Files 1113-1115 Discussion, Hawkman !!!
هلأ في شغلة وحدة بس بـ هالقضية أنا ما فهمتها
شايفين هون بالصور في أغراض للسفر و شناتي.. و ممتلكات للشلة تماماً فوق مقاعد جلوس “هيجي” و “كازوها” و اللي معهم
لكن لما خرجوا من القطار.. ما كان معهم شي
ما كان في غيرهم بالعربة !! يعني تبخروا الأغراض ولا نسيوهم ولا المجرمين كانوا جايبين معهم أغراض و شناتي على مهمتهم بالقطار ولا “غوشو” رسمهم ديكور !؟
عسى ما يكونوا نسيوهم على كل حال.. يمكن قعدتهم تطول بـ طوكيو
السلام عليكم و رحمة الله شبيبة
بصراحة اشتقت للتمبلر و المنشورات فيه.. و للكتابة كمان.. و بعرف كان المفروض أنشر هالمنشور بالأيام الماضية.. لكن صدقاً انشغلت و ما صرلي وقت إلا لليوم
هذا المنشور رح يكون قصير.. و هو بمثابة تحمية و تجهيز للمنشور اللي بعده
عموماً خلونا نبدأ بالمنشور الحالي
طبعاً مش رح نحكي عن القضية لإنها تافهة.. ولا عن فلاش باك “ايوري” لإنه أتفه من القضية
الحكي رح يكون عن العجوز اللي ظهر بنهاية الفصل 1115 و طلبه للتحقيق بشأن “كونان” بالشكل المفاجئ اللي ظهر فيه و شو سبب وجوده بـ طوكيو و اتصال “كورودا” بالنهاية.. و عن شو ممكن تكون القضية القادمة
---------------------------- ما سأكتبه تالياً قد يُصيب و قد يُخطئ -----------------------------------
كتير صار في نقاشات عن هوية العجوز اللي ظهر بنهاية الفصل 1115.. و اللي هو نفسه طبعاً العجوز اللي ظهر بنهاية الفصل 1102 اللي كسر جواله و هذا الموضوع خالصين منه.. لكن السؤال
مين هو هذا العجوز ؟
بالبداية رح نثبت هويته.. بعدين بنكمل بـ باقي النقاط
هذا العجوز اللي ظهر بنهاية الفصل 1115 و اللي هو نفسه اللي ظهر بنهاية الفصل 1102.. هو جد “موميجي” و اللي كان رئيس وزراء سابق لليابان
طيب.. شو دليلك يا أبو الجود انه هذا هو نفسه جد “موميجي” مو زعيم المنظمة مثلاً ؟ شو الدليل ؟
أولاً و الواضح.. ان كل شي بيتعلق بهذا العجوز صفته العامة هي الصقر
حتى العكاز اللي معه على شكل صقر.. و طبعاً هو نفسه العجوز اللي ظهر بنهاية الفصل 1102
واضح انه نفس العكاز بالصورتين.. لذا الشخص نفسه.. و نحنا عارفين ان زعيم المنظمة اشارته الغراب مو الصقر.. لذا هذا العجوز مو زعيم المنظمة
طيب الدلائل اللي بتثبت انه هذا هو جد “موميجي” مو حدا ثاني
نحنا شفنا بنهاية الفصل ان “أمورو” وجد جوال بالقطار.. أخذه و رد على المكالمة اللي كانت عليه
و هي لقطة ثانية من الفصل أوضح للجوال اللي وجده “أمورو” بالقطار
تمام.. كله أسود.. بس أنا وين شفت هذا الجوال من قبل ؟؟ وين يا أبو الجود وين ؟؟
اها صحيح.. شفته مع “ايوري” لما رماه بـ سلة المهملات بالقطار.. مع زوم إن خاص على الجوال قبل رميه.. فـ ممكن “ايوري” قبل مغادرة القطار.. استرجع الجوال من السلة.. و وضعه بالمقعد اللي وجده “أمورو” فيه
هلأ ممكن حدا يقلي ان تصميم الجوالين من الخلف من جهة الكاميرا مختلف.. يعني مو نفس الجوال
