#برقص

[princess-lolita]

مفكرني عايشه ع كلمة مـنك، انا حتى السمايل لي بتبعتوه برقص قلبي رقص والله ..🤗

[ammo--scar]

يا جدعان الأغنية دي خلتني اكتشف اني بعرف أرقص، أهلي مش في البيت ومشغلها على الشاشة بصوت عالي في الصالة، واديني قاعد برقص واتخولن.

[stella-sirius]

النهارده كنت في فرح اخت صاحبي المقرب و انا كنت معاه من الصبح لما وصلنا القاعه و بدأت الأغاني و الهيصه و الرقص انا سحبت نفسي و رجعت كام خطوه للوراء كده و حطيت ايدي في جيبي و في بعض الأحيان كنت بسقف..

في افراح اصحابي انا عادي بدخل و برقص شويه و أغني بس النهارده كل حاجه جوايا كانت بتقول لا .. كل حاجه جوايا كانت بتقولي تأدب و احترم الدم ..

ربنا يستر و يلطف و يرفع الغُمه .

[sarahtarek]

انهارده اليوم في الشغل كان رخم شويتين بس نهاية اليوم كانت لطيفه، كان بقالي فتره نفسي ارجع امسك الكمانجا تاني ومتردده ارجع الكورس ولا ايه بس حصل موقف شجعني اخد الخطوه بالصدفه كان فيه معاد فاضي انهارده وبالفعل روحت وخدت السيشن وطلعت متذكره أماكن صوابعي عليها ومكنش فيه صعوبه ف الرجوع زي ما كنت متخيله، وانا مروحه عزمت نفسي ع بيتزا وكنت قاعد باكل وانا برقص ع انغام استاذ Drak وممتنه لليوم اوي انهارده

#personal

[iaiiil]

امي تقول لو مستقبلاً يرجع زوجك من الدوام وانتي ما جهزتي الغدا بيرجعك لنا قلت لا برقص له و نتسامح .. بس مدري شفيها عصبت علي والله حلي حلو و صحيح

[beautysofia]

أنا عارفة إنها مش حاجة حلوة إنها تكون فيا بس أنا مش عارفة اصحي في يوم اغيرها و ابطلها

طول الوقت بحس لو فيه راجل في حياتي ، حياتي هتكون أحسن كـ quality يعني لما بكون حاسة بالحب و الؤنس بقدر اني اصحي بدري و اهتم أكثر بنفسي كأنثي في شكلي و جسمي و بحس إني عندي طاقة إني أشتغل و أروح الجيم و أتعلم ، الموضوع يبان أوڤر بس دي الحقيقة مجرد الوجود بينقذني و بيخليني حابه اعيش حياتي!

لما كنت بشتغل كول سنتر فاكره إنها كانت فترة صعبة بس فاكرة أيامها أنا كنت في احسن حالاتي في الحياة آه مفشوخة زي سوسن بدر في فيلم الفرح بس كنت مبهجة و بخس و قمر و برقص بروح الجيم و عندي طاقة استمر في الشغل ، و بلبس حلو و ضربت شعري احمر ؛ كانت أكثر فترة كنت محاطة أو عرفت و شوفت رجالة في حياتي طبعا لأن قبل كده كنت كلية بنات بس مافيش احتكاك اوي شغل أيام الجامعة و بعد كان كله بنات بس ، آه احتكاكي ده آذاني و غير مني للأوحش بس مش هنكر أنها طلعت مني نسخة حلوة في حاجات تانية ..

سنة و 9 شهور و أنا مفتقدة نسخة رقية دي ، في الفترة دي أنا كنت بحاول ا survive عشان محسش إني فقدتها عشان مش قادرة اتقبل بس الحقيقة إن محاولاتي دي اذتني أكثر خلت قلبي عامل زي الكبده لما يجي عليها مايه كثير فتترفت قطع صغيرة و تتهري خالص..

أنا مش عارفة اقوم من نفسي و اقف لوحدي و ابقي البنت القوية دي ، أنا آسفه اني هكسر القاعدة بس أنا حاسة باحتياج يكون جنبي لحد ما أقوم من تاني يمسك بأيدي و يزقني زي العربية ..

وقت ما قبلت بوجود خالد كنت قبلت عشان محتاجة للسبب ده ، وقت لما رفضني و مشي خلاني أحس نفس الشيء الي كنت بحسه من بابا فرجعت لنقطة الصفر فضلت شهور بحاول اثبت لصوت جوايا إني اتحب و ما اترفضش ، رجعت اتعرف و أتكلم بالرغم إني واخدة قرار و التزمت به فترة و بطلت ..

من امبارح للنهاردة ماما مشيت و بيت لوحدي في الشقة ، أنا مقدرتش اتحمل الوحدة من جديد و للأسف نقضت عهدي مع ربنا و نزلت tinder

ماما لما حكيت لها على حوار البوست الي في الجروب للبنات الي معندهاش علاقات أو محدش بيشوفها و إلي عندها عريس تنزل مواصفاته و أنا دخلت بعت للبنت ، ماما قالتلي مش دي الطريقة و كلام كثير دل على عدم تفهمها و ضايقني ..

