينتشي”.. أي مجرد طالب بالابتدائية ما رح يكون له أي تأثير بالوجه مثل أيام زمان و احتمال ان “كونان” راضي بـ هالشي.. يعني موافق انه يكون خارج أي لعبة بدو يلعبها “يوساكو”.. لكن رح يشتغل بشكل مستقل لوحده

و الدليل ان “كونان” عم يتعامل بشكل طبيعي مع الوضع بعد الفصل 1012.. لما سأل “أمورو” بسلسلة القتل المتسلسل لضابطات الشرطة.. ما أبدى “كونان” أي علامات عن لقاء مسبق أو معرفة مسبقة بـ أسرار من “أمورو” و “امورو” حكى فقط عن ان “كونان” ليلتها خبر “شويتشي” انه هو نسخ مفتاح للبيت و رح يتسلل الليلة

يعني ما في أي تفاعل غريب بين الاثنين بدل على انه واحد منهم عرف شي سر عن الث��ني أو من الثاني يعني لا “امورو” عرف حقيقة “كونان” من هالاجتماع.. ولا “كونان” عرف سر خطير عن المنظمة من “امورو” بما انه ما حضر الاجتماع

عكس مثلاً النظرات بينهم بعد السلسلة القرمزية وقت قالوا لبعض انهم كذابين.. و عكس اللقطة بين “كونان” و “سوبارو” وقت أعطاه مفتاح بيت “كودو” و قال “كونان” وقتها انه اعتني بالبيت.. يعني وقتها كانت لقطة واضحة انه في شي مخفي

هذا الحكي ما شفناه بين “كونان” و “أمورو” هون  و “كونان” سأل عن RUM بالفصل 1029.. و هذا كله بدل على ان “كونان” ما عنده فكرة عن أي شي صار بالفصل 1012

و طبعاً هذا كله عدا عن سؤال “كونان” بالفصل 1029 لـ “امورو” عن RUM لإن سؤال “كونان” الأول جاي بـ صيغة “هل تعرف عن  RUM ؟ يعني “كونان” سأل بـ صيغة انت بت��رف عنه.. او سمعان شي عنه ؟ و بعد سؤال “أمورو” الاستنكاري.. “كونان” تأكد ان “أمورو” بيعرف بس عم يتهرب.. و سأله انه قابلته او لا

هذا كله بدل بوضوح على ان “كونان” ما بيعرف أي شي عن يلي صار بالفصل 1012 فإما “كونان” بيعرف شو صار بالاجتماع لكن بالاجتماع ما تناقشوا عن RUM و قضوها مناقشات تافهة عن خلاف “أمورو” مع “شويتشي” و عن سبب تواجد “امورو” بـ هالوقت بـ بيت “كودو” و هذا الاحتمال بشوفه تافه و غير منطقي مثل ما شرحت فوق

أو انهم تناقشوا عن RUM و كيفية الايقاع فيه لكن “كونان” ما عنده أي معلومة أو فكرة عن يلي صار وقتها

ولك اذا انا يلي قاعد بـ ألمانيا.. و بعد الفصل 1008 توقعت انه يصير فخ لـ “شويتشي” و “يوساكو” ضد “امورو” و يتفقوا كلهم سوا على خطة للإيقاع بـ RUM هذا الكلام انا قلته بعد الفصل 1008.. يعني قبل الفصل 1012 بـ 4 فصول.. انا توقعت هذا الكلام قبل الفصل 1012 بـ 4 فصول و أنا قاعد بألمانيا ههههههههههههه بدكو “يوساكو” الأسطورة و “شويتشي” و “أمورو” يلي هم بأرض المعركة ما يعملوا هيك !!! ههههههههه مش منطق هههههههههه

يعني واضحة.. الأمور واضحة تماماً و بصراحة أكثر و حسب رأيي.. رح أكون متفاجئ و مستغرب اذا كان “كونان” عنده فكرة عن يلي صار بالاجتماع.. و رح أعتبر “يوساكو” غبي فعلاً اذا كان قايل لـ “كونان” عن يلي صار بالاجتماع

اذا فعلاً “يوساكو” قال لـ “كونان” يلي صار بالاجتماع بالفصل 1012.. برأيي وقتها “يوساكو” بكون أغبى من “فودكا”.. ولك بكون أغبى من “يامامورا” حتى إشراك “كونان” بالاجتماع أو إخباره بـ يلي صار بالاجتماع لاحقاً هو خطأ شنيع و فادح مستحيل يرتكبه “يوساكو”.. مستحيل.. اذا كان يلي عم فكر فيه هو فعلاً يلي صار بالاجتماع.. مستحيل “يوساكو” يغلط هيك غلط و يخبر “كونان” عن يلي صار بالاجتماع

اذا كان “يوساكو” فعلاً يلي بنعرفه.. “يوساكو” الأسطورة أذكى شخصية بمانجا كونان.. مستحيل يخبر “كونان” عن يلي صار بالاجتماع.. لإنه اذا خبره أو أشركه بأي معلومة بكون أغبى شخصية بالمانجا.. و بكون دمّر كل شي بـ جرّة قلم.. اذا كان فعلاً يلي صار بالاجتماع هو نفسه السيناريو يلي عم فكر فيه

لذا من وجهة نظري.. “يوساكو” مش غبي.. “يوساكو” مش “يامامورا” حتى يخبر “كونان” عن يلي صار بالفصل 1012.. أو انه يسمح لحدا من يلي حضروا الاجتماع انه يخبر “كونان” بأي شي عن يلي صار وقتها

أصلاً “أمورو” و “شويتشي” مش أغبياء لدرجة انهم يخبروا “كونان” عن الخطة يلي اتفقوا عليها ممكن يخبروه عن تلميح أو معلومة مثل ما عمل “أمورو” بالفصل 1029.. اوك عادي لكن عن الخطة يلي اتفقوا عليها بالاجتماع بالفصل 1012.. مستحيل يخبروه أو يعطوه أي تلميح.. هم مش أغبياء أبداً

أنا ببالي سيناريو عن يلي صار وقتها.. رح أحكي شوي بنهاية المنشور.. و الباقي بعد نهاية السلسلة الحالية

اوك.. حالياً نجي للتوقعات 

بالنسبة للقضية.. طبعاً “كوغورو” رح يرجع يحكي مع شرطة ناغانو بعد مقتل “كاواساكي”.. و رح يشرحلهم يلي صار بالتفصيل.. و يصير نقاش بينهم كالعادة مع عصبية من “كانسكي” انه انقتل شخص ثاني

رح نشوف تحريات و أسئلة لـ “نيشينو” عن يلي صار لما راح هو و “كاواساكي” عشان يتفقدوا موضوع الصوت الغريب و رح نشوف أسئلة من “كونان” و “أمورو” عن كيفية اختيار الزوج يلي رح يتحروا عن الصوت الغريب هذا.. و هذا يلي رح يجعل “كونان” و “أمورو” يفكروا بالخدعة أكثر

غالباً “كونان” رح يسألهم عن ماضيهم و عن يلي كانوا يلعبوه لما كانوا أطفال.. و رح يسألهم عن الماضي بشكل عام و علاقتهم ببعض.. و جواب هذا السؤال هو يلي ممكن يوصل لحل القضية.. مثل انهم يقولوا انهم كانوا أعضاء نادي بيسبول.. أو شي مثل هيك يعني بشكل عام رح يتم سؤالهم عن الماضي لإنه صار في ضحيتين و “كوغورو” ما رح يصبر عليهم أكثر من هيك هههههههههه

بالنسبة لموضوع “كومي” و “أمورو”.. فأظن انه ما رح يصير لقاء صريح بينهم.. و “غوشو” رح يكتفي بشكوك من بعيد لـ “كومي” مثلاً أو فلاش باك لـ تذكر “كومي” وين شاف “امورو” من قبل و ان لقبه هو “زيرو” مثل ما شرحنا فوق.. و يبدأ يربط الأمور بـ راسه إلا اذا قرر “غوشو” يخربها.. و و يعمل حديث قصير بين “كومي” و “امورو” بما انه بـ طبيعة الحال رح يلتقوا عشان التحقيقات مثلاً.. و يسأله عن اسمه.. و يقول “أمورو تورو”.. و يرد “كومي” انه ألم يكن لقبك هو “زيرو” (على مسمع من “واكيتا”) ههههههه يعني ممكن هيك أمور تصير اذا قرر “غوشو” يخربها ههههههه

طبعاً “امورو” مش رح يتفاعل كثير مع “كومي” بما انه ما بيعرفه شكلاً غالباً مثل ما حكينا فوق.. يعني “كومي” بيعرف “أمورو” من صورة..أما “امورو” ما بيعرفه.. لكن ممكن يشبهه لـ “سكوتش” من شبهه فيه مش اكثر.. لكن ما بظن انه بيعرفه معرفة شخصية مثل ما شرحت فوق

لكن عموماً أنا ميّال أكثر لـ حديث مقتضب بينهم... و اقتصار الأمر على تذكر “كومي” وين شاف “أمورو” و ان لقبه “زيرو”.. و يبدأ يربط الأمور بـ راسه ان لقبه “زيرو”.. و الرقم يلي على الظرف كان 0.. يعني هيك شي أما انه يصير حديث صريح بينهم مثل ما عم يتمنوا الفانز.. فهذا بعيد كثير.. و شخصياً أستبعد حدوثه.. لإنه لسه بكير عليه نوعاً ما

بالنسبة لـ RUM و “كونان” و “أمورو”.. اوك.. الحين “كونان” صار بيعرف صفة “غير صبور” يلي قالها “أمورو”.. يلي جاي من جملة TIME IS MONEY  بـ رسائل RUM لـ “امورو”.. يعني “أمورو” حكى “غير صبور” بسبب هالجملة بالرسائل..  لذا “أمورو” كان بيقصد هذي النقطة.. و ما بيقصد أبداً انه في معرفة شخصية بينه و بين RUM لإنه ما بيعرفه شخصياً

عموماً.. “كونان” صار معه هذا التلميح.. فـ ممكن مثلاً يستفيد مستقبلاً من هالتلميح بشكل ما ممكن يعرف عن جملة TIME IS MONEY  بـ طريقة ما و يربط تلميح “أمورو” و يلعب بالأحرف و يطلع معه “واكيتا كانينوري” مثل ما سبق و شرحنا بتحليل الفصل 1008 كمان.. و هيك بيبدأ يشك بـ “واكيتا”.. رغم اني بظن انه شكه بـ “واكيتا” رح يبدأ من نهاية هالسلسلة بما ان “كوغورو” ممكن يحكي لـ “كونان” ان “واكيتا” سألني عن كذا و كذا لما رحنا انا واياه كـ زوج نقتش بالكنيسة

في نقطة ثانية بدي أحكي عنها قبل ما ننتقل للونبسة.. و هي تلميح “أمورو”.. يعني مثلاً كان ممكن “امورو” ما يحكي شي.. يعني كان فيه يكتفي بـ يلي يقاله عن الشكوك و اذا القيت فيه أو ما القيت فيه.. و خلص.. ما في داعي يحكي تلميح يعني ليش لحتى يحكي تلميح أساساً.. ما في داعي.. ما في شي بيجبره.. طيب ليش حكى هالتلميح ؟؟

اوك.. هذي نقطة ممكن تكون بـ صالح يلي بيعتقدوا ان “كونان” بيعرف شو صار بالاجتماع يلي ما صار فيه حكي عن RUM أبداً.. و هو ان “امورو” قال التلميح لـ “كونان” عشان يتطبق سيناريو الفيلم 22 هون كمان يعني “أمورو” قال هالتلميح لـ “كونان” بعد كلامه عن اذا التقى فيه أو لا.. عشان “كونان” يعصب.. ويصير عنده فضول اكثر.. و يحاول يتحرى اكثر.. و يحل لغز RUM بسرعة اكبر.. يعني “أمورو” حكى هيك و بعدين قال التلميح.. عشان “كونان” يظهر فضوله بشكل قوي.. و يخليه يطلع أقوى إمكاناته بالتحري و التحقيق.. عشان يحاول يحل لغز  RUM و يساعد “أمورو” بـ هالموضوع

يعني هذي نقطة بـ صالح يلي بيعتقدوا ان “كونان” بيعرف شو صار بالاجتماع.. و انهم ما حكوا عن RUM بالاجتماع.. فـ هذا توقع هدية مني لكم هههههههههههه انبسطوا هههههههههه

طبعاً هذي التوقعات بالاضافة للتوقعات بالمنشورين السابقين للفصول 1028-1027

اوك.. الحين رح نجي للونبسة ههههههه بس هالمرة الونبسة جدّيّة شوي

طيب.. أنا عندي فرضية عن كيفية رؤية “كومي” لـ “امورو” من قبل.. و هي ان “كومي” شاف صورة لـ “أمورو” فعلاً.. بس هالصورة مش من شقيقه “سكوتش”.. بل صورة كانت بـ مكتب “كورودا” لما كان مسؤول بـ ناغانو مثلاً !!! يعني “كومي” بالصدفة دخل على مكتب “كورودا” لما كان “كورودا” بـ ناغانو.. و شاف بالصدفة صورة بتجمع “كورودا” و “أمورو” مثلاً.. و هيك “كومي” بيتذكر انه شاف صورة له بمكتب “كورودا”.. ممكن

أنا عندي فرضية ثانية عن “أمورو” و “واكيتا” بالقضية الحالية.. و هي انه في اتفاق مسبق بين “أمورو” و “واكيتا” لهدف ما بغض النظر عن هوية “واكيتا” الحقيقية

أولاً كلام “أمورو” بالفصل 1027

مين قال ان “امورو” هون كان بيقصد “ماسومي” أو “سوبارو” ؟؟؟ ممكن هذي الجملة هي اشارة متفق عليها مسبقاً بين “أمورو” و “واكيتا” انه لما أقول هذي الجملة اطلع انت فوراً قدّم نفسك بحيث ما تترك مجال لهم يفكروا بشخص ثاني

ثاني شي غريب صار كان بالفصل 1029

هون “أمورو” قال انه زوجين من شخصين في ثقة بينهم.. و هو اختار “كونان”.. اوك ممكن حدا يجي يقلي انه هو اختار “كونان” عشان يتحقق منه من كم شغلة بتخص “شويتشي”.. و ما بعرف شو.. و هذا شي مشكك من “امورو”.. لكن لا مش هيك القصة القصة ان “امورو” أخذ “كونان” عشان يترك خيار واحد لـ “كوغورو” و هو ان “واكيتا” يقترح ان “كوغورو” يروح معه.. و أكيد “كوغورو” رح يوافق بما انه تلميذه و بيوثق فيه

يعني “امورو” أخذ “كونان” عشان “واكيتا” ياخذ “كوغورو” و يستفرد فيه لسبب ما.. و هذا السبب هو يلي ممكن يقوله “كوغورو” بنهاية السلسلة لـ “كونان” ان “واكيتا” سألني عن كذا و كذا وقت كنا سوا.. و هون يبدأ “كونان” بالشك بـ “واكيتا”.. و بعدين نشوف تواصل بين “واكيتا” و “أمورو” بعد حلحلة الأمور

الونبسية الأخيرة هي ان المجرم بالواقع هي المرأة “ايكوي” مش “نيشينو”.. و السبب انها استغلت “نيشينو” الغشاش يلي هي بتعرف انه غشاش عشان تنفذ جرائمها يعني هي بتعرف انه غشاش من لما كانوا صغار.. و عرفت انه رح يغش هالمرة.. و سمحت له يختار يلي بدو اياه بـ علمها المسبق مين هو رح يختار بالغش بالقرعة بسبب شبه ما يحصل الآن بما يمكن قد حصل بالماضي

لذا هي المجرمة اوك هذي ونبسة فعلاً لذا تن تا را را رن.. تن تن هههههههههههههه

لعما كانت ونبسة جدّيّة هالمرة هههههههههههه ما في مزح هههههههه اي على سيرة “واكيتا” و هويته الحقيقية.. ما بعرف ليش وقفة “واكيتا” هون

بتذكرني بالعسكري يلي بيضرب التحية لـ يلي أعلى رتبة منه ههههههههه بوضع الاستعداد و اليدين على جانب الجسم مع كلمة حاضر.. شي مثالي هههههههههه

تماماً مثل وقفة “واكاسا” بقضية الخيمة المحترقة

وقت وقفت مثل الحرّاس بعد كلام قاسي غريب من أحدهم ههههههههه

ما علينا على كل حال.. هم أحرار بـ طريقة وقفاتهم هههههههههههه كل واحد بوقف على كيفه يعني.. ان شاء الله بوقفوا على ايديهم احنا ما دخلنا ههههههه

عموماً.. بالنسبة لـ “امورو” و  RUM و “كونان” و خطة “يوساكو” بالفصل 1012

أكيد “غوشو” بيعرف ان الفانز رح يبدؤوا يحللوا عن يلي صار بالفصل 1012 بعد سؤال “كونان” مثل ما تناقشنا الحين.. لذا غالباً رح يصير شي بنهاية السلسلة الحالية له علاقة بـ هالموضوع

انا حالياً مش رح أحكي عن السيناريو يلي بظنه صار بالاجتماع بالفصل 1012 أو تحليلي عن الخطة و تفاصيلها يلي وضعها “يوساكو” للإيقاع بـ RUM

بس قبل ما أكمل في نقطة سريعة بدي نوّه لها.. و بحكي عنها لاحقاً.. و يلي هي التالية

اوك.. هون “أمورو” قال و اذا قلتلك اني ما التقيت فيه.. رح تصير حذر أكثر من الأشخاص يلي ممكن يتقربوا مني أو منك اوك هذي كلمة “مني أو منك” مش تمام هههههه  يعني قال انه اذا قلتلك قابلته رح تحقق حول الناس يلي لهم علاقة فيي فـ طبيعي انه يقول اذا قلتلك انه ما القيت فيه.. رح تصير حذر أكثر من الأشخاص يلي ممكن يتقربوا مني

لكن هون قال “مني او منك” (طبعاً بالصورة خطأ ترجمة.. الترجمة الصح بحساب مايكروفت.. و عملت ريتويت للفصل من ترجمته.. بتلاقوه بالحساب).. اذاً ليش “أمورو” قال اذا قلتلك اني ما قابلته رح تصير حذر أكثر من الناس يلي ممكن يتقربوا مني أو منك يعني ليش وضع احتمال ان  RUM ممكن يتقرب من “كونان” حتى !!! شو السبب ؟ ههههههههه  اوك ما علينا خلونا نكمل حالياً هههههههه.. اوك.. يمكن أكتب عن الخطة يلي صارت بالفصل 1012 بعد انتهاء السلسلة الحالية اذا صار واحد من ثلاثة أمور متوقع انهم يصيروا

الأمر الأول انه نشوف لقطة لـ مشتبهي  RUM الثلاثة “واكاسا” - “كورودا” - “واكيتا” لسبب ما .. و بـ طريقة تأكد تماماً ان RUM واحد منهم.. يعني لقطة مشابهة لـ لقطة “بوربون” بالفصل 800

الأمر الثاني انه نشوف محادثة من نوع ما أو تلميح من نوع ما عن تواصل أو معرفة سابقة بين “واكيتا” و “امورو” بنهاية السلسلة الحالية

الأمر الثالث و يلي بتوقع يصير و بقوة.. انه نشوف “أمورو” عم يرسل رسالة لـ RUM عن “شينتشي”.. سواء أكان محتوى الرسالة ان “شينتشي” ميت.. أو “شينتشي” عايش.. بغض النظر عن محتوى الرسالة اذا ظهرت هيك لقطة بنهاية السلسلة الحالية ان “أمورو” عم يراسل  RUM عن “شينتشي”.. مع نظرة مخيفة أو شريرة نوعاً ما من “أمورو” لـ “كونان” بنهاية القضية الحالية.. وقتها بكون السيناريو يلي عم فكر فيه صح.. و الخطة يلي وضعها “يوساكو” (حسب ظني) ماشية تمام التمام

و اذا صارت هاللقطة فعلاً بنهاية القضية الحالية.. بنقدر نقول انه هالرسالة.. هي الحجر الأول.. بـ قبر RUM !!

#كونان

[the-conanner]

File 1028 Discussion, Cheating !

