New Post has been published on https://www.nicepedia.com/%d9%83%d9%84%d9%85%d8%a7%d8%aa-%d8%a7%d8%ba%d9%86%d9%8a%d8%a9-%d8%ad%d8%a8%d9%8a%d8%a8%d9%8a-%d9%8a%d8%a7-%d9%8a%d8%a7%d8%b1%d8%a7/
ليه اغنية جبار لحليم من اكتر الاغاني اللي بحبها ..
اولا لانها استفزت ابويا وشايف انها شديدة وكلماتها قاسية وانا ابويا مفيش حاجة تستفذه او تثير انتباهه بسهولة😂
ثانيا باة لظروف كتابتها وثالثا لكلماتها ..
مبدئيا اغنية جبار هي اغنية من ضمن اغاني فيلم "معبودة الجماهير" بتاع حليم وشادية، واللي ميعرفش الفيلم ببساطة كومبارس فقير حقير ضئيل (بصوت بوشكاش) بيحب بطلة غنية، بيتخزوق، بتجيله فرصة، بيتغني ويقب ع وش الدنيا وهي بتندم -كليشيه اوي- ..
واغنية جبار دي باة هي اهم اغنية اتكتبت، لانها اللي المفروض بيظهر فيها مشاهد تحول حليم من الفقر للغنى، وعشان دة مكانش ف حسبانهم فالاغنية جت ع فجاءة انها لازم تتكتب وتتلحن ف يومين وقد كان، المهم كتبوا المقطع الاول والتاني عرضوه ع حليم قالهم : اية الاغنية التوتو دي انا عاوز اخد حقي انا متبهدل طول الفيلم انا عاوز اشردها عاوز افضحها عاوز اثبتلها ان لا يا رحاب الزيت كتير المهم الرجالة اللي بتدهن، فكتبوله المقطع الاخير ولا عزاء لشادية 💔
وبعيدا ع الفيلم فاغنية جبار دي بتعبر ع مراحل ما بعد الخازوق واللي مر بيها جميع المتخزوقين ع مر العصور باختلاف المكان والزمان 💔
حاجة كدة زي كاتالوج ما بعد الصدمة
تعالوا باة نتكلم ع الكلمات، بتبدأ الاغنية ب (جباااااااار) اللي مكانتش هتتحط بس قالوا يحطوها يعني كدخلة كدة،
بيبدأ يصف قد اية هو جبار الخازوق سواء ف القسوة اللي نفخته او الرقه اللي سحبته (حسبنا الله ونعم الوكيل 💔)
"خدعتني ضحكته،وخانتني دمعته، وما كنتش أعرف قبل النهار ده. إن العيون دي تعرف تخون بالشكل ده، ولا كنت أصدق قبل النهار ده. إن الحنان يقدر يكون بالشكل ده" : {{وكعادة اي ضحية خازوق بيبدي استعجابه ع قدرة الشخصية السيكوباتية الحقيرة ف التمثيل عليه 💔}}
"عرفته قد ما عرفته ولا عرفتوش. وشفته قد ما شفته ولا فهمتوش. كان بيقول لي أحبك أيوه كان بيقول. وأنا من لهفة قلبي صدقته، صدقته على طول.. كنت أشوف وأسمع وأحس بقلبه هو. كنت عايش مش عشاني عشانه هو." : {{اللحظة باة اللي بتفتكر فيها قد اية انت كنت مغفل وعبيط 🙂}}
"وما كنتش أعرف قبل النهار ده. إن العيون دي تعرف تخون بالشكل ده. ولا كنت أصدق قبل النهار ده. إن الحنان يقدر يكون بالشكل ده" :: {لحظات استعجاب كتير} (( معلش المرحلة دي بتاخد وقت طويل شوية ع ما تقدر ت overcome it 😂))
"يا معلمني الحب ياريتني. ياريتني ما تعلمته معاك ولا شفته. ليه تخدعني ليه. ليه خليتني أنسى الدنيا وأعيش بحلاوته"". :: {{لحظات لعن اليوم اللي شوفت فيها الشخصية بنتال*** دي}}
