haditareq

[haditareq]

كل شيء بميعاد

الدكتور مصطفى، محمود في حوار تلفزيوني قبل كدا المذيع بيقوله ايه السر في نجاح دكتور مصطفى اللي يقدر ينقله للشباب عشان يقدروا يحققوا أهدافهم .. رد دكتور مصطفى عليه كان : السر هو الفشل

لما المذيع بص له باستغراب اللي هو ايه اللي انت بتقوله دا ازاي يعني .. دكتور مصطفى بيقول : أنا كنت في سنه تالته كلية طب .. ولظروف صحيه واسريه فضلت قاعد مبلط في تالته 3 سنين .. لحد مادفعتي كانت يعتبر اتخرجت وانا اللي اتعطلت عنهم .. في التلت سنين دول شخصيتي اتكونت .. عقليتي ، انكساري ، تفكيري .. وطموحي اختلف .. لما رجعت للجامعه بعد تلت سنين رجعت انسان تاني خالص .. لحد مابقيت قدامك دلوقتي مصطفى محمود .. ربنا كان له الحكمه في اني اتعطل عشان يمكن لو كنت وصلت في ميعاد وصول الباقيين ماكنتش بقيت الشخص اللي انا عليه قدامك دلوقتي

"اوعى تبص لغيرك وتقول دا سبقني بخطوات ، دا اتجوز وانا لسا ، دا قدر يجيب عربيه وانا لسا ، دا حقق هدفه وانا لسا ، غيرك له ظروفه وانت ليك ظروفك ، النبله عشان تحدف طوبتك أبعد مكان بتضطر ترجع بيها شويه لورا الأول .. انت ماتعطلتش .. انت بتسعى وهتوصل ، الشئ الوحيد اللي تلوم نفسك عليه هو الكسل مش توقيت الوصول .. طالما بتسعى وبتعافر اطمن .. هتوصل فميعادك اللي ربنا سبحانه وتعالي كاتبهولك.

منقول

[haditareq]

[haditareq]

John Baldessari - The Difference Between Fête and Fate, 1987.