Tumgik
khargny-in-egypt · 2 years
Photo
Tumblr media
‏‎رابطه الناس اللى بتحب الرايس أند بوتيتوس ويز تشيكن جدا ♥️‎‏ https://www.instagram.com/p/CavZ2V9Mfs5/?utm_medium=tumblr
0 notes
khargny-in-egypt · 2 years
Photo
Tumblr media
‏‎IL CAMPO المشكلة الوحيدة في المكان دا إنك مش هتبقى عايز تمشي و ترجع البيت 😄 فسحة ممتعة للعائلة كلها على النيل🌊 و يوم كله انشطة ترفيهية و كمان هتشوي و تلعب و تتصور .📸 الكامبو عبارة عن مكان كبييييير كله Open air عالنيل 🌅 تستمتع فيه بجمال الطبيعة، و كل مجموعة "اسرة او صحاب" بيكون ليهم مساحة خاصة بيهم فيها خصوصية و كمان شواية جاهزة بالفحم 🔥 يعني انت هتروح معاك الحاجة اللي هتشويها وعلى فكره لما تاكل حاجة إنت اللي شويتها بنفسك بيبقى ليها مذاق خاص 👌 النصيحة الذهبية بقى انك تروح بدري عشان تقضي اليوم من اوله، و تتصور براحتك في كادرات التصوير "ببلاش" و كمان الاولاد يلعبوا براحتهم في الكيدز اريا و دي كمان "ببلاش" دا غير إن بيكون في انشطة كتير على مدار اليوم زي المسابقات و الالعاب الجماعية اللي بيقدمها فريق الكامبو في منطقة الانشطة و من الحاجات المميزة اوي في il Campo لعبة الكاياك 🛶 اللي هي مركب بمجداف "في منها فردي و زوجي" و في كمان العاب مائية كتير و زودياك ممكن تأجره مع اسرتك او اصحابك و تاخدوا جولة خاصة في النيل ممكن نأجر صناره و تصطاد سمك 🎣 و هما بيوفرولك الطعم مع الصنارة و ممكن كمان تتعلم مهارة التصويب بالقوس و السهم 🏹 سواء للكبار او الاطفال و كمان بيعملوا جولة للاطفال "مجاناً" في مزرعة الحيوانات الأليفة مع المشرف و الطفل يأكل الطيور مكان عائلي من الدرجة الأولى☝️لكن دا ميمنعش انك ممكن تروح مع اصحابك او زمايلك في الشغل و تغيروا روتين الخروجات و كمان مناسب جداً للاحتفال بأعياد الميلاد * تفاصيل الاسعار في الصور بالتفصيل رقم الحجز: 01093455959 المكان: الجيزة، بعد نزلة الدائري في اتجاه المنيب عند يافطة اهلا بيك في ابو النمرس، قريب جدا من محطة مترو المنيب‎‏ https://www.instagram.com/p/CaHAGe6Mue8/?utm_medium=tumblr
0 notes
khargny-in-egypt · 2 years
Photo
Tumblr media
‏‎Daddy's Burger الحقوا Daddy's عامل اى ساندوتش تاخد عليه التانى هديه من اللى تختارة 🏃‍♂️🏃‍♀️🏃‍♂️🏃‍♀️ حاجه مينفعش تستنى الكلام دا ((كل يوم)) من الساعة ١١ الصبح لحد ٣ العصر في كل فروع داديز (( مفيهاشحاجة لما تفطر منه )) 😍😍 عايز انت تاكل الاتنين " بألف هنا و شفا" ممكن تاكل واحد و تعزم حد عالتاني، او تقسمهم مع صحابك دي بقى بتاعتك 🤗 اختار أي ساندوش يعجبك، عندك في المنيو اكتر من ١٨ ساندوتش لحم (150/200جرام) أو أي فراخ Single و هوت دوج 🌭 ساندوتش البيف في منه نوعين Smashed و دا بتبقى شريحتين لحمة "الاتنين مع بعض ١٥٠ جرام" او ممكن تطلب ال