sakaysakasaysayan

[sakaysakasaysayan]

Kung lalabas ka sa pamamahay mo ngayon patungo sa kalyeng katabi ng iyong prestihiyosong subdivision, imposible ata na makakita ka pa ng isang sinaunang Jejemon. 

Sinauna talaga?

Ay, teka lang muna. Hindi ko pa pala naipapaliwanag sa inyo kung ano nga ba ang isang sinaunang Jejemon.

Sila ang mga taong nakasuot ng maluluwang na jersey at pantalon o basketbol shorts na halos kalahati na lamang ng puwit ang natatakpan. Kadalasan, kapag kumukuha sila ng litrato, may kung ano-ano pa silang ginagawa sa mga kamay nila at nakalabas pa ang kani-kanilang dila. 

Halos sampung taon na ang nakalipas mula nang maging laganap ang kanilang kultura. Marami sa atin ang nandiri na para bang mayroong nakahahawang sakit ang mga miyembro ng nasabing grupo. 

Nakakainsulto raw sa karamihan kung paano sila magpahayag ng kanilang sarili (hal.  M@h41L111 K1TZZH@@HhhHh bH@Bh3313 qQ0U0h). Marami man ang napangiwi kapag nakakasalubong sila sa daan, hindi pa diyan nagtatapos ang kanilang paglalakbay. Tulad ng mga sinaunang jejemon, may isa namang kultura ang umusbong noong mga nakaraang taon. 

Ang mga hypebeast.

Ah, oo!

Narinig niyo na ba sila?

Sa aking pagoobserba, lagi silang nakasuot ng may mga tatak na bagay, maski t-shirt na Supreme o Thrasher, fanny pack na Off White at Vans na sapatos. Kadalasan din, makikita sila sa Bonifacio High Street o Shangri-la Plaza. Ngunit, sa pamamagitan lamang ng ilang buwan, ang ganitong klaseng pananamit ay naging popular sa mga tao na nasa ibabang antas ng lipunan. 

Simula nang maging bansag ang ganitong istilo ng pananamit at sila pa ang gumagawa nito, natawag tuloy silang “Jejemon 2.0”. Sa sobrang naging tanyag ang mga hypebeasts, sumikat pa ang kantang “Hayaan mo Sila” ng Ex-Battalion dahil sa kanila. Nakuhanan pa nga silang sumasayaw sa loob ng mall gamit ang nasabing kanta.

Gaya ng mga jejemon, nakalikom din ang mga hypebeasts ng masasamang salita mula sa sangkatauhan, maging sa personal man o sa social media.  

Gumawi tayo sa mga taong nagsasabi ng mga lait tungkol sa mga Jejemon at Jejemon 2.0. Dahil sa konsepto ng norms, marami sa lipunan ang nagkaroon ng negatibong reaksyon mula sa mga taong sumusunod sa ibang tema ng pananalita maski pananamit. Kadalasan din ang mga indibidwal na nandidiri kapag nakikita ang mga nasabing tao ay nasa gitna at mataas na antas sa lipunan. Marahil takot silang makakita ng mga taong hindi sumusunod sa kung ano ang normal lalo na, kadalasan nasa mababang antas ang mga taong tinutukoy. Halimbawa na lang kung paano magsalita o mag-type ang mga jejemon, marami ang nabahala sapagkat mahirap intindihin ang kanilang uri ng pamamahayag. Sino ba naman ang nasa wisyo para mag-type ng “h0iY mUzZzztTZxahhhHh nUahhHz! k@InnzX nUahHm4nnnNNn tAu minzxxzszanN”? Mapapansin natin na ang inaapi ay ang mga taong nasa ibabang antas ng lipunan—na kapag sila ang tumataliwas sa kung ano ang normal, mayroong mas malaking tyansa na sila ang aapihin. 

Kapag nga naman may nakasabay ka sa jeep na gusgusin at nakasuot ng sira-sirang damit, ngunit Ingles ang gamit niyang wika, malamang mapapaisip ka kung nababaliw ba ang taong ‘yon. Kabaligtaran naman ito na kapag nakakita ka ng taong mukhang sosyal na kung magsalita parang ganito “eow pohz”, mapapakunot ka lamang ng noo. Mapapaisip ka siguro na, “ah, baka ganyan lang talaga siya.” Sa nasabing mga senaryo sa itaas, para bang mas aapihin ng masa ang naunang tao dahil sa kanyang pananalita at ang lengguwaheng gamit niya at hindi ang huli dahil nga sa kanyang estado. 

Sa kaso ng mga jejemon, napaisip ako kung ano nga ba ang tamang wika? Para bang ito ang nagdidikta sa katayuan ng isang tao sa lipunan tulad na lamang ng pera o iba pang may tatak na kagamitan. Tila bang malabo ang linya kung ano nga ba ang tama at maling wika. Sa totoo lang, imposible na maging tiyak tayo sa konsepto ng wika. Ang tanging kakayahan lamang natin ay ang pagtanggap na ang wika, hindi pupuwedeng matukoy sa isang kahulugan lamang. Napakalawak nito para ilagay sa isang kahon at hindi na buksan. Patuloy itong nagbabago at nakadepende pa sa bawat kulturang popular na sisikat sa mga susunod na henerasyon.

Sanggunian: Jay Jay. (2018, January). Hayaan Mo Sila Dance Contest ng mga Hypebeast sa Mall. Retrieved from: youtube.com/watch?v=H3QsfE7XzIM

#laro #patalastas #pelikula #kulturang popular #pagmumuni #pagkain #dula #reaksyon #tula #social media #kuwento #panitikan #transportasyon #submission

[sakaysakasaysayan]

Ang 'Sexual Awakening' sa Pagkagising.

May dalawang kasarian lang sa mundo; ang babae at lalaki. Kinakasal ang lalaki sa babae, at ang babae sa lalaki. Minamahal dapat ng babae ang lalaki, siya ring balik ng pagmamahal sa babae ng lalaki. Walang tanong, walang katwiran at dapat paniwalaan ng agad-agaran. 

Ngunit, bakit parang may mali? 

Pilit na sinasaksak sa utak at puso ng mga bata ang magiging silbi ng babae sa tahanan at ang lalaki sa kanyang kayod para makalikom ng pampuhunan. 

Ngunit, bakit parang may mali? 

Makailang taon nang nakalipas mula sa unang pagkakataong masabihan ng “wag muna mag-boyfriend” at mapagsabihhan na hindi katanggap-tanggap ang mga galaw at gawi ko. Akala ko na ako ang may mali. 

Ngunit sa aking kuwarto, isang hindi inaasahang bisita sa kalagitnaan ng siyesta. Isang panaginip na nakapanikip ng dibdib. 

Ganito ang naging ganap;

Nakaupo ako sa hindi pamilyar na kuwartong may isang TV na pagkalaki-laki sa dingding sa harap ng upuang komportable. Mayroong lalaki sa aking tabi na may mukhang kaaya-aya at maliwanag-pa-sa-bumbilyang ngiti. Isang pelikulang Disney ang pinapanood namin; tungkol sa binatang ayaw tumanda kailanman. Isang kamay na may mainit na palad at mga kalyo sa dulo ng mga daliri ang dahan-dahang humawak sa kamay ko at sinabing “sabayan natin ang susunod na kanta,” nung marinig na ang panimulang mga nota. Matamis na ngiti at pusong kinikilig ang huling naramdaman bago magising. 

