انا من فترة حرفياً كُنت فَقّده شَغف الدُنيا كله و كان عندي أكتئاب مش طبيعي و ماليش نفس ل اي حاجه وحزن كان مسيطر عليا بشكل بشع . جيت صليت في يوم وقاعدت اعيط و اشتكي ل ربنا على كل حاجه وقولت سلمت آمري ليك يا ربي و توكلت عليك صحيت من النوم شخص تاني مُتفائل و حابب الحياة كُل حاجه كانت تعباني مش فكراها تقريبا. او بقيت اشوف الأمور بشكل تاني الحمدلله طبعاً .
أحب اقول ان ممكن سبب وجعك او تعبك عدم تفكيرك الصح حاول تغير وجهة نظرك حاول تعرف قيمة نفسك حب نفسك اعرف ايه اللي بيتعبك و ابعد عنه الدنيا مش مستهله انك تكون حزين و مُجهد نفسياً . و ان كان فيكم احد في كرب ربنا يفك كربه و يفرح قلبه ❤️
في بعض الأحيان لما بنطلع من علاقة مجروحين ب نتَجه للانتقام بس مش من الطرف اللي وجعنا أحنا بننتقم من نفسنا ممكن ندخل في علاقة تانيه بهدف الانتقام منه انا هوجع الشخص ده بس للآسف احنا بنوجع نفسنا قبل ما بنوجع الطرف التالت وبتتأذى روحنا و بنضيع و بتقف فجأة و بنحس آننا تايهين مش عارفين احنا فين ولا بنعمل ايه ف بنكمل و احنا مجبورين خوفًا من الكسره و الضعف قدامهم و هكذا … مع ان كان ممكن الموضوع يخلص في عتاب و كل طرف يرتاح و يطلع اللي جواه الشخص ده بس الكبرياء يا سادة ملعون .