Gourmet دا بقى شريحة واحدة ٢٠٠ جرام 🍔 و نصيحتي جرب الاتنين دايما بفضل ال old school و في انواع تانية كتير فيهم اختراعات بالبيف بيكون 🥓 ،بصل مكرمل، البسطرمة .. و كل واحد فيهم ليه تركيبة مختلفة و من اكتر الحاجات اللي بتميز ساندوتش داديز إنهم بيعملوا الساندوتش في عيش "بريوش" و دا لوحده كفيل انه يخليك تستمتع بكل قطمة من أول الساندوتش لاخره و في عرض كمان شغال طول اليوم (ب٦٠ جنيه شامل الضريبة) تطلب ساندوتش كومبو 🍔🍟🥤 بيطلع معاه بطاطس ويدجيز رهيييبة 👌😍 و تقدر تستفيد بالعروض دي سواء في المطعم، تيك اواي و كمان الدليڨري 🛵 بس الحق عشان العروض دي هتخلص يوم ٢٨ فبراير و دي فرصة متتفوتش بصراحة 🤩🤩 رقمهم 16698 العنوان زيارتنا كانت في فرع التجمع في مول الباتيو و ليهم فروع في الشيخ زايد، مدينة نصر، الدقي، اكتوبر، المعادي، نصر الجديدة‎‏ https://www.instagram.com/p/CaE6IdZMeS5/?utm_medium=tumblr
0 notes
khargny-in-egypt · 2 years
Photo
Tumblr media
‏‎Abu Khaled Restaurant-أبو خالد السعادة تتلخص شوية كرنب مع حتتين ممبار رفيع مقرمش وطبعا مشويات 😍😍 أكلة المشويات دي أكلة مزاج .. فا لما تكون نفسك رايحة للاكلة دي لازم تحسن اختيار المكان الصح 👌 و خليني اقولك إن (( ابو خالد )) بقاله سنين مسمع جدا في اكتوبر، و دلوقتي فتح فرع كبير في الشيخ زايد، الشهرة دي ميزة بس في نفس الوقت خلتني اروح و انا سقف طموحاتي عالي اوي .. يعني اختبار مش سهل خالص و الحقيقة إنه فعلا تخطى توقعاتنا بكتير .. يعني كلمة مشويات ممتازة دي شوية عليه .. الناس دي محترفين و عاملين الاكل بصنعة و فن يخليك مستمتع بطعم كل حاجة و عشان تعرف سر انبهارنا بيه هنقولك على كل حاجة طلبناها و تقيمنا لكل صنف مبدئيا كدة دا احنا كنا طالبين شوايتين فيهم كباب، ريش، طرب، كفتة و شيش طاووق .. طريقة تقديم الشواية و الدخان طالع منها بريحة الشوي هيخطفوك و يفتحوا نفسك اكتر الريش طرية زي الجاتو و فيها سنة حلاوة كدة ت��ليك تتمزج اوي، الكفتة رهييييبة "احلى كفتة في مصر" 🏆 يستحقوها بجدارة 👏👏 الحمام المحشي كمان مزيكا و خلطة الرز طعمة اوي، الملوخية 😍😍 احنا كنا طالبين طاجنين ملوخية مفضلش منهم نقطة واحدة من جمالها، و كان في طبق محاشي ميكس ورق عنب و كرنب في نص الترابيزة عشان دا Share و من الحاجات المنيزة اوي انهم بيعملوا "ممبار ضاني" دا مش هتلاقيه عند أي كبابجي، احلى حاجة إنهم ظابطين كل التكات اللي تخليك تونون من الاكل زي اللون البرونزي و شوية الرز المقرمشين اللي في الأطراف ❤️ بعد الاكل هات براد شاي مع كنافة بالقشطة و بكدة اضمنلك انك توصل لمرحلة فرط اللذة 😂 و تقوم مستمخمخ و راضي عن كل جنيه دفعته رقمهم 01094848483 العنوان الشيخ زايد، وصلة دهشور، ما بين بوابة ٤ و ٥‎‏ https://www.instagram.com/p/CaAQUfIsU6M/?utm_medium=tumblr
