apsymj-blog

[apsymj-blog]

by  Natan Vance

[apsymj-blog]

[apsymj-blog]

‏أعدك بأن أتوقف عن اظهار حبي لك و كأنه انتهى حتى و ان لم يكن. ‏i promise i’ll stop showing you my love like it has vanished, even if it hasn’t

(via your-queen-biatchh)

[apsymj-blog]

( الحرية ، الشغل ، الجواز ، السفر ) في مصر..

عن الجيل الكامل اللي اتحرم واتظلم واتسجن لمجرد انه بيدافع عن أبسط حق ليه وهو الحرية ، الحرية ف انه يقول رأيه في ميدان، شارع، بيته أو حتي من ورا شاشة تلفونه ، جيل مرهق نفسيا و جسديا و عقليا ، سواء من أهله أصحابه أو أغلب الناس حواليه شغل مفيش ، تعليم فاشل من ابتدائي لجامعة ، الجواز والسفر بالنسباله دي معجزة بتتحقق للي معاه فلوس وليه ضهر بس ، جيل اتولد لقي نفسه وسط مجتمع مريض محدود التفكير وساعة ما حب يخرج بره دايرة الظلم والتفكير والقهر ، لقي نفسه بين أربع حيطان ومعاه دوسيه في ١٠٠ قضيه مستني الحكم فيهم ، جيل كل طموحه انه يشتغل شغلانه بشهاده في بلد ابن الوزير بيشتغل مع أبوه، وابن الميكانيكي بيشتغل أقل من أبوه ، شاب حلمه يتجوز ويقعد ف شقة بسيطه ف بلد الأهل بمنتهي السذاجة عندهم استعداد يجوزو بنتهم لشخص غني ومع الوقت وبعد الجواز يبقي يحبها ، المهم يأكلها ويشربها ، ولا انه يدهالك انت عشان مستواك المادى ضعيف ويكسروها وهي مش عايزه من الدنيا غير الفقير دا اللي شايفه فيه الحياة ، بنحلم لو حبينا نسافر نلاقي فرصة سفر لأي مكان ف العالم ، يتوفر لينا حقوق نمارس حياتنا تحت قانونها برا ، ولو حصلنا حاجة حقنا يوصلنا ، بس احنا ف دولة اللي جواها بيموت وبيتحلل ومحدش أخِد باله ، ما بالك باللي بيتأذي براها ، جيل الإكتئاب بِنهش في جسمه وبيخلص في عمره ، هو احنا هنفضل نتنازل عن حقوقنا لامتى ؟ لما نبطل نحلم ؟! ولا لما نوصل اننا مش لازم نحلم عشان نعيش.. ( سجن ، قهر ، جرح ، وجع )..

[apsymj-blog]

هو أنا مش بحبها هي.. أنا بحب كل تفاصيلها ، روحها وهي بتخطف روحي لمكان كله سعادة ، ملامحها وهي مبسوطة وهي زعلانة ، ضحكتها دموعها صوتها وتنهيدتها ، بحب شخصيتها إهتماماتها أهلها أصحابها وناسها ، بعشق لمسة ايديها علي وشي ، الدفئ اللي بحسه في حضنها ، نور الشمس علي وشها بعشق شعرها وهي سايباه للهوا ، بحب طيبتها بحب شرها وقت ما أنكشها ، بعشق لمعة عيونها أول ما بشوفها ، بحب مميزاتها المختلفة عن اي بنت ، هو اها أنا مش شايفها إنسانه طبيعية ، بس حسسها من نسل مخلوق ليا أنا..

[apsymj-blog]

فجاة هتلاقي زحمة جواك وكُل شخص داخل مش خارج غير وهو سايب جواك علامة ، إنت محتاج ل شوية هدوء تقدر تكمل بيهم عَفن الدنيا وتخفف كل تأثير بقي طافح عليك من .. “ العصبية والنرفزه من أقل كلمة ، إدمان التفكير ، البُعد وخسارة الصحاب و أقرب الناس ليك وبدون أي سبب ، الصداع الدائم ، مفيش قدرة ع الكلام حتي مع أقرب ناس كنت عاشق للفضفضه معاهم ، إدمان الوحدة و العزلة + مكتفي ب النوم مع كام أغنية بتسمعها ، شَغف العلاقات العاطفيه إنتهي + شروخ في الروح، قلب مُهلك، كسر في كيانك من جوة، أسباب الضحك موجودة بس مش بتبتسم و وقت ما تظهر ضحكتك تفتكر إن وراها ألف آآآه فترجع تحضن نفسك ثاني و تِحرن ..

إنت محتاج لهدوء بجد من جوة قبل برا ، محتاج تقعد وتقيم كل علاقاتك تقيمها بالمواقف مش بالكلام أبو عيون ملونه، متستنزفش طاقتك و كل مشاعرك في شوية علاقات عايمة مخدوع بيها ، متصنفش قوة العلاقة في إظهار الطرف الثاني كلمتين حلوين علي شوية لطافه بأنها قوية ، لو الإيدين فضلوا متكلبشين بعد ما تدخلوا في الغويط من ” مشاكل زعل زعيق و غيره “ وقتها تقدر تطمن، متْفضَلش إنك راضي/ه ومبسوط بالكام يوم الحلوين اللي إنت عايشهم ودايما خايف تتكلم في الجد ل طرف الثاني يقفش ويمشي دايما خايف تعاتب ل يقفش ويمشي ف ترضي تعيش كدة متعلق ف تفضل تحب من قلبك أوي وإنت مش عامل حساب لقطمة الضهر والكسرة اللي هتحصلك لما الطرف دا برده يقرر يسيبك ويمشي ..