في شغلة غريبة فعلاً عم تصير.. بنهاية الفصل 1028 كان القتل بالشكل التالي

و بسلسلة بيشامونتن كان القتل بـ طرق متعددة.. لكن مع اشارة قدم نقار الخشب.. أين ؟ هههههههه

شو قصة ناغانو مع الجبهات ؟ ههههههههه

يسعد أوقاتكم شبيبة.. و ان شاء الله تكونوا بألف خير

قبل ما نبدأ بـ هذا المنشور.. بتمنى يتم قراءة منشور الفصل 1027 حتى تفهموا الأمور عن السلسلة الحالية و القضية.. حتى تقدروا تكملوا بالمنشور الحالي.. و منشور الفصل 1027 بالمفضلة بـ تويتر

طبعاً المنشور هذا رح يكون قصير مثل المنشور السابق لنفس الأسباب.. أولاً وقتي و ثانياً عدم وجود شيء مهم بالفصل 1028 للتكلم عنه بإسهاب طبعاً في بعض الأمور يلي ممكن تكون مهمة عن الفصول القادمة رح أحكي عنها بشكل سريع و مختصر.. لإن تركيزنا بهذا المنشور رح يكون بشكل عام على القضية الحالية و ليس على موضوع الشخصيات و تقدم القصة و التلميحات.. لذا فلنبدأ

في شي بدي نبّه عليه بالبداية.. و هو حقد المجرم يعني وصلت معه لدرجة انه يفجر الثلج و يعمل انهيار حتى يسد النفق

استخدامه للقنابل دليل واضح على حقد رهيب جداً بارتكابه للجرائم

اوك.. طبعاً مثل ما سبق و حكيت عن الشيفرة بـ تويتر.. فالشيفرة يلي وجدها الضحية “وادا” بالكنيسة هي التالية و تفسيرها التالي

اذاً.. هدف القاتل يقتل 3 أشخاص.. و هيك بيتطبق هدفه و رسالته لإنه بالبداية أرسل بالشيفرة يلي أرسلها لـ “كوغورو” فلتبدأ اللعبة و بالشيفرة يلي وجدها الضحية حلها خرج واحد في التواليت

و معلومة.. فالشيفرات يلي انرسلت للجوالات هي نفسها الشيفرة يلي انرسلت لـ “كوغورو” بس مقلوبة باتجاه عقارب الساعة أو عكسها.. او مبدلة الكاتاكانا بالهيراغانا.. يعني مش مختلفة أبداً.. و خلينا نشوف

واضح.. حتى “واكيتا” لاحظ هذا الموضوع.. يعني مش سر.. فإذا بتلاحظوا.. الكاتاكانا نفسها بس مقلوبة باتجاه عقارب الساعة او عكسها.. أو مبدلة بالهيراغانا.. يعني الأحرف واضحة.. لذا كل الشيفرات يلي بالصفحة فوق هي نفسها الشيفرة يلي وصلت لـ “كوغورو” و يلي هي إعلان الحرب مثل ما شرحت بمنشور الفصل 1027.. ما في اختلاف أبداً.. بس حبيت أوضح هالنقطة

اوك.. نرجع للشيفرة يلي وصلت لـ “وادا”.. فـ مثل ما حكينا.. معناها “خرج واحد في التواليت” و فعلاً خرج و تم قتله.. لكن من الضحية القادمة.. و أين سيُقتل ؟

اوك.. بنهاية الفصل.. “كونان” أوجد شيفرة جديدة.. و الباقي أوجد شيفرات مشابهة للشيفرة هذي.. يعني الشيفرات يلي وجدوها الباقي هي نفسها الشيفرة يلي وجدها “كونان” بس مقلوبة بنفس الطريقة يلي شرحتها فوق عن الشيفرة يلي وصلت “كوغورو” و وصلت على الجوالات

و الشيفرة يلي وجدها “كونان” هي التالية.. و خلينا نشوفها مرة ثانية

اوك.. اذا رتبناها بنفس الطريقة يلي رتبنا فيها الشيفرات الأولى.. فـ رح يطلع معنا التالي

フロバデツーアウト و يعني خرج اثنان في الحمام

أي أن الجريمة الثانية ستحصل في الحمام.. و هذا مخطط الكنيسة للتوضيح أكثر

الحين بغض النظر عن الضحية التالية... صار في كلام عن ان “كوغورو” ممكن يصير مشتبه فيه كونه كان دوره انه يروح هو على الحمام بالقرعة.. فـ ممكن يكون موضع اتهام بتحضير شيء هناك... لكن هذا الكلام مش صح طبعاً.. و السبب ان “كاواساكي” و “كونان” ذهبوا للتواليت قبل الجريمة.. و ما كان في شي.. و الجريمة حصلت بالتواليت.. يعني أكيد ما فينا نتهمهم مشان هالنقطة مثلاً

عدا عن هيك... “كوغورو” ما ذهب للتواليت أساساً.. يعني معقول يقتل الضحية الثانية بالحمام و ما يكون هو نفسه قاتل الضحية الأولى التواليت !!! طيب هو ما راح عالتواليت من الأصل.. معناها “كوغورو” ما له علاقة بالجريمتين

لكن في موضوع هون.. و هو ان موضوع السهم احتمال يكون محضر مسبقاً.. يعني مش شرط المجرم يكون حضر آلية إطلاق السهم بعد خروج “كاواساكي” و “كونان” من التواليت.. ممكن الخدعة تكون محضرة قبل.. مثلاً هيك

واضح في مرآة بالجدار.. فاحتمال تكون هذي خزانة أدوية أو شي من هالنوع.. و الضحية “وادا” فتحها.. فـ تم تفعيل آلية الإطلاق و انقتل فوراً و هذا كان قبل ايجاد ورقة مخطط الكنيسة و الشيفرة.. يعني ما كان في شي اسمه البحث.. يعني ما كان في ببال “كاواساكي” و “كونان” انهم يفتحوا الخزانة لأي سبب.. فاحتمال تكون الخدعة محضرة مسبقاً لكن لحسن الحظ “كونان” و “كاواساكي” ما فتحوا الخزانة.. و ممكن يكون القاتل قتل “وادا” بشكل مباشر من مسدس إطلاق.. بما انه شفنا ان “أمورو” ساعد المرأة و بحث معها.. يعني في احتمال يكون القاتل حضر عند الضحية بحجة المساعدة.. و قتله بشكل مباشر

اوك.. الحين في 3 أمور رح نفسرها.. بعدين رح ننتقل للتوقعات كالعادة.. لإن مثل ما قلت.. هذا المنشور قصير.. و ما رح أطول فيه كثير

الأمر الأول هو التالي

هون “كاواساكي” قال انه كان في ساحة مناسبة لـ لعبهم لما كانوا صغار.. و هذا طبعاً شي يُقال عن ساحات مناسبة لـ لعب البيسبول فـ لما يكون في ساحة كبيرة نوعاً ما.. و شكلها مناسب.. فـ يُقال عنها “مكان مناسب” لـ لعب البيسبول اذا ما كانت مخصصة لـ لعب البيسبول أساساً

النقطة الثانية هي التالية

و يلي هي القرعة الفانز احتاروا انه شو يلي صار.. يعني الضحية راح عالتواليت صدفة بما انهم عملوا قرعة.. يعني مثلاً كان ممكن يطلع بالقرعة ان “أمورو” يروح عالتواليت.. يعني كان انقتل “أمورو” مثلاً ؟؟

لكن لا.. القرعة مش عشوائية أبداً.. و موضوعها سخيف صراحة و بسيط جداً لو كان مثل ما عم فكر خدعة القرعة بسيطة جداً.. و هي بتقسيم ورقة لـ 9 أقسام متساوية و توزيعها مثل ما شفنا.. فـ كيف كان ممكن يتم التحديد مسبقاً ان “وادا” رح يروح للتواليت ؟

اوك.. شفنا بعد ما تم تقسيم الأوراق.. تم إعطاءها لـ “نيشينو” باليد

و بعدها بدأ التوزيع.. لكن في شي مهم هون.. و هو الورقة يلي تم إعطاءها للضحية “وادا” بغض النظر اذا كان المجرم “نيشينو” أو لا لكن لاحظوا بالصورة التالية

اهاااا هون مربط الفرس عدد الأوراق مثل ما حكينا 9 أوراق.. يعني الورقة الخامسة مفروض تتوسط العدد كما موضح بالشكل التالي

طبعاً احنا ما شفنا عملية توزيع الورق.. لذا هذا افتراض مني.. بإنه  يلي صار انه بعد ما “نيشينو” اخذ الأوراق من “ايكوي” أخذ ورقة له فوراً.. و هيك بقي 8 اوراق.. و لما أعطى الورقة للضحية “وادا” كان باقي معه 3 أوراق مثل ما شايفين.. و وزعهم على “كوغورو” و “كونان” و شخص ثالث ما تم رسمه

لكن.. باعتبار هذا الكلام.. فـ بعد أخذ “نيشينو” ورقة له.. و بقي 8 اوراق.. فالورقة يلي أخذها الضحية “وادا” هي الورقة رقم 5 لإنه الورقة يلي أخذها الضحية حسب ما شايفين بالصورة هي الورقة الرابعة.. لإن باقي مع “نيشينو” 3 أوراق فقط بعد إعطاء الورقة للضحية.. يعني وقتها هي الورقة الرابعة فإذا افترضنا ان “نيشينو” كان آخذ ورقة له (من الأسفل).. فـ هيك بصير ترتيب ورقة الضحية هي الورقة الخامسة

يعني هو أولاً أخذ 9 اوراق.. و فوراً أخذ ورقة له من تحت.. و هيك بقي 8 أوراق.. و بدأ توزيعهم.. و لما أعطى الضحية “وادا” ورقته.. كان باقي معه 3 أوراق.. يعني لو هالفرضية صح.. معناها ترتيب ورقة الضحية هي الورقة الخامسة باحتساب الورقة يلي سحبها “نيشينو” بالبداية

أما الأوراق الثلاثة يلي بقيت معه بالنهاية.. فـ وزعها على “كوغورو” و “كونان”.. و يمكن الثالث “أمورو” مثلاً.. لكن ما تم رسم اللقطة مثل ما تم رسم لقطات توزيع الورق للباقي بالبداية

لكن أنا ليش مركز على الورقة الخامسة ؟ يعني ليش لازم الضحية يكون أخذ الورقة الخامسة ؟ لإنه ببساطة هي الورقة المستهدفة ههههههه اللعبة يلي اقترحتها “ايكوي” هي قص الورق بشكل متساوي و مرتب.. فإذا أعطت “ايكوي” الورق مرتب حسب ترتيب القص لـ “نيشينو”.. معناها الورقة الخامسة هي الورقة الموجودة بـ منتصف الورقة

اهاا.. الورقة الخامسة وين ؟ بالمنتصف ههههههههه و هذا بيعني ان حوافها الأربعة مقصوصة يعني مثلاً الورقة على الزاوية اوك هي من المصنع جاي هيك لها حافتين مرتبات و مستويات تماماً و سطح الحافتين جيد و مرتب

بينما الورقة بالمنتصف حوافها الأربعة رح تكون مقصوصة و غير منتظمة.. و هذا شي ممكن الاحساس فيه باللمس ههههههه يعني اوك كتبوا أسماءهم.. و وضعوا الورق بالعلبة طيب “نيشينو” ببساطة بيقدر يختار ورقة “وادا” يلي حوافها غير مرتبة عن طريق اللمس و الاحساس بالحواف.. وشفنا قبل ما يسحب ورقة “وادا” قال التالي رح يروح عالتواليت

واضحة تماماً.. يعني حتى لو فرضنا ان ترتيب الورق يلي حكينا عنه فوق خاطئ و غير صحيح.. و عشوائي.. ممكن “نيشينو” و هو عم يوزع الورق أحس بالورقة يلي حوافها غير مرتبة و عرف انه هذي الورقة الخامسة و ممكن تمييزها.. و هيك أعطاها لـ “وادا”.. يعني مش ضروري يكون الترتيب يلي حكيت عنه فوق صح.. ممكن ببساطة “نيشينو” أعطى الورقة للضحية عمداً بغض النظر عن الترتيب

خدعة تافهة نوعاً ما و بسيطة.. و كشفها بسيط.. لكن اذا بتلاحظوا كلام “نيشينو” وقتها

اوك.. فـ بظن انه بهذي الطريقة.. “نيشينو” صار كابتن وقتها و احتمال كبير يكون هو القاتل انتقاماً لـ صديقه المنتحر مثلاً أو هو يلي قتله انتقاماً منه.. فـ حسب ظني انه وقت تم اختيار “نيشينو” الكابتن زمان.. ما كان بيعرف هذي الخدعة.. و أظن يلي عملها و جعل “نيشينو” يصير كابتن وقتها هو الضحية يلي انتحر فإما عمل هيك عشان صديقه “نيشينو” يصير كابتن.. و هيك بكون “نيشينو” هو القاتل انتقاماً من الباقي لإنهم ضغطوا عليه عشان ينتحر مثلاً أو “نيشينو” قتل المنتحر لإنه وقتها عمل هالخدعة حتى يقهر واحد من المجموعة بحيث ما يطلعه كابتن.. و بالحالة الأولى بكون المنتحر كشف سر الخدعة بعد اختيار “نيشينو” كابتن مباشرة.. و بالحالة الثانية بكون المنتحر كشف الخدعة بعد مدة طويلة و هذا يلي جعل “نيشينو” يقتله

لكن أنا مع الاحتمال الأول.. و هو ان سلسلة الجرائم هذي هي انتقام “نيشينو” لصديقه المنتحر.. و طبعاً أنا ما حسمت ان “نيشينو” هو القاتل.. لكن مجرد افتراض بناء على موضوع الخدعة.. و خاصة انه هو يلي رفض موضوع اوراق اللعب يلي اقترحه “أمورو” و هو يلي اقترح موضوع القرعة بالأوراق كما في السابق

الموضوع الثالث يلي بدنا نوضحه هو كلمة “الزوجة” يلي قالها “رايتو” قبل بدء البحث طبعاً “كونان” فهم الكلام بإنه المعنى فعلاً الزوجة.. و “أمورو” كمان فهم نفس الشي

واضح.. “امورو” بعد سماع كلام “رايتو” ان القاتل ممكن يستهدف زوجة “نيتشي” فكّر مثل “كونان” ان المقصود بالزوجة هي “ايكوي” فـ عشان هيك ساعدها و حاول يحميها عشان ما حدا يهاجمها

لكن “كونان” و “أمورو” فهموا كلمة “زوجة” غلط ههههههههههه فالمقصود منها مش “زوجة” بمعنى الزوجة أو المرأة.. المقصود منها هو مصطلح بيسبول

فالزوجة.. هو مصطلح يطلق بين الرامي و الماسك الذي يقف خلف ضارب الكرة من الفريق الآخر.. و ثنائي “الرامي” و “الماسك” يُطلق عليه مصطلح “بطارية”.. و من هون بنفهم ان “نيتشي” المنتحر كان الرامي بالفريق.. و “وادا” يلي تم قتله بنهاية الفصل 1028 كان الماسك يلي بوقف خلف الضارب من الفريق الآخر.. و هذا المقصود بالزوجة

أي الزوجة بحالتنا هون هو “وادا” يلي تم قتله بنهاية الفصل 1028.. و هذا واضح من بنية جسم “وادا” الضخمة.. يلي بتلائم مركز الماسك.. و الكابتن طبعاً هو المسؤول عن ترتيب صفوف اللاعبين و دعمهم و وضع الاستراتيجيات.. يعني هو القائد خلينا نقول

و هيك بكون خلصت نوعاً ما من موضوع الفصل بشكل عام.. يلي ما كان فيه شي مهم بالنسبة للـ Main Line  بالقصة.. و موضوع “واكيتا” و “أمورو” و “كومي” و “سكوتش”.. و كان فصل عن القضية بامتياز.. لذا صار وقت التوقعات للفصول القادمة

اوك.. اول شي موضوع اقتراح “أمورو” لـ قرعة بأوراق اللعب

طبعاً احنا حكينا ان “نيشينو” رفض القرعة عشان يمرر موضوع الورق يلي شرحته فوق.. لكن سبب رفض “نيشينو” كان التالي

اوك... “نيشينو” تحجج انه في وسخ أو شي على خلفية أوراق اللعب عشان هيك رفضها

اوك.. من الطبيعي انه نفترض انه هذا ادعاء من “نيشينو” عشان يرفض موضوع أوراق اللعب و يقترح خدعته.. يعني كان مثلاً ممكن يدّعي ان الورقة ممزقة قليلاً.. أو أي حجة حتى يرفض موضوع أوراق اللعب

لكن رد “أمورو” غريب شوي.. فـ ما نفى موضوع الوسخ على ظهر الورقة !! شو القصة ؟ يعني فعلاً في وسخ ؟؟

اوك أنا قبل يومين نشرت تغريدة

و كتبت بآخرها هاشتاغ “فلنونبس معاً” هههههههه�� يعني ونبسة.. ما كنت عم بحكي جد.. لكن يبدو تم اعتبارها جد.. و في فانز أخذوها جد و بلشوا يفكروا ان هذي مادة وضعها “أمورو” حتى ياخذ بصمات “واكيتا” مثلاً.. مثل ما عمل لما أخذ مفتاح بيت “كودو” و نسخه فوراً بـ معجونة ما لكن لا مش هيك هههههههههههه يعني أساساً احنا ما نعرف اذا أوراق اللعب من عند “أمورو” أو لا.. يعني ممكن تكون من “كوغورو” و “أمورو” أخذهم بعدين معه بالصدفة مثلاً و هذا أولاً

ثانياً أظن انه في أوساخ فعلاً.. و حتى لو مش ظاهرة بالرسم.. و رد “أمورو” نوعاً ما بأكد انه فعلاً في أوساخ.. و كان “أمورو” على وشك انه يبرر

واضح يبدو ان “أمورو” كان رح يبدأ يبرر شو سبب الوسخ على وجه البطاقة الخلفي فـ شو هذا الوسخ ؟؟

أظن ان الوسخ هذا هو من آثار أكل السوشي يلي أكلوه بالقطار صح هم أكلوا بعد اللعب مثل ما شفنا.. لكن أولاً هم أكلوا بـ أيديهم مباشرة

واضح ان “كوغورو” و “واكيتا” كانوا عم ياكلوا بـ ايديهم بشكل مباشر.. اما “كونان” و “أمورو” استخدموا العيدان لكن بالنهاية في اثنين منهم أكلوا السوشي بـ ايديهم بشكل مباشر

فـ حسب ظني انهم لعبوا بأوراق اللعب مرة ثانية بعد ما خلصوا أكل ههههههه

يعني احنا شفنا ان مشهد القطار انتهى أثناء الحديث عن الشيفرة.. لكن هذا ما بيعني أبداً انهم وصلوا بعد هالحديث بـ لحظات.. احتمال وصلوا بعد ساعة مثلاً فـ ممكن بعد الأكل رجعوا لعبوا مرة ثانية و هذا شي ممكن.. لإن “كوغورو” لمس ورقة الشيفرة بعد ما أكل السوشي

و “أمورو” لمس ورقة الشيفرة بعد أخذها من “كوغورو”.. فـ الوسخ يلي على ورق اللعب من بقايا السوشي إما من لعبهم مرة ثانية بعد حديث الشيفرة (قبل الوصول) او بسبب لمس “كوغورو” لورقة الشيفرة بعد أكل السوشي و لمس “امورو” للورقة بعد لمس “كوغورو” يلي كان عم ياكل السوشي بـ ايديه لذا اي ممكن يكون في وسخ.. لكن هذا من بقايا السوشي على الأغلب

و أظن هذا الموضوع رح يوصلنا لـ فلاش باك بالنهاية لـ “كونان” عم يسترجع ذكريات يلي صار بالقطار.. و ان “واكيتا” كان معه ورقتين متشابهات و ما رماهم باللعبة.. و ممكن من هون يبدأ يشك فيه مثلاً يعني يصير شي بالقضية يذكر “كونان” بـ لعبة أبو الفول يلي كانوا عم يلعبوها بالقطار.. و يخليه يفكر بـ منطقية عن طريقة لعب “واكيتا” يلي حكينا عنها بتحليل الفصل 1027.. و يبدأ يشك فيه من وقتها.. يعني نفس الشي يلي صار مع “واكاسا-سينسي” وقت شاف وصل المشتريات و من وقتها بدأ يشك فيها.. فأتوقع حصول نفس الشي مع “واكيتا” بنهاية هذي السلسلة

أما القول بإن “أمورو” وضع مادة ما لأخذ بصمات “واكيتا” فهذا شي بعيد عن الواقع.. لإنه بيقدر ياخذ بصماته بألف طريقة.. مثلاً من الغلاف يلي أحضر فيه السوشي بالفصل 1027

و يلي أظن كان بـ حضن “كونان” بالفصل 1027 وقت تناولهم للوجبة اذا كنت عم شوف صح هههههه

عموماً أياً كان يلي بـ حضن “كونان” هون.. فـ بعد لقطة أو لقطتين اختفى.. فـ ممكن يكون نفس الكيس يلي أحضر فيه “واكيتا” السوشي.. فـ أخذه أسهل مثلاً.. أو أخذ طبعات بصمات من عليه أسهل و أسرع.. و بوقتها.. و ما في داعي تاخذ ورق اللعب

ممكن يزوره بالمطعم و ياخذ بصماته.. لك ممكن بأي اجتماع ثاني عند “كوغورو”.. أما موضوع البصمات من على ورق اللعب فهذا بعيد عن الواقع و غير صحيح أبداً

اوك.. احنا توقعنا موقع الجريمة الثانية يلي هو الحمام مثل ما شرحنا عن حل الشيفرة فوق لكن كمان مثل ما شرحنا من قبل.. ان القاتل هدفه يقتل 3 أشخاص.. بما ان الهجوم بينتهي بعد إقصاء 3 لاعبين.. و لحد الآن تم إقصاء لاعب واحد (واحد خرج في التواليت).. و حل شيفرة “كونان” بنهاية الفصل 1028 هو “خرج اثنان في الحمام” مثل ما شرحنا فوق

لكن ماذا عن الشخص الثالث ؟ اوك.. أولاً خلونا نرجع لـ خريطة الكنيسة

اوك.. هذي هي الخريطة أول شي احنا تعودنا ان نمط الشيفرات هو “واحد خرج في التواليت”... و “اثنان خرج في التواليت”.. يعني هيك النمط.. و بالياباني الشيفرة الثانية عن الجريمة القادمة بالحمام هي フロバデツーアウト أي دائماً الصيغة العامة خرج ***** في ***** يعني كلمة “خرج” و حرف “في” موجودين.. و بالياباني ***デ**アウト واضح.. يعني 3 فراغات للمكان.. و فراغين للرقم

الموضوع الحلو.. انه بـ خريطة الكنيسة ما في غير مكانين ممكن تعبئة أسماءهم بـ 3 كاتاكانا.. ويلي هم ال��مام و يلي رح تصير فيه الجريمة القادمة.. و المخزن يلي رح تصير فيه الجريمة الأخيرة الحمام اوك هو フロバ

و المخزن هو 倉庫 اي ソウコ واضح تماماً.. المخزن تماماً بناسب الفراغ بالشيفرة

و الرقم رح يكون الرقم 3 أكيد حتى يطبق شيفرة ثلاثة خرج في المخزن.. يعني خلونا نقول サン كـ لفظ يعني.. يعني الشيفرة يلي ممكن تكون عن الجريمة الثالثة (ممكن مش أكيد) هي ソウコデサンアウト و يعني خرج ثلاثة في المخزن

طبعاً الشيفرة ممكن تكون غلط لإنها من افتراضي.. لإن ممكن المجرم ما يشكل هيك جملة يعني مثلاً ممكن تكون الجملة بعد الجريمة الثالثة “انتهى الهجوم” أو “انتهت اللعبة” أو شي مثل هيك صراحة ما عندي معرفة كبيرة عن البيسبول.. لكن يعني بشكل عام هذا الممكن حالياً بنظري و حسب معلوماتي و اظن ان “كونان” و “واكيتا” و أمورو” رح يوقفوا الجريمة الثالثة و ما رح تحصل لإنهم رح يكونوا فهموا معنى الشيفرات... و غالباً المجرم رح يوقع بـ فخ قبل ارتكابه للجريمة الثالثة

بالنسبة للمجرم فـ طبعاً الخيار محصور بين “نيشينو” و “رايتو”.. رغم ان “نيشينو” مشتبه فيه أكثر بسبب خدعة الورق..لكن مش ضروري يكون هو القاتل.. ممكن عمل هيك لسبب ثاني ممكن نكتشفه بعدين لكن حالياً “نيشينو” هو الأقرب للاشتباه بسبب خدعة الورق.. و بسبب انه بالفصل 1027 بعد سماع صوت تحطم السيارات فوراً قال “هل يُعقل أنه موقف السيارات” ؟

عفواً يعني بس مش حلو منك هالسؤال هههههههه

ما علينا ههههههههه

في عندي فكرة ما عم تروح من بالي و هي “ران”.. اوك “ران” حالياً لوحدها بالبيت.. عشان هيك ما بظن تبقى لوحدها.. فـ إما رح تنام عند “سونوكو”.. أو رح تزور “سونوكو” و تعزم “ماسومي” تنام عندها.. رغم اني بفضل موضوع نومها عند “سونوكو”و اجتماعها مع “ماسومي”.. و طبعاً مثل ما حكينا بمنشور الفصل 1027.. رح تنفضح الأمور بشكل خرافي هههههههههه أنا لسه مصمم على هذي النقطة.. حاسس 3 فصول متبقية للقضية كثير.. لازم يصير في حشو لأمور ثانية خارج نطاق القضية الحالية.. مثل موضوع “ران” و “سونوكو” و “ماسومي” مثلاً

مثل ما قلت بأول المنشور.. في تشابه بين موضوع جريمة بيشامونتن و الجريمة الحالية من حيث العلامة أو الإصابة بالجبهة لذا بعد اكتشاف الجريمة الحالية.. غالباً “كوغورو” رح يتصل بـ “كانسكي” مرة ثانية و يبلغه انه في جريمة صارت و لازم يستعجلوا.. و احتمال “كوغورو” يحكي عن تفاصيل الجريمة و ان الضحية تمت اصابته بالجبهة.. و “كانسكي” يتذكر حادثة بيشامونتن.. و يقول مثلاً اي وقتها لما كان القائد “كورودا” موجود بـ ناغانو و يقوم “كوغورو” يكرر اسم “كورودا” عنده و يقول مثلاً اي القائد “كورودا” حالياً بـ طوكيو.. و يسمع “واكيتا” الاسم يعني ممكن نشوف شي جيد من هالناحية مثلاً هههههههههههههه