0 notes
khargny-in-egypt · 2 years
Photo
Tumblr media
‏‎Phi Salt Cave الصور دي مش على سطح القمر ولا اكتشاف كوكب جديد😍😍 دة مكان تدخله ب ٥٠ جنيه انت مش هتحتاج تسافر خالص دا في مصر الجديدة، بس فعلا اول ما تدخل ((كهف الملح)) هتحس إنك في كوكب تاني خالص و تفضل منبهر بكل التفاصيل المكان دا بالكامل مبني بقوالب ملح من سيوة و الملح دا ليه خصائص مفيدة جداً صحيا ممكن تتعرف عنها اكتر من Google انت بتفصل تماماً عن العالم الخارجي هدووووء تام مفيش اي صوت غير موسيقى هادية مع إضاءة خفيفة مريحة للعين، طول الجلسة بتدفن رجلك او جسمك كله في الملح و دا بيساعد جدا أنك تسترخي تماماً 😌 دا غير ان استنشاق غبار الملح "ريحة البحر اللي بنحبها" مفيد جدا ، و دفن الرجل في الملح بيسحب الرطوبة من الجسم و بينشط الدورة الدموية لدرجة إنك هتحس إن رجلك بتنبض طول ما هي في الملح .. مش متهيألك دا حقيقي عشان تستفيد اقصى استفادة متستخدمش الموبايل ولا تشغل بالك بأي حاجة، استمتع بجرعة استرخاء و تأمل Meditation و ممكن في الاخر تتصور كام صورة كإنك في كهف جليدي او في الفضاء الخارجي 👨🏻‍🚀 لو مش مقتنع بالكلام دا و مش مصدقه .. عندك حل من الاتنين: يا تعمل Search 🔎 و تعرف المعلومة بنفسك يا اما تروح تعيش التجربة بنفسك الجلسة ب ٥٠ جنيه دفن الرجل في الملح لحد الركبة الفترة دي عاملين 50 % "اي جلستين بنص السعر" و بيعملوا كمان جلسات حجامة "في اوقات معينة في الشهر" لتنشيط الدورة الدموية او جلسات علاجية بتساعد على خروج الدم الفاسد من الجسم و دا بيفرق جدا صحياً في حالات كتير زي التهاب المفاصل و الصداع و اللي بيعمل الحجامة طبيب متخصص و الادوات المستخدمة بتتفتح لاول مرة قصادك و بعد الجلسة بتترمي "استعمال مرة واحدة فقط" ممكن كمان تشتري Salt Box 🎁 فيه اباجورة ملح، صابونة زيت زيتون، صابونة ملح و شمعة اباجورات الملح ب ٢٢٥ بدل ٣٥٠ جنيه * على فكرة كهف الملح دا مفيش ليه أي فروع تانية في مصر لازم تحجز قبل ما تروح، رقمهم 01101166303 العنوان: بلوك رقم 1122 شارع عبدالحميد بدوي، بجوار بنك الاسكندرية و بنك تنمية الصادرات، و فندق راديسون بلو، مصر الجديدة، شيراتون‎‏ https://www.instagram.com/p/CZ_xdhWskjA/?utm_medium=tumblr
0 notes
khargny-in-egypt · 2 years
Photo
Tumblr media
‏‎Capilo فطار فى أجواء اكتر من رائعة فى مصر الجديدة الاسبوع دة الأرصاد بتقول الجو مشمس وحلو يبقى ننقى مكان مفتوح ونقعد قعدة حلوة عشان متحتارش هنقولك 5 اسباب يخلوك تروح Capilo في مصر الجديدة على طول 😍 1️⃣ مود الفطار حلو اوي و عندك اختيارات كتير اسعارها تبدأ من ٥٠ جنيه، فطار كابلو اومليت و شيدر و توست و بطاطس، او فطار شرقي "فول و طعينة و بيض و جبنة بالطماطم او فطير مشلتت مع عسل اسود و طحينة 2️⃣ اختيارات الغداء كتيرة