Ngunit﹘dahil ginusto kong ituloy ang panaginip﹘pumikit at nagpumilit muling umidlip. 

Ang siyang naganap sa hindi pamilyar na kuwartong may TV na pagkalaki-laki sa dingding sa harap ng upuang tila ulap sa lambot. Isang tao sa aking tabi na may kaaya-aya’t maliwanag-pa-sa-bumbilyang ngiti; ngunit ngayon, siya’y babae. Isang pelikulang Disney ang pinapanood namin﹘tunkol pa rin sa binatang ayaw tumanda. Isang kamay na mas maliit, mas malambot at tila walang bahid ng anomang kayod ang dahan-dahang humawak sa kamay ko sinabing “sabayan natin ang susunod na kanta,” nung marinig ang  panimulang mga nota. Matamis na ngiti at pusong kinikilig ang huling naramdaman bago magising. 

Napahinto ako pagkamulat ng aking mga mata “bakit ganito” ang tanong ng kumakabog na puso. Hindi ba’t salungat ito sa tama o kaya’y masamang buto na tumubo’t nagbunga? 

Sino nga ba ang nagsasabi kung ano ang tama kapag tinamaan na ng pana? Inisip ko na ang pagmamahal ay hindi dapat sinasakal ng mga paniniwalang matumal sa henerasyon ngayon. Isang bagong pintuan sa puso’t isipan ang nalikha.

Mayroong dalawang kasarian sa mundo; babae at lalaki, at iisa ang gusto ko﹘ang mahalin pareho.

#panitikan #kuwento #pagmumuni #submission

[sakaysakasaysayan]

Blog post

[DISCUSSION] Nakabobobo ba ang Impormasyon?

by notomochausonfakenews at Mar 18, 2020 9:37PM | 124 views

  segiojimenez353 says at Mar 18, 2020 9:41PM:

Wat do u mean bro??? Idgi

[LIKE | DISLIKE | REPLY]

  notomochausonfakenews says at Mar 18, 2020 9:56PM

Noong taong 1983, lumabas ang serbisyong kinikilala natin ngayon bilang ang “Internet,” isang paraan ng pag-connect sa iba’t-ibang tao at bagay saan mang dako ng mundo. Sa paglipas ng panahon, umusbong ito at naging isang esensiyal na bagay sa buhay ng mga taong naninirahan sa ika-21 na siglo. (history.com/news/who-invented-the-internet)

[LIKE | DISLIKE | REPLY]

  jhepoykumardizon says at Mar 18, 2020 10:28PM:

0h, t4p0$?¿

[LIKE | DISLIKE | REPLY]

  notomochausonfakenews says at Mar 18, 2020 11:11PM

Sa sobrang laki ng mga pagbabagong naidulot ng internet, tinaguriang “Information Age” ang panahon na ito. Kasama ng rebolusyong ito ang pagsikat ng mga search engine tulad ng Bing, Yahoo, at Google. Dahil dito, lubusang napadali ang pagkalap ng impormasyon tungkol sa anumang bagay. “Information at Your Fingertips.” (wired.com/insights/2014/06/beyond-information-age/) (spectrum.ieee.org/computing/software/information-at-your-fingertips)

[LIKE | DISLIKE | REPLY]

  axolotlfreshfromvacation says at Mar 18, 2020 11:23PM:

Dude, like, anuba. I get that you’re bored pero like, just stop spamming. Pls. We’re all in quarantine. If you don’t have anything better to do, just log-off. I’m sure you have friends IRL namam eh. Unless ofc, KSP ka lang. Haha. :laughing:

[LIKE | DISLIKE | REPLY]

  notomochausonfakenews says at Mar 18, 2020 11:49PM

Dahin nga lubusang napadali ang pagkalap ng impormasyon ngayon, ang natural na expectation natin ay mas tatalino din ang mga tao.

Ngunit, totoo nga ba yun?

Sa paglaganap ng mga tito at tita ng mga artikulong Fake News sa FB masasabi ba natin na mas tumalino tayo bilang mga indibidwal? Bakit ba na subali’t mayroon tayong mga cellphone para mas dumali ang pagbigay ng impormasyon, umabot sa Code Red Level 2 ang alert system natin para sa COVID-19?

[LIKE | DISLIKE | REPLY]

  segiojimenez353 says at Mar 19, 2020 12:01AM:

Bro, it ws all due 2 circmstancs. We can’t stop some of dis frm hppning yk??? Best thing 2 do na lng is 2 pray.

[LIKE | DISLIKE | REPLY]

  jhepoykumardizon says at Mar 19, 2020 12:34AM:

d4M1 d4M1 m0n6 m6a cH3cH3 bUR3Ch3, al4m m0H b4 yuN?????

[LIKE | DISLIKE | REPLY]

  notomochausonfakenews says at Mar 19, 2020 12:36AM

BAKIT BA NA SAPAGKA’T SINASABI NG LAHAT NG MGA NEWS OUTLET SA TV AT ONLINE NA IWASAN ANG PANIC BUYING, NAUUBOS PA RIN ANG SUPPLY NG TOILET PAPER SA BANSANG KANLURAN?

  O BETTER YET, BAKIT NILA PINAGKAKAGULUHAN ANG TOILET PAPER?!

[LIKE | DISLIKE | REPLY]

  axolotlfreshfromvacation says at Mar 19, 2020 01:05AM:

Yung sa America kasi, sikolohikal na yan. Posible na hindi nga nila kailangan ang toilet paper, kumbaga nakikita lang nila yun bilang isang “safe item.” Para sa kanila, mataas ang kahalagahan ng toilet paper. Based dun sa inaral namin sa SocSci, siguro nakikita nila yung mga napakalaking packaging ng toilet paper at kapag napupuno nila ang mga shopping cart ng... Haysxtsxxt ayoq na. Di ko talaga ma-gets yan mga yan. :shrugs:

  Okay smarty-pants, eto na lang. Subali’t may punto ka, hindi mo naman puwede sabihin na “nabobobo” na tayo bilang mga tao. Kung ganoon nga, siguro hindi trending upward ang average IQ ng world population (bloomberg.com/opinion/articles/2018-03-06/humanity-keeps-getting-smarter). May mga artikulo rin na nagsasabing tumatalino tayo dahil sa pagsiklab ng “Internet Age.” (huffpost.com/entry/how-technology-has-made-o_b_10577380)

[LIKE | DISLIKE | REPLY]

  notomochausonfakenews says at Mar 19, 2020 01:23AM

Hindi iyon ang punto ko. Sa panahon na tinaguriang “Information Age”, iisipin natin na hindi na tayo mabibiktima sa mga tinaguriang “Fake News” at maiiwasan ang pagsiklab ng malubhang pangyayari tulad ng COVID-19. Posible ba na sa sobrang dali ng pagkalap ng impormasyon, ito’y ating tinatrato bilang, sa Ingles, “taken for granted?”

[LIKE | DISLIKE | REPLY]

  JOIN THE CONVERSATION! [Login | Sign up now!]

[Add your comment here...]

  Mga sanggunian:

history.com/news/who-invented-the-internet

wired.com/insights/2014/06/beyond-information-age/

spectrum.ieee.org/computing/software/information-at-your-fingertips

bloomberg.com/opinion/articles/2018-03-06/humanity-keeps-getting-smarter

huffpost.com/entry/how-technology-has-made-o_b_10577380

google.com

#kulturang popular #kuwento #patalastas #social media #reaksyon #submission

[sakaysakasaysayan]

Jejemon ba ang gobyerno?

