#ايه القمر ده؟

[sobeksewerrat]

انا عايز اصدق ان جايك بيعرف يكلم عربي و كل حاجة بس بيمثل عشان هو حاسس ان الموضوع بيضحك لما صحابه يتعصبوا من غباؤه

هو ازاي عارف عربي؟؟ هو من جزر القمر بس محدش يعرف و هو مش في دماغه انه يقولهم

كلهم فكرينه امريكاني 😭😭

انا عارف ان محدش غير روري فاهم الpost ده بس سؤال مهم : هي "فريك" بالعربي تبقى ايه؟؟ عشان فريك بالعربي هو البتاعة الخضرة الي بنحوتها في الفراخ و البط و الرومي مش الدحيحين او الغرباء 😭

#freakblr #the music freaks #tmf #rosyblr #freakblr/rosyblr #sewer dump #sobek's dumpster #arabic-posting for once #tmf jake #jake tmf #arab freaks au #the arab freaks

[elsoltansworld]

‏الفرق بين أم كلثوم و فيروز زى بالظبط الفرق بين بنت جامعية بالعشرين بربيع عمرها و بين زوجة ملهاش دقايق منيمة أطفالها وبترتب البيت بالليل قبل ما تروح تنام .. فيروز بتغني للبدايات .. للحبيب اللي مفهوش عيوب ولو فيه عيوب فهي مش شايفاها ولا عايزه تشوفها

‏بتغني للحب الغير منطقي اللى يخلي بنت قاعدة عشر ليالي على السطح سهرانة علشان تجيب لحبيبها القمر .. الحب الأسطوري اللي بتتخيله البنات قبل ما الحياة تديها الخبرة .. حتى صوت فيروز المرهف وجسمها النحيل لايقين على رقة الكلام و التشبيهات الناعمة اللى بتشبه فيها الحبيب الحلو المغرور..

‏حتى أحلامها وطموحاتها في الحب بريئة وشفافة .. وقفة فيروز كمان ع المسرح وراسها شامخ وأنفها مرفوع للسما كل ده بيشبه اعتزاز الصغيرات بأنفسهن .. لسه ما اختبروش الحياة كويس ولسه ما شافوش شئ من الدنيا غير اللى بيخليها مقتنعة إنها عصفورة الساحات ..

‏على الجانب الآخر أم كلثوم في أغانيها هي الست اللى “ قطار الدنيا داس عليها رايح جاي .. ” بتغني للحب الصعب اللى مليان تجارب مريرة عارفة عيوب حبيبها وبتغنيلها وبتعترف فيها و عزة نفسها مانعاها .. اللى عاشت تجارب مرة باينة ف صوتها الساخر لما بتقوله ولا فاكر كلمة حتعيد اللي كان ..

‏أم كلثوم بشكلها المتعارف عليه ف تسجيلات حفلاتها اللى وصلتنا هي امرأة راسخة بتقلها ع المسرح وفي الحياة بتغني للعِشرة والسنين الطويلة وافتكرت فرحت وياك قد إيه .. بتغني للعمر اللي بينهم اللي عاشته..

‏بتحب وبتتألم بس بتعترف صالحت بيك أيامي سامحت بيك الزمن ..

‏أم كلثوم شبه ست متجوزة و عندها ولاد و عارفة قد ايه الجواز مرهق عمرها بالأربعينات فاهمة الدنيا صح وحتى حرقتها و هي ماسكة المنديل وبتغني من قلب قلبها بتشبه بالظبط شكل ست أربعينية و هي بتتخانق مع زوجها اللى بتحبه ..

‏فيروز بتسمعها و المزاج رايق

‏ام كلثوم بتسمعها عشان تروق مزاجك

‏فيروز ضعيفة بحبها من انصار انه مفيش كرامة بالحب..

‏ام كلثوم قوية و متماسكة و من انصار انه الحب هو الكرامة..