و متنوعة، باستا بلونيز ب 75 جنيه، باستا الفريدو ب 80، و في أطباق رئيسية زي الكوردن بلو و أصناف تانية كتير بأسعار مناسبة .. تختار منهم اللي يعجبك 3️⃣ ال Drinks مميزة جدا جدا .. خد لفة في الصور كدة هتلاقي Milkshake بيتقدم ب آيس كريم ميجا و في نوع تاني باللوتس و مشروب بغزل البنات و الفراولة و احلى حاجة ال Mix berry 🍇🍒 طريقة تقديمهم فيها فن 👏👏 4️⃣ المكان مساحته كبيرة جدا indoor و الديكورات شيك اوي، و ال outdoor كمان فيه شاشة كبيرة بتعرض كل ماتشات الكورة كانك في الاستاد و كمان في دفايات عشان تقعد بالليل براحتك مش قلقان من البرد 5️⃣ عاملين جزء خاص بأعياد الميلاد جاهز بالزينة 🎈🎂 كل اللي هتعملوا انك تتصل تحجز و بعد كدة تروح مع اصحابك تنبسطوا سوا رقمهم 01009955553 العنوان ٨٢ شارع الثورة بجوار مكتبة سمير و علي، و أمام بنك QNB‎‏ https://www.instagram.com/p/CZ9JiyyM4hp/?utm_medium=tumblr
0 notes
khargny-in-egypt · 2 years
Photo
Tumblr media
‏‎Antakh Lounge فى شارع الدقى الجاتبيه الهادية هتلاقى مكان على الطراز العتيق من اول بوابته لحد ادق تفصيلة جواه و هتلاقي المكان اسمه ((انتخ)) في شعور رهيب بالراحة و الروقان كدة من الاسم بس .. اول ما تدخل هتلاقي ديكورات مميزة اوي زي ما تكون Cowboy 🤠 في ولاية تكساس في امريكا و طبعا في كنب لزوم الانتخة 🤩 و في قعدة outdoor الفطار بيبدأ من ٤٠ جنيه "اسبانش اومليت" 🍳 اومليت بالمشروم، على خبز لوف مع فلفل الوان و جبنة كريمي مع نقانق محمرة و ممكن كمان تطلب "مورنينج انتخ" فول، طعمية، بطاطس، اومليت، جبنة فيتا بالطماطم و بيتقدم معاه براد شاي بلبن .. ب ٦٠ جنيه و زي ما المكان بيبقى حلو و هادي بالنهار، بالليل بقى بيبقى في حركة حيوية جدا .. هتلاقي أصناف كتير متنوعة زي البيتزا و الباستا و الكوردن بلو و البرجر لكن لو عايز حاجة مميزة اوي ممكن تجرب اناناسة السي فود 🍍😍 الشيف بيجيلك معاه اناناسة مليانة ميكس سي فود و يفضيها قصادك في طاسة سخنة جدا فا تعمل بخار و ريحة الاناناس تجنن على فكرة" انتخ" من زمان و هو Spot للخروجات في وسط شباب المهندسين و الدقي و العجوزة لانه فاتح من زمان و عدى عليه أجيال كتير، بس جدد المكان دلوقتي بالشكل الجميل اللي في الصور * مش بتدفع ضريبة زيادة .. بتدفع خدمة بس رقمهم 01285655555 العنوان ٩ شارع احمد المليجي، ابراج الخليج، بجوار مستشفى مصر الدولي و قريب من ميدان ڤيني في الدقي‎‏ https://www.instagram.com/p/CZ61P87MF77/?utm_medium=tumblr
1 note · View note
khargny-in-egypt · 2 years
Photo
Tumblr media