Jejemon ba ang gobyerno at ang hirap nilang intindihin

Sabi ng pulis huhulihin daw ang lalabas

Sabi naman ng DOJ, hindi huhulihin

Sabi ng MMDA may curfew daw nang 8 n.g. hanggang 5 n.u.

Sabi naman ng DILG walang curfew hangga’t may sinabi ang lokal na pamahalaan

Sabi ng kalihim ng gabinete community quarantine daw

Pero sabi naman ni P. Duts lockdown na raw

Hindi ko alam kung sino ang susundin.

Nakapagtataka lang kung naisip ba nila 

Ang epekto ng kanilang mga salita. 

Pinagugulo ang sistemang dapat sila ang 

nag-aayos

  Jejemon ba sila at may sarili silang sistema na mahirap intindihin

May sarili ba silang mundo at

Nakakulong sila sa paniniwalang

Mahigpit na kontrol lang 

ang sagot sa suliranin

Hindi ko maunawaan kung bakit

Ang pondo ay napupunta sa sundalo

Samantalang, sa ospital ubos na ang suplay ng doktor ko

  Kailan pa naging solusyon sa sakit ang naka-unipormeng tao 

Kailan ka pa nakakita ng ospital ng gobyernong nanghihingi ng donasyon mo

Simpleng facemask na nga lang nagkulang pa tayo

Ano ba talagang kalaban niyo?

Ang pandemya ba o ang tao?

  Jejemon ba sila na may sariling mundo

Bakit ang mga salitang nakikita ko ay may ibang kahulugan sa kanilang ulo

Mahirap i-spelling-in ang kanilang gusto

“The best and the brightest” daw sila kuno

Pero bakit hindi nila alam ang kailangan ng bansa ko

  Masyado na atang nakakainsulto sa mga jejemon ang paghahambing na ito

Dahil kung tutuusin hindi naman sila ang nagnanakaw sa kaban ng bayan,

Hindi rin naman sila gumagawa ng polisiyang sila lang ang nagkakaintindihan,

Hindi sila ang nag-iiwan ng mga komentong ang laman ay kababuyan,

At lalong hindi sila ang may pakana ng nagkalat ng patay sa lansangan

Hindi man edukado, hindi rin respetado

Pero sa kalakhan ng lipunan

Hindi sila ang manloloko

  Ako na rin ang sasagot sa katanungan ko

Hindi jejemon ang gobyerno

Dahil sa malapitan man o sa malayo

Sa jejemon pa mas panatag ang loob ko

Hindi pala katumbas ng disente ang mabuti

Salamat sa gobyerno at ngayon nauunawaan ko na ito.

#tula #submission

[sakaysakasaysayan]

Bagay

Friend 1 : Ano yang bágay?

Friend 2: tayo?

Friend 1: Ha? Tinatanong ko ano ang bágay na iyan. Malamang bagáy tayo, alangang kasintahan HAHA

-Bágay: gamit

-Bagáy: kaibigan

  Kaibigan

Ate: Kaíbigan mo?

Kuya: HINDI. Kaibígan ko lang yan

Ate: WEH

-Kaibígan: barkada

-Kaíbigan:  kasintahan

  Libog

(Katatapos pa lamang ng klase sa agham at Nakita ni friend 2 ang kaniyang crush)

Friend 1: Grabe, nakakalibog talaga.

Friend 2 : HOY GAGO ANO SINABI MO?!?

Friend 1: Luh. Bat ka nagagalit? Sabi ko lang nakakalibog.

Friend 2: Pre, gusto mo  bang suntukin kita.

Friend 1: AMPOTA NAHIRAPAN LANG NAMAN SA AGHAM EH BAT KA NAGAGALIT.

-líbog: sexual desires

-libóg: litó 

Mahalagang malaman natin kung paano gamitin ang mga tuldik dahil makikita sa mga halimbawa sa ibabaw na ang pag-puwesto ng mga tuldik ay nagbubunga ng iba’t ibang kahulugan. Nakakalito talaga ang wikang Filipino ngunit ito ang nagbibigay tangi rito! Siguraduhing tama rin ang pagbigkas dahil baka sa susunod na sabihin mo nalilibóg ka baka isiping ang bastos mo dahil na nalilíbog ka! HAHA

Sanggunian:

https://www.spot.ph/newsfeatures/the-latest-news-features/78834/filipino-words-meanings-from-provinces-a833-20190821

#panitikan #pagmumuni #submission

[sakaysakasaysayan]

Trulaluch ngerng julay ng fermanente sa earth na itis kundi ang change! Ang lahert ng mga vagay-vagay ay jumajailalim sa change na itis. Pagbabago umaayern sa ating panahon na even ang ating spokenings ay jumujugon sa mga pagbabagong itis!

Ang daks daks ng halagerz na namemake ng wika sa tao sapagkert itis ang nagiging shulay ng vawat jisa upang magkajunawaan. Isa rin itez na reasonings uperng magkaroon ng mas maayos at matatag na vayarn ating ineechusan. Gamit ang wika maaaring mapabongga ng bawat isa ang kanyang self, country, ang culture ng kanyang Inang Vayan. Wika ang vumuvuo sa lipunern kaya mahalagerch ang kapapelab nites sa isang bansa para makavuo ng isang maayos at iisang kultura.

Sa kabilerch nang pagbongga ng ating sariling spokenings ay nakiechos din ang pagappear ng bonggang mga wika o salita dites sa vansang Filipinas, na mas madalas na ngang ispoken ng mga bagets ngayon sa pagsasalita lalo na ang mga kabilang sa Federasyon o ikatlong kasarian na kung tawagin ay Bekimon o Gay lingo.

Dahil shruelaloong nagvavagerch ang panahern, navavagerch rin ang ways ng tao sa paggamit at pagsulat ng wika. Ites na ang ere ng Bekimese/Bekimon. “Sinetch itey na jundalong na Luz Valdez sa warlaloo?” Itech namern ang Bekimese at maraming nakakaknows ng true meaning ng pangungusap na ites. May mga ilang bersyon pa ng Bekimese na talaga namang Epistaxis ang aabutin mo kapag iyong narinig. Ang mga vahding, vahklah o veki, ang mga ynang reynang nagbiyaya sa sangkabaklaan ng mga ganitong klaseng usapan.

Kung minsan naman, dinurugtungan ang mga salita ng mga katagang “bels, etch, laloo” tulad ng keribels, itech at girlaloo.  Pavonggang way ang Bekimese ng pagpapahayag ng kanilang mga saloobin

Ilan sa mga ito ang mga sikat na salita ng mga bekimon: 

Anetch – what

Washington – Nothing or none

Givenchy – to give

Enter the Dragon – come in or enter

Backstreet Boys – cute boys at the back

Bitter Ocampo  – bitter or sad

Pagoda Cold Wave Lotion – tired

Award – to reprimand

Crayola – to cry

Statue of Liberty – free

Ang gay language ay rumaravan pa rin at kumakalert sa ating lipunan. Ginagamit ito sa kung anet-anet na ways ng pakikipagchikahan. Madalas masight sa tabloid o telebisyon at mahear sa radyo ang mga gay lingo.