‏أم كلثوم و فيروز بيغنوا للحب .. بس الحب انواع. ‏‏‏‏

[a-3asfoor]

مين القمر اللي في الافاتار ده 🙈❤️❤️

هتعاكسني ولا ايه 😂❤️️❤️️

بحبك ❤️️❤️️

وبعدين انت متمشيش بعد كده الا لما تعرفني ؟ أو متمشيش خالص

[jooo-e]

لا ثانية واحدة كده عاوزين نفهم ايه القمر ده ❤️😍

[disappointedaf]

مرة روحت خطوبة واحده قريبتى و كانت هى زى القمر لابسه فستان منفوش و جميلة و فرفوشة .. و وقتها انا اخترت بالذات البس فستان هادى و بسيط عشان ما يحصلش بينا اى نوع من انواع المقارنات و عشات اليوم ده يومها هى و هى اللى تتبسط بيه و يبقى ال spotlight عليها هى بس .. برغم نيتى دى و حتى ان كلامى كله كان بصوا شوفوا هى زى القمر ازاى .. الا ان كل قرايب ماما كانوا مبهورين بفستاني و بساطته و قعدوا يمدحونى و برضو يقارنوا ! و فضلت اقولهم لا دى هى زى القمر و واحده الجمال كله لوحدها و اقلل من نفسي لاقصى حد .. بس استيل برضو شافونى حلوة و ابسط .. انا بقى ف الوقت ده لما روحت قولت هو ايه المشكله ؟ انتى نيتك حلوة و كل حاجه بس ليه بتقللى من نفسك؟ ليه لما حد يقولك حاجه حلوة ما بتآخديهاش و تسكتي لازم تقاوحى و كأنك بتحاولى تقوليله لا انا مش زى ما انت شايف انا ربنا ساترنى و عندى عيوب كتير ! طب يا ستى ربنا سترك و ستر عيوبك و اظهر جمال معين فيكى .. ليه ما تثقيش ف نفسك شوية؟ ليه ما تقوليش شكرا؟ ليه ما تصدقيش ان فيه ناس فعلا بتحبك بكل حاجه عشان روحك مش عشان عايزين منك حاجه؟

[invisibleguest919]

يعني معرفش في حد زي ولا لا بس انا لازم كل يوم ادخل بلوجي واقيمه ،يوم اقول ايه القمر ده ،يوم اقول اي العشوائية دي ،يوم اقول اي النكد ده ،يوم اقول اي التفاهه دي ،يوم اقول اي الدوشه دي ،يوم اقول اي العظمه دي،يوم اقول اي الهدوء ده وفي ايام بتبقي ميكس بقي بين كل ده وفشلت للمره المليون في فهم نفسي 🚶‍♀️

#انا بعتذر حقيقي ،شكرا انكوا مستحملني😂😂😂

[fozdoaa]

...حلف القمر يمين وقالى ياحلو ساعه ماشافك فى الحسن لا قبلك ولابعدك .

صحيت انهارده بإحساس غريب كنت حاسه انى عايزه اخد هدنه من دماغى وشغلى وحياتى والتزاماتى كنت عايزه استمتع بالاشيئ وبس كده .

منزلتش الشغل 💃

...على الضحكايا على يا ام الضحكايا حكايا

كنت صاحيه بإحساس مبهم جوايا سيبت نفسي ليه حقيقه فى الاوقات دى بسيب نفسي للإحساسي فعلا كأنى مغمضه عينى وماشيه وراه واللى عايز يعمله بسيبه يعمله ،سشورت شعرى وعملته ضفيره وحطيت توكه صن فلور قمررر

...زاد الحلا جدايل سود حلى الكرز فوق شفافك ياقمر.

كان جوايا رغبه انى اكون vulgar فروضتها واخترت مانيكيور نبيتى ايووه نبيتشى (الحمد لله اننا بنسيطر) طبيعتى بحب الألوان الهاديه فى المانيكيور بس نبيتى يالوزه !! توداى يو ار فرى واى نوت .

...بعدك لمين لمين الزهر بينحنى وبتشرق لمين شمسك يادنيا؟

فطرت فطار ان هيلثى بس كان بمزاج ورواق وقررت انزل الجيم ،ماكنتش عايزه احط ميكب كنت حابه اكون بطبيعتى قوى (دعونا نتحرر) لبست تى شيرت بتاع ياسين واكتشفت ان اوقات توترى او اللى ببقى دماغى مشغوله او مفتقده لإحساس الأمان بسبب سحله دماغى بلجأ لهدوم ياسين (يديم حسك وروحك فى حياتنا ياسمسم يارب) وكأنه انا كده بقيت فى امان

....كتر من قربك كتر على قلبى ياسيدى اتشطر.

