#بردان انا تكفى
Text
بردان ، بردان انا تكفى أبي احترق بدفا لعيونك التحنان فعيونك المنفى❤️
0 notes
Photo
اما بعد
لذا كنت هاودت كسوفى ع التأخير
واللهى ما كنت حاخط بيدى حرف
سامحينى يا فاطنة فى طولة الغيبه عليكم
وانا خجلان خجلان
واقولك يا زوجتنا انا خجلان منكم
من هنا للصبح
شهرين دلوقت
من يوم ما عنيكى يا فاطنة
بلت شباك القطر
لسوعتى بدمعك ضهر يدى
لحظتها قلت لك
قبل ما عوصل عتلاقى جوابى جى
نهنهتى وقلتى لى بعتاب
النبى عرفاك كداب
نساى
وعتنسى اول ما عتنزل فى اسوان
ماعرفت ساعتها يا مرتى اضحك والا ابكى
ما عرفت ساعتها اذا كنت بعوز القطر يقف والا يولى
حسيت بعنيكى الحيرانى يا فاطنة بتقوللى
وتسكت
وتقوللى
حسيت واليد بتخطفها يد الجدعان
بالقلب فى جوفى ما عارف ان كان بردان دفيان
والبت عزيزه والواد عيد
قناديل فى الجوف زى ما بتضوى بتقيد
والقطر اتحرك
وقليبى بيتنقل من يد لايد
والقطر بيصرخ ويدودو
اتدلدلت بوسطى من الشباك
خدى بالك م الوِلد
راعى عزيزه وعيد
والقطر صرخ ورمح لكإنه داس على بصة نار
ولقطت الحس قريب قد ما كنت بعيد
قلبى معاك يا حراجى هناك فى اسوان
ورميت نفسى وسط الجدعان
وبكين
وبلدنا اللى كنا بنمشيها فى نص نهار
كان القطر فى لحضة فاتها بمشوار
سامحينى يا فاطنة ع التأخير
ولو الورقة يا بت الخال تكفى
لأعبى لك بحر النيل والله بكفى
كلام
وختاما ليس ختام
بابعت لك
ليكى ولناس الجبلاية ولبتى عزيزه والواد عيد
الف سلام
زوجك
لوسطى حراجى القط
ملحوظة
إكتبى ع المظروف
أسوان
زوجى الغالى
لوسطى حراجى القط
العامل فى السد العالى
1 note
·
View note
Last Seen Blogs
spanicolunga-blog
SpaniColunga
piotrstachera-blog
Bez tytułu
blonde16ale
Killer Queen🔫👑
theedgeproperty
The Edge Property Malaysia
aceofvase
don’t worry, I’ll wear myself out eventually