اوك ممكن ما يكون نفسه.. و ممكن يكون خطأ بسيط بالرسم.. و تكررت عدة أخطاء بالرسم و التظليل بـ هي القضية بالواقع
ممكن يكون هو حط جوال تاني غير جواله.. و ممكن “موميجي” هي اللي حطت الجوال رغم اني أستبعد هالشي و برأيي “ايوري” هو اللي حطه
لكن هي نقطة انتبهت لها و حبيت أذكرها.. و مو مشكلة بتقدروا ما تعتبروه دليل أو تلميح.. عادي هههههه
بالنسبة للدليل الثاني اللي بيثبت أو يشير إلى هوية العجوز بنهاية الفصل 1115 هو مسار الرحلة
ركزوا معي شبيبة بالصورة التالية
هي صورة القطار اللي كانوا فيه “هيجي” و “كازوها” و اللي معهم و اللي وصل على “طوكيو”.. و شايفين انه على يسار القطار في رصيف الركاب.. يعني القطار اللي كان فيه العجوز هو على يمين القطار.. بالجهة اللي مو ظاهرة لنا بالصورة لإن “أمورو” كان جالس على جهة اليمين لما شاف العجوز.. تمام
طيب أبو الجود.. هالحكي شو بيثبت ؟
هالحكي بيكمله الصورتين التاليتين
تمام.. من هالصورتين.. واضح ان مسار أو اتجاه رحلة القطار اللي فيه العجوز.. هو عكس اتجاه القطار اللي فيه “أمورو”.. بعرف انه هذا القطار بيمشي بالاتجاهين.. لكن اللي قصدته.. ان واضح من الرسم بالصورة الثانية.. كيف ان قطار العجوز رايح لـ جهة خلف “أمورو”.. يعني باتجاه العودة لـ منطقة كانساي.. و كأن “غوشو” عم يلمح ان هذا العجوز رايح باتجاه منطقة كانساي اللي ساكن فيها.. اللي فيها عائلة “اووكا”.. و هذا الشي بلمّح بقوّة ان العجوز هو رئيس الوزراء السابق.. يعني كان بـ طوكيو لسبب ما.. و هلأ راجع على مكان سكنه
طيب.. بالنسبة للدليل الثالث
نحنا شفنا رد فعل “أمورو” لما دخل القطار و شاف ان العربة فارغة رغم ان القطار على وشك الانطلاق.. و طبعاً هالشي انعمل مشان الطرف الثاني من اللقاء يكون متأكد ان “أمورو” هو اللي رح يرد عالمكالمة مو حدا ثاني
و هالشي هو نفسه اللي عملته “موميجي” حتى تحجز بجانب “هيجي” بنفس العربة
و هذا الشي بلمّح أو ممكن اعتباره تلميح إلى انهم استخدموا نفس الأسلوب بحجز العربات عبر شراء جميع المقاعد.. و هالشي ما بظن يكون صدفة و مو تلميح من “غوشو” عن هوية هذا العجوز
غالباً هذا تلميح من “غوشو” ان الأسلوب واحد بالحجز
أما بالنسبة للدليل الرابع و الأخير.. فهو سبب غضب هذا العجوز بنهاية الفصل 1102 لدرجة تحطيم جواله لما شاف صورة “كونان” مع “جيروكيتشي”.. انه ليش هالغضب؟؟
السبب هو خصومته مع “جيروكيتشي”.. طيب نحنا من وين عرفنا ان في خصومة بين هالعجوز و “جيروكيتشي” ؟؟ ليش نحنا عارفين أصلاً مين هذا العجوز ؟
حلو هالسؤال.. بس بـ كتاب دليل الفيلم 21 اللي صدر عام 2017.. قال “اوياما-سينسي” ان “موميجي” تمثل “سونوكو” الغرب.. يعني صار في “سونوكو” بالشرق.. و مثيلتها بالغرب.. و قال كمان انه رح يكون من المثير للإهتمام لو كانت العلاقة مو كويسة بين “جيروكيتشي” و بين أهل “موميجي”.. و كأنها منافسة بين الشرق و الغرب