الكابتن لما شافتنى قالتلى ايه القمر ده وحقيقه كان شعور مرضى جدا ليا خاصتا انى ويز اوت انى ميكب ،احساس شعرى وهو بيطير معايا وانا بتمرن كان مدينى احساس رهيب بالحريه والطاقه كأن الباور بتاعى كان بيعلى بيه .

... والهوا طاير طاير يلعب بهالضفاير .

شاور سخن وماسك وبدى سبلاش كانوا كافيين يظبطوا المود قووى .

... مش هتلقى حد بعدى يفهمك مهما تهرب ذكرياتى هتألمك .

عملت انا سلطه الغدا .تعرفوا ان سلطتى جميله قوى؟

...ان شئت أرحل لن اعود الى سراب واهيم فى دنيايا احترف الغياب!

اليوم عدى باقل مقدار من المجهود والتفكير وحقيقه ست البنات راضيه ومرضيه يارب

[act-v]

تقريبا دي كانت أكبر اجازه اخدتها حوالي ١٦ يوم زي القمر

هنبتدي بكره شيفت جديد ف اسيوط و يارب ما اروح العين السخنه

Saddest Train ever...

انا مش عارف ليه روحت ف القطر دا ايه الحزن ده

مواعيد الشغل لسا قذره زي ما هي و هوصل واحده بالليل و هصحي اربعه و نص.

هنعمل plan أن شاء الله و هيكون شيفت عباره عن ٢٠ يوم كلهم مثمرين...

#Act V

[beautysofia]

جماعة أنتوا مش أغراب أنا جاية أقولكم أن فيديو الطيار الي فجأة والدته في الطيارة أول ما شفت الفيديو قلت إيه ده ايه القمر ده و حسيت إسمه عبد الرحمن كده المهم كنت قافلة الفيس خالص فتحته جبت اسمه من الفيس و انستا و طلع اسمه عبد اللّٰه! بس أنا حقيقي كرقية بقع في حُب اللحظات اني اجيب اكونت شخص مجهول اعرف برجه عيلته كلها صوره من يوم ولادته اهتماماته و افكاره بس يعني أنا كل مرة بعمل الحوار بنبسط واللّٰه الجديد بقي إني بقيت بدخل على LinkedIn كمان!😂♥️

[zahraa17]

والله الواحد ما عارف هو مرتاح و هو سينجل ولا تعبان علشان لوحده و محتاج حد معاه ولا ايه القمر اللي هناك ده كمان

[rims-mind]

صباح السكر.. اعتراف لا نخجل منه،

انا بحب اكونتك مريح و جميل ، و انتي جميلة يا ريم

حب السمر يا سيدي غلاب معلش 😂🤎😘

ياصباح القمر والله، ايه الكلام الحلو ده بس

والله انتي اللي جميلة وعيونك حلوين.. ♥️

ربنا يجبر بخاطرك ياست البنات 🥰

[ma-15-zen]

بتقولي بخاف نمشي ونبعد ده الهوى جبار يلعب بينا

خايف من ايه فيه اجمل ايه من حضن الحب يدفينا

وتقولي شوف القمر ويايا شوف القمر اللي كل العاشقين سهروا الليالي ليه

حلو القمر حلو بس احنا أحلى من القمر ❤️

[me-nna1]

ايه الجو الجامد ده وايه المطره القمر دي 😍🤍🤍🤍🤍🤍

[saraadel1]

انا بفرح اوي لما الناس هي الي بتصور شغلي بتبسط وبحس ان ايه ده الله ايه الشغل القمر ده 😂🤎

[haleskii]

القمر ليه مش فاتح العام

مش فاهمة، ايه العام ده؟

[shimaaabdelrahman]

ماما بقالها كام يوم اول ما تلاقيني صاحيه من النوم الاقيها تقولي ايه القمر اللي طال عليا الصبح ده ابقى واقفه في المطبخ الاقيها بتقولي ناوليني الملح يا قطتي! فأقولها ايه يا ماما ده انتي شاكلك راضيه عني اوي 😂

تقولي انا بحبك اوي هو انا ليا غيركم 🥺🥺

نخلي المعامله دي كل يوم والنبي عشان انا على اخري والله 😭😭😭😭😭