""ده ما كانش في اثنين زينا. شافوا اللي شفناه في حبنا. الحلم كنا بنحلمه ونكمله من بعضنا. الحلم كنا بنحلمه ونكمله من بعضنا. ليه، ليه، ليه. ليه تصحيني في وسط الجنة بنار. نار ودموع. كنت إرحمني وسيبني شوية أعيش. أعيش مخدوع."" : {{الذكريات بنت الكلب اللي بتيجيلك والاوفر ثينكنج بتاع بليل اللي هو (( ماذا لو كنا كملنا دة يانهار هيبقى شبهي وشبهك )) }}
"" قلبي قول للحب إبعد عن طريقي. أي حب جديد يا ويله، يا ويله من حريقي"" : {{مرحلة العقد والامراض النفسية وال trust issues}}
"لو حصادف قلب مخلص. مش ح أمن له وأصونه. وإن ضحك في عينيه ح اضحك. وأخدعه ويمكن أخونه. زي غيرنا ما باع. نبيع عمر الهوى وعهده. زي قلبي ما ضاع. تضيع كل القلوب بعده. زي غيرنا ما باع. نبيع عمر الهوى وعهده.""" :: {{لحظة التحول للشخصية التوكسيك بنت الكلب ذات نفسها }}
"" ولا أقول لك لا يا قلبي. ليه نلوم على الحب ليه. ده اللي خانك خان شباب الحب. خان وجار عليه."" : {{لما تفتكر تربية اهلك ليك وتقرر ان لا احنا مش زي الاشكال دي يا قلبي، فتبدأ لحظة الشفاء وال overcoming بمساعدة دعاء الوالدين والشاورما ومسلسلات نيتفليكس وقليل من الاونلاين شوبينج ❤❤❤}}
في الحب نستطيع التعايش مع كثير من الامور التي لا نرغب بها، يمكننا تقبل الكذب وتجاهل الخداع، لكن الشك هو الجحيم الحقيقي الذي لا يمكننا تجاهله او التكيف معه، انه كافي ليقضي ع اي امل ف الاستمرار، كملاك الموت يقف دائما بمكان ما، يكفي ان يلوح ظله بالافق ف يخيم اللون الاسود عالمك ...
ذات ليلة كنت اتصفح الانترنت وجدت اغنية تركية اعجبتني، كلماتها كانت غريبة لم افهمها وقتها، ظللت اسمعها وانا لا افهم معنى كلماتها ولكني كنت مستمتعة بها، ومرت الايام وعشت تجربة، ووقتها سمعت الاغنية وكأنني لم اسمعها من قبل، كل كلمة لم تكن تمر ع اذني بقدر ما كنت اشعر انها تخرج من قلبي، وكأنها جزء من روحي او خلقت من اجلي انا فقط، رسالة من القدر لي انني لست وحدي من عاش ذلك الشيء، ان احدهم تألم مثلي وانبثقت من معاناته تلك الكلمات ...
لا اعرف لما تذكرت تلك الرواية لاثير النشمي التي قرأتها لها منذ سنوات، تفاصيلها العميقة وتأثيرها علي وقتها مازال موجود، لما اتخيل يوما انني قد اقترب من احداث تلك الرواية في الواقع..
لقد كرهت "عزيز" وبنفس كرهي له كان اشمئزازي من "جومانا"، كيف تفعلي ذلك بنفسك يا حمقاء، طوال الوقت كنت غاضبة منها، اكان غضبي منها لانها كانت حمقاء بالفعل ام اني خفت ان اكون مثلها بالمستقبل ؟!
لطالما تسائلت، كيف بعد كل هذا التقدم والاختراعات لم يستطع العلماء اختراع آلة تحكم بالمشاعر، او اصدار لقاح يشفيك من سم حب خبيث، او ترياق يعيد لك عقلك عندما تفقده بعد ضحكة احدهم !
ليت العشق كان مرض معدي، فيحبوك بنفس قدر حبك لهم، ويا ليته كان ضعيف فيموت لو لم يتشاركه الاثنين، ولكنه قوي يحييك ويميتك ويقلب عالمك وحدك بينما الاخر لا يأبه بك ..