فـ اذا فرضنا ان العجوز اللي ظهر بنهاية الفصل 1102 هو جد “موميجي” اللي في خصومة بينه و بين “جيروكيتشي”.. فـ شي طبيعي يغضب لما “كونان” يستمر بإيقاف “كيد” عن سرقة المجوهرات اللي بيعرضها “جيروكيتشي”.. يعني طبيعي يغضب ان في حدا قوي عم يساعد خصمه
و مثل ما شفنا بالفصل 1102 التالي
هي الصورة من نهاية الفصل 1102 قبل ما جد “موميجي” يكسر الجوال.. واضح ان اسم “كونان” مكتوب بالكامل مع صورته.. و هاي هي طريقة معرفته بـ اسم “كونان” لحتى قدر يطلب من “أمورو” يتحرى عنه بنهاية الفصل 1115
و في صورتين نشرتهم على تويتر.. اللي هم هالصورتين
و قلت ان المصطلح اللي استخدمه العجوز بالفصل 1115 هو نفسه اللي استخدمه “جيروكيتشي” بالفصل 733.. فإذا افترضنا ان جد “موميجي” معتبر الخصومة مع “جيروكيتشي” جدّيّة و حاسمة.. و فيها نوع من الهوس.. فـ ممكن توصل معه انه يستخدم نفس عبارات “جيروكيتشي”.. و ممكن هالعبارة مشهورة عند “جير��كيتشي”.. يعني ممكن “غوشو” لاحقاً يرسم قضية أو عدة قضايا عن “جيروكيتشي” بالماضي أو بالحاضر.. و هو عم يقول هالمصطلح.. و تقول “سونوكو” مثلاً ان "جيروكيتشي” بكرر هالمصطلح دايماً
و يعني و بكل تواضع.. شفت شخصين يابانيين بتويتر آخذين هالصورتين اللي فوق و ناشرينهم و حاكيين عنهم.. و يعني يبدو انهم داعمين لكلامي ههههههه فـ رح أتفاءل بخصوص هذا الدليل بالوقت الحالي رغم انه ضعيف شوي
المهم.. ان الخلاصة عن سبب غضب جد “موميجي” من “كونان”.. هو لإن “كونان” دايماً بيطلع بالأخبار انه ساعد “جيروكيتشي” بـ منع “كيد” من سرقة الجواهر اللي بيعرضها “جيروكيتشي”.. و هو بيتمنى ان “كيد” يسرق الجواهر و يسبب الضرر لـ “جيروكيتشي” قدر الإمكان بدون ما حدا يمنعه.. و بسبب خصومة جد “موميجي” مع “جيروكيتشي”.. قرر انه يتحرى عن “كونان” و يعرف شو قصته.. يعني غالباً هي الخصومة كوميدية.. و رح تظهر بشكل كوميدي.. على الأقل بالبداية
طبعاً تنويه بسيط.. “غوشو” قال سابقاً بـ كتاب أرشيف “هيجي” و “كازوها” السري ان “جيروكيتشي” أغنى بـ قليل من عائلة “موميجي”.. يعني معه فلوس أكثر من عائلة “اووكا” و هالشي أكيد بيعطي الأفضلية له و لـ “سونوكو” بأي مواجهة قادمة.. و هذا أكيد سبب من أسباب الخصومة و الغضب من جد “موميجي” مثل ما شفنا
أما بالنسبة للقضية القادمة اللي رح يكون فصلها الأول بتاريخ 22/أغسطس على ما أذكر.. يعني بعد حوالي شهرين.. فـ غالباً و أتمنى انه تكون استمرار للقضية الأخيرة.. يعني “هيجي” و “كازوها” واللي معهم وصلوا على طوكيو.. اوك و بعدين ؟؟
شو مشان هالحكي ؟؟ شو مشان هالشي المهم اللي حكت عنه “ران” ؟؟ و شو مشان هالمنظر الخلاب اللي بحثت عنه ؟ مو معقول يعني “غوشو” يترك هالأمور و وصولهم لـ طوكيو.. و يروح مثلاً يرسم قضية عن رحلة للمتحرين الصغار للجبال ههههه غالباً رح يكمل عنهم.. و أظن ان الموضوع لازم يكون له علاقة بـ “سونوكو”.. خلص صار الوقت ان “سونوكو” تدخل على خط المواجهة مع “موميجي”.. هالشي طوّل كتير و أخذ وقت زيادة
