coolbearhoagiestudent

[coolbearhoagiestudent]

مابقيتش أدوس فرامل إلا في مطبات ونقر كده. -مابقيتش أزمر نهائي لدرجة بنسى ان معايا واحدة إلا لو حد أتغابى أو فيه زحمة وبنبة المجانينو ميكسروش فجأة على الرصيف فيه كتكوت معدي. -بقيت أسيب أيدي الأتنين😊، لسه مابعرفش أستخدمهم بس بأيدي واحدة يمين أو شمال أقدر أشرب وأصور وأعدل شعري.

[coolbearhoagiestudent]

انت متخيل أن عضلة القلب دي شغالة مضخة كدة لوحدها!! ولا موج البحر والشهيق الأعظم مرتبط بفسفوس بعيد هناك بره الكوكب دائرة ثلاثية الأبعاد ورغم مش من ذاتها لكنها بتنور نور خلاب قمر.

تتخيل حجم 'عاملة مش واخدة بالي' عشان أحتمل ال🤯🤯🤯

قانون الضغط p=F/A العكسي مع الA ده جنون وإبداع إزاي أنا النونو الصغننة ده بجد أتهدى إنه يوعى ويدركه! ثانية🤯💥

[coolbearhoagiestudent]

ليه البواقي قلة قيمة بس يا كتكوت! ده مفيش أحلى من القضمة اللي بعد أختي الصغننة وأتلكك أوقات عشان أكل وراها . وكمان أدخل ورا أمي الحمام وأستنى وأطلب، مشهورة بده في البيت وماما من نفسها بتدخل قبلي علشان بأتطمن وبستنضف الحمام وراها.

[coolbearhoagiestudent]

بجد أنا كنت هتجنن وأتمرن وأفطر على البحر، وعربية بابا عطلت هو بصلي بصة قطط ف أنا قدمت له عجلتي وسرعاتها ومفاتيحها هيلا بيلا متغلاش عليك وطلعت أنا البيت

١-تكملة مذاكرة

٢-أتجننت

[coolbearhoagiestudent]

ببتدئ اصور الحاجات اللي عملتها زمان وركنتها وعندي بال أعمل تاني عشان هم حلوين اوي وابيعهم. بس مش مهتمة أوي أبيع عايزة أجرب بس.

[coolbearhoagiestudent]

معايا سكتش نازلة طالعة بيه وحالا لسة راسمة ، وقلبت شوية ورا، والسكتش دي من تقريبا ٢٠١٦.

١.معنديش أي تقدير لحاجة باعملها ولا شاطرة فيها، يعني تقديري كده شايفة أنه كويس بس أنا مش شايفة حاجة تخليني أقولك بص كده عملت ايه.

٢.شعوري بالزمن والاحداث مش فارق من اول صفحة للصفحة الحالية.

[coolbearhoagiestudent]

فيه تعوير في ركبتي بحبها حب عجيب، لأنها كانت حادثة كوول فشخ.

طرت بأرتفاع عالي جدا من خبطة العجلة بسرعة عالية في بروز في الأرض، وأتحدفت وحطيت زي هبوط الطائرة ومسحت الأرض بركبتي والتعويرة كانت عظيمة ودم سايح وناس بتجري بمياة.

واللحم كان باظظ بشكل وردة. بجد كل حاجة في الحادث ده بهرتني

دي اول مرة أطير واول مرة اشوف لحم الإنسان

[coolbearhoagiestudent]

كتر يارب في أعيادنا راجل جامد دلوعة شخصية يهز ويوز

[coolbearhoagiestudent]

ماما بقت خلاص ممكن تبقا ماشية جنبي تلاقيني اتسلطت من محيط رؤيتها عند كلب بوست رأسه وطبطبت عليه

لا بقت تقولي يع ماتبوسنيش ولا كورونا وهتعيي. حسيتها استسلمت وسلمت أمرها لربنا وتغاضت عشان تعرف تتقبلني في حياتها

[coolbearhoagiestudent]

بوسة مُشتعلة مُشهية تأثيرها حل ثغرة زمانية مكانية، ويفضل أثرها وطعمها الطعم يطاردك في منتصف نهار صيفي بشهر يوليو وانت بتكتب كود وبترش كحول✨

معنديش أي مشكلة الحياة تدوقني طعامة وتخليها تڤانيش زي الرملة في نفخة هوا.

بنبسط بقدر بسيط من العالم. شكرا للعالم اني دوقت حلاوة من حلاواته المغرية المشهية-كذب مؤكد بس خلينا في الليميت ورانا شغل-

7.jul.2021

[coolbearhoagiestudent]

العالم النهاردة سخيف، هاروح استخبى في الكتاب.

أوعى تفكر دي مواجهتي للعالم، أنا أختي عقلها الباطن صورني لها في الحلم لاوية نمرين تحت حجري وقاعدة رايقة أكن تحت رجلي قطة.

ألوي العالم وأنتقل للعوالم

بمناسبة النمر كان فيه-في العالم الحقيقي- نسناس في حجري وبجد الله وحده يعلم جه عندي إزاي، على البحر

اسمه أفيون

فضل يفرك ويعض أيدي خفيف واطبطب عليه عشان يهدأ وأبطبط في كفه الصغنتوتي الرقيق. يقوم يخطف عنبة وحتة كفتة ويرجع يتزئر مجنونو خالص.

ثم صاحبه خده ومشي وخد قلبي معاه

بعدها حد من اللي قاعدين قال "أنا هاجي أخد كورس قلب جامد عندك يابت يا" "دي من صغرها كده..أبوها....(وبلا بلا بلا بقا)

أنا متعصبة ومردتش وتجنبت المحادثة وقتها، بس عايزة أقول إن البيت ده مش لوحدي اتربيت فيه

والقلب الجامد مش مسمى صح، ده قلب عاشق حبيب الرق يرن قلبه يلين ويحن

نفس الموقف مر على كل الأشخاص لو بيتكلموا على التر-هههه-بية.

روحي محدش عملها وشكلها يعني.

30 jun 2021

[coolbearhoagiestudent]

مرة في امتحان فين��ل كان فيه كتاب هاوسني+مكنتش عايزة امتحن أصلاً

حاولت بعد ما ضجرت لدرجةحليت بسرعة فشخ في نص الوقت أسلّم واستأذن أجيب الكتاب، ثم جادلت بالخيال ومن دماغي لدماغك كإنسان..still NO

عشان قبلها خمنت حدوث حاجة زي كده وهيبقا أسهل لي أطلع الموبايل»حملته pdf.

والموبايل كنت مخبياه جوه البنطلون-معظم القوانين مابتقنعنيش ومابتثقش في ضميري!-

هل أقبل الأجبار الغير مقنع بعد صياغتي المبهرة لأحقية طلبي للكتاب مع تقديم سلامة النية بتسليم الورق؟

#هل_يمكنك_حل_تكملة_اللغز

[coolbearhoagiestudent]

الصبح كنت ٪ ٪ بالرايد

وكان غذائي بعد التمرين بطيخ وآيس كريم.

ذاكرت ولعبت

ونزلت اتعشيت أكل جميل على البحر

القمر جنبنا بالظبط وعملنا قهوة بدون لمحة سكر

كيف أشكر العالم؟

يب، رقصت على أجدد المهرجانات في الشارع وموتهم ضحك. أكلت چيلاتي تاني وتفننت في حمد جمال طعامة أختراعات ربنا.

25.jun.2021

[coolbearhoagiestudent]

'مبقاش فيا ومش فاضل

الروح مش قادرة تعيش

معروض كوابيس في شريطي

والموت كائن تهدي!'

!!

وعند نهاية الجملة دي اتقلبت العربية

الله يرحمهم

[coolbearhoagiestudent]

29.Apr.2021

البارح أتسحرنا أطعم أم علي بالقشطة والمكسرات سخنة مولوعة على البحر وضحكنا وغنينا في الآخر آه يا واد يا إسكندراني رماني الشوق يا وااد ولعلعنا الشارع الفاضي واكتشفنا أن فيه واحد شايفنا وده سخسخنا زيادة لدرجة الضحك لورد كان شايف شغله بعنف

[coolbearhoagiestudent]

روچينا في بنت السلطان في أول رمضان شوفت لها مشهد سايقة سكوتر في إسكندرية وبتغني مهرجانات وبتترقص. وده كان صورة تبك الأصل مما يحدث بالفعل +ترقيص الع��لة +++ووسط العربيات على البحر. شبحنة😎

[coolbearhoagiestudent]

عندي مسلسل محدش يعرف طريقه ولا عنه حاجة، بيوّجد شمس دافية جوه بطني وبتدفي حتى جفوني وطراطيف شعري وصوابعي