‏‎Zayka انا قدام الشاورما المصرى اللى فى كايزر دى يضيع اى برستيج ولا تفرق ولد ولا بنت كل اللى قاعدين بيطلبوا كميات الشاورما المصري دي عشق و بتخلي أي خروجة أحلى 🤩🤩 الشاورما الفراخ ب ٢٠ و اللحمة ب ٢٢ جنيه اول ما توصل عند Zayka هتلاقي 3 أسياخ شاورما فراخ و لحمة دول عارفينهم و بنحبهم 😋 طب السيخ الاحمر التالت دا ايه؟ طلع شاورما سجق 😃 اختراع 😎 و عيش الساندوتشات 3 انواع .. كايزر 🍔 فرنساوي 🌭 عيش ريفي ايه العيش الريفي دا؟ اقولك يا سيدي عارف الراق الطري اللي في قلب الفطير المشلتت 😍 ده اقرب حاجه ليه خصوصا لما يتلف فيه اللحمة او الفراخ و ينزل يتحمص سيكة على الجريل و يطلع فيه سنة القرمشة الجميلة و قلبه بيفضل طري .. 🤗 الشاورما اللحمة بالطماطم و البقدونس و الطحينة و الفراخ بالتومية و الخيار المخلل .. السجق بيطلع سادة و ممكن انت تطلب الصوص اللي يعجبك لو حبيت بيعملوا كمان بطاطس محمرة برشة بهارات طعمها جامد اوي و لايقة مع الشاورما .. انصحك جدا إنك تدلع نفسك و تجيبها المنيو بتبقى متقسمة السعر بالساندوتش "قطاعي" او بسعر الجملة "٦ ساندوتشات" نص دستة 😃 او دستة "١٢ ساندوتش" لو حسبتها هتلاقي النص دستة و الدستة فيهم توفير اكتر المهم إنك لازم لازم تعمل حسابك بعد الاكل تجرب السكلانس اللى مختلف تماما عن اى حاجط لانه بيتعمل بالحلاوة الشعر مع القشطة والعسل 🍯 المكان نضيف و مكانهم حيوي جدا فسهل تعدي عليهم تخطفلك كام ساندوتش صفحة المكان : https://www.facebook.com/ZaykaShawermaEG رقمهم: 01060546070 العنوان: أول عباس العقاد تقاطع طريق النصر، أمام محطة بنزين مصر، مدينة نصر‎‏ https://www.instagram.com/p/CZzY1KssqFj/?utm_medium=tumblr
0 notes
khargny-in-egypt · 2 years
Photo
Tumblr media
‏‎Zomorod Restaurant لو فكرتك عن الاكل اللبناني تتلخص في الشاورما و الفتوش يبقى لسة فايتك كتير 🤩 المطبخ اللبناني في حاجة تضمنلك إنك هتستمتع بالطعم لما يكون الشيف نفسه لبناني؟ حتى التوابل و البهارات بيجيبها معاه من لبنان عشان تبقى بنفس الطعم بالظبط 👌 احنا اختارنا من المنيو "صحن مشاوي" ميكس جريل سيخ كباب و كفتة وسيخ شيش طاووق 😍 واخدين حقهم جدا في التتبيلة 👍. و اكتر حاجة عجبتني العيش بالخضار المشوي و إن التومية طعمها واضح و قوي جدا و على فكرة الحاجات دي بتدي عمق رهيب للاكل و بتخليك تتمزج اكتر بكل قطمة بتاكلها ❤️ جربنا كمان طبق (مزة ساخنة) نقانق "سجق" بدبس الرمان و البطاطس نوع الدبس ممتاز و تحس إن البطاطس مكرملة كدة و في توازن بين الطعم المسكر و المزازة 😋 في نوع بطاطس تاني في المنيو اسمه بطاطس بالكزبرة و معروفة بردو باسم البطاطا الحارة .. بتبقى عبارة عن مكعبات بطاطس محمرة و مقرمشة عليها رشة توابل مميزة جدا الاكل كله مظبوط مفيش فيه غلطة 👌 و واضح انهم مهتمين بأدق التفاصيل حتى الاطباق اللي بيتقدم فيها الاكل نفسها شكلها شيك اوي و الخدمة أكتر من ممتازة بعد الاكل دلع نفسك و اطلب بقلاوة بالفسدق مع استكانة الشاي الجميلة و استمتع بيهم و انت بتسمع صوت فيروز يعني حاجة