يعني مثلاً “موميجي” قالت التالي بالفصل 1113 عن سبب ذهابها لـ طوكيو
يعني البطاريق اللي بالقطب عرفت انها عم تكذب.. أبداً مو واضح انها كذبة ها أبداً ههههه
فإذا افترضنا ان جدها اللي هو رئيس الوزراء السابق كان موجود بـ طوكيو لسبب ما.. و خلال وجوده حقق طلب كانت “موميجي” طلبته منه.. مثلاً حجز للمشاركة بـ حدث معين أو حفل معين.. و للصدفة “سونوكو” دعت “ران” و “كونان” و “هيجي” و “كازوها” على نفس المكان بـ طلب من “ران” بسبب وجود منظر خلاب بالمكان هذا مناسب للاعتراف بالحب
فـ ممكن بـ هالطريقة.. يصير في مواجهة مباشرة بين “سونوكو” و “موميجي” و حتى ممكن بين عائلاتهم اذا اضطر الأمر
فـ توقعي ان المكان أو الشي المهم اللي حكت عنه “ران” لـ “كازوها” هو شي مهم “ران” طلبت من “سونوكو” تحقيقه لأجل “كازوها” و “هيجي”.. و هذا اللي برأيي ممكن يظهر بالسلسلة القادمة.. أو اللي بتمناه يظهر
طبعاً أنا سبق و قلت قبل عدة سنوات ان إنهاء موضوع “موميجي” و “هيجي” و اعتراف “هيجي” و “كازوها” رح يكون بقضية ضخمة يكون فيها كثير شخصيات.. مثل “ران” و “سونوكو” و المتحرين الصغار و يمكن “اوكيتا”.. و رح يكون في كلام موجع من “ران” لـ “موميجي”.. بعد ما شافت طبقيتها بـ أكثر من مناسبة.. فـ غالباً رح يصير لقطة.. “ران” تحكي لـ “موميجي” كلمتين بالعظم تصحيها على الواقع و الصح
في من الفانز توقعوا ان السلسلة القادمة تبدأ مع تحقيق “أمورو” عن “كونان”.. هالشي ممكن.. لكن برأيي الأفضل لو يأجله “غوشو” لبعد السلسلة القادمة اللي حكيت عنها
بس بكل الأحوال مين من الشخصيات اللي بيعرفوا حقيقة “كونان” أو شاكين فيه و ممكن يجيبوا العيد ؟
ممكن مثلاً “أمورو” يروح على مدرسة “كونان” الابتدائية للتحقيق.. و يلتقي مرة ثانية بـ “واكاسا”.. و يحاول يتقرب من “هايبرا” كمان و “واكاسا” تواجهه.. و هو يتذكر القتلة اللي أكلها بالمزرعة و يشك بـ “واكاسا” أكثر هههههههه.. يعني هذا احتمال
ممكن مثلاً تصير قضية بالصدفة بـ غونما اللي فيها “يامامورا”.. و يكون للصدفة “أمورو” هناك.. و يتذكر “يامامورا” اللقطة التالية من الفصل 265
ههههه طبعاً هون “يامامورا” كان على وشك يكمل كلامه و يقول “ابنهما” لكن ما قالها
فـ ممكن تصدف و يلتقي “يامامورا” و “أمورو”.. و يروح “يامامورا” فاضحه بالصدفة هههههه
طبعاً ممكن كمان “هيجي” يفضحه.. و هالشي مو غريب على “هيجي”.. فـ اي في عدة شخصيات ممكن يجيبوا العيد قدام “أمورو”.. لكن أفضّل هالشي يصير بعد تكملة القضية عن “هيجي” و “كازوها”.. مو قبلها
و هيك أظن بنكون خلصنا كلام عن هالقضية