و بشكل عام بالفصل 1029 غالباً رح نشوف ببدايته تصرفات سريعة بعد الجريمة.. مثل فحص الجثة و تقدير وقت الوفاة.. و اتصال “كوغورو” المتوقع بـ “كانسكي” و إخباره عن الجريمة.. و استجواب “كوغورو” لشخصيات القضية عن شو عملوا لما راحوا يبحثوا عن الشيفرات بالكنيسة

يعني هذي الأمور لا بد من انها تصير بالفصل 1029 و ممكن نشوف بعض الأمور المهمة.. مثل اتصال “كوغورو” و “كانسكي” يلي حكيت عنه للتو.. و ممكن نشوف شي جملة من “واكيتا” عن القضية تكون بمثابة تلميح.. و تزيد من الشكوك حوله لكن أهم شي بالنسبة لي انه يحاول “كوغورو” يتذكر سؤاله عن الكابتن بنهاية الفصل 1028 و يسأله مرة ثانية لـ “رايتو”.. و هيك ممكن يعرفوا عن موضوع البيسبول بما انه الحين صار في جريمة قتل.. فما بظن يقدروا يخبّوا هذا الموضوع أكثر من هيك فـ غالباً رح يحكوا عن ماضيهم و عن البيسبول أثناء الاستجواب.. و طبعاً الشيفرات رح تبقى غير محلولة بالفصل 1029

يلي مفكر ان لقطة مثل هذي رح تمر على خير بكون غلطان ههههههههههه هذي اللقطة وراها فلاش باك.. مش الحين لكن بعد الإمساك بالمجرم يلي غالباً عم يرتكب هالجرائم هذي انتقاماً لصديقه المنتحر و هون غالباً رح نشوف فلاش باك عن “سكوتش”.. و عسى يكون “كومي” موجود عشان تحلى القعدة ههههههههههه

 و طبعاً التوقع الأخير و الدائم لهذي القضية و يلي توقعته من نهاية السلسلة السابقة بتحليل الفصل 1025.. و ذكرته بتحليل الفصل 1027 بإن “كوغورو” رح يتذكر لقب “أمورو” يلي هو “زيرو” يلي قاله له بالفصل 888 حسب ما أذكر.. و تذكر “كوغورو” رح يكون بسبب وجود الأرقام بالقضية.. يعني مثلاً أرقام أوراق اللعب.. و أرقام ترتيب اللاعبين.. و نتائج البيسبول يعني في أرقام كثير.. و شبه متأكد ان “كوغورو” رح يتذكر لقب “أمورو”.. و يحكي بـ صوت عالي و يسأله انه ليش هيك لقبك أو الشيء بالشيء يُذكر.. يعني رح يفضحه أمام “واكيتا” المهم هههههههههههههههه و ان شاء الله بتصير هاللقطة.. لإن فعلاً بكون لها تأثير جيد بـ ردة فعل “واكيتا” عليها

و هيك بكون خلص قسم التوقعات.. و صار وقت شوية ونبسة عالسريع ههههههههههههههه مع ان ضغطي صار يرتفع منها هههههه

ممكن بعد ما يعرفوا شرطة “ناغانو” انه في جريمة صارت.. تقوم الشرطية “يوي” تتصل بـ “ران” و تخبرها ان والدها علقان مع قاتل بـ كنيسة مهجورة و مش قادرين يوصلولهم تقوم “ران” تاخذ “ماسومي” و على القطار.. و بوجهها على ناغانو او ممكن يطلبوا من “سوبارو” و “هايبرا” يروحوا معهم مثلاً تن تا را را رن تن تن ههههههههه

ممكن “كونان” وضع حبة مضاد العقار يلي بقيت معه من الرحلة المدرسية بالحقيبة يلي معه حالياً.. و ممكن بنهاية القضية ينساها مثلاً بالكنيسة.. فـ يرجع “أمورو” أو “واكيتا” لياخذوها و تكون واقعة و محتوياتها على الأرض.. و من المحتويات حبة مضاد العقار  لعما اذا صحيح !! هههههههههههه تن تا را را رن تن تن

طيب ممكن ههههههههه لا خلص حاج بكفي.. ارتفع ضغطي مشي الحال هههههههههه

اوك.. و هيك بكون خلص منشور الفصل 1028 عذراً ان المنشورات حالياً قصيرة شوي.. لكن السبب ان وقتي عم يصير أضيق يوم بعد يوم.. و الأمر واضح من نشاطي بـ تويتر و فصول السلسلة أساساً لحد الآن عن القضية فقط و ما في شي جديد عن المنظمة أو علاقة “واكيتا” و “أمورو” أو أي تلميح يُذكر.. فـ أكيد بانتظار ظهور شي جيد قابل للنقاش

طبعاً بتمنى يتم قراءة منشور الفصل 1027 قبل هذا المنشور لأهميته لـ فهم المنشور الحالي.. و ان شاء الله أي سؤال كالعادة أنا موجود بـ تويتر 

والسلام عليكم

#كونان

[the-conanner]

File 1027 Discussion, Blizzard !

في موضوع بدي أعرف شو وراه بالفصل 1027

انه اوك. “كونان” كان عم يفكر بـ “ماسومي”.. بس “أمورو” بـ مين كان عم يفكر ؟ بـ “اوكيا” مثلاً !! هههههههههه

يسعد أوقاتكم شبيبة... ان شاء الله تكونوا بألف خير منشور هذا الفصل رح يكون مختصر شوي.. لإني مسافر و بـ وضع شوي ما بيسمح اني أنشغل كتير.. فـ رح حاول أضغط النقاط.. و أحكي بشكل مباشر و مختصر قدر الإمكان.. لذا فلنبدأ

اوك.. رح نبلش بأسهل نقطة بالفصل و يلي هي الشيفرة يلي وصلت لـ “كوغورو” من شخص اكتشفنا لاحقاً انه انتحر من شهرين.. و هذا بيعني انه في حدا لسبب ما عمل هيك عشان يحقق غاية ما

طبعاً الشيفرة كانت سهلة جداً.. و من السهل ملاحظتها و اكتشافها.. يعني أنا لاحظت انه في شي غلط بما يخص عدد الأشخاص يلي لازم يحضروا مع “كوغوور”.. و شكل الشيفرة

واضح.. الشيفرة من اليمين في عامود واحد خارج المربع المخطط.. بينما عاليسار في عامودين.. و هذا بيعني انه في شكل معين و قصد معين للشيفرة.. و يلي هو علاقة الشيفرة بـ البيسبول !! و سبق و كتبت على تويتر ان هذي الشيفرة لـ “هيجي” لإنه خبير باللعبة مثل ما شفنا بالمانجا بأكثر من مناسبة.. و لـ “أمورو” لإنه شفناه عم يلعبها بمانجا زيرو ههههههههههه

حتى أكون صريح و ما أبخس حق يلي فهموا الشيفرة.. أنا يلي اكتشفته بنفسي بدون مساعدة هو شكل الشيفرة المثير للشك.. و شكل المربع المخطط بـ نص الشيفرة يلي بيشبه الماسة اذا قلبنا الشيفرة شوي مثل ما رح نشوف.. و يلي بيشبه ملعب البيسبول.. و عدد الأحرف داخل المربع المخطط.. فقط هذا يلي قدرت أكتشفه.. و وصلت بالنهاية ان الشيفرة لها علاقة بالبيسبول.. بس المشكلة ما عندي عرفة باللعبة ههههههههه فـ ما قدرت اكمل استنتاج اكثر من هيك

اوك.. الشيفرة لها علاقة بالبيسبول بالمقام الأول.. بس كيف !!! اوك.. رح نحكي كيف أولاً أسماء شخصيات القضية بما فيهم الضحية أسماؤهم هي كالتالي

اوك.. هذي الأسماء بالياباني.. و طبعاً من هون هذا مش استنتاجي عن الشيفرة.. هذا الكلام اكتشفوه و لاحظوه أشخاص يابانيين على تويتر.. طبعاً أشخاص خبراء بالبيسبول.. مش عاديين يعني 

المهم.. اسم الضحية هو 日原泰生 تايسي نيتشيهارا و في بـ اسم عيلته كانجي  日 يلي موجود بـ اسم ملعب البيسبول Nippon Life Stadium (日本生命球場)

يلي بعدو اسمه 藤出頼人 رايتو فوجيدي و في بـ اسم عيلته كانجي 藤 يلي موجود بـ اسم ملعب البيسبول Fujiidera Stadium (藤井寺球場)

يلي بعدو اسمه 和田孝平 وادا كوهي و في بـ اسم عيلته كانجي 和 يلي موجود بـ اسم ملعب البيسبول Heiwadai Stadium (平和台野球場)

يلي بعدهم اسمها 古浦郁絵 كورايكو ايكوي و في بـ اسم عيلتها كـ نطق Koura (こうら) و هي نفس الموجودة بـ ملعب البيسبول Korakuen Stadium (後楽園球場)

يلي بعدهم اسمه 川崎陽介 يوسكي كاواساكي و في بـ اسم عيلته كانجيي 川崎 الموجودين بـ اسم ملعب البيسبول Kawasaki Stadium (川崎球場)

و أخيراً المشتبه يلي اسمه 西野澄也 نيشينو سوميا و يلي في بـ عيلته كانجي 西 الموجود بـ اسم ملعب البيسبول Hankyu Nishinomiya Stadium (阪急西宮球場)

اوك.. بس في نقطة ��لوة بعد كل هذا.. ان كل هالملاعب إما تم اغلاقها أو تم ترميمها و اصلاحها.. و طبعاً هذا المقصود بالتلميح الموجود بالأسماء يلي حكى عنه “غوشو” يوم الاثنين و هذي أول علاقة للموضوع بالبيسبول.. و الحين اجينا للشيفرة.. و هون بدها شوية تركيز

هذي هي الشيفرة.. الحين ممكن حدا يسألني انه شو دخلها بالبيسبول ؟؟  اوك.. رح قلك شو دخلها.. بس شوف هالصورة قبل ما نحكي هههههه

اوك.. الصورة هذي لـ ملعب بيسبول.. و تمركز اللاعبين يلي عددهم 9 بكل فريق.. و الأرقام اسمها “الأرقام الدفاعية”.. بمعنى آخر.. هذي الأرقام بترتب أدوار اللاعبين أثناء المباراة طيب.. شو علاقة هذا كله بالشيفرة ؟ تخيلوا معي.. انه احنا مسكنا ورقة الشيفرة.. و قلبناها شوي عاليمين حتى تطابق أرقام اللاعبين بالصورة يلي فوق.. شو رح يصير ؟؟

أو لا ليش لتتخيلوا هههههههههه خلونا نسويها هههههههه.. شوفوا

قوية ها ! هههههههه طبعاً قياس صورة الشيفرة غير قياس صورة الملعب.. فـ عادي اذا ما تطابقوا كل الأحرف على كل اللاعبين.. عموماً خلونا نشوف الصورة الثانية

ههههههههههه شي جميل جداً ههههههه الأحرف عم تتطابق مع الأرقام فعلاً

و احنا هذا يلي بهمنا.. فـ اذا أخذنا اماكن تطابق أحرف الشيفرة مع المراكز هذي مثل ما شفنا بالصور بالترتيب حسب الأرقام.. بيطلع معنا الأحرف サ ア プ レ イ ボ ー ル ダ

و اذا جمعناهم بيطلعوا サアプレイボールダ أو さあ  プレイボールだ saa    pureibooruda او بالانكلش Come on , Play ball !!  و مصطلح  Play ball هو مصطلح بدء مباراة البيسبول و معنى الشيفرة بالنهاية بصير

 هيا.. فلتبدأ المباراة  و هذا ببساطة “إعلان حرب” و جرائم متسلسلة من الطراز الأول.. و خطة مدروسة و محسوبة مسبقاً.. لإن القاتل أو المدبر لهذا الاجتماع بالكنيسة اشترط على “كوغورو” حصراً يكون معه 3 أشخاص وهو الرابع.. بس ليش ؟؟  لإنه هيك بصيروا 9 أشخاص ككل.. أربعة “كوغورو” و يلي معه.. و 5 هم شخصيات القضية.. و هذا عدد لاعبي فريق البيسبول.. بمعنى آخر مثل ما حكيت للتو.. هذا إعلان حرب حرفياً 

عموماً مثل ما شفنا الشيفرة سهلة جداً.. و انكشفت بسهولة.. و صراحة انا لو عندي معرفة بالبيسبول و فكرت فيها شوي كنت كشفتها.. بس ما عندي أدنى معلومة عن اللعبة هههههههههههه فـ اضطريت أشوف تحليل بعض اليابانيين يلي قدروا يحلوها بـ تويتر.. و حل ممتاز فعلاً

لكن بشكل عام أنا عرفت ان الموضوع له علاقة بالبيسبول.. من شرط عدد الأشخاص.. و شكل الشيفرة المريب.. و الأهم يلي خلاني أشك بالموضوع هو نقاشهم بالكنيسة

و يلي كان على شكل دائرة.. أو بالأحرى شكل الفريق قبل بداية اللعبة.. فـ بنفهم من كل هالكلام انه هم عالأغلب كانوا ينادوا بعضهم أيام الدراسة بأسماء الملاعب يلي حكينا عنها فوق.. و بظن انهم كانوا بـ فريق واحد أو شي مثل هيك

يعني.. كان الي شرف المحاولة هالمرة.. بس طبعاً أصحاب الاختصاص سبقوني هههههههههه

طبعاً القاتل هو واحد من الحاضرين.. يعني واحد من الخمسة الموجودين بالقضية أكيد.. و هو يلي أحضر الكل على هذا المكان.. عمل حاله مظلوم بينهم الأكثر شبهة بالنسبة الي بالوقت الحالي هو “رايتو فوجيدي” يلي بيشتغل أستاذ حالياً.. و السبب بـ اسمه اسمه هو 藤出頼人 و اسمه الأول هو “رايتو” مثل ما شايفين.. و رايتو هو اسم مركز لاعب بالبيسبول و يلي هو ライト  (raito) يلي هو اللاعب رقم 9 أو بالأحرى “اللاعب الأخير” و يلي بظن انه ممكن تكون اشارة لـ صاحب الضربة الأخيرة أو شي مثل هيك

على كل حال ما علينا.. رح يبين لحاله ههههههههههه و على فكرة.. موضوع الاشتباه بالقاتل مني أنا.. يعني خلص دور يلي حلوا الشيفرة.. و الحين كله مني بداية من موضوع القاتل

أما الحين فـ خلصنا شوي من موضوع القضية.. و خلونا نجي و نحكي شوي عن الأمور يلي ما لها علاقة بالقضية ههههههههه مثل بداية الفصل و ما حصل بالقطار.. يعني في شوية أمور بدي أحكي عنها.. و الباقي الأفضل أخليه لما بعد الفصل 1028 عشان بتكون توضحت أمور أكثر

اوك.. أول شي أنا جوعان و نعسان هههههههههههههههههههههههه

لعما شو عم بكتب أنا !! هههههههه احم احم ههههههه 

اوك.. أول شي في موضوع مهم عن لعبة الورق يلي كانوا عم يلعبوها جماعتنا بالقطار

اللعبة اسمها  Old Maid أو ما يُسمى عربياً أبو الفول.. و أظن الكل بيعرفها.. و مبدأها انه بتم ادخال الجوكر حتى يصير عدد الأوراق فردي.. و لازم اللاعبين يطلعوا كل ورقتين متشابهتين من الأوراق يلي بـ ايديهم.. و يسحبوا أوراق من بعض بالترتيب مثل ما شفنا بالفصل 1027.. و يلي بيبقى معه الجوكر بالنهاية هو أبو الفول أي الخاسر

بالفصل شفنا التالي

بس قبل ما نبدأ.. لازم نعرف انه لازم الأوراق يلي تبقى بـ ايدين اللاعبين تكون متشابهة.. اجباري

أول شي مثل ما شفنا “كوغورو” كان معه ورقة 4 و الشاب.. سحب أربعة من “كونان”.. و “أمورو” سحب الشاب المتبقي.. فـ “كوغورو” كان الفائز الأول

بقي “أمورو” و “كونان” و “واكيتا” عم يلعبوا و “أمورو” بعد سحب الشاب من “كوغورو” صار معه الشاب و الآس و 8 ديناري

واضح الورق مع “أمورو”.. بعدين “واكيتا” سحب ورقة من “أمورو” و “كونان” سحب من “واكيتا” مثل ما شفنا

لاحظوا.. باللقطة يلي فيها “أمورو” معه 3 ورقات.. “واكيتا” حكى جملة.. بعدين صار مع “أمورو” ورقتين.. يعني “واكيتا” سحب ورقة.. و هون تحت عاليمين كان “كونان” معه الجوكر فقط.. و كان مادد يده حتى يسحب من “واكيتا”.. و بآخر الصفحة شفنا ان “كونان” صار معه الجوكر و 8 ديناري يلي كانت مع “أمورو” بنص الصفحة فوق

هذا بيعني ان “واكيتا” سحب 8 ديناري من “أمورو”.. و “كونان” سحبها بعدين من “واكيتا”.. لكن بنهاية الصفحة الثالثة كل لاعب شو معه ؟ أول شي “كونان” صار معه الجوكر و 8 ديناري ثاني شي “أمورو” معه الشاب و الآس بما ان “واكيتا” سحب الـ 8 ديناري منه بس “واكيتا” شو معه ؟ اوك.. بما انه قلنا انه لازم الأوراق يلي مع اللاعبين تكون متشابهة.. فـ هذا بيعني ان “واكيتا” معه 3 أوراق و هم ورقة 8 و ورقة شاب و ورقة آس.. و واضح معه 3 أوراق بآخر الصفحة

لكن.. هو سحب ورقة 8 ديناري من “أمورو”.. طيب ليش ما طلعها هي و ورقة الـ 8 يلي كانت معه مسبقاً بـ يده ؟؟؟ مش هيك لازم ؟ هيك اللعبة.. لازم يطلع الورقتين المتشابهات.. طيب ليش ما عمل هيك ؟

اها.. في ناس قالوا مثلاً انه كان عم يماطل قصداً و بدو اللعبة تطول لإنه هو من المنظمة و بدو يراقب “أمورو” أطول فترة ممكنة.. طيب ليش ؟ ما بظن هذا السبب.. لإنه بالنهاية هو معه على القطار.. و بيقدر يراقبه دائماً حتى لو مش عم يلعبوا ورق هههههههههه يعني هم مع بعض بالقطار و بعد القطار.. فـ ليش حتى يماطل باللعبة بغرض المراقبة و هو بيقدر يراقبه بدون اللعبة أصلاً

في ناس قالوا انه هذا خطأ رسم.. بس مستحيل هالحكي.. يعني واضح “غوشو” قصداً راسم لقطات بتظهر الورق يلي بـ ايدين اللاعبين.. مستحيل يكون عم يظهرهم بـ هالطريقة و غلطان بالرسم... بعدين واضح انه راسم بـ يد “واكيتا” 3 ورق.. و هم يلي قلناهم للتو.. فـ مستحيل يكون غلطان بالرسم و مدقق بـ عدد البطاقات لـ هالدرجة

بيبقى احتمالين إما “واكيتا” كان باله مشغول و مشتت مع الجملة يلي قالها أثناء سحبه لـ ورقة 8 ديناري.. فـ ما ركز باللعبة و ما انتبه لـ تشابه الورق

أو في شي بـ عينه المكشوفة ما سمحله يشوف بـ دقة الفانز متفقين انه عين “واكيتا” المغطاة مريبة.. و انه كانت على وشك الشفاء.. لكنه حكها و رجعت انضربت من جديد لكن شو مشان اذا كانت عينه يلي على أساس سليمة مضروبة أساساً.. أو فيها خلل لدرجة ما يفرق بالبطاقات ؟

أنا ما بدي أحكي عنه أو عن عيونه بالوقت الحالي.. على الأقل مع هذا الفصل.. لكن يعني.. موضوع عيونه مشكوك بأمره من الأساس هو قال انها انشفت أو كانت على وشك الشفاء.. لكنه حكها و انضربت من جديد و صارت أسوأ من قبل.. طيب أنا شو عرفني ان عينك كانت مضروبة من الأساس ؟؟ يعني ممكن عم يكذب بالمرتين هههههههههههه خصوصاً انه كذب كمان لما قال انه رح يقول لرئيسه انه معدته عم توجعه.. هذا بيعني انه بيكذب و عنده هالعادة

لكن خلونا نتفق على نقطة.. الحين هو مشتبه بكونه RUM اوك.. طيب مثل ما شفنا ان RUM وكّل “بوربون” انه يتحقق من موضوع “شينتشي”.. و خلص وكّله.. طيب ليش لحتى يجيله و يرافقه بالطريق و يراقبه ؟ خلص هو وكّله.. اتركه على راحته يا أخي ههههههههه  فـ بظن نوعاً ما هذي نقطة ضد كون “واكيتا” هو  RUM إلا اذا كان “أمورو” أرسل رسالة لـ  RUM بعد الفصل 1017 و قال له شي عن “شينتشي” حسب خطة “يوساكو”.. و  RUM ما اقتنع.. و جاي يشوف “أمورو”.. و مشان هيك قال هالجملة

فـ ممكن هذي اشارة لـ ان “أمورو” أرسل شي لـ RUM و ما اقتنع.. فـ اجا لـ “أمورو” حتى يراقبه عن قرب.. لكن هذا بيبقى احتمال صعب شوي.. و المشكلة ان “أمورو” ما بيعرف شكل  RUM أبداً.. يعني يمكن يشوفه بالشارع و ما يعرفه مثلاً بما انه بيتواصل معه بالرسائل بس

عموماً أنا مش رح اكتر حكي عنه.. بما انه يلي ظهر مش كافي لحد الآن نوعاً ما.. و أنا ما معي كتير مجال اني أسرد بالكلام للأسف.. فـ رح أحكي عن بعض النقاط بشكل سريع

ببداية الفصل شفنا ان “واكيتا” اجا بشكل مفاجئ لوكالة التحريات.. و طلب انه يذهب معهم بالرحلة

في ناس قالوا انه حاطط أجهزة تنصت بالوكالة.. لكن لا.. الوضع هون مش متشابه مع “اوكيا”.. هذي اول طلعة له لهون.. يعني ما كان له فرصة يزرع شي بالوكالة أبداً ثانياً من هالصفحة بنلاحظ ان “أمورو” تفاجأ بوجوده.. و قال انه اها ذلك المطعم المجاور.. بصيغة تساؤل و اندهاش.. و هذا بينفي نوعاً ما وجود معرفة سابقة بينهم.. إلا اذا كان “أمورو” عم يمثل ههههههههه

لكن أنا عندي رأي ثاني نوعاً ما.. ان شاء الله رح أحكي شوي عنه بعد شوي بالمنشور هذا.. و الباقي بعد صدور الفصول القادمة

و في فانز قالوا انه حاطط أجهزة تنصت لإنه عرف ان “أمورو” هو التلميذ رقم 1.. لكن هو سمع “أمورو” عم يحكي قبل بلحظات نفس الجملة

لذا ما في أي مشكلة.. هو سمعه عم يحكي و هو طالع بما ان “أمورو” كان صوته عالي.. يعني عم يحكي و هو مبسوط بصوت عالي.. فـ طبيعي يسمعه “واكيتا” يلي كان بـ طريقه عالوكالة.. فـ ما في أي جهاز تنصت بالموضوع