في منتهى الروقان نصيحة: لما تروحوا مع اصحابكم جربوا أصناف مختلفة عشان تستمتعوا بالتنوع بيقدموا كاترينج لو عندك عزومة ممكن تطلب منهم الكميات و الاصناف اللي هتحتاجها و دي ليها منيو خاصة لبناني و international رقمهم 01017677666 العنوان داخل Club 7 القطامية هيلز، في التجمع الخامس، بجوار بترو سبورت مش لازم تكون عضو في النادي او ساكن في الكمبوند عشان تدخل‎‏ https://www.instagram.com/p/CZxGpkmMkiR/?utm_medium=tumblr
0 notes
khargny-in-egypt · 2 years
Photo
Tumblr media
‏‎اهى البشاير ابتدت تهل 😍😍 تخيلو إن الجمال والألوان والفوانيس والزينه بتاعت رمضان دي بدأت في الخياميه 😍😍♥️🌙 ألحقوا أنزلو وأشترو قبل الزحمه ورفع الأسعار 🙈♥️♥️ اللهم بلغنا رمضان لا فاقدين ولا مفقودين ♥️♥️ حي الغوريه اللي هيطلع من مترو العتبه من ناحيه شارع فؤاد يركب عربيه اللي بتروح الحسين وينزل الغوريه ويدخل شارع الغوريه من لاخره ويسال علي حي الخياميه by :Khadija A Jabbar 📸‎‏ https://www.instagram.com/p/CZkKJslM1YY/?utm_medium=tumblr
0 notes
khargny-in-egypt · 2 years
Photo
Tumblr media
‏‎أقل من دستة شاورما ميكفيش في جوع الشتا! 🌧 المكان: شاورما كايزر-Shawerma Kizer لو نفسك في شاورما مصري لحمة بالبصل و الطماطم و الطحينة و الطعم الأصلي في الشيخ زايد احنا جربنا مكان حلو جدا موجود في بڤرلي هيلز و ده فرعهم التالت عندهم فروع تانية اول واحد كان في نادي الشمس و التاني في شبرا ، روحنا بقي لقينا سيخ الشاورما العملاق و شكله لوحدة يجوع جدا و عندهم بقي. الساندوتشات بتكون في دستة يعني ١٢ ساندوتش او نص دستة او ربع دستة و بصراحة اقل من دستة شاورما مش هينفع في جوع الشتا ده 😋😋 و بمناسبة الإفتتاح هما عاملين عروض لفرع زايد يوم الخميس و الجمعة و السبت الدستة بيكون معاها دستة هدية 🎁 *العرض ده شغال ليوم ١٢ فبراير*😍 و في عرض تاني على الحواوشي 😍٣ ساندوتشات حواوشي سادة سعرهم ٩٩ جنيه. و بالمناسبة الحواوشي عندهم فظيع و تتبيلته حلوة قوي😋 و في اوفرز لكل الفروع بتكون ٣ فتة شاورما بتختار من لحمة او فراخ او ميكس ب ١٢٠ جنيه ده بيكون علي الديليفري و ال Takeaway. Quality الأكل حلوة قوي و طعم مميز لازم تجربوه 💯 المنيو: https://bit.ly/ShawermaMenu الفروع: - فرع زايد: مول E65 بجانب بوابة ٩ سوديك ويست بڤرلي هيلز أو كلمونا على: 01140295000 لوكيشن زايد: https://goo.gl/maps/d5LsHXidxkwdDKX29 - فرع شبرا : ٢٠١ شارع شبرا امام صيدلية العزبي محطة مترو سانت تريزا على: 01110657330 - فرع مصر الجديدة : داخل نادي الشمس بوابة ٢ صان رايز كورت على: 01115228653 الصفحة رقم واحد لترشيحات الاماكن في مصر .‎‏ https://www.instagram.com/p/CZg9eHzs911/?utm_medium=tumblr
0 notes
khargny-in-egypt · 2 years
Photo
Tumblr media