لكن دقيقة.. شو سبب وجود جد “موميجي” بـ طوكيو ؟ المفروض انه هو رئيس وزراء سابق.. و بيقدر يعمل اللي بدو اياه عن طريق المكالمات.. يعني من بعيد و ما في داعي لحضوره.. ليش اجا بنفسه على طوكيو ؟؟ رغم ان حسب الكلام اللي ظهر بالسلسلة في كثير أشخاص بيكرهوه و ممكن يكون بخطر.. ليش هالمخاطرة ؟ و ليش ليتصل بـ “أمورو” و يطلب منه التحقيق عن “كونان” !!؟؟
--------------------- الكلام التالي هو مقدمة للمنشور القادم ---------------------
طيب.. نحنا شفنا ان جد “موميجي” موجود بـ طوكيو.. طيب شبيبة ما خطر على بالكم مثلاً انه مو جاي لـ طوكيو لـ شيء بيتعلق بـ “موميجي” بشكل رئيسي مثل ما حكيت فوق.. ممكن مثلاً يكون جاي لمقابلة شخص ما ؟
مثلاً “كورودا”.. ��عني جد “موميجي” ممكن جاي يقابل “كورودا” و نحنا شفنا بالفصل 1088 ان “كورودا” راح قابل جد “موميجي” بـ كيوتو
فـ ممكن اجا “كورودا” يزوره كمان و شاف “ايوري” بـ طريقه
ممكن.. بس أنا عندي شخص أنسب من “كورودا” ممكن جد “موميجي” اجا يزوره
شو رأيكم بالشخص التالي
ايوا صح هذا هو.. و هذا هو نفسه اللي ظهر بالفصل 1090
بالفصل 1090 ؟ مو كانت أحداثه بـ كيوتو ولا أنا غلطان ؟
تماماً.. كانت بـ كيوتو.. و حسب ما حكينا من قبل بتويتر.. هذا العجوز اللي حاطط جهاز اوكسجين هو “هانيدا ياسوهارو” والد “كوجي” اللي بيكره الشرطة
فإذا فرضنا ان “ياسوهارو” كان بالفصل 1090 بـ كيوتو لزيارة جد “موميجي” و ممكن كان “كورودا” معهم (احتمال ضعيف ان “كورودا” كان معهم بس ممكن).. و بالفصل 1115 اجا جد “موميجي” لزيارة “ياسوهارو” بـ طوكيو و كمان ممكن كان “كورودا” معهم (احتمال ضعيف ان “كورودا” كان معهم بس ممكن).. هيك بتصير الأمور منطقية أكثر
و اذا فرضنا ان جد “موميجي” اللي كان رئيس وزراء سابق.. كان قائد “كورودا” قبل 17 عام وقت قضية “كوجي”.. و هو اللي أرسل “كورودا” لـ لقاء مرشحة الرئاسة “أماندا” اللي كان في معرفة بينهم (بين رئيس الوزراء و “أماندا”).. و تم قتل “كوجي” مثل ما شفنا بـ هالقضية.. هيك بكون منطقي اذا في تواصل بين جد “موميجي” و بين “ياسوهارو” حالياً بما يخص القضية قبل 17 سنة و بما يخص اللي عمل هالجريمة و بما يخص مين ممكن يساعدهم بـ ألغاز هالجريمة
بس كيف تواصلوا مع بعضهم ؟ مين كان صلة الوصل بينهم ؟ بين “ياسوهارو” و بين جد “موميجي” ؟
اذا أخذنا بعض التشابهات بين “كورودا” و “ايوري” بعين الاعتبار رح نلاحظ أمور مهمة
قبل 17 سنة.. كان “كورودا” بمهمة للاجتماع بـ “أماندا”.. و بعدين حاول يحمي “كوجي” من البلطجية حسب تعبيره عنهم بالفصل 1107
و قبل 3 سنين.. كانت مهمة “ايوري” انه يعاين التدابير الأمنية بـ مسكن جد “موميجي” و واجه البلطجية حسب تعبيره عنهم بالفصل 1114
ممكن.. و هذا توقع مني.. ان منصب “ايوري” قبل 3 سنوات كان مشابه لمنصب “كورودا” قبل 17 سنة.. و هو شي يتعلق بالشخصيات المهمة و العلاقة معهم
