Last Seen Blogs
freegiftcards22
Free Gift Cards Codes
wgmonts
sleepless.. 😱
knackfandomarchive
If I liked your stuff I reblogged/queue'd it
laeterea
divina
brooklynisher
GG’s Biggest Fan 🩶🩵
Note
لولو💕
عاملة إيه وحشتيني يارب تكوني بخير
وكل سنه وإنتي طيبه ورقيقه وخفيفه علي القلب💕💕
(ومعلش جت متأخرة)
حبيبتي وانتي طيبة وبخير يارب، ربنا يسعد قلبك ويحلي ايامك 💗💗
انا اللي ردي متاخر اوي حقك عليا، يارب تكوني بخير 😘
1 note
·
View note
Note
هو ايه الفكره لما اكون وصلت لمرحله ان خلاص مش هكمل مع الشخص ده واتقفلت منه قافله مش هينه ومقرره اول مانتكلم الي هو خلاص هدخل في موضوع ان خلاص هنهي ومجرد مااشوفه انسي كل ده رغم اهماله وتصرفاته واوقات كمان ببتسم زي العبيطه لا بالعكس باخد صوره ان هل لو انا قررت ابعد وبشوفه انبسط بعد كده هبقي ظالمه وبأكد ع نقطه خلاص مش هينفع نكمل 😢
هللو 🌚
I can relate to this والله
عادي انتي شخص متسامح ومرن، مش بيعرف ياخد موقف حازم خاصة لو اللي قدامه بدا يجر ناعم او يتعامل عادي، انا حاسة بيكي جدا، عشان بشاركك نفس الخصلة دي، وكتير اوي بتضايق من نفسي اني مش بعرف اخد موقف، بس برجع واحاول اخف شوية على نفسي، لان مخالفة طبيعة الشخصية صعب ومرهق جدا، ولو في حد فعلا أذاني او عمل حاجة ماينفعش اني اتعامل معاه بعدها، بحاول اسهل على نفسي الموقف اللي هاخده، يعني اقطع كل وسايل التواصل بينا، ماحاولش اتواجد في مكان هو موجود فيه، وبكدة هعدم خالص فرصة اننا نتواصل او نتعامل ف موقفي يضعف بمجرد ما الاقيه بيبتسم في وشي ويحاول يتعامل معايا كويس ويرجع الود. فاهمة حاجة؟
1 note
·
View note
Text
هللو 🌚
بالعكس دا جزء في شخصيتك وطريقة حبك، شخص caring خاصة بالجزء الصحي دا، ليه شيافاه عبط، اتعاملي بطبيعتك وماتحاوليش تخالفي طبيعتك اللي ربنا خلقها فيكي، لو الشخص دا فعلًا محتاج وجودك انتي نفسك هتكوني محتاجة تكوني جنبه يمكن اكتر من احتياجه ليكي، شخصيتك عامة بتتغذا اكتر باللي بتقدمه وتبذله للطرف التاني.
عارفة اني متاخرة اوي في الرد، بس اتمنى الأذمة الصحية دي تكون عدت على خير وكل حاجة دلوقتي احسن. 🤍
0 notes
Note
يارب ننول شرف اجابتك النهارده ♥️
انا بعتذر والله عشان متاخرة اوي كدة، الفترة اللي فاتت كنت مضغوطة ومسحولة في مية حاجة ومش بحب ارد على ال asks بكروتة،
1 note
·
View note
Note
السلام عليكم ورحمة الله
انا بحب واحد وهو بيحبني هو مستعد وجاهز انه يتقدملي المشكله كلها في البيت عدنا هو اني مش أنفع اتجوز بره العيله بتاعتي بابي رافض الفكره ورافض فكره انه احب بابا شايف اني المفروض اني اتجوز الي على مزاجه ورافض اني حد يتقدم ليا بعيد عن الي هوا عاوزه خطبني مره لواحد بدون موافقتي واجبرت على كدا لحد ماهو فسخ الخطوبه بمزاجه. الشخص الي انا بحبه حطيته في اكتر من اختبار وكان راجل معاي. انا فكرت اني اسيب البيت واهرب رفض الفكره انا بجد حاسه اني تايه
وعليكم السلام ورحمة الله وبركاته 🤍
بعتذر بجد على التأخير، يارب تكوني بخير والامور مشيت بسلام. لو شوفتي الاسك اتمنى تقوليلي عملتي ايه
ايا كان المشكلة اللي بتوجهيها في حياتك ومهما كانت صعبة ومايبنلهاش حل، اوعي تسيبي بيت ابوكي وتهربي، اياكي بجد، دي خطوة مش هتجيب خير بعدها، لا ليكي ولا لاهلك.
عارفة موضوع العوايد والجواز جوا العيلة قد ايه بيحكمه تعقيدات فكرية كتير، بس اعملي كل اللي في وسعك، اتكلمي مع والدك بكل الطرق الممكنة، عبريله عن نفسك عن رغبتك، وانك تستحقي منه فرصة، شوفي مين في البيت او العيلة ممكن والدك يكبرله او يسمعه، والدتك عمك جدتك، دخلي اطراف في الموضوع بعد ما تحاولي تتكملي معاه انتي. حتى لو مجرد يوافق يقعد مع الشاب بس يتعرف عليه يمكن يدخل دماغه.
ايا كانت النتيجة حتى لو رفض، وكلي ربنا امورك كلها وانتي واثقة ان في ايده وحده مفاتيح كل الامور، واركني عليه واونتي واثقة في تدابيره
واوعي اوعي تسيبي البيت
1 note
·
View note
Note
هو امتى شريك حياتك يشوفك ضعيفه
ايه الحاجات اللي بتبين ان الواحد قوي او ضعيف عموما ؟
هو صباح الخير اولا، طبعا انا عارفة ان الاسك دا بقاله كتير بس ان شاءالله صاحبته تشوفه 😁
بصي تعريف الضعف والقوة دا ليه ابعاد مختلفة، يعني انا بشوف ان ربنا خلق في الست ضعف محبب وجميل وكتير بيكون اصلا شكل من اشكال قوتها، لان شريكها بيحب يحس انها راكنة عليه احيانا وان هو الجانب القوي الداعم الساند، ف مهما اصلا كنتي قوية لا ضير يعني انك تظهري شوية ضعف لذيذ قدام شريكك، عارفة الاجابة تبدو بعيدة عن السؤال بس هي ملمسة مع التساؤل بتاعك.
قوتك تبان قصاد الراجل بتاعك في تصرفاتك في وقت الجد او وقت موقف صعب او حرج، بتتصرفي بعقل وصبر واتزان. قوة الست عامة مختلفة، وضعفها كمان مختلف ليه اشكال، الضعف الحوسة وعدم القدرة ع التصرف ف المواقف لدرجة تسبب دايما للراجل هاسل ولغبطة مش حلو، ولا الاستقلالية التامة الفظيعة والاسترجال في كل المواقف حلو، بين بين كدة.
0 notes
Text
أسأل الله أن لا يحرمني ولا يحرمكم رزقه ، وتوفيقه ، ورحمته ، ومغفرته ورضوانه ، وجنته ، وصحبة نبيه ﷺ
50 notes
·
View notes