‏‎الاكلة اللي قدامك دي كلها مش هتكلفك غير ٩٩ جنيه ومفيش ولاخدمة ولا ضريبة ( اللى فى أول صورة ) مطعم الحضرة من اشيك المطاعم في القاهرة 👌 الديكورات حواليك كلها خشب متزين بالزخارف الاسلامية و النجف النحاس و في تفاصيل كتير اوي هتخليك منبهر بجمال المكان طلبنا وجبة ميكس جريل " كفتة و فراخ شيش و قطعة كباب و طاجن خضار مع شوربة و طبق مقبلات و٢ سلطة و مشروب" يعني بيتقدملك وجبة فيها 6 أطباق + المشروب كل دا ((ب ٩٩ جنيه)) على ابلكيشن وفرها - Waffarha و ممكن تحجز من اللينك دا على طول 👇 https://app-link.waffarha.com/8WcF2wjHMU الميزة كمان إن في اختيارات كتير متتوعة تقدر تختار منها اللي يعجبك، يعني ممكن تطلب ورك فرخة مشوي بدل الكفتة، و طاجن الخضار ممكن تختاره "ملوخية، بطاطس، بامية" و طبق المقبلات بيبقى فيه قطعتين سمبوسة و بطاطس محمرة مع رشة بهارات .. وجبة كاملة مشبعة و سعرها مناسب جدا و كمان بعد الاكل ممكن تطلب كولا او تحبس ب براد شاي ☕ او كنكة قهوة تشربها بمزاج 😇 الاكل كله كان حلو و انبسطنا جدا من الأجواء، يعني خروحة فيها تغيير جو و على فكرة في جزء عند بوابة المطعم معمول مخصوص عشان تتصور فيه مع اسرتك و صحابك بالطربوش و اليشمك بتاع زمان هتروح تديهم رقم الكوبون و مش هتدفع أي حاجة زيادة (مفيش زيادة خدمة ولا ضريبة) العنوان: شارع الامداد و التموين بحوار سيتي ستارز مول - مدينة نصر‎‏ https://www.instagram.com/p/CZd5yU3sM36/?utm_medium=tumblr
0 notes
khargny-in-egypt · 2 years
Photo
Tumblr media
‏‎هوا ع الميزان ناس كتير متعرفش حاجة عن الملابس "البالة" مع إنك ممكن تلاقي فيها كنوز و ملابس الاطفال بتبدأ من ٢٥ جنيه اشتري اللي نفسك فيه ⚖️ سعر الكيلو موحد ٤٠٠ جنيه و في كمان باسكت مليان ملابس اطفال تختاري أي قطعة منهم الواحدة ب ٢٥ جنيه كل يوم المحل بيتغذى ببضاعة جديدة عشان البضاعة بتخلص أول بأول يوميا، و كل ما تقلبي هتلاقي مفاجأت كتير تعجبك اوي 😍 خامات تقيلة "اوروبية" مبطنة بالفرو، فساتين، ملابس أطفال، چواكت فرو شتوي و چواكت فايبر و صوف ((مقاسات من اول شهر لحد ٨٠ سنة)) و أجمد حاجة بقى إن القطعة الواحد لو وزنها اكتر من كيلو بيبقى ليها limit في السعر، يعني كان في بالطو 🧥 تقيل اوي وزنه حوالي ٢ كيلو و سعره ٣٥٠ جنيه نفس ال��لام الچواكت بتشتريها بالكيلو بس اقصى حاجة ممكن تدفعها في الجاكت الواحد ٢٥٠ جنيه و تقريبا يوم و يوم بيعملوا عروض على مجموعة فساتين الواحد ب ٧٥ جنيه و البلوڤر ب ٥٠ جنيه مهما كان وزنه 👗 و موديلات اوروبية شكلها في اللبس شيك اوي و مستحيل حد يتخيل انها تكون بالسعر دا! القطعة اللي تعجبك وتلاقي مقاسك منها تبقى من نصيبك، لان كل حاجة في منها قطعة واحدة بس الملابس دي "بالة" ممكن تكون مستخدمة استعمال بسيط و في حاجات كتير لسة جديدة بال