و اذا أخذنا بعين الاعتبار ان قوة قلب “كورودا” و ثقته انه يحكي لـ “كونان” بالفصل 1105 تفاصيل قضية “كوجي” و انه يكشف ان ذهابه لـ لقاء “أماندا” كان أمر سري من قائده اللي مستحيل يكشف هالمعلومة و صورة رسالة “أماندا” و غيرها من التفاصيل إلا بإذن من قائده نفسه أو بإعلامه على الأقل حتى رغم مرور هالوقت (بعيداً عن سبب ان “كونان” حل شيفرة القضية بالفصل 1105 بسرعة) كانت بعد عودته من كيوتو و لقاء جد “موميجي” (اللي برأيي زاره “ياسوهارو” بنفس اليوم قبل أو بعد أو مع زيارة “كورودا”) بـ كم فصل.. و ان جد “موميجي” اجا زار طوكيو بالفصل 1115 بعد حل “كونان” لـ شيفرة “أماندا” بالفصل 1109 .. يعني بعد بـ كم فصل فقط
اذا جمعنا كل هالمعلومات و الفرضيات و الاستنتاجات الصغيرة اللي معنا.. و ربطناها مع بعضها.. بنتوصل للاستنتاجات التالية
اللي رح نحكي عنها بالمنشور القادم ان شاء الله بـ نقاش الفصول 1106-1109 اللي كانت فلاش باك عن قضية “هانيدا كوجي”.. لذا نلتقي لاحقاً
16 notes
·
View notes
شاي الماتشا الاصلي — 20 كيس
مثل الشاي الأخضر، يأتي شاي الماتشا من نبات كاميليا سينينسيس. لكن مع ذلك فإنه ينمو بشكل مختلف وله ملف غذائي فريد.
يزرع المزارعون شاي الماتشا من خلال تغطية نباتات الشاي الخاصة بهم قبل 20–30 يومًا من الحصاد لتجنب أشعة الشمس المباشرة.
هذا يزيد من إنتاج الكلوروفيل، ويعزز محتوى الأحماض الأمينية ، ويمنح النبات لونًا أخضر داكنًا.
بمجرد حصاد أوراق الشاي ، تتم إزالة السيقان والأوردة ويتم طحن الأوراق إلى مسحوق ناعم يعرف باسم الماتشا.
فوائد شاي ماتشا الأصلي
يحتوي على نسبة عالية من مضادات الأكسدة
شاي الماتشا غني بمضادات الاكسدة، وهي فئة من المركبات النباتية الموجودة في الشاي والتي تعمل كمضادات أكسدة طبيعية.
تساعد مضادات الأكسدة في استقرار الجذور الحرة الضارة، وهي مركبات يمكن أن تدمر الخلايا وتسبب أمراضًا مزمنة.
قد يساعد في حماية الكبد
يعد الكبد أمرًا حيويًا للصحة ويلعب دورًا رئيسيًا في طرد السموم واستقلاب الأدوية ومعالجة العناصر الغذائية.
وجدت بعض الدراسات أن شاي الماتشا قد يساعد في حماية صحة الكبد.
يعزز وظائف المخ
تظهر بعض الأبحاث أن العديد من مكونات الماتشا يمكن أن تساعد في تعزيز وظائف المخ.
نظرت إحدى الدراسات التي أجريت على 23 شخصًا في كيفية أداء الأشخاص في سلسلة من المهام المصممة لقياس أداء الدماغ.
تناول بعض المشاركين شاي الماتشا أو لوحًا يحتوي على 4 جرامات من الماتشا، بينما تناولت المجموعة الضابطة شاياً أو لوحًا وهميًا.
وجد الباحثون أن شاي الماتشا تسبب في تحسين الانتباه ووقت رد الفعل والذاكرة، مقارنةً بالعلاج الوهمي.
قد يساعد في منع السرطان
الماتشا مليئ بالمركبات المعززة للصحة، بما في ذلك بعض المركبات التي تم ربطها بالوقاية من السرطان في أنابيب الاختبار والدراسات على الحيوانات.
في إحدى الدراسات ، قلل مستخلص الشاي الأخضر من حجم الورم وأبطأ نمو خلايا سرطان الثدي في الفئران.