Dakota Jackson ang reach ng wika na itis, kauri lang ng wikang j3j3mon ang wikang Bekimese na binubukaka ang panibagong lunto upang mairampa ang ating pagiging kakaibang indibidwal o ang pagkakaroon ng "uniqueness". Hindi natin maeechos ang pagspread at pagbabago ng salita. Parang fashion lang ites where may kanya-kanyang panahon ang mga kulay, pattern at yari ang mga damit.

#kulturang popular #submission

[sakaysakasaysayan]

Gusto niyo bang matuto ng tamang balarila? Makinig na sa 'purista', isang kantang edukasyonal na hango sa kantang 'Grammar Nazi' ni Reese Lansangan!

purista

VERSE 1

may gusto ako sa babaeng medyo cute kaso may problema (ano kaya) di marunong ng filipino alam ko, di naman yun puno't dulo ng lahat pero sayang talaga ni di ka nga nagbabasa minsan, halata

PRE-CHORUS sabi ni mama di pwedeng dalagang hanggang cute lang pero di makasulat nang di gumagamit ng 'ay' di maiwasang mainis kapag sinasabi mong 'kila' nakasusuka

CHORUS: di ako purista-- gusto ko, tamang balarila cute ka nga sana (kaso) ang barok mo magsalita siguraduhin mong nag-aral ka ng wika

VERSE 2 ginagamit ang para,  pag may kanino o saan iba naman ang upang ito, pag may dahilan maikli't mahabang 'nang' magkaibang salita 'wag malito, sa dalawa 'wag mag-alala, tuturuan kita, oh

PRE-CHORUS

CHORUS

CODA

kung ako sa'yo, mag-aaral na ako ng tamang ayos ng mga pangungusap pag ito, karaniwan, laging nasa unahan ang panaguri, simuno nasa hulihan

siguraduhing tama, ginagamit na panturing wastong pagkakasunod-sunod, tiyakin pagbabanghay ng pandiwa, iyong ayusin unang pantig ng salitang-batayan ulitin

bukambibig ng lahat, mahal daw nila ang sariling atin kung totoo nga eh di pagbutihin mga patakaran ating seryosohin

hindi niyo ba naririnig? o kay ganda ng filipino pag wasto ang ating gamit hindi pwedeng pwede na kapag naiintindihan kung gusto nating pagyamanin ang ating kalinangan ipalaganap sa masmidya't mga paaralan

END

#panitikan #kulturang popular #tula #pagmumuni #reaksyon #submission

[sakaysakasaysayan]

Corona: Signifier + Signified = Sign

Sino ang Mag-uuwi ng Corona?

Sanggunian: https://www.facebook.com/HibayaGerald/posts/2921572594530524

"From the City of Stars, Quezon City! Nasa amin ang forever, Commonwealth!" -isang kandidata sa Miss Universe Philippines 2020

Quezon City — Gusto kong bumalik sa mga araw na kapag uubo o hahatsing ako, sasalubungin ako ng samot-samot na “Pagpalain ka ng Diyos!” (Bless you naman galing sa mga Inglesera.) Bakit nga ba ngayon kapag nagdadala ako ng sintomas ng sakit, pagtitingnan ako, paaalisin, o pagmumurahin ng mga tao?

Pagnilayan natin.

Unang ginamit ang salitang “corona” sa Latin noong kalagitnaan ng ika-16 na siglo. Naging simbolo ito ng kapangyarihan at kayamanan dahil malimit, gawa ang mga korona sa mga mamahaling metal at diyamante na pinuputong sa maharlika. Naging matunog ang salitang korona sa Pilipinas sa ikalawang dekada ng milenyo (2010-2019) nang sunod-sunod ang pagpasok ng ating bansa sa Top 5 ng Miss Universe pageant na sinimulan ni Venus Raj. Mula noon, dalawang beses nating nakuha ang inaasam-asam na korona sa mga panahon nina Pia Wurtzbach (2015, Diamonds International Corporation o DIC crown) at Catriona Gray (2018, Phoenix Mikimoto crown). Naging simbolo naman ang mga koronang ito ng namumukod-tanging kagandahan at kabuuan ng loob ng kababaihan sa mundo, sa sansinukob o uniberso pala!

Miss Universe 2015, Pia Alonzo Wurtzbach (Philippines)

Sanggunian: https://cnnphilippines.com/lifestyle/2016/01/23/Miss-Universe-Pia-Wurtzbach-crown.html

Nagbago ang sinisimbolo ng salitang korona pagdako ng taong 2020. Oo, nariyan at sumasang-ayon pa rin naman tayo sa kasunduan o kombensiyon na ang korona ang pinag-aagawan ng kababaihan. Ngayon, tila bumalik tayo sa ika-16 na siglo. Hindi lamang ang letrang k ang pinag-uusapang korona. Bumalik-loob na tayo sa paggamit ng letrang C —Corona.

Kung ang korona na mayroong letrang k ay pinag-aagawan, ang Corona na mayroong letrang C naman ay pinagtatabuyan ngunit pareho silang pinagpapasa-pasahan. Saklaw nito ang lahat ng rehistrong pangwika dahil usap-usapan ito kahit saan, magmula sa akademikong wika hanggang sa balbal na wika.

Lunes (Marso 9, 2020), noong inanunsiyo ng Malacañan Palace sa Proc. 922 na mayroong State of National Public Health Emergency dahil sa COVID-19, kilala noon bilang Novel CoronaVirus (N-cov) disease. Isinagawa ang deklarasyong ito matapos magkaroon ng kompirmasyon ng mga kaso ng COVID-19 mula sa Pilipinas.

Proclamation No. 922, s. 2020

Sanggunian: https://news.abs-cbn.com/news/03/08/20/rodrigo-duterte-state-of-public-health-emergency-executive-order-malacanang-coronavirus-ncov-covid-19

Mga kababayan, magsiuwian na tayo kasi may nakakuha na ng Corona! Hephep, hindi ito hurray at panahon ng sana all. Hindi ito dapat na ipagbunyi ngunit tulad ng pagwagi ng korona sa Miss Universe, dapat nating alamin ang mga hakbang para makuha ang korona o sa kasong ito, ang mga hakbang para hindi makuha ito.

Hindi tulad ng wika, hindi pupuwedeng maging marupok. Kung isa kang estudyante tulad ko, huwag ka munang lumabas ng bahay sa ngayon dahil lamang walang klase, lalong-lalo na kapag nasa mga lugar ka kung saan may kompirmadong kaso ng COVID-19 o kung balak mong makipag-eyeball sa mga lugar na ito o malapit dito.

Ayon nga kay Health Secretary Francisco Duque III, iwasan munang humawak sa kalalakihan, este sa MEN (mouth, eyes, nose). (https://news.abs-cbn.com/news/03/08/20/how-to-avoid-prevent-coronavirus-ncov-covid-19-safety-tips).

Nagpalabas din ng Tiktok ang DOH natin para magpalaganap ng kaalaman ukol sa COVID-19.

DOH Tiktok

Sanggunian: (https://www.facebook.com/OfficialDOHgov/videos/506651870033937/).

Sa kasalukuyan, mayroong 35 na kompirmadong kaso ang Pilipinas ayon sa DOH. (https://www.inquirer.net/novel-coronavirus-update)

Masusungkit kaya natin ang korona sa Miss Universe pageant ngayon at nasungkit na natin ang Corona virus? Universe, is this a sign?