بس في النهاية أنا لازم أحاول انقذ لحد ما الاقي حد ما ينفعش افضل تحت و في القاع كده كثير ، هفتكر كلام الدكتورة لو محدش اختارك اختاري انتي نفسك :"))♥️

[flybirdsworld]

https://on.soundcloud.com/ENWncCFUrBYZLMFY9 و أنا برقص عليها شكلي كدة بالظبط 🙆🏻‍♀️😂😂😂

[lonely-birdo]

كأني ماشية/ برقص علي حبل

بين وبين

[allooolly]

صحيت الصبح مش ناسي

ولا نفسي

ولا ناسي

لحُسن الحظ إنّي صحيت

لقيتني لسه مش قاسي

ولسه بقوم وباتمشّى

ولسه معايا أنفاسي

وبفتح شباكين النور

وبفتح قلبي ع العالم

وبسرح في السما والمدى

وباسقي زرعتي بالندى

وبقدر اثور واتمرد

ولسه المستحيل غايتي

وبرقص

قد ما برقص

ولو حتى مع مرايتي

ورقصي، والغُنا رايتي

يجوز الحِلم من بدري

مش اني اقوم

أهيم، واجري

يجوز الحلم اني اصحى

في يوم عادي

وانا راضي

وألبس ضحكتي واجهَز

مانيش خايف

ولا باتهَز

وأفتح بابي

وامشي عشان

أحاول إني اكون إنسان.

[samuraiiii]

كان نفسى ابقى عايش حياتى زيك كده ، ابقى رغاى برقص صايع دمى خفيف بشرب مخدرات :)

#اسف ع الازعاج 🩵

[zahraa17]

I can't wait

لما اعيط على اغنية "بنت أبويا" وانا برقص مع بابا في فرحي 🥹❤️

[baby-giirl]

انا مش هستغنى عن "خليك معايا" وانا برقص سلو في فرحي والله حتى لو صالونات

[jaunerevee]

بقلب في الجاليري في الفيديوهات بتاعتي مع اصحابي وبجد بتسائل "ايه ده؟ " ليه في وزة في الشقة يوم عيد ميلاد ابني ومشغلين كل سنة وانت طيب الساعة ٣ الفجر ! وليه قاعدين بنرقص على يخت في دهب وواحد صاحبنا لابس نضارتي وفيه واحدة منتقبة ورايا بتبص لي بقرف ؟ ايه كمية القطط اللي في البيت دي ! ليه بنتخانق في العربية واحنا خارجين وايه كمية الشتايم دي ؟ ليه مشغلين ماتحسبوش يا بنات ان الجواز راحة وانا بغسل وشي في الحمام وليه حد من اصحابنا بيطلب اوردر كشري عندي في الصالة وهو لابس نضارة شمس بينك على شكل قلب في الصالة عندي الساعة ٢ بالليل ! ليه ابني راكب سلحفاة وليه جوزي شايل الكلب بتاعنا اللي وزنه معدي ال ٢٠ كيلو ورافعه في السقف! وليه في غزالة بتجري ورايا في افريكا بارك وانا شايلة ابني ! مين الناس اللي برقص معاهم في الفرح دول لا ويت ! ده فرح مين اصلا! ليه فيه فيديو لحد من اصحابنا بيزاحم الناس في محل الكبدة؟ وايه كمية فيديوهات الخناقات بينهم اللي عندي في البيت دي ! وليه اصحابي مصورين ليا فيديو وانا بكلم ام عبده اللي بتمسح السلم وبقولها انها ممكن تنورني اي وقت!

[mrndy77]

و بصير برقص مطرحي و بدور

متل الفراشة الحايمة عالنور

و بصير متل العاشق المهجور

جايي حبيبو بعد غيبي يزور ❤️❤️❤️❤️

[doriaan-gray]

الحياة كلها أمست شبه بعضها برقص في راس السنة ودموعي على رجلها بحبها لكن واخد قرار حاسم جسمي يكون جاثم قلبي يكون آثم في حق الحياة المؤمنة اطّمنوا انتوا وسيبوني على قلقي راحتي هنا في الريح تكون تحتي هافضل كدة ديما عقلي تفاحتي بارقص معاكو صحيح وضحكتي لبرة لكن لجوة بصيح بعوي ساعات يمكن مايبقاش للألم علامات وببكي لما يتولد إنسان فمتزعليش لما أقولك إنك في جمال الموت! دا كل ما أملك من بلاغة

[rrrrrrrrrrr-rrrr]

لا شغالة ايه بجد ممرضة ولا دكتورة

ولا ده ولا ده برقص للعملاء😂😂😂😂