قد يعزز صحة القلب
أظهرت بعض الدراسات أن شرب الشاي الأخضر ، الذي يحتوي على خصائص مغذية مماثلة لشرب شاي الماتشا، قد يساعد في الحماية من أمراض القلب.
ولقد ثبت أن الشاي الأخضر يقلل من مستويات الكوليسترول الضار وكذلك الدهون الثلاثية.
يساعدك على إنقاص الوزن
ألقِ نظرة على أي مكمل غذائي لفقدان الوزن، وهناك فرصة جيدة لأن ترى “مستخلص الشاي الأخضر” مدرجًا في المكونات.
طريقة تحضير شاي الماتشا
يمكنك صنع شاي الماتشا التقليدي عن طريق إضافة 1–2 ملاعق صغيرة (2–4 جرام) من مسحوق الماتشا في كوبك ، وإضافة 2 أوقية (59 مل) من الماء الساخن ، وخلطهم معًا.
يمكنك أيضًا ضبط نسبة مسحوق الماتشا إلى الماء بناءً على القوام المفضل لديك.
للحصول على شاي أرق ، قلل المسحوق إلى نصف ملعقة صغيرة (1 جرام) واخلطه مع 3–4 أونصات (89–118 مل) من الماء الساخن.
إذا كنت تفضل إصدارًا أكثر تركيزًا ، فمزج ملعقتين صغيرتين (4 جرام) من المسحوق مع أونصة واحدة (30 مل) من الماء.
إذا كنت تشعر بالإبداع ، يمكنك حتى تجربة مخفوق الماتشا لاتيه أو البودينغ أو عصائر البروتين لتعزيز المحتوى الغذائي لوصفاتك المفضلة.
منتجات قد تهمك أيضاً : عشبة العشرق للتنحيف 50 جرام
متى يشرب شاي الماتشا؟
لأن شاي الماتشا يحتوي على منبه وهو مادة الكافيين فيستحسن ألا يتم شربه في فترة ما قبل النوم لما قد يسببه ذلك من نشاط وأرق أو صعوبة في النوم.
الفرق بين شاي ماتشا الاصلي والتقليد
يمكنك تمييز الشاي الأصلي من خلال ملاحظة العلامات التي يجب أن توجد فيه ومنها:
أن يكون على شكل مسحوق ذراته ناعمة جداً.
أن يحمل رائحة جميلة وعشبيّة.
أن يكون لونه أخضراً زاهياً بشكل واضح، أما إذا كان لونه أصفر أو بني أو أخضر باهت فمعنى ذلك أنه قديم أو مغشوش.
كيف اعرف شاي ماتشا الاصلي
للتمييز بين شاي الماتشا الأصلي والمقلد، يمكنك مراعاة النقاط التالية:
اللون: يجب أن يكون لون شاي الماتشا الأصلي أخضر فاتح ونابض بالحياة. الألوان الباهتة أو الداكنة قد تشير إلى جودة منخفضة أو قِدَم المنتج.
الملمس: يجب أن يكون الماتشا ناعمًا جدًا ويشبه البودرة. إذا كان خشنًا أو متكتلًا، فقد لا يكون أصليًا.
الطعم: شاي الماتشا الأصلي له طعم غني ومعتدل مع قليل من الحلاوة وبعض الحموضة. إذا كان الطعم مرًا بشكل مفرط، فقد لا يكون ذا جودة عالية.
الرائحة: يجب أن يكون للماتشا رائحة عشبية وطازجة. إذا كانت الرائحة باهتة أو غير موجودة، فقد يكون ذلك مؤشرًا على قِدمه أو جودته المنخفضة.
المصدر: الماتشا الأصلي يأتي عادةً من اليابان، وخاصة من مناطق مثل كيوتو ونيشيو. تحقق من العلامة التجارية ومصدر الشاي.
التغليف: يجب أن يكون التغليف محكم للحفاظ على النكهة واللون. تجنب الماتشا المعبأ في عبوات غير محكمة الإغلاق أو التي تسمح بمرور الضوء.
للأطلاع على المنتج من منتج باشا سراي
شاي الماتشا الاصلي — 20 كيس
0 notes