تيكيت بتاعها و النوعية دي بيسموها "كريمة" في مجال الملابس لانها بتبقى فرز اعلى من الدرجة الأولى ☝️ و تابعوا الجروب عشان تعرفوا مواعيد فتح البالات .. ساعات بيفتحوا بالات رجالي بس بيقولوا عالجروب الاول و المحل كله بيبقى رجالي في اليوم دا رقمهم 01204512220 العنوان زيارتنا كانت لفرع مصر الجديدة ٤٧ شارع كيلوبترا، بجوار ميدان صلاح الدين و مستشفى كيلوبترا اقرب محطة مترو "الاهرام" في الكوربة وليهم فرع تاني في حدايق الزيتون‎‏ https://www.instagram.com/p/CZaE5y2sz0C/?utm_medium=tumblr
0 notes
khargny-in-egypt · 2 years
Photo
Tumblr media
‏‎مبروك لمصر ❤️🇪🇬‎‏ https://www.instagram.com/p/CZXvzffsM1G/?utm_medium=tumblr
0 notes
khargny-in-egypt · 2 years
Photo
Tumblr media
‏‎تذاكر حفلي أوركسترا عمر خيرت يومي ١٠ و ١١ فبراير بالمسرح الكبير هاتكون متاحة غدا الإثنين ٣١ يناير من خلال اللينك التالي: https://ticketsmall.com/venues/OperaTickets #دار_الأوبرا_المصرية‎‏ https://www.instagram.com/p/CZXu3v2MP0y/?utm_medium=tumblr
0 notes
khargny-in-egypt · 2 years
Photo
Tumblr media
‏‎مبروك لمجتمع خرجني في مصر، وصولنا ل ١٠ الاف .❤️❤️‎‏ https://www.instagram.com/p/CZWxf9Ls-r2/?utm_medium=tumblr
0 notes
khargny-in-egypt · 2 years
Photo
Tumblr media
‏‎Stage ElNile Cafè & Restaurant فطار ب ٥٠ جنيه عالنيل مع مشروب شامل الخدمة و الضريبة😍😍 الفطار من الساعة ٨ الصبح تقعد الصبح في الشمس و تدفى 😎 تستمتع بمنظر النيل مع برج القاهرة و المكان كله عالنيل 🌊 طول ما انت قاعد بتبقى شايف اليخوت 🚤 و مفيش بينك و بين النيل غير سور إزاز شفاف .. بجد القعدة دي فيها كمية روقان متتوصفش 😍 و عندك أكتر من اختيار للفطار ب ٥٠ جنيه: فطار شرقي فول، جبنة بطماطم ، بطاطس محمرة بيض مسلوق 🥚 و عيش الفطير المشلتت نص فطيرة مع عسل ابيض 🍯و عسل اسود الفطار كونتنينتال 🧀 هوت دوج جبنة رومي، طماطم و خيار، بطاطس و عيش اي فطار من دول مع مشروب من اختيارك، شاي، قهوة ☕ شاي بلبن كل دا ب ٥٠ جنيه شامل الخدمة و الضريبة المكان عبارة عن ترابيزات كلها عالنيل و فيه جزء يعتبر indoor مع view مفتوح عالنيل روعة و ممكن كمان تحجز ترابيزة او اكتر و تعمل عيد ميلاد هناك و تختار من الزينة اللي متاحة المكان جميل اوي و هتحبوه جدا ❤️ و ممكن كمان تاخد جولة 📷 في لوكيشن التصوير بالموبايل ب ٥٠ جنيه للفرد مواعيد الفطار من ٨ الصبح لحد ٢ الظهر، و بعد كدة ممكن تطلب من منيو الغداء بيتزا، باستا في حدود ٦٠ ل ٨٠ جنيه و في كمان اختيارات تانية كتير تناسب كل الاذواق رقمهم: 01016030207 العنوان الدقي، كورنيش العجوزة، بجوار نادي اليخت .. المدخل عند ال U turn بالظبط‎‏ https://www.instagram.com/p/CZWu5c9M1YJ/?utm_medium=tumblr
0 notes