اوك... بقدر قول انه هذا تقريباً كل شي بما يسمح فيه وقتي حالياً.. و رح ننتقل لـ توقعات الفصل القادم و ما بعده قبل ما ننهي المنشور

اوك بالنسبة للشيفرة كان كشفها سهل.. فأظن انه رح يتم كشف معناها بالفصل أو الفصلين القادمين... حتى يعرف الكل انه هذا جريمة قتل مش انتحار يعني مش يبقى لغز الشيفرة لآخر السلسلة.. لا.. بظن رح يتم حله و كشفه أمام الجميع قبل هيك.. خصوصاً اذا تدخلت الشرطة... فـ أكيد رح يتم كشف حلها سريعاً.. و التنبيه بإن هذي قضية قتل متسلسل مش قضية انتحار.. خصوصاً انه في اثنين يبدو انهم فهموا شي من الشيفرة

اوك.. يبدو من الصورتين ان “أمورو” و “واكيتا” فهموا شي من الشيفرة هذي.. فـ ممكن إعلان الحل يكون عن طريقهم بالفصول القادمة لكن في فانز مثلاً شكوا انه باللقطة التالية دليل ان “أمورو” و “واكيتا” بيعرفوا بعض مثلاً

لكن لا مش دليل هذا.. هذي مجرد لقطة ان “أمورو” بيتفق مع الكلام يلي قاله “واكيتا” مش اكثر.. انه فعلاً في جريمة قتل.. فـ أبداً هذي اللقطة ما بتدل على شي

بس بالنسبة لـ الشرطة.. فـ رح تتأخر حتى توصل هههههههه “فوجيدي” قال انه لازم يتصلوا بالشرطة أو الإطفاء اوك.. على فرض في تغطية و قدروا يتصلوا.. فـ أظن ان الرد رح يكون انه حالياً صعب نقدر نوصل لكم بـ هذي العاصفة.. لإن في طريق تسكر أو في جسر وقع أو يعني من هالأسباب يلي حفظناها ههههههههه.. فـ رح تتأخر الشرطة.. و هيك رح يتأخر لقاء “أمورو” و “كومي” يلي منتظرينه.. بس بالنهاية رح يصير

لاحظوا بالقضية في أرقام.. قصدي بالشيفرة.. في أرقام من 1 حتى 9.. و أنا سبق و حكيت بـ تحليلي للفصل 1025 التالي

هيهيهيهي هيهيهيهي هههههههههههههه طلع في أرقام ههههههههههههههههه

و هذا بيعني انه ممكن فعلاً نشوف “كوغورو” عم ينزع الطبخة بالفصول القادمة و يفضح “أمورو” فضحاً لعيناً هههههههههههههههههههههههههههه 

ياااااا سااااااااتر هههههههههه

عموماً هذا رابط تحليل الفصل 1025 https://twitter.com/WheelFate/status/1089619182243799040 اقرؤوه.. جداً مهم

فـ شي كويس اذا شفنا “كوغورو” عم يحكي هيك فعلاً.. و عم يفضح هاللقب الخاص بـ “أمورو” أمام “واكيتا” و “كومي”.. رح تكون لقطة فعلاً تستحق الانتظار ههههههههه و أنا حكيت عن هالشي بتحليل الفصل 1025 و يبدو رح يتحقق بما انه عرفنا ان الشيفرة هذي لها علاقة بالأرقام مثل ما شفنا

بالفصل 1027 شفنا ان “سونوكو” مريضة و “ران” رح تروح تزورها طيب مش ممكن يتكمل الفصل 1026 بالسلسلة الحالية !! يعني مثلاً “ران” تروح لهناك.. و تروح “ماسومي” كمان !!! مش هم أصدقاء ! فـ عادي لو راحت “ران” لهناك.. و راحت “ماسومي” كمان.. و هناك رح يتم نشر الغسيل الوسخ لـ نص المانجا هههههههههههههههه اذا صار هيك.. رح يرجعوا يحكوا تاريخ اليابان مش بس تاريخ المانجا ههههههههههههههههههه و “ماسومي” رح تاخذ راحتها بالأسئلة .. و “ران” و “سونوكو” رح ياخذوا راحتهم بالأجوبة و تصير فضايح ان شاء الله ههههههههههههه

يعني لو “كونان” أخذ “ماسومي” معه كان أحسن هههههههههههههههههههههههه كان بقيت تحت نظره و ما قدرت تعمل شي.. بينما الحين رح يتم فضح المستخبي هههههههههههه.. فـ يا ساتر لو هالحكي صار هههههه

قبل فترة.. شفنا ان “غوشو” قال انه في شخص غير “ماكوتو” و “اوكيتا” قدراته القتالية خارقة لدرجة انه تعتقد انه من مانجا ثانية.. و التصريح كان متزامن مع وقت رسمه للسلسلة الحالية فـ اذا بكون هالشخص هو “واكيتا” فـ رح أنتحر هههههههههههههههههه اوك.. عموماً اذا في شي ممكن يظهر عن قدرات “واكيتا” القتالية.. فـ الوقت الأنسب هو هذي السلسلة

على سيرة “واكيتا”.. شي حلو لو أزال قبعته بالفصل 1028 أو الفصول القادمة بشكل عام.. ممكن هذا يعطينا تلميح عن شي مثلاً ؟

في توقع.. ما بعرف.. عندي احساس انه رح يصير بنهاية هالسلسلة.. و هو ظهور المشتبهين الثلاثة بكونهم  RUM عم يرسلوا رسائل لـ “أمورو” أو عم يعملوا نشاط ما.. و بـ طريقة ما يتم التوضيح على انهم هم فقط المشتبهين بكونهم RUM على طريقة يلي صار بالفصل 800 مع “بوربون” وقتها مش أكيد.. بس عندي احساس انه هاللقطة رح تصير بـ نهاية هالسلسلة

بظن لحد هيك كافي.. و انا كتبت بعض الأمور بحسابي بـ تويتر.. بتقدروا ترجعولها أما الحين باقي الونبسة قبل ما ننهي المنشور هههههههه

بالنسبة أول ونبسية... الحين “أمورو” قال انه بعد ما طلبت منه “ران” يروح بدالها.. سأل “أزوسا” اذا بتقدر تروح معهم.. بس رفضت لإنه عندها خطط مسبقة فـ معقول ان “أمورو” ما سألها أساساً ؟ و عمل هيك قصداً حتى يفكر بصوت عالي انه الأفضل يطلع معنا محب للغموض.. و يجي “واكيتا” وراه بشكل مفاجئ و يعرض نفسه للسفر ؟ ممكن ههههههههههههههه

ثاني ونبسية شفنا في واحد بيشبه خادم “موميجي” يلي اسمه “ايوري موغا”.. معقول هذا تلميح ! هههههههههههههههههه تن ترا را رن تن تن صحيح.. “امورو” قال انه هو التلميذ رقم 1.. هذا بيعني ان “واكيتا” هو رقم 2 يعني  RUM ههههههههههههههه تن ترا را رن تن تن ههههههه

اوك حاج بكفي لهون ههههههههههههههه هيك بكفي 

بس لاحظتوا.. في ��نبيسيات فيها شي من المنطق.. مثل الأولى و الثالثة صحيح.. شو الشي يلي بدي أحكي عنه شوي عن “واكيتا” و “أمورو” الحين.. و الباقي بالفصول القادمة ؟ كنت رح خلص المنشور و انسى أكتب ههههههههههههه

المهم.. خلونا نجي للمنطق مع نهاية المنشور شفنا “أمورو” عم يقول التالي

انه التلميذ رقم 1 لـ “كوغورو”.. او خلونا نقول بالياباني

اوك هو قال 毛利先生の一番弟子 أي التلميذ الأفضل لـ “موري كوغورو”.. يعني ما في أرقام.. هذي عشان الونبيسيين يلي ممكن يقولوا ان “أمورو” الرقم 1 يعني “واكيتا” هو الرقم 2 فـ هون “أمورو” ما قال رقم.. قال انه هو التلميذ الأفضل لـ “كوغورو”.. و ما في أي وجود للأرقام.. هذي لأخذ العلم يعني.. و كررها نفسها “واكيتا” لما دخل

واضح تماماً

فأنا في عندي نقطتين هون الأولى هي اعتراف “واكيتا” ان “أمورو” هو التلميذ الأفضل لـ “كوغورو”.. انه انت شو عرف أهلك انه هو أفضل منك !!! شفته من قبل شي !! عرفت شي عن استنتاجاته !! انت اجيت تسمع قصص من “كوغورو” حسب كلامك.. شو عرفك ان “أمورو” هو فعلاً التلميذ الأفضل عند “كوغورو” ؟ يا أخي ممكن في تلاميذ غيركم انتوا الاثنين.. مثل “يوكوميزو” و “يامامورا”.. شو عرفك فيهم ؟ 

فـ كلامك يا غالي القهوة عن ان “أمورو” هو التلميذ الأفضل لـ “كوغورو” مش بس لإنك سمعته عم يقول هيك و انت طالع عالدرج.. بل في سبب ثاني

النقطة الثانية و يلي هي الأهم كلام “أمورو” قبل ما يظهر “واكيتا” أصلاً

اوك.. يعني عم يقول انه هو التلميذ الأفضل لـ “كوغورو”.. كلامه هون بيعطي انطباع انه في تلاميذ غيره يعني الكلمة يلي قالها هون.. لها انطباع انه هو أحسن تلميذ.. لكنه مش الوحيد

فـ “أمورو” لما حكى هيك.. كان عنده معرفة انه هو مش التلميذ الوحيد.. و انه في غيره.. و هو كل يلي بيعرفه عن مطعم السوشي يلي بيشتغل فيه “واكيتا” ظهر بالفصل 982

يعني انت الثاني.. شو يلي عرف أهلك انه في تلميذ غيرك عند “كوغورو” ؟ اوك فهمنا انه بالفصل 826 “كوغورو” حكى عنك انك انت التلميذ الأفضل عنده

بس هذا كلام كان بينهم فقط.. يعني هو ما سمعه... و بالآخر لحتى تدخل “أمورو” بالكلام و طلب يسمع أقوال المشتبه بهم

فما بظن “أمورو” سمعهم هون رغم انه ما قدم نفسه بـ انه هو التلميذ الأفضل عند “كوغورو” بعد اللقطة بالفصل 826.. يعني ممكن يكون سمعهم.. لكن شخصياً ما بظن.. يعني كلام “أمورو” كان منفصل عنهم.. كان عم يحكي مع “كونان” و أكمل انه لازم يسمعوا أقوال الناس

فـ ممكن يكون سمعهم و على أساس كلام “كوغورو” قدّم نفسه بالفصل 1027 و “واكيتا” سمعه و هو طالع عالدرج.. و الأمور طبيعية

و ممكن ما يكون سمعهم.. و وقتها بكون عنده علم انه في تلميذ غيره مثل “واكيتا”.. و هذا بيعني انه ************* ؟؟؟

#كونان #فانز_كونان

[the-conanner]

File 1025 Discussion, B-W !!

في غموض ما قدرت أحلّه بصراحة... الحين ببداية المانجا.. “شينتشي” يلي تقلص أثبت لـ “اغاسا” انه هو نفسه “شينتشي” بس تقلص.. بـ علامة الشامة و الشعر

بس “ميري” شو أعطت دليل لـ “ماسومي” حتى تصدق انها هي نفسها “ميري” بس تقلصت ؟؟؟

هههههههههههه يا ساتر 

يسعد أوقاتكم شبيبة... ان شاء الله تكونوا بـ خير بعتذر.. بعرف اني طولت حتى نشرت هذا المنشور.. بس كان في عندي ضغط قاتل بالشغل بالأسابيع الماضية.. حتى يوم واحد اجازة بأسبوع راس السنة ما أخذت (مثل كل سنة) فـ اضطريت أتأخر بالنشر حتى اليوم

ان شاء الله بهذا المنشور رح نناقش عدة أمور مهمة بالمانجا عن “ميري” و “تسوتومو” و عائلة “ميانو” و علاقتهم بـ المنظمة و تاريخها.. لذا فلنبدأ

بالبداية أنا ما رح اتكلم عن القضية بالسلسلة الحالية.. لإن القضية ظهر حلها بـ الفصل 1026 ان المجرم هي خبيرة التجميل مثل ما حكينا.. يعني ما في شي مهم و جديد.. لذا رح نحكي فقط عن الأمور يلي بتخص القصة و المانجا و حبكاتها بشكل عام.. و يلي ظهرت بـ ذكريات “ماسومي” عن تقلص “ميري”.. و حديث “هايبرا” عن تاريخ والديها مع شركة “اليمامة” و مجموعة “كاراسوما” قبل 19 و 30 سنة

بصراحة في كتير معلومات و كتير أفكار بـ راسي.. و مش عارف من وين أبدأ و بـ شو أحكي أول شي ههههههههه فعلاً شي بحير.. عموماً خلونا نبدأ

                                  ما سأكتبه تالياً.. قد يُصيب و قد يُخطئ

اوك.. خلونا نناقش الأمور نقطة نقطة عشان ما نخربط الدنيا

مثل ما الكل كان عارف من بدايات ظهور “ماسومي” تقريباً.. أو بشكل أدق من بعد سلسلة الأمواج بالفصول 972-974.. ان “ماسومي” تذكرت “كونان/شينتشي” و عرفت هويته الحقيقية.. بسبب قوله لجملة “أنا تلميذ هولمز” بسلسلة إلهام هولمز في لندن.. و هيك عرفت انه هذا الطفل هو نفسه الطفل يلي التقت فيه قبل 10 سنين على الشاطئ و متقلص مثل امها

واضح تماماً.. نفس اللقطة و نفس الجملة... و هي قالت انه ظهر أمامها.. و هذا بأكد انه هي كانت بـ لندن وقتها (رح أرجع لـ هالنقطة بعد شوي)

لكن ما تفسير قول “ماسومي” بإنه مفتاح حل الغموض هو “كونان” ؟ أي غموض ؟ اوك.. خلونا نرسل اللقطتين مع بعض

واضح تماماً.. هي بتقصد مفتاح حل غموض تقلص والدتها موجود عند “كونان” يلي تقلص هو كمان مثل والدتها

يعني مثل ما سبق و قلنا... “ماسومي” ما بتعرف شي عن المنظمة.. و هذا تصريح رسمي من “غوشو”.. يعني هي ما بتعرف شي اسمه منظمة.. لا بتعرف “جين” ولا “فودكا” ولا أي حدا منهم.. و ما  لها علاقة بأي شي بخص المنظمة كل يلي بتعرفه ان والدتها “ميري” تقلص جسدها بـ فعل عقار ما من صنع شخص ما بعد أن أرغمهما شخص ما قد هاجمها على ابتلاعه.. و بتعرف شوية تفاصيل عن أبوها و قضية “كوجي”.. ما بتعرف أكثر من هيك أبداً هذي هي حدود معرفتها.. و أنا عم بحكي عنها حصراً.. مش عن “ميري”.. شيلوا “ميري” على جنب حالياً

و هدف “ماسومي” مش فضح “كونان” مثل ما الكل مفكر.. أو انه تخليه يقابل “ميري” و يساعدها... طبعاً هذا هدف من أهدافها.. لكن هدفها الأساسي هو انه تطلب من “كونان” يفهمها كل شي.. هي بدها تفهم.. لإنها مش فاهمة شي !!! مش فاهمة ليش “ميري” تقلصت ! مش فاهمة كيف أخوها مات !! مش فاهمة كيف أبوها اختفى !! هي مش فاهمة شي.. و “ميري” ما عم تحكيلها شي... فـ ما لاقت أمامها غير “كونان” يجاوبها على أسئلتها و يحل لها كل هذي الأمور الغامضة بالنسبة لها

صح هي بدها “كونان” يساعد “ميري” و يلتقي فيها... لكن هدفها الأساسي و الرئيسي انها تطلب من “كونان” يفهمها كل شي.. يعني خلونا نشبهها بـ “هوندو ايسكي”.. كان بيعرف حقيقة “كونان” و كذا و كذا.. و انوهمنا انه بيعرف كل شي.. و بس اجت سيرة المنظمة طلع حمار هههههههه ما بيعرف شي.. و قلعوه “كونان” و “شويتشي” برا الغرفة عشان يعرفوا يتفاهموا مع اخته ههههه فـ هي دورها شبيه نوعاً ما من هالناحية

لكن ليش بدها تطلب من “كونان” يجاوبها على أسئلتها ؟ يعني شو يلي خلاها واثقة انه رح يجاوبها ؟ شو يلي خلاها تطمع بـ لقاء الأجوبة عند “كونان” ؟

السبب عميق شوي... يعني بعض الفانز بقولوا انه من يأسها.. و لإنها يائسة من يلي حولها و من الواقع يلي هي فيه... ما لاقت أمامها غير “كونان”.. و في فانز بقولوا ان معرفتها بهويته الحقيقية.. خلاها واثقة انه هو بيعرف كل شي أجوبة عن تساؤلاتها.. لكن لا... في سبب.. و سبب عميق كمان.. سبب بيتعلق بـ طفولة “ماسومي”.. و تفكيرها عن الساحر.. يلي بقي معها من الماضي.. للحاضر

بالفصل 972 قالت التالي قبل مجيء “شينتشي” و لقاء “شويتشي” و اضحاكه

هذا الكلام قالته قبل ما يجي “شينتشي” و يضحك “شويتشي” بنفس الفصل

و هذا كان المشهد بعد ضحكه للمرة الأولى و المهم كان بعد ضحكه بالمرة الثانية بالفصل 974

واضح تماماً... بعد الضحكة الثانية اجت لعنده و قالتله “أنت ساحر”.. و بنهاية الفصل قالت بنفسها انه عالأغلب ما عرفت ليش قلت عنك ساحر وقتها

السبب بيتعلق بـ هالنقطة حصراً.. الفانز فكروا انه السبب لإنه ضحك “شويتشي”.. هو صح لإنه ضحكه... لكن هي فكرت بالموضوع من ناحية ثانية.. و هي انه ساعدها !! ساعدها على اضحاكه و أضحكه بسهولة... هي لوحدها ما قدرت تضحكه مع انها حاولت كتير.... لكن بمساعدة “شينتشي” ضحك بكل سهولة و شافت ضحكته... فـ طمعها بـ لقاء الأجوبة على تساؤلاتها عند “شينتشي” بالوقت الحاضر مش بسبب انها بتعرف هويته الحقيقية.. بل لإنها سمعت جملة ذكرتها بالساحر يلي ساعدها قبل 10 سنين بإضحاك شقيقها.. و يلي هي التالي

واضح تماماً... “كونان” بـ قضية لندن ما قال فقط “أنا تلميذ هولمز”.. بل قال قبل هيك “سأساعدك”.. بعدين قال أنا تلميذ هولمز... و كلمة “سأساعدك” هي يلي انحفرت بـ راس “ماسومي” و ذكرتها بالساحر يلي ساعدها على اضحاك شقيقها قبل 10 سنين صح هي تذكرته بسبب جملة أنا تلميذ هولمز... لكنها تأملت فيه و بمساعدته لإنه قال لـ “مينيرفا” “سأساعدك”.. و هذا يلي رجعلها ذكريات الطفولة عن الساحر يلي ساعدها بإضحاك شقيقها قبل 10 سنين.. و هذا يلي خلاها تطمع بمساعدة “كونان” لها بالوقت الحالي بما انها فكرت انه رح يساعدها مثل ما ساعد “مينيرفا”.. لإنه بالنهاية هو تلميذ هولمز

لكن... هل هذا يكفي لـ عودة “ماسومي” و “ميري” من بريطانيا” إلى اليابان ؟

قصدي انه معقول بس مشان هيك رجعوا “ميري” و “ماسومي” من بريطانيا لليابان ؟ طيب “ميري” مش مصدقة أصلاً ان “كونان” هو نفسه “شينتشي” و قالت هالحكي بالفصل 953.. فـ شو القصة ؟

يعني “تسوتومو” امرهم بالتوجه لليابان الآمنة.. و هي سافرت على بريطانيا قبل 3 سنين من الوقت الحالي.. و رجعت قبل كم شهر أكيد في شي بيستحق المخاطرة بـ ترك اليابان الآمنة و السفر لـ بريطانيا.. و بيستحق المخاطرة بعد التقلص بالسفر من بريطانيا لليابان الآمنة

اوك.. أول شي خلونا نتفق ان “ميري” تقلصت بـ بريطانيا شفنا ان “ماسومي” قالت بالفصل 1025 مثل ما حكينا قبل شوي انها قالت انها شافت “كونان” أمامها.. أو أمام عينيها.. و قالت ان “ميري” طلعت تشوف “تسوتومو” بـ لندن.. و رجعت متقلصة و شفنا بـ مخطط المسار الأسود يلي صدر بـ كتاب SDB BLACK+ التالي

واضح.. قبل 3 سنين.. “ماسومي” و “ميري” طلعوا من اليابان الآمنة لـ بريطانيا يلي أمرهم “تسوتومو” بالخروج منها اوك... و شفنا بالمخ��ط التالي.. و هذا يلي بهمنا

اهاا... واضح تماماً.. “كونان” و “ران” سافروا لـ بريطانيا لـ لندن و حضروا منافسات بطولة ويمبلدون للتنس... و بعد هيك رجعت “ماسومي” و “ميري” من بريطانيا لليابان.. يعني عودتهم لليابان صارت بعد سفر “كونان” و “ران” لـ لندن.. و هذا بأكد انه لما “ماسومي” شافت “كونان” أمامها مثل ما قالت بالفصل 1025 كانت لسه بـ لندن... و ان “ميري” تقلصت وقتها بـ لندن.. بعدين رجعوا لليابان.. يعني رجعوا لليابان و “ميري” متقلصة

في حدا ممكن يقلي الحين ان “ميري” و “ماسومي” بقيوا بـ لندن 3 سنين.. اوك.. طيب ممكن “ميري” تقلصت قبل سنتين.. او قبل سنة !! يعني ما تحدد متى تقلصت.. صح عرفنا متى رجعوا لليابان.. لكن ما عرفنا متى تقلصت بالتحديد

لا خيي عرفنا... واضح من الفصل 1025 وقت طلعت “ميري” و هي بهيئتها الحقيقية.. و رجعت.. كان عمر “ماسومي” جيد.. يعني كان جسدها جيد و طولها جيد.. و شبيه بـ جسدها و طولها الحاليين.. يعني ما في فرق أبداً.. و كإن الأحداث صارت يوم أمس

ما في أي فرق أبداً.. و هذا بدل على ان الموضوع صار قبل فترة قليلة جداً

النقطة الثانية هي ملابس “ميري”.. واضح من الصورة فوق ان ملابسها و هي بهيئتها الحقيقية.. هي نفسها و هي متقلصة... و هذا بيعني ان يلي صار معها صار بنفس اليوم.. عشان ما حدا يجي يقلي انه في فجوة زمنية غير محددة بين خروج “ميري” بهيئتها الحقيقية و عودتها متقلصة.. لا ما في فجوة زمنية... يلي صار صار خلال ساعات.. يعني بنفس اليوم

لذا “ميري” تقلصت بـ لندن بعد تقلص “شينتشي”.. يعني بفترة 6 شهور وما بعد... و للتحديد أكثر.. تقلصت بعد تقلص “شيهو” كمان.. و بعد عودة “جيمس بلاك” لليابان.. لإنه هو يلي دخل “ميري” و “ماسومي” لليابان.. و السبب ؟ السبب باللقطة التالية

I mean.. come on man !!! شو يلي عرفك انها بنت !!! “جودي” و “كاميل” فكروها شب.. انت انت.. شو عرفك انها بنت يعني “جودي” عاشرت “شويتشي”.. و واضح بالصفحة انها شبّهت على “ماسومي” انها بتشبه شخص ما.. و رغم هيك ما عرفت... و “كاميل” ما عرف... و انت من نظرة واحدة عرفت انها بنت come on man !!

مستحيل تعرفها لو كنت شايفها و هي صغيرة.. مستحيل... واضح انك بتعرفها و هي كبيرة هيك.. و هي بهذي الهيئة... و شايفها و هي بهذي الهيئة.. هذا شي واضح... و واضح انك انت يلي ساعدتها هي و “ميري” بالدخول لليابان بشكل مخفي عن الأمن العام الياباني.. لإن حتى “أمورو” تفاجأ بوجود “ماسومي” بالفصل 800

يعني الأمور واضحة تماماً... ما بدها فيزيا و كيميا

الحين ممكن حدا يقلي ان “شويتشي” بيعرف ان “ماسومي” و “ميري” باليابان من “جيمس” دام هو يلي دخلهم لليابان يعني “ماسومي” قالت بالفصل 1005 لـ “ميري” انه يبدو انه في عقار بيسمحلك بالعودة لجسدك الطبيعي ماما... و هذا بيعني انه ما عندهم فكرة عن هيك عقار أصلاً.. هذا بيعني ان “ميري” ما رجعت لحجمها الطبيعي بعد تقلصها.. لإن “ميري” قالت بالفصل 1005 انها بمجرد عودتها لجسدها الطبيعي.. رح توقف عن الهرب.. و تبدأ هجومها المعاكس.. و هذا بيعني انها ما رجعت لجسدها الطبيعي بعد تقلصها.. لإن لو رجعت كان بإمكانها تعمل هجومها وقتها.. لكنها لسه ما عملت الهجوم.. فـ يعني لسه ما رجعت لحجمها الطبيعي بعد تقلصها

يعني دخلت لليابان و هي متقلصة.. و بدون علم الأمن الياباني.. عن طريق “جيمس” و الـ FBI فقط.. فـ أكيد “شويتشي” بيعرف بعودتهم لليابان.. و بيعرف بـ يلي صار مع والدته.. و طبعاً “جيمس” يلي خبره.. طبيعي يعني.. و الواضح من لقاء “شويتشي” بهيئة “سوبارو” لـ “ماسومي” بأكثر من مناسبة.. ما تفاجأ أبداً من وجودها باليابان... يعني قابلها عادي.. و كان يراقبها من خلف الستارة بـ منزل كودو... و عادي جداً.. ما في أي أثر للمفاجأة أو الصعق من وجودها باليابان.. و هذا دليل على علمه المسبق بوجودها باليابان.. يعني شي مش جديد

و حتى أحددلكم أكثر متى تقلصت “ميري” فـ هي تقلصت مع بداية سلسلة إلهام هولمز بـ لندن.. يعني بالفصل الأول من السلسلة أو قبل بداية السلسلة بـ فصل او خلال السلسلة.. يعني المهم مع بداية السلسلة.. و الدليل بالفصل 1025 بالجملة التالية

اها.. واضح.. هون “ماسومي” قالت بالياباني その時 و يلي هي  sonotoki اوك.. هذي الكلمة معناها “في ذلك الوقت”.. او “وقتها” أو “وقتها لما صار هذاك الحدث” يعني هالمعاني.. و كان كلام “ماسومي” التالي

اوك.. هي هون قالت انه الشخص يلي كانت تعتقد انه سيكون مفتاح هذا الغموض.. هو انت لما ظهرت أمامي وقتها.. لاحظوا كلمة “وقتها” أو “في ذلك الوقت” أو “حينها”.. كل هذي المصطلحات هي ترجمة sonotoki فـ اذا بنقول الكلام كله من اوله بصير كالتالي و أنا كنتُ سأعتقد ذلك أيضاً لولا أنني رأيتُ أمي تخرج لـ مقابلة والدي في لندن.. ثم تعود بـ هيئة طفلة و الشخص الذي كنتُ أعتقد أنه سيكون المفتاح لحل هذا الغموض.. هو أنت بعدما ظهرت أمامي وقتها

واضح تماماً.. كلمة “وقتها” أو “حينها” دليل واضح كان فيها مثلاً تقول “أنتَ بعدما ظهرتَ أمامي بعد ذلك” أو “بعد ذلك بـ فترة” او أي شي بدل على فرق زمني واضح.. لكنها قالت “حينها” او “وقتها” أو “في ذلك الوقت”.. يعني حددت تماماً 

و كلمة “وقتها” عائدة على الحدث يلي صار وقتها.. و يلي هو تقلص “ميري”.. يعني معنى كلامها اذا كملنا الجملة.. انه المفتاح لحل هذا الغموض.. هو أنت بعدما ظهرت أمامي عندما عادت امي متقلصة

لذا كلمة “وقتها” أو “حينها” يلي هي sonotoki عائدة على حدث عودة امها متقلصة.. لذا تقلصها صار قبل رؤية “ماسومي” لـ “كونان” بـ فترة بسيطة جداً.. أو خلونا نقول عشان نكون دقيقين أكتر.. انه تقلص “ميري” كان متزامن مع بداية سلسلة إلهام هولمز بـ لندن أو خلالها.. الفارق بسيط جداً جداً بين تقلصها و بداية السلسلة و ظهور “كونان” على الشاشة

و يلي خلاني أتأكد أكثر.. هو اللقطة التالية من الفصل 876

اوي اوي اوي هههههههه.. شنو هذا !! ههههه حلو الحكي.. انه الك بالعادة تشاهدي الرياضات مع امك على التلفاز.. شي حلو.. بس دخلك مين شاف “كونان” على التلفاز بـ مباراة التنس لما قال “سأساعدك.. أنا تلميذ هولمز” !! كنتي لحالك لما راحت امك تقابل “تسوتومو” ! أو شفتيها مع امك بعد ما رجعت متقلصة ؟؟ شو يلي صار !! ههههههه مش مهم.. المهم انك شفتيه عالتلفزيون بـ هذاك الوقت.. لحالك أو مع امك.. و تذكرتيه.. و رجعتي انتي و اياها على اليابان عشان تشوفي شو قصته.. و الدليل انه انتي شحطتي امك معك لليابان عشان “كونان” هو جملتك التالية من الفصل 953

هاها.. واضح.. “ماسومي” قالت انه انبسطت لما قدرت أخيراً تخلي “كونان” يعرف الفندق يلي مقيمين فيه.. و هذا بيعني انه هدفهم بالأساس انهم يخلوه يعرف الفندق يلي قاعدين فيه.. و يقابل “ميري”.. و هذا كان واضح أساساً من قبل وقت كان على أساس يجي “كونان” عالفندق بـ قضية المسبح و كان معه “سونوكو” و “ران”.. و واضح من لما قالت “ميري” جملة انها شقيقة “ماسومي” الصغرى من خارج النطاق انه هدفها هي و “ماسومي” يقابلوه

فـ اي.. سبب قدومهم لليابان بالأساس بعد تقلص “ميري” هو لقاء “كونان” و طلب مساعدته بـ رغبة من “ماسومي” حصراً.. بما ان “ميري” أساساً ما كانت واثقة فيه بالبداية.. و راحت الثقة بعد الفصل 953

شخصياً عندي شك بأمر.. غالباً غلط.. بس رح أحكي عنه من مبدأ تبادل الأفكار معكم و تنشيط الأدمغة شوي هههههههههه.. و هو ان “شويتشي” بدو يضغط على “كونان” و يحاول يخليه يقابل “ميري” و يحكي معها.. بما انه عرف بـ يلي صار معها من “جيمس”.. و “شوكيتشي” عرف كمان.. فـ بظن انهم متفقين عشان يخلوا “كونان” يقابل “ميري” و يحاول يساعدها و يتبادلوا المعلومات.. بدون ما تعرف “ميري” بـ هيك شي يعني اوك “شويتشي” بيعرف حقيقة “كونان” انه هو “شينتشي” المتقلص من سلسلة “قضية يوساكو المجمدة”.. و هذا شي مفروغ منه.. لكن ما بيعرف ظروف التقلص.. يعني ما بيعرف كيف تناول العقار.. و ما بيعرف مين أعطاه العقار.. و ما بيعرف شي أبداً عن ظروف تقلصه.. كل يلي بيعرفه انه هو نفسه “شينتشي” المتقلص

و سبب شكّي بـ هالنقطة هذي.. ان “شويتشي” بدو يضغط على “كونان” عشان يحاول يخليه يقابل “ميري”.. و انه في احتمال لـ وجود نوع من تواصل حالي بين “ميري” و “شويتشي” (تواصل غير مباشر.. قصدي انه أخبار “ميري” عم توصل لـ “شويتشي”.. و أخبار “شويتشي” عم توصل لها).. يعني “ميري” بتعرف ان “شويتشي” عايش مش ميت.. بس ما خبرت “ماسومي” بالموضوع.. و سبب شكّي هو التالي

اوك .. هذي اللقطة ببداية الفصل 949.. و “شويتشي” عم يشترط على “كونان”.. انه اذا بدو اياه يحكي عن والده و تورطه بقضية “كوجي” قبل 17 سنة.. بدو اياه يحكي عن نفسه.. و يبدأ بـ هويته الحقيقية طيب “شويتشي” بيعرف هوية “كونان” الحقيقية.. و “كونان” بنفسه قال هالحكي بنفسه بالصفحة.. انه هو اكتشف حقيقتي مسبقاً..فـ ليش “شويتشي” مُصر على ان “كونان” يعترف بنفسه ؟

يعني اوك.. هو بيعرف حقيقته.. خلص اوك فهمنا.. ليش لحتى تعيد و تزيد و تطلب منه يعترف ؟ حضرتك.. عم تعمل مثل ما عملت “ماسومي” بالفصل 1025.. هي بتعرف حقيقته.. لكن عم تضغط عليه بإنها تفضحه أمام “ران” عشان يعترفلها و تطلب مساعدته

واضح.. نفس أسلوب أخته.. إن كنت مصراً على عدم الاعتراف.. فـ رح أحكي مع “ران” و الباقي يعني بتعرف هويته.. و عم تضغط عليه عشان يعترف.. و تطلب مساعدته و “شويتشي” نفس الشي.. عم يضغط عليه و يحاول يخليه يعترف.. عشان يطلب مساعدته بشأن والدته

و السبب يلي خلاني أشك أكثر و أكثر.. هو ان “شوكيتشي” بيتواصل مع “شويتشي” يعني بيعرف انه عايش مثل ما شفنا بسلسلة قتل ضابطات الشرطة.. و “شوكيتشي” بيتواصل مع “ماسومي” مثل ما بنعرف.. و غالباً بيعرف وضع امه.. لإنه بيعرف حقيقة “كونان” هو كمان.. و هذا شي شرحته بمنشور نشرته عن الفصول العشرة الأخيرة.. موجود بالمفضلة بتويتر.. يعني “شوكيتشي” عرف حقيقة “كونان” مثل ما شفنا بالفصل 848.. كيف ؟ عرفها مش بس من ذاكرته القوية.. عرفها بسبب معرفته بوضع “ميري” و أخذه لـ فكرة انه في شي اسمه تقلص.. فـ احتمالية كون “شينتشي” و “كونان” شخص واحد بالنسبة له موجودة و ممكنة.. و ثانياً كلام “شويتشي” له انه اكتشف حقيقة “كونان” بالفصل 814 بقضية “يوساكو” المجمدة و يلي كانت قبل ظهور “شوكيتشي” بشكل فعلي بالفصل 847

فـ طالما في تواصل بين “شوكيتشي” و “ماسومي” من جهة و غالباً بيعرف حقيقة “ميري” و انها تقلصت.. لإنه بيعرف حقيقة “كونان” و انه متقلص.. و انه في تواصل بين “شوكيتشي” و “شويتشي” من جهة ثانية مثل ما شفنا بقضية قتل ضابطات الشرطة.. فهذا بيعني انه احتمال كبير يكون “شوكيتشي” حاكي لـ “شويتشي” عن “ميري” و وضعها.. و طبعاً “شويتشي” بيعرف من “جيمس” أصلاً من قبل مثل ما حكينا فـ ما بستبعد وجود تواصل بيجمع العيلة كلها عدا “ماسومي”.. يعني بالمختصر.. “شوكيتشي” و “ميري” بيتواصلوا مع “شويتشي” و بيعرفوا انه عايش... و الوحيدة يلي ما عارفة شي.. هي “ماسومي”.. و الكل عم يضحك عليها و عاملها زي المسطولة و الأطرش بالزفة... مش عارفة شي... و “شويتشي” عم يضغط على “كونان” عشان يقابل “ميري” و يساعدها قدر الإمكان.. خصوصاً انه وعدها بسلسلة الأمواج بالفصل 974 انه ما يخفي عنها أي معلومة أو اي شي

لكن هذا بيبقى افتراض مش أكيد مني.. يعني ما بدي أقول عنه “استنتاج”.. لا هذا الجزء مجرد افتراض لا أكثر و أغلبه افتراضات  و ترجيحات بدون دلائل كافية.. و في أمور بالمانجا نوعاً ما ضد هذا الافتراض.. لكن يبقى احتمال ممكن

يبدو اني عم بكتب كتير.. و رغم هيك حاسس اني لسه ما كتبت شي هههههههههههه.. المعلومات كتيرة فعلاً.. و بدها وقت طويل لتخلص ههههههه فـ تحملوني

بس عشان نقفل موضوع “ميري” و التواصل هذا.. في موضوع حابب أحكي عنه بشكل سريع قبل ما أنتقل على جزء ثاني.. و يلي هو كلام “شويتشي” ببداية سلسلة الخيانة

اوك... هون كلام “شويتشي” مُلفت للنظر.. و جاء بالفصل 954.. يعني بعد فصل واحد من الكلام عن “أساكا” ادعاء محقق الأرواح انه شاف “أساكا” حامل مرآة.. و هذا بيعني انه أنثى.. و شك “كونان” بإن “ميري” هي “أساكا” بنهاية الفصل أو RUM  و هذا يلي جعل الفانز يظنوا لـ فترة ان “ميري” هي “أساكا” أو هي  RUM لكن في موضوع مهم هون.. و هو “كونان”.. لاحظوا فوق “كونان” في 3 نقط.. و هذي لما تظهر.. معناها هذا شي مهم رح يتم الرجوع له لاحقاً.. و كمثال.. اللقطة التالية

اوك.. مثل اللقطة هذي... فوق “ماسومي” 3 نقط نفس يلي ظهرت فوق “كونان” بالفصل 954.. و كان سؤال “ماسومي” عن اهتمام “كونان” بالحب... و هذا كان بالفصل 876.. و وييييين... للفصل 972-974 لحتى شفنا ذكريات عائلة “أكاي” و انها مهتمة فيه أو بتحبه مثل ما صرّح “غوشو” سابقاً بإنها بتحبه أو لها مشاعر اتجاهه

المهم... في 3 نقط فوق “كونان” بـ لقطة سؤال “شويتشي” عن “اساكا” حول “ماسومي”.. و هذا بيعني انه هذا موضوع مهم و رح يتم الرجوع له لاحقاً.. لكن هذي اللقطة بحد ذاتها استغراب و تعجب من “كونان” لـ سؤال “شويتشي”.. يعني معقول “شويتشي” بيقصد البنت يلي مع “ماسومي” و يلي نادتها “ماسومي” ماما ؟ يعني تفكير “كونان” وقتها انه لو هي امها فعلاً.. يعني “شويتشي” عم يحكي هيك عن امه ؟ معقول ما بيعرف اذا امه هي “اساكا” أو لا ؟ او ما بيعرف اذا “ميري” مع “ماسومي” باليابان أو لا ؟

اوك.. حسب الكلام يلي كتبته قبل شوي فوق.. فـ “شويتشي” بيعرف ان “ميري” باليابان و بيعرف وضعها و وضع تقلصها.. فـ هو ما بيقصد “ميري” أبداً اذاً شو معنى سؤال “شويتشي” ؟

معنى سؤاله هو انه بشك بإن “أساكا” مهتم بـ “ميري”.. و احتمال يتقرب من “ماسومي” اذا عرفها حتى يتقرب من “ميري”.. فـ هو هون عم يسأل اذا البنات شافوا حدا عم يتقرب من “ماسومي” بمجال المدرسة مثلاً أو بأي مكان ثاني.. شخص حذر جداً و قادر على اسقاط خصومه بسهولة

أبداً هو هون ما بيقصد “ميري”.. أبداً.. لإنه هو بيعرف حتى كيف تورط أبوه بقضية “كوجي”.. فـ معقول ما بيعرف اذا امه “أساكا” يلي يُعتبر أهم شخص بقضية “كوجي” أو لا !! .. اذاً هو بيقصد شخص ثاني مستهدف “ميري” أو مهتم فيها.. بما انه بيعرف وضعها.. و السبب ان “أساكا” متورط بقضية “كوجي” قبل 17 عام.. و يبدو “ميري” بتعرف معلومات عن الموضوع.. و خايفة من أحدهم يعرف معلومات عن قضية “كوجي” و يجوا لعندها عالفندق مثل ما قالت بالفصل 952

واضح انها خايفة من حدا ممكن يعرف عن قضية “هانيدا كوجي” و يجوا لعندها عالفندق.. يعني هي مستهدفة من أحدهم عشان هيك خايفة و عم تهرب من مكان لمكان.. و “شويتشي” سأل عن “اساكا” يلي احتمال هو الشخص يلي خايفة منه “ميري” و يلي عم يبحث عنها أو مهتم فيها.. هذي هي النقطة.. و طبعاً سؤال “شويتشي” و افتراضي انه في نوع من التواصل بين “شويتشي” و “ميري”.. بدلّوا على ان “ميري” مش “اساكا” مثل ما افترض بعض الفانز

طبعاً يلي بقصده بـ نوع من التواصل.. مش يعني انه “ميري” و “شويتشي” عم يحكوا مع بعض عالجوال.. لا مش هيك يعني مثلاً “شوكيتشي” عم يتواصل مع “ماسومي” فقط مش مع “ميري”.. بس رغم هيك.. “ماسومي” أكيد خبرته عن وضع “ميري”.. و هذا يلي خلّاه يعرف حقيقة “كونان” انه متقلص فـ ممكن التواصل يكون عبر “شوكيتشي” أو “جيمس بلاك”.. يعني واحد منهم بيتواصل مع “ماسومي” و بيعرف عن “ميري”.. و بخبر “شويتشي” بكل شي

يعني باختصار.. العيلة كلها عم تحاول تطلب المساعدة من “كونان” مشان “ميري”.. و نقطة التواصل بينهم.. و يلي بـ بوز المدفع هي “ماسومي” مثل ما شايفين لكن بيبقى موضوع افتراض التواصل في احتمالية انه يكون غلط.. فـ ما بقدر أأكّد هذا الكلام

لكن على الأقل.. “شويتشي” بيعرف ان امه مش “اساكا”.. و بيعرف ان “أساكا” ممكن يتقرب من “ماسومي” عشان يوصل لـ “ميري” لسبب ما.. عشان هيك سأل البنات بالفصل 954 اذا في حدا بـ هالمواصفات تقرّب من “ماسومي” او لا

و هذا على كل حال.. قسم من قضية “كوجي”.. الحكي عنه لسه بكير شوي.. فالأفضل تأجيله بالوقت الحالي

الحين خلونا نبعد عن موضوع “ميري” شوي.. (رح نرجعله).. و نجي لموضوع “هايبرا” بالفصل 1025

اوك.. “هايبرا” بالفصل 1025 انفتحت متل المسجلة.. و على توتوتوتوتوتوتو.. كرتت تاريخ العيلة كله و هي عم تلعب ههههههههههههههههههههه على مهلك يا بنت الحلال.. كمان شوي بتحكي اسم الزعيم و انتي مش حاسة ههههههههه شبنا.. ركزي شوي

اوك... خلونا نشوف شو حكت

لحظة لحظة.. يعني مبلشة غلط هههههههه عم تقول ان “أبوها” انضم لفريق الأبحاث بـ شركة اليمامة للصناعات الدوائية قبل 30 سنة.. دقيقة شوي يا بنت الـ....... أكابر هههههههه حسب ما أذكر بالفصل 423 قلتي التالي

كنتي مفكرة و عم تقولي انهم المنظمة.. يعني مش متأكدة 100% بس بالمقابل ما عندك فكرة عن شي اسمه شركة “اليمامة” للصناعات الدوائية.. اليمامة يلي تنقرك ههههههههههه فـ من وين جبتي هالمعلومة يا خانم ؟

اها.. هي قالت انه هذا كله سمعته من شقيقتها المتوفية.. لكن لا.. لا.. هذا مش شغل “أكيمي” وجه لوجه.. هذا شغل أشرطة “أكيمي” يلي أخذتها من الحمام بقضية مكتب “ديجيما” للتصميم امك “ايلينا” هي يلي حكت بالأشرطة عن تاريخهم.. عن تاريخ انضمام “أتسوشي” لـ أبحاث شركة “اليمامة” للصناعات الدوائية.. و هي يلي حكتلها انهم أفلسوا.. و فتحت هي و “اتسوشي” عيادة خاصة فيهم.. و حكتلها لاحقاً عن عقار الأحلام مثل ما شفنا بسلسلة قطار الغموض

و هذي مصيبة.. يعني اذا كل هالمعلومات موجودة بالأشرطة.. معناها الله العليم شو ممكن يكون فيها لسه كمان معلومات !!! يا سلام على هالحكي هههههههه احتمال تكون “ايلينا” حاكية تاريخ اليابان بالأشرطة هههههههههه.. يعني هذي نقطة رح يبقى “غوشو” يحلب فيها لنهاية المانجا على فكرة هههههه رح يبقى يطلع معلومات من ام هالأشرطة هههههههه 

مش مهم.. المهم انه رح نعرف معلومات مهمة ثانية من هذي الأشرطة على لسان “هايبرا” بالمستقبل

اوك الحين ننتقل للموضوع المهم.. و يلي هو الصفحة يلي بعد كلام “هايبرا” عن تاريخ والديها يلي هي التالية

اوك.. هذي اللقطة شغلت الفانز.. انه كيف العقار يلي صنعوه والدي “شيهو” هو يلي تسبب بـ تقلص “شينتشي” و “شيهو” !!!!.. و كلنا عارفين ان العقار يلي بقلص هو من صنع “شيهو” حصراً.. لإن “كوجي” مات لما أخذ العقار قبل 17 سنة.. هذا بيعني ان العقار قبل 17 سنة مختلف عن العقار الحالي.. فـ شو الطرنيب ؟

الطرنيب ديناري.. اوك العقار خلونا نقول مختلف لكن مش كتير (أنا هون رح أناقش شوي.. بعدين رح أكتب يلي ببالي) الكلام باللقطة فوق.. هو ان العقار يلي انجبروا والديها انه يصنعوه.. هو العقار يلي قلصها هي و “شينتشي”.. اوك.. هذا بذكرنا بكلام “هايبرا” بالفصل 948

واضح.. هذا الكلام عن العقار يلي أخذه “كوجي”.. و قالت انه احتمال انه هذا العقار هو النموذج الأولي يلي صنعوه والديها.. و انها أخذت معظم أبحاث عقارها من البقايا المحترقة لأبحاث والديها و ان العقار يلي المنظمة أجبرت “شيهو” على صنعه كان عقار آخر

اوك.. يعني قبل ما نكمل.. في اجبارين اجبار لـ “أتسوشي” و “ايلينا” على صنع عقار هو يلي قلّص “شيهو” و “شينتشي” قبل 18 سنة و اجبار “شيهو” على صنع عقار ثاني غير العقار يلي أجبروا والديها على صنعه

يعني.. أجبروا والديها على صنع عقار.. و أجبروها على صنع عقار ثاني مختلف عن الأول.. و هذا الموضوع تبين بوضوح بالفصل 384

و بالفصل 821

اوك.. واضح ان من اللقطات بالفصل 384 و الفصل 821 ان العقار يلي كانت تشتغل عليه مُجبرة.. مش نفس العقار يلي اشتغلوا عليه والديها مُجبرين

يعني “ايلينا” قالت ان زملاءها بالمخبر عم يقولوا انه عقار الأحلام.. و يلي هو الرصاصة الفضية.. و “هايبرا” قالت بالفصل 384 انه العقار يلي اشتغلت عليه مش عقار أحلام أحمق مثل فكرة احياء الموتى (طبعاً هدف عقار والديها مش احياء الموتى.. بس هي قالت هيك عشان تخليه يعترف بـ موضوع مفكرة “ايتاكورا”.. و اعترف.. أنا عم بحكي بس عن مصطلح عقار الأحلام.. أو العقار الحلم) لذا

هدف عقار “شيهو” يلي انجبرت تشتغل عليه من المنظمة.. مختلف عن هدف عقار والديها يلي انجبروا يشتغلوا عليه صح انه أبحاث عقارها هي من المخلفات المحروقة لأبحاث والديها .. لكن كـ هدف تريده المنظمة.. فـ هدف العقارين مختلفين عن بعضهما.. هذا هو الموضوع المهم هون و “هايبرا” قالت بالفصل 384 ان هدف عقارها شيء أحمق مش مهم لأغلب الناس .. أو ما له قيمة لأغلب الناس بالعالم.. بينما لو كان هدفه التقلص مثل يلي انجبر والديها انهم يشتغلوا عليه كان رح يكون له قيمة كبيرة عند كل الناس.. أكيد الناس كلهم بحبوا يتقلصوا و يرجعوا صغار ههههههههه لذا هدف العقارين مختلف

و طبعاً “بيسكو” حكى عن هالنقطة بالفصل 242

اوك هون الكلام الجد.. “بيسكو” قال ان والدي “شيهو” خبروه كتير عن العقار يلي كان عم يشتغلوا عليه.. و ما توقع ان “شيهو” تطوره لـ هالحد.. لذا بصير معنى كلام “هايبرا” بالفصل 1025 انه العقار يلي انجبروا والديها انهم يشتغلوا عليه هو العقار يلي قلصها هي و “شينتشي”.. لكن هذا ما بيعني ان هدف العقار بالأساس هو التقليص

هي قالت “العقار يلي انجبروا والديها انهم يصنعوه هو يلي قلصها”.. بس ما قالت “هدف العقار يلي انجبروا والداي على صنعه هو يلي قلصني”.. هي قالت العقار يلي انجبروا على صنعه.. و هذا بيعني بقايا الأبحاث المحترقة يلي أخذتها و اشتغلت عليها يعني بمعنى آخر.. بقايا ابحاث عقار والديها.. هي أساس العقار يلي أدى للتقلص.. و هذا ما بيعني ان هدف العقار يلي انجبروا يصنعوه والديها هو التقليص

عسى تكون وصلت الفكرة

يعني.. لا هدف عقار والديها هو التقليص.. و لا هدف عقارها هو التقليص.. عشان تكون الصورة واضحة لكم يعني هدف عقار والديها شيء قريب من التقليص و لكن ليس التقليص.. لأن “بيسكو” تفاجأ بإن “شيهو” طورته لحد التقليص.. و هدف عقار “شيهو” ليس التقليص.. لإنها قالت انه أثر جانبي.. و انه يلي أجبروها على صنعه كان عقار ثاني غير يلي اشتغلوا عليه والديها

بعرف دختوا و فتوا بـ ستين ألف حيط هههههههههههههه لكن طبيعي.. الموضوع معقد شوي لكن بشكل عام

هدف عقار “شيهو” ليس التقليص.. لإنها قالت انه أثر جانبي و هدف عقار والديها ليس التقليص.. لإن “بيسكو” كان مقرب لوالديها و عرف منهم كثير عن العقار.. لكنه تفاجأ من أثر التقليص اذاً هدف العقارين ليس التقليص.. إنما هو أثر جانبي نتج عن بقايا الأب��اث المحترقة لوالدي “شيهو”.. و تطويرهم و العمل عليهم لاحقاً من “شيهو”.. هذي هي كل القصة يعني “شيهو” ما جابت شي جديد بكلامها نوعاً ما.. و أنا حاكي عن هالنقاط بمنشوري عن عقاقير المنظمة.. فـ ما في داعي أبداً ان الفانز يدوخوا بهذا الموضوع.. لإن ما في شي جديد أبداً.. عالأقل لحد الآن

عموماً بشكل عام موضوع العقاقير لسه بكير حسمه بالوقت الحالي.. بما ان “غوشو” رح يرجع يحكي كتير عن العقار مستقبلاً بس يدخل بموضوع مجموعة “كاراسوما” و شركة اليمامة و ماضيهم.. و أنا رح أحكي عنهم بالتفصيل بوقت لاحق كمان هههههههه

المهم عسى اني أكون شرحت ما يكفي عن موضوع العقار و كلام “هايبرا”.. و انها ما جابت شي جديد بكلامها

لحظة لحظة.. لا تكونوا فكرتوا اني خلصت !! ههههههههه لسه بكير هههههههههه

اوك.. بس معلومة صغيرة... يلي كان فوق أغلبه نقاش... و الحين رح نجي على الكلام الدسم.. و يلي هو بعض أفكاري و استنتاجاتي عن بعض الأمور.. لذا ركزوا شوي معي 

ما سأكتبه تالياً... هو استنتاج لـ بعض ما ظهر في المانجا و ما يُمكن فهمه من بعض تصريحات المؤلف

بالنسبة لـ “ميري” و “تسوتومو”.. اوك أولاً بالنسبة لـ “ميري”.. طبعاً كلنا عارفين انها عميلة للمخابرات البريطانية.. مثل ما سبق و شرحنا قبل بتحليل الفصل 1008.. و رح أرجع أعيد الحين حتى تتوضح الأمور

هذا كلام “ميري” لـ “ماسومي” بأن تقول لـ “كونان” بأنها “الأخت الصغرى من خارج النطاق”.. اوك الحين رح نفصل بالانكلش و بالياباني.. ركزوا شوي معي هي قالت انها 領域外の妹 أو The little sister from outside the territory/Domain اوك.. الحين 領域  يعني Territory 妹 يعني Sister ركزوا هون الحين بالنسـبة لـ Territory 領域 ”外” Outside the Territory يعني نحذف الـ Territory بعمنى Outside Ter هي اختصار لـ Territory Sister / Territory .. TER = Delete تبقى هيك Sister بدون Ter وهيك بيبقى فقط SIS بعد ما حذفنا الـ Ter والـ Territory لذا بيبقى SIS و الـ SIS هم Secret Intelligence Service او ما يعرف بـ MI6 وهي جهاز المخابرات السري الخاص بـ بريطانيا.. و هذا القسم خاص بالأمور الخارجية لجمع المعلومات من أجل حماية أمن بريطانيا القومي.. لذا أغلب العاملين فيه هم غالباً خارج بريطانيا

بالإضافة لأمر آخر وهي كنيتها.. كنية “ميري” حسب قول “ماسومي” هو “سيرا”.. حسناً قد يبدو للبعض اسم عادي.. قد يذكر البعض بـ “سيرا” للألعاب.. و قد يذكر البعض بسلسلة جبال “سيرا”.. و قد يذكرنا أيضاً بالرمز  المُستعمل بين أفراد المخابرات السرية البريطانية عند بدء تنفيذ عملية ما وهو “سيرا” أو بالانكلش Sierra وهي كلمة تستعملها المخابرات البريطانية السرية عند بدء تنفيذ عملية ما مثلاً.. و حتى القوة الملكية البريطانية تستعمل هذه الكلمة عند بدء تنفيذ مهمة قتالية.. وهذا رمز لا يخفى على أحد لديه معرفة بهذه الأمور.. كما لم يخفى على “كونان” بأن جملة “كير” في الحلقة 425 هي جملة خاصة بالـ “سي آي ايه” و هي “انجازاتنا لا ترى نور الصباح.. واخفاقاتنا سيعلمها الجميع”.. أو شيء كهذا.. لذا أمورها واضحة

اوك.. اضافة إلى ان “كونان” قال بالفصل 953 التالي

واضح.. قال シークレットサービス و تعني  Secret Service و هي اختصار لـ جهاز أمن أمريكي.. و أيضاً هو اسم للـ  MI6 أو Secret Intelligence Service SIS و هو جهاز المخابرات البريطانية.. و كما قلت هو جهاز أمن معني بالأمور الخارجية التي تخص الأمن القومي لـ بريطانيا.. لذا أغلب العاملين له هم خارج البلاد

و في كثير أدلة... مثل كلام القاتل بقضية مؤلف الروايات الرومانسية بالفصل 878

حلو كلام القاتل هون مع رسمة الشخص يلي نازل بالحبل من الشرفة.. و هذي السلسلة هي السلسلة يلي لاحظ فيها “كونان” وجود “ميري” أمامه لأول مرة و بعدين شفنا “ميري” باللقطة التالية بالفصل 952

يعني اوك.. فهمنا.. واضحة ان الرسم اشارة لها.. و كلنا عارفين ان “جيمس بوند” هو عميل  MI6 و هذا اشارة لـ “ميري” لإنها من نفس الجهاز الأمني

شفنا كمان كلام “ميري” بنهاية الفصل 878 عن جهاز التنصت الخاص بـ “كونان” يلي صنعه “أغاسا” طبعاً

اوك.. مثير للاهتمام و شفنا بعدين شو قال “فورويا” بالسلسلة القرمزية

يعني اوك الأحول بيعرف و بيفهم انه هذا الكلام كله اشارة لـ “ميري”.. واضحة يعني كل هالدلائل على فكرة ما حدا يفكر ان كلام “فورويا” هون دليل على انه في تواصل مثلاً بينه و بين “ميري”.. لا لا.. هذا مجرد تلميح من المؤلف لا أكثر

و طبعاً الدليل الأخير يلي ظهر بسلسلة الأمواج.. و يلي هي السلسلة الأولى يلي ظهرت فيها “ميري” بـ جسدها الحقيقي (كـ ذكريات طبعاً).. و ظهر فيها “تسوتومو” للمرة الأولى كمان.. و التلميح كان

اوك.. هون “شينتشي” عم يقول ان “شويتشي” بيشتغل بـ “السيرك”.. أو خلينا نقول بالانكلش Circus  ممكن حدا يقولي الحين انه شو دخل هالحكي ؟ شو هالتلميح الفظيع هذا يلي له علاقة بالسيرك ؟ صح.. الشغلة مش بالسيرك.. الشغلة بالكلمة نفسها.. فـ باليابانية كانت التالي

واضح.. هي  サーカス و يلي هي طبعاً معناها “السيرك”.. او بالانكلش Circus

و يلي هي اسم جهاز المخابرات البريطانية  MI6 بـ رواية Call for the Dead للكاتب John le Carré يلي صدرت عام 1961.. و كتب فيها عن جهاز المخابرات البريطانية  MI6 و سمّاه “السيرك”.. أو بالانكلش The Circus و سبب التسمية هو لإن الكاتب كان كاتب ان مقر جهاز المخابرات موجود بـ منطقة أو تقاطع Cambridge Circus بـ لندن.. عشان هيك تم تسمية الجهاز بـ The Circus

فـ اي من كل هذا واضح جداً و بشكل لا يقبل الجدال ان “ميري” من الـ  MI6  يلي هي  SIS

اوك.. هذا موضوع “ميري” عرفناه.. لكن ماذا بشأن “تسوتومو” ؟ بالنسبة لـ “تسوتومو” فـ موضوعه كالتالي

اوك هيك خلصنا تماماً ههههههههه  واضح الكلام.. هم من منظمة واحدة.. و طبعاً المقصود انهم من منظمة “امنية” واحدة.. و ليس من “منظمة” أي المنظمة السوداء.. لأن “تسوتومو” و “ميري” بعيدان عن مسمى “المنظمة”.. هم قريبان من شيء آخر اذاً فلنتفق أنهما من نفس الجهاز الأمني

اوك.. شو مفتاحنا الحين ؟ كيف بدنا نفهم عنهم ؟ شو كان شغلهم ؟ شو قصتهم ؟

قصتهم تبينت بـ وضوح بالفصل 1011.. و بالفصل 1025.. بالصور التالية

يا ساااااتر هههههههههه

اوك.. “هايبرا” حكت قصة والديها.. و شركة “اليمامة” و الشركة يلي أكبر منها يلي تسببت بإفلاسها و إغلاقها و قالت ان هذي الشركة الكبيرة نفسها.. استمرت بإرسال الدعوات لأبوها.. لكنه استمر بالرفض.. إلا لحتى صار شي (ولادة “شيهو”) و وافق

و “أبوها” بالفصل 1011 عم يقول ان مجموعة “كاراسوما” أرسلتله و رح يرفض طلبها لإنها مشبوهة حسب كلام شقيقة “ايلينا”.. و هي قالت انها حامل و لازم يعيد التفكير بالعرض و مثل ما قلنا فوق ان كلام “هايبرا” من الأشرطة يلي سجلتها “ايلينا” و حكت فيها قصة عنتر هههههههههه

يلي بهمنا هو تنبيه شقيقة “ايلينا” (يلي هي “ميري”) المستمر حسب كلام “هايبرا”.. يعني “هايبرا” قالت ان والدها استمر برفض العروض المقدمة من هالشركة الكبيرة يلي هي مجموعة “كاراسوما”.. لكن في سؤال منذ متى و الرفض موجود ؟

يعني “هايبرا” قالت انهم افتتحوا عيادتهم الخاصة.. و خلال ادارتهم لها استلموا عدة طلبات من مجموعة “كاراسوما”.. لكن والدها رفضها كلها.. و هذا بيعني ان العروض مستمرة مش بس من 19 سنة يلي شفناها بالفصل 1011.. بل موجودة من قبل.. موجودة من 20 سنة و من 21 سنة و يمكن من قبل كمان.. و “أتسوشي” كان يرفضها كلها بسبب تنبيه و كلام شقيقة “ايلينا” بإن مجموعة “كاراسوما” هي مجموعة مشبوهة

حتى أكون صريح... بالبداية ظنيت ان “ميري” سمعت الكلام عن هال��جموعة من زوجها يلي عم يتحرى عنها.. لكن بعد تصريح “غوشو” بإن “ميري” و “تسوتومو” من منظمة واحدة.. صار الأمر أوضح

بالبداية و حتى أكون صريح.. كانت استنتاجاتي عن “تسوتومو” انه هو المتحري الأول.. هو المتحري الأول بالقصة.. بما انه من أقواله انه مُصاب بالمرض المُسمّى الفضول.. و كمان انه اذهب قبل أن يقتلك المرض المُسمّى الفضول.. اذهب لـ تزيل الضباب الذي يحجب الحقيقة هذي أقوال متحري يعني.. و سبق و “كونان” قال نفس الشي عن الفضول وقت تحريه عن “ايثان” و “كير” بسلسلة التصادم.. فالكلام متقارب يعني حالياً “شويتشي” عمره 31-32 سنة حسب تصريح “غوشو”.. يعني لو “تسوتومو” حالياً موجود بشكل صريح.. رح يكون اكبر من “شويتشي” بحوالي 27 سنة تقريباً.. اذا افترضنا انه تزوج “ميري” و عمره 25 و بقي سنتين حتى جاء “شويتشي”.. يعني حالياً خلينا نقول عمر “تسوتومو” تقريباً 55-58 سنة

استنتاجي بالبداية عنه كان انه هو المتحري الأول.. وهو سبب خوف الزعيم “كاراسوما” من “شويتشي”.. و انه بظن ان “شويتشي” هو الرصاصة الفضية يلي رح يدمر المنظمة.. بسبب ان “كاراسوما” بيعرف أبوه منيح.. و بيعرف ان ابنه رح يكون ألعن منه هههههههه

استنتاجي عنه كان ان “تسوتومو” كان واحد من الأكاديميين يلي دعاهم “كاراسوما” لـ قصره قبل 40 سنة عشان يحلوا شيفرة القصر.. و بدأ يقتل فيهم واحد واحد.. و وقتها حسب حسابنا.. عمر “تسوتومو” كان 16-20 سنة تقريباً.. يعني بـ عمر “شينتشي” حالياً متحري الثانوية... فـ كان استنتاجي بالبداية بإن “تسوتومو” كان واحد من الأكاديميين و قدر يهرب بـ طريقة ما قبل قتله.. أو انه سمع عن المجزرة و عن أصدقاؤه الأكاديميين. و هيك بدأ الحقد عنده ضد “كاراسوما”.. و بدأ التحري عنه و عن نشاطاته.. و هذا كان سبب خوف الزعيم الأول من “شويتشي”؟؟ أي بسبب والده و معرفة الزعيم بـ اصرار “تسوتومو”.. و هذا كان استنتاجي عنه مع بداية ظهوره

لكن.. في شي أقرب صار... و يلي هو نشاطات مجموعة “كاراسوما” ضد بعض الشركات و منها شركة “اليمامة” قبل 25 سنة.. فـ اذا حطينا ببالنا ان رفض “أتسوشي” لـ عروض مجموعة “كاراسوما” بدأ مثلاً من قبل 22 سنة و 21 سنة.. و استمر لحد 19 سنة قبل الوقت الحالي بسبب كلام شقيقة “ايلينا” عن المجموعة بإنها مشبوهة.. فهذا بيعني ان تحري “تسوتومو” بدأ عن هالمجموعة من وقت قريب.. نوعاً ما.. أي من وقت إفلاس شركة اليمامة

طبعاً استنتاجي عن كونه المتحري الأول ضد “كاراسوما” قبل 40 سنة لسه ممكن و موجود.. و ما استبعدته.. لكن موضوع كونه متحري عن نشاطات المجموعة بالذات.. فهو الأقرب للواقع.. و للعلم.. فـ عائلة “أكاي” وقتها كانت بـ بريطانيا.. يعني قبل 23 و 22 و 21 و 19 سنة كانوا بـ بريطانيا... و بعدين انتقلوا لليابان بأمر من “تسوتومو”.. ما كانوا باليابان أبداً.. لذا تحريات “تسوتومو” كانت عم تصير هناك.. أو بـ أمريكا.. مش باليابان

و كونهم كانوا بـ بريطانيا بهذاك الوقت.. و “ميري” حذرت “ايلينا” عن المجموعة بوقتها.. و بأخذ تصريح “غوشو” عن كون “ميري” و زوجها من نفس المنظمة بـ عين الاعتبار.. فـ رح نوصل لنتيجة ان “ميري” و “تسوتومو” كانوا وقتها منضمين و مخلصين للمخابرات البريطانية.. و أساساً تصريح “غوشو” بدل بـ شكل أو بآخر على ان علاقتهم بدأت و اكتملت خلال وجودهم سوا بالمخابرات و حتى أكون دقيق أكتر.. اظن ان “ميري” كانت مساعدة لـ “تسوتومو” بالمخابرات.. او كانت بتشتغل تحت إمرته

لإن برأيي ان “تسوتومو” هو إسقاط لـ شخصية “جيمس بوند” أو ما يُعرف بـ 007 و يلي هو عميل للمخابرات البريطانية السرية MI6 أو SIS و بأحد الأفلام أو القصص.. ظهرت شخصية معه.. بتشتغل تحت إمرته اسمها “ميري”.. و بالانكلش Mary Goodnight و هي امرأة شقراء بنفس مواصفات “ميري” بـ كونان تقريباً طبعاً في كتير من التشابهات مثل الممثلة يلي لعبت دورها.. و اسم زوجها يلي كنيته “سيرا”.. و اسم القصة و الفيلم يلي ظهرت فيه مع “جيمس بوند” و يلي في بعنوانه “المسدس الذهبي”.. و يلي هي اشارة نوعاً ما لـ “الرصاصة الفضية” بشكل ما و اسم “سيرا” يلي هو 世良 في كانجي 良 يلي معناه “جيد” او Good  بالانكلش.. و يلي هو اشارة لـ اسم  Mary Goodnight

اوك أنا من النوع يلي ما بحب هذي الاسقاطات من أعمال ثانية على مانجا كونان.. بحس الأمر سخيف نوعاً ما.. لكن حبيت أذكر هالـ كم نقطة عالسريع ههههههههه

و يلي خلاني أشك بإن “تسوتومو” و “ميري” كان لهم علاقة بـ شركة اليمامة و معركتها مع مجموعة “كاراسوما” أكثر و أكثر عدا عن موضوع تنبيههم لـ “ايلينا” و “أتسوشي” عن مجموعة “كاراسوما” ويلي بدل على معرفتهم بـ كثير شغلات هم أمرين

الأول هو اسم شركة اليمامة.. لاحظوا الاسم

اوك اسمها  白鳩 أي اليمامة البيضاء.. و هي طبعاً عكس المنظمة السوداء يلي بتشير للغربان السود لكن في موضوع مهم... و هو أحد كانجيات اسم الشركة.. و يلي هو التالي 鳩 هذا هو كانجي اليمامة.. شايفينه منيح !! هههههههه.. طيب خذوا.. شوفوه بـ طريقة أحسن

هذا الكانجي يا أعزائي هو تجميع من اسم “كاراسوما” ههههه يلي هو 烏丸 يعني.. بـ جمعهم كـ جذور.. بكونوا 烏丸 بصيروا 鳩 ههههههههه ببساطة.. ما في أسهل منها كانت “كاراسوما”.. و صارت “اليمامة”.. ولا أحلى من هيك.. و هذا يلي خلاني أشك أكثر بوجود رابط بين الشركتين.. عدا عن كونهما متعاديتين.. و يلي هو تحري “ميري” و زوجها عن نشاطات مجموعة “كاراسوما” ضد شركة اليمامة (في شي ثاني ببقي بحكي عنه لاحقاً)

السبب الثاني و الأهم  يلي خلاني أشك بإن “تسوتومو” و “ميري” كان لهم علاقة بـ شركة اليمامة و معركتها مع مجموعة “كاراسوما” هو تفصيل “غوشو” عن شركة اليمامة.. انه ليش !! يعني اوك.. كان فيه يقول ببساطة انه في شركة ما (بدون ما يسميها) اشتغل فيها “أتسوشي” قبل 30 سنة.. و لسبب ما أفلست.. و افتتحوا آل “ميانو” عيادتهم الخاصة.. و بعدين انضموا لـ مجموعة “كاراسوما”.. ليش ما عمل هيك ؟ ليش فصّل عن شركة اليمامة بـ هالطريقة ؟ يعني وضّح صورة شعار الشركة.. و كتب اسمها يلي له علاقة بـ اسم “كاراسوما”.. و فوق هيك حكى قصة الشركة.. و انها أفلست بسبب معركة او خلاف من نوع ما مع مجموعة “كاراسوما”.. يعني فصّل بـ طريقة عجيبة.. ليش طيب ؟

واضح ليش.. ما بدها سؤال.. هذا التفصيل كله له سبب واحد.. و هو ان “غوشو” رح يرجعله.. “غوشو” رح يرجع يفتح القصة بعدين.. لسه ما خلصنا... لسه في أمور كثير بتخص هالخلاف بين الشركتين و تحري “ميري” و “تسوتومو” و علاقة شخصيات ثانية مع الخلاف يلي صار وقتها.. رح يرجع “غوشو” و يحكي عنها لاحقاً

لذا حسب ظني.. يلي صار بتاريخ عائلة “أكاي” هو كالتالي

قبل حوالي 33-35 سنة.. تزوج “تسوتومو” من “ميري” يلي كانوا من وقتها عملاء بـ جهاز المخابرات البريطاني

قبل 26-28 سنة من الوقت الحالي.. بدأ “تسوتومو” و غالباً “ميري” التحري عن موضوع مجموعة “كاراسوما” و نشاطاتها المشبوهة بالتعامل مع باقي الشركات.. و تأكدت شكوكهم بعد خلافها مع شركة اليمامة و بدؤوا التحقيق حولها.. و “ميري” خبرت “ايلينا” ان المجموعة هذي مشبوهة.. و هذا ادّى لرفض “أتسوشي” لعرضهم

قبل 18 سنة.. “أتسوشي” امر “ميري” تاخذ الأولاد و يسافروا لليابان.. و يعيشوا و كإنه ميت.. لإنه تورط مع أشخاص فظيعين.. و بعدها بـ كم سنة.. “شويتشي” تحجج بالدراسة حتى يسافر لأمريكا و ينضم للـ  FBI

قبل 10 سنين.. “ميري” استدعت “شويتشي” عشان يساعدها مع الأولاد و تحاول هي تتصرف بـ حرية بموضوع “تسوتومو”.. لكنه أصر عالانضمام للـ  FBI و هي تراجعت عن الفكرة مثل ما شفنا و بقيت مع ولادها

قبل 8-9 سنين.. تم تبني “شوكيتشي” من عائلة “هانيدا”.. او خلينا نقول “ميري” تخلصت منه بإعطائه لـ عائلة “هانيدا” بـ حكم انه كان لاعب شوغي محترف.. مثل “كوجي”.. فـ أظن ان “ميري” أعطته لـ عائلة “هانيدا” كـ تعويض و مواساة للعائلة على فقدان “كوجي”.. بـ تعويضهم بـ “شوكيتشي” عبقري الشوغي الشبيه بـ “كوجي” حيث أصبح فرداً من العائلة

و هذي الصورة بتوضح أكثر

و هيك بقي لـ “ميري” فقط “ماسومي” و كانت بتقدر تتولى أمر رعايتها بعد سفرها لـ بريطانيا قبل 3 سنين من أجل القضية و موضوع “تسوتومو” حتى الوقت الحالي

يعني “ميري” حبّت تلعب دور البطل و تحقق بنفسها عن قضية “كوجي” و “تسوتومو”.. لكن موضوع الأولاد عرقلها و أخّرها

اوك.. بقي أمرين رح أحكي عنهم.. قبل ما ننتقل لـ توقعات القضية و الأحداث القادمة بشكل عام

أول أمر موضوع “هايبرا” و شغل “ماسومي” حولها شفنا بالفصل 1025 التالي

اوك.. واضح من الكلام هون ان “ماسومي” لسه مش متأكدة من موضوع ان “هايبرا” هي نفسها “شيهو” أبداً.. و حتى ما عندها فكرة انها متقلصة تقريباً.. لكن في شي غريب صار بالفصل 801

مش ملاحظين ان الكلام نفسه !! يعني “ماسومي” استفسرت عن “هايبرا” بالفصل 801.. و استفسرت بنفس الطريقة عنها بالفصل 1025.. لكن بالفصل 1025 كملت تفكير و قالت انها هي يلي التقيت فيها بـ القطار.. طيب شو يلي اختلف !! دام نفس السؤال بالفصل 801.. و نفس رد البنات كمان.. شو الفرق ؟

الفرق هو اللقطة التالية

اهاااا.. لكان.. طبعاً هذا الفرق ههههههه من بعد الفصل 1005.. ما ظهرت “ماسومي”.. و ما صار في حكي عن العقار أو عن “هايبرا” أبداً من قبل “ماسومي”.. إلا للفصل 1025.. يعني نقطة الفرق هي الفصل 1005.. و بالتحديد هي علم “ماسومي” بوجود عقار يعيد المتقلص لحجمه الطبيعي

بالبداية.. كان شغل “ماسومي” حول “هايبرا” مجرد شكوك بسبب شبهها بـ “ميري”.. و رغبتها بسؤالها و الحديث معها عسى تكون بتعرف شي عن يلي صار مع “ميري”.. يعني كان هدفها من “هايبرا” بالبداية مثل هدفها من “كونان” حالياً.. انه يساعدها بـ أي معلومة عن “ميري” و عائلتها بالكامل.. وشفنا كيف بالبداية شافتها بالفيديو يلي ظهر فيه “اغاسا” عشان بيع الأغراض القديمة و حذفت الفيديو بالفصل 775-777.. و بعدين بالفصل 801 سألت البنات عن “هايبرا” و كيف شخصيتها مثل ما حكينا.. بعدين طلبت منها الحديث بسلسلة القطار

يعني كان هدفها فقط الاستفسار لا أكثر.. و طبعاً “هايبرا” عرفتها يعني.. و عرفت مين بتكون.. نور العيون هههههه.. لكن بعد الفصل 1005.. عرفت “ماسومي” انه في عقار يعيد المتقلص لحجمه الطبيعي.. و رجعت تتحرى عن موضوع “هايبرا” بعد ما سمعت عن شخصيتها بالفصل 801.. و طبعاً الحين بنظر “ماسومي”.. ان “هايبرا” إما متقلصة مثل “كونان” و “ميري”.. و إما هي يلي عم تعطي العقار لـ “كونان” يلي عم يرجعه لحجمه الطبيعي.. يعني بالنهاية هالبنت بتعرف شي و لازم توصل لها.. و رح توصل

النقطة الثانية يلي بدي أحكي عنها بشكل سريع قبل ما ننتقل لـ جزء التوقعات و هو موضوع “ميري”.. و خروجها لـ لقاء زوجها

يعني come on man  ههههههههههه في شي مش منطقي.. كيف طلعت “ميري” أساساً حتى تقابل “تسوتومو” ؟ يعني مجنونة مثلاً !! كيف طالعة تقابلي شخص ميت !! هذا كلام مش منطقي أبداً

اها.. ما حدا قال انه ميت أصلاً !! اي صح.. ما حدا قال انه ميت... حتى رسالة “تسوتومو” نفسه (يلي بالانكلش كاتبها ههههه) لـ “ميري” قبل 10 سنين قال فيها انه تظاهروا اني مش موجود بعد هاللحظة (قبل 17 عام يعني) لإنه تورط مع أشخاص فظيعين.. أو خطيرين.. صحيح

لكن شو تفسير خروج “ميري” حتى تقابله بـ لندن حسب كلام “ماسومي” بالفصل 1025 ؟ يعني هي فرضاً مقتنعة انه ميت 100%.. خلص هو ميت.. اوك.. طيب خروجك بـ حجة انك رايحة تقابلي زوجك هو دليل على انه في احتمال يكون حي

يعني اوك.. خلونا نفترض انه يلي صار معها و سبب بـ تقلصها هو فخ.. اجا حدا اتصل فيها أو تواصل معها بـ طريقة ما و قال لها أنا زوجك “تسوتومو”.. لسه عايش هون لو هي مقتنعة 100% انه ميت.. رح تسب هذا الشخص.. و تبصق بوجهه هههههه و تضربه هههههههههههههه.. خلص لإنها مقتنعة 100% ان زوجها ميت.. و واضح ان ادعاء هالشخص هو كذب

لكن خروجها.. يعني مجرد خروجها لـ مقابلة “تسوتومو” هو دليل على انها مش مصدقة انه ميت.. أو لسه عندها أمل انه حي.. يعني بمجرد انها خرجت و قبلت اللقاء.. خلص هذا دليل على ان “تسوتومو” ممكن يكون لسه عايش

بعدين في شي عجيب.. يلي بعرفه ان “ماسومي” عمرها 16-17 سنة.. يعني انولدت بعد حادثة “كوجي” و اختفاء “تسوتومو”.. مش المفروض انه لو فعلاً “ميري” طالعة تقابل “تسوتومو” تاخذ معها “ماسومي” يلي ما شافت والدها للحين !! يعني بكون شي حلو لو “ميري” أخذت “ماسومي” معها حتى تقابل والدها لأول مرة من لما انولدت !! هههههههه طيب ليش “ميري” طلعت بدون ما تاخذ “ماسومي” معها ؟

السبب ان “ميري” خافية شي عن ولادها من الأساس.. خافية شي بخص “تسوتومو” و ما بدها تحكيه.. قبولها اللقاء و طلعتها حتى تقابل “تسوتومو” على أساس.. دليل على انه عندها معلومة مسبقاً انه في احتمال ان “تسوتومو” حي.. أو بالأحرى في اتفاق بينها و بينه و معرفة بـ كيفية تورطه بـ قضية “كوجي” و اختفاؤه لاحقاً بعيد عن معرفة أولادهم... و سبب عدم أخذها لـ “ماسومي” معها لما طلعت هو شكها بالموضوع.. انه في شي مش ضمن الاتفاق يلي بينها و بين “تسوتومو”.. انه مثلاً كانوا متفقين انهم ما يتواصلوا.. لكن التواصل وقتها شككها انه ممكن يكون شي طارئ أو فخ مثلاً.. فـ طلعت لوحدها.. و رجعت متقلصة.. و برأيي (حسب المعطيات الحالية) يلي صار معها كان فخ.. و فخ مُحكم كمان.. و أظن ان الفخ كان “تسوتومو” نفسه.. أو بالأحرى شخص عامل حاله “تسوتومو” خلينا نقول

يلي خلاني أشك بـ هالنقطة هو كلام “ميري” بالفصل 953

اوك.. كإن “غوشو” عم يلمح لـ هالنقطة.. انه يلي التقت فيه وقت تقلصت ما كان “تسوتومو” يلي عارفينه.. بل كان شخص متنكر بـ هيئة “تسوتومو” أو عامل حاله “تسوتومو”.. و خلينا نثبت على خيار انه هالشخص هو RUM

اظن انه يلي صار ان  RUM تنكر بهيئة “تسوتومو” و صمم الفخ بـ طريقة ما.. تسبب بـ تقلص “ميري”.. و يلي ساعده طبعاً هي “فيرموث”.. و مثل ما شفنا انه في علاقة و أوامر و كذا بين “فيرموث” و  RUM ببداية سلسلة الخيانة بالفصل 954

اوك... هذي الصفحة أو الفصل بشكل عام يمكن ما لفت انتباه الفانز لـ نقطة مهمة.. و هي تحرك “فيرموث” و “بوربون” بالمقام الأول.. انه ليش تحركوا ؟ تحركوا عشان يتحروا عن “اساكا” اسم أغنية المغني يلي مات بالسلسلة.. و هي نفس اسم حارس “أماندا” قبل 17 سنة يلي أخطأ فيها RUM و هذا الحكي تماماً صار بعد كلام “جين” عن ان  RUM أخطأ بـ هالقضية.. أو ما أنهاها بالشكل المطلوب.. فهذا بيعني.. انه غالباً يلي أمر “فيرموث” و “بوربون” بالتحرك للتحري عن موضوع الأغنية هو RUM نفسه..و هذا بيعني انه في تواصل على الأقل بين “فيرموث” و  RUM و هذا التواصل برأيي ممكن يكون قديم مش جديد.. و غالباً هي ساعدته بالتنكر وقت موضوع “ميري” حتى يكمل الفخ لكن.. لحد الآن بالمانجا ما شفنا أي تحرك من “فيرموث” داخل بريطانيا.. يعني ما بظن انه صار هيك شي بالمانجا من قبل (حسب ما أذكر).. فـ غالباً يلي شافته “ميري” بـ بريطانيا.. كان الشخص بـ وجهه الحقيقي.. أي بدون تنكر بما ان “فيرموث” لم تتدخل حتى الآن بأي شيء داخل بريطانيا.. لذا صعب شوي يكون الشخص يلي هاجم “ميري” متنكر.. و غالباً كان بوجهه الحقيقي.. و غالباً “ميري” شافته كمان وهذا بيعني يا شباب.. انه احتمالية كون RUM متنكر حالياً هي احتمالية عالية جداً هههههههه 

و الدليل على انها تعرضت لـ فخ.. مش هي أخذت العقار بـ ارادتها.. انها قالت بنفسها بالفصل 1005 انها بمجرد عودتها لجسدها الحقيقي.. رح توقف عن الهرب.. و تبدأ بالهجوم المضاد يعني لو ما في هجوم مسبق عليها.. ما بتقول هجوم مضاد.. معناها هي تعرضت لـ هجوم حتى قالت مصطلح هجوم مضاد.. و هذا بيثبت موضوع وقوعها بـ فخ.. مش بإرادتها

و كمان “ماسومي” قالت بنفسها بالفصل 1025 ان “ميري” طلعت تقابل “تسوتومو” بـ لندن.. لكن “ماسومي” نفسها كمان.. قالت بالفصل 872

اوك.. يعني هي بنفسها قالت ان والدها ميت مثل ما شايفين..و موت والدها سبب باختلاف عائلات أخواتها.. يلي بهمنا انها قالت ان أبوها ميت.. طيب و كلامها بالفصل 1025 ان “ميري” طلعت تقابل والدها ؟؟ هذا الكلام مش كتير حابب أدخل فيه.. لإني بعرف رح أسحب سحبة واحدة لـ قضية “كوجي” و بعدين لـ  RUM هههههههه لكن بشكل عام.. هذا بيثبت انه يلي صار مع “ميري” كان فخ.. بما انه وقتها قالت “ميري” انها طلعت تشوف “تسوتومو”.. و “ماسومي” مبتسمة.. و بعدين “ميري” رجعت متقلصة.. و شفنا بالفصل 872 ان “ماسومي” قالت ان والدها ميت.. فهذا بأكد انه يلي صار وقتها كان فخ.. أو ؟؟؟؟؟ هههههه

على كل حال.. و هيك بعد تقلص “ميري” رجعت على اليابان بـ طلب من “ماسومي” حتى يطلبوا المساعدة من “كونان”.. و دخلوا بمساعدة “جيمس بلاك” مثل ما شرحت فوق.. بما انه عرف “ماسومي” من الصورة.. فـ هذا بدل على انه شايفها و هي كبيرة بهيئتها الحالية.. و هذا بيعني انه هو يلي ساعدهم بالدخول.. و أكيد “شويتشي” بعد معرفته بـ هوية “كونان” الحقيقية بدأ يحاول يضغط على “كونان” حتى يخليه يعترف و يطلب منه يقابل “ميري” و يساعدها طبعاً في دلائل عن مساعدة “جيمس” لـ “ماسومي” و “ميري”.. مثل كيفية معرفة “ماسومي” أساساً ان “شويتشي” ميت.. و يلي أظن ان المُخبّر كان “جيمس”.. و مثل كيفية معرفة “شويتشي” بـ هوية والده الحقيقية مثل ما شفنا بالفصل 949 رغم ان والده ما كان من الـ FBI فـ كيف عرف شو بيشتغل أبوه ؟ يعني واضح انه بالفصل 949 كان عم يحكي بكل ثقة و هو عارف شو شغل أبوه.. و كيف تورط بـ قضية “كوجي”.. و حسب الفصل 972 وقتها كان “شويتشي” ما بيعرف شي عن قضية “كوجي” و تورط أبوه.. فقط عرف انه تورط مع أشخاص فظيعين.. لكن بالفصل 948 قال انه سبب دخوله للـ FBI  كان قضية “كوجي” بالمقام الأول يلي تورط فيها أبوه.. فـ غالباً هو عرف عن القضية و تورط أبوه فيها من “جيمس” يلي كان صديق قديم لوالده.. بالإضافة لـ افتراض مني رح أحكي عنه بـ جزء التوقعات بعد شوي

اوك.. و هيك بكون خلصت جزء مهم من المنشور.. و الحين رح ننتقل على شي أهم هههههههههه و يلي هو توقعات للقضية القادمة و ما بعدها بشكل عام

اوك.. رح نبدأ عن القضية القادمة

مثل ما شفنا ان القضية القادمة رح يظهر فيها “أمورو” في الجبال الثلجية.. و رح تكون سلسلة طويلة و حكى بـ جواب عن سؤال ثاني بـ لقاؤه مع الفانز بـ 3/يناير.. و بتلاقوا اللقاء كامل مترجم بـ حساب @ImycroftKudo انه رسم للتو شي عن ظهور اسم “سكوتش” الحقيقي.. و عن ظهوره مع “أمورو”.. لذا غالباً هالحكي عن القضية القادمة بالمانجا

و ما يخص “سكوتش” رح يكون فلاشباك أكيد.. لكن بما انه قال بنفس اللقاء انه سلسلة أكاديمية الشرطة رح يتم رسمها بـ مانجا زيرو مش بمانجا كونان.. فـ هذا بيعني ان فلاشباك “أمورو” و “سكوتش” مش رح يكون خلال أيام الأكاديمية.. بل رح يكون إما قبل (أيام الطفولة).. و إما بعد (أيام العمل بالأمن) أي بعد التخرج

و أنا برجح ان الذكريات رح تكون عما بعد التخرج.. يعني عن أيام العمل.. بما انه صار لازم “غوشو” يكشف شوي عن موضوع “سكوتش” و عمله بالمنظمة و كيفية كشفه مثلاً.. و هالتفاصيل.. أو عالأقل جزء منها.. حتى يقرب نوعاً ما من موضوع لقاؤه مع والدي “شينتشي” و مع “شويتشي” بالفصل 1012 و شو صار فيه.. يعني كشف تفاصيل جديدة عن موضوع “سكوتش”.. هو مقدمة لـ كشف تفاصيل يلي صار بالفصل 1012.. و يلي طبعاً مرتبط بـ RUM

و شخصياً بتمنى تكون السلسلة لها علاقة بـ ناغانو.. يعني يظهر “كانسكي”.. و طبعاً “كومي”.. لإن بما ان السلسلة رح تصير بـ جبال ثلجية.. فـ مثل ما شفنا بسلسلة الكامايتاتشي.. ان القضية صارت على حدود “ناغانو” و “غونما”.. و بالقضية كان في ثلج.. يعني في احتمال وجود ثلج بـ ناغانو مكان وجود “كومي” و “كانسكي”.. و هيك بكون في لقاء بين “أمورو” و “كومي” و يلي ممكن نشوف منه شغلات جديدة كمان.. بإنه مثلاً “أمورو” يحكي عن صديق قديم له كانت من عاداته شي معين.. و “كومي” يذكر نفس الشي عن شقيقه “هيروميتسو”.. يعني هيك شي.. و يصير في شكوك من “كومي” اتجاه “أمورو” انه بيعرف شقيقه.. يعني شي ممكن يقرب الخيوط من بعضها أكثر.. احسن ما تقلي ان القضية رح تصير بـ غونما.. و “أمورو” يقابل “يامامورا” هههههههه

واضح كلام “كوغورو” ان النزل بـ قضية كامايتاتشي بـ جبال “ناغانو”.. و وقتها نزل ثلج.. و بعدين شفنا التالي

واضح بعدين كانوا شاكين ان “كانسكي” رح يوصل.. لكن يلي وصل هو “يامامورا” بما ان المنطقة على حدود غونما و ناغانو.. لذا في احتمال قضية “أمورو” القادمة تصير بـ ناغانو.. مع لقائه بـ “كانسكي” و “كومي”.. و يصير يلي حكيته فوق

تحديث ** حسب تلميحات “غوشو” الأسبوع الماضي فـ تم تأكيد ان السلسلة القادمة بالمانجا يلي رح تبدأ بالفصل 1027 بـ 12/فبراير رح تكون لـ “أمورو” بـ ناغانو.. و هذا تأكيد لـ كلامي يلي نشرته بـ تويتر وقتها عموماً كـ مجريات للقضية... غالباً دور “أمورو” رح يكون مقيّد مثل حال “كونان”.. يعني رح يصير حادث.. جريمة أو أي شي.. و يصير تحقيق أكيد.. لكن دور “أمورو” رح يكون بسيط بـ هالنقطة نوعاً ما.. بما ان ثلاثي ناغانو ما بقصروا.. فـ دور “أمورو” بشكل عام بـ هالسلسلة رح يكون أغلبه فلاش باك و ذكريات

ذكرياته رح تكون عن “سكوتش” يلي اسمه “هيروميتسو”.. احتمال نشوف شي عن طفولتهم.. رغم اني بتمنى من “غوشو” يركز أكثر على مرحلة العمل بحياتهم سوا.. يعني مرحلة ما بعد تخرجهم من أكاديمية الشرطة و بدء ممارستهم العمل.. خاصة بعد تسلم “كومي” للظرف الخاص بـ “سكوتش” بسلسلة “كيد” الأخيرة طبعاً في أكثر من شغلة لازم نحطها ببالنا

الشغلة الأولى ان “أمورو” بيعرف ان “كومي” شقيق “سكوتش”.. يعني على الظرف كان مكتوب اسمه.. فـ سواء كان “أمورو” يلي كاتب الاسم أو “سكوتش” أو حتى “كورودا”.. فـ أكيد مر على “أمورو” قبل ارساله.. فـ لما “كومي” يعرف بـ نفسه بالسلسلة القادمة.. فوراً “أمورو” رح يعرفه.. و هذا ممكن يخلق حالة من الحذر عند “أمورو” من انه يكشف نفسه له... لكن بالمقابل لما يعرف رح يبدأ يسترجع ذكرياته مع “سكوتش” لما كان يتكلم عن أخوه مثلاً 

الشغلة الثانية يلي لازم نحطها ببالنا ان قائد الفرقة هذي بـ ناغانو كان “كورودا”.. لكنه انتقل.. فـ أكيد رح نشوف شخصية جديدة كـ قائد مكانه ما عم قول انه هالشخصية مهمة.. لكن يعني.. بيبقى هذا شي جديد.. رغم انه ممكن ما يظهر أساساً و يقتصر الظهور على الثلاثي المعروف فقط

لذا كـ توقع نهائي للسلسلة.. رح يروح “كونان” و “أمورو” و “ران” مع “كوغورو” بسبب دعوة ما من هالثلاثي مثلاً لـ “كوغورو” لسبب ما أو لقضية ما.. بما ان صار من قبل مثل هيك دعوات منهم مثل قضية الجدار الدموي.. أو ممكن مثلاً “كوغورو” يروح لـ هناك بـ دعوة من زبون للتحري عن شيء ما.. و يروح “أمورو” معهم بما انه تلميذ المتحري العظيم.. لإني ما بظن مثلاً يكون سبب الذهاب هو صف التزلج الخاص بـ “كوغورو” مثلاً.. و يروح “أمورو” معهم.. أكيد لازم يكون شي له علاقة بالتحري.. و “أمورو” يروح معهم بصفته التلميذ.. مش بصفته صديق العيلة مثلاً.. و هذي الصفة يلي يعرفه فيها على ثلاثي الشرطة بـ ناغانو

باقي القصة طبعاً رح تكون تعرف “كوغورو” و يلي معه على جماعة.. و استضافتهم بـ بيتهم أو فيلا خاصة فيهم بـ هالثلج بعد سماعهم خبر عن عاصفة ثلجية قوية.. و هون بصير الحادث أي الجريمة طبعاً مثل ما حكيت ان “أمورو” رح يعرف “كومي” فوراً بما انه بيعرف اسم “سكوتش” و رح يعرف اسم “كومي”.. لذا النتيجة محسومة هون “أمورو” رح يتفادى الاحتكاك معه.. لكنه بالمقابل رح يبدأ يسترجع ذكريات عن ماضيه مع “سكوتش” و ممكن كلامه عن شقيقه “كومي” بـ هذاك الوقت.. لإن شفنا بـ نهاية سلسلة “كيد” بالفصل 1021 وقت كان “سكوتش” يحكي مع “كومي” قله تعرفت على صديق بـ طوكيو و لقبه زيرو.. فـ القصد ان مثل ما “سكوتش” خبّر “كومي” عن صديقه “زيرو”.. كمان “سكوتش” خبّر صديقه “زيرو” عن شقيقه “كومي”.. طبيعي.. فـ غالباً رح نشوف ذكريات لـ “أمورو” عن “سكوتش” عم يحكي عن نفسه و عن “كومي”.. و لاحقاً رح نشوف ذكريات عن عملهم مع بعض بمجال الشرطة و الأمن.. و هذا يلي بتمناه

بالنسبة لـ “كومي” فـ اظن انه رح يشك بـ “أمورو”.. الحين احنا نعرف ان “كومي” بيعرف ان لقب صديق شقيقه هو زيرو.. فـ احتمال تجي سيرة لقب “أمورو” بالسلسلة يعني مثلاً.. يكون في شي بالقضية له علاقة بالأرقام أو شي.. و يجي “كوغورو” يقول لـ “أمورو” اي صحيح.. انت قلتلي من قبل ان لقبك و انت صغير كان زيرو مش هيك.. و طبعاً “كوغورو” بيعرف لقب “زيرو” هذا من الفصل 888

فـ تخيلوا مثلاً ان “كوغورو” حكى هيك.. و واضح وقتها “امورو” قال انه هذي ألقاب يخترعها الأطفال.. فـ أكيد يلي أطلق عليه هاللقب هو طفل... فـ شي حلو لو “كوغورو” تذكر هالكلام و حكاه أمام “كومي”.. رح يكون موقف ظريف صراحة هههههههههههههههه يعني هذي المعلومة الوحيدة يلي مع “كومي” عن صديق “سكوتش” أيام الطفولة.. و شاف اشارة 0 على خلفية الظرف يلي فيه أغراض شقيقه.. فـ طبيعي انه وقتها ربط لقب “زيرو” بـ اشارة الدائرة أو الصفر يلي على خلفية الظرف و عرف ان صديق الطفولة هذا و مرسل الظرف يلي عليه هالاشارة هم شخص واحد

لذا اذا “كوغورو” حكى هيك أمام الكل بحضور “كومي” طبعاً.. وقتها “كومي” رح يربط كلام “كوغورو” بالمعطيات يلي معه.. و يبدأ الشك بـ “أمورو” و هويته.. خصوصاً انه رح يلاحظ قدراته على الملاحظة و التحري.. “كومي” مش غبي عموماً هذي هي النقطة الوحيدة يلي ممكن يبدأ الشك منها.. بما ان “كومي” ما عنده أي معلومة عن صديق “سكوتش” الا موضوع لقب “زيرو”.. لذا بظن هذا هو السيناريو الوحيد لـ بدء شكوك من ناحية “كومي” بـ هالسلسلة

بـ نفس اللقاء (بـ 3/يناير).. “غوشو” انسأل عن ظهور مستقبلي لـ عائلة “أمورو”.. و رد “غوشو” كان “عائلة أمورو ؟ والده أم والدته ؟. حسناً تطلع لهذا”.. اوك.. واضح من الرد ان والده أو والدته سبق و ظهر بالمانجا.. و معروف لنا.. لذا لاحقاً أكيد رح نشوف شي عن هالموضوع أكيد.. و ان شاء الله رح أحكي عنه بأقرب فرصة ممكنة

اوك.. بالنسبة للافتراض يلي حكيت عنه عن علاقة “جيمس” بـ “تسوتومو” و عائلة “أكاي” بشكل عام في الماضي فـ أظن (و احتمال 80% يكون خطأ) ان “جيمس” ممكن كان عضو سابق بالمخابرات البريطانية قبل ما ينتقل للـ FBI  لسبب ما.. يعني مثل ما شفنا بـ قضية أول ظهور لـ “جيمس” قال انه أصله بريطاني.. و انولد بـ لندن.. و حتى لهجته و طريقة حكيه بريطانية مثل ما لاحظ “كونان” بالفصل 325.. فـ في احتمال و لو كان ضئيل جداً جداً انه كان عضو سابق بالمخابرات البريطانية.. و كان زميل لـ “تسوتومو” و “ميري” وقتها قبل ما ينتقل للـ FBI لسبب ما بخصّه.. و يلي ممكن يتوضح لاحقاً بالمانجا اذا قرر “غوشو” يكشف بعض الأمور عن ماضيه و بظن هالمعرفة و الزمالة القديمة بالمخابرات البريطانية هي يلي ممكن تكون أساس معرفته بـ عائلة “أكاي”.. و إلا ما في تفسير ثاني ممكن يكون منطقي إلا هالتفسير.. يعني اذا ربطنا موضوع معرفته لـ “ماسومي” من النظرة الأولى.. مع حقيقة ان “ميري” دخلت لليابان متقلصة.. مع حقيقة ان يلي عم يساعد “ماسومي” و “ميري” هو صديق قديم لـ “تسوتومو”.. فـ الأمور بتصير منطقية مع بعضها.. ان “جيمس” ممكن كان عضو بالمخابرات البريطانية سابقاً و انتقل لسبب خاص فيه رح ينكشف لاحقاً بالمانجا للـ FBI و هالمعرفة بـ “تسوتومو” و “ميري” من أيام المخابرات البريطانية بقيت حتى بعد تركه للمخابرات.. و لما تقلصت “ميري” تواصلت معه.. و ساعدها هي و “ماسومي” بالدخول لليابان و أظن كمان انه وقت شاف صورة “ماسومي” بنهاية الفصل 780 تذكر شغلة

و يلي تذكره أظن هو شكل “ميري” لما كانت بنفس العمر.. و كلام “جيمس” فيه تلميح عن هالشي لما قال انها الخبرة التي تكتسبها مع التقدم بالسن.. فقد عملتُ كثيراً حتى وصلتُ لما أنا عليه الآن.. فـ ممكن انه هذا تلميح على مسيرته المهنية مع المخابرات البريطانية قبل انتقاله لوضعه الحالي.. و معاشرته لـ “تسوتومو” و “ميري” بـ هذاك الوقت.. فـ بظن ان “جيمس” وقت شاف صورة “ماسومي” هون تذكر شكل “ميري” أيام زمان لما كان عمرها قريب من هالعمر و طبعاً ما ننسى انه بالظهور الأول لـ “جيمس بلاك” كان في كلام عن السيرك.. و كلنا عارفين هالشي.. فـ احتمال يكون هذا تلميح لـ موضوع السيرك يلي حكيت عنه قبل شوي بالمنشور

خاصة ان “غوشو” لمّح ان في تشابهات بين “ماسومي” حالياً و امها لما كانت بـ عمرها لما قالت “ماسومي” ان جسمها رح يصير حلو لما تكبر مثل امها.. فـ بظن ان امها كمان كان جسمها هيك لما كانت صغيرة.. و هذا دليل على شبه بين “ماسومي” حالياً و “ميري” أيام زمان

لكن هذا كله بيبقى مجرد افتراض مني و احتمال كبير انه يكون غلط.. فـ لا تاخذوه انه استنتاج.. بل افتراض لا أكثر

الحين رح نجي لموضوع حلو ههههههه و ظهر بالفصل 1025 و هو التالي

واضح ان “هايبرا” ما بتعرف سبب قبول “أتسوشي” دعوة الانضمام للمجموعة الكبيرة.. هي قالت ان شيئاً ما قد تغير تسبب بقبولهم للدعوات.. لكن شو هذا الشيء ؟

هي ما بتعرف ان هالشيء هو ولادتها ههههههههه لعما على هالنهفة ههههههه.. شفنا بالفصل 1011 ان سبب قبول “اتسوشي” للانضمام لمجموعة “كاراسوما” هو خبر ان “ايلينا” حامل بـ “شيهو” هههههه

هههههههههه يا سلام ههههه

بس في نقطة مهمة.. ان كل الحاضرين وقت هالحديث ماتوا.. إلا شخص واحد.. و هو “فورويا ري”.. لذا يا أحبائي يا فانز كونان... ترقبوا لقاء حميم بين “فورويا ري” و “شيهو” و حديث عن والدي “شيهو”.. و قول “فورويا” لحقيقة سبب انضمام والديها للمنظمة.. و هو ولادتها.. و بكاء “شيهو” للاحساس بالذنب.. و محاولة “فورويا ري” تهدئتها هههههه 

ممكن حدا يقلي الحين انه ممكن “هايبرا” بتعرف.. لكن هي مستحيل تقول السبب أمام المتحرين الصغار لإن وقتها بتكشف عمرها.. فاضطرت تقول لسبب ما عشان هيك.. لكن لا.. هي فعلاً ما بتعرف السبب.. و الدليل انه حتى بسلسلة قطار الغموض و الكلام يلي انكشف من استماعها للأشرطة.. قالت “ايلينا” انها رح تضطر تبعد عنها بسبب عملهم على العقار.. و ما في سيرة لأي شي عن موضوع سبب انضمامهم.. ولا حتى شعور بالذنب من “هايبرا” مثلاً.. و حتى بـ مشهد حديثها عن والديها بالفصل 1025.. لو فعلاً بتعرف.. لكان “غوشو” رسمها مرتبكة مثلاً.. أو في عرق على خدها مثل يلي بتنرسم على الشخصيات لما يكونوا بـ حالة توتر أو ارتباك بـ مثل هيك حالات.. لكن لا كان مسترسلة و عم تحكي يلي بتعرفه و الدليل الأقوى انها ما بتعرف فعلاً هو انها بعد ما سكتت قالت يلي بتعرفه هههههه يعني قالت انه مستحيل أقول لهم عن موضوع العقار و كذا.. و ما حكت شي عن انه مستحيل أخبرهم عن عمري الحقيقي مثلاً.. أو أي شي متعلق بـ هالموضوع

لذا هي فعلاً ما بتعرف سبب انضمام والديها لـ مجموعة “كاراسوما” و قبولهم لـ عروضها بعد رفض طويل.. لذا مشهد “فورويا” و “شيهو” قادم.. انتظروه

في كمان ذكرت فوق موضوع المزيد من الحقائق من أشرطة “ايلينا” يلي عند “شيهو”.. و طبعاً من هالحقائق يلي شفناها بالفصل 1025 عن شركة اليمامة و افتتاح عيادتهم الخاصة.. الخ

و كمان ذكرت موضوع العودة لـ ماضي شركة اليمامة و توضيحه.. و علاقة “تسوتومو” و “ميري” فيه.. و هذا الشي رح يظهر أكيد بالمستقبل.. و احتمال يكون هالمستقبل قريب نوعاً ما و أكيد رح تتوضح بالمقابل بعض الأمور عن مجموعة “كاراسوما”.. و طبعاً هذا سبب كشف هوية الزعيم بشكل مبكر بالمقام الأول.. و ان شاء الله هذا كمان رح أحكي عنه.. انا كنت كاتب عنه.. لكن شفت انه لا بد من ذكر  RUM و بعض الأمور الثانية.. فـ رجعت مسحت الكلام و اكتفيت بالموجود حالياً فقط

كشف هوية الزعيم فتح باب ضخم بيقدر “غوشو” من خلاله يمد بـ آرك  RUM كمان سنتين أو 3 سنين بكل راحة.. و يلي هو باب الماضي.. باب ماضي مجموعة “كاراسوما” و شركة اليمامة.. و ماضي والدي “شيهو”.. هذا الباب يلي انفتح بعد كشف هوية الزعيم بالفصل 1008 رح يحلبه “غوشو” حلب.. من فعل “حَلَبَ” ههههههههههه يعني رح يحكي عن ماضي شركة اليمامة.. و عن علاقة “تسوتومو” و “ميري” فيها.. و عن علاقة افلاس الشركة بـ قضية “كوجي”.. و اكتشاف والدي “شيهو” للوضع يلي هم فيه بعد انضمامهم لمجموعة “كاراسوما” و تصرفهم.. و ان شاء الله هذا كله رح أحكي عنه بـ وقته

يعني “غوشو” كشف الزعيم بشكل مبكر صح.. أو بالأحرى كشف اسمه بس.. لكن بالمقابل فتح باب بالمانجا مد عمر المانجا 4 سنين عالقليلة ههههههههه هذا الباب محتاج حالياً آرك و نص حتى يتسكر هههههههههههههههه يعني انسى غرامك راح هههههه شغلة طويلة

اوك.. الحين وصلنا لـ جزء الونبسة.. و يلي هو آخر شي بالمنشور.. أو هيك المفروض هههههه و رح نبدأ ونبسة عالسريع

هو في تبرير لموضوع والد “ماسومي” بالفصل 1025.. الحين “ماسومي” قالت بالفصل 1025 ان والدتها طلعت تقابل والدها.. لكن ما قالت اسم.. يعني ما قالت والدي “تسوتومو”.. لا.. قالت والدي و بس.. يعني احتمال والدها هذا ما يكون “تسوتومو”.. احتمال يكون واحد ثاني طيب تن تا را را رن.. تن تن 

إكمالاً لما قلته للتو.. فـ احتمال والدها الحقيقي يكون “جيمس بلاك” نفسه.. و هذا سبب معرفته لها من أول نظرة تن تا را را رن.. تن تن

عم بحاول أعصر مخي عشان أطلع ونبسية واحدة ما عم بقدر ههههههههههههه لعما الونبسة أصعب من فك ألغاز المانجا و استنتاج حلولها هههههههههههه

خلص لـ هون بكفي ونبسة.. هيك بكفي هههههههههه

و هيك بكون خلصت المنشور.. ان شاء الله أكون قدمت أكبر قدر ممكن من الإفادة ضمن الممكن حالياً.. و بعتذر عن التأخر بالنشر.. انشغلت كتير الفترة الماضية.. و للأسف رح أنشغل أكتر الفترة القادمة و السبب الرئيسي للتأخر.. هو اني كتبت المنشور من فترة.. لكن لما رجعت قرأت يلي كتبته.. شفت اني حاكي عن قضية “كوجي” و عن  RUM و فايت بـ ماضي الشخصيات و الشركات هههههههههههههههههههههه قمت مسحت تقريباً أغلب يلي كنت كاتبه و بدأت من جديد.. بـ صيغ جديدة.. و حذر اني أفصل المنشور قد الإمكان عن موضوع RUM لإن موضوعه له وقته.. فهذا سبب التأخر.. و سبب الضعف نوعاً ما بالترتيب بالمنشور.. عذراً.. لكن ما حبيت أطول عليكم أكتر من هيك.. و حبيت أنشر بأسرع وقت ممكن

و طبعاً بانتظار تعليقاتكم على تغريدة هذا المنشور بـ تويتر

لكن لحظة.. ليش أنا سميت المنشور بـ “الأسود ينتصر” ؟ يعني ما في شي لحد الآن له علاقة بانتصار الأسود ؟؟ شو القصة ؟ خلص المنشور وما شفنا شي ههههههههه لا لسه ما خلص.. بس بعد الكلام التالي.. بيخلص.. بعد الكلام عن وضع انتصار الأسود حالياً

سابقاً انسأل “غوشو” عن سبب سعال “ميري” المستمر.. و جاوب “هيهيهيهيهيهيهي” اوك.. هذا رد رهيب بالرغم من سخافته ظاهرياً الحين في سؤال مهم.. انه ليش “شيهو” و “شينتشي” تقلصوا لـ عمر 6-7 سنين.. بينما “ميري” تقلصت لعمر بنت بالاعدادية حسب كلام “كونان” يعني 11-14 سنة

يعني.. عمر “شينتشي” 16-17.. و تقلص لعمر 6-7 سنين.. و “شيهو” عمرها 18.. و كمان تقلصت لـ عمر 6-7 سنين !!!! طيب مش لازم “شيهو” تتقلص لـ عمر 8 سنين.. بحيث يكون التقليص لـ 10 سنين للخلف ؟

و “ميري” !! شو مشانها ؟!!! الحين عمر “شويتشي” حسب تصريح من “غوشو” 31-32 سنة.. يعني امه لازم تكون أكبر منه بحوالي 19-23 سنة مثلاً.. يعني تقريباً عمرها 49-54 سنة.. بـ هالحدود.. لكنها تقلصت لـ عمر بنت بالاعدادية.. يعني بـ عمر 11-14 سنة.. و هيك تقلصت أكثر من 30 سنة !!! طيب كيف ؟ شو مقياس التقلص بـ هالعقار ؟؟ يعني 10 سنين أو 30 سنة.. أو حسب العمر.. أو حسب شو ؟

في بعض الفانز دخلوا بتحليل كيميائي للعقار.. و طلعوا بتفسيرات مختلفة و مخربطة.. لكن الأمر ما بدو كل هالتعقيد.. الأمر أبسط من هيك.. الأمر هو انتصار المنظمة بالوقت الحالي بشكل واضح

اوك.. بـ لقاء “غوشو” مع الفانز بـ 3/يناير.. انسأل سؤال قريب من هالحكي.. و قال حسب تأثير العقار.. (بتقدروا تراجعوا اللقاء بـ حساب @ImycroftKudo موجود اللقاء هناك) طيب اوك خليني أقربها اكثر لكم

يعني.. “شينتشي” و “شيهو” تقلصوا قبل حوالي 6 أشهر من الوقت الحالي.. و تقلصوا 10 سنين للخلف أو لـ عمر طلاب الابتدائية.. و “ميري” تقلصت بالتزامن مع وجود “كونان” و “ران” بـ لندن مثل ما حكينا فوق.. يعني خلينا نقول قبل شهرين أو 3 شهور تقريباً من الوقت الحالي و تقلصت حوالي 30 سنة للخلف.. أو لـ عمر بنت بالاعدادية ما خطر على بالكم شي ؟ انه شو السر بـ سنين التقلص و اختلافها ؟

السر واضح.. و هو ان المنظمة منتصرة و متقدمة بالوقت الحالي.. و السبب هو تقدم العمل على العقار بحد ذاته بين تقلص “شينتشي” و “شيهو”.. و بين تقلص “ميري” !! يعني العمل على العقار ما توقف بعد خروج “شيهو” من المنظمة.. لا أبداً.. العمل مستمر على العقار حتى اللحظة.. و تم تطويره بعد تقلص “شيهو” بحيث اختلفت مقاييس التقلص.. و تطويره جاري حالياً حتى وصولهم لهدف العقار و تحقيق الهدف هذا و “غوشو” حكى عن هالموضوع من زمان.. و قال انه في شي كبير عم يصير داخل أسوار المنظمة.. يعني في شي عم يصير حالياً.. في شي العمل عليه مستمر

يعني.. للحد يلي اشتغلت فيه “شيهو” على العقار.. قلصها هي و “كونان” 10 سنين.. أو لحد طالب ابتدائي بعدين بعد خروج “شيهو” من المنظمة.. استمر العمل على العقار ما توقف.. و صار يقلص أكثر من 30 سنة.. أو لحد طالب اعدادي حسب وصف “كونان” لـ “ميري” و جسدها

فـ العمل على العقار استمر و تطور.. و بالتالي التأثير الجانبي للعقار (يلي هو التقلص) استمر و تطور.. فـ اختلف تأثير التقليص و هذا بيعني ان العمل على العقار لسه جاري.. و عم يتطور أكثر كل يوم.. و قريباً المنظمة رح توصل لهدفها و يوصل مشروع العقار لهدفه النهائي.. و يتحقق مشروع المنظمة و مين المشرف على هالموضوع كله يا أكابر ؟ طبعاً صاحبنا RUM هههههههه سبق و حكينا ألف مرة ان RUM مرتبط بمشروع المنظمة ارتباط وثيق.. و هو يلي عم يدير هذا الموضوع

فـ اذا رجعنا للأحداث السابقة.. رح نشوف مثلاً ان “جين” قال بالفصل الأول ان العقار هذا يلي تم تطويره مؤخراً بالمنظمة هو سم لا يبقى له أثر في جسد الضحية و “شيهو” بعد ما تقلصت قالت لـ “كونان” بشكل صريح انها أخذت العقار و كانت ناوية تنتحر.. يعني كانت عارفة انه في له تأثير مميت.. و كانت ملاحظة تقلص الفئران كمان لكن بنفس الوقت.. هي قالت كمان انه ما كانت نيتها تصنع سم لـ قتل الناس.. و قالت انه هدف عقارها مش شي أحمق متل الخلود.. و ما بهم أغلب الناس بالعالم

فهذا بيعني.. ان موضوع القتل بـ عقار “شيهو” و عقار والديها كان لإن العقاقير هذي بـ طور التطوير.. يعني كان لسه مش كامل العمل عليه.. و كلنا عارفين ان العقار الحالي غير مكتمل.. مثل ما قال “جين” بالفصل الأول.. و مثل ما شفنا بقضية “بيسكو” انه تم الاشارة للعقار انه غير مكتمل أو التجريبي.. بـ اسم “هولمز” المبدئي يلي كان شيلينغ فورد.. فـ التأثير الجانبي للعقار الحالي هو التقلص.. و بيقتل كمان لإنه لسه بـ طور التطوير و التجريب

و هذا ممكن يلمحلنا مثلاً عن تأثير جانبي لعقار والدي “شيهو” يلي قتل قبل 17 سنة بـ طوره التجريبي ؟؟ ما علينا ههههههههههههه

المهم.. فـ اذا لاحظنا و دققنا منيح.. رح نشوف ان العقار بدل ما يقلص و يقلل العمر.. عم يكبر العمر.. كان لـ عمر طالب الابتدائية.. صار لـ عمر طالب الاعدادية معناها تأثير التقليص بالواقع هو تأثير عكسي.. يعني كان المفترض و الشائع ان هدف العقار هو شيء له علاقة بالتصغير بالعمر.. لكن يبدو ان التأثير بالواقع عم يكبر العمر.. معناها هدف العقار شي له علاقة بـ التكبير أو الزيادة.. أو المضاعفة المضاعفة ؟ مش هيك قالت “هايبرا” بـ قضية “بيسكو” وقت حكت عن الأنزيم يلي له القدرة على التكاثر ؟ ههههههه  كمان ما علينا.. حكيت ما يكفي بمنشور العقاقير.. و الباقي بكمله لاحقاً.. بوقته

تقلصت بـ لندن.. *|” رجعت لليابان.. -* تم تأكيد موت الرصاصة الفضية بعد **||--؟ تحرك RUM تحرك بعد *||-*؟ 

| انتهى |

#كونان