#عايزه اكل بطاطس ورز

[fozdoaa]

الإنسان صاحي جعان جدا بس مكسل يعمل فطار جدا جدا

#البسكوت هو الحل #عايزه اكل بطاطس ورز

[weightlossjourney1911]

اليوم الثاني:-15 اغسطس 2019 (النوم: 7 ساعات و 4دقائق)

احلى حاجة تصحى من النوم خفيف احساس جميل.هو اه انا عارف احساس انك تاكل اكلة حلوة  وتقيلة بتبقى مبسوط وحاسس بنشوة وقتها وانت بتاكل بس تاني يوم او لما تصحى من النوم بتحس ب ايه ؟؟ بالظبط كدة بتحس بالندم على كل معلقة اكلتها

بداية اليوم كانت جميلة وتصحى الصبح زي البني ادم الطبيعي مش بتصحى في اوقات غريبة ( ايه ده انت عجبتك الحياة الصحية ولا ايه؟) كله حيبان قريب.

المهم صحيت وفطرت فطار خفيف عبارة عن توست+جبنة + كوباية قهوة وبعد الفطار ب ساعة كدة مثلاً اكلت موزة و حاسس بنشاط كبير وحاسس كأن الدنيا بتضحك ومستني وقت التمرين ومتحمس جداً للتمرين بس خايف الراحة السلبية اللي اخدتها وقت العيد تضيع اللياقة اللي قعدت شهرين اجمعها ربنا يستر

التمرين ان شاء الله حيكون عبارة عن 20 دقيقة كارديو و 40 دقيقة عضلتين كل عضلة 20 دقيقة

التمرين كله عبارة عن ساعة وحدة قريت قبل كدة ان ساعة واحدة من يومك بتساوي 2% بس يعني عندي 98% من يومي اقدر اعمل فيها اللي عايزه واخلي ال2% دول لصحتي وحشكر نفسي بعدين على الموضوع ده

الحمدلله التمرين كان ممتع جدأ على عكس ما اتوقعت الراحة السلبية جات ب فائدة خصوصاً واني كنت بدأت احس بتعب في كل جسمي قبل الراحة

الاكل كان عبارة عن:- صدور فراخ و بطاطس مسلوقة ورز مسلوق+ سلطة

كله اكل صحي بدون زيوت طبعاً فعلاً كنت مبسوط بالاكل واحساس جميل لما تقرب نهاية اليوم وانت يومك كان صحي بنسبة كبيرة ربنا يقدرني واقدر اكمل على نفس النظام و اقدر اتحدى نفسي واتحدى كل الصعوبات اللي بتواجهني ودايماً لازم اعرف ان صاحب الهدف لا يلتفت الى مغريات الطريق

كدة اقدر اقول اليوم خلص الحمدلله

#2/100

[fozdoaa]

تواصلت مع كابتن سباحه عن مشكلتى بعد مسألنى كذا سؤال حدد بيهم مستوايا وصل فين قالى عندك حلين ملهش تالت تحبى تسمعيهم قولتله اكيد طبعا ،قالى الأول انك تلعبى فى المايه تنزلى وتطلعى وتنطى وتسيبى جسمك لمايه ترفعه وتفردى ايدك وتقعى وتقومى وتعيدى تانى, يوم تهاف فن فيه لوحدك ،فأنا قولتله فى وجود الكوتش بتاعتى قالى لاءه لوحدك قولتله بس انا مقدرش اعمل كده لوحدى ولا حتى فى وجودها .

قالى يبقى هو الحل التانى انا اسف بس انتى محتاجه كوتش تنشف كده وتشخط فيكى .انا سمعت كده وكنت عايزه اضربه حته قلم بس مسكت نفسي وقولت عيب يافذدق كفايه انه مفضى نفسه ورد عليكى واهتم ،قولتله والفكره ايه؟ قالى انتى كده بتدلعى ! حقيقه هو ميعرفش اصلا انى مبيتشخطش فيا مش غرور والله ابدا بس انا لما حد بيشخط فيا بكرهه جدا و مابياخدش منى بربع جنيه اى حاجه مش عِند مني تؤتؤ والله علشان مبيعرفوش يسكتونى انت اشخط فيا انا اتوتر واخاف موووت وخلاص نو ريسبونس هتاخدها فأنت الخسران .

قالى انتى ببساطه محتاجه حد يشخط فيكى ميعرفش ان الكوتش فى تمرين السباحه مره شخطت فيا فأنا بصتلها وانا باخد نفسي وبتشحتف ولقتنى بقولها انا اصلا عايزه اكل بطاطس وفراخ ورز

#fozdoءchallenge #انت فى وادى وفذدق فى بعد زمنى خامس #محتاجه معجزه