#panitikan #kulturang popular #kuwento #social media #pagmumuni #reaksyon #submission

[sakaysakasaysayan]

Isang Open Letter mula sa isang Jejemon

Para sa h8erz namin,

Maganduhng arawz ph0ewhz sa iny0 XD AkO po ay c Jhon Ray Makatulad, anG k1inaTawaN n6 s@ngk@j3j3muNan. Na1s kh0n6 ipAbatiD anG 1sanG m3nsAh3 tUngk0l sA mga naRiRinig n@ming kur0-kur0 muLa sa iny0. Nasuhsuhktan kaMi, nDi ln6 dHil pALag1 nYo n ln6 p1naGtataWanAn an6 aM1ng pAnAnAlitA, kUnd1 dHil n r3n s paUlit-uLit nY0ng pgmml11t s aM1n6 paMuMuhaY. Ang mAsasaBi kh0 l@ng, hUwag niy0 kam1ng husGahan kUng h1ndi n1yo aLam aNg kuLturA n@min. B00m pan3s

BuhAy an6 kuLtUrA n6 pmynang j3j3m0n. 1s@ng s1n1ng an6 pgsuLat s w1k@ng j3j3n3s3. N-ng-ng-il-ng-n n6 khusyn s pgb1b1h1s-j3j3m0n. An6 mgA bgay n ganUn n ln6 kUn6 inY0ng pgtwnn, m-h-h-l-g-ng s@g1sAg n6 am1ng pgkakAk1lanLan. SuBukn nY0 k@y@n6 mk1pa6-us@p na J3j3n3s3 ln6 an6 gaMit? N@ m@nAm1t n@ng iBa nmn s nkkumay nY0nG ma1n$tr3am f@sHi0n?

N6un1t g@Y@ n6 Lah@t n6 1b@ p@n6 kulTurA, mAy kbal1ntun@@n s d1wA n6 s@ngkj3j3mUnn. BuHay @ mAkapaN6Yar1hAn p3r0 1n1mB3nt0 ln6 nmn itU n6 t@0 aT p1na6kasUndUan. Mal1kHa1n6 teXt ln6 an6 J3j3n3s3, at daM1t ln6 n kap@ns1n-panS1n an6 s0mbr3r0. H1nd1 ny0 b nppnsn n s inY0n6 pghhsg, nAgs@s@yan6 ln6 ky0 n6 laWaY? An6 m6a kk1b@ng n6 1banG kuLtUr@ nd1 nY0 p1naGttwnn, aNg aLp@b3t0 ng Ts1nO nd1 nY0 k1na11n1saN. Bk1t km1? Bk1t puhruhng kslnn nm1n?

Nd1 km1 nAgpppan1n. Wla km1n6 pAk1alaM s iny0. Kun6 nd1 ky0 nttwa, eD1 maMa m0. An6 h1nan@k1t ln6 nm1n, bk1t b0b0 an6 t1ng1n ny0 s @m1n? Bk1t maL3duKad0? Dh1l b maH1raP ln6 an6 karAm1haN s am1n? Dh1l b mAy bUh@y km1 s labA$ n6 paAr@lAn? S@b1 ngA n1la YOLO, d1buh? Yu Onli Lib Once.

S@ b@w@t F@c3b00k p0sT nA 1s1nUsUlaT ny0 pAra ln6 bAstuS1n aT m@l11t1n kM1, inY0 mUn@ng p@g-1s1p@n, anU bn6 p1nag-ka1bA ny0 s aM1n?

S@ k@b1la n6 laHat, s@ d1naMi ng pAngHuHuzg@ aT pa6muhmuhl11t ny0 s am1n, naGppslmt km1 nAn6 bu0nG pUz0w sA inyoW. BaK1t? Dh1l taNgA km1? H1nde, dh1l taO km1. Ip1n@gp@tUloy ny0 an6 tuL0y-TuLoY nA pgpnsn s k0mUn1dad n6 j3j3m0n nA nkaduL0t n6 pglg0 s@ am1n6 kuLtuR@. Oo, j3j3m0n km1 pEr0 nd1 nm1N nal1l1muTan maGpaKata0. Nde km1 hUm1h1ng1 ng tAwAd s iNy0 dh1l haterz gonna hate, d1buh? KaYa km1, j3j3monz g0nNa j3j3m1zE lunG. Nagjejeje, Jhon Ray Makatulad xD Salin:

Magandang araw po. Ako nga po pala si Jhon Ray Makatulad, ang kinatawan ng sangkajejemunan. Nais kong ipabatid ang isang mensahe tungkol sa mga naririnig naming kuro-kuro mula sa inyo. Nasasaktan kami, hindi lang dahil palagi niyo na lang pinagtatawanan ang aming pananalita, kundi dahil na rin paulit-ulit niyong minamaliit ang aming pamumuhay. Ang masasabi ko lang, huwag niyo kaming husgahan kung hindi niyo alam ang kultura namin. 

Buhay ang kultura ng pamayanang jejemon. Isang sining ang pagsulat sa wikang Jejenese. Nangangailangan ng kahusayan ang pagbibihis-jejemon. Ang mga bagay na ganun na lang kung inyong pagtawanan, mahahalagang sagisag ng aming pagkakakilanlan. Subukan niyo kayang makipag-usap na Jejenese lang ang gamit? Na manamit nang iba naman sa nakakaumay niyong mainstream fashion?

Ngunit gaya ng lahat ng iba pang kultura, may kabalintunaan sa diwa ng sangkajejemunan. Buhay ito at makapangyarihan, pero inimbento lang naman ito ng tao. Pinagkasunduan lang ito ng nakararami. Malikhaing text lang ang Jejenese. Damit lang na kapansin-pansin ang sombrero. Hindi niyo ba napapansin na sa inyong panghuhusga, nagsasayang lang kayo ng laway? Ang mga kakaibang damit ng ibang kultura hindi niyo pinagtatawanan, ang alpabeto ng Tsino hindi niyo kinaiinisan. Bakit kami? Bakit parang kasalanan namin? 

Hindi kami papansin. Wala kaming pakialam sa inyo. Kung hindi kayo natutuwa sa nakikita niyo, edi mama mo. Ang hinanakit lang namin, bakit bobo ang tingin sa aming mga jejemon? Bakit kami maledukado? Dahil ba mahirap lang ang karamihan sa amin? Dahil ba may buhay kami sa labas ng paaralan? Sabi nga nila YOLO, diba? You Onli Lib Once. 

Sa bawat Facebook post na sinusulat niyo para lang bastusin at maliitin ang sangkajejemunan, inyo munang pag-isipan: ano bang pinagkaiba niyo sa amin? Sa kabila ng lahat, kahit sa dinami-daming panghuhusga at pagmamaliit niyo sa amin, nagpapasalamat kami nang buong puso sa inyo, ang haterz namin. Bakit? Dahil tanga kami? Hindi, dahil tao kami. Ipinagpatuloy niyo ang tuloy-tuloy na pagpansin sa komunidad ng Jejemon na nakadulot ng paglago sa aming kultura. Oo, jejemon kami pero hindi namin nalilimutan magpakatao. Hindi kami humihingi ng patawad galing sa inyo dahil haterz gonna hate diba? Kaya kami, jejemons gonna jejemize lang.

Nagjejeje, Jhon Ray Makatulad xD

Sanggunian: https://images.app.goo.gl/snpvsxbZr2y8eVr17 

#panitikan #kulturang popular #patalastas #social media #pagmumuni #reaksyon #submission

[sakaysakasaysayan]

Isang aspiring English major at ang boyfriend niyang jejemon.

Sanggunian:

https://fakehq.com/dashboard/?welcome (paggawa ng fake text)

#kulturang popular #kuwento #social media #submission

[sakaysakasaysayan]

Bitbit ang jacket, dali-dali akong lumabas ng gusali kung saan ako nagtatrabaho. Hanggang ngayon, hindi pa rin ako makapaniwalang pinatawag ako sa paaralan ng pinakamamahal kong anak na si Francis. Nakakapagtaka lang kasi alam kong hindi siya gagawa ng kabalastugan.

  Sa totoo lang, proud na proud ako kay Francis. Maaga siyang natutong gumamit ng gadgets pati na rin ng social media. Pitong taong gulang pa lang siya ngayon pero halos isang taon na noong unang gumamit siya ng Facebook. Ang sa akin lang eh, ano bang masama sa pagsabay sa uso? Dahil dito, nahasa ang anak ko sa pagbabasa, at kung minsan, mas updated pa siya kaysa sa amin. Ayon nga kay Maam Michelle, iyong guro niya sa Ingles, nangunguna si Francis sa klase at kung ihahambing siya sa iba, talagang lamang siya dahil sa lawak ng bokabularyo niya. Bukod pa rito, magalang daw si Francis, at masunurin sa mga nakatatanda. Nako, proud nga din si Maam sa anak ko! Napakabibo nitong anak kong si Francis, unti-unti nga lang nababawasan ngayon. Baka nagbibinata na.

  Sumalubong sa akin si Maam pagkabukas ko pa lang ng pinto ng opisina nila. Nakangiti sa akin, ngunit may pag-aalinlangan.

  "Maam, ano pong problema ni Francis? Sabi niyo ho, maayos naman siya sa klase?", tanong ko sa kanya.

“Ay Madam, 'yung anak niyo ho kasi nung misa..."

  Nakaramdam ako ng mahigpit na yakap sa aking baywang. Si Francis, na nananabik na ibahagi ang karanasan niya kanina sa misa.

  "Mommy, Mommy! Ako po yung nagpray kanina, in English! Ang sabi ko pa nga po:

‘And thank you po for giving us a pedophile, Father Edmundo, to take care of us children!’

Sayang Mommy, they stopped me agad kaya hindi mo na po naabutan”, sabay simangot.

  Teka muna, wait. Huh? Ano? 

Nanatiling nakatitig ang mga mata ko sa walang kamuang-muang na mukha ng bata. Napatameme ako sa sinabi niya.  

"A-anak, saan mo natutunan ang salitang 'yan?", tanong ko sa kanya.

"Sa Facebook po, Mommy! I listed po all of the new words na natutuhan ko since Ma'am Michelle said I have to perform my best, so I used it!", pagmamalaki ni Francis.

  Binaling ko ang titig sa gurong bakas na bakas ang pagkabalisa sa mukha.

  "Sorry po, Madam, nakalimutan kong i-double check yung sasabihin ni Francis sa misa kanina."

Kinuha niya ang kamay ni Francis mula sa aking baywang sabay pisil sa mga ito. Tinitigan niyang maigi ang mukha ng anak ko.

  "Francis, did you know na bad ang meaning ng natutuhan mong word? Ang ibig sabihin ng "pedophile" ay isang taong may intense attraction and desire to touch or to be with kids like you, all the time. Next time, make sure na you use it correctly!", pangaral ng guro.

  “Aha!” biglang hiyaw niya.

“ ‘Maam Michelle keeps playing with me, so she is a pedophile!’, Tama na po ba?”

Sanggunian

> Imahen mula sa facebook.com

#panitikan #kulturang popular #kuwento #social media #submission

[sakaysakasaysayan]

Diary ni Roda, the Conyo Explorer

Dear Diary,

  Hay nalilito na talaga ako sa mga meaning ng mga salita dito sa Philippines. Kada lugar na lang pupuntahan ko, nag-iiba bigla ang ibig sabihin ng mga salitang alam ko. Like noong nagpunta kami sa Bicol at nag-iinuman ang mga uncle ko, sinigawan ba naman sila ng isang local doon, “Naku mga burat na ho kayo!” Like, hello? Nagulat ako kasi,, ambastos mo naman, sizz! Aawayin ko na sana eh, but sabi nila, it means “lasing.” Hayy so weird. Eh sa Manila, it means 'yung male genitalia. Also, my Lola there said na malibog na ang eyes niya. I was like, LOLA HINAY!! Tapos sabi niya sa akin bigla, "Ikaw, Dora, ingatan mo ang mga mata para hindi lumabo tulad nitong sa akin." And iyon, malibog is malabo pala. Nakakaloka. And during lunch, they said ang ulam namin is sira. I thought it’s panis na but it means “isda” pala!! Hindi pa tuloy ako kumain. I was so hungry pa naman.

Tapos nung nagpunta naman kami sa Cebu, sabi bigla nung katabi namin sa park, “Wow! Mga langgam!” tapos nakatingin sila sa sky. I was like, ha???? And they said it means “bird” pala! Whuut?! Then nung morning naman, nag-jogging kami nung Cebuano cousin ko. He said mag-race kami. Tapos habang tumatakbo and nauuna ako, sabi niya sa’kin, “Dora! Kadyot lang!” Napatigil ako with a weird look talaga, tapos na-realize niyang kailangan niya mag-explain kasi hindi ko naintindihan, and and meaning na alam ko is different. So sabi niya, “Ay! I mean, wait lang!” Tapos his mom, my tita, sabi niya sa akin, “Ay napaka-sexy ng paa ni Roda!” Puwede pala maging sexy ang paa?! Tapos she meant hita pala. Ugh. So confusing.

Noong nasa Ilocos naman kami, my mom said bigla “Ang lunch natin ay Adobong Utong!” Nagulat talaga kasi ew!! Why would I eat Adobong nipples?! Turned out it’s just Adobong Sitaw. Hayy. Nakakagulat talaga. And when we had to uwi na, pumunta si Tito sa room ko and said, “Roda, ang bayag mo naman mag-ayos!” Gurl napatigil ako sa pag-aayos and I checked kung I look like balls. Sabi niya bigla, “Ibig kong sabihin, mabagal,” then umalis siya. Also, I once dated a guy from there kasi we stayed there for 3 months din. Tapos we were cuddling and he said “Babe, ‘wag. May kiki ako diyan hihi.” I was so shocked iniisip ko kung I missed some clues in the past weeks na nagdate kami. Tapos bigla siyang nag-explain, “I mean, kiliti! Kiliti ‘yon!” Sizz!! Muntik ako mawalan ng kalandian!!

Sa super daming languages ng Philippines tapos may parehong words pa, super nakakalito talaga! Buti pa sa school, we only use Filipino, English, and my favorite, Taglish! Next month, sa Pampanga naman kami pupunta. I probably should make research na!

  Love,

Roda <3

#panitikan #pagmumuni #submission

[sakaysakasaysayan]

Wikang Bekimon

Bubukash and floweret - Bubuka ang bulaklak

Jojosok ang reynabelz - Papasok ang reyna

Shochurva ang chacha - Sasayaw ng chacha

Pa jempot jempot fah - Pa kembot kembot pa

Boom tiyayavush chenes - Boom ti yah yah

Noong tayelz ay jutay, nyigurado akesh na naglaro kayesh niyan. Todo giblabang pa nga dahil nyempre, sino ang wizel bet maging reyna diba? Nyunit kung japapansin, ang nasa ngaliwang bahageshi bangladesh ay nyiba sa shogal na nating kinakantashi. 

Wika ng Bekimon. Anitch itech?

Kahit nyunang jinawag na "swardspeak" noong 1970, nyisang "coded lexicon" na karaniwang jinajamit ng mga Pilipinong nabibilang sa LGBTQIA+ jomunidad ang wikang bekimon. Masasabi na itech ay parang ulamesh na masarapakels dahil Nina Ricci itech sa sangkap. Pinagsama nitembang ang sangkatutus na wika - Tagalog, Bisaya, Ingles, Kastila, Hapon, at pati na rin namshung ng mga artista at politiko.

Sa totoo lang, Nina Ricci, mahalageshi, at makapangyarihanesh ang wikang itech. 

Lalo na sa jopinyon ng sangkatuts na Pilipino ukol sa atashi at sa katayuaneshaloo nila sa lipunanesh, layunin ng mga bakla na makagawesh ng nyisang sikretong wika. Wizel lang itech naging paraanelya ng pagkatawanan ng mga beklaloo o upang madaling kilalaninesh kung sino ang bakla o wizel. Ginamit itech bilang pambuklod ng kanilang sariloo upang majiwasan ang diskriminasyon at insulteshaloo mula sa kapwalung Pilipino. Nakalulungkoteshi man na ganito ang atashi realidad, naging daan naman itech upang maipahayag ang kanilang sariloo sa nyisang paraanelya noong una, sila-sila lang ang nagkakaintindihan. Kahit hindi katuladeshawuwu ng pormal na wika, may kasunduan pa rin ang mga manggagamit nitembang, kaya itech nalikhachichi.

Sa paglipashi ng panahon, naging mas mayamanetch pa ang wika ng mga bekimon. Lumaganap itech at mas dumamish ang mga gumagamit, maging ang mga wizel beklaloo. Sa halip, naging paraanelya itech upang maging mas janggap ang mga dingalou sa lipunanesh. 

Kung noon, nyaituturing "anti-language" ang swardspeak, ngayonchi naging bahageshi bangladesh na itech sa wikang pang araw-araw. Kung noon, ang mga beklaloo lamangeshi ang gumagamit nitembang, ngayonchi wizel na. Ang kaibahan lamangeshi, wizel na "pure gaylingo" ang mga jangungusap nyunit kakaunting shulak na lamangeshi tulad ng char, jowa, at bongga at sinisingit sa jangungusap na nasa wikang Taglish. 

Sangkatutus na rin ang mga imbentong shulak at ngayonchi, sangkatutus ang pagkakaiba-iba ng nyisang shulak. Nyisang halimbawa nitembang ang shulak  na pera -  adez, andabelz, adesa, anda, ka-andahan, andalucia, sa wikang bekimon. Sangkatutus na pagkaka-iba nyunit iisang kahulugan sa Filipino.

Bonggakea na, Lupita Kashiwahara pa! Nakakalurkey!

Salin ng mga salitang ginamit: 

https://drive.google.com/open?id=16CMACoBTQmfRK5Kh4IdoH7XJ_XxP2t-a

Sanggunian:

https://www.academia.edu/18018380/The_Impact_of_Swardspeak_Language_to_Filipino_Sociolinguistic

https://www.daytranslations.com/blog/filipino-gay-community/

http://www.ethnicgroupsphilippines.com/2018/08/06/beki-lingo-anitch-itich/

https://www.slideshare.net/mikeelico/understanding-filipino-gay-lingo

#social media #pagmumuni #reaksyon #submission

[sakaysakasaysayan]

W1k4z k0 4yhz j3j3m0n

M94 k4b4b4y4ñ k0hz 6u$to K0n6 m4hł4M4ñ  ñ1yohw, k4m1 4n9 m64 j3j3mon

m4h1rh4P m4hnn 1nt1nd1HhIn, m46ühLówW mH4nZ 4n9zz $P3łLîN6

$@n4 B4zh4H1ń p4riNzz 4n6 ń415 N2hM1n 1p4rhAhT1N6z

M4kul4y 4N9 aM1n9z m64 $@l1t4, H1nd1 tul4d n6 ib4

m4l1kh41n 4n6 4m1n9 uri

p4tul0y n4 Gum4g4w4 n9 p4gb4b4g0 $@ 4t1ngZ B4nS@

4n9 w1k4 k0 4y hnd1 ln6 p4p4nS1n

m4r4m1 1t0n6 n41z 1p4r4t1ng

H1nd1 it0h t4h1m1k

M4ram1 1t0ng n41z Z@b1h1n k4y4 w46 m4tak0t 4t bukz4n 4n6 1nyoUn6z mg4 bh1bhi6

w46  m4tak0t 1p4r4t1ngz Z@ 1b4 4n6 4t1n9 p4n4n4l1t4 

dHL 1t0 4n6 t0t00n6 t@y0

hnd1 n@t!N k41L4n94N ik4h1y4

b4k1t k41l4n64n it4g0 4n6 64nd@Z n9 Ur1 k0

M@l4W4k 4n9 w1k4 ko

H1nd1 ln6 1t0 p4n6ul0

1b4 l4m4n9 4n6 4m1n9 ezT1l0

P3r0 11s@ p4rIn @n9 N41z nT1n Ip4r4t1n6

m4l4y@ @n6 w1k@ k0

hnd1 t@k0T n4 m4ba00N S@ ŁiM07

h4nd@ !t0n9 tUm@y0w p4R@ z@  m64 P1L1p1N0

bŪkz4n 4n9 inYoun6 m64 M474, 

dūhHiŁL hnD1 Ln6 1t0 $1mPl3n6 m6@ S@lït4

bUh4y 1t0 @t p4tul0y n4  lum1l1kh4 n9 p4Gb@b4g0

km1 @N9 ppHUgb4b4goW n4 dpAt h4n64aÑ nY00w

dh1L p4tul0y par1n k4m1n9 lum4l4b@n

P@r4h Z@ k4r4p@t@N n9 mg4 P1L1p1N0

hnd1 ny0 B4 n4p@p@nZ1n @n9 S@y4 n4 d4l4 N4m1n

lum4w4k 4n9 w1k4 DhL $@ p4gb4b4g0n6 d@l@ n@m1N

m@r4m1 n4 t@y0n6 m64 $@l1t@

m@r4m1 n4 t@y0n6 n4p4p4h4y4g

m@r4m1 n4 4n6 zum454y@ dHL $@ w1k4 n@ @m1n9 1p1n@k1L@L4

P46b4b490 4n6 am1ng h1l!n6 

M4but1 1t0 p4ra z4 inY0w @t p@R4 Z@ 4m!n

Y@k4p1n N6 Bu0 @n6 W1k4 N6 M94 J3j3M0n

#tula #submission

[sakaysakasaysayan]

Conyo Test

Panuto: Piliin ang salitang naaangkop sa teksto.

Conyo Test: Mga Bahagi ng Buhay Ko

They told me I’d be like so conyo if (doon, roon) ako (mag-aral, magaral) sa Ateneo,

Sabi pa nga (nang, ng) iba, I was already conyo to begin with pero wala lang na accent,

Even before like when jejemon was still so uso,

I tried (din, rin) naman ah (para, upang) magfit naman ako,

Sabi pa nila, masyado (daw, raw) akong “hIgH cLaSs” (para, upang) maging jeje.

  Now that I’m here, parang no naman at nalaman ko na mas jejemon pa ako (kesa, kaysa) conyo!

Yes, dudeparebrochong. (Dito, rito) na me sa AreneyowWw.

Pero (halo-halo, haluhalo) nmn kmi here, ayhan,

At (iba’t-ibang, iba’t ibang) (nibel, libel) kami (ng, nang) (kaconyohan, ka-conyohan) at (ka-jejehan, kajejehan).

  Tapos gooorl, I have (kwento, kuwento)? (Nagselfdiagnosis, nag-self-diagnosis) ako bhe,

(Kasi, kaya) they made us read abt people who are like~ ano,,, jeje,

I am now diagnosed with mild jejemon!!!!1!

Cystmars, (ano, alin) ang gagawin ko? Ahuhuhu this is such a hamon )):

Ayaw (kong, ko na) maging jeje AND conyo :-((

  Okay so, (alas siete y media, alas-siete y media) na,

(Kakatapos, katatapos) lang (namin na, naming) (magbidyukol, mag-video call) (nang, ng) aking pamilya,

At sabi (nila, nina) Mama at (Papang, Papa na) hindi naman ako conyo,

Pero hindi (din, rin) (daw, raw) ako jeje,

Sabi (nila, nina) (ay, [kuwit]) isa (daw, raw) akong CERTIFIED NA BISALOG (Bisaya na Tagalog, Bisayang Tagalog) and honestly, I don't know wc is worse.

Mga Kasagutan

They told me I’d be like so conyo if (doon, roon) ako (mag-aral, magaral) sa Ateneo,

Sabi pa nga (nang, ng) iba, I was already conyo to begin with pero wala lang na accent,

Even before like when jejemon was still so uso,

I tried (din, rin) naman ah (para, upang) magfit naman ako,

Sabi pa nila, masyado (daw, raw) akong “hIgH cLaSs” (para, upang) maging jeje.

  Now that I’m here, parang no naman at nalaman ko na mas jejemon pa ako (kesa, kaysa) conyo!

Yes, dudeparebrochong. (Dito, rito) na me sa AreneyowWw.

Pero (halo-halo, haluhalo) nmn kmi here, ayhan,

At (iba’t-ibang, iba’t ibang) (nibel, libel) kami (ng, nang) (kaconyohan, ka-conyohan) at (ka-jejehan, kajejehan).

  Tapos gooorl, I have (kwento, kuwento)? (Nagselfdiagnosis, nag-self-diagnosis) ako bhe,

(Kasi, kaya) they made us read abt ppl who are like~ ano,,, jeje,

I am now diagnosed with mild jejemon!!!!1!

Cystmars, (ano, alin) ang gagawin ko? Ahuhuhu this is such a hamon )):

Ayaw (kong, ko na) maging jeje AND conyo :-((

  Okay so, (alas siete y media, alas-siete y media) na,

(Kakatapos, katatapos) lang (namin na, naming) (magbidyukol, mag-video call) (nang, ng) aking pamilya,

At sabi (nila, nina) Mama at (Papang, Papa na) hindi naman ako conyo,

Pero hindi (din, rin) (daw, raw) ako jeje,

Sabi (nila, nina) (ay, [kuwit]) isa (daw, raw) akong CERTIFIED NA BISALOG (Bisaya na Tagalog, Bisayang Tagalog) and honestly, I don't know wc is worse.

P.S. Para sa mga severe jejemon diyan, help this jejemon out naman oh. Sino (daw, raw) ang (kalongdistancerelationship, ka-long-distance relationship)? Kayo nalang (daw, raw) kasi ang nagkakaintidihan eh.

#panitikan #tula #kuwento #pagmumuni #reaksyon #submission

[sakaysakasaysayan]

Sa Tapat ng BIR

Tingin sa kaliwa. Lingon sa kanan. Walang tao, kaya diretso si Aljon sa pader. Sinigurong nakasuot ang maskara, at kinuha ang spray paint mula sa bulsa. Inalog ito. Pulang pintura sa pader ng bakal at semento. Tuloy ang pagsulat. Ang pagbuhos ng damdamin. Lahat ng galit sa lipunan, ipininta sa ipinagbabawal na kuwadro. Putang-ina ng mga pulis. Putang-ina ng mga Ayala. Putang-ina ng mga enforcer na piniga na ang lahat ng kita ng kanyang ama. Nang matapos ang obra maestra, wala nang nagawa kundi pagmasdan. Hangaan. Hanggang sa may sumita. "Hoy!" Kumaripas ng takbo si Aljon. Kung saan-saang butas lumusot. Kung saan-saang bakod tumalon. Kung saan-saang lagusan lumiko. Kaso, tumambad ang isang pader. Naabutan ng pulis. Patay na. Paunti-unting lumapit ang mama. Paunti-unting umatras ang bata. Nagkalat ang basura, kaya't nadapa. Wala nang nagawa kundi tumingala; baka ito na ang huli niyang makikita. Natawa ang mamang pulis. "Hindi kita huhulihin," ang bulong niya. "Sa isang kondisyon." Napapikit na lang ang bata. Tanggap na niya ang kanyang kapalaran. "Hanapin mo lahat ng maling balarila sa pininta mong graffiti." Ngumisi ang mama. "...A-ano ho ang balarila?" Paiyak na si Aljon. "Maglalabas ka na nga lang ng hinaing mo, hindi mo pa ayusin ang pagkakasulat." Napailing ang mama. "Dalian mo... Kapag naiwasto mo na lahat, palalayain kita." Sana pala, imahen na lang ang pininta niya.

#panitikan #kulturang popular #tula #kuwento #pagmumuni #reaksyon #submission

[sakaysakasaysayan]

May Amerikanong dumating Habang kami’y kumakain Kaya niyaya ko siya Na kumain tayo nang magkasama

Nilabas ko ang sisig, adobo, tinola, Inasal, palabok, crispy pata Ang pinakamasarap lamang ang ihahain Para sa aking Dayuhang panauhin

Syempre, naghandog din ako ng lechon Ano nga ba ang Ingles ng lechon? This is piggery! sinubukan ko Ay, pig pala. Joke lang! Baboy? tanong ni Kuya Wil Oo, baboy pala

Sabay ng paglabas ng pagkain na ito, Tinatabi ko na ang wikang Filipino Upang ‘di na kailangang magtrabaho Ang panauhin kong Amerikano Tinuro kasi ng magulang ko, Magiliw sa panauhin ang mga Pilipino Kailangang sumikap maging maginhawa Sino man ang ating bisita

Kahit na wala nang matira sa akin, Sige lang, basta may maihahain Lahat ay isasakripisyo Para sa panauhin (amo?) ko (Minsan nararamdaman ko, Parang ako’y isang alipin? Minsan napapaisip ako, Pagiging maaalahanin lang ba talaga ito?

Bakit ako ang gagamit ng wika nila Kahit siya ang bisita sa aking bansa?

Baka ayoko ring mapahiya Kung sakali isipin niya ako’y mas mababa)

Sangginian: https://www.youtube.com/watch?v=t3mNwcwo2mk

#tula #pagmumuni #reaksyon #submission