خُد وقتك براحتك غيب شوية واجه كل مشاكلك ” الدواليب المليانة ورق كثير دي صَنفها وكل ورقة طابقة علي صدرك مش مريحاك حاسس بقيد في حريتك منها قطعها وخرجها من جواك بكل برود قبل متلمسك وتتمكن مِن�� أكتر و متقدرش تحركها من مكانها ، إغسل جسمك من زحمة الناس و إختار الناس اللي وقت التوها تايهين معاك متمسكين بيك مش سايبينك غرقان لواحدك .. أُخرج للدنيا نَور روحك بضحكتك خَلق كثير شاطرين في وقت الشدة يخَرجوا عن نفسهم بيقاوموا وميستسلموش ولا يقولوا نهاية العالم خليك واحد منهم وإقوي،إبعد عن أي حوار ممكن يعصبك خليك دايما هادي في حل أي مشكلة، متشتكيش للناس مش هتلاقي حلول ولا حتي هيريحوك ، إنت لسه بتتنفس وقادر تقف علي رجلك وقادر تفكر وتاخد قرارات إنت اللي بتِتِوجع وإنت اللي بتشتكي ومحدش هيحس ، كل حاجة بتتغير صُحاب عِشرة سنين هتعرف غيرهم كثير وبرده هيتغيروا مسرحية هما شخصياتها وإنت بطلها ، فبطل سذاجة و فووق ..

قَوي علاقتك بربنا صلي وإدعي كثير صَلاتك هي الوصال بينك وبين ربنا هي “ النور الأمل التفائل السعادة الفرحة والجمال ” هي راحه مُفتاح بابها الخشوع لله والايمان بنوره داخل صدرك، نابع من أقصي تعبك و خارج ب كُل “ كَرب خنقه ضيق تعب وإرهاق ” من جسدك .. ربنا يحبك ..

[apsymj-blog]

متستعجلش بحُكمك علي شخص حَكم عليه الغياب فجأة .. احترموا ماضيهم معاكم ومتظلموش حد، راعوا ظروفهم النفسيه اللي إتغيرت في حياتهم فجأه من كثر الصدمات اللي بتحصل من دُنيا لا هي طيبة ولا عادلة، الشخصيات اللي بتقولوا عليها أنانيه وبارده ومش بتحب حد ومش بتهتم وبعيده كل البعد عننا ، لاء دي ناس بتغلي من جواها.. يمكن إهتمامهم مش ظاهر قدامكم بس قلوبهم بتترعش من القلق لو بعدتوا عن عيونهم دقيقة، يمكن مش بتشوفوا انكم أهم حد في حياتهم مع إن فِكرهم مش مشغُول بحد غيركم، يمكن عاجزين عن انهم يقولوا كلام حلو أو يبينوا مدي حبهم ليكم لكن كُل كلمة حلوة بيطلعوها بتبقي من نبضات قلوبهم، الناس دي فقدِت بس القُدرة عن التعبير ف مش هتفهموهم غير بالصعب أوي ، الناس دي صادقه جدا في حبها رغم كل الصمت اللي جواها..

الناس دي مبتعرفش حتي تشارك وجعها مع أي حد مهما يتطلب منها ولو خَرجت من جواها حاجة بتبقي أول سطر من مقالة وجع تيأس لو قرائتها، ف خليك إنت النور اللي في حياته ومتعيش حالته عشان لو مقدرتش تسنده يبقي شايف نورك اللي لازم يخرجله.. فَ متستعجلش في حكمك علي شخص زي دا ويبقي فكرتك عنه إنه بارد ومبيحسش وكل الصفات الوحشه إتخلقت بس ليه ومتبعدش عنه وتراهن مع نفسك إنه هيرجع، لاء دا عنده القدرة يظهر قدامك انه وتَد ومش فارق معاه الفراق ولا أي حاجة مع إنه بيموت من جواه..

[apsymj-blog]

من أسوا الفترات اللي بتعدي علينا الفترة اللي مَبنبقاش عارفين نتكلم ولا نشتكي، كُل اللي بنعمله إننا قابلين كُل الأحداث اللي بتحصل بـ إبتسامة باردة مَلهاش أي معني ، إبتسامة مَفيهاش روح حتيّ .. الفتره اللي بنكون فيها كتفنا مايل وراسنا مش لاقين حد يسندها من كُتر الشيلة ، ضهرنا مكسور والوجع جُوانا بيزيد ، ساكتين رغم بحر الكلام اللى جوانا .. لنا الله.

[apsymj-blog]

لازم أصحابنا تفهم ان دورهم مش محصور علي وجودهم ، ساعات كثير بيكون دورك إنك تسكت ، إنك تسمح ان امشي ، الحلول مش دايما فيكوا مهما كنتوا غاليين عندنا ، الغياب ساعات بيبقي علاج ، سيبونا نمشي وانتوا راضيين وفاهمين ومقتنعين اننا هنكون أحسن عشان عدم رضاكم حِمل ، مش هينفع نمشي عشان نخفف حِمل تشيلونا حِمل..

[apsymj-blog]

[apsymj-blog]

[apsymj-blog]

[apsymj-blog]

[apsymj-blog]

Love is never supposed to hurt. Love is supposed to heal, to be your haven from misery, to make living fucking worthwhile.

Mia Asher,  A Broken Love Story (via right-until-the-end)

[apsymj-blog]

The struggle between me wanting to be successful and me wanting to lay in bed 24/7

[apsymj-blog]

i might be a bit fucked up but i swear i have a good